اذهبي الى المحتوى

ام مريم و رغد

العضوات
  • عدد المشاركات

    299
  • تاريخ الانضمام

  • تاريخ آخر زيارة

السمعة بالمنتدى

0 متعادل

عن العضوة ام مريم و رغد

  • الرتبة
    عضوة نشطة
  1. ام مريم و رغد

    هذا ما عوملت به بسبب نقابي

    السلام عليكــم ورحمـة الله وبركاتــة ،، معلش اتاخرت في الردود انشغلت شويه مريم بنتي كانت تعبانه شويه بس الحمد لله احسن اولا احب اشكر كل من تفاعل معايا و عبر عن رايه بجد ادتوني دفعه جامده كنت محتاجه بجد ربنا يخليكوا ليا يارب و يديم المحبه بينا اللهم امين
  2. ام مريم و رغد

    حد يعرف نـــــــــور ؟

    السلام عليكم ورحمة الله وبركاته،، موضوعك صحيح ميه في الميه و المصيبه لما تلاقي قريبتك الملتزمه المتدينه بتتابع المسلسل و تاجل اي مشوار علشانه لا و المصيبه فرحانه ان بناتها بيتابعوه و ان بنتها الي ماكملتش 3 سنين بتقعد على الارض قدام التلفزيون و اول مايجي تقول دت شوفتوا الهنا الي احنا فيه ربنا يهدينا جميعا و عامه المسلمين
  3. ام مريم و رغد

    هذا ما عوملت به بسبب نقابي

    السلام عليكــم ورحمـة الله وبركاتــة ،، مريت بموقفين في اجازتي و نزولي لبلدي حبيت اشارككم الي حصل و اعرف رايكوا و كان هايكون رد فعلكوا ايه لو كان حصل معاكوا انا منتقبه من اربع سنين وسط معارضه شديده من الاهل و تشجيع من زوجي بس نزلت بلدي في الاجازه و كنت سابقه زوجي في النزول باسبوع و معايا البنات فحب عمي و هوه في منصب مهم في جهاز مهم من اجهزه الدوله انه يساعدني في اختصار اجراءات السفر و بعت لي واحد ياخد اوراقي و يخلصها بسرعه علشان البنات الي معايا بالرغم من معارضتي الا انه اصر جزاه الله خيرا و لكوا ان تتخيلوا الموقف العجيب جه المكلف بانه ينجز اوراقي و بينده على اسمي و رديت عليه انا بصلي و قال لي معلش حضرتك لازم تكشفي وشك علشان نخلص اجراءات الوصول قلت له ماشي هاتلي واحده تتاكد من شخصيتي و خلص الاوراق رد و قال لي لا انتي لازم تخلعي النقاب خالص قلت له نعم ليه قال لي دي الاجراءات قلت له خلاص مش عايزه منك حاجه شكرا انا هامشي في الاجراءات لوحدي و رجعت اقف في صف الجوازات و كان زحمه جدا و قلت من ترك شيئا لله عوضه الله خيرا عنه و فعلا اول لما رجعت لقت الي قدامي بيقول لي اتفضلي يا مدام معاكي اطفال و لقيت ظابط الجوازات في منتهى الادب و حتى مطلبش انه يتم التحقق من شخصيتي سبحان الله الي يخلي الواحد يتقهر ان المكلف بانه يخلص اوراقي رجعلي تاني بعد الجوازات و قال لي ختمتي الباسبور طب هاتي اجيب لك الشنط (طبعا هنا انفجرت فيه ايه هوه مستعر من النقاب) قلت له لا شكرا مستغنيه عن خدماتك مش عايزه اي حاجه منك قعد يعتذر قلت له الموضوع منتهي مع السلامه عمي اتنرفز من الي حصل و قال لا مفيش اي تعليمات بالتهريج الي حصل قلت له دي فوبيا من النقاب بقى الموقف التاني ده بقى كان صعب اكتر من اي شيء كنا في عزومه عائليه مع اقاربنا و في مكان عام بس كان النساء لوحدهم و الرجال لوحدهم و بعدين بنتناقش في امور الشغل و العمل و كانت احدى القريبات من اهل زوجي محتده ان النساء يقدروا يقوموا باي شغل زي مثلا وكيل النيابه ليه مايكونش ست؟؟ و كان في معارضات لرايها بس لما انا قلت رأيي كان ردها عليا انتي اصلا متخلفه النقاب الي انتي لابساه ده قمه التخلف انا كنت بحبك بس لما لبستيه زعلت جدا ايه هيكون رد فعلكوا و انتوا بتسمعوا الكلام ده قدام اهل زوجك كلهم مجتمعين و في ناس اول مره تشوفيهم و تتعرفي عليهم في حياتك ناس مايعرفوش شخصيتك و لا تعليمك و مركزك و لا ثقافتك كنت بقول لها اسفه انا مش متخلفه و النقاب مش تخلف ( ربنا العالم كنت خايفه عليها من انيوم القيامه تيجي كل منتقبه تقتص منها عند ربنا ) و سالتها نقابي مزعلك في ايه كلامنا كله مع بعض بيدل على عقل متفتح مش منغلق على نفسه و مافرضتش على اي حد اي حاجه فارق معاكي ايه انك مش شايفه وشي و انا معاكي في خروجه ماعتقدش انه هايضرك في شيء هنا طبعا تراجعت و قعدت تقول لي انتي زي بنتي انا بحبك اوي و انا عارفه انها فعلا بتحبني بس الي موجودين مش عارفين غير انه هجوم على النقاب كملت التجمع عادي ولا اي تغيير في التعامل بالعكس كنت بعاملها هيه اكتر واحده بضحك بس طبعا جرحي الي سببته كان صعب جدا ياترى كان هايكون رد فعلكوا ايه بس انا دايما بحب ادي صوره حلوه عن النقاب و انه عمره ماكان عار و لا شيء عيب علشان نتكسف نه و لا هوه تخلف بالعكس ده قمه الاعتزاز و الفخر تعرفوا ارتحت كتير لما حكيت لكوا عن الي حصل لانه كان بيؤلمني جدا و لما اناقشه مع حد من العيله مايؤيدنيش لانهم اصلا مش موافقين عليه و نفسهم اقلعه و حجتهم غريبه اوي مانتي زي القمر اهه امال سبتي ايه للبنات الوحشين الي المفروض يتداروا تخيلوا المنطق الغريب الله المستعان و زي الي يقول لي انتي لو جيتي تعالجيني مش هارضى علشان انا مابرتحش غير لما اشوف الي بيعالجني مع اني كنت بعالج طفل اعمى و كان يتعب جامد و يقعد يعيط كانوا يندهولي علشان انا الوحيده الي بعرف اهديه و هوه سبحان الله مش شايفني خالص سبحان الله انا بحس انهم بيغالطوا نفسهم لاني لما بناقشهم مابيعرفوش يكملوا معايا خالص ربنا يعينا و يثبتنا على ديننا اللهم امين معلش طولت عليكوا بحبكوا في الله
  4. ام مريم و رغد

    تواقيع لنصرة امنا عائشة رضي الله عنها الطاهرة العفيفة

    السلام عليكم ورحمة الله وبركاته،، نقوبه يا قمر تواقيع جميله جدا جعله الله في ميزان حسناتك و جزاكي الله خيرا
  5. ام مريم و رغد

    وصفة من خبيرة التجميل

    السلام عليكم ورحمة الله وبركاته،، موضوعك تحفه يا محبه يا سكره وحشتيني اوي فعلا الوصفه دي كانت قالتلي عليها كوافيره وقت زواجي بس مع الاسف مجربتهاش بس ان شاء الله عايزه اجربها بس الي ماشيه عليها دلوقتي السمنه البلدي للشعر و فعلا هايله جدا رجعت شعري طري و ناعم بعد ما تعب خالص بسبب الهاي لايت و كان مجهد جدا جربوها برضه هاتعجبكوا
  6. ام مريم و رغد

    وحشتوني

    السلام عليكــم ورحمـة الله وبركاتــة ،، وحشتوني كلكم يا اخوات و بجد افتقدتكم بشده كانت اجازه طويله و صعبه نوعا ما الحمد لله و رجعتلكم تاني ويارب تكونوا افتقدتوني زي ماافتقدتكم و معلش طلب لي منكم دعوه بظهر الغيب لجدتي ان ربنا يرحمها و يوسع لها قبرها و يرزقها الجنه لانها توفت سادس ايام رمضان الله يرحمها و يسكنها فسيح جناته محتاجه صحبتكم و انا جييييييييييييييييييييييييييت :biggrin:
  7. ام مريم و رغد

    قطة برأسين

    السلام عليكم ورحمة الله وبركاته،، شكلها غريب بس عارفين دي سببها ايه ده بيكون انقسام في الخليه لتكوين تؤم لكن لسبب ما لم يكتمل الانقسام مما ادى الى ظهور القطه بهذا الشكل مثل التوائم السياميه
  8. ام مريم و رغد

    صفحة الأربعين النووية الأخت الحبيبة .& ام مريم ورغد & .

    السلام عليكم ورحمة الله وبركاته،، اسفه للمره الثانيه لكن لظروف سفر طرات جديده و بدون سابق انذار ساتغيب عن المنتدى لمده اكثر من شهر و ان شاء الله ابدا من جديد بعد العوده
  9. السلام عليكم ورحمة الله وبركاته،، مبروووووووووووووووك لاحلى و اجمل و اعسل (من العسل يعني ) حبوبه فرحت اوي اوي اوي ربنا يثبتك يارب و يبعد عنك شياطين الانس و الجن اللهم امين و عقبال كل الي بتتمناه و خصوصا نقوبه القمر ربنا يعينها على الي هيه فيه اللهم امين
  10. ام مريم و رغد

    تبييض المناطق الحساسة

    السلام عليكم ورحمة الله وبركاته،، لو موجوده في مصر في كريم اسمه foldex ده كريم طبي بمكونات طبيعيه يستخدم مرتين في اليوم لمده 3 شهور ارجو اكون افدتك
  11. ام مريم و رغد

    يا جماعة الحقونى النوم هيموتنى

    السلام عليكم ورحمة الله وبركاته،، حبيبتي ماعرفش اي حل تاني غير كده لان ممنوع الرسائل الخاصه بين الاعضاء ياريت المشرفات يشوفولنا حل نداء الى المشرفات حلولنا الموضوع ده معلش يا اموله هاقوم انيم مريومه دلوقتي و غالبا بيغمن عليا جنبها بس هامخمخ لك كده و نحاول نشوف حل ان شاء الله تعرفي انا عندي نسخه منك في العيله لاتطلع انتي في الاخر بس متنكره :smile: صحصحي و بلاش نوم كتير يالولو مامنوش فايده اتفقست يا كتكوت :rolleyes:
  12. ام مريم و رغد

    يا جماعة الحقونى النوم هيموتنى

    السلام عليكم ورحمة الله وبركاته،، هاتصدقيني لو قلت لك كنت متاكده تقريبا ان السبب نفسي بشكل كبير لو حابه تتكلمي ماعنديش اي مشكله و بالعكس هاكون سعيده جدا اني اساعدك على قد ما اقدر بصي يا اموله يا جميله انتي عندك 15 سنه يعني سن حرجه بيحصل فيها تغيرات نفسيه و فسيولوجيه كتير بتسبب لخبطه وبتكون الحاله النفسيه مش مستقره دي مرحله بتمر بيها معظم البنات ( لسه عندي واحده في نفس المرحله دي بنفس مشاكلك تقريبا) عايزاكي اهدى و اقوى و تقربي من ربنا اكتر و ياريت ياريت و تحطي تحتها مليون خط تقربي من مامتك و تصاحبيها و تتكلمي معاها لان في المرحله دي ساعات كتير بتتكون فجوه بين الام و بنتها للاسف مايهمكيش من حاجه و كوني قويه في نفسك و ماتهربيش ابدا الحياه عايزه مواجهه مش هروب يا قمر و زي مابقول لك لو حابه اني اسمعك انا موجوده و مش انا بس كلنا هنا موجودين علشان نسمعك و نساعدك و كلنا بنحبك و تاكدي من ده مليون الميه
  13. ام مريم و رغد

    أختكم سميرة مخنوووووقة

  14. ام مريم و رغد

    يا جماعة الحقونى النوم هيموتنى

    السلام عليكم ورحمة الله وبركاته اولا اسال الله العلي العظيم ان يذهب عنك الكسل و الخمول ثانيا حبيبتي ممكن لو سمحتي تعملي مجموعه تحاليل للغده الدرقيه علشان نتطمن ان مفيش سبب عضوي و هيه تحاليل T3 .T4 . TSH و ان شاء الله لو مفيش سبب عضوي معلش برضه ناخد فيتامينات علشان تقويكي و تنشطك شويه و المهم بقى ان الحاله النفسيه تكون تمام بمعنى انتي قلتي حاجتين لفتوا نظري و هيه انك لما بتزعلي بتنامي و انتي اصلا بتنامي كتير و اهلك بيزعلوا من نومك الكتير بصي حبيبتي النوم وقت الزعل او المشاكل ده بيكون نوع من الهروب و شكل من اشكال عدم الراحه النفسيه و هيه انك بتهربي من الواقع بالنوم و عالم الاحلام و كمان قلتي انك ماعندكيش سبب تصحي عشانه بدري طب ده معناه فراغ و الفراغ يعمل زهق و الزهق يعمل ضيق و الضيق انتي بتحليه ازاي نرجع للنقطه الاولى و هيه الهروب بتنامي يبقى يا حبوبه لازم نشغل نفسنا بحاجات مفيده اشتركي في دار تحفيظ قران او اعمال خيريه حطي في بالك انك ممكن تستفيدي من الاجازه دي بحاجات كتير اتعلمي الطبخ او الاشغال اليدويه و الاهم من ده لازم تبطلي هروب و تقدري تقاومي الموضوع ده و توقفيه و ان شاء الله مع انشغالك بالمفيد و زيادتك لقدرتك على المواجهه مش هاتنامي كتير اوي كده ايه يا ماما ده انتي في سن النشاط و الحيويه كلها تعالي نلعب سوى مع بعض اصحيلي كده و صحصحي :smile:

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×