اذهبي الى المحتوى

أم الشهداء 3

العضوات
  • عدد المشاركات

    275
  • تاريخ الانضمام

  • تاريخ آخر زيارة

السمعة بالمنتدى

7 متعادل

عن العضوة أم الشهداء 3

  • الرتبة
    عضوة نشطة

وسائل الاتصال

  • Website URL
    http://www.realdes.net/islamsignature/fem/16.gif
  • ICQ
    0
  1. أم الشهداء 3

    حكم الجمع بين الوكيرة والاضحية

    اللهم اجعله في ميزان حسناتك ونفع اللهم بك المسلمين جزاك الله خيرا
  2. السلاو عليكم ورحمة الله وبركاته كل عام أنتم بخير هل يجوز الجمع بين وكيرة الشكر وبين الأضحية وهل يجوز أن أشترك مع زوجي وابني في أضحية واحدة حيث أننا في بيت واحد ومأكل واحد وهو غير متزوج
  3. أم الشهداء 3

    عدة المرأة المتوفى عنها زوجها

    بارك اللهم في جهدك وجعله في ميزان حسناتك
  4. توفي زوج أختي وكانت فبل الوفاة بأسبوع تشعر أن شيئا سيئا سيحدث وهى أصلا شبه راقدة على الفراش من أثر عملية كبيرة في الظهر المهم أصيبت في هذا الأسبوع بحالة خفبفة من الإكتئاب أخذت على أثرها من الطبيب حبوب مهدئة وفي أشعة على الرأس قال الطبيب أنها معرضة لجلطة في الدماغ فلايجب لها الحزن ثم توفى زوجها وأخبرناها بشروط العدة وقد زادت بعدها حالة الإكتئاب فأخذت من الطبيب حبوب لذلك فهل يجوز أن تخرج بعض الأماكن مع محرم كزيارات عائلية أو شراء ملابس لحفيدها القادم مع العلم أنها ملتزمة بالزي الشرعي جزاكم الله خيرا
  5. اقرئي كأنكِ تسمعي( قصة قلب للشيخ هاني حلمي ) للشيخ / هاني حلمي قصة قلب كثير كلموني بعد رمضان يا شيخ المشكلة هنا المشكلة إننا مش لاقي قلبي أنا باحاول إني أنا أمشي في الطريق لربنا سبحانه وتعالى يمكن لسه الحمد لله مثبت أورادي والحمد لله لسه المصحف في إيدي ولسه بفضل الله عز وجل باحافظ على الحاجات الأساسية اللي لازم كل واحد مسلم ملتزم ومسلمة ملتزمة يبقوا عليها لكن فيه مشكلة فيه خلل نفسي ألاقي قلبي نفسي أحس بمعاني الإيمان في قلبي القصة قصة قلب علشان الموضوع ده قلنا إحنا لازم نناقش القضية الخطيرة دي وافردنا لها هذا البرنامج برنامج قلوب من نور فكرة البرنامج ببساطة جداً إزاي نوصل للقلب السليم أصل عنوان دخول الجنة (إلا من أتى الله بقلب سليم ) تتصوروا لو الواحد مننا بقى صاحب هذا القلب القلب قلب الخليل إذ جاء ربه بقلب سليم تبقى أحواله عامله أزاي إزاي ممكن نوصل للطريق هي دي فكرة قلوب من نور أنا عايزكم وانتم بتقروا ورد القرآن كل آية تلاقوا فيها ذكر القلب اكتبها اكتب أحوال القلوب اللي اتكلم عنها القرآن صاحب القلب المريض صاحب القلب المنيب صاحب القلب القاسي صاحب القلب المغبت هتلاقوا القرآن بيتكلم عن أنواع كتيرة من القلوب واحنا محتاجين نعرف من أي القلوب قلوبنا هو ده فكرة البرنامج مع كل حلقة هناقش حال من أحوال القلوب دي هنتكلم عن أحوال القلوب العليلة أحوال قلوبنا ونشوف إيه أسباب مرضها ونعرف علامات المرض ونعرف نصنف نفسينها ومش هسيبكم في أي حلقة من الحلقات دي إلا بواجبات عملية وبطريقة تقدر تنفذها في حياتك طريقة واقعية إزاي نوصل إن احنا نخلص قلوبنا من آفاتها البرنامج مش كلام نظري مش كلام إنشائي أنا عايز يبقى فيه تفاعل بينا وبينكم جميعاً هنفتح أكتر من دايرة اتصال بينا وبينكم هيبقى موجود إما عن طريق الموقع منهج دوت نت أو عن طريق الإيميل هنثبت بعض الإميلات ونعمل إيميل خاص بالبرنامج عاوز أسمع منكم هنبقى في كل حلقة هنعمل استبيانات واسمع منكم على مدى الأسبوع كله المشكلة اللي احنا عاوزين النهاردة نناقشها ونشوف أبعادها وخطورتها عاوز أسمع منكم إذا كان موضوع القلب ده هو أخطر موضوع بجد هاممكم وشاغل بالكم عاوزين نحط إيدينا في إيدين بعضينا عشان نوصل من خلال قلوب من نور إلى القلب السليم حط إيدك في إيدي وياله نبتدي الطريق عاوزين نوصل لقلب منير قلب مشرق قلب يعرف ربه حق المعرفة عاوزين قلوب تحبه وتخشاه عاوزين قلوب تعظمه وتهيبه سبحانه وتعالى عاوزين قلوب تعرف ربها عاوزين قلوب بجد عابده ساجده لربها عاوزين نتعلم سجدة القلب كل ده هناقشه بس حطوا إيديكم في إيدي عايز الموضوع يبقى فيه تواصل زي ما اتفقنا علشان مش هينفع أبداً الكلام ده يبقى كلام نظري أي كلام أي موضوعات ممكن نتكلم فيها إلا الموضوع ده بالذات الموضوع ده بالذات عاوز منكم مشاركة عاوز منكم تفاعل عشان نوصل للهدف مع بعض إن شاء الله هيبقى بإذن الله تعالى في البرنامج استبيانات زي ما اتفقنا هيبقى فيه بعض الا ستفتاء هيبقى ننزل في الشارع ونتكلم مع الناس ونشوف إيه أفكارهم وإيه تصوراتهم عايز أشوف منكم المقترحات والأفكار والتطبيقات العملية هاأديكم الوصفة العملية مثلاً بعد ما نتكلم عن القلب القاسي ونقول أسباب قسوة القلب وعلاج قسوة القلب عاويزكم تنفذوا التطبيقات العملية على مدى الأسبوع وتيجوا الأسبوع اللي بعديه ابعتوا لي إحنا حاولنا وما ينفعش كده وأصلح حاجه لينا كذا عاوزين نسمع تجارب حيه عشان الموضوع زي ما قلت مش هيبقى موضوع نظري القصة قصة قلب سبحان الله أنا على مدى تلات سنين اللي فاتوا كل سنة بعد رمضان أول ثاني يوم من شوال من أيام العيد تحصل آيات عجيبة جداً آية منهم ومشهد منهم خرجني بكلمة واحد هي عنوان حلقتنا قصة قلب حكي لكم بعض الحاجات الواقعية اللي حصلت معايا بالفعل كنا من تلات سنين كنت في بيت الله الحرام بفضل الله عز وجل وكان من المفترض رجوعي تالت أو رابع يوم العيد يعني فكنت بأصلي في صحن المسجد الحرام وكان الوقت ما بين المغرب والعشاء والله كده سبحان الله وأنا باصلي لقيت فيه هيصه وناس اتلمت وا وا وا يعني تجاوزت في صلاتي ببص لاقيت الشخص اللي كان جنب اللي قدامي بالظبط مات هو ساجد لما شفت الموقف كان نفسي أعرف الراجل ده مات كده تبص رجل كبير لحيته بيضاء ما شاء الله وشه متهلل الابتسامه لما يا دوبك بعد ما مات وحركوه الابتسامه في وشه ماشاء الله ميت في صحن المسجد الحرام في وقت فريد وعظيم وميت وهو ساجد اللي هيه بيقولوا عليها ميتة الملوك ملوك الآخرة بعد ما حصل الموقف ده معرفتش أكمل كان نفسي أعرف أجمع بيانات عن الشخص ده أنا هرجع واعمل محاضرة مات وهو ساجد وهجمع كل اللي ماتوا ساجدون من السلف الصالح وا وا وا بحيث إن احنا نعمل مادة عن الموضوع ده كل ما جي أعملها يتأخر كل ما أقول هعمل درس ده يتأخر لغاية ما كنت في درس من الدروس وبصيت لقيت على تليفون بعدما انتهيت من الدرس تليفونات قد كده أخ من الأخوة اللي أعرفهم بيتصل عليه بإلحاح فيه إيه والدي توفي من لحظات قليلة في صلاة العشاء وهو إمام وهو ساجد يوم الجمعة أنا قلت الرسالة واضحة يبقى اتأخرت ده كله أكيد القصة اللي أنا كنت عايز أحكيها هتطلع قصة تانية والد الأخ ده وقلت له لا يغسل والدك غيري أنا نفسي أعرف والدك إيه واجتمعت بالأخ وقلت له والدك إيه كل أعماله الصالحه ربنا جمعها له في آخر يوم كل ما كان بيعمله من إنفاق في سبيل الله من أعمال بر من أعمال خير كان ساجدا وكان هوه اللي بيصلي بالناس وفي الركعة التانية مات وهو ساجد وواحد قام وأكمل الصلاة من الصف بعده أول ما هزه لاقاه مات وهو منشرح والابتسامه على وجهه لما بدأت أنقب عن حياة الراجل ده عايز أعرف ده كان بيعمل إيه القصة كانت قصة قلب الموضوع كان هنا الموضوع بتشوف معاناة وأفعال وأحوال بتقول الراجل ده كان قلبه مختلف الراجل ده علاقته بربنا مختلفة الحاج مصطفى كان له حال مع ربنا سبحانه وتعالى ابنه بيقول لي كان والدي يقيم الليل إلا لما بعدما تزوجت ورجعت بيصت وانا في ليلة في بيته والدي كان بيخش الحمام كتير فانا شكيت لحسن يكون جاله سكر والا إيه الموضوع اكتشفت إنه في الوقت ده ورده من الليل بيحافظ عليه لقيته كان بلغ مثلاً حوالي خمسين سنة وبدأ طاعن في السن يقول في آخر كام سنة كان حافظ خمس أجزاء بقى فرحان جداً ويصلي بالناس وكان يأذن في الناس من تلاتين سنة لو شفتوه رجل طيب الفكره ما كانتش في الأعمال الفكرة كانت في القلب الحاج مصطفى اداني الإحساس ده كل ما كنت بجمع عنه معلومة كنت أقول القصة قصة قلب سبحان الله السنة اللي فاتت أخ من الأخوة اللي كانوا بيجوا يركبوا معايا السيارة ونروح ندي الدرس وكان الدرس يوم الخميس أخ تعرفت عليه من خلالها أخ طيب جداً ما شاء الله عليه ومرة واحدة سبحان الله وبرده السنه اللي فاتت وأول مشهد بعد رمضان تليفونات الأخ محمد توفي في حادث سيارة وجيت هنا في القناة وحكيت قصة الأخ محمد وقلت ملابسات الموضوع ولما تبحث في قصة الأخ وتشوف أحواله تكتشف إن القصة كانت قصة قلب قلب طاهر قلب ما يعرفش الغل ولا الحسد ولا الأحقاد ممكن تعامله متحسش إنه هو يعني تغتر فيهم سبحان الله لما تدقق وتشوف أمارات حسن الخاتمة كان بيعمل إيه ده تكتشف إن القصة قصة قلب سبحان الله السنه دي تاني يوم من العيد نفس التوقيت رسالة برده يا شيخ عايز يجي يحضر صلاة جنازة بعد صلاة العشاء زوجة أحد الإخوة توفيت النهاردة الرسالة عادية استقبلتها بشكل عادي زيها زي ما بيحصل بشكل مستمر ولاقي بعديها جنازة مهيبة تتصوروا تاني يوم العيد كنت في تاني يوم العيد غالب الناس بيروح صلة الأرحام وعيد بقى واللي خد زوجته وأهله وطلع يتفسحوا وما شابه الوقت ده الصلاة بعد صلاة العشاء الناس كلها عرفت كده الصلاة تأخرت أربع ساعات تقريباً سبحان الله الجنازة حضرها آلاف فيه ناس حضرت الجنازة قالت مين الشخصية دي دي جنازة ولا جنازة العلماء فيه ناس كانت رايحة تحضر فرح بص لاقوا الزحام ده افتكروا ان ده الفرح دخلوا اكتشفوا إن ده صلاة جنازة قعدوا فيه ناس استنوا الوقت الطويل ده وما حدش منهم قام فيه إيه مين ديه أخت عادية جداً جمعت أخبارها وحاولت أعرف كانت بتعمل إيه اكتشفت إن كل الناس اللي اكلموا عنها إنها صاحبة قلب بتوزن الأمور بطريقة مختلفة صاحبتها في حالة تعجب ودهشة دي كانت عادية جداً دي كانت مش هي يعني اللي يشار إليها بدءوا يفتشوا ويفتكروا كانت بتعمل إيه لاقوها ما بتشلش ما تعرفش المشاكل والنتشنه اللي الناس بتعاني منها هي شخصية تانية خالص هي عايشة بقلب عشان كده القصة هي قصة قلب أنا من خلال المشاهد دي كلها عايز أقرر المعنى ده أن أثمن شيء تملكه قبل كده قلت الكلام ده ليكوا وبيعده تاني لو سألتكم إيه أعظم ما تملكوه إيه أكتر حاجه إنت شايفه إنها ليها ثمن غالي وعالي وكبير أكبر شيء إيه فلوسك رصيدك بيتك زوجتك أولادك مركزك الاجتماعي اللي انت شقيت عقبال ما وصلتله إيه أثمن شيء تملكه بمنتهى الصراحة متقليش أثمن شيء أملكه طبعاً إيماني وإسلامي وكذا وتنسى قلبك أثمن شيء تملكه كل ما تفكر فيه زايل الفلوس بتيجي وتروح الأولاد هتلاقي منهم البار ومنهم العاق والزوجة ممكن تكون قرة العين وممكن تكون سبب في التنغيصات وا وا وا لأن الأول وفي الآخر متاع الدنيا القصة مش هنا خالص الوضع مش ده خالص مش هو ده أثمن ما نملك لا الفلوس ولا حطام الدنيا بكل صورها والله أثمن ما نملك القلوب عارفين ليه لأن النبي صلى الله عليه وسلم لما يقول (ألا إن في الجسد مضغة إذا صلحت صلح الجسد كله وإذا فسد الجسد كله ألا وهي القلب ) أثمن شيء قلبك لما يقول النبي صلى الله عليه وسلم إن الله لا ينظر إلى صوركم شكلي حلو شكلي قدام الناس مش قوي أنا ابن فلان في البلد أنا راكب عربية مش عارف بقد إيه أنا ساكن أنا متزوج أنا كل ده لا ينظر الله إليه لا إسمي ولا مكانتي العلمية ولا مكانتي الاجتماعية لا ينظر إلى صوركم ولا إلى أجسادكم ولكن ينظر إلى قلوبكم وأعمالكم قلبك أثمن ما تملك لأنه محل نظر الرحمن أثمن ما تملك لإن هوه الميزان فلو كان هذا القلب سليم فأعمالك على الاستقامة وعلى الدرب لو كان هذا القلب سقيم بتتعثر مش عارف قلبك لا لاقي صلة يحس بها ولا قرآن بيأثر ولا ذكر ولا موعظة تلاقي نفسك تايه حيران في الأرض لك أصحاب يدعونك إلى الهدى هنا وانت بتقول كان لي قلب القصة قصة قلبك قلبك محل نظر الرحمن ومستودع الإيمان الإيمان ما وقر في القلب جوه هنا ما سبقكم أبو بكر بكثير صلاة ولا بكثير صيام ولا بكثير ذكر ولكن بشيء كان في قلبه الإيمان هنا الأعمال كلها بيبقى ليها أثر الأثر ده تجده فين في قلبك ابن القيم بيقول ــ بين القلب وبين الرب مسافة وبين القلب وبين العمل مسافة ــ أنا باقرأ قرآن القراءة دي ماذا أثمرت في قلبي لو سابت في قلبي الأثر ولو سابت في قلبي الإيمان فهو ده يصعد إلى الرحمن يبقى المعادلة بتقول يسيب أثر في القلب قلب موصول للرب إنما العمل لازم يكون له أثر في قلوبنا عشان كده ده أثمن ما نملك لأنه محل نظر الرحمن ومستودع الإيمان قلبك من الخطورة بمكان شوفوا ربنا سبحانه وتعالى في سورة الأحزاب فيها معنى خطير قوي يقول الله " والله يعلم ما في قلوبكم وكان الله عليماً حليما " ربنا يعلم اللي في قلبي واللي في قلبك أخطر ما في الآية آخرها لما تشوف اسم الله الحبيب تعرف إنه غضبان إنه فيه حاجه بتغضبه بس بيحلم لأنه بيطلع على اللي في قلبك يلاقي امرأة بتحبها أكتر منه يلاقي فلوس بتجري عليها مقطعه قلبك دونه سبحانه وتعالى يلاقي في قلبك تعلقات بأشخاص بأحوال بمستقبل يلاقي في قلبك أشياء من الدنيا والدنيا لا يحبها اللي في قلبك ده بيغضبه بس حليم مابيعجلش بالعقوبة لكن في قلوبنا أشياء لا يرضاها ولا يحبها والله يعلم ما في قلوبكم وكان الله كان عليماً حليما ـ يا ترى لو اطلع دلوقتي على قلوبنا هتغضبه ولا ترضيه الآية خطر قوي النبي صلى الله عليه وسلم في الحديث قال :0 إنما سمي القلب قلباً لتقلبه إسمه قلب علشان إيه وقت ما تخش الصلاة تلاقي نفسك مركز خاشع ومنكسر والدمعه على عنيك وأي حاجة تلاقيك انفعلت وتأثرت وتقرأ نفس الآيات نفس الجو نفس القارئ نفس المكان ومش لاقي قلبي وتايه وسرحان إنما سمي القلب قلباً لتقلبه إنما مثل القلب كمثل ريشة في فلاة ريشه في صحراء تقلبها الريح بذراً لبطن) شوفوا الفتن شديدة إزاي تلاقي قلبك مرة واحدة مطموس مختوم عليه الران وتلاقي في قلبك مرة واحدة تكون حاسس ودايق وعارف هو ده خطورة القلب عشان كده حبيبنا المصطفى صلى الله عليه وسلم كان أكثر دعائه ( يا مقلب القلوب ثبت قلبي على دينك ) عشان كده دعوتنا من ساعة ما رمضان انتهى لغاية النهاردة واحنا بنبحث عن قلوبنا دعوتنا (ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب ) عشان القلب ما يزوغش عشان القلب ما يتحاربش لأن القصة قصة قلب تصوروا خطورة القلب ده تعالوا نقول في نقط محددة يعني ليه قلب وليه القصة قصة قلب رقم واحد قلنا علشان هو محل نظر الرحمن وهو مستودع الإيمان رقم اتنين قلنا لأنه هو الميزان فالله لا ينظر إلى صورنا ولا إلى أجسادنا وإنما ينظر إلى قلوبنا فهو الميزان عايزين نعرف إحنا صح ولا لأ ... قالوا تفقد القلب في ثلاث عشان تعرف انت فين ده الميزان عند الذكر وعند القرآن وعند الصلاة لما تقول سبحان الله لما تستغفر سرحان وغافل ولا مركز ولما تمسك مصحف وتقرا بتقرا الورد وخلاص ولا بتحس ولما تخش الصلاة بتحس بأن قلبك بيجي ولا بتؤدي الواجب هذا هو الفرق بين صاحب القلب السليم وصاحب القلب السقيم رقم تلاتة قلنا هو الملك القلب هو الملك ألا إن في القلب مضغة إذا صلحت صلح الجسد وإذا فسدت فسد الجسد رقم أربعة إنها الهدف القلب كان هدف الحبيب صلى الله عليه وسلم الأول لخطورته وأهميته تعالوا نشوف كده أول ما نزل من القرآن بعد سورة العلق سورة المدثر وفيها قال الله لنبيه ومصطفاه صلى الله عليه وسلم و(ثيابك فطهر) قالوا ثيابك فطهر أغلب المفسرين على أن الثياب هنا بمعنى القلب يعني قلبك طهره شوفوا لما نشوف شرائع الإسلام حرم الله الخمر في العام الثاني من الهجرة أي بعد بعثة النبي بخمسة عشر سنة وفرض الله الزكاة في العام الثاني من الهجرة والحجاب فرضه في العام السادس بعد الهجرة بعد تسعة عشر عاماً من بعثة النبي صلى الله عليه وسلم كل التكليفات دي جت بعد إيه بعد زكاة القلب أهم حاجه قلبك عشان كده كان هدف الحبيب الأول صلى الله عليه وسلم قلبك عشان كده أعظم قلب في التاريخ كان قلب محمد صلى الله عليه وسلم عشان كده النبي كان يعتني اعتناءً شديداً بقلوب الصحابة وهنشوف على مدى الحلقات إزاي ربى الله قلب نبيه وكيف ربى النبي قلوب أصحابة عشان نتعلم إزاي نربي قلوبنا على الإيمان القلب طهارته شرط دخول الجنة ، اكتب الآية التانية دي أنا أرى أنها أخلص آيات القرآن يقول الله جلا وعلا : (أولئك الذين لم يرد الله أن يطهر قلوبهم لهم في الدنيا خزي ولهم في الآخرة عذاب عظيم ) حاسس يعني إيه أولئك الذين لم يرد الله أن يطهر قلوبهم يا رب لا تجعلنا منهم قلبه خربان قلبه فاسد قلبه ما يصلحش فيه أنواع الخير المطهره للقلب دول ما ينفعوش دول مفتونين دول كانوا سماعون للكذب أكالين للسحت دول أكلت حرام دول بيأكلوا من الربا دول بياكلوا من الغش دا بياكل أموال الناس بالباطل آكل بالسحت فلم يرد الله أن يطهر قلوبهم دول بيسمعوا اللي ما ينفعهمش دول سماعين للكذب فعشان كده لم يرد الله أن يطهر قلوبهم يعيشوا في الدنيا في خزي في ذل يعيش الأمراض النفسية اللي الكل بيشتكي منها النهاردة وا وا وا لهم في الدنيا خزي وفي الآخرة عذاب عظيم أمين شديد يجمع عليه سوء الدنيا وسوء الآخرة شرط دخول الجنة طهارة قلبك وعنوان الولوج في النار فساد قلبك وفساد قلبي شوفتوا خطورة القلب أد إيه القصة قصة إيه القصة قصة قلب شوفوا القلب أد إيه خطير ولازم نوليه اهتمام ونوليه رعاية يقول النبي صلى الله عليه وسلم إذا عمت الخطيئة في الأرض كان من شهدها فكرهها كمن غاب عنها ـ أنا لو شفت بعنيه ممكن وما اقدرش أعمل حاجه عشان أزيله والنبي صلى الله عليه وسلم في شأن الأمر بالمعروف والنهي عن المنكر إنه على ثلاث إما أنه أستطيع تغير هذا المنكر بيدي ودي سلطة أولي الأمر أو من لي عليهم حق أو لي عليهم سيادة أو استطيع أن أغيره بلساني وديه وظيفة أهل العلم ممن لهم هذه الولاية وهذه المكانة أو على الأقل أبقى غيران بقلبي ربي بتنتهك محارمه في الأرض فقلبي غيران مش قادر يستشعر إنه حبيب القلب إنه بيعصى أمامه رأي العين فأنكرها غيره معملش حاجة أكتر من أن جوايه أكره ده فيقول النبي صلى الله عليه وسلم :( إذا عمت الخطيئة في الأرض كان من شهدها فكرهها كمن غاب عنها) كأنك بالظبط ما شفتهاش كأنك بالظبط لم تر ذلك مش عليك أي شيء المهم تكره ده شوفوا بقى القلب خطير إزاي هو مين اللي هيكره القلب قال (ومن غاب عنها فرضيها كان كمن شهدها) إنما لما يتعمل الذنب ده ويجي واحد ويقول شفت اللي حصل حصل كذا وكذا وكذا يقول ياه بجد ده إيه ده وماشي مع الموضوع وراضي إن ربنا بتنتهك محارمه إذا رضيها كمن شهدها ياخد وزرها طب ياخد وزرها ليه هو عملها آه أصله رضيها بقلبه شوفتوا قد إيه المعيار للقلب المعيار للمذنب المعيار للبرئ بالقلب لو ممكن واحد مننا مثلاً أنا الحمد لله لساني ماتجيش عليه العيبه أنا لساني ما بيجبش في سيرة الناس وهو جواه بيعمل ذنوب تانيه اسمها معاصي القلوب اللي منها بيغتاب بالقلب يعدي عليه واحد كده يبص له بصه يقول آه الجدع ده مرائي الجدع ده منافق الجدع ده بيمثل في قلبه وما نطقش بس وقرت في قلبه سفيان بيقول ـ حرمت قيام الليل ثمانين ليلة وذلك بذنب أذنبته قال مررت على رجل فقلت هذا الرجل مرائي ) بس فحرمت هو أنا ممكن أذنب بقلبي آه ما هو ده الخطر إن الواحد من جوه قاعد شايل فلان يعمل كده فيه ليه إشمعنى فلان فضل عليه( أهؤلاء من الله عليهم من بيننا) اشمعنى دول يعني ما أنا برده ومن جوه ما بيتكلمش دي اسمها معاصي القلوب ومعاصي القلوب دي أخطر من المعاصي الظاهرة أصلي المعاصي الظاهرة هتمسكها بإيدك قلت الكلمة الفارغة دي توب لربنا منها بصيت البصة اللي ما تنفعش دي استغفر ربك وغض بصرك مددت إيدك للحرام ده معروف ومفهوم إنما ذنوب القلب والله العظيم أخطر ابن القيم بيتكلم عن الكبائر الباطلة دون الرياء والعشب والمفاسد والغرور يقول وهي أشد عند الله من الزنا والسرقة أخطر من الزنا واحد بيمن على ربنا يا رب صمت رمضان وقمت رمضان وعملت خير وابتلى بعد رمضان ليه ليه ليه النهارده بعد ما خلصت الشهر على طول بدب خناقات في البيت وتحصل مشاكل ليه الرزق ما بقاش وافر بعد رمضان ليه أمرض ويحصلي ليه يشدد عليه في الابتلاء بيمن على ربنا بالعمل ابتداء يقوله أنا عملتك فانت لازم تعملي أو جوه في قلبه اللي احنا قلنا عليها أيام أحبك ربي لما قلنا أحبه إليه أحبه إلينا وتكلمنا عن المعنى العالي ده جوه في قلبه اللي بيسبب المعاصي دي كلها ذرة التسخط زعلان من ربنا شوية بس تيجي تقله زعلان من ربنا يقول استغفر الله إيه اللي بتقوله ده يا عم الشيخ ده لا طبعاً ده ربنا عظيم وجميل أعظم حد أنا بحبه يقول كده بلسانه لكن من جوه بيقول بيعمل معايا كده ليه الأمور دي أنا مش فاهمها معاصي القلب أخطر من معاصي الجوارح عشان كده القصة قصة قلب عشان كده ما بنفهمش حاجات كتير بنقعد نحسبها بأعمال الظاهرة يعني أنا الحمد لله النهاردة أورادي تمام وصلواتي تمام طب النهاردة كل اللي إنتم بتقولوا عليه ده كله ماشي إشمعنى الحاجات دي بتحصل ليه ده بيحصل واحنا بنتكلم عن خطر القلب وكنا بنقول إن أعمال القلوب دي من الخطورة بمكان لو إنك عابد لله بقلبك أعظم من عابد لله الجوارح بدون قلب ومعاصي القلب أخطر من معاصي البدن يا جماعة موضوع أعمال القلوب موضوع من أخطر ما يكون ابن القيم ليه كلام مؤداه بيقول إن مزيد الرضا الرضا ده عمل قلبي الراجل اللي النبي صلى الله عليه سلم أخبر أنه من أهل الجنة بعد ما سيدنا عبدالله بن عمر ذهب يتلصص بيعمل إيه وشاف أحواله وصلنا في النهاية الراجل ده كان إيه أكبر عمله يبيت سليم القلب قلبه سليم هو ده أعلى منزله عند الله عز وجل من أي حد هنا فيه شبهه الناس بتقول يا الشيخ ده مهمة القلب والمعاني دي أيوه صح كده على هدي النبي محمد صلى الله عليه وسلم مش القصة قصة قلب ما بصليش مش القصة قصة قلب وألاقي نفسي باضيع حقوق ربنا سبحانه وتعالى وأقول أصلي أنا قلبي عامر بالإيمان لأ لأ لأ أوعى يضحك عليك الشيطان قلبك عمره ما يبقى عامر بالإيمان من غير طاعة الرحمن الطريق لزكاة النفس وطهارة القلب بالأعمال دي الأعمال قلنا الأعمال دي هي اللي بتثمر الأحوال دي أحوال القلب دي متجيش كده بأن أنا أقعد أقول كده يا رب أنا راضي عنك ما ينفعش لازم تتعلم ولازم تعمل ولازم تتضرع ولازم تتعلم إزاي تتقرب إلى الرحمن عشان المعاني تفضل في قلبك أوعى تقولي المسألة مسألة قلب والقصة قصة قلب مش لازم اهتم بصور الأعمال فأتركها فجماعة من الذين ضلوا وانحرفوا همه اللي قالوا الكلام ده( واعبد ربك حتى يأتيك اليقين)المهم إني أنا أبقى عندي يقين مش مهم صلاة مش مهم كذا وأسقطوا التكاليف ده كلام ما أنزل الله به من سلطان النبي محمد صلى الله عليه وسلم صاحب أزكى قلب أعظم قلب في التاريخ كان يقوم الليل حتى تتفطر قدماه كان يصوم حتى لا يكاد يفطر ويفطر حتى لا يكاد يصوم كان أكثر عباد الله تعبداً أكثر عباد الله عملاً أكثر عباد الله فقهاً وعلماً يبقى النبي صلى الله عليه وسلم صاحب هذا القلب اللي هو الأسوة كان بيشتغل مش كان بيقول القصة قصة قلب وما بيعملش أوعى تقول فاهمها كده لحسن كل ما أروح أشيع جنازة وبعدين أسأل الراجل كان إيه أخباره يقول لي ده على الجنة حدف يا شخنا ليه يا عم ما شاء الله ده عمره ما جاب سيرة الناس ولا يدخل كده طيب خير الله أكبر بس كان عنده حته صغيره كده ما كنش بيصلي أول ما يسأل عنه العبد يوم القيامة الصلاة فإن صلحت صلح ما بعده وإن فسدت فسدت ما بعده ما كانش بيصلي وتقولي كان قلبه سليم لأ مش هو ده القلب القلب قلب ساجد قلب عابد قلب راضي عن الله سبحانه وتعالى قلب فاهم عن ربنا سبحانه وتعالى هو ده القلب اللي احنا عاوزين نوصله من خلال قلوب من نور . في الحلقة القادمة هنقول أي القلوب قلبك . الحلقة دي كانت المقدمة خطورة القلب وتكلمنا عن أهمية الاهتمام بالقلب وشرحنالكم فكرة البرنامج الحلقة الجاية إن شاء الله هنقول أي القلوب وهنذكر القلوب التي ذكرها القرآن القلب المطبوع القلب المنكر القلب المغبت القلب السليم هنذكر أنواع القلوب وهنسألكم بعد ذكر الأنواع دي كلها اختار بعد ما هقولك كل قلب وهقولك عنه كلمة وبعد كده هنفصل على مدى الحلقات إن شاء الله أي القلوب قلبك بالله احصروا على هذه الجلسات عشان نحط ايدينا في إيدين بعض يا رب اجعل ما قلنا وما سمعنا حجة لنا لا علينا واجعلنا من أصحاب القلوب السليمة التي تحبك وتخشاك اللهم لا تجعل في قلوبنا حباً إلا لك ولا تعلقاً إلا بك فستذكرون ما أقوله لكم وأفوض أمري إلى الله ـ سبحانك اللهم ربنا وبحمدك أشهد أن لا إله إلا أنت أستغفرك وأتوب إليك وصلى اللهم على نبينا محمد وعلى آله وصحبه وسلم .
  6. أم الشهداء 3

    الانضمام لحزب النور !

    اللهم انصر الإسلام في كل مكان وثبت علماءنا والصالحين منا على الحق اللهم لاتفتن علماءنا ولاالصالحين منا اللهم أعز الإسلام والمسلمين واحقن ـ برحمتك ـ دماء المسلمين
  7. أم الشهداء 3

    أحتاج رأيكنّ

    اللهم ارزق أم أحمد الذرية الصالحة التي تعينها على أمر دينها ودنياها هى و فاطمة وناهد وأسماء وآن وأماني وأميمة وجميع المشتقات من أزواجهن واجعلها سبب في صلاح أحوالهم الدينية والنيوية اللهــــــــــــــــــم آميــــــــــــــــــــــــن
  8. أم الشهداء 3

    هل سينهار الجبل ؟؟!!

    كنت أتمنى أخواتي ـ مع إحترامي البالغ للأخت سارة ـ أن تشاركونا تجاربكن وآراءكن لتعم الفائدة وجزاكن الله خيرا
  9. أم الشهداء 3

    أرجوا مساعدتكم

    اللهم ارفع هذا البلاء عن كافة المسلمين ذكورهم وإناثهم اللهم عف أمة محمد صلى الله عليه وسلم اللهم تب على من أراد التوبة وساعدنا وساعدهم عن عدم الوقوع في المعاصي كبيرها وصغيرها اللهــــــــــــــــــــــــم آميــــــــــــــــــــــــن
  10. أم الشهداء 3

    هل سينهار الجبل ؟؟!!

    السلام عليكم ورحمة الله وبركاته جزاكن الله كل خير على إهتمامكن بهذه المشكلة التي لازالت صاحباتها تعاني من تبعاتها وكانت تسألني عن الحل فهي تتخبط في التصرفات مع زوجها مابين شد وجذب ولاينجيها من ذلك إلاتضرعها إلى الله بالصلاة والدعاء وبالفعل تجد كرم الله معها كبير فكلما اقترب الإنهيار الأسري صلت ركعتين لله متضرعة فأزاح الله عنها هذا الإنهيار أبلغتها أمس بالرد وهي كانت تسعى للتودد إلى زوجها مجددة النية لله محتسبة للأجر لكن دائما يذكرها الشيطان بخيانته وأنه كان معها ثم يذهب لهذه المرأة سواء بالتليفون أو المقابلة أو يكون مع هذه المرأة ثم يأتي لزوجته فيحادثها أويأخذ حقه الشرعي منها وكأن شيئا لم يحدث تحاول جاهدة التغلب على ذلك وتطلب منكن الدعاء لها ولإبنتها بظهر الغيب هي قد أقسمت على زوجها ألايحبر أولاده بذلك لكنه في بعض الأحيان أثناء الجدال بينهما يهددها (( هو !!! ) بأنه سيخبر أولاده ومن حوله فهو لم يفعل خطأ وكل الرجال يفعلون ذلك اللهم امنن علينا بالطاعات واجعلنا من عبادك المصطفين الأخيار جزاكن الله عني وعنها كل خير
  11. بارك الله فيكِ أختنا الحبيبة ألا إن نصر الله قريب وجعله الله في ميزان حسناتك ونفع بك ورفع من شأنك واسمحي لي بنقله إلى منتديات أخرى ليعم النفع ـ إن شاء الله ـ ولكِ ولمن كتبت الأجر إن شاء الله
  12. أم الشهداء 3

    خواطر حاجه تابعوني

    حياكِ الله أختي الحبيبة دعاء الكروان اللهم اجمعنا بكِ وبكل المشتاقين حول بيته المحرم في الدنيا وفي الآخرة على سرر متقابلين
  13. أم الشهداء 3

    خواطر حاجه تابعوني

    بارك الله فيك أختي أم عمار وعبد الرحمن جعلنا الله وإياكِ من المشتاقين دائما للبيت الحرام وممن تتعلق قلوبهم به وأن يمن علينا وعلى كل المشتاقين بزيارة بيته المحرم
  14. أم الشهداء 3

    خواطر حاجه تابعوني

    جزاكِ الله خيرا حبيبتي ارضَ عني على مروركِ العطر وبارك الله فيك على هذه القصيدة التي حركت المشاعر فاللهم لاتحرمنا وجميع المشتاقين حج بيتك مرات عديدة في عبادة وليس عادة
  15. أم الشهداء 3

    خواطر حاجه تابعوني

    بارك الله فيكِ أختي الحبيبة منال كامل اللهم انفع بكِ اللهم أكرمنا وجميع المشتاقين بزيارة بيتك مرات عديدة في عبادة ولبيت عادة اللهم فرج كربنا وكرب جميع المسلمين أسعدني مروركِ حبيبتي

منتدى❤ أخوات طريق الإسلام❤

‏ قال الإمام ابن القيّم رحمه الله : ‏ ‏ومن عقوبات الذنوب : ‏ " ‏أنهـا تـزيـل النـعم ، ‏وتحـل النــقم ، ‏فما زالت عن العبد نعمة إلا بذنب ، ‏ولا حلت به نقمـــة إلا بذنب" ‏ ‏الداء والدواء ( ١٧٩/١)

×