اذهبي الى المحتوى

ام سيما

العضوات الجديدات
  • عدد المشاركات

    159
  • تاريخ الانضمام

  • تاريخ آخر زيارة

السمعة بالمنتدى

0 متعادل

عن العضوة ام سيما

  • الرتبة
    زهرة متفتّحة
  • تاريخ الميلاد الأحد 6 تـمـوز 1980

وسائل الاتصال

  • Website URL
    http://
  • ICQ
    0

معلومات الملف الشخصي

  • المكان
    مصرية في امريكا
  • الاهتمامات
    القراءة
  1. ام سيما

    للمتأخرات في الحمل

    بســم الله الـرحمــن الرحيــم ربنا يبارك فيكم يا رب ويرزقكم من حيث لا تحتسبوا يارب ما تحرم ولا واحده نفسها في الذريه الصالحه ابداً ربنا يخليكوا ليا ويديكم على قد نيتكم الطيبه الخالصه وصدقوني انا كنت وصلت لمرحلة سلمت فيها امري لله ورضيت بقضاؤه وبإني مش حخلف خالص ولما شيلت الموضوع ده من دماغي خالص حصل وبسرعه كمان فأنصحكم بعد الدعاء والاستغفار انكم تشيلوا الموضوع من دماغكم خالص وتحاولوا تحسنوا من حالتكم المزاجيه بالسفر او الخروج وربنا يدي كل مشتاقه يا رب
  2. ام سيما

    للمتأخرات في الحمل

    بســم الله الـرحمــن الرحيــم اخواتي المتأخرات في الحمل انا بكتبلكم بعد غيبه طويله ومعاناه كبيره وفرج من اكرم الاكرمين ممكن تكونوا نسيتوني او مش فاكرينني بس ححاول افكركم بيا انا كتبت كذا مره هنا في المنتدى الجميل عن معاناتي مع الحمل ومشاكلي مع اهلي واهل زوجي وعمليات الحقن المجهري الثلاثه اللي عملتهم وللأسف الشديد محصلشي نصيب ولم ارزق بالاطفال ومن سنتين تقريباً كتبت مشكلتي مع اهلي اللي كانوا عايزين يطلقوني من زوجي بسبب عدم الانجاب واخت فاضله اديتني موقع شيخ جليل نصحني احسن نصيحه واخدت بيها انا عايزه اقول لكم بس ان مفيش احسن من الصبر الجميل وفعلاً ان مع العسر يسراً وانا كنت في ضيق شديد وفكرت اكتر من مره بالذهاب لدكتور نفساني بدون علم اهلي او زوجي اختصاراً للكلام اني اخدت بنصيحة الشيخ واستمريت مع زوجي اللي بحبه ومتمسكه بيه جداً وسافرت ليه بدون رضى اهلي ومن اول اسبوع في الغربه وبدون عمليات اكرمني رب السماوات والارض بالحمل ورغم ان كان فيه صعوبات واجهتني في الحمل الا ان زوجي لم يتركني دقيقه واحده واتم ربي الحمل على خير ووضعت طفلي الحبيب وعانيت الامرين في الولاده وبعد الولاده من مضاعفات غريبه ولم يتركني زوجي لحظه اخد اجازه من الشغل وقعد يرعاني ويرعى ابني ويلف بيا المستشفيات في نص الليل ومعانا الولد اللي لم يكمل اسبوع بدون دخول في تفاصيل المشاكل الصحيه اللي عانيت منها بعد الولاده ربنا كرمني بولد عنده دلوقتي 8 شهور ولاني خبيت على الجميع خبر حملي حتى اهلي واهل زوجي مكانشي حد مصدق اني خلفت والكل اعتقد اني كفلت طفل يتيم ولان الله اكرم الاكرمين ابني طالع نسخه مصغره من ابوه كإنه جاي يقول للعالم انا ابنه بجد وكمان زوجي صور عملية الولاده حتى يتأكد الجميع انه ابني انا كمان وانا دلوقتي في بلدي مع زوجي وابني وفي وسط الاهل اللي مبقاش فيه مشاكل بيننا وبينهم خالص وبكتبلكم علشان متيأسوش ابداً وتخلوا املكم في الله كبير واوصيكم بالدعاء ثم الدعاء ثم الدعاء وخاصة وقت الاذان وبين الاذان والاقامه وفي كل صلاه والله العظيم اني في ولادتي دعيت لكل واحده نفسها تحمل ربنا يكرمها ويفرح قلبها ويرزقها الذريه الصالحه لان محدش يحس بيكوا اكتر من اللي كانت زيكوا وربنا يفرح قلبكم كلكم يارب ويرزقكم زي ما رزقني اختكم ام اياد حالياً

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×