اذهبي الى المحتوى

ياقوته

العضوات
  • عدد المشاركات

    741
  • تاريخ الانضمام

  • تاريخ آخر زيارة

السمعة بالمنتدى

0 متعادل

عن العضوة ياقوته

  • الرتبة
    عضوة نشطة جداً
  1. السلام عليكم ورحمة الله وبركاته أخواتى الحبيبات .......عندى موضوع ومحتاجه المشوره فيه وطبعا لثقتى فيكم وانى عارفه انكم هتقولو رايكم بما يرضى الله وهتعطونى الراى الصائب باذن الله هعرضه عليكم انا طبيعتى انى بحب اكون ف حالى ومش من النوع الى بتعرف على ناس كتير وطول عمرى كده كل علاقاتى بجيرانى يدوب فى المناسبات ونسلم على بعض لما نتقابل وبس لكن من سنتين اشترينا شقه بفضل الله وليا جاره فى الشقه الى أمامى الست دى أخوها صديق زوجى من الطفوله لغاية الان ...... وطبعا زوجى عارف العيله دى كويس فقالى مفيش مشكله من تعارفك على الست دى انا عارفهم ناس كويسين وكده انا اصلا زوجى بيسافر يشتغل وبييجى فى الصيف بس والست دى كمان زوجها بيشتغل وبيجي اجازات معلش طولت فى المقدمه بس عشان تكونو ملمين بظروف الموضوع المهم انى اتعرفت عليها وبنزور بعض بس من يوم ما عرفتها وفيه حاجات مضيقانى ومش مريحانى خالص بس اتعرفت عليها اولا بنية الدعوه لله وكمان لقيت عندها مخالفات كتير فقلت هتحمل واكمل وخلاص عشان الدعوه يعنى مثلا اول ما جت شقتى بقت تقولى انا كان نفسى اشترى شقتك دى بس مكنش معانا فلوس تكمل شوفى الفرق بينها وبين شقتى شقتى وحشه اوى كان نفسى اوى فى دى مثلا طول الوقت تقولى كل حاجه ف شقتك جميله حتى ولادك دايما مرتبين انتى بتجيبى وقت لكل ده منين لو قدمت لها حاجه تقولى انتى شاطره اوى كل حاجه فى حياتك حلوه ممتازه فى كل حاجه وانا دايما ارد واقولها مفيش حد ممتاز فى كل حاجه وعنده كل حاجه كل انسان عنده عيوب وناقصه حاجات كتير تقولى لا انتى لا يا بخت جوزك بيكى عارفه انا جوزى كان المفروض يتجوزك انتى لانك فيكى كل المميزات الى هو عايزها لكن انا لا وتقولى انتى وجوزك دايما كويسين مش بنسمعكم تتخانقو خالص حتى ربنا رزقك بزوج طيب انا بستغرب عليكى ( مع انى طول ما زوجى او زوجها موجود مش بنزور بعض غير قليل جدااااااااا وانا الى فهمتها ان ده الى هيحصل لما ازواجنا ينزلو اجازه بس بطريق غير مباشر) وتقولى يا بختك منتقبه ومش بتشوفى مسلسلات ودايما اشوفك قاعده ف بيتك كده لا بتروحى ولا تيجى وواخده بالك من ولادك نفسى اوى اكون زيك انا بحس انى ولا حاجه لما بشوفك واقعد معاكى (هى يوميا لازم تخرج عند مامتها او اختها او اى حد لااااااااااازم ) فبحاول انصحها وافهمها اهمية قعدة الست ف بيتها وكده دا غير بقه ان بنتها اكبر من بنتى بسنتين انا بنتى عندها 6 سنين وهما بيبقو يلعبو مع بعض ع السلم فبنتها بقه دايما لو شافت بنتى لابسه حاجه جديده تقولها ده وحشه لو معاها لعبه تقولها وحشه او انتى شكلك وحش مع ان بنتى الحمد لله والله مش كده خالص وتقعد تقولها هاتيلى لعبه معينه مثلا اخدها ليا عشان العب معاكى ولو مجبتيهاش مش هلعب معاكى وهى الست بنفسها بتقعد تسال بنتى انتم طابخين ايه او مين الى كان عندكم ومراقبه كل تحركاتنا وانا مش بحب كده خالص لانى اصلا ف حالى والحمد لله عمرى ما شغلت نفسى بغيرى وبنتى بقه تيجى تقولى حقه يا ماما انا وحشه وفلانه حلوه طبعا بتجنن او هاتيلى فلوس اجيب حاجه حلوه عشان العب معاكى المشكله بقه ان بنتى شخصيتها ضعيفه شويه فالبنت دى بتحاول تسيطر عليها وتخليها تعمل الى هى عيزاه يعنى حتى لو انا اتحملت وجيت على نفسى مش هقدر اسيب بنتها تعمل ف بنتى كده انا بقالى فتره باعده نفسى شويه على ما اشوف هعمل ايه لقيتها جايه لى وقاعده تقولى انا بحبك اوى وانتى غيرتى حياتى كتير اوى واثرتى فيا متسبنيش وتبعدى عنى انتى واخده جنب منى ليه وقعدت تعيط بعد ما كنت قررت انى خلاص هحدد علاقتى جدا بيها وتبقى سطحيه خالص صعبت عليا وف نفس الوقت خايفه اكون كده بتخلى عنها وعن دورى فى دعوتها خصوصا انها بصراحه عندها استعداد وبتتقبل منى الكلام وعشان اكون حياديه هى انسانه محترمه بجد وبتحبنى اوى وبتاخد رايى ف حاجات كتير وبتعمل بيه كمان حاسه انها معادله صعبه ارجوكم بجد محتاجه رايكم اوى واى اخت تدخل تحاول تقولى رايها
  2. جزاكِ الله خيرا حبيبتى على الموضوع الرائع اختى ام صلاح الدين .......انا كمان على حد علمى فوط اولويز يجب مقاطعتها وانصحك باستخدام نوع اسمه برايفيت بصراحه ممتاز جدا وانا مرتاحه فى استخدامه خالص اختى الى بتسال عن موضوع حلاقة العانه وخشونه الشعر حبيبتى بعد حلاقة الشعر مباشرة نظفى المكان بمطهر وادهنيه بزيت بكريم مرطب او اى زيت للجسم باذن الله مش هيعمل لك حكه ولا هيكون خشن جدا ومره على مره هيكون افضل بكتير وصدقينى هترتاحى جدا انا كمان كنت بستخدم الحلاوه من سنين كتيره ومكنتش برتاح ابدا للحلاقة لكن لما عرفت انها سنه حاولت وقلت هستحمل وبدات ادور على النت على حاجات تخلى الشعر انعم والمكان انظف وكانت النتيجه الى قلت لك عليها دى
  3. ياقوته

    إلى أختى الحبيبه أمة الرحمن

    السلام عليكم ورحمة الله وبركاته أختى الحبيبه .... أمة الرحمن قرأت لكِ هذه المشاركه وحبيت أستفسر منك على حاجه انا عندى براون برده وفيها الشفره وحاولت استخدامها لمنطقة العانه بس بصراحه خفت اصل تجرحنى فياريت لو ممكن تقوليلى ازاى استخدمها وازاى اُحسن استخدامها زى ما قلتى وكمان ازاى اخلى المكان ناعم لانى لما جربت الشعر كان موجود لكن قصير جدااااااااا وزيت الزيتون بعد الحلاقه على طول ؟؟؟؟؟؟؟؟؟ وجزاكِ اله كل خير يا أختى و أتمنى من اى أخت تعرف الرد ترد
  4. وعليكم السلام ورحمة الله وبركاته جزاكِ الله خيرا حبيبتى ماشاء الله موضوع مهم وانا من زمان نفسى اعرف نوع بشرتى والحمد لله عرفتها هى جافه متابعه ان شاء الله معاكى
  5. السلام عليكم ورحمة الله وبركاته ماشاء الله لا قوة الا بالله انا لسه مكملتش قراءة بس عجبنى اوى الموضوع جزاكن الله كل خير ممكن اشترك والا خلاص مينفعش ؟؟؟؟؟؟؟؟؟
  6. ياقوته

    كنت ملتزمه وترجعت.......و أود العوده !!!!!!!!!

    أختى الحبيبة الطالبة الداعيه ماشاء الله لا قوة الا بالله بجد كلامك يشد العزم ويعلى الهمه جزاكِ ربى جنات النعيم يا غاليه وأحبكِ الله الذى أحببتنى فيه وجزاكِ الله خيرا على هديتك الرائعه ولو بناتى شافوها هيحبوكى اوى ويقولو عايزينها بجد :grin: فعلا عندك حق فى كل كلمه وانا سعيده جدا بكلامك الرائع واتمنى تقوليلى على محاضرات تساعدنى اكثر وطولى براحتك يا حبيبتى كله افاده باذن الله واذا عندك اضافه انا بانتظارك 8-) احبك فى الله
  7. ياقوته

    كنت ملتزمه وترجعت.......و أود العوده !!!!!!!!!

    فيه حاجات كتير معتش عندى فيها خالص مثلا الصلاة على وقتها ...... يعنى غالبا بصلى بعد الاذان بفتره وكمان حفظ القرآن ........ معنتش بحفظ غير كل فتره طويله اقول خلاص هلتزم بالحفظ واحفظ يوم واقعد بعدها اسبوعين مثلا مع انى فى الفتره الذهبيه الى قلت لكم عليها ماشاء الله حفظت جزء كبير جداااااااا من القرآن دلوقتى حتى معنتش براجع ونفسى اعرف ايه الحاجات الى تعلى همتى وتشد من عزيمتى بحيث اواصل طريقى بدون تخبط لانى بقيت بعانى جدااااااااا من انى اعمل طاعه وبعدها تقصير مباشره وهكدذا ممكن ف اليوم الواحد تتغير همتى اكتر من مره شويه فوق وشويه تحت يعنى مش فترات وفترات ده فى نفس اليوم عايزه اقوى عزيمتى واكون حتى لو همتى قلت اكون فى نطاق النشاط برده يعنى مش يبقى تراجع جااااااااااااامد معلش كلامى ملخبط لكن ده الى جوايا بجد عايزه نصائح بالتفصيل وكل واحده ياريت متبخلش ولو باى نصيحه لانها اكيد هتفرق معايا
  8. ياقوته

    كنت ملتزمه وترجعت.......و أود العوده !!!!!!!!!

    يا ربى معقوله زهره ومروه لسه فاكرينى ؟؟؟؟؟؟؟؟ انا كمان والله فكراكم كويس اوى وبكيت لما شفت مشاركتكم زهره حبيبتى انتى لسه فاكره كلامى ومواضيعى سبحان الله تخيلى انا لسه فاكره كلامك برضه فى موضوع النقاب ده وانك كنتى من اول الناس الى وقفت جنبى وشجعتنى جداااااااااااا سبحان الله مروه حبيبتى ....وحشانى كتيييييييييييييييير وسبحان الله فعلا انا لما لقيتنى مع مرور الوقت ببعد اكتر واكتر عن الالتزام ملقيتش مكان اروح له غير هنا ونفسى اوى ارجع احس احساس زمان لما بدخل المنتدى هنا كنت بحس انى رايحه بيتى التانى وكنت بدخل ادور عليكى فى المتواجدات مش بلاقيكى وف مره رديت على موضوع لكِ بس تقريبا انتى مشفتيش الرد يا ربى لك الحمد كما ينبغى لجلال وجهك وعظيم سلطانك انا سعيده جداااااااااااااا وبجد مش عارفه ليه كنت خايفه محدش يهتم بموضوعى ويرد عليا بجد نفسى اوى الاقيكم معايا لغاية ما ارجع تانى وكل واحده تقولى ازاى اتخطى العقبات الى بتواجهنى ف الرد الجاى باذن الله هكمل موضوعى
  9. ياقوته

    كنت ملتزمه وترجعت.......و أود العوده !!!!!!!!!

    حبيبتى جهاد وكفى .... بارك الله فيكِ وأثابكِ بجد كلماتك أسعدتنى جدا جدا وانا عرفاكى باسمك السابق برده ولكن لم يتسنى لى المعرفه عن قرب وتشرفت بجد بمعرفتك وحاسه بكلامك انه م القلب اوى وانتظر عودتك للموضوع وطبعا اقبل واتمنى صداقتك اختى أحزنتنى ذنوبى ... جزاكِ اله كل خير على ردك الغالى يا حبيبتى لكن انتى فهمتينى غلط خالص وتفكيرك اتوجه لوجهه غير الى انا اقصدها تماما انا مش قصدى عدد الردود وكده ووضحت ده فى ردى على ام عائشه انا اصلا يمكن المواضيع الى كتبتهم غير طلب استشاره او حاجه شخصيه هما 2 تقريبا انا قصدى انى محتاجه حد يشجعنى وياخد بايدى لطريق الالتزام ويبقى معايا عشان امشى صح وبدون تخبط وبدون تراجع بس كده مش قصدى ان محدش بيرد على مواضيعى ودى والله ربنا يعلم مش من حساباتى اصلا لان نيتى بتكون انه لوجه الله وفقط ولما بكتب موضوع فى اى مكان فعلا قبل عدد الردود بشوف عدد القراءات وبكون سعيده جداااااااااا كل ما تزيد ولو محدش رد خالص مش بزعل والله ولو زعلت بجدد النيه وبطلب من ربنا العفو والاخلاص وبالطبع حبيبتى اقبل كلامك وصداقتك أسعدكِ الله فى الدارين حبيبتى
  10. ياقوته

    كنت ملتزمه وترجعت.......و أود العوده !!!!!!!!!

    حبيبتى جهاد وكفى .... بارك الله فيكِ وأثابكِ بجد كلماتك أسعدتنى جدا جدا وانا عرفاكى باسمك السابق برده ولكن لم يتسنى لى المعرفه عن قرب وتشرفت بجد بمعرفتك وحاسه بكلامك انه م القلب اوى وانتظر عودتك للموضوع وطبعا اقبل واتمنى صداقتك اختى أحزنتنى ذنوبى ... جزاكِ اله كل خير على ردك الغالى يا حبيبتى لكن انتى فهمتينى غلط خالص وتفكيرك اتوجه لوجهه غير الى انا اقصدها تماما انا مش قصدى عدد الردود وكده ووضحت ده فى ردى على ام عائشه انا اصلا يمكن المواضيع الى كتبتهم غير طلب استشاره او حاجه شخصيه هما 2 تقريبا انا قصدى انى محتاجه حد يشجعنى وياخد بايدى لطريق الالتزام ويبقى معايا عشان امشى صح وبدون تخبط وبدون تراجع بس كده مش قصدى ان محدش بيرد على مواضيعى ودى والله ربنا يعلم مش من حساباتى اصلا لان نيتى بتكون انه لوجه الله وفقط ولما بكتب موضوع فى اى مكان فعلا قبل عدد الردود بشوف عدد القراءات وبكون سعيده جداااااااااا كل ما تزيد ولو محدش رد خالص مش بزعل والله ولو زعلت بجدد النيه وبطلب من ربنا العفو والاخلاص وبالطبع حبيبتى اقبل كلامك وصداقتك أسعدكِ الله فى الدارين حبيبتى
  11. ياقوته

    كنت ملتزمه وترجعت.......و أود العوده !!!!!!!!!

    حبيبتى أم عائشه ..... اسعدنى جدا ردك وكلماتك الرقيقه حبيت اوضح بس انى مش قصدى ان حد يرد على موضوعى يعنى يشكرنى وكده لا خالص فانا والله لما بكبتب موضوع بكون كتباها ابتغاء مرضاة الله ولا أنتظر الشكر من اى احد ولا جزاء الا من الله سبحانه وتعالى انا اقصد المؤازره والتشجيع ووجود الصحبه التى تهتم لامرك بالتاكيد يشجع على المواصله ويشحذ الهمم وخصوصا بحديثى الالتزام لانهم يحتاجون من ياخد بيدهم ويشجعهم على المواصله وارشادهم للطريق والوجهه الصحيحه وانا بالفعل اواجه صعوبات للعوده لطريقى ولكن لى عوده لطرحها عليكن باذن الله
  12. السلام عليكم ورحمة الله وبركاته اخواتى الحبيبات .... ترددت كثيرا قبل كتابتى لهذا الموضوع ولكن اخيرا قررت كتابته وكلى يقين باذن الله أنكم مش هتتخلو عنى واكيد هتاخدو بايدى من 3 سنوات دخلت هنا الى المنتدى قدرا وكان بالنسبة لى قارب النجاه .. وهو ما وجدت فيه كل ما كنت ابحث عنه فانا كت مختمره والحمد لله واحاول الالتزام ولكنه لم يكن الالتزام الذى تتوق إليه نفسى ولم اكن اعرف من اين أبدأ ولا كيف أبدأ ويوم دخلت هنا لهذه الصفحات وجدت مبتغاى وكأننى وجدت دنيا جديده وناس جدد لم ارهم ولا ارى مثلهم من قبل فقد نشأت فى اسره عاديه جدا وبفضل من الله تعالى تغيرت حياتى كثيرا وكثيرا بعد دخولى الى هنا فكان هذا المنتدى سبب كبير فى انتقابى بفضل الله وفى إقبالى على حفظ القرآن زتغيرى مع زوجى للأفضل بفضل الله تعالى وكثير من الاشياء لم اكن احلم بان احققها .......... ولكن !!!!!!!!!!!!!!!!!!!!! بعد كل ما حكيت لكن ايضا هذا المنتدى كان سبب فى تراجعى جداااااااااااااااااا فى كل ما تقدمت فيه لانى صدقاً لم أجد الصحبه الصالحه نعم ماشاء الله تبارك الرحمن كل الاخوات هنا فيهن كل خير واقولها من كل قلبى وأشهد الله على ذلك وكثيرا وقفن بجابنى ونصحنى ودعون لى ولكن انا ابحث عن الصحبه وجود الاخوات الصالحات مهم ولكن اريد عندما اغيب اجد من يسال عنى عندما اكتب موضوعا اجد من تساندنى احس بوجودى بينكن وان هناك ممن أحببت يهتمون لامرى وعندما اواجه مشكله فى التزامى أجد من تؤازرنى ......أتمنى أن يصل كلامى إلى قلوبكن فانا ولله الحمد منتقبه وأصلى واقوم بواجباتى ولكنى رجعت لنقطه البدايه من حيث الهمه وحفظى لكتاب الله وتعاملاتى مع زوجى وبناتى لم اعد ارى فى نفسى تلك المرأه المسلمه المتميزه اللتى كنت أرى قبل 3 سنوات ........تلك الفتره التى كنت ارى نفسى انسانه اخرى أحببتها كثيرا انسانه اخرى غير التى ارى الأن إنسانه طالما حلمت أن أكون هى تلك الفتره واللتى اسميها "الفتره الذهبيه"ولت ورحلت عنى دون عوده حتى الآن أود إسترجاعها بكل ما فيها هل ستساعدننى ؟؟؟؟؟؟؟؟؟؟؟؟؟؟
  13. ياقوته

    حقاً ومن يتق الله يجعل له مخرجاً ويرزقه من حيث لا يحتسب

    وعليكم السلام ورحمة الله وبركاته ماشاء الله حبيبتى فعلا " اصدق الله يصدقك " انا كمان منتقبه وبتعرض كتير للمواقف دى والله المستعان
  14. ياقوته

    اعمل ايه مع جارتى؟؟؟؟؟؟؟؟

    حبيبتى ريحانه ....جزاك الله خيرا لكن بصاحه انا مكسوفه اقوله كده واصدها بشكل مباشر كده وخلى بالك صعب انى اكون رحت عندها وامنعها من الدخول عندى بدون سبب ( من وجهة نظرها يعنى ) وفعلا انا خايفة اوى ادخلها عندى أمة الرحمن ........ حبيبتى انا فعلا فكرت فى الحل ده بس خايفة انى كده اكون بكذب عليها لكن يعلم ربى انى بدفع عنى ضرر انا متاكده منه وكمان المشكله انها سالتنى انتى موصله النت منين فقلت لها قمت قالت لى اعوذ بالله منهم ........ قلت ليه بس دول ناس محترمين جدا وذوق خالص وانا بصراحه مشفتش منهم حاجه وحشه قالت لى النت بيفصل ........ قلت لها لا خالص دا ممتاز شفتو بقه الى انا عملته فى نفسى مكنتش اعرف الى فيها ................................................................................ .... انا بفكر استغل فرصة ان الجو هوا وكده وافصل النت واقولها انهم فصوله عشان الهوا جامد والكهرباء مش مضمونه فخافين ع الجهاز الى عندهم او ابعت اقولها اننا خلاص مش هناخد باقى الحقن واننا رايحين عند مامتى برده كذب وانا خايفه اكذب خايفه من ربنا مش عارفه انا خايفه اوى وحاسه ان ده خطر بيهددنى وكمان عايشه لوحدى خالص ومامتى فى بلد تانيه
  15. السلام عليكم ورحمة الله وبركاته أخواتى حبيت اخد رايكم فى موضوع وان شاء الله واثقه انكم هتقفو جنبى انا علاقتى بجيرانى محدوده جدا وده لاسباب ومنهم جاره عندها كثير كثير من المخالفات الشرعيه يعنى هى عندها اربع بنات وهى وبناتها متبرجات جدااااااااااااا ومش بيصلو ودايما مشغلين اغانى ومخالفات كتير بصراحه حتى لما شافتنى اول مره فاستغربت انى لابسه النقاب وقالت لى ليه يا بنتى عامله فى نفسك كده !!!!!!!!!!!! دا انتى لسه صغيره وكمان لما عرفت انى بروح تحفيظ قران قالت لى ليه !!!!!!!!!! اه يا يانى اعمل ايه بس من كم يوم يمنى بنتى عمرها 8 شهور تعبت اوى واحتاجت تاخد حقن فرحت للست دى بقيت اروح لها مره الصبج ومره بالليل والنهارده الصبح لقيت الست دى بتسالنى انتم عندكم كمبيوتر قلت لها اه قالت لى ونت ؟؟؟؟؟؟؟ قلت لها اه قالت لى طيب خلاص متجيش وانا هجى اعطى ليمنى الحقنه عشان اقعد ع النت اصل كان عندى نت وشلناه وهبقى اجيلك بقه طالما عندك نت عشان اقعد عليه قولولى اعمل ايه يا بنات انا مش عايزه الست دى تاخد على بيتى خااااااااااااااااااالص ولا تيجى عندى اصلا اعمل ايه خايفه اوى وانا زوجى مسافر ومحبش اعرض نفسى لامور زى دى وكمان معرفش حدودها ايه ع النت لانهم منفتحين اوى ومعندهم حرام ولا كده قولولى بسرعه الله يكرمكم لانها المفروض انها تيجى بالليل

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×