اذهبي الى المحتوى

رياحينو

العضوات
  • عدد المشاركات

    1438
  • تاريخ الانضمام

  • تاريخ آخر زيارة

  • الأيام التي فازت فيها

    3

كل مشاركات العضوة رياحينو

  1. الكلمات دي غيرت ناس كتير بفضل الله انا عيزاكي تركزي معايا تركيز ملوش اول من اخر اتفقنا؟؟ بالله عليكي بجد انا قعدت في كتابة المحاضرة دي اقسم بالله 4 ساعات واكتر كمان دي اكتر محاضرة تعبتني اوووووووي وكنت حريصة ان اي حديث يكون صحيح 100% طلب ورجاء منكم تدوا لنفسكم فرصه تلت ساعه لقرايه المحاضرة انا مستخسرتش فيكم 4 ساعات من وقتي وربنا عالم انا ورايا ايه وسيباه فمتستخسروش ف نفسكم تلت ساعه من وقتكم المحاضرة دي حساسه جداااااااا لو مركزتيش مش هتفهمي انا عايزة اقول ايه وهتاخدي الكلام ع اني برعبك ولو خوفتي مش هتعبدي ربنا صح ربي اشرح لي صدري ويسر لي امري بصو يابنات الموضوع دا نقطه ضعفي يعني كل ما تيجي سيرته او اسمع اي حاجه عنه اعيط روى مسلم ( 588 ) عَنْ أَبِى هُرَيْرَةَ قَالَ : قَالَ رَسُولُ اللَّهِ صلى الله عليه وسلم : ( إِذَا تَشَهَّدَ أَحَدُكُمْ فَلْيَسْتَعِذْ بِاللَّهِ مِنْ أَرْبَعٍ ، يَقُولُ : اللَّهُمَّ إِنِّي أَعُوذُ بِكَ مِنْ عَذَابِ جَهَنَّمَ ، وَمِنْ عَذَابِ الْقَبْرِ ، وَمِنْ فِتْنَةِ الْمَحْيَا وَالْمَمَاتِ ، وَمِنْ شَرِّ فِتْنَةِ الْمَسِيحِ الدَّجَّالِ ) . ايوة كلامنا عن القبر وعذابه والعياذ بالله لا خدي عندك استني اتفقنا هنقرا للاخر عشان خاطر ربنا افهمي انا عايزة اقول ايه وقصدي ايه ربنا يسترك هنتكلم تحديدا اكتر عن العذاب ليه؟؟ عشان نعرف نطيعه عشان نحس بقوته وعظمته وغضبه اذا غضب ورحمته اذا رحم طب دا يفيدنا بايه يا نسمة؟ هيفيدك جدااااا وهتشوفي لانك لما تعرفي اسباب العذاب هتتجنبيها ع اد ما تقدري وانتي ف الاخر المستفاده اللي هتنجي باذن الله من عذاب القبر بصي الحديث دا قال رسول الله صلى الله عليه وسلم: لولا أن لا تدافنوا لدعوت الله عز وجل أن يسمعكم [ من ] عذاب القبر [ ما أسمعني ] الراوي: أنس بن مالك المحدث:الألباني - المصدر: السلسلة الصحيحة - الصفحة أو الرقم: 158 خلاصة حكم المحدث: إسناده صحيح يعني ايه الكلام دا؟؟ الرسول عليه الصلاة والسلام بيقولنا كنت عايز ادعي ربنا انكم تسمعوا اصوات الناس ايلي بتتعذب ف القبر بس لولا اني خايف لحسن متدفنوش بعض من رعبكم وخوفكم من اللي هتسمعوه...كنت دعيت هتقروا دلوقتي حديث طويل ومرعب جدا بس لازم تقروا لانه بيلخص اشكال العذاب ف القبر بس بصوا زي ما تعودنا بقى انا هكتب الحديث باللون الاسود وهتلاقوا ف النص لون احمر دا الشرح بتاعي قال رسول الله صلى الله عليه وسلم: ( إنه أتاني الليلة آتيان، وإنهما ابتعثاني، وإنهما قالا لي انطلِق، وإني انطلقتُ معهما # # النبي عليه الصلاة والسلام بيحكيلنا عن رؤية هو شافها ف منامه بس طبعا رؤية الانبياء حق لا شك فيها يعني كل ايلي شافه حقيقه بتحصل فعلا تمام يعني دا وحي ، وإنا أتينا على رجلٍ مضطجعٍ، وإذا آخرُ قائمٌ عليه بصخرةٍ، وإذا هو يهوي بالصخرة لرأسه فيثلغُ رأسَه، فيتدَهْدَهُ الحجرُ ها هنا، فيتبع الحجرَ فيأخذه، فلا يرجع إليه حتى يصحَّ رأسُه كما كان، ثم يعود عليه فيفعل به مثل ما فعل به مرةَ الأولى، قال : قلتُ لهما : سبحان اللهِ ما هذان ؟ قال : قالا لي : انطلِقْ انطلِقْ،## دا كده اول شكل من اشكال العذاب: ببساطه المعنى ايه؟ راجل ميت يعني ونايم ف القبر وفيه راجل تاني واقف عند راسه وماسك صخرة كبيرة كل شويا يرفعها اوي لفوق وينزلها جامد ع راسه فدماغه تتقطع وتتفتفت بس بترجع تاني ف لحظه سليمه ويكرر ضربه بالصخرة وتتقطع وترجع سليمه وهكذا لحد يوم القيامه فالرسول عليه الصلاة والسلام مش عارف ايه دا وليه فبيسال الرجلان اللي معاه قالوله استنى بس متستعجلش لسه فيه تاني... .........قال : فانطلقنا، فأتينا على رجلٍ مستلقٍ لقفاه، وإذا آخرُ قائمٌ عليه بكَلُّوبٍ من حديدٍ، وإذا هو يأتي أحدٌ شقيٌّ وجهِه فيشرشرُ شِدقُه إلى قفاهُ، ومنخرُه إلى قفاهُ، وعينُه إلى قفاهُ - ثم يتحولُ إلى الجانبِ الآخرِ فيفعل به مثل ما فعل بالجانب الأولِ، فما يفرغ من ذلك الجانب حتى يصحَّ ذلك الجانبُ كما كان، ثم يعود عليه فيفعل مثل ما فعل المرةَ الأولى، قال : قلتُ : سبحان اللهِ ما هذان ؟ قال : قالا لي : انطلِقْ انطلِقْ، ودا الشكل التاني من اشكال العذاب: راجل ( طبعا مش مقصود بكلمة راجل يعني راجل قصدي انسان يعني سواء راجل او انثى) راجل نايم برده ف قبره بس طبعا بيكون حاسس بكل حاجه وصاحي وراجل تاني واقف عند راسه برده بس ماسك ايه بقى؟ كلوب كلوب يعني : عارفين الحديده اللي بيكون اخرها مسنون زي الفاس عباره عن عصايه او حديده واخره بتاعه كده مسنونه وبتعور جامد كلوب يعني خطاف بس بحاول ابسطها للناس اللي مش عارفه ايه خطاف دا اهو الراجل بقى ماسك الخطاف ويحطه ( يضعه) في فم الميت من جوا ويشده كده لقفاه فيتقطع الخد كله فيحطه في منخاره برده ويشدها لقفاه فتتقطع ويحطه ف عينه فيشدها لقفاه وتتقطع ويلف الناحيه التانيه من راسه ويعمل نفس الحاجات دي بس للخد التاني وعلى ما يعمل كده يكون الناحيه الاولى اتصلحت ورجعت زي ما كانت فيرجعلها تاني وهكذا ليوم القيامه ياااااااااااه صعبه اقسم بالله يارب احفظنا ، فانطلقنا، فأتينا على مثلِ التنُّورِ - قال : وأحسب أنه كان يقول - فإذا فيه لغطٌ وأصواتٌ، قال : فاطلعنا فيه، فإذا فيه رجالٌ ونساءٌ عراةٌ، وإذا هم يأتيهم لهبٌ من أسفلَ منهم، فإذا أتاهم ذلك اللهبُ ضَوضَوا، قال : قلتُ لهما : ما هؤلاءِ ؟ قال : قالا لي : انطلِقْ انطلِقْ، الشكل 3 من العذاب ف القبر: رجاله ع ستات بقى عراه في حفرة كبيرة مولعه من تحت انتو متخيلين النار تمسك فيهم من تحت فيصرخوا جامد قال : فانطلقنا، فأتينا على نهرٍ - حسبت أنه كان يقول - أحمرُ مثلُ الدمِ، وإذا في النهر رجلٌ سابحٌ يسبح، وإذا على شطِّ النهر رجلٌ قد جمع عنده حجارةٌ كثيرةٌ، وإذا ذلك السابحُ يسبَح ما يسبحُ، ثم يأتي ذلك الذي قد جمع عنده الحجارةَ، فيفغر له فاهُ فيلْقمْه حجرًا فينطلق يسبَحُ، ثم يرجع إليه كلما رجع إليه فغَرَ له فاهُ فألقمَه حجرًا، قال : قلت لهما : ما هذان ؟ قال : قالا لي : انطلِقْ انطلِقْ، الشكل 4 من العذاب نهر كله دم مش ميا بقى والميت بيعوم فيه وعلى شط النهر دا قاعد راجل معاه صخور كتير بحي ان الميت يقعد يعوم ف الدم وكل ما ييجي عن الشط الراجل التاني يضربه بالصخور ف فمه فينزل دم ويبلعه.... ......... قال : فانطلقنا، فأتينا على رجلٍ كريهِ المرآةِ، كأكره ما أنت راءٍ رجلًا مرآةً، فإذا عنده نارٌ يحشُّها ويسعى حولها، قال : قلتُ لهما : ما هذا ؟ قال : قالا لي : انطلِقْ انطلِقْ، دا بقى راجل شكله وحش جدااا بيلف حول النار وبيشعللها كل شوية .............. فانطلقنا، فأتينا على روضةٍ معتمةٍ، فيها من كل لونِ الربيعِ، وإذا بين ظهري الروضةِ رجلٌ طويلٌ، لا أكاد أرى رأسَه طولًا في السماء، وإذا حولَ الرجلِ من أكثر وِلدانٍ رأيتُهم قطُّ، قال : قلتُ لهما : ما هذا ما هؤلاءِ ؟ قال : قالا لي : انطلِقْ انطلِقْ، دا رجل طويل وحوله اولاد كتير جدااااااااا قال : فانطلَقْنا فانتهينا إلى روضةٍ عظيمةٍ، لم أر روضةً قطُّ أعظمَ منها ولا أحسنَ، قال : قالا لي : ارقَ فيها، قال : فارتقَينا فيها، فانتهينا إلى مدينةٍ مبنيةٍ بلبِنِ ذهبٍ ولبِنِ فضةٍ، فأتينا بابَ المدينةِ فاستفتحنا ففتح لنا فدخلناها، فتلقانا فيها رجالٌ شطرٌ من خلقِهم كأحسنِ ما أنت راءٍ، وشطرٌ كأقبحِ ما أنت راءٍ، قال : قالا لهم : اذهبوا فقُعوا في ذلك النهرِ، قال : وإذا نهرٌ معترضٌ يجري كأن ماءَه المحضُ في البياضِ، فذهبوا فوقعوا فيه، ثم رجعوا إلينا قد ذهب ذلك السوءُ عنهم، فصاروا في أحسنِ صورةٍ، قال : قالا لي : هذه جنةُ عدنٍ وهذاك منزلُك، قال : فسمَا بصري صعَدًا، فإذا قصرٌ مثلُ الربابةِ البيضاءَ، قال : قالا لي : هذاك منزلُك، قال : قلتُ لهما : بارك اللهُ فيكما ذراني فأدخله، قالا : أما الآن فلا، وأنت داخلُه، دي بقى بدايه نعيم القبر شوية يعني مجموعه من الناس بنات على شباب عل ستات على عواجيز والخ كل واحد فيهم نصه حلو اووووووووي والنص التاني وحش كل شوية يترموا في نهر فنصهم الوحش يتحول ويبقى حلو ويفرحوا وفي نفس الرحله دي شاف الرسول عليه الصلاة والسلام منزله ف الجنه فكان عايز يدخل والرجلان منعوه وقالوله لسه مجاش الوقت... قال : قلتُ لهما : فإني قد رأيتُ منذ الليلةِ عجبًا، فما هذا الذي رأيتُ ؟ قال : قالا لي : أما إنا سنخبرك، أما الرجلُ الأولُ الذي أتيتَ عليه يثلغُ رأسُه بالحجر، فإنه الرجلُ يأخذ القرآنَ فيرفضه وينام عن الصلاةِ المكتوبةِ، وأما الرجلُ الذي أتيت عليه، يشرشَر شدقُه إلى قفاه، ومنخرُه إلى قفاه، وعينُه إلى قفاه، فإنه الرجلُ يغدو من بيته، فيكذب الكذبةَ تبلغ الآفاقَ، وأما الرجالُ والنساءُ العراةُ الذين في مثل بناء التنورِ، فإنهم الزناةُ والزواني، وأما الرجلُ الذي أتيت عليه يسبَحُ في النهرِ ويلقَم الحجارةَ، فإنه آكلُ الربا، وأما الرجلُ الكريهِ المرآةِ، الذي عند النارِ يحشُّها ويسعى حولها، فإنه مالكٌ خازنُ جهنمَ، وأما الرجلُ الطويلُ الذي في الروضةِ فإنه إبراهيمُ صلَّى اللهُ عليهِ وسلَّمَ، وأما الوِلدانُ الذين حوله فكل مولودٍ مات على الفطرةِ ) . قال : فقال بعض المسلمين : يا رسولَ اللهِ، وأولادُ المشركين ؟ فقال رسولُ اللهِ صلَّى اللهُ عليهِ وسلَّمَ : ( وأولادُ المشركين، وأما القومُ الذين كانوا شطرًا منهم حسنٌ وشطرًا منهم قبيحٌ، فإنهم قوم خلطوا عملًا صالحًا وآخرَ سيئًا، تجاوز اللهُ عنهم ) . صحيح البخاري ركزوا بقى ف النقطه دي احنا دلوقتي شوفنا اشكال العذاب ف القبر اكيد عندكم فضول تعرفوا سبب العذاب ايه؟؟ الناس دي عملت ذنوب ف الدنيا وماتوا قبل ما يتوبوا: الراجل الاولاني اللي كان بيتضرب ع دماغه بصخرة كبيرة وتتفتفت كل شويا عمل ايه ف الدنيا؟؟؟؟؟؟؟؟؟؟؟؟؟؟؟؟؟؟؟؟ عارفين كان بيعمل ايه؟ كان بيعمل حاجه اغلبنا بيعملها ودي المصيبة والكارثه لو بتعملي زيه يبقى بعد الشر عليكي هيحصلك زيه برده ف القبر انجزي يا نسمة عمل ايه؟ دا اولا مكانش بيعمل بالقرءان يعني ايه؟ يعني كان شايف ان القرءان دا عظيم وكل حاجه وبيقراه ومتدين وكل حاجه تمام بس كان شايف انه مينفعش ياخد بيه ف الدنيا مكانش بيطبقه ومكانش للقرءان وجود ف حياته غير في الجامع وعمل حاجه كمان مهمه جدا كان بينام عن الصلاة المكتوبة فاهمين يعني ايه؟ ايه الصلاة ايلي ربنا فرضها وبتيجي وقت النوم؟؟ الفجـــــــــــــــــر واحيانا العصر مكانش بيصحى كان بيكسل كان مش فايق لربنا _ استغفر الله_ كان بيسمع الاذان ويقول مش مهم بقى هبدأ من بكرا اصلي كان ميرضاش يصحى مخصوص عشان يصلي بس ممكن كانت تصحى لابنها لو عيط ف نص الليل او كان يصحى لخطيبته لو رنتله نص الليل!! وقت الفجر يا بنات من الفجر للشروق مينفعش يتصلى الساعه 11 قبل الظهر!!............................ طب والتاني دا اللي كان الراجل ماسكله خطاف وبيقطع خده وعينه ومنخاره ؟؟ كان بيعمل ايه ف الدنيا؟ دا الكــــــــــــداب اللي كان يكدب الكدبه ويصدقها ويخلي الناس تصدقها واللي كان بيطلع اشاعات ............................. طب والتالت؟ رجاله ونساء في حفرة والنار تيجي عليهم من اسفل؟ دول الزناه والعياذ بالله ع فكرة معلومه صغيره العين احيانا تزني فخدي بالك بقى .............................. طب والرابع اللي كان بيعوم ف الدم؟ دا اكل دم الناس ف الدنيا نصب عليهم الربااااااااااا طب والخامس اللي كان بيشعل النار دا كان خازن النار والسادس دا سيدنا ابراهيم عليه السلام والاولاد اللي معاه دول الاطفال اللي ماتوا ع الفطرة سواء من المسلمين او الكفار .......................... والسابع دول بقى الناس اللي نصهم حلو ونصهم وحش يعني كانوا بيعملوا اعمال صالحه ف الدنيا بس ف نفس الوقت كانو بيعصوا ربنا برده كتير بس كانوا محافظين ع الاقل ع الصلاة المكتوبة ف وقتها الناس دي ف القبر ربنا هيسامحها وهيتوب عليهم ويتجاوز عنهم انتهى الحديث تعالي بقى نعمل رحلة كده تانيه سوا ونشوف اللي هيحصلك اول ما تدخلي القبر : 1/ هتسمعي نعل الناس اللي شيعوكي يعني هتسمعي صوت خطواتهم وهما واقفين وهما ماشيين وسايبنك بقى خلاص ............ 2/ هتشوفي قصادك ملكين لو انتي كنتي كويسه ف الدنيا وربنا راضي عنك هتشوفي الملكين دول حلوين اوووووووي اسمهم مبشر وبشير لكن لو ربنا مكانش راضي عنك والعياذ بالله هتشوفي الملكين دول سود وشكلهم وحش اوي واسمهم منكر ونكير تمام؟ طيب هيعملوا ايه بقى معاكي؟ اصحي يا فلانه اقعدي كده وجاوبي ع الاسئله دي: من ربك؟ ما دينك؟ وما قولك في الرجل الذي بعث فيكم؟ من ربك؟ يعني مين اللي كان بيمشيكي في الدنيا وكنتي بتسمعي كلامه؟ ردي ما دينك؟ اللي بيحكمك ف حياتك دينك والشرع و لا الموضه ولا كلام الناس؟؟ ردي ما قولك في محمد عليه الصلاة والسلام؟؟ مين رسول الله بالنسبالك؟ رسول الله؟؟ اه صح داحنا عندنا نبي عمل المستحيل عشان خاطرنا احنا عندنا نبي دخل الحديد في وجهه الشريف عشان خاطرنا احنا خدي بالك انتي هتكوني عارفه الاجابه فعلا بس لسانك خلاص مش هيكون بتاعك وقتها مكانش اكبر حاجه عندك هو حب ربنا مكانش بيهمك انك تضيعي صلاة عادي ولا تبصي لماما وبابا بصه مش تمام عادي ولو حد قالك يابنتي صلي على حبيبك حاضر هصلي عليه الصلاة والسلام اهو بتعملي زيهم وخلاص وشويا وتنسي ومش ع بالك اساسا تذكري الله ولا متذكريش تصلي ولا متصليش ماهي الدنيا وخداكي نسيتي ربنا فربنا هينساكي ولسانك هيشهد عليكي ومش هتقدري تنطقي وتقولي بكل ثقه ربي هو اللـــــــــــــــــــــــــه هتردي وهتقولي اه دانا مممممم كنت بسمع الناس يقولوا كذا فكنت بقول معاهم وخلاص ناااااااااااااس مين !!!! انتي كمان مش فاهمه كنتي بتعملي ايه؟ طيييييييييييييب شوفي بقى اللي هيحصلك الخطوة الجايه بعد سؤال الملكين .................................... 3/ ربنا هيأمر الارض اللي انتي نايمه عليها تضم على جسمك (ضمة القبر) هتبدئي تشوف الارض بتتحرك وبتقرب منك اهي وبدئت تلمسك وتضم عليكي وتضم اقوى واقوى وانتي بتصرخي وبتقولي لا يارب خلاص سامحني مش هعمل كده تاني طب رجعني ثانيه بس للدنيا اتوب بسرعه واجي الحقووووووووووني انا اسف يارب ارجوووك الحقني مش هنام عن الصلاة تاني مش ههجر القرءان تاني الحقوووووني ولا حد هيعبرك ولا حد هيسمعك اساسا وحتى لو سمعوا هيعملولك ايه يعني؟ { نسوا اللّه فنسيهم} ، وقال: { كذلك أتتك آياتنا فنسيتها وكذلك اليوم تنسى} ، وقال تعالى: { وقيل اليوم ننساكم كما نسيتم لقاء يومكم هذا} بس انتي لو ربنا راضي عنك برده مش هتنجي من ضمة القبر بس الفرق بقى اختلف فيها المفسرين منهم من قال انها هتكون ضمة قوية برده بس هتتفك بسرعه اوي وهيحصل كده عشان تنقية لكل ذنوبك بقى حتى الصغيرة ومنهم من قال انها هتكون ضمة حنان كأن الارض بتحضنك بس كده كده فيه ضمة ........................... 4/ بعد ضمة القبر بقى هيتفتحلك حاجه من الاتنين : لو انتي مؤمنه هيتفتحلك باب بيبص ع الجنه ويقولولك شايفه بيتك ف الجنه هيكون شكله ازاي وهتشمي بقى ريحة الجنه وقبرك هيتحول لقطعه من الجنه التراب هيكون دهب ولؤلؤ وديكور كده من الجنه مخصوص وعملك الصالح هيقعد معاكي على هيئة انسان جميييييييييييييييل يسليكي وهيعدي عليكي القبر كأنه نص يوم او نص ليله كَأَنَّهُمْ يَوْمَ يَرَوْنَهَا لَمْ يَلْبَثُوا إِلاَّ عَشِيَّةً أَوْ ضُحَاهَا ( النازعات) لكن لو كنتي ناسية ربنا ومشغولة عنه ف دنيتك هتستمر الضمه عليكي وهتشوفي بقى اشكال العذاب اللي اتكلمنا عنها وغير كل دا هيتفتح عليكي باب من جهنم ويتقالك دا مكانك يوم القيامه وهتشمي ريحة النار ودخانها له ريحه نتنه قذرة وحشه جدا وهييجي عملك يقعد معاكي وهيكون شكله وحش اووووووووووي اسود وريحته وحشه وهتكوني مرعوبة طبعا لمجرد انك شايفه مكانك ف النار هيكون ازاي والعياذ بالله وهتدعي ربنا ربي لا تقم الساعه هتقولي يارب ميجيش يوم القيامه مع انك ف القبر بتتعذبي برده جامد بس رؤيتك لمكانك ف النار مش هتستحمليه ما بالك لو دخلتيه والعياذ بالله طب نيجي بقى للنقطه المهمه جدا جدا جدا احنا دلوقتي تقريبا عرفنا اشكال العذاب واتعرفنا على حياتنا ف القبر هتكون حاجه من الاتنين القبرُ روضةٌ مِنْ رياضِ الجنةِ أوْ حفرةٌ مِنْ حفرِ النارِ باقي ايه؟؟ باقي تعرفوا بقى المفروض نعمل ايه عشان ربنا يرحمنا من العذاب الفظيع دا انا مش بكتب كل الكلام دا عشان انتي تقولي ايه دا يا ماما انا خوفت وخلاص وبكرا تنسي كأنك مقرتيش حاجه وربنا معرفكيش ع العذاب ف القبر دا عشان انتي تقولي طب مانا اعمل ايه وتحطي ايدك ع خدك وتقولي ان شاء الله ربنا يرحمني بقى طب ماشي ربنا يرحمك بايه ؟ هو دلوقتي ربنا من رحمته خلاكي تتعرفي ع عذاب القبر وكمان تعرفي اسباب العذاب الدور عليكي انتي عشان ربنا يتم رحمته عليكي ف القبر ............................ اعمل ايه يا نسمة قولي ؟؟ الاجابة واضحة جدا زي الشمس تعرفي اسباب العذاب وتتجنبيه 1/ حضرتك مش بتصلي او بتأخري الصلاة خلاص هتتعذبي ف القبر الا الصلاة الصلاة القضية مش انك بتصلي ولالا القضية انتي بتصلي ف وقت الصلاة ولالا ؟؟؟ اللي مش بتصلي خالص دي بقى ربنا يتولاها قاعده واضحة صريحه الا الصلاة الا الصلاة مهما كنتي كويسه ف دنيتك برده الا الصلاة اخر وصية الرسول قالك عليه وهو بيموت ومش قادر قام مخصوص وعمل خطبة عشان يقولك الصلاة الصلاة وما ملكت ايمانكم يا جماعه الصلاه هي الاساس مبتصليش يبقى انتي كده منتحره ومستبيعه ومش هامك ربنا مش هيسيبك والله العظيم الحقي توبي انتي ممكن تكوني العكس يعني مكنتيش كويسه اوي ف حياتك بس كنتي بتصلي ممكن ربنا يتجاوز عنك بالصلاة لوحدها ممكن تشفعلك وتدخلي الجنه بسهوله وتنجي من عذاب القبر بسهوله بس انتي صلي متقوليش مش عارفه لسه في وقت انتي لسه بايدك التوبة افتكري الميت ف قبره اللي بيتعذب دلوقتي وبيقول يارب ارجع ثانيه اصلي فيها مفيش حاجه اسمها هصلي الفجر صبح انتي مش هتألفي دين ع مزاج حضرتك ربنا قال الفجر وقته من كذا لكذا خلاااااااااااااااص الموضوع انتهى غير قابل للمساومه هتصلي يعني هتصلي دا ربنا امرك بكده ودا كلامه مش هتسمعي كلامه براحتك بس اتحملي بقى عذاب القبر دا ان اتحملتي لحظة خروج الروح اساسا 2/ تاني سبب للعذاب الكدب الكدب دا من الكبااااااااااااائر ايه دا يعني انا ممكن ببساطه لو صليت ال 5 فروض ف وقتهم وحاولت امسك لساني ومكدبش ولو كدبت اتوب بسرعه ف وقتها .. انا كده انجو من عذاب القبر؟ ايووووووووووووووة الموضوع بسيط وربنا بيقبل القليل ويبارك فيه طالما خارج من قلبك يابنتي ربنا بيحبك انتي فاكرة انه هيكون مبسوط وهو بيعذبك؟ انتي فاكرة انك دلوقتي وانتي عايشه هو سايبك بتغلطي وعادي؟ لا دا من كتر ما بيحبك بيبعتلك رسايل بس انتي افهميها الابتلاءات دي رسايل ياللي بتقولي انا مش عارفه بيحصلي كده ليه برده لما بتعملي ذنوب ربنا بيعملك حاجه ودي بتكون رساله اللي بيها بتقولي انا اكيد عملت حاجه غلط عشان كده ربنا بيعاقبني هو مش بيعاقبك هو بيفوئك داهو ربنا بيعمل فيكي كده عشان يطهرك من ذنوبك بيحبك مش عايزك تشوفي العذاب دا انتي من امة حبيبه عليه الصلاة السلام احب الناس واغلى الناس واشرف الناس عند ربنا هو الرسول فانتي كمان من ريحة الغالي فمش عايزك تتعذبي في القبر هو اراد العذاب دا يكون للكفار فالحقي نفسك وتوبي بسرعه ربنا هيقعد يبعتلك رسايل كتير بس يعني لو اصريتي ع نفس الذنب كده هتسقطي من عين الله سبحانه وتعالى والعياذ بالله 3/ هجر القرءان سبب من اسباب العذاب المصحف مركون ع الرف ( استغفر الله بس دا حالنا او حال بعضنا) المصحف بيناديلك حرام عليكي مش هاين عليكي تفتحيني وتقريني 5 دقايق مش قادره تقري ولو صفحه ف اليوم ؟ خلاص للدرجاتي انتي بعيده؟ للدرجاتي مش فارق معاكي عارفه انه هيشفعلك ومش هامك؟؟ 4/ الزنا وزي ما قولنا العين تزني برده 5/ الربا والنصب ع الناس 6/ السرقة 7/ الغيبة والنميمة 8/ الاهمال في النظافة الشخصية نعم يا نسمة؟؟ مر النبي صلى الله عليه وسلم بقبرين فقال : إنهما يعذبان ، وما يعذبان في كبير وبكى وفيه – وما يعذبان إلا في الغيبة والبول رواية اخرى مر النبي صلى الله عليه وسلم على قبرين ، فقال : إنهما ليعذبان ، وما يعذبان من كبير . ثم قال : بلى ، أما أحدهما فكان يسعى بالنميمة ، وأما أحدهما فكان لا يستتر من بوله . قال : ثم أخذ عودا رطبا ، فكسره باثنتين ، ثم غرز كل واحد منهما على قبره ، ثم قال : لعله يخفف عنهما ما لم يبسا الطهـــــــــــارة دي والنظافة الشخصية ممكن بسببها تنجي من عذاب القبر النميمه قولنا قبل كده بلاش منهاااااااااااااااااااا امسكي لسانك ارجوكي نميمه يعني تسمعي كلام ف قعده كده ع صحبتك مثلا فتروحي تقوليلها دول بيقولوا عليكي كذا او تروحي عند ناس تانيه وبتقولي شوفتوا فلان بيقول ايه على فلان بلاش حكاوي الستات دي هتوديكو ف داهيه طب ليه يابنات ليه متقوليش دلوقتي حالا بينك وبين نفسك يارب خلاص ارجوووووووووووووووووووووووووك اتوسل اليك سامحني توبت خلاص انا مش هستحمل العذاب دا ارجوك ارحمني منه وساعدني اخد بالاسباب واتجنبه يارب خلاص من هنا ورايح مفيش حاجه اسمها كسل عن الصلاة خصوصا الفجر يارب خلاص مش هكدب وكل ما هكدب همسك لساني وهتوب ومش هتكلم عن الناس خلاص مليش دعوة بيهم انا مش حمل عذابك دا والله هيجرالك ايه لو حسيتي بكده بجد هيجرالك ايه لو دلوقتي حالا تتوبي ابوس ايديكي توبي ابوس ايديكي بالله عليكي ارجووووووووكي متقوليش لا ربنا مش هيسامحني بلاش يبقى زعلان منك ومن عمايلك وكمان بدل ما تحاولي تصلحي تصعبيها اكتر وبدل ما هو زعلان من افعالك كمان يزعل من كلمتك يعني ايه ربنا مش هيسامحني هو كان قالك كده؟ دا هو سبحانه كتب على نفسه الرحمه يعني فرضها على نفسه هتيجي انتي وتنكريها ؟؟؟ هتيجي انتي ومش هتصدقيها؟؟ ﴿ قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُواْ بِاللَّهِ مَا لَمْ يُنَزِّلْ بِهِ سُلْطَانًا وَأَن تَقُولُواْ عَلَى اللَّهِ مَا لاَ تَعْلَمُونَ ﴾ (الأعراف: 33) متقوليش ع ربنا حاجه هو مقالهاش ع نفسه متألفيش دا حراااااااااااااام بلاش تحاولي تخرجي من ذنب فتقعي ف ذنب اشد منه ربنا قال لا تقنطوا من رحمة الله خلاص الموضوع انتهى مفهوش شك ربنا هيرحمك وهيسامحك ايوووووووووووووووووووووة والله العظيم مهما عملتي بتوبة منك خلاص الحرب انتهت استغفر الله الذي لا اله الا اهو الحي القيوم اتوب اليه اخر نقطه الواجب 1/ الدعاء دا بعد كل صلاة اول ما تخلصي التشهد قولي : اللَّهُمَّ إِنِّي أَعُوذُ بِكَ مِنْ عَذَابِ جَهَنَّمَ ، وَمِنْ عَذَابِ الْقَبْرِ ، وَمِنْ فِتْنَةِ الْمَحْيَا وَالْمَمَاتِ ، وَمِنْ شَرِّ فِتْنَةِ الْمَسِيحِ الدَّجَّالِ ) . خدي بالك الدعاء دا اختلف الشيوخ عليه منهم من قال انه مستحب ان المؤمن يقوله سنه عن الرسول عليه الصلاة والسلام ومنهم من قال انه فرض عل المؤمن يقوله لان في حديث بيقول ان الدعاء دا فرض بعد كل صلاة قَالَ مُسْلِمُ بْنُ الْحَجَّاجِ : بَلَغَنِي أَنَّ طَاوُسًا قَالَ لاِبْنِهِ : أَدَعَوْتَ بِهَا فِي صَلاَتِكَ ؟ فَقَالَ : لاَ ، قَالَ : " أَعِدْ صَلاَتَكَ " ؛ لأَنَّ طَاوُسًا رَوَاهُ عَنْ ثَلاَثَةٍ ، أَوْ أَرْبَعَةٍ ، أَوْ كَمَا قَالَ . يعني بيعيد الصلاة كلها لمجرد انه نسي يقول الدعاء دا ............................................... 2/ سورة الملك هي المانعة والمنجية من عذاب القبر 30 اية يعني صغيرة جدا هنقولها كل ليله قبل النوم ومش لازم قبل النوم عن انس بن مالك قال:قال رسول الله صلى الله عليه و سلم سورةٌ منَ القرآنِ ما هيَ إلَّا ثلاثونَ آيةً خاصَمَتْ عنْ صاحبِهَا حتى أدخلَتْهُ الجنةَ، و هيَ تباركَ وفي رواية عنه:من قرأ تبارك الذي بيده الملك كل ليلة منعه الله عز وجل بها من عذاب القبر، وكنا في عهد رسول الله صلى الله عليه وسلم نسميها المانعة، وإنها في كتاب الله عز وجل، سورة من قرأ بها في كل ليلة فقد أكثر وأطاب . رواها النسائي، وحسنه الألباني هنقراها كل ليله عليها باذن الله الليل من المغرب لحد ما تنامي شوفي بقى وقت مناسب كده وخصصي ف الوقت دا هقرا سورة الملك عشان ربنا يرحمني من عذاب القبر تفتكري سورة عدد اياتها 30 وهتاخد منك وقت 10 دقايق وهتمنع عنك عذاب القبر متستاهلش انك تقريها كل ليله؟؟ دانا كمان مش هكتفي بالقرايه عايزين مع بعضضضضضضضضضضض نحفظهاااااااااااااااااااااااااااااا كله هيحفظ وانتو عارفين فضلها كويس الرسول عليه الصلاة والسلام مكانش بينااااااااااااااااااااااام غير لما يقراها وهو معصوم من الغلط وضامن انه مش هيتعذب كان بيعمل كده عشات تيجي بنوتة عسل زيك تقلده لازم نحفظها عشان لو ف ليله كسلنا نفتح المصحف نقراها يبقى نقولها من حفظنا علطول وعشان لو ف ليله كان عندنا ظروف تمنع من لمس المصحف نقراها علطول من الذاكرة لازم نحفظها اضمن عشان ف القبر تشفعلك ولازم نحفظها اضمن عشان نفهمها لاني بحس ان فيها كلمات صعبه فانا حابة نفسرها سوا عرفتوا بقى انا ليه بعيط لما بسمع سيرة القبر اصل بحس ان يوم القيامه والحساب وكده هتبقى ع الاقل في ناس كتير موجوده مش هحس بالوحده زي ف القبر وكمان ربنا رحيم بينا يعني بنسمع عن حساب القيامه ان في ناس كتير ربنا بيتجاوز عنهم اثناء الحساب بسبب كلمة او فعل عملوه ف الدنيا انما القبر دا عذاب لا مفر منه لو كنتي فعلا تستحقيه يارب ارحمنا برحمتك من عذاب القبر يارب ارحم كل ميت ووسع عليه قبره اللهم امين
  2. رياحينو

    صرخة أنثى " قصة رائعة "

    امال بطلة القصه هتحكي ليكو كل حاجه بالتفصيل انا امال علي عبد الرحمن والدي الاستاذ علي عبد الرحمن يعمل موظف حكومي اد الدنيا في شركه حكوميه اد الدنيا علي راي امي حبيبتي ماما سميحه ست بيت شاطره اوي اد الدنيا وانا اكبر اخواتي وهما اميمه وامنيه توأم متشابه يصغروني بسبع سنوات وادهم يصغرني بعشر سنوات عايشين في بيت صغير و جميل وعند ماما طبعا بيتنا ده اد الدنيا في عماره تناسب موظف حكومي طبعا دي عيلتي الصغيره وباقي الشخصيات هتعرفوهم بعدين علشان هما كتار قوي ماما سميحه /امال يلا يا قمر علشان تلمي الهدوم وتكوي هدوم ابوكي واخواتك امال/حاضر ياماما مش لما اخلص تنقية الرز ماما سميحه /انتي بتنقي رز السنه ولا ايه بطلي فرجه علي التليفزيون وخلصي بسرعه امال/ايه ياماما مااحنا في الاجازه ولا هنتحرم من التليفزيون في الدراسه والاجازه كمان ماما سميحه /طيب يلا يا حبيبتي عايزين نخلص الشغل قبل اما ابوكي يجي من الشغل مش انتي حبيبة امك امال / من عنيا يا ماما نص ساعه وكل حاجه هتكون خلصانه ماما سميحه/ ربنا يخليكي ياحبيبتي وافرح بيكي يارب وانتي في الكوشه وبيت العدل قريب ان شاء الله انهينا انا وماما شغل البيت وموال كل يوم كنس البيت ومسحه وتلميعه و غسل الحمام والملابس غسل ونشر وكوي وترتيب في الدواليب وطهي اطايب الطعام وغسل الاواني كل حاجه في البيت فله شمعه منوره وريحته تشرح القلب وكل اسبوع نضافه شامله للشبابيك والبلكونات والابواب والستاير والتلاجه والمطبخ والرفوف والخ الخ الخ ... بابا حبيبي علي عبد الرحمن / السلام عليكم ورحمة الله وبركاته طبعا بعد اما يطرق الباب تلات طرقات ويفتح بالمفتاح ويدخل وعلي وجهه احلي ابتسامه رغم ارهاقه وعنائه في عمله ماما سميحه / وعليكم السلام ورحمة الله وبركاته الف حمداالله علي السلامه يادي االانوار والافراح اميمه وامنيه / كل يوم عاملين انوار وافراح هو بابا جاي من الحجاز ولا ايه يا ست ماما يلا كملي بقيت الدعاوي ربنا يخليك لينا وما يحرمناش منك ويكفيك شر طريقك والخ الخ الخ ماما سميحه /ايه يالمضه انتي وهيه دا ابوكو ده كل الي ليه في الدنيا ديه ربنا با يحرمنا من دخلتو علينا ابدا دا احنا من غيرو ولا نسوه ادهم /انتو نسوه انما انا وباب خارج نون النسوه خالص يا سمسمه امال / انا مش هخلص منكو يلا يا ابو امال الغدا جاهز ياقلبي علي اما تغير هدومك يا خويا زمانك هلكان وعايز تستريح بابا علي عبد الرحمن لازم علي عبد الرحمن هتعرفو بعدين ليه / تسلمي ياسميحه انا كنت تعبان وهلكان بس لما دخلت البيت وشوفتكو راح التعب ربنا يخليكوليه ادهم / ايه ياجماعه احنا هنتغدي الرومانسيه دي ولا ايه انا جعاااااااان امال / بطل زعيق يا ادهم يلا الغدا جاهزقبل اما ادهم يا كلنا والاكل اللذيذ الي علي اصوله من ايد ماما سميحه تهتف اميمه وامنيه امال /وانا ساعدت ماما في تجهيز الاكل اميمه /قشرتي البصل امنيه/ لا اكيد نقت الارز الجميع /هههههههههههههههههههههههههههههههههههه
  3. رياحينو

    خاطرة سريعة ^_^

    جميل جدا ما شاء الله ولكن لدى سؤال ^_^ كيف تكون صرخاته لله وهى لا تسمع يكن بداخله ليصرخ بأعلى صوت ولكن تأبى صرخاته ان تُسمع صرخاته تكون لله وحده . . .
  4. رياحينو

    ارتقِ واسمو~بقلمي~

    ههههههههههههههههههههههه رائعة ^__________^
  5. جميل جزاك الله خيرا
  6. رياحينو

    كيف أصنع دفتر يدوياً ؟

    جميلة اوووى ما شاء الله جزاك الله خيرا
  7. رياحينو

    ~ ملتقـى الأحبّـة بأخوات طريــ الإسلام ــق ✿ ~

    وانت طيبة يا سوسو عملتى ايه فى درستك
  8. رياحينو

    اربطي رجلك ف دماغك .. ماتستغربيش !

    هههههه جزاك الله خيرا
  9. رياحينو

    ساعدوني

    <3
  10. رياحينو

    ساعدوني

    فى صفحة المنتدى من فوق ستجدى ايقونة " رفع الصور " اضغطى عليها
  11. رياحينو

    ~ ملتقـى الأحبّـة بأخوات طريــ الإسلام ــق ✿ ~

    الحمد لله بخير كيف حالك فى رمضان
  12. رياحينو

    ~ ملتقـى الأحبّـة بأخوات طريــ الإسلام ــق ✿ ~

    عاملين ايه يا بنات
  13. السلام عليكم ورحمة الله وبركاته ............ اشتقت لكن كثيرا اخواتى الحبيبات .... حقا اشتقت لصحبتكن كثيرا ....... رمضان مبارك عليكم وكل عام وانتن الى الله اقرب ......... احبكن فى الله

    1. اظهر التعليق السابق  %d اكثر
    2. صمتُ الأمل

      صمتُ الأمل

      و عليكم السلام و رحمة الله و بركاته

      و نحن اشتقنا لك كثيرًا ريحانتنا الجميلة

      رمضان مبارك عليك و على أهلك كل عام أنت بكل خير

      أحبك الله و رزقك رضاه

    3. رياحينو

      رياحينو

      وانت بخير يا غالية ..... أشتاقت لك الجنان

    4. *إشراقة فجر*

      *إشراقة فجر*

      و عليكم السلام و رحمة الله و بركاته

      و نحن اشتقنا لك كثيرًا ريحانتنا الجميلة

      رمضان مبارك عليك و على أهلك كل عام أنت بكل خير

      أحبك الله و رزقك رضاه

  14. السلام عليكم ورحمة الله وبركاته .............. كيفك رجروجة فكرانى ولا

    1. راجية ظل الرحمن

      راجية ظل الرحمن

      وعليكم السلام ورحمة الله وبركاته حبيبتي ريحانة.

      كيفك؟رمضان مبارك عليك أخيتي..

      ويا رب نكون واياكم من عتقائه.

       

    2. رياحينو

      رياحينو

      بخير حال الحمد لله

      امين واياكى

  15. كيف حالك

    1. * اللّؤلؤة المكنونة *

      * اللّؤلؤة المكنونة *

      أهلين فيك غاليتي

      بخير و الحمد لله شكرا على السؤال

      ماذا عنك أنت ؟

      رمضان مبارك و كل عام و أنت بألف خير ^^

    2. رياحينو

      رياحينو

      وانت بخير حبيبتى

      الحمد لله بخير حال

    3. * اللّؤلؤة المكنونة *

      * اللّؤلؤة المكنونة *

      كيف حال مريومة الصغيرة ؟ :)

  16. السلام عليكم ورحمة الله وبركاته ....... كيف حالك ماما ذهبية ^_^ .......... أشتقت إليك كثيرا

    1. اظهر التعليق السابق  %d اكثر
    2. خيوط ذهبية

      خيوط ذهبية

      ولله اشتقت لكن حبيباتي

      أنا حامل بالطفل الخامي ان شاء الله

    3. رياحينو

      رياحينو

      ما شاء الله مبارك ....رزقك الله بره وجعله من الصالحين بإذن الله

      بس خلى بالك انا بغير هههههههه

      قرأت فتوى انه لايجوز التسمى بهذه الأسماء فغيرته

      لا طبعا بالعكس اسعدنى كثيرا ان اسمى كان بيعجبك

    4. خيوط ذهبية

      خيوط ذهبية

      ربي يحفظك ريحانتي الجميلة

  17. السلام عليكم ورحمة الله وبركاته ......... اين انت فطومة

  18. السلام عليكم ورحمة الله وبركاته ...........اين انت اشتقت الى صحبتك كثيرا

    1. غِــيثَـــة اآلريــســْ

      غِــيثَـــة اآلريــســْ

      وعليكم السلام والرحمن ههههه انا بخيير ياسكرة الحمد لله

  19. السلام عليكم ورحمة الله وبركاته ......... أشتقت إليك كثيييييييييييييييييرا

  20. رياحينو

    هل تثقين به؟ هل تثق بها؟

    فعلا الثقة مهمة جدا جزاك الله خيرا على التذكرة <3
  21. رياحينو

    أخاف أو أثق

    @@الأمة الموحدة طمنينا عليك غاليتى اسأل الله ان يصلح بينك وبين زوجك ويقدر لك ما فيه الخير
  22. رياحينو

    "◦˚ - فانوس الألوان ( 1 ) -˚◦"

    جزاك الله خيرا
  23. فكرة رائعة جزاك الله خيرا سأفعلها لنفسى اولا :))
  24. رياحينو

    "◦˚ ( فانوس الألوان في ليالي رمضان ) ˚◦"

    فى الانتظار جزاك الله خيرا
  25. رياحينو

    فيدخل جنَّةَ العبوديةِ، ويتنعَّم في ظِلالها الوارفةِ ،

    جزاك الله خيرا

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×