اذهبي الى المحتوى

اللهم احبنى

العضوات الجديدات
  • عدد المشاركات

    6
  • تاريخ الانضمام

  • تاريخ آخر زيارة

السمعة بالمنتدى

0 متعادل

عن العضوة اللهم احبنى

  • الرتبة
    زهرة متفتّحة
  1. اللهم احبنى

    بين ابى وزوجى

    احبتى فى الله ......... اسال الله العظيم لكن السعاده وسعة الرزق وان يستعملكن الله ولا يستبدلكن ........... الموضوع يمكن طويل شويه وهاحاول على قدر المستطاع تلخيصه والله المستعان .. تبدا الحكايه من لما كنت فى الكليه وكان ابى وامى عليهم قروض وديون ماكناش عارفين نعيش بسببها وبم انى اكبر اخوتى فكنت حاسه بالموضوع ده جدا وشايله الهم معاهم لغاية اما زهقت والحيت عليهم نبيع شقتنا وناخد واحده صغيره ونستفيد بالفرق نسدد القروض بم انها حرام وجابت لنا الفقر ... وفعلا باعوا الشقه وخسرنا فيها كتير واشترينا شقه صغيره بس مش متوضبه فاجرنا شقه كبيره لغايه اما ربنا يسهل ونقدر نجيب شقه كبيره بس للاسف امى باعت الشقه اللى اشتروها علشان تجهز اختى واخويا المهم ان امى لغاية دلوقتى وانا متزوجه وعندى طفلين بتحملنى قرار بيع الشقه وانها ندمانه انها باعتها وبتقوللى ان انا السبب ... لما جالى عقد سفر وفكرت فى حكاية السفر دى لقيت ابى بيقوللى يلا سافرى وجيبلنا شقه ومن ساعتها وانا مش عارفه اعمل ايه لان زوجى مش ممكن يوافق على اننا نسافر وابعت لاهلى الفلوس لاننا برده محتاجين الفلوس لاولادنا ولبيتنا وخايفه اقوله انى ابعتلهم فلوس لما نسافر فيزعل منى ......... علما بان امى ناويه انها تجيب شقه لاخى لانه متزوج فى شقه ايجار وده من مكافاة نهاية الخدمه من شغلها ......... ارجوكم عايزه اعرف حكم الشرع فى ده مش عارفه لو قولت لاهلى لا هيزعلوا منى لانهم وقفوا جنبى كتير بصراحه ومش عارفه ده حرام عليا ولا ايه لو زوجى ماوافقش ؟؟؟
  2. اللهم احبنى

    مش عارفه اعمل ايه ؟ افيدونى

    اخواتى الفضليات صفا وام العبادله وتغابن اشكركم على الرد جزاكم الله خيرى الدنيا والاخره اعلم ان الافضل لطفلى استكمال الرضاعه ولكنى اوشكت على مرحلة اكتئاب او انهيار عصبى حقيقة لانى ما اتعودت على الاهمال او عدم ترتيب البيت من قبل الزواج وللاسف انى مضطره للعمل فسيصبح الامر صعب للغايه ......... جزاك الله خيرا ياام العبادله صحيح ممكن نحول عاداتنا الى عبادات لكن يظل الجانب الروحى الخاص بكل شخص والخلوه مع الله لها حلاوه وجمال مفتقداه جدا ... اللهم اعنى على ذكرك وشكرك وحسن عبادتك انا واخواتى الغاليات جزاكن الله كل خير
  3. اللهم احبنى

    مش عارفه اعمل ايه ؟ افيدونى

    جزاك الله كل خير ... كم اسعدتنى كلماتك ونصيحتك وافكر جديا فى فطام ابنى الصغير ان شاء الله فى هذه الايام واجمل شىء فعلا الصحبه الصالحه لانى بعدت عنها كتير بسبب ظروفى ... ادعيلك واقولك يارب يجعلك ممن يدخلون الجنه بلا حساب ولا سابقة عذاب ربنا يبارك فيك
  4. اللهم احبنى

    كيف يفرق ابليس بين الازواج///منقوول

    جميل جدا والله .. جزاك الله كل خير
  5. اللهم احبنى

    أفيدوني جزاكم الله خيرا هل سيصيبه سخطها

    اعتقد لا يصيبه سخطها لانه اتبع سنة نبيه صلى الله عليه وسلم ولم يتشبه بالكفار ولا طاعه لمخلوق فى معصية الخالق ولا شك فى ان حلق اللحيه معصيه .... الحمد لله زوجى التحى من قريب رغم ان والدته لم تكن توافق على ذلك ... فالام لو تحب ابنها فهى سوف تقيه النار
  6. اخواتى فى الله ........ اعمل طبيبه ولى طفلين 4 سنوات وسنه ونصف ..... ولكم ان تتخيلوا كم اعانى بسبب صغر اعمار اطفالى فانا كنت والحمد لله مهتمه بالجانب الايمانى جدااااااااا قبل زواجى من خشوع فى الصلاه وحفظ القران والقيام وصلاة الفجر التى كنت اوقظ اهلى لها وذهاب للمسجد ودعوه وغيرها .... لكن الان اصلى الفروض فقط وليس كلها فى وقتها بسبب طفلى الرضيع وايضا احيانا كثيره اصلى وانا انظر الى اطفالى احيانا خشية وقوع مصيبه من مصايبهم ومنتظره ان افطم طفلى حتى اعود الى ماكنت عليه لكن ماذا سيحدث ان مت الان :( ...... واظبت على ورد القران قبل النوم لكن احيانا كثيره اكون مجهده جدا ولا استطيع خصوصا ان طفلى الرضيع يوقظنى فى الليل مرات واكون مجهدة وتعبانه جدا واوقات اقوم بارضاعه وانا نائمه بدون ان اشعر ....وطول اليوم لا استطيع انجاز كل شىء فى البيت .............. اعمل ايه انا زهقت من تقصيرى ربنا اللى يعلم انا كتبت الموضوع بعد معاناه معاهم

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×