اذهبي الى المحتوى

رحوبه

العضوات الجديدات
  • عدد المشاركات

    39
  • تاريخ الانضمام

  • تاريخ آخر زيارة

السمعة بالمنتدى

0 متعادل

عن العضوة رحوبه

  • الرتبة
    زهرة متفتّحة
  1. رحوبه

    (متميز)شعر طويل وكثيف عن تجربه

    سلام عليكم يا بنات جزاكم الله خيرا هبأه اجربها ان شاء الله بس حبيت افيدكو بتجربتي انا كنت عملت صبغه والله يسامحها الكوافيرة استعملت نوع سئ جدا شعري اصبح بيتساقط بغباء ونشف طبعا جدا المهم واحده جزاها الله خيرا قالتلي على اسم دواء اقراص هو مجموعة الفيتامينات والعناصر المهمه للشعر وبجد الحمدلله مكملتش اسبوعين والتساقط خف جدا يعني لو كملت عليه ان شاء الله هيرجع شعري زي مكان وأصبحت علطول بستعمل حمام كريم علشان جفاف الشعر الدواء مش هتلاقوه غير فالصيدليات الكبيرة لأنه مستورد هو غالي العلبه ب 120 بس متجيبيش العلبة مرة واحده هاتيها شريط في شريط لحد متحسي شعرك اتحسن بعد كده وقفيه ولو حبيتي تكملي العلبه يبأه احسن طبعا تكوني اخدتي الكورس كامل الدواء اسمه hair nutrition واتمنى اكون افادتكم
  2. رحوبه

    ارجوكم ساعدونى

    سلام عليكم ازيكم يا بناويت ان شاء الله الجميع بخير بالنسبه لأختنا صاحبة السؤال انا خايفه يكون الموضوع شيطان والغيرة عملت عمايلها معلش يا بطه انتي يعني مكنتيش عارفه الحجات دي من قبل متتجوزي جوزها انتو مش كنتم اصحاب ليه منصحتيهاش اياميها ولا مفكرتيش تقولي لزوجها اياميها وبعدان انتي متخيله انك لو قلتيله وخربتي بيتها عليها وعلى ولادها هي هتتصلح والدنيا هتقفل في وشها وتكوني اعنتي الشيطان عليها وتعمل اكتر من اللي بتعمله دلوقتي انا شايفه ان خراب البيوت ده حاجه كبيرة اوي اوي اوي ومعتقدش يعني انها بتخومه مع حد تاني مثلا علشان نقول اه فعلا الموضوع مستاهل نخرب بيت الست وتعرضي نفسك للدعاء اللي هتاخديه منها لو قلبك عليهم يا جميله ادعيلهم وحاولي تحسني علاقتك بيها وتنصحيها باسلوب كويس مع ان كان مفروض تقوليلنا هي بتعمل ايه علشان نعرف الموضوع مستاهل ولا أيه ربنا يصبرها ويعينها على نفسها وعلى الشيطان وربنا يلهمك الصواب ويعينك عليه
  3. رحوبه

    اكتبي شعورك الحالي بكلمة ^_^

    لا حول ولا قوة الا بالله هو أيه حكاية بطنكم يا جماعه كلكم كده بطنكم بتوجعكم الله يعافيكوا ويعافينا(انا كمان بطني وجعاني) والله يفرج عنكم وعنا(أنا كمان مخنوقه جدا) والله يرزقكم واهليكم الجنه وأيانا(انا عايزه امشي عايزه اروح الجنه عايزه اروح بأه) اللهم اجعلنا من اهلها اللهم أمين
  4. رحوبه

    وعرفت السر

    صح والله عندك حق البيوت مبأش فيها بركه من الذنوب والمعاصي اللي فيها احد السلف كان يقول انه يري اثر ذنبه على سلوك اهله ودابته ربنا يجعلنا من اهل القيام والقرأن احنا وانتم امين
  5. رحوبه

    حملة توعية: "بين تعدد الزوجات & رضاكِ بشرع الله"

    جزاكم الله خيرا جميعا وعذرا اختنا ام حمزه لو كنت زعلتك واخواتي بنت رفح و meemoo جزاكم الله خيرا على الرد بس احنا مش مختلفين على فكره التعدد مباح للرجل ده فعلا من الشرع اكيد ومصلحه للمرأه برضه ومش ظلم خالص انا مش معترضه على كده اطلاقا ولكن المرأه التي لا تري في نفسها القدرة على تقبل هذا الوضع ليها حق من قبل الزواج تبدي الرفض ده لكل عريس يتقدم وهو ليه حق يأما يوافق يأما يرفض وفي الحالة دي هما الأتنين لم يعصوا الله ورسوله وفعلهم لا يعارض سمعنا واطعنا غفرانك ربنا واليك المصير لأنهم لم يعصوا الله اصلا اعتقد كلامي مفهوش حاجه غلط اطلاقا وتقدروا تسألوا اي عالم او شيخ تتأكدوا لأني سألت قبلكم قبل مأخد الخطوه دي ولا يكلف الله نفسا الا وسعها وبعدان عذرا انا نفسي حد يجبلي حديث بأن الرسول عليه الصلاة والسلام مثلا وجد رجل متزوج واحده ومستريح معاها وطلب منه النبي عليه الصلاة والسلام انه يعدد لمجرد التعدد(ده اللي حضراتكم بتعملوه دلوقتي) ليه بأه انتم بتطلبوا ده وكأنه واجب على الرجل وفرض وليه تجبر كل النساء على انها تجوز زوجها سبحان الله في ناس بتدخل الجنة بالصيام وناس بالصلاة وناس بالقرأن وهكذا كل ميسر لما خلق له لو انا من اهل الصلاة مثلا او الصيام وربنا اعاني ويسرلي هذا الأمر ليه انا بأه اجي على واحد لاقدرة له على الصيام لأسباب خاصه بيه واوجب عليه انه يكون من اهل الصيام برضه والا مش هيكون طائع لله سبحان الله هو ربنا يسرله باب تاني ده امر مباح ليه لو احتاجه لأي سبب لكن مش واجب عليه لابد منه علشان يبأه من الذين قالوا سمعنا واطعنا انا لا اعارض التعدد كأمر مباح للرجل تحت اي ظروف انا بعارض اللي بينادوا بوجوبه لمجرد التعدد ويلوموا على اي مرأه ترفضه مع ان علماء كبار كأبي اسحاق الحويني قالوا لو هيخرب البيت ويفتن الزوجه الأولى عدم التعدد أولي وهو مقالش كده الا لما بص وشاف حواليه نسب حالات التعدد الناجحه والنسب اللي خربت البيوت وده مش لأن التعدد شئ سئ لأ لكن لأسباب تانية كتييييييييييييييييييييير لا مجال لذكرها دلوقتي وان كان سبب منها سوء استخدام الرجل للحق ده سواء في اختيار الزوجه التانيه او في معاملتة للأولى بعد كده ودي حكمة العلماء انهم قبل مينادوا للتعدد بصوا الأول للمجتمع وحكموا الناس دلوقتي رجال ونساء هيستخدموا الأمر ده بما يعود بالمصلحه عالأسرة المسلمه والمجتمع الأسلامي ولا لأ لو لأ يبأه نستني مش لأننا ادركنا ان الأمر مش من الشرع لكن لأننا ادركنا ان الناس مش هتستخدمه للأصلاح كما اراد الشرع وان اضراره هتكون اكتر من فوائده ومنه مثلا الحالات دي عدم الوفاء خلق سيئ لا يرتبط فقط بتعدد الزوجات بل هو خلق متمكن من المتصف به ويكون التعدد في بعض الأحوال أ - يتزوج الرجل المرأة وهما شابان ويكافحان معا وتتحمل الزوجة معه كل أنواع المعاناة والألم وتصبر انتظارا ليوم الحصاد يوم يكبر الأبناء ويرغد العيش , فبعد تحقيق الآمال وتغير الأحوال إذا بالزوج بعد كل هذه الآلام يكافئها بالزواج عليها بمن هي أصغر منها واجمل وأطيب حديثا , ويميل إلى الثانية وينسى ويضيع حقوق الأولىويتركها تجتر كل الآلام وحدها في وقت تحتاجه فيه أكثر من أي يوم مضى , فهذا ليس من الوفاء ب- من المعروف أن المرأة إذا عاشت في معاناة مادية في حياة ملؤها الكفاح والعمل, أنها تهرم سريعا قبل الرجل ويذبل عطرها وربما تعتادها الأمراض والأوجاع , في حين أن الرجل في كثير من الأحيان يحتفظ بقواه وصلاحيته أكثر من المرأة ولا يهرم إلا بعدها , فهل يُصدر لها ذلكم الإحساس المؤلم أنها لم تكن له إلا وسيلة لإشباعات معينة فان ذهب بعض جمالها وبعض حيويتها تركها واتجه لأخرى بل يصل الأمر إلى محوها بالكلية من سجلات حياته احياناوهذا ليس من الوفاء .. ت – في عالمنا اليوم قد يتعاون الزوجان في المعيشة المادية وربما يعملان معا خارج البيت لتحقيق متطلبات معيشتهما والنهوض بمستقبلهما ومستقبل أبنائهما , وغالبا ما تكون بينهما ثقة كبيرة في الحقوق المادية فلا يهتم أحدهما بكون ما يجمع ملكا خاصا به , ويعتبران أن ذمتهما المالية واحدة والتي تكون غالبا باسم الزوج , فهل بعد أن يطيب له العيش ويرغد بثمرة عملهما وكفاحهما معا فهل يجزيها بالزواج عليها وإنكار حقها وإهمالها إن هذه التصرفات الحمقاء والظالمة من بعض الأزواج حاجه بسيطه من اللي بيحصل ده اللي انا فاكراه يعني لم يكن التعدد عندهم إلا محاولة لتقنينها شرعيا ولإضفاء عليها نوعا من الدعم الشرعي وما هي إلا ممارسة للنزوات وحب النفس وخبث الطوية , المشكلة هنا مش فيالتعدد , إنما في تضييع الحقوق ونسيان العهد والأنانية , وتغليف ذلك باسم الدين والشرع . ويخطئ بعض الرجال حينما يريدون أن يُقحموا الدين كطرف في صالحهم ليحسموا به نزاعا حين يطالبهم الناس بالوفاء وحفظ الحقوق والأحسان للزوجه ويشهروا سلاح الدين لكل من يطالبهم بالعدل والحق , كي يشبعوا رغباتهم ويظهروا سوء نيتهم بدعوى أن الله سمح لهم بالتعدد , - فالتعدد حق مباح - ولكنه لايمكن أن يستغل مطية لأطماع البعض ولسوء تصرفاتهم , ولن يكون الشرع الإسلامي أبدا معينا لظالم على ظلم الناس وسلب حقوقهم . في الحالة دي يبأه الأولى بأه يبأه نصلح الأول المجتمع لحد ميوصل لدرجة من الورع والتقوي اللي بيها الراجل من نفسه لما يحس انه مش هيقدر يعدل يقول لأ زي مربنا قال (وان خفتم الا تعدلوا فواحده) ويوصل الرجل برضه للدرجه اللي حتى لو يقدر يعدل بس هو متفق معاها على عدم التعدد وتزوجها على هذا الأساس في الحالة دي برضه يقول لأ ولحد متوصل النساء برده لدرجه من التقوي تخليها لما تتزوج واححد متزوج ميكونش اول هدف ليها تدمير البيت الأول وهكذا وبالتالي نقول كما قالي الشيخ الفاضل التعدد من الشرع ولكن خلي بالك لو هيفسد البيت يبأه لأ لو معندكش امكانيه ماديه تعدل يبأه لأ لو متفقين من قبل الزواج على عدم التعدد يبأه لأ لو الأمر فيه من عدم الوفاء للزوجه الأولى يبأه لأ وهكذا وده دور العلماء مش دوري ولا دور حضراتكم جزاكم الله خيرا
  6. رحوبه

    حملة توعية: "بين تعدد الزوجات & رضاكِ بشرع الله"

    حاجه تانيه انا شايفه المطلقات والأرامل دول اصحاب ابتلاءات كل واحد في الدنيا ليه ابتلاء ,ليه انا المفروض اغامر وادخل بيتي واحده الله اعلم هتعمل فيه ايه لأنها مطلقه او ارمله لا يكلف الله نفسا الا وسعها انا ممكن اطلعلها نفقه شهريه الاقيلها شغل اتكفل بولادها بس مش لازم يعني اجوزها جوزي لو واحد لاقدر الله فقد نظره هل انا واجب عليا اديله عيني مثلا علشان هو يشوف والله اللي يعمل كده اجرة عند ربنا ماشي وربنا يجازيه خير,بس اللي عارف انه لو عمل كده هيكرة نفسه والدنيا والناس ومش هيقدر يعيش بعين واحده مثلا يبأه مش لازم يتبرع بالعكس هيكون ظلم نفسه وفتن نفسه يبأه ليه نقول ان كل الناس لازم تعمل كده
  7. رحوبه

    حملة توعية: "بين تعدد الزوجات & رضاكِ بشرع الله"

    سلام عليكم استني بس يأم حمزة انتي زعلتي مني ليه انا مش فاهمه الكلام ده وطبعاً كيف بكِ وقد قلتِ ما قلت أن تشعري بحالها أو بحال مثلها سامحكِ الله يا أختي أنا اعتبرتك أختي فعلاًَ حتى سردت لك ما سمعتِ كي تعذري لا كي تجرحي فجزاكِ الله خيراً على ما كان منكِ ويعلم الله أن نيتي خير في تفكيري ورأيي وكنت أحب التبيين فقط لا فرض الرأي ولم أتوقع هذا الهجوم منكِ أختي رحوبة بارك الله فيكِ حبيبتي انتي كمان هجمتي عليا في مشاركتك الأولي وانا مزعلتش منك بس انا فعلا مش فاهمه انتي زعلتي ليه هو انا جرحتك في ايه فعلا في مطلقات بيخربوا البيوت لما يتجوزوا تاني وده اللي انا اقصده يا حبيبتي ارجوكي افهميني وافصلي يأختي انا بتكلم على اتنين متفقيييييييييييييييييييييييييييييييييييين من قبل الجواز والزوج عارف انها رافضه التعدد تماما في الحالة دي يا حبيبتي هل من حقه انها بعد متطيع عمرها معاه يقوله انا هروح اعف واحده مطلقه اهو كله بثوابه انتي قوليلي يا حبيبتي ,ينفع؟ يا حبيبتي الشيخ ابو اسحاق الحويني بودني والله سامعاه قال اللي يعرف ان زواجه بالتانيه هيفتن الأولى ويخرب البيت يبأه الأولى انه لا يعدد ياحبيبتي في راجل مقتنع في حقه بالتعدد وده بيعرف اللأولى من قبل الزواج سواء مباشرة او بالتلميح انه ناوي وهي حقها توافق او ترفض واضح من كلام حضرتك ان دي حالة حضرتك وحضرتك وافقتي خلاص ربنا يعينك ويثبتك انا مش بقول انا صح وانتي غلط,لا والله لعلك احسن مني بترويضك لنفسك على تقبل الموضوع بس كل واحد ليه طبيعته يأختي انا قصدي في حالات مختلفه عن حضرتك يعني لو حضرتك كنتي قلتي لا والله انا مش هقدر وهو عارف رفضك من قبل الزواج كنتي هترضي بعد متسلميله نفسك وتديه الأمان ييجي يقولك التعدد بس يا جميل ده قصدي وووووووالللللللللللللللللللللللله انا لو مكان المطلقه ولا الأرمله(نسأل الله العافية)وعارفة ان زواجي بواحد متزوج هيدمر واحده(بغض النظر هي من حقها تزعل وتدمر ولا لأ انا مش دوري اني اربيها) لا والله انا ادور على شغلانه محترمه واعز نفسي واكل واأكل عيالي مش ابني بيتي على بيت تاني متزعليش بأه مني والله مش كان قصدي اي هجوم عليكي انتي خالص يا حبيبتي
  8. رحوبه

    حملة توعية: "بين تعدد الزوجات & رضاكِ بشرع الله"

    سلام عليكم يأم حمزة وربنا يباركلك في حمزه يارب بوصي يا حبيبتي احنا لو بنتكلم بصورة شخصيه عليا انا اني ظالمة زوجي لأني رافضه التعدد وفالحالة دي انا في رأيك استاهل انه يتزوج عليا اتنين وتلاته بصراحه زعلتيني منك شويه بس ماشي ولا يهمك انما انا مش ظالمه يا أختي انا من حقي قبل العقد اشترط اللي اناا عايزاه وهو من حقه يوافق او يرفض في حالة انه وافق يبأه يبأه انا مظلمتهوش ياجميله ويبأه اشد العهود اللي الواحد يلتزم بيها ولو على رقبته كما قال عليه الصلاة والسلام مامعناه يعني ( ما أستحللتم به الفروج) عذرا ده نص الحديث وعلعموم يأختي هو الحقيقه ان الواحده لو حست ان جوزها عايز واحده تانيه مش هتفرح بقعدتة جمبها غصب عنه وتقوله لا الله يخليك دانا قايلالك اني مستحملش كده من قبل منتجوز وانت عارف اتقي الله فيا,لا طبعا بس هو براحته وهي براحتها اما بالنسبه لحضرتك وكونك بتقولى لزوجك انك هتجوزيه انا بصراحه شايفاكي خالفتك الحكمه شويه ييعني يعني ده ضد الفطرة يأختي وليه تعملي في نفسك كده انتي كان ممكن تقبلي بالتعدد لو حصل وتستحملي ماشي انما انتي اللي تطلعيها في دماغ زوجك وتكبريها في دماغه ملكيش حق خالص ومين ادراكي انه لما يتجوز هيجيب التقيه النقيه اللي تشجعه عالعدل ومتعملش العكس ومين ادراكي انه كان لازم يعني يتجوز فتيجي منك احسن متيجي منه ليه يعني في رجاله بتفضل عمرها كله مع واحده وعاطيها كل حبه ومشاعرة وعواطفه وفي رجاله زوجاتهم بتموت وهما فالأربعينات والخمسينات ومش بيتزوجو بعدهم وبعدان هو الراجل يايتجوز يأما يعرق واحده فالحرام ليه يأختي مين الليي فرض كده وحط القوانين دي مفي رجالة زي الفل ومتعرفش غير زوجاتهم الشيخ محمود المصري نفسه كان بيقول انا متجوز واحده(عليها احيا وعليها اموت وعليها ابعث ان شاء الله) ايه مش راجل هو ولا عارف واحده فالحرام وبالنسبه للأرامل والمطلقات والله تتجوز ارمل ومطلق زيها يأما لو هتتجوز واحد متزوج يبأه تتقي الله وتعرف رأي الأولى الأول مش تشترك معاه في خداعها علشان مصلحتها اما لو الأولى عرفت ورفضت يبأه الزوج ياخد القرار ويختار لأن اصلا اللي بيتزوج واحده بدون علم الأولى مستحيل هيعدل ازاي هيعدل والأولى متعلرفش اصلا والمفروض متبنيش سعادتها على هدم بيت واسرة وبعدان لو جبناها من ناحية التقوى والورع اعملى احصائيه يأختي وشوفي نسبة المعددين العادلين والعكس وشوفي النتيجه لو راجل فعلا بيتقي الله هيقول لأ وانا ايه اللي يدخلني فالفتنه دي يعني مثلا مكان اللي بيدخله 80% يفتن ويتأثر التزامه وواحد بره لو فعلا نيته ربنا مش هيدخل لأن في احتمال 80% يفتن يأختي مفيش رجالة دلوقتي زي الصحابة ولا نساء زي الصحابيات علشان نفترض ان الزوج لازم هيعدل وان التانيه مش هتخربها عالأولى انتي مش شايفه الدنيا حواليكي والبلاوي اللي فيها هو حلها التعدد لا حول ولا قوة الا بالله وفي الأخر اللي شايفه نفسها مش هتقدر عالتعدد من حقها تقول لأ وهو من حقه يوافق او يرفض ومحدش تاني من حقه انه يغلطها او يغلطه حافظي على بيتك وزوجك واولادك متكونيش سبب في دخول واحده تانيه بيتك الله اعلم هتعمل ايه لما تدخله يا ما بنسمع بلاوي ومن ملتزمين والله
  9. رحوبه

    حائره واعرف الصواب

    سلام عليكم يا عروسة يا جديده مبروك اولا وربنا يرزقك السكن والمودة والرحمة وراحة البال والخالف الصالح التقي النقي الهم امين امين ثانيا يا سكرة انا مش فاهماكي يعني ايه انا مبقتش بحفظ قرأن زي الأول وطاعاتي قلت عن الأول وحاسه ان علاقتي بربنا مش زي الأول وبناءا على ذالك بفكر اقلع النقاب انتي ايه رأيك كلام منطقي يعني الواحد لما يكون عايز يطلع سلم يوصل للقمة وغصب عنه نزل سلمتين تلاته يبأه الحل انه يقول خلاص بأه انا كده كده نزلت ويكمل نزول ولا يقف مع نفسه وقفه ويفوق من اللي هو فيه ويستجمع همته انه يطلع اضعاف اللي نزله كمان مش بس يعوض السلمتين اللي نزلهم ده برضه مدخل الشيطان يدخلك منه يا سكرة انتي اكبر من كده يا جميل,ولا اييييييييييييييييييييييه؟ استعيني بالله واصبري دي فتنه اصبري ومتخليش الشيطان يوقعك علشان متوقعيش من حفظ ربنه وعنايته وبركته لو ثبتي ربنا مش هيسيبك ولو وقعتي.............................................................هيسيبك حبيبتي حتى لو فضل انتي في غنى عن الفضل ده خلاص ضامنه ان حسناتك هتدخلك الجنه وشايفه ان دي زياده ملهاش لازمة اقفي مع نفسك ومع الشيطان هتستفيدي ايه اصلا لو خلعتي النقاب يا جميل ليه عايزه تكشفي وجهك(ووالله ثم والله لا قدر الله لو قلعتي النقاب مش هتوقفي على كده لا والله اللي بينزل سلمه برضاه ربنا هيعين الشيطان عليه وينزل تاني وتاني وتاني)هتلاقي نفسك بتوقعي واحده واحده لا الطرحه دي لونها مش لايق على وشي لأ الطرحه دي مخلياني احلى ومنورة وشي لأ النهارده وشي شاحب هحط بلاشر خفيف لأ العبايه دي واسعه اوي عايزه واحده اظبط وهكذا الشيطان مش هيكتفي منك بخلع النقاب حاجه مهمه اوي وأخيره يا حبيبتي تأكدي ان اي معصية ولو صغرت واله والله والله هتلاقيها فبيتك وفمعاملة زوجك واخلاق اولادك ورزق البيت ده لو ربنا بيحبك وعايز يفوقك اول بأول ولو ملقتيهاش متفرحيش خافي لأن ده معناه ان ربنا عايز عبده العاصي يفضل كده لاهي وسارح فالدنيا وغافل مش عايزه يفوق علشان يلاقي كله مستنيه فالأخره وانا بنصح نفسي قبلك والله متفتكرنيش التقية النقيه نسأل الله المغفره والثبات والرحمة بضعفنا وجهلنا طمنينا عليكي
  10. سلام عليكم يا جماعة انا في حاجه مش فاهماها كله بيقول لا طاعة لمخلوق في معصية الخالق ده كلام مظبوط بس عذرا النقاب مختلف عليه وجمهور العلماء افتي بأن اقصي ما يمكن ظهورة من المرأه الوجه والكفين ايوه في اراء لأفراد من العلماء على راسنا من فوق طبعا قالوا انه فرض بس لما نيجيي نوازنها محدش ابدا اختلف على وجوب طاعة الوالدين بعد طاعة ربنا لما يأمروا بشئ (حرام ومعصية) لا نطيعهم ونحسن اليهم بس لما يكون الأمر مباح بقول علماء ليهم وزن في الفتيا ساعتها ايهما الأولى تعمل معصية محقققه(العقوق) مقابل طاعه مختلف عليها من استحباب او فضل او سنه او فرض ولا تعمل فرض محقق(البر) وتصبر على الأمر التاني وتجتهد بالدعاء والمعاملة الطيبه والأستعانه بذوي الحكمة من اهلها لأقناه امها او حتى تصبر لعل الله يرزجها زوج صالح يساعدها على النقاب ويجعل الله من امرها مخرجا يعني لما كان بييجي للشيخ محمود المصري على برامج الفتاوى بنات بتشتكي من رفض اهلهم للنقاب عمري مسمعته قال لواحده لا طاعة لمخلوق في معصية الخالق اتنقبي وملكيش دعوه بيه كان بيوجه كلامه للأب ويقنعه بالنقاب ويحببه بيه بس عمري مسمعت حكاية لاا طاعة لمخلوق في معصية الخالق لأن النقاب اصلا غير متفق على انه فرض وبالتالي الموضوع يأخذ من زاوية اوسع شوية علعموم انا هسأل ان شاء الله وأسأل الله المغفرة ان كنت عكيت في كلامي بس انا مش بفتي انا بقول لأختى أم ضحي اصبري واسألى ناس كتير طبيعي اللي مقتنع ان النقاب فرض هيقولك البسيه واهملى امك بس انا لو مكانك هوازن الأمور واسأل ناس كتير وشيوخ كتير ومش هكتفي بأول رأي لأن الموضوع شائك وفيه التباسات كتير على فكرة انا منقبه علشان محدش يفتكر اني ضد النقاب
  11. رحوبه

    التعدد

    سلام عليكم يأم ايهاب ربنا ييسر ليكي امورك وان كان ليا رأي مش عارفه من الحكمه اني اقوله ولا لأ بصراحه هو مش مناسب للموقف انا عارفه بس انا بصراحه مش مقتنعه ان واحده تتزوج واحد متزوج اصلا من ورا زوجته لأنها كده اشتركت معاه في خداعها ,وظلمت نفسها لأن طالما الزوجه الأولى متعرفش يبأه الزوج مستحيل هيعدل لأنه حريص أن الأولى متعرفش وتبأه ظلمت نفسها لأن كده الزوج مش نيته زواج وعائلة واسره غالبا بيكون بس عايز يلاقي واحده مستنياه لما يسافر ويسيب زوجته اعذريني ده ظلم ليكي وللزوجه الأولى والمستفيد الوحيد هو الراجل اللي همه يلاقي واحده في كل بلد يروحها كان مفروض تصممي الأولى تعرف وهو لو شاري وعايز عائله هيوافق اما حالة ان الزوجه الأولى بأه ممكن ترفض وتطلب الطلاق فدي معادلة تانيه خالص ليها جوانب كتير مش موضعها دلوقتي ومطلوب فيها موازنات كتير بين الأضرار والفوائد علشان ناخد القرار الصح انا عارفه ده مش وقت الكلام ده ولا وقت تقليب في قرارات أخذت خلاص بس حبيت اقولك رأيي بصراحه واعرفك انك الى حد ما مسؤله لأن قرارك من الأول كان لحظي انا لو كنت مكانك كنت ادور على مصدر رزق ليا ولأبني واعيش بكرامة لحد ميجيلي الي يقدرني ويوافق بشروطي اللي اولها الأعتراف الرسمي بيا ادام زوجته الأولى(وان كان من المستحيلات اني اتزوج واحد متزوج الا بموافقة زوجته وقناعتها التامة) انا لو مكانك اعترض واطلب انه يا خد موقف ولو مش قد انه يا خد موقف راجل محترم اطلب الطلاق واعيش بكرامتى لأولادي بدل مأحكم على باقي عمري بالظلم والقهر ارجوكي سامحيني لو كلامي ضايقك والله بكلمك زي اختي وعايزالك الخير وراحة البال والحياة بكرامة تقبلي تحياتي
  12. رحوبه

    ازاي اعمل حمام مغربي في البيت؟ ومنين اجيب الحاجات؟افيدوني

    سلام عليكم ياجميل بوصي يا ستى انا من اسكندرية اصلا بس اتجوزت فالقاهرة في واحد اسمه رجب العطار ده عطار كبير فالقاهرة وليه فروع كتير انا معرفش عناوين لو مش عارفاه اجبلك العنوان من سلايفي هاتي من عنده الحجات دي صابون مغربي ليفه مفربيه حنة جسم مش بتلون اقفلي الحمام كويس وامليى البانيو مايه سخنه جدا جدا علشان تملى الحمام بخار كل ده طبعا وانتي فاي الحمام معلرضه جسمك كله للبخار بدون ملابس وأول متحسي ان الماية فالبانيو بدأ جسمك يستحملها انزلي كلك في البانيو لحد مالميه تفقد حرارتها اطلعي بأه وادهني الطابون على جسمك كله كله وسبيه على اد متقدري بس انتي هتزهأي كفايه نص ساعه واشطفي جسمك بمية دافيه وبعدان هاتي الليفه وابدأي بأه الفرك اعملي رجلك من اسفل لأعلى يعني حطي اليفه في أخر رجلك واطلعي بيها اتجاه رأسي لأعلى وهكذا وايدك وبطنك ورقبتك كله كله من اسفل لأعلى وهتحتاجي حد يعملك ظهرك هتلاقي الخلايا الميته بتطلع في الفرك بس براحه متفتريش على نفسك علشان جسمك ميلتهبش وبعدان اشطفي جسمك كده نظفنا التبييض بأه اعجني الحنه واعملى جسمك كله كله وسبيها لحد متنشف نص ساعة برضه واشطفي جسمك بعدها تكوني مجهزة اي زيت عطري عندك او كريم حلو مش بيدهنن او اللي انا بعمله هاتي زيت لوز حلو وخففيه بميه وادهنى جسمك كله ونعيما يا قمر
  13. رحوبه

    حملة توعية: "بين تعدد الزوجات & رضاكِ بشرع الله"

    سلام عليكم جميعا ياسلااااااااااااااااام يا جماعة ايه الموضوع الرائع ده انا هقول رأيي ومستنيه ردودكم واللي مش مقتنع يفهمني وجهة نظره انا في فدماغي افكار كتير عايزه اطلعها افتكرو معايا قبل الأسلام كان حال المرأه ايه؟ كان الراجل بيتجوز بالعشره وكلهم بياخدو على دماغهم وبيتعاملو اسوء معامله كان الراجل لما مراته تموت يتكسف يرثيها كان لما يذكر مراته يقول الجماعه اعزكم الله(زي ماحنا دلوقتي لما نكلم حد ونذكر مثلا الجزمه نقول _الجزمة اعزكم الله-)المهم دي حجات بسيطه من الوقع لما الأسلام جه بأه اكرم المرأه وحدد التعدد بس بأربعه يعني لما كانو زوجات الصحابه اربعه ومبسوطين كان لأنهم كانو عشره وعشرين ومتبهدلين واصبحوا اربعه وبيعاملو احسن معامله يعني كأن واحد محكوم عليه بلأعدام واتخفف الحكم لخمس سنين مثلا,مستني منه ايه؟يقول لأ خمس سنين كتير دلوقتي العرف اختلف مش علشان المساواة والكلام الفارغ ده لأ علشان مع الوقت واختلاف الظروف الماديه والأجتماعيه اصبح الطبيعي واحده واللي بيعدد بيكون غالبا لأنه الولى كبرت وراحت عليها والأخ عايز يجدد(مش علشان احياء سنة الرسول كما يدعي هؤلاء)ولأن مبأش في رجاله اصلا عارفه تسد على بيت واحد وزوجه واحده بما يرضي الله وكما امر رسول الله(مش عارفين يحيوا السنه مع واحده اصلا)او لأن واحده صغننه وظوظه لعبت في دماغه علشان كده دلوقتي صعب واحده توافق عالتعدد زي مكان زوجات الصحابه هو شرع ربنا انا لا اعترض بس الأخ الملتزم المقتدي بعدي سيدنا محمد(خلاص احيا كل السنن مش ناقص غير التعدد)المفروض من قبل الزواج يدور على واحده بنفس القناعه مش يتجوز واحده عاطيه الأمان وبعد كام سنه لما تتلخم فالولاد وعمرها يروح في خدمته يفتكر حضرته احياء سنة التعدد وميفتكرش استوصو بالنساء خيرا أخر وصيه لخير الأنام عليه الصلاة والسلام وميفتكرش انه صلى اله عليه وسلم لم يتزوج على السيدة خديجه طيلة لفترة الزواج وفضل بعد الوفاة بدون زوجه لفتره للأسف مش متذكراها يأما ثلاث يأما سبع سنوات ولما تزوج بعدها تزوج سودة على ما اتذكر وكانت امرأة عجوز وكل زوجاته بعد كده كانوا لأغراض فعلا دينيه ودعويه صلى الله عليه وسلم ومفتكرش ان مفيش اي معنى لأنه يهدم بيت واولاد ويكسر قلب زوجه ويفتنها علشان يحيي السنه بيخرب بيت وعائلة علشان يحيي سنه اي سنه هذه وبالنسبه لحجة العوانس وان الأخ بيتزوج علشان ييحمي عانس يتقي الله ويصدق مع نفسه يعني هو رحيم وشفيق بالأخت العانس ولا يعبأ بشعور زوجته اي احساس مرهف هذا لو كده فعلا يساعد شاب برضه محتاج للعفاف ويعفه ويزوجه ويوفرله فرصة عمل اما لو الموضوع شهوة او رغبة فالا داعي للف والدوران والصاق الأمر بالدين واعفاف الأخوات والأقتداء بسنة خير الأنام عليه الصلاة والسلام ما أرحمه وأشفقه لو كان موجود عليه الصلاة والسلام الأن وراح الأخ التقي سأله اتزوج بأخري وأكسر قلب زوجتى وادمرها وهي الزوجه التقيه الصالحه اللي شايلاني وشايله البيت والولاد على راسها علشان احيي سنة التعددد ولا احفظها واحسن معاملتها واحيي سنة الأحسان للزوجه كما كان محمد علية الصلاة والسلام,ايهما افضل.قولوا انتو كان هيرد يقول ايه علية الصلاة والسلام انا مش بتكلم على الزوجات اللي مقتنعه بالتعدد وشايفه ان ده حكم ربنا عليها دول ليهم قناعتهم وربنا يرضيهم بعيشتهم ودول برضه مش حقهم يفرضوا قناعاتهم علينا ولا يدعو لأصلاح المجتمع بالتعدد المؤمن كيس فطن الدعوة للتعدد هتخرب بيوت ا تعد ولا تحصى اي مجتمع اللي هيصلح بالتعدد,لا حول ولا قوة الا بالله علعموم انا بتكلم عليا وعلى زوجات كتير رافضين المبدأ وازواجهم عارفين كده ومتزوجينهم على كده اما بالنسبه لأيه ذنب العوانس والله واية ذنب المرضي واصحاب الأبتلاأات وايه ذنب النساء العقيمات وايه ذنب اي مبتلى فالدنيا ملهومش ذنب ده قدرهم.يعني علشان صعبان علينا العانسات ندعو بفتح باب التعدد ونخرب البيوت وميصعبش علينا الزوجات والأولاد وبالنسبه لكل اخت يعرض عليها الزواج كزوجه تانيه لو فعلا ملتزمع وبتتقي الله تسأل الأولى وتشوف وقع الموضوع عليها وترضى لأختها اللي هترضاه لنفسها لكن الأشتراك فغش وخداع الزوجه او الموفقه ببناء سعادتها على خراب بيت وتدمير اخت ليها فليست من الألتزام في شئ ولأخر مره انا مش كلامي للزوجات المقتنعات بالتعدد انا كلامي للفئة الأخرى انا واخواتي

منتدى❤ أخوات طريق الإسلام❤

‏‏من سورة النحل [99] ﴿ إِنَّهُ لَيْسَ لَهُ سُلْطَانٌ عَلَى الَّذِينَ آَمَنُوا وَعَلَى رَبِّهِمْ يَتَوَكَّلُونَ ﴾ لا يقوى تسلُّط الشيطان على الإنسان إلا مع ضعف الإيمان، وإذا قوي الإيمان ضعف تسلّطه. دُرَر الطَّريفِي

×