اذهبي الى المحتوى

بُشرة خير

العضوات
  • عدد المشاركات

    487
  • تاريخ الانضمام

  • تاريخ آخر زيارة

السمعة بالمنتدى

3 متعادل

3 متابعات

عن العضوة بُشرة خير

  • الرتبة
    عضوة نشطة
  • تاريخ الميلاد الجمعـة 14 آب 1987
  1. بُشرة خير

    وحشتونى

    السلام عليكم حبيباتى لن تتذكرونى ولكن افتقدتكم كثيراً وأتمنى لو تواصلت معكم من جديد ربنا يبارك فى صحبتكم وجمعكم ويجمعكم ف الجنة وإيانا اللهم آمين
  2. بُشرة خير

    أفيدونى بخصوص مجالس العلم ف الرياض

    جزاكم الله خيراً سندس حبيبتى جزاكم الله خيراً أم العبادلة ... جبتى م الآخر :) ... ان شاء الله أروح ولو حد يعرف حاجة تانى يفيدنى ربنا يباركلكم
  3. بُشرة خير

    مشتركات دورة ,, لتشرقي معنا ندية ,, اجمــــــع :)

    السلام عليكم ساجدة الحبيبة قرأت كل ما مضى ولم أكن مشتركة هل ممكن أشترك الآن ؟
  4. السلام عليكم ورحمة الله حبيباتى سألتكم عن معاهد القرءان وأفادتنى أم العبادلة جزاها الله خيراً اليوم أسألكم عن الدروس ف المساجد سواء دروس علم ممنهجة أو رقائق أو غيره ... المهم انها دروس متقطعة وليست معهد منتظم .. دروس عادية فى أوقات بعد الفجر وبعد المغرب والعشاء اذكروا لى أسماء المساجد وأماكنها واسم الشيخ جزاكم الله خيراً أنتظر ردكم وياحبذا لو غرب الرياض
  5. بُشرة خير

    أفيدونى بخصوص معاهد القرءان ف الرياض

    وعليكم السلام ورحمة الله وبركاته جزاكى الله عنى خيراً يا أم العبادلة عملت بنصيحتك وبحثت عن معاهد اعداد المعلمات ووجدت واحد قريب منى الحمد لله بس مش عارفة اتأخرت ف التقديم ولا ايه يارب يقبلونى ان كان خيراً
  6. السلام عليكن حبيباتى بالله أجيبوا سؤالى أنا أقيم بالرياض وحاولت البحث عن معاهد قرءان وعلوم شرعية ولكن احترت هناك الكثير بفضل الله ولا أعلم الفرق بينها أريد معهد يركز ع القرءان حتى لو كان قرءاناً فقط بدون علوم شرعية ولكنى أريد مكان به جدية ومنهج جيد جزاكم الله خيراً أنا ف غرب الرياض
  7. وحشتونى أوى :)

    1. اظهر التعليق السابق  %d اكثر
    2. وأشرقت السماء

      وأشرقت السماء

      بشرة منورة حبيبتي والله.

      إنتي كمان وحشاني كتير أخبارك إيه يا بنت؟ وفين اختفيتي كدة

      إنتي لسة هنا ولا نزلتوا مصر؟ طمنيني عليكِ حبيبتي

       

    3. حياة إسلامية

      حياة إسلامية

      اهلا بشرة غيبة طويلة :) الحمد لله انك بخير نورتي

    4. حواء أم هالة

      حواء أم هالة

      عودا حميدا بشرة بشرتينل بقدومك ^ـــــــ^

  8. بُشرة خير

    سجلى دخولك عندنا..بنصيحة حلوة زينا ^^

    وعليكم السلاااام ورحمة الله وبركاته أكثر من رائع يا بنات ننتظر المزيد
  9. بُشرة خير

    بعض النصائح ( المجربة ) لكل من تأخر حملها

    آمين آمين جزاك الله خيراً حبيبتى ويصال دعاء
  10. السلام عليكم ورحمة الله يا بنات ده ملف كامل فيه نصايح كلها متجربة إن شاء الله ... ربنا ينفعكم بيها ملحوظة : الموضوع مش من كتاباتى وانما من كتابة صديقة عزيزة ليا أسألكم الدعاء لها بظهر الغيب أن يرزقها الله ذرية صالحة عاجلاً غير آجل ويرضيها ويرضى عنها نبدأ بسم الله دي شوية حاجات انا جربتها شخصيا منها وصفات عالنت ومنها كلام دكترة الطب البديل ومنها حاجات اجنبيه قرأتها ربنا ييسر وتنفع اي حد بيها أنا عارفه اللي زي حالاتنا بيبأى بيتعلق بقشايه ربنا يرزق كل مسلم محروم آمين يارب العالمين فكرت في الموضوع دا أني اكتبه جديا في صورة موضوع مسلسل بكلللللللللللللللللل حاجه عسى ربي ينفع اي حد بيه وأكون سبب في إدخال السرور على قلوب المسلمين وربنا يجعله في ميزان حساناتي يوم لا ينفع مال ولا بنون إلا من أتى الله بقلب سليم جائتني هذه الفكره لأسباب منها ان يعم النفع وأن الناس بتقتنع أكتر بالحاجات المجربه ونتايجه مضمونه ومنها إن النت مليييييييئ بحاجات كتير منها مفيد ومنها أشعر انه درب من التخاريف ومنها حاجات كتيره ووصفات صعبه وطعمها اصعب والإستمرار عليها اصعب وأصعب ومنها أني بفضل الله عندي خلفيه طبيه فإلى حد ما أعرف اميز العك والمناسب وأربط الدنيا ببعضها بصوا هي عموما نصايح مفيده للجسم وتحسين لجسمك عموما (لأن ممكن نقص أي عنصر يحتاجه الجسم يكون سبب في تأخر الحمل ) هو أنا لغاية لحظة كتابة هذه السطور لم يكتب لي ربي الحمل لكن ليس معنى هذا إنها حاجات ملهاش لازمه إطلاقا لعدة أسباب منها إن الحمل دا بأمر الله وحده كم من ناس معندهمش حاجه ولم يكتب لهم الله الحمل وكم من ناس عندهم مشاكل للصبح كتب الله لهم الحمل عادي جدا وكم من ناس جربت حقن مجهري وأطفال أنابيب وفشلت وسبحان الله حصل حمل عادي جدا ومن دون هذه الأشياء فكله بأمر الله أولا وأخرا ولكنها أسباب ومنها إني شعرت بتحسن حقيقي سواء ملموس في التحاليل ومتابعة التبويض وتحسن أنا شعرت بيه في جسمي أنا شخصيا يعني حسيت بالتحسن أكيد في كتير هيفهم ده مش عارفه كل الستات بتحس بأجسمها ولا لأ أسفه اني طولت عليكم كل ده لكنها مقدمه لابد منها لتعلموا ما مدى تأثير هذه الأشياء ولا تتركوها بسبب إن صاحبتها محملتش وطلب أنكم تحاولوا تنشروا الكلام ده في كل حته وتقوله لكل اللي تعرفوه عسى ربي ينفع بيه ويكون صدقه جاريه لي بعد موتي وأسأل الله القبول بالله عليكم لا تتخاذلوا في نشره فلن يكلفك شئ طبعه في اي موقع وأي منتدى والدال على الخير كفاعله أو كما قال صلى الله عليه وسلم فلن تعدموا الأجر بإذن الله ولا تقلقوا من تبعات الموضوع أو اي أضرار تلحق بأي شخص لأني بفضل الله عز وجل من النوع المتأني جدا وبخاف أوصل أي معلومه خاطئه لأي حد وأعلم جيدا ما مدى عظم هذا الأمر عند الله عز وجل دا غير إني زي ما قلتلكم أنا مجرباها بنفسي وأنا دقيقه جدا بشكل مش طبيعي ندخل في المهم لازم تعرفي حاجه مهمه جدا إن صحة جسمك وحده واحده مش تأخر الحمل حاجه وأنا جسمي حاجه تانيه لأ أي مشكله في اي حته ممكن تأثر على شئ تاني في الجسم بمعنى إن أحيانا تأخر الحمل دا بيكون عرض لخلل ما أو إنذار لك أن في حاجه مش مظبوطه عندك يعني هتجدوا نصايح تحسوا أني بقولكم تعملوا دايت (رجيم) وهو مش رجيم ولكن بحث عن الصحه وأيضا من وزنها زائد لابد أنها تحاول تنزل وزنها(حتى تصل للوزن المثالي) بطريقه منطقيه يعني تاكل أكل صحي وتعمل رياضه مش رجيم قاسي حتى لا يأتي بنتيجه عكسيه أو يفقد جسمها قدر من المعادن والفيتامينات ولو إلتزمت بما سنذكره عن الأكل بإذن الله هتخس أما اللي عندها بطن سواء سمينه أو وزنها كويس يفضل إنها تحاول تنزل بطنها لأن الدهون في منطقة البطن قد تعيق في بعض الأحيان التبويض أو الحمل أو قد تؤثر على سلامة الحمل والطريقه بسيطه جدا بإذن الله وهي 1_إنها تحاول تفرد ظهرها أغلب الوقت وتبقيه مستوي لاتنحني في الجلوس أو الوقوف أو المشي 2_ تعمل تمارين بطن خفيفه وتبدأ مثلا ب5 عدات في اليوم وتزيد تدريجي كل يوم 2 أو 5 حسب ما تحس إن عضلات بطنه متحمله العدد حتى تصل إلى 25 أو 30 بالكتير مش عايزين أكتر من كده يفضل التمارين تكون بعيد عن الأكل بمسافه كافيه حوالي ساعه ونصف إلى ساعتين وبإذن الله بطنها هتتشد خلال وقت قصير بفضل الله تنبيه أخير وهذا متعلق بالسموم التي تدخل الجسم أثناء غسيل المواعين أو الهدوم يجب أن ترتدي جوانتي حتى لا تدخل هذه الكيماويات إلى الجسم لأنها قد تسبب تشوه في الأجنه (سمعتها من دكتور متخصص في الحقن المجهري وأطفال الأنابيب) وطبعا هذ الكلام يندرج عموما تحت كلامنا إننا نخلي جسمنا صحي وخالي من السموم حتى يسهل ويستجيب للحمل بسهوله بإذن الله 1_أكلك لازم يكون أكل صحي بمعني أكثر جدا من الخضروات وخصوصا الخضراء والورقيه وركزي على البروكلي والكرنب النئ والخس (لأن زي ما قلنا قبل كده ممكن نقص أي عنصر يحتاجه الجسم يكون سبب في التأخير) و الفواكه وقللي من الموالح زي البرتقال واليوسفي والليمون يعني لا تتعدى مثلا 30% من كمية الفاكهه اللي تاكليها في اليوم يعني مثلا هتاكلي 4 ثمرات فاكهه تكون واحده بس منهم برتقال مثلا وهكذا إمنعي نهائي الحاجات اللي فيها هرمونات (اللبن والبيض والفراخ واللحوم) هاتي حاجات من مصادر موثوق منها الفراخ البلدي والبيض البلدي لو تعرفوا حد بيربي وهكذا لأن للأسف ليها تأثير بشع في لخبطة الجسم وخصوصا هرمون اللبن (البرولاكتين ) قللي جدا من المقلي والمحمر(لأنها سبب لتراكم سموم ودهون غير مفيده وكمان ضاره ) خليكي في المسلوق والمشوي متحرميش نفسك أه لكن غالب أكلك يكون صحي قللي من النشويات خالص إستبدلي العيش والمكرونه والأرز بالبني منها الغامق زي العيش الأسمر وقللي من باقي النشويات كلي منها بعقل بمقدار يفيد جسمك بدون ضرر وكتري من الخضار والفاكهه والأشياء الفيده عصاير بدون سكر الحلويات كليها بمقدار حاجه كده من نفسك يعني متحرميش نفسك لكن برده بعقل زي ما قلنا الجسم منظومه كامله متكامله لأن النشويات الكتير هتؤدي لإفراز الإنسولين كتيييييييييييييييير ودا بدوره كافي للخبطة باقي الهرمونات والدهون كذلك ممكن تعملي أغلب اكلك بدون دهون خالص تطبخي اللحمه مع البصل مثلا بدون دهون وتحطي ليها الخضار والطماطم وهتبأى زي الفل وطعمها تحفه سلق المكرونه يكفي برده تحطي للميه ملح عشان متعجنش ومش لازم زيت نهائي لسان العصفور ممكن تحمريه بسرعه ومن غير دهون خالص وبعدين تحطيله الشربه وطمعه زيه زي العادي 2_ شرب الماء كثير منا يهمله وأنا شخصيا من أقل الناس اللي بتشرب ميه لدرجة ممكن في الشتاء يعدي عليا يوم مشربش نهائي ويمكن أكتر كمان الميه مهمه جدا في خروج السموم من الجسم فتنقي الدم وتنشط أجهزة الجسم عموما معدل شرب الماء حوالي من لتر ل2 لتر وكل جسم مختلف عن التاني طيب الضابط في أمري إيه ؟؟؟؟؟؟ دي بأى سمعتها من دكتور إن يكون لون البول شفاف مش بني وأصفر غامق لو له لون وغامق يبأى إنتي محتاجه تشربي ميه المعدل بمعني مش همسك اللتر أشربه وأنا واقفه ولا على مرتين ولا تلاته لأ خالص لأن ممكن لو شربتيه مره واحده أو على مرات قليله هتلأي نفسك عايزه تدخلي الحمام كذا مره ورا بعضه ورا بعضه وخلاص وهتكوني لا إستفدتي وفي نفس الوقت زودتي حمل وضغط عالكليه أمال أعمل إيه ؟؟؟؟؟؟؟ تقسميهم على مدار اليوم كل نص ساعه مثلا نص كوبايه أو كبايه برده حسب طبيعة جسمك وأن هل انت من النوع اللي بيدخل الحمام كتير من أي بوء ميه تشربيه يبأى في الحاله دي تحاولي تقللي الجرعه وتباعدي الفترات شويه لكن لا تقلي عن 7 أكواب في اليوم ومننساش الضابط زي ما قلنا لون البول أما لو انت من النوع اللي بيشرب ميه كتير ومش بيقلقه حوار الحمام دا فدوسي براحتك وأشربي براحتك بس زي ما بنقول مش ورا بعضه ورا بعضه (كل إنسان طبيب نفسه ) أنا بحطلكم النقاط الأساسيه وانتو ظبطوا نفسكم أما في الشتاء فياريت منشربش حاجات ساقعه وحتى في الصيف كمان بس مش عايزه أخنق عليكم الحقيقه أكتر من كده يعني في الشتاء مثلا تملي كوباية الميه (أو أي مشروب)وتتركيها في درجة حرارة الغرفه وتشربي منها شويه بشويه وتملي غيرها وتتركيه عشان لما تيجي تشربيه يكون في درجة حرارة الغرفه دا مفيد ليه عشان التبويض بيعتمد على درجة حرارة الجسم لو تعرفوا أن أثناء التبويض بترتفع درجة حرارة الجسم من نصف إلى درجه كامله فأنا عايزين نحاول نثبت درجة حرارة جسمنا لا نرفعها بالسونا ولا نقللها بشرب المشروبات البارده وبالتالي تخلي بالك برده أنك في الشتا متسبيش نفسك تسقعي ولو حاجه بسيطه يعني تحاولي تكوني مدفيه يا دوبك من الفيتامينات الأساسيه للمرأه والرجل الفوليك أسيد والزنك أما الفوليك أسيد فالمرأه تاخده من قبل الحمل ب3 شهور ولأن كمان نقصه ممكن يعمل تشوه للأجنه ربنا يعافينا والزنك مهمه للخصوبه عن الأتنين 3_ نجي بأى للرياضه أنا أفضل المشي فقط بلاش الجيم وألعاب عنيفه وعايزه مجهود أفضل حاجه على الإطلاق المشي من نصف ساعه إلى ساعه يوميا حتى لو تمشي في البيت نصف ساعه لو مكسله تنزلي او لو مفيش وسيله له بس طبعا الأفضل في الخارج في الهواء الطلق (لأن الدهون في منطقة البطن أحيانا يكون ليها دور في تأخر الحمل ) فوايده : برده تنقيه للدم وتنشيط للجسم عموما دا غير أنه بيظبط الهرمونات ودي سمعاها من دكتور عالتليفون بيظبط هرمون الإنسولين اللي هو مسؤل عن السكر عشان الناس اللي عندها تكيس أو عندهم قابليه وعرضه للسكر نتيجة إن حد في العيله عندهم عنده سكر فممكن يجيله بالوراثه والإنسولين ده نقدر نقول مؤثر في أغلب الهرمونات ومعنى إنتظامه أنه هيساعد في تنظيم باقي الهرمونات(FSH , LH) المشي فرق في تنظيم البروجيسترون(وبدون أدويه) الناس اللي بتعاني من تنقيط الدم من قبل الدوره ب4 أيام وأكتر وبيظبط هرمون اللبن (البرولاكتين ) ودي أروع حاجه عشان الأدويه بتعته متعبه جدا جدا وأعراضه الجانبيه سخيفه دا غير أنه ممكن يرجع تاني أما في حالة إن حد عنده إفرازات بتنزل من الثدي زي اللبن فدي تفضل إنها تاخد الادويه بجوار المشي ونصيحه محدش منه لنفسه يعد يفحص في الثدي ويشوفه في لبن ولا لأ دا تعمليه مره واحده عند دكتوره وخلاص خلصنا شكرا تعرفي بس أنتي من انهي نوع ومش كل دكتوره تروحيلها تفحص لو فحصتي مره قولي لدكتورتك انا حد فحصني قبل كده ومفيش لبن وخصوصا لو الفحص كان من مده قريبه خلال كام شهر ويفضل المشي يكون بعد الأكل بساعتين وقبل الوجبه التانيه بساعتين وإذا صعب أوي ممكن تخليها بعد الأكل بساعتين وقبل الوجبه التانيه بساعه عالأقل او ساعه ونصف وشرب الماء يكون قبل المشي وليس بعده نيجي للعلاجات : الحجامه أكتر أكتر أكتر من رائعه صدق رسول الله صلى الله عليه وسلم وما ينطق عن الهوى دي عن تجربه شخصيه ظبطت معدل (LH ,FSH) والحجامه عموما منقيه للدم من السموم وتنشط الدوره الدمويه عشان الدم يوصل للأعضاء كويس يعني اللي معندهاش مشاكل أصلا هي وزوجها ممكن يعملوها لعل وعسى الله عزوجل يجعلها سبب (لأن زي ما قلنا الجسم كله وحده واحده ) تتعمل مره في الشهر لمدة 3 شهور متتاليه ده في حالة الناس اللي معندهاش حاجه ظاهره أو خلل بسيط في معدل الهرمونات أما اللي عندها مشكله عدم إنتظام الدوره أو ضعف تبويض شديد فتستمر إلى إنتهاء الأعراض في أواخر الحيض يعني بعد توقف الدم في اليومين اللي بيكون فيها إفرازات مش مدممه وقبل الطهر (حسب كل واحده ودورتها ) بس دي ليا برده شوية ضوابط عن تجربه لأني جربت للأسف مع دكتوره لمدة 4 جلسات ولم يحدث أي تغير رغم أني قبلها وبعدها كنت عملت حجامه والتحليل كانت فرقه جدا بالنسبه لو خرج كمية دم معقوله من أول مره حوالي مثلا سم ممكن نشفط مره تانيه كمان ويكون دا كافي الكلام دا في جلسة الحجامه الواحده أما لو في الجلسه الواحده جيتي تشفطي اول مره نزل نقط صغيره اوي ففي هذه الحاله لا تتركي الكاس مده طويله ولكن تفكي وتشفطي تاني وتفكي وتشفطي كذا مره لغاية ما يستحس الدم أنه يخرج بالكميه المطلوبه بمعنى أنك ركبتي ال3 كاسات وعلى ما خلصتي تركيبهم واستنيتي دقيقه او أقل ومفيش غير نقط بسيطه بتخرج نفك ونركب تاني كاس كاس لغاية ما نخلص ال3 ونرجع تاني من الاول نفك ونركب كاس كاس لغاية ما نخلص ال3 وهكذا ممكن 4 أو 5 مرات في الجلسه لواحده لحد ما الجسم يخرج دم لو مخرجش خالص بأى ففي هذه الحاله نكتفي ولا أظن إن بعد كل هذه التجارب مش هينزل خالص بشرط أن نكون متأكدين إن التشريط كافي لخروج الدم مش كأن التشريط نقط صغيره خالص فطبيعي مش هيخرج دم وفي نفس الوقت ميكنش التشريط تشريح يعني أنا الكلام ده بشرحهلكم ليه عشان لما تعملي حجامه تعرفي اللي بتعملك دي بتعمل صح ولا غلط عشان مترجعيش تقولي الحجامه مش بتعمل حاجه لأني للأسف حصل معايا كده بعد ما كنت موقنه انها فرقت استغربت اوي أمال ايه اللي حصل فلما عملت مع حد تاني إكتشفت ان المشكله في الطريقه مش في الحجامه المواضع بأى أهم حاجه 3 مواضع أسفل الظهر على شكل مثلث مقلوب وموضع رابع تحت الرقبه عند العظمه البارزه في أول الظهر وموضعين على المبيضين من الأمام أسفل البطن لكن دي مش بيكون فيها تشريط جافه (تعمليها يوم ويوم لحد معاد التبويض وبعدها نتوقف خشية إن يكون حصل حمل فتؤثر عليه مش أكتر أما لو واثقه أن مفيش حمل زوجك مسافر أو كده فمفيش مشاكل مش مضره يعني ) برده بقول الكلام ده ليه مش عشان تعملي لنفسك او اي حد عمره مجرب يعملك لأن عشان تكوني عرفه المواضع بالتقريب لكن مكانه بدقه دا بيتحدد من الكتب والرسومات اللي عالنت بتوصفلك توصلي للنقطه المطلوبه إزاي من الآخر بفضل الله وحده الحجامه لها مفعول السحر في كلللللل الأمراض بإذن الله ملاحظات ما بعد الحجامه : الراحه لمدة يوم او يومين أكل خفيف سهل الهضم لمدة 12_24 ساعه بعد الحجامه يعني خضروات نيئه ,فواكه ,عصائر , ماء محلى بعسل (يفضل الإمتناع عن الدهون والبروتينات من جبن وبيض ولحوم) والفكره أنك لا تشتتي الدم في الهضم وفي العضلات عند الحركه والمجهود يعني يركز في الأماكن المطلوبه فقط أما لو معندكيش حد يعمل حجامه او بتخافي اوي من التشريط( مع إنها مش مرعبه خالص الم عادي محتمل يعني لمدة بعدها ب3 أيام بالكتير وخلاص كأن لم يكن ) ممكن تعملي أنت وزوجك في البيت لبعض حجامه جافه يعني كاسات هوا فقط بدون تشريط يعني تحطي الكاس وتشفطي بالآله الخاصه جيه في علبة الكاسات وتتركي 5 دقائق فقط لكن دي مفعولها أبطأ من حجامة التشريط فبتتعمل كل يوم وأو بحد أقصى يوم ويوم أما بالنسبه للكاسين أسفل البطن عندك فكما ذكرنا نتوقف بعد التبويض يعني اللي تستمري عليه طول الشهر عادي اللي في الظهر الأعشاب : البردقوش وده منظم طبيعي للهرمونات ومخفض طبيعي للسكر والضغط يعني ممكن تمتنعي عن أدوية تنظيم الدوره وتنتظمي عليه يؤخذ بمعدل معلقه صغيره يضاف عليها ماء مغلي وتشرب كوب صباحا وكوب مساء ويفضل قبل الأكل بنصف ساعه معلومه عامه الأعشاب لا تغلى مطلقا إلا لو عشب بعينه لحاجه بعينها سعتها نغليها والكميه عموما في الأعشاب مش نملى بقلب جامد لأ يكفي اوي معلقه صغيره في حالة الأعشاب الهايشه او اللي حجمها كبير ووزنها خفيف زي البردقوش والمرمريه أما الزنجبيل والقرفه فيكفي معلقة الأيس كريم الصغيره وكمان متكون ممتلأه عالآخر المرمريه أعرف أنها كويسه للتبويض جدا لكن فعليا معرفش نظام أخذها يعني هل تؤخذ أثناء الحيض أم لا ؟؟؟؟؟؟ مشفتش فيها حاجه موثوق فيها غير ان واحده قالت نقلا عن دكتور إن تشرب أيام التبويض كوب واحد في اليوم فقط الناس اللي عندها تكيس واللي عندها الLH عالي بس دورتها منتظمه وحد من أقارب الدرجه الأولى في العيلتين عنده سكر مثلا أب أو عم أو عمه , أم أو خاله أو خال يعني عندها إحتمالية نسبة السكر الوراثي عالي فدي بالوراثه هيكون عندها إعاقه بسيطه في معالجة الأنسولين للسكر فالجسم بيضطر يفرز كميه أكبر من الأنسولين عشان يتعامل مع السكر اللي دخله فنتيجه لكده هيأثر على الهرمونات الأنثويه ويسبب لنا ال3 حالات اللي فوق دول وعشان كده قلنا نقلل من النشويات والسكريات ونعمل رياضه ونشرب ميه كتير ونضيف ليهم دوا السكر اللي هو جلوكوفاج أو السيدوفاج(وأنا عن نفسي أشعر إن الجلوكوفاج أخف من السيدوفاج في الأثار الجانبيه) للناس اللي جربتها وجدت إنها أثارها الجانبيه تعبتها جدا جدا فتعمل الآتي القرص 500 مجم تقسمه نصين وتاخد نصف واحد فقط بعد الأكل الوجبه الرئيسيه بإذن الله بإذن الله مش هيتعبها خالص تستمر كده أسبوع وفي الأسبوع التاني تاخد قرص كامل بإذن الله مش بعد إسبوع ممكن تعلي الجرعه تجيب الدوا اللي تركيزه 850 وتاخد قرص واحد في اليوم برده بعد الأكل بس يُفضل تكون الوجبه الرئيسيه عشان معدتك متتعبش من الدوا والآثار الجانبيه ممكن بعد أسبوع نعلي الجرعه (في حالة إن أحد الدكاتره طلب منك هذا التركيز, يعني تثبتي عالجرعه اللي الدكتور حددهالك ومتزوديش عنها ) عشان مش مستعده أتحمل أمام الله مسؤلية حد يضر من الدوا بس أنا الدكتوره بتاعتي قالتلي أخد 500 مرتين في اليوم (فالتركيز حسب الدكتور ما يقول ) ولو حصل عند أي جرعه تعب من غثيان وما شابه حاولي تضغطي على نفسك أسبوع وإن شاء الله ربنا يهونه عليكي وهتكوني زي الفل بعدها هخوفكم شويه عشان متدسوش في الدوا أوي لو حصل هبوط حاد في السكر في الدم ممكن لاقدر الله يؤدي إلى غيبوبة سكر وإذا متلحأتش وبسرعه لا قدر الله ستؤدي للوفاه فتقنين للكلام اللي بقوله لازم حد يكون بالشروط اللي فوق دي وكمان لما راحت لأي حد من الدكاتره وسألها عن حد في عيلتهم عنده سكر ووصفلها العلاج ده فقط لا غير أنا مش مستعده أتحمل مسؤلية حد أمام الله أنا بس قلت نصيحة تقسيم الجرعه لأن حالتي محتاجه الدوا ده فعلا وعندي أغلب العيله من ناحية أمي وأبي عندهم سكر فنسبتي عاليه اوي اكتر من أي حد و2 دكاتره قالولي عليه وانا كنت بتعب منه مووووت وبعد 3 سنين حسيت اني علاجي ممكن يكون فيه فاضطريت أرجعه بالوصفه ده نتيجه لنصيحة أخت ليا في الله جزاها الله عني خيرا فالفكره كلها ان اللي دي علاجها انا بديها طريقه متتعبهاش من الدوا أما الممنوعات يفضل الإمتناع عن الحاجات اللي بتاخدها المرضعات (الحلبه , الينسون . الموغات ) خوفا من إنها تعلي البرولاكتين الجنزبيل يفضل الإمتناع عنه قبل التبويض بيوم لحد معاد الدوره الجديده في بأى موضوع الخردل في طبق تحطي 6لتر ماء ساخن على قدر ما تتحملي السخونه وعليهم معلقتين خردل مطحون لمدة نص ساعه معاكي حاجه فيها ميه سخنه أوي جنبك كل ما الماء يبرد تصبي عشان تسخنيه بحيث إلى نهاية النصف ساعه يكون الماء محتفظ بسخونيته وبعدين تنشفي رجلك وتشطفيها بماء دافئ وتنشفيها وخلاص , مره في اليوم لمدة 20 يوم بس أنا معرفش أي وقت في الشهر نعمله حتى لا يضر بالجسم وعن نفسي كنت بعمله بعد إنقطاع دم الحيض يعني أخر يوم تقريبا من الحيض أو بعد الطهر وأنا عملتها في الشتاء فكان ليها دور رائع فعلا في التدفئه سمعتها من دكتور عبد الباسط السيد إنها بتنشط الدوره الدمويه للجسم مفيده للناس اللي عندهم سرعة التجلط عاليه وعرضه للجلطات فبتزود سيولة الدم وحاجه كمان إن الأصل في الجسم إن القدم ساخنه والرأس بارده أما لو المعادله إتعكست فدا اللي مش صح فبنعمل الخردل عشان نظبط المعادله ودا ممنوع للناس اللي ضغطها بيعلى أو الناس اللي ممكن الدوره تجيلهم بنزف ودا اللي سمعته بنفسي من دكتور عبد الباسط لكن قرأت عالنت إن ناس بتقول انه وصفها كمان للناس اللي عندها التصقات في الانابيب فأنا لا أعلم هل مقصود بها إنسداد الأنبوب ذاته أو إلتصاقات البطن اللي ممكن تخلي الأنبوب مش في وضعه الصحيح بعيد عن المبيض يعني مع أنه سالك من الداخل وقرأت إن واحده حصلها سقط ربنا يعافينا كلنا وإتأخر الحمل شويه وخافت تعمل بعدها أشعة الصبغه كما نصحها الأطباء وجربت وصفة الخردل و نزلت الدوره وتاني شهر على طول كانت حامل فالله أعلم هل هذا كان سبب أم لا فممكن تجربيها مره لمدة شهر يعني من بعد الحيض إلى وقت الحيض القادم وتتوقفي والمرمريه فوجدت أحد الناس تقول نقلاً عن أحد دكاترة العقم المشهورين أنها تؤخذ أيام التبويض كوب واحد في اليوم يعني وليكن أيام 10 و12 و14 فقط أو حسب أنتي أيام تبويضك أيه العسل والطلع وغذاء الملكات كثير شكروا فيه وكثير بفضل الله جعله الله سبب في حدوث الحمل لكن الكميات كالآتي لأن بعض الناس قد تأخذ بكميات كبيره جدا فتضر أكثر ما تفيد وهذه الكميات من أناس متخصصون في الأعشاب كيلو عسل نحل + 20 جم غذاء ملكات + 50 جرام طلع نخل التهابات المهبل لو عندك إلتهابات وفطريات لابد أن تعالجيه وإذا لا قدر الله في قرحه لابد أيضا إنها تتعالج لأنها قد تعيق الحمل فتتعالج أو تكوى حسب ما الدكتور يقول خلاص اتعالجتي من أي إلتهابات وسليمه الحمد لله عشان تحافظي على نفسك كوقايه من الإلتهابات مره أخرى تحاولي أنك تنتظمي في إستخدام المنظفات والغسول الخاص لهذه المنطقه إستخدام يومي بشرط أن يكون إستخدام خارجي مش (دش مهبلي) فقط إستخدام خارجي وممكن تدخلي يادوبك طرف صباعك عقله واحده فقط حتى تنظفي مدخل المنطقه جيدا لماذا الدش المهبلي لأ ؟؟ لأن درجة حموضة المنطقه دي مهمه ربنا سبحانه وتعالى خلقها لها مواصفات خاصه بحيث تحميها من الميكروبات وفي نفس الوقت لا تؤذي الحيوانات المنويه فكثرة إستخدام هذه الأشياء من الداخل قد تؤدي إلى عدم حدوث الحمل وإلى سهولة الإصابه بالفطريات والميكروبات الكلام ده طول ما أنتي سليمه ولا تعاني من شئ أما لو كنت مصابه بإلتهابات وأثناء العلاج الدكتور قالك دوش فهذا غير معارض لكلامي لأنه علاج ووقتي أما ما أتكلم عنه الإستدامه مده طويييييييييييييله الحاله الأخرى أن الدكتور قاس درجة حموضة هذه المنطقه ووجدها عاليه هذا يعني أنها تكون سبب في موت الحيوانات المنويه وبالتالي عدم حدوث الحمل فسيكتب لها الطبيب محلول قلوي وهذه أيضا يجب عليها إستخدامه كما أشار الطبيب لأنها في هذه الحاله مريضه بمانع من موانع الحمل في بعض الناس نتيجه لذلك بتحاول تجرب غسول بيكربونات الصوديوم أو البيكربوناتو كلها أسامي لشئ واحد(بدون إستشارة طبيب أو نصيحته) يمكن يساعدها على الحمل لكن نصيحه حتى تضري نفسك بذلك وتكوني عرضه للميكروبات والأمراض 1_ عدم الإستمرار عليه مده طويله يعني هما 3 أيام فقط أيام التبويض وليكن 10 و12 و14 أو 13 و 15 و17 أيا كان يومك 2_ هتجربي شهرين 3 فقط وحاولي مطوليش عن كده 3_ يستخدم قبل الجماع بربع أو نص ساعه فقط بعد كده مفعوله هيروح ونقلا عن واحده تانيه جربت وحصل حمل إنها لم يكن لديها هي أو زوجها أي مانع فجربت البيكربونات بمقدار ربع معلقه صغيره على نصف كوب ماء وممكن تزودي الكميه لكن بنفس النسبه بمعنى نصف معلقه صغيره على كوب ماء أو معلقه صغيره على كوبين ماء وهكذا قبل الجماع بساعه أو ساعه ونصف مش أقل وبتدخل السائل لجوه هذا كلامها والتجربه على عهدتها لأنها ذكرت إن تحاليلها سليمه وتبويضها جيد لسع النحل وهذا أخر شئ توصلت إليه وفي بعض الناس تعلم مادى فائدة سم النحل والبعض لا يعلم فتوضيح سريع هو بفضل الله منشط عام منشط لجهاز المناعه (حتى الناس اللي عندها أمراض في المناعه زي الروماتويد وكده فضل الله بيجيب نتايج رائعه شرط الإنتظام ) ومنشط لجميع أجهزة الجسم وبيساعد الجسم أنه يخرج ما به من سموم وهو عامل مساعد بمعنى أنك تأخذي المنظومه كلها على بعض يعني تشربي ماء كثير تأكلي خضره تحاولي تعملي حجامه ولو جافه تمشي وتعملي رياضه كلها بفضل الله مع بعض عوامل يكمل بعضها بعض ودا مينفعش تخديه لوحدك لابد عند طبيب لأنه بيتاخد تحت الجلد وبيكون مخفف بمحلول ملح بمقدار وتركيزات معينه ولابد أن يخفف في وقته لأنه بالوقت يفقد الثبات بتاعه فلابد أن يخفف وقتها ويعطى في أماكن معينه كل نقطه لها دور وكل نقطه تؤثر على أعضاء معينه فالأفضل تبحثي عن حد ثقه تتابعي معه في دكتره بتتعامل بأن تلسع بالنحله ذاتها أنا عن نفسي لم أجرب النحله ولكن جربت السم المخفف وأخيرا والكلام دا كلللللللللللللللللللللللللللللللنا عرفينه لكن من باب وذكر فإن الذكرى تنفع المؤمنين الإستغفار كثيرا كثيرا طول اليوم وأنتي بتعملي أي حاجه ماشيه بتشتغلي في البيت مستنيه الأسانسير مستنيه مواصله مستنيه صديقه وطبعا نيتنا تكون إن ربنا يغفر لنا ذنوبنا ليس فقط للحمل لسببين أولا حتى لا نقطع لما نجد إننا مده إستغفرنا ومفيش حمل ثانيا حتى يكتب لنا الثواب كامل أما لو نيتنا أنه للحمل وفقط ممكن منخدش ثواب أو ناخد ثواب ناقص فعموما كثرة الإستغفار تمحي الذنوب والخطايا وكلنا مليانين وعندنا كتييييييييييييييييييييييييير الدعاء وخصوصا في أوقات الإجابه بين الأذان والإقامه في جوف الليل وقت السحر أثناء الصيام وليس عند الإفطار الصحيح أنك طول يوم الصيام لك دعاء مستجاب وليس وقت الإفطار فقط وخصوصا بأدعية القرآن (رب هب لي من لدنك وليا ) (رب هب لنا من لدنك ذرية طيبه ) (ربنا هب لنا من أزواجنا وذرياتنا قرة أعين وإجعلنا للمتقين إماما) (رب هب لي من الصالحين) (رب لا تذرني فردا وأنت خير الوارثين) وأدعي لأخواتك بظهر الغيب كل أخت تعلميها في مثل حالاتك سواء صديقه قريبه منك أو صديقه لصديقه لك وعمرك ما قابلتيها أو أخت عرفتي قصتها من النت فالملك يدعو لك ويقول ولك بالمثل والدعاء عموما لكل مسلم محروم أن يرزقه الله في أي بقعه من الأرض والإكثار من الدعاء بأدعية الكرب والهم الوارده عن رسول الله صلى الله عليه وسلم قيام الليل ولو بركعتين وركعة الوتر ولو بعد العشاء مباشرة بس برده نحاول نظبط نيتنا إنها لله وإنها لتكفير سيئاتنا وعسى أن ينفعنا في يوم لاينفع مال ولا بنون إلا من أتى الله بقلب سليم تحصين أنفسنا والبيت من أي حسد أو مس أو سحر بالمواظبه على أذكار الصباح والمساء وقراءة سورة البقره وتشغيلها في البيت بإستمرار وتشغيل القرآن عموما في البيت بإستمرار كقناة المجد للقرآن مثلا أذكار النوم وخصوصا جمع الكف والنفث فيه من غير ريق ثم قراءة سورة الإخلاص والمعوذتين ومسح الجسم بعد ذلك ونكرر هذا الفعل ثلاث مرات قبل النوم وقراءة آية الكرسي وخواتيم سورة البقره ورقية أنفسنا عموما بوضع اليد على البطن وتحريكها وقراءة المعوذات والفاتحه وأدعية الرقيه من السنه (بسم الله أرقي نفسي من كل شئ يؤذيني من شر نفس أو عين حاسد الله يشفيني بسم الله أرقي نفسي ) (بسم الله يبريني ومن كل داء يشفيني ومن شر حاسد إذا حسد ومن شر كل ذي عين ) (أذهب الباس رب الناس أشفي أنت الشافي لا شفاء إلا شفائك شفاءا لا يغادر سقما ) المواظبه على الذكر عموما من تسبيح وتهليل وتحميد وقول لا حول ولا قوة إلا بالله والتخلص من الذنوب عموما وذنوب القلب خصوصا مثل الحسد والتسخط ونجاهد أنفسنا للتعبد لله بالرضا والتوكل وعدم الإعتماد على الأسباب مهما كانت والإعتماد على الحي القيوم الذي إذا أراد شيئا أن يقول له كن فيكون فإذا أراد سبحانه ألا يعطيكي لن ينفعك أي سبب كان وإذا أراد سبحانه أن يرزقك رزقك بدون أسباب أو بأيسر الأسباب وفنكثر الدعاء لله بأن ينقي قلوبنا وصدورنا من كل ما لايرضيه وأن يرزقنا قلوبا سليمه وأن يرزقنا التوكل والرضا والإعتماد عليه وحده والرجاء فيه وحده وقطع رجائنا عن من سواه وألا يحوجنا لغيره وفي الختام أسأل الله تعالي القادر المقتدر الملك الرزاق الوهاب أن يهب لنا من لدنه ذريه طيبه تقر بها أعيننا في الدنيا والآخره وتثقل موازيننا يوم القيامه وأن تكون ذريه صالحه مصلحه سليمه ذكيه معافاه جميله سويه باره بنا نحن وكل مسلم محروم من الذريه
  11. جويرية انتى مجربة طعمها ؟ حلو ومقبول ؟ وأستمر عليه أد ايه عشان ألاقى نتيجة ف شعرى وبشرتى ؟
  12. بُشرة خير

    مين فيكم عندها غسالة أطباق أصغر حجم يا بنات ؟

    يسرا حبيبتى جزااااكى الله خيراً قرأت الموضوع أنا عندى فكرة كاملة عنها الحمد لله لانها كانت عند ماما الأول اشترت الوسط وبعدين اشترت الكبيرة وبما إنى أنا اللى كنت بنضف فأنا اللى كنت متولية أمرها وكنت بفهم فيها كل حاجة الحمد لله لكن الجديد بقى انى لما اتجوزت ومرضت قررت أجيب الصغيرة وجبتها فعلاً الحمد لله بس جبتها من مصر وسافرت بيها السعودية وهى يونيفرسال مصرية يعنى مفيش امكانية أجيب مهندس ولا أتصل بالصيانة :( ومشكلتى الحالية هى ان الدراع الرشاش اللى بيلف من تحت بيخبط فى الشبكة اللى بتترص فيها المواعين ومش بيتحرك بحرية مش عارفة اعمل ايه يا يسرا معقولة يكون عيب تصنيع ؟ وساعتها هعمل ايه برضه ؟ :(
  13. بُشرة خير

    غسالة اطباق حقيقى ممتااااااااااااااازه

    انتى فى السعودية يا أم بلال ؟ ممكن أساعدك تجيبيها منين انتى هناك ؟
  14. بُشرة خير

    مين فيكم عندها غسالة أطباق أصغر حجم يا بنات ؟

    جزاااااااااااااااااكى الله خيراً حبيبتى يسرا هشوفهم حالاً وأرجعلك أسألك عن اللى ما فهمتوش يا قمر ربنا يباركلك
  15. بُشرة خير

    مين فيكم عندها غسالة أطباق أصغر حجم يا بنات ؟

    جزاكى الله خيراً حبيبتى سجودى أيوة أكبر م الميكرويف شوية بتاعتى ماركة يونيفرسال بتاعتك ماركة ايه يا سجودى ؟ ومشكلتى يا ستى هقولهالك يارب تفهمينى وتعرفى تساعدينى الشبكة اللى بيترص عليها المواعين قريبة أوى من الدراع الرشاش اللى المفروض انه بيلف عارفاه ؟ ده واضح أوى بس قلت هشغلها برضه يمكن لما تشتغل يبعدوا عن بعض ويلف براحته عادى لكن لما شغلتها بتعمل صوت كركبة كدة وف الكتالوج مكتوب ان الصوت ده معناه ان الدراع الرشاش مش عارف يلف بحرية طيب أنا اعمل ايه دلوقتى ؟ معقولة يكون عيب تصنيع ؟

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×