بنتى تعبتنى ومش عارفه اعمل ايه معاها ارجوكم ساعدونى

[ام يوسف وعبدالرحمن 0]

السلام عليكم ورحمة الله وبركاته

اخواتى انا عندى ولدين وبنت البنت عمرها 13 ونصف احترت معاها حاولت كتير انا اقربلها لكنها تبعد عنى بصوره تتعبنى صاحبتها كتير وحكيت لها كتير عن اسرارى لتفعل مثلى لكنها تبعد عنى علما انى والحمدلله متدينه ومحافظه على كل تعاليم الدين لكنها مش بتحكيلى على اى شئ ولما اسئله فى امورها الشخصيه عشان انصحها تقولى بنرفزه انا عارفه كل حاجه ومبحبش اتكلم فى الحاجات دى نفسى تصاحبنى وخايفه عليها واخيرا اكتشفت انها بعد ماننام بتصحى وتدخل على النت على الشات وتكلم اولاد ومن موبايلها ترن على ارقام ولو اولاد ردو عليها تصاحبهم عبر الموبايل وبتحكى طبعا لصحبتها على كل الحاجات دى وعلما انى سنى مش كبير انا اكبر منها ب18 سنه وكمان كل البنات بيحبو حكو معى على كل اسرارهم وشئونهم لأنى بنصحهم للطريق الصحيح وطبعا انا حرمتها من الكمبيوتر عملت له رقم سرى واخدت منها الموبايل علما انى ابوها يعمل بالخارج وبيجى كل سنتين وانا طبعا اصبحت الاب والام مش عارفه اعمل ايه معاها كل تصرفتها تغضبنى لأنى هذه التصرفات نهانا عنها الاسلام ارجوكم يا جماعه حد يقولى اعمل ايه معاها

ولسفه على الاطاله

[هناء جودة 0]

اختى الحبيبة الغاليه متخافيش بنتك فى سن المراهقة والسن دة كلنا مرينا بية والبنت فى السن دة بتكون حاسة انى امها بتراقبها وضغطة عليها وكمان شايفة اصحابها وامهاتهم بيفهموهة وبيحبوها اكثر من امها استحملى الفترة دى وحاولى مصاحبة اصحابها واتكلمى معاها فى شؤون البيت والمصاريف وخليها تحس انك واثقة فيها وبتستشيريها فى امور البيت (اعملى برايها مرة لكسب ثقتها )ربنا يهديهالك ويفرح قلبك بيها مرحلة وهتعدى بسى انت ادعيلها وربنا كبيررررر0وابقى طمنينى0

[ام يوسف وعبدالرحمن 0]

ربنا يجزاكى كل خير اختى الحبيبه وربنا يسهل والمرحله دى تعدى على خير وربنا يطمن قلبك

[ام العواصف 0]

السلام عليكم ورحمة الله وبركاته،،

هذه الحاله بتمر في بيوت كثيره و صعب التعامل معها بحسب شخصيه البنت بس حاولي تاني معها بعده طرق و حرمها من الكمبيوتر مش حل ممكن تدخل على الكمبيوتر من عند صاحباتها مثلا و نفس الشي مع الموبايل و انا بعتقد السبب هو غياب الاب لانه هيبه الاب بتظل اقوى من هيبه الام و بتقدري تحكي للمرشده في المدرسه وهي بتساعدك كمان في طريق الحل وعليكم السلام ورحمة الله وبركاته،،

[ام يوسف وعبدالرحمن 0]

السلام عليكم ورحمة الله وبركاته

اشكرك اختى على ردك لكن انتى بتقولى ان اخد الموبايل منها وحرمانها من الكمبيوتلر ليس حلا يعنى كان من المفروض انى لا اعاقبها هذا العقاب طب ما انا اخاف ان يتكرر اللى فات والله انا اصبحت معقده مش عارفه اعمل ايه لدرجة انى فكرت يوما انى اخليها ماتروحش المدرسه تانى لكطنى قولت لا طبعا مينفعش انها تكون مش متعلمه ادعولى اخواتى ان ربنا يهديها

[هاجر المصريه 0]

أختي الغالية أم يوسف وعبد الرحمن

أحبي ابنتك توددي اليها بهدية لاتعنفيهانحن في زمن ان لم نحتضن فيه أولادنا

احتضنهم طوفان من الفتن نسأل الله العافية

استعيني بأخت لك تحب هي كلامها

اهتمي بكل شئ تحبه واشتركي معها في منتديات طريق الأسلام واختاروا موضوعات سويا

اعطيها بديل لما تفتقده وأعيدي الثقة رويدا رويدا

أسأل الله أن يصلح بنات المسلمين جميعا

[{ الــهـــا م } 81]

السلام عليكم ورحمة الله وبركاته،،

 

ام يوسف وعبدالرحمن

 

التقرب والتودداليها بطريق غير مباشر ، يعني اعطيها الثقة فيكِ وفي نفسها

 

واستعيني بالدعاء حتى ييسر لك الله هذا الامر ، يكون ذلك بأعطائها مسئوليه

 

مصاريف الاسبوع للبيت ودايماً تشجعيها خطوة خطوة ، ويمكن تخرجوا معاً لزيارة أقاربكم

 

وتحمليها مسؤلية شراء الهديه ونوعها وتمدحيها بينهم أنها حبيبتك وأختك !!

 

وقللي على قدر المستطاع من التأنيب والتوبيخ وأكثري من المدح ،

 

وقربيها من الله بالقصص ، وأنا حصل معايا زمان كذا وكذا ...

 

وبإذن الله تعود أفضل مما تتمنين .

 

قولى آميــــــــــــــن

[ام يوسف وعبدالرحمن 0]

امين يارب العالمين اخواتى انا مش عارفه اشكركم اد ايه والله هدأتمونى كثيرا وكلامكم جميل جدا فعلا انا هعمل بنصائحكم الجميله وادعو الله ان يهدينا جميعا

[أم أبي 3]

وعليكم السلام ورحمه الله وبركاته

 

بارك الله فيكي أخيتي

 

واهلا بكي في منتدانا

 

والله انا صغيره فمعنديش خبره أنا قلت بس أرحب بحضرتك

 

ولا تنسي الدعاء وياريت الاب يتواجد معاكم لان الاب له هيبه يحترمها الاولاد

 

 

 

[تائبه فى طريقها الى الله 0]

السلام عليكم ورحمة الله وبركاته

 

بصى حضرتك انا لسه صغيره ومااتخطبتش حتى لكن انا مريت بالسن دا اكيد ومش بعيده عنه بكتير ومازلت بمر بظروف مشابه وخاصة مع اختى

 

ولكن انا اريد لكى نعم ليس اخدك للموبايل ولا منعها من الكمبيوتر هو الحل بالعكس ابنتك ممكن تعند وممكن تفكر انها تدخل سيبر او تتكلم من سنترلات وممكن يطور الموضوع الى اكبر من

 

اكبر من كدا وتكون مقابلات شخصيه وانتى فى بيتك لا تعلمين ولا تدرين بشئ

 

تقبلى منى نصيحتى واتمنى ان تكون مفيده

 

اولا قومى بالتقرب منها بشئ فشئ وقمى اولا بأعطائها فرصه للجلوس على الكمبيوتر ولكن بوقت محدود للبدايه والقيام

 

وعندما تجديها تكلم احداهم على الشات لا تزعقى وتصرخى فيها اسئليها عنه ومن هو ولماذا تكلمه؟ كلميها واسئليها ماهو وجه الاستفاده من حديثها معاه؟

 

وبعد الاجابه وانتى فى منتهى اليسر وصدر رحب وليس بنرفزه وخناق قومى بتوعيتها ان كل هؤلاء الشباب لا يستخدمونها سوى كسلعه لتقضية اوقاتهم فقط وانها مثل اى بنت اخرى يحدثونها وقومى بطلب منها صغير وهو ان تغير النيم بتعها فى الشات وتدخل بنيك نيم تانى وتحاول تكلم نفس الى كانت بتكلمه وتشوف هو هيكون رده ازاى

 

عارفه كويس جدا ان فى كتير ممكن يعارضنى فى الجمله الى هاذكرها دى ولكن دى الحقيقه لاتحاولى ابدا انصاحها بالدين او الصح والغلط لانها مدامت تعارض وتعاند لن ينفع معها هذا

 

قومى بنصيحتها بنفسها انها جوهره انها تكون مثل السماء لا يستطيع احد الوصول اليها وحاولى ان تفهميها انها لن تستفيد بهذا وقولى لها قصص خاصه بالبنات الللاتى لم يقمن

 

بالتحدث الى احد واتاهم عرسان قمه فى التدين والاخلاق والمستوى الاجتماعى

 

وقولى لها انكى اذا لاحظتى اى تغير عليها سوف تعطى لها الهاتف مره اخرى وسوف تقومى بعمل اى شئ تريده

 

وفرحيها دائما اذا قامت بفعل اى شئ جيد مهما كان صغره...حتى تشعر انها ذا قيمه فعليه ولا تحاولى قط مهما كانت حالتك النفسيه ان تهديدها او تظهرى لها عدم ثقتك فيها صدقينى

 

هتخســـــــــريهـــــــــــــــــــا للأ بـــــــــــــــــــــــــــــد

 

وفى النهاية قومى بمحاولة اشغالها معكى فى البيت ومصاريفه بحجة انكى تريدين ان تشعرى انكى انتى المسؤله منها وانها سيدة البيت فلازم ان تحافظ عليه

 

قولى لها ان تجالسك مجلس مصافحه ولعب وهذار وفى الوسط قومى باعطائها اى نصيحه تريدينها ولكن على هيئة قصه قرأتيها او سمعتى عنها

 

قومى بمحاولة ان تشعريها انها انثى وذات جمال ولابد لها من المحافظه على نفسها الى ان يأتى من يقدرها حق قدرها

 

واخيرا حاولى ان تأخذيها لحضور درس فى الجامع واتفقى مع اى من المشايخ او الاخوات الداعيات على اليوم المناسب لكى يقوموا بعرض الخطب المناسبه

 

وان تجعليها تشاهد معكى البرامج الدينيه وسماع الاناشيد الدينيه الواعظه

 

اعلم اننى جعلت الدين فى الاخر ولكن صدقينى هو ليس فى الاخر ابدا بدل هو دائما الاول ولكن حتى فى ديننا من كان عاصيا لله ويفعل كل المحرمات اذا تاب فهو فى كل مره يتوب عن ذنب

 

ما ثم الذى يليه ولا يمكن للآحد ان يتوب عن كله مره اخرى من المؤكد انه سوف يخطئ ثانيا

 

وفى النهايه اتمنى من الله عز وجل ان لا اكون اثقلت عليكى وان يهدى لكى ابنتكى ويحافظ عليها ويبارك فيها

 

واسئل الله لى ولها الهدايه والتوبه والعفه والطهاره الدائمه

 

دمتى انتى وابنتكى فى حفظ الله

[ام يوسف وعبدالرحمن 0]

شكرا اختى الصغيره على نصيحتك والله انتى واخواتى رديتم على رد هدى الى نفسى ولكم جزيل الشكر وفعلا انا هعمل بنصائحكم التى ارى فيها كثيرا ما كان غائبا عنى وربنا يهدى جميع بناتنا ولكم جميع جزيل الشكر

[تائبه فى طريقها الى الله 0]

شكرا اختى الصغيره على نصيحتك والله انتى واخواتى رديتم على رد هدى الى نفسى ولكم جزيل الشكر وفعلا انا هعمل بنصائحكم التى ارى فيها كثيرا ما كان غائبا عنى وربنا يهدى جميع بناتنا ولكم جميع جزيل الشكر

 

 

الشكر لله اختى الكريمه

 

ولم يكن من الواجب عليكى شكرنا فنحن اخوه لكى فى الله ولا نتمنى سوى مصلحتكى انتى وابنتكى الكريمه

 

ادعى لها فى قيام الليل وفى كل صلاة وبين الاذان والاقامه فدعوة الام مستجابه

 

ولا تنسينى من خالص دعائك بالغيب :ninja: :mrgreen:

 

احبكى فى الله :closedeyes:

[عطر الريحان 1]

حسنا ....يا اختي ام يوسف وعبد الرحمن ......

انا في نفس عمرها تماما يعني 13ونص انا دايما احس انو الكل بيكرهني خاصة ماما لانها تعامل اخي الاصغر مني بسنة افظل منا كلنا ....

هو متفوق في كثير من الاشياء لذلك هي تقبله وتقول له انا احبك واسمعها تعطيه الكثير من النصائح لكن انا وكانني لاشيء وكانني خلقت لكي لا افعل شيئا ...

رح اكملك غدا ان شاء الله .....لكن انا اكره الذكور كثييييييييرا فلا تضني انني اتخذت صديقا مثلما تفعل باقي صديقاتي ...

انا احبك لانك بتحبي بنتك ....يا ماما ....غدا ساكمل لك لكي تعرفي شعور بنتك

[مسلمة 2008 0]

assalamo 3alaikom ya okhti. awwalan ana bad3y le Rabbena ennoh ye3eenik weyewaffa2ik. ana bas kont 3ayza 2a2ool mal7ooztain men ganeb khebrety lamma kont fel senn dah. awwalan heyya na2es-ha wgood el abb, aw wgood ragel fe 7ayat-ha, ka akh aw 3amm aw ghairoh. Rabbena sob7anoh wata3ala khala2 el bent mayyala lel zakar, wel zakar mayaal lel inaath. el welad beyet3alla2o be ommohom wetla2y el tarabot 7ameem, we el 3aks. ana kanet 3andi nafs el moshkela, we la2ait enny dawwart 3ala elly na2esny barra el bait. tab3an ghalat, laken nafseyyan kan e7teyag le mel2 el faraagh el abawee elly gowayya. saneyan we da el aham, law heyya 7assa ennik daghta 3alaiha el 2omoor hateb2a an2a7. fa raa3y enn el 7al mosh ennaha tet7erem men el computer wala el mobile, le 3ann sada2eeny, hatla2y million taree2a we taree2a. el fekra fe enn el moshkela tet7al men gozorha we heyya men gowwaha tefham we taqtane3. shoofy 7ad men 2araybik mosta3ed ennoh yet2arrab menha, zay 3ammaha aw khalha. law mafeesh yeb2a ebzely mag-hood we wa2t aktar ennik te2arrabi menha, be 2oslobha. erboty ekhwat-ha beeha, we khaleeha te7es enn dool so7abha. e3zemy banat so7abha fel bait we3melo 7afla mofag2a leeha. 7agat keda. bas men ghair daght, tab3an fe 7agat mayetseketshy 3alaiha, bas ra3y enn ay 7aga momken te3meleeha, heyya momken te3ned ma3aaki we yeb2a el moshkela aw7ash. Rabbena ye3eenik weysa3dik. Rabbena yoltof beena gamee3an. assalamo 3alaikom.

-Eman :unsure:

[ام يوسف وعبدالرحمن 0]

حسنا ....يا اختي ام يوسف وعبد الرحمن ......

انا في نفس عمرها تماما يعني 13ونص انا دايما احس انو الكل بيكرهني خاصة ماما لانها تعامل اخي الاصغر مني بسنة افظل منا كلنا ....

هو متفوق في كثير من الاشياء لذلك هي تقبله وتقول له انا احبك واسمعها تعطيه الكثير من النصائح لكن انا وكانني لاشيء وكانني خلقت لكي لا افعل شيئا ...

رح اكملك غدا ان شاء الله .....لكن انا اكره الذكور كثييييييييرا فلا تضني انني اتخذت صديقا مثلما تفعل باقي صديقاتي ...

انا احبك لانك بتحبي بنتك ....يا ماما ....غدا ساكمل لك لكي تعرفي شعور بنتك

حبيبتى عطر الريحان

اشكرك على مرورك وردك الجميل

انت فين ليه مارجعتيش تانى واتكلمتى معايه

ذى ماقولتى

انا مستنيه ردك يا بنتى الحبيبه

[ام يوسف وعبدالرحمن 0]

اختى ايمان انا متشكره اوى على كلامك الجميل

وادعو الله ان يجعله بميزان حسناتك