الحقونى ابنى هيجننى خلاصصصصصصصصصص قربت اروح مستشفى المجانين

[om_mohamed 0]

يا جماعة الحقونى

ابنى خلاص هيجننى وقريب هحجز فى مستشفى المجانين

 

من اول مبيفتح عنيه الصبح لحد مينام بالليل وهوه بيعيط ..بسبب وبدون سبب

لو وبيتفرج على كرتون وخلص يعيط

لو شخصية فى الكرتون اختفت يصوت

 

لو القناة تعطلت لاى سبب يصرخ

 

لو الاكل سخن يعيط

لو بارد يعيط

 

لو اللبس مش عاجبه يعيط

عاوز كل يوم لعبة

عاوز كل يوم طلبات

 

انا تعبت معاه

اخاصمه يعيط ويتاسف ويقولى مش هعمل كده تانى وبعد دقيقة واحدة يرجع زى مكان

 

نازل ضرب فى اخته ليل ونهار لدرجة ان البنت بتخاف تنزل من على زراعى على الارض وشايلاها طول اليوم طول مهوه صاحى

 

اقوله يلا نروح المدرسة يعيط

اقوله فيه اجازة يعيط ويقولى انا عاوز اروح المدرسة

 

لدرجة انى بقيت بضربه لاى خلاص اتجننت منه خالص

تعبت تعبت تعبت تعبت يا ناسسسسسسسسسسسسسسسسسسسسسسسسسسسسسسسس

ارجوكم ساعدونى بالله عليكم

مش عارفة اتصرف معاه خالص

 

لا خصام نافع ولا ضرب نافع اعمل ايه حد عنده حل؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[صمت عن الذنوب 0]

لا حوله ولا قوة الا بالله

والله حبيبتى ذكرتينى بابنى بس دلوقتى الحمد الله

والله لما كان يعيط كنت اعقد اعيط انا كمان

وكنت ع طول اقول لزوجى انا عرفت معنى الحديث الى كان الرسول صلى الله عليه وسلم يستعيذ فيه من الجنون

وكنت حسه بجد انى هتتجن من كتر العياط بس الحمد الله وبفضل الله لم يعد كذلك

عليك بالدعاء حبيبتى

هداه الله لكى وجعله من الصالحين

[أم عائشة المصرية 241]

عذرا حبيبتي أجيب على عجالة

 

عائشة مرت معي بهذه الفترة وأخيـــــــــرا فهمت إنها غيرة من مريم

 

عائشة كانت كل تصرف تبكي عليه وتقولي شيليني وده طلب صعب جدا لأني بكون برضع أو بأكل أو مع مريم لأي سبب

 

وفي يوم لقيت عائشة طبيعية وبتضحك عااااااااادي ورجعت تبقي لذيذة زي الأول..

 

قلت لزوجي ايه هو فيه إيه؟؟؟؟؟؟؟؟عائشة بقت طبيعيه..

 

قالي علشان مفيش غيرها دلوققيتي..

 

ساعتها كانت مريم نايمة وكنا مش مهتمين بحد غيرها

 

ده ظنى والله أعلم

 

رأيي اهتمى بابنك أكتر

 

حاولى تسيبي مريم شوية ممكن تسيبيها كم ساعة عند حماتك مثلا وفي خلال الوقت ده فرغيه كل لمحمد

 

العبي معاه أو فسحيه

 

كرري ده كذا مرة واثبتيله ان هو اللى في القلب وان عمر ما مريم حتآخد مكانه

 

إن شاء الله ربنا يهديهولك

 

طمنينا عليه

[om_mohamed 0]

حبيباتى

صمت عن الذنوب

وأم عائشة المصرية

 

سبحان الله كنت فاكرة ان ابنى انا بس اللى كده

 

بس والله العظيم انا بحبه اوى وبقعد اقوله مين اكتر واحد ماما بتحبه فى الدنيا يقولى محمد

وعلى طول بحضنه وابوسه

وساعات كتير بسيب مريم مع والدها وانزل افسحه واشتريله هدايا ولعب

 

وبلعب معاه فى البيت واقعد اجرى وراه والاعبه ولا العيال الصغيرين

 

مشكلته بقه انه لا يشبع ابدا من اى شئ يعنى لو لاعبته عاوز يلعب طول اليوم وميعرفش انى تعبانة او مرهقة

لو جبتله لعبة عاوز اتنين

 

وهكذا

انا عارفة انه بيغيرمن مريم

بس والله انا ساعات كتيربطنش مريم علشان خاطره

 

عموما دعواتكم ليا والله المستعان

[ام حلا 6]

انتو بتخوفوني معقول بنتي بكرة تعمل هيك ؟؟؟؟؟؟؟؟؟؟؟؟؟؟؟؟

[لؤلؤه94 0]

الله يكون فى عونك

[ام هنا 2]

السلام عليكم ورحمه الله وبركاته

كان الله فى عونك وساعدك

بس الاطفال كل يوم بحال ابنتى كانت كده بس الحمدلله الان هديت كتير

بس فعلا انا جربت معاها الرقيه الشرعيه والدعاء

عليكى بالدعاء وربنا يهديه ان شاء الله

[حنين مسلمة 34]

وعليكم السلام ورحمة الله وبركاته،،

 

أختي الحبيبة أم محمد ... فعلاً مشكلة كبيرة جدا ... بس ربما يكون بكاؤه المستمر للفت انتباهك إليه والحصول على اهتمامك به .... بصراحة ليس لدي خبرة مع الأطفال ..

 

أتمنى أن تنفعكِ المقالات التالية :

 

حتى لا يغار طفلك الكبير من مولودك الصغير

 

عشر خطوات لتتخلصي من عصبية طفلك

 

ربنا يهديه ويصلحه لكِ ويجعاه قرة عين لكِ ولأبيه ..