المنهج الجديد لمعهد أم المؤمنين خديجة -رضي الله عنها-

[~ أم العبادلة ~ 1903]

~ بسم الله الرحمن الرحيم ~

 

السلام عليكم ورحمة الله وبركاته

 

نضع بين أيديكن أخواتنا الحبيبات وطالبتنا العزيزات المنهج الجديد لمعهد أم المؤمنين خديجة -رضي الله عنها- فنتمنى من الجميع الاطلاع عليها للأهمية.

 

ملاحظة:

** ستبدأ هذه السنة الدراسية من شهر محرم -بإذن الله تعالى- وذلك بسبب اختبار الطالبات في الفصل السابق.

 

وفق الله الجميع لما يحب ويرضى

 

~.~.~.~.~.~.~.~.~.~.~.~.~.~.~

 

~ بسم الله الرحمن الرحيم ~

 

السلام عليكم ورحمة الله وبركاته

 

الحمد لله القائل في محكم التنزيل : [إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ] {الحجر:9} ، والصلاة والسلام على رسول الله وإمام المتقين مخبرنا بـ : ( خيركم من تعلم القرآن وعلمه )، وبعد :

 

أخواتي طالبات معهد أم المؤمنين خديجة – رضي الله عنها - :

 

نضع أمامكن اليوم منهج كامل لمعهد أم المؤمنين خديجة بنت خويلد – رضي الله عنها- ،آملين أن يوفقنا ربنا في أمرنا هذا ، داعين الله أن يجعله خالصاً لوجهه الكريم ،سائلينه أن يتقبله ليكون لنا عوناً في قابل عملنا وعمرنا ، وإياكنَّ أجمعين .

 

مع العلم أن مرحلتنا الدراسية القادمة ستحوي في منهجها على ثلاثة فروع هي : حفظ القرآن الكريم ، دراسة التجويد وتطبيقه ، دراسة التفسير .

 

وكل هذه الفروع الثلاثة ستلتزم بها كل معلمة في حلقتها –بإذن الله تعالى- .

 

وقبل أن نضع المنهج بتفاصيله المرجوه نقرر لكن ولنا بعض الأمور التي يجب أن يُعمل بها وهي :

 

1 – تقوى الله في السر والعلن ، وتتبع الإخلاص له وحده ، مع الصدق في المنهج واليقين بالعون والجد في العمل وسؤاله سبحانه وتعالى القبول والبركة .

2 – إلتزام الطالبة بحضور الحلقة المنتسبة لها كاملة دون تأخر أو خروج قبل خروج المعلمة ، وهذا يحقق فوائد كبيرة لجميع الأخوات لعل أهمها :

 

أـ أن تحظى الطالبة ببركة مجلس مدارسة القرآن من أوله إلى خاتمته كي تكون ممن يقال لهم قوموا مغفورًا لكم.

ب ـ أن تتعبد الله بسماع القرآن كما تتعبد بتلاوته، و تستفيد من قراءة أخواتها ومن تصحيح المعلمة لهن.

جـ تستفيد من كل أنشطة الحلقة من تصحيح وتفسير وتجويد.

دـ أن يكون هناك ترابط بين طالبات الحلقة، وإيجاد روح التنافس والصحبة الصالحة لحفظ كتاب الله.

 

المنهج وسنوات الدراسة :

 

تقوم حلقات التحفيظ على أربعة أركان أساسية هي : ( إتقان التلاوة ، تعلم التجويد ، ومتابعة الحفظ ، وتفسير الآيات المقررة )

 

~.~.~.~.~.~.~.~.~.~.~.~.~.~.~

 

الخطة التعليمية للمعهد :

 

أولاً : المرحلة التحضيرية

 

وهي مرحلة إلزامية لكل طالبة مستجدة تنضم للمعهد ، ويستثنى منها الطالبة المتمكنة من منهجية المرحلة ، فتتجاوز الطالبة المتمكنة من التجويد هذه المرحلة في فصل دراسي واحد بحيث يكون مقررها ربعا في كل لقاء دون تصحيح التلاوة .

 

هذه المرحلة تعتمد في أساسها على :

 

1 – تعلم القراءة الصحيحة للقرآن من خلال منهج تصحيح التلاوة .

2 – تعلم مبادئ التجويد المفترض تعلمها من قِبَل كل من ترغب بحفظ كتاب الله سبحانه وتعالى .

3 – حفظ ثلاثة أجزاء من القرآن ( المجادلة ، تبارك ، عم ) .

4 – دراسة تفسير الأجزاء المقررة في الحفظ .

5 - تقسم المرحلة إلى فصلين دراسيين ، وكل فصل مدته ثلاثة أشهر متواصلة ، يتخللهما اختبارت تجاوز الفصل الأول ، وبعدها اختبار تجاوز المرحلة التحضيرية .

 

~.~.~.~.~.~.~.~.~.~.~.~.~.~.~

 

ثانياً : مرحلة الدراسة الرسمية في المعهد

 

وهذه مقسمة على ثلاث سنوات دراسية تختم فيها الطالبة بإذن الله تعالى حفظ كتاب الله كاملا، كل سنة بثلاثة فصول ، مدة الفصل الواحد ثلاثة أشهر ، تتخلها اختبارات دورية ، واختبارات فصلية ، واختبارات نهائية .

 

ولن تجتاز الطالبة الفصل الدراسي إلا بعد إتقانها للحفظ بإذن الله تعالى

 

هذه المرحلة الرسمية ستعتمد كذلك في منهجها على :

 

1 – حسن التلاوة لمقرر الحفظ .

2 – تعلم أحكام التجويد الخاصة بهذا الفصل المقرر على الطالبة .

3 – حفظ المقرر حفظاً متقناً مجوداً .

4 – دراسة تفسير الأجزاء المقررة في الحفظ .

5 - مقدار الحفظ المقرر في كل فصل هو ثلاثة أجزاء من القرآن الكريم .

 

~.~.~.~.~.~.~.~.~.~.~.~.~.~.~

 

ثالثاً: مرحلة الدراسة المكثفة في المعهد

 

وهي مرحلة خاصة بنخبة من الطالبات دون غيرهن ، بحيث تتوفر في الطالبة المنتسبة لهذه المرحلة شروط خاصة منها :

 

1 – إتقان التلاوة وأحكام التجويد .

2 – قوة الحفظ ، وحسن المراجعة .

 

ولتحقيق هذين الشرطين نقوم بعمل دورة قصيرة تكون اختبار للطالبات المنتسبات ومدى تحققهما فيهن .

 

مدة هذه الدورة ثلاثة أسابيع دراسية ، يقرر فيها حفظ الثلاثة أجزاء الأولى حفظاً متقناً .

 

مدة الدراسة في هذه المرحلة المكثفة سنة دراسية كاملة مقسمة على ثلاثة فصول ، كل فصل مدته ثلاثة أشهر ، وتتخللها كذلك اختبارت دورية وفصلية ونهائية بعون الله وتوفيقه .

 

~.~.~.~.~.~.~.~.~.~.~.~.~.~.~

 

نظام الاختبارات وقواعدها :

 

لكل مرحلة من المراحل اختبارات متتابعة ، بعضها دوري وبعضها فصلي واختبار نهائي تعطى على أثره الطالبة شهادة تجاوز المرحلة الدراسية التي تنتظم فيها .

 

الهدف منها:

 

أن تكون الطالبة على معاهدة دائمة لكتاب الله تعالى، فتمكِّن حفظها وتتقنه، ولا تنتقل لحفظ جديد إلا بتثبيت حفظها السابق عملاً بقولالنبي صلى الله عليه و سلم قال [ تعاهدوا هذا القرآن فوالذي نفس محمد بيده لهو أشد تفلتا من الإبل في عقلها ] رواه البخاري و مسلم

 

~.~.~.~.~.~.~.~.~.~.~.~.~.~.~

 

وفيما يلي تفصيل نظام الاختبارات:

 

أولاً : الاختبارات الدورية

 

وهي اختبارات مستمرة يحدد لها جدول ثابت، بحيث تقوم الطالبة وهي في فصلها الدراسي بعمل اختبار تقييم مستوى

 

الاختبار الدوري يتحقق بـ :

 

1 – اختبار الطالبة فيما تم حفظه في الأسابيع المنصرمة لبداية الفصل .

2 – يكون موعده في نصف الفصل الدراسي .

 

ثانياً : الاختبارات الفصلية

 

وهي الاختبارات النهائية لكل فصل دراسي، بحيث يحدد له موعد رسمي ثابت، ويكون شاملاً جميع ما تم حفظه وتعلمه في منهج القرآن الكريم والتجويد والتفسير .

 

ولا تتجاوز الطالبةُ الفصلَ الدراسي إلا بعد أن تحصل على نسبة حفظ مقررة من قبل إدارة المعهد لا تقل عن ( 75 % ) .

 

في حال عدم حصول الطالبة على النسبة المقررة، تعطى فرصة إعادة الاختبار بعد أسبوع واحد فقط .

 

فإن لم تحصل على هذه النسبة في الاختبار الاستدراكي فستُحال على إعادة الفصل الدراسي من جديد .

 

ثالثاً : الاختبارات النهائية

 

وهي اختبارات تجرى بعد أن تتم الطالبة المرحلة الدراسة التي انضمت لها ( التحضيرية، والرسمية، والمكثفة )

 

ويكون هذا الاختبار شهادة إتمام هذه المرحلة، سواء أكانت المرحلة التحضيرية والتي من خلالها تنتقل إلى المرحلة الرسمية، أو كانت المرحلتين الرسمية أو المكثفة والتي تعطى الطالبة بعدها شهادة حفظ القرآن الكريم وتجويده .

 

والاختبار النهائي يتحقق بـ :

 

1 – اختبار الطالبة في كامل مقرر المرحلة الدراسية منذ بدئها .

2 - أن يكون موعد الاختبار بعد ختم الطالبة لمقرر المرحلة المنضمة لها .

3 – الدرجة المقررة للطالبة والتي على أثرها تنال شهادة تجاوز المرحلة أو إتمام الحفظ يجب أن لا تقل عن ( 80 % ) .

4 – يكون هناك اختبار استدراكي لمن لم تحصل على هذه الدرجة بعد شهر من الاختبار، وفي حال رسوبها إن كانت ممن حفظ القرآن الكريم كاملاً، فتلحق بدورة مكثفة لمراجعة الحفظ تقام مستقبلاً بإذن الله .

 

~.~.~.~.~.~.~.~.~.~.~.~.~.~.~

 

السنة الدراسية ومواعيد الاختبارات :

 

تبدأ السنة الدراسية في شهر شوال من كل عام ، وتتخللها أسابيع للاختبارات وأسابيع للإجازة .

 

بحيث يكون توزيع الجدول الدراسي كما يلي :

 

1 – ثلاثة أشهر دراسية متواصلة .

2 – أسبوع إجازة لمراجعة الحفظ .

3 _ أسبوع الاختبارات الفصلية .

4 – أسبوع إجازة لجميع الطالبات والمشرفات .

5 – شهر رمضان هو شهر إجازة رسمية في جميع مرافق المعهد.

6 – شهر شعبان يتم فيه عمل الاختبارات النهائية لمن أتممن حفظ القرآن كاملاً بإذن الله .

 

هذا ونسأل الله الكريم أن يوفقنا وإياكن لما يحب ويرضا ويجعل عملنا كله خالصاً لوجهه الكريم ، وأن يجعلنا ممن تعلم القرآن وعمل به ، ويجعله لنا شفيعاً يوم لا ينفع مال ولا بنون إلا من أتى الله بقلب سيلم .

 

~.~.~.~.~.~.~.~.~.~.~.~.~.~.~

 

رابط المعهد

http://www.t-elm.net/moltaqa/forumdisplay.php?f=177

[#ام سلمى# 1]

السلام عليكم ورحمة الله وبركاته،،

كيف حالك يا امة الرحمن

بجد الموضوع بتاعك دا حلو قوى والمعهد دا فكرتو جميلة جدا

بس انا مش فاهمة هل دا معهد حقيقى يعنى زى اعداد الدعاخ لازم الذهاب ليه

ولا معهد على الانترنت

لانى عايزة احفظ قوى ولانى موقفة حفظى

فاياريت تردى عليا بسرعة لانى محتاجة استئنف الحفظ من جديد

معلش سؤالى غبى شوية بس هو انتى مشتركة فيه

[~ أم العبادلة ~ 1903]

وعليكم السلام ورحمة الله وبركاته،،

 

كيف حالك يا غالية؟

 

أنا الحمد لله رب العالمين بخير

 

المعهد ده على النت وينقسم لقسمين

- قسم دراسة العلوم الشرعية ويسمى بالمعهد العلمي

- قسم دراسة القرآن وعلومه من تفسير وتجويد ويسمى بمعهد أم المؤمنين خديجة

 

والرابط بيأخدك مباشرة على معهد تحفيظ القرآن "معهد ام المؤمنين خديجة"

 

ايوة يا حبيبة انا مشتركة فيه من حوالي سنة ودلتني عليه احدى المشرفات هنا جزاها الله عني خيرا

 

كانوا الأول ماشيين بنظام المستويات يعني مقسمين القرآن على عدة مستويات وكل ما تنتهي من مستوى، يختبروكِ ولو نجحت تنتقلي للمستوى الذي يليه

ولكنهم اعلنوا من فترة تغيير النظام ووضعوا النظام الجديد اللي هيبدأ خلال أيام بإذن الله

بمعهد أم المؤمنين خد

[#ام سلمى# 1]

معلش تعبتك معايا انا دخلت وكل ما اجى اجكتب اسم اشترك بيه يقولولى فى مشتركة بيه

حتى لو اسم اى حروف مع بعض مش عارفة ليه

ولو انا اشتركت دلوفتى ينفع انى ابداء حفظ على طول وانضم للمستويات دى

معلش انا عايزة اسئلك حاجاات كتير عنو علشان يكون واضح بالنسبة ليا وبالنسبة للبنات ولكى الاجر عند الله يا غاليتى

[~ أم العبادلة ~ 1903]

ولا يهمك يا حبيبة، إسألي زي ما تحبي

 

أنا نفسي جننتهم بأسئلتي علشان أشترك معاهم ^_^

 

انت بتحاولي تسجلي في المنتدى ولا بتسجلي فين؟

 

أول شئ لازم تسجلي بالمنتدى وبعد ما يفعلوا اسمك، بعدها بتسجلي في المعهد

 

نظام المستوى لن يطبق بعد الان وسيتم تطبيق النظام الجديد (اللي مشروح في أول مشاركة فوق) بدلا منه مع بداية شهر محرم يعني خلال أيام إن شاء الله

 

بالنسبة للطالبات القدام مثلي فهما اختبرونا قبل رمضان علشان يحددوا في أي مرحلة ستنضم كل واحدة منا أما الطالبات الجدد فلا أعلم كيف يتم التعامل معهم

 

ربما يتركوا لك الخيار ويمتحنوكِ فقط إذا رغبت في حضور المرحلة المكثفة. والله أعلم

[#ام سلمى# 1]

معلش هتعبك معايا انا عارفة بس مملكش الا انى ادعيلك من قلبى ربى يرزقك حفظ الكتاب الكريم يارب كاملا والعمل به

انا اشتركت فى المنتدى الحمد لله اعمل ايه علشان اشترك فى المعهد

هل يعنى مجرد اشتراكى فى الموقع يكون انا بكده مشتركة فى المعهد ولا لازم فى اجرائات معينة فى كده

وهل هبدء فى الحفظ بمجرد اشتراكى

يعنى مثلا انا حافظة خمس اجزاء هل هيمتحننونى فيهم الاول

وبالنسبة للتمهيدى دا هل اجبارى الاشتراك فيه ولا يمكن الانتقال للمستوى اللى بعدو

وانتى فى سنة كام دلوقتى ولا مستوى ايه يعنى خلال سنة خلصتى كمية مقبولة ولا هقعد فى النظام كتير

تم تعديل 15 ديسمبر, 2009 بواسطة #ام سلمى#

[~ أم العبادلة ~ 1903]

انتظري منهم تفعيل عضويتك

 

وبعدها لازم تشتركي في المعهد وده عن طريق تقديم طلب وعند موافقتهم على الطلب، سيقوموا بتعديل اللقب تحت اسمك من "مستجدة" الى "حفيدة خديجة رضي الله عنها"

هتقدمي الطلب بإنشاء موضوع جديد هنا

http://www.t-elm.net/moltaqa/forumdisplay.php?f=247

 

وتخبريهم انك تريدي الانضمام لمعهد ام المؤمنين خديجة - رضي الله عنها

وتعرفيهم اسم الرواية اللي هتحفظي بيها سواء كانت حفص أو غيره

عدد الاجزاء اللي حفظاها

خلفيتك عن التجويد

 

هما هيعطوك استمارة فيها الاسئلة دي ان شاء الله

 

بعد ما يوافقوا هتروحوا تسجلي في الغرف الصوتية وهتقولي قسم هناك وتتعهدي انك لا تجعلي الرجال يسمعوا الدرس ولا تعطي كلمة مرور الخاصة بالغرف لاي شخص وهكذا

 

الامر اخد حوالي شهر معايا لاني اشتركت في فترة الامتحانات وكانوا مشغولين عن الرد بس ان شاء الله يكون حالك افضل مني

 

وعلى فكرة عندهم شدة في موضوع الغياب يعني لو غبت اربع مرات متواصلة او ست مرات متقطعة بتنفصلي من المعهد وتدوخي علشان تشتركي تاني

 

المهم بعد الاشتراك بالغرف الصوتية بيكونوا اخبروكي بالحلقة ومواعيدها وتبدأي تحفظي

 

فقط اصبري ولا تيأسي

[~ أم العبادلة ~ 1903]

النظام القديم كان كل مستوى تخلصيه في شهرين وتحفظي فيه جزئين

حلقتين بالإسبوع وكل حلقة حوالي ربع حزب

 

أما النظام الجديد ففيه مرحلة تحضيرية ومدتها 6 شهور وبتحفظي فيها ثلاث أجزاء فقط

ولو عندك خلفية كويسة عن التجويد يبقى تاخديها في 3 شهور فقط

 

بالنسبة لي لم أنجز الكثير لأني سافرت مع زوجي مصر بالأجازة

وبعدها كان شهر رمضان والمعهد بياخده أجازه

وبعدها الموقع أصابه فيرس وكان محجوب وقعدوا شهر في محاولات لاصلاحه

وبعدها أنا ولدت عبد الله وتعب النفاس وعبد الله ولسه يا دوبك راجعة بعد الحج ^_^

بس حاليا ماشية على النظام القديم لغاية ما يبدأ النظام الجديد مع بداية السنة الهجرية بإذن الله

[#ام سلمى# 1]

ربنا يوفقك يارب ويصلحلك الحال

انا الحمد لله اشتركت وهدعى ربنا ان الموضوع يتم بسرعة

بس انا كده كده اى استفسار هجيلك ماليش دعوة

[~ أم العبادلة ~ 1903]

ربنا يوفقك يا حبيبة وأنا إن شاء الله هجاوك على أي سؤال أعرفه واللي ما أعرفوش ممكن تسأليهم عليه

 

بس نصيحة مني ما تفرضي في المعهد وخليكِ وراهم وجنينيهم لغاية ما يجاوبوا على كل أسئلتك ويسجلوكِ ولو قالوا استني شوية او باب التسجيل مقفول، خليكِ وراهم

 

النظام القديم التسجيل فيه بيكون في اول ثلاث أيام من كل شهر عربي أما النظام الجديد فالله أعلم ايه هو

[نسمة الريحان 0]

السلام علسكم ورحمة الله وبركاته

 

حبيبتى أمة الرحمن

 

جزاكى الله خيرا ياغالية

 

طالبة منك نصيحه بارك الله فيكى ولاتبخلي عليا ارجوكى

 

دلوقتى انا مش عندى خلفيه عن التجويد غير حاجات بسيطة جدا جدا جدا يعنى ممكن تدينى واحد علي عشرة

 

وبحفظ مع نفسي في البيت عن طريق جهاز الكمبيوتر بسمع وبحاول اقلد

 

وفكرة المعهد جميييييله جداجد ا

 

بس عندى :اكتر من مشكلة

 

انى هاتجوز في خلال 3 او 4 شهور ان شاء الله من دلوقتى

 

فخايفه اشترك ومكملش معاهم وانتى بتقولي انى لو اتفصلت بيبقي صعب جدا اشترك فيه بعد كده

 

حاجه تانيه انى محتاجه اعرف نظام الحفظ فيه عشان مرتبطة بحاجات تانيه في الفترة دى فكنت عايزة اعرف منك الغرف الصوتية دى مثلا بتبقي كام يوم في الاسبوع

والورد المطلوب منى احفظه في الاسبوع او اليوم اذا كان يوميا قد ايه

 

ومع كل الظروف اللي حكتهالك دى وفي ظل معرفتك بالمعهد

 

تنصحينى اشترك وابدامعاهم ولا ايه

 

معلشي هاتعبك حبيبتى

تم تعديل 15 ديسمبر, 2009 بواسطة نسمة الريحان

[~ أم العبادلة ~ 1903]

السلام علسكم ورحمة الله وبركاته

وعليكم السلام ورحمة الله وبركاته

 

حبيبتى أمة الرحمن

 

جزاكى الله خيرا ياغالية

وجزاكِ خيرًا يا غالية

 

طالبة منك نصيحه بارك الله فيكى ولاتبخلي عليا ارجوكى

تفضلي يا حبيبة على الرحب والسعة ^_^

 

دلوقتى انا مش عندى خلفيه عن التجويد غير حاجات بسيطة جدا جدا جدا يعنى ممكن تدينى واحد علي عشرة وبحفظ مع نفسي في البيت عن طريق جهاز الكمبيوتر بسمع وبحاول اقلد

اللهم بارك، ربي يزيدك همة وعزيمة وثبات

 

وفكرة المعهد جميييييله جداجد ا

 

بس عندى :اكتر من مشكلة

خير إن شاء الله

 

انى هاتجوز في خلال 3 او 4 شهور ان شاء الله من دلوقتى

بارك الله لكما وبارك عليكما وجمع بينكما على خير

 

فخايفه اشترك ومكملش معاهم وانتى بتقولي انى لو اتفصلت بيبقي صعب جدا اشترك فيه بعد كده

نعم يا حبيبة

لو فصلت لازم تسجلي من جديد وهو مش صعب قوي يعني ممكن تسجلي تاني بس الاجراءات الروتينية وانتظارك لاول ثلاث ايام من كل شهر عربي بيكون متعب شوية

 

على أي حال لو قرأتي ردودي السابقة هتلاقي إني أنا نفسي غبت كتيييييييييييييييير جدًا وبفضل الله لم أفصل لأني أخبرتهم مقدمًا عن ظروفي خصوصا الولادة وإنني ممكن أغيب في أي لحظة دون سابق إنذار ولله الحمد كانوا متافهمين ووضعوا ملف المتابعة الخاص بي في الأرشيف لحين عودتي

 

حاجه تانيه انى محتاجه اعرف نظام الحفظ فيه عشان مرتبطة بحاجات تانيه في الفترة دى فكنت عايزة اعرف منك الغرف الصوتية دى مثلا بتبقي كام يوم في الاسبوع

كل كلامي اللي هذكره الآن خاص بالنظام القديم اللي مازلت متابعة فيه لحين تطبيق النظام الجديد

أما النظام الحديد فلم نخبر بعد بتفاصيله

كل الغرف الصوتية كانت يومين بالإسبوع

 

والورد المطلوب منى احفظه في الاسبوع او اليوم اذا كان يوميا قد ايه

مطلوب تحفظي ربع في الحلقة بمعنى أنه ربعين في الاسبوع

كل حلقة تسمعي ربع جديد مع مراجعة ربع من الحفظ القديم

وبعض المعلمات تسمع ربع جديد مع مراجعة ربعين من الحفظ القديم

والمفروض خلال شهرين تكوني حفظتي جزئين ثم تختبري فيهم وإن نجحتِ تنتقلي للمستوى الذي يليه

لكل طالبة ملف متابعة وهو عبارة عن موضوع تقوم هي بتسجيل حضور فيه مرتين في الاسبوع بعد كل حلقة لتسجل انها حضرت وماذا حفظت وماذا رجعت

وما يعجبني جدًا في هذا المعهد أن هذه الملفات بها نوع من السرية يعني لا أحد يستطيع رؤيتها إلا أنت والمعلمة والإدارة أما باقي الطالبات فلا يعلمن أي شئ عنك ولا يعرفن في أي حلقة اشتركت وحفظت

فهم لديهم العديد من المواعيد والحلقات المختلفة لتناسب الاخوات في جميع الدول وكل واحدة بالتوقيت المناسب لها.

 

كل هذا مع النظام القديم أما الجديد فأكيد فيه اختلافات أقل شئ فيها أنه أصبح مواعيده مثل مواعيد الدراسة بالمدارس والمنهج مقسم على فصول دراسية

 

ما أعلمه أن المرحلة التحضيرية عبارة عن حفظ ثلاث أجزاء (المجادلة - تبارك - عم) في 6 شهور لمن ليس لديها خلفية عن التجويد

أو حفظ نفس الثلاث أجزاء في 3 شهور لمن لديها خلفية عن التجويد

 

أما المرحلة الدراسة الرسمية فهي حفظ باقي القرآن (27 جزء) على ثلاث سنوات

والدراسة في كل سنة عبارة عن ثلاث فصول وكل فصل عبارة عن ثلاث شهور

يعني هيكون تقريبًا معدل جزء في الشهر

 

ربما تبدو الفترة طويلة ولكنها ليست كذلك إذا وضعتِ في الاعتبار ان الدراسة لن تكون حفظ فقط ولكنها حفظ وتصحيح تلاوة ودراسة تجويد وتفسير الآيات حتى تكوني ملمة بالقرآن ومعانيه

 

على كل هناك مرحلة مكثفة لمن يرغب في انهاء حفظ القرآن في سنة أو بمعنى أصح 9 شهور وقبل موافقتهم على انضمامك لها فإنهم يعطونك دورة مكثفة لحفظ 3 أجزاء في ثلاث أسابيع كنوع من الاختبار لك ليروا قدراتك بالحفظ

 

ومع كل الظروف اللي حكتهالك دى وفي ظل معرفتك بالمعهد

 

تنصحينى اشترك وابدا معاهم ولا ايه

نعم أنصحك وبشدة لأنهم منظمين جدًا ولهم منهج للحفظ والمتابعة وعندهم شئ من السرية مما يحميك من الرياء

 

معلشي هاتعبك حبيبتى

بالعكس يسعدني مساعدة أي أخت ترغب في المشاركة

[~ أم العبادلة ~ 1903]

يا حبيبات أخبرتني معلمتي أن النظام الجديد سيكون ثلاث أيام الاسبوع

يومان للدراسة وتسميع الجديد

يوم لمراجعة الحفظ القديم

[عفاف الاسلام 0]

السلام عليكم

بارك الله فيكي وجعله في ميزانك

عندي سؤال

هل هناك اجازة في القرآن

وهل هناك اجازة في المواد الشرعية

وجزاكي الله خيري الدنيا والاخرة

[عفاف الاسلام 0]

انا عايزة اسجل في العلوم الشرعية يعني المعهد العلمي

وسجلت في المنتدى بفضل الله

بس مش عارفة اروح فين ولا اجي منين

المعهد شيئ جميل جدااااااااااااا ربنا ينفع بيه جميع المسلمين ويجازي كل من هو قائم عليه

[~ أم العبادلة ~ 1903]

السلام عليكم

بارك الله فيكي وجعله في ميزانك

عندي سؤال

هل هناك اجازة في القرآن

وهل هناك اجازة في المواد الشرعية

وجزاكي الله خيري الدنيا والاخرة

وعليكم السلام ورحمة الله وبركاته

 

لا أعلم إن كان هناك إجازة أم لا بس أكيد اللي بتدرسيه بيؤهلك على الأقل لإجازة القرآن لأن إجازة القرآن تحتاج إلمام بالتجويد والتفسير وحفظ كتاب الله

 

على أي حال هناك خلاف في الرأي إذا كان ينفع تأخذي إجازة عن طريق النت أم لا لأن أساس الإجازة هو التلقي والمشافهة

 

ممكن تحفظي معاهم وتدرسي تجويد وتفسير وبعد ما تختمي القرآن معاهم تشوفي أي شيخ أو أخت عندك بمدينتك تعطيكِ الإجازة وساعتها هيكون الأمر سهل وممكن تأخذيها في شهر مثل ما فعل بعض الناس

 

انا عايزة اسجل في العلوم الشرعية يعني المعهد العلمي

وسجلت في المنتدى بفضل الله

بس مش عارفة اروح فين ولا اجي منين

المعهد شيئ جميل جدااااااااااااا ربنا ينفع بيه جميع المسلمين ويجازي كل من هو قائم عليه

1- أي صفحة تفتحيها بالمنتدى هتلاقي في أعلى الصفحة مكتوب

الرئيسية - معهد أم المؤمنين خديجة - المعهد العلمي - القاعات الصوتية

إضغطي على القسم اللي ترغبي تروحيه وهتلاقي نفسك هناك

2- الصفحة الرئيسية للمنتدى هتلاقي في أسفل الصفحة

معهد أم المؤمنين خديجة - رضي الله عنها-

المعهد العلمي

القاعات الصوتية

اضغطي على اللي عايزة تروحيه

[#ام سلمى# 1]

السلام عليكم ورحمة الله وبركاته،،

معلش بقا يا امة هو دلع امة ايه

هنتعبك

انا دخلت الرابط دا ولاقيت المستويات دى

فهل الحفظ لازم من البقرة ولا ممكن من بداية جزاء عم

لانى حافظة عم وتبارك والمجادلة والذاريات والاحقاف فهل ينفع ابداء بيهم ولا لازم من بداية المصحف

وانا عملت اشتراك فى المنتدى من امبارح ولسه الرد مجاليش مع العلم ان الرد فى كل المواقع بيجى خلال نفس اليوم

فهل دا هيطول وخصوصا انى خايفة الشهر العربى يهل وهما لسة مردوش عليا

احبك فى الله

وجزاكى الله خيرا

[~ أم العبادلة ~ 1903]

السلام عليكم ورحمة الله وبركاته،،

معلش بقا يا امة هو دلع امة ايه

هنتعبك

انا دخلت الرابط دا ولاقيت المستويات دى

فهل الحفظ لازم من البقرة ولا ممكن من بداية جزاء عم

لانى حافظة عم وتبارك والمجادلة والذاريات والاحقاف فهل ينفع ابداء بيهم ولا لازم من بداية المصحف

وانا عملت اشتراك فى المنتدى من امبارح ولسه الرد مجاليش مع العلم ان الرد فى كل المواقع بيجى خلال نفس اليوم

فهل دا هيطول وخصوصا انى خايفة الشهر العربى يهل وهما لسة مردوش عليا

احبك فى الله

وجزاكى الله خيرا

وعليكم السلام ورحمة الله وبركاته

مش عارفة بس البنات بيقولوا أمومة

 

أي رابط وأي مستويات؟ اللي أنا كاتباه فوق ولا حاجة تانية

 

النظام الحالي هو دخول المرحلة التحضيرية لحفظ آخر ثلاث أجزاء بتفسيرهم

لو انت متقنة التجويد يبقى تدرسيهم في ثلاث شهور

لو غير متقنة يبقى تدرسيهم في 6 شهور

 

بعد ما تنتهي منهم وتنجحي الاختبار

بتدخلي المرحلة الرسمية للمعهد

 

وفي المرحلة المكثفة

 

في النظام الجديد كانوا بيروحوا على البقرة بعد ما ينتهي المستوى التحضيري أما النظام الجديد فالله اعلم لانهم لسه ما اعلنوش الجدول

 

في كل الأحوال انت عرفيهم اللي حافظاه واطلبي منهم تختبري فيه عشان ما تحضريش المرحلة التحضيرية وشوفي هيقولوا ايه

 

 

بالنظام للتفعيل فكل منتدى يختلف عن الثاني

في بيفعلوا في نفس اليوم وفي بياخدوا يومين ثلاثة

وحتى لو فعلوكِ بعد بداية الشهر، قدمي طلبك لانه طالما حددوا مواعيد السنة الدراسية يبقى اكيد هيلغوا موضوع تح

[#ام سلمى# 1]

اسفة نيت احطلك الرابط

الرابط اهو يا غاليه

يعنى اما دخلتى بدئتى من البقرة ولا بعد التلات اجزاء جبتى الرباع اللى هو الذاريات

ولا هو نظام موحد

[~ أم العبادلة ~ 1903]

دي يا حبيبة الخطة القديمة بتاع النظام القديم

 

الخطة الجديدة إنك تبدأي بآخر ثلاث أجزاء وبعد ما تنتهي منهم، "لا اعلم ان كنت تكملي بعدها ولا تبدأي من البقرة"

 

على العموم هسألهم وأقولك ولو عندك اي أسألة أخرى قوليلي علشان احطها مع أسئلتي

[~ أم العبادلة ~ 1903]

تابعي القسم ده علشان لو وضعوا اي معلومات جديدة

http://www.t-elm.net/moltaqa/forumdisplay.php?f=168

[#ام سلمى# 1]

السلام عليكم ورحمة الله وبركاته،،

ازيك يا امومة

بصى يا ستى انا اشتركت من يوم ما قولتلك ولسه اشتراكى متفعلش

فقولت يمكن عملت حاجة غلط اشتركت باشتراك تانى بالايميل بتاع جوزى ولسه متفعلش برضو

هل دا الطبيعى بتاع الموقع دا

وانا خايفة لاستنا شهر هجرى جديد ويضيع عليا الشهر دا

وقوقلت كمان اسالك لو الخطة الجديدة نزلت تكتبهالنا علشان البنات تستفيد

وجزاكى الله خيرا

[#ام سلمى# 1]

السلام عليكم ورحمة الله وبركاته،،

امومة انا عارفة انى زهقتك بس معلش والله اصلى نفسى اشترك موت

وخصوصا الايام دى عندى وقت كبير استغلو فى الحفظ

انا اشتراكى اتفعل ومش عارفة اعمل ايه

مش لاقية الاستمارة وكده كده بيقولو باب التقديم مغلق

ومش عارة اكلم اى مشرفة هو مفيش رسائل خاصة للمشرفات ولا ايه

حاولى تساعدينى الله يكرمك

[~ أم العبادلة ~ 1903]

السلام عليكم ورحمة الله وبركاته،،

 

اتفضلي يا حبيبة

بشرى :فتح باب التسجيل للمرحلة التحضيرية برواية حفص

http://www.t-elm.net/moltaqa/showthread.php?t=32036

 

هتلاقي الاستمارة هناك وتفاصيل التقديم

بس بسرعة لانه التسجيل مفتوح لمدة 3 ايام فقط يعني بكرة آخر يوم

 

بالنسة للرسائل الخاصة فهي غير مفعلة ولا يمكنك استخدامها الا بعد ان تصبحي طالبة بالمعهد وتنتهي من القسم واجراءات التسجيل

 

ملاحظة مهمة : مستويات المعهد ترتيبية فالطالبة التي تريد أن تلتحق بمستوى معين لا بد أن تختبر في المستويات التي قبله و تجتاز كل المستويات بنجاح ، وسيتم -بإذن الله تعالى- تحديد أيام الاختبار من قبل الإدارة.

 

أنا سألت المعهد على أسألتك وقالوا المفروض بعد إسبوع تقريبا هيعلنوا التفاصيل

 

ربي يوفقك للي فيه الخير

[~ أم العبادلة ~ 1903]

السلام عليكم ورحمة الله وبركاته،،

 

للرفع رفع الله قدركن

 

يا ترى أخبارك ايه يا أم سلمى، أتمنى تكوني شاركتِ بدون مشاكل

 

الحمدلله بدأنا النظام الجديد للمعهد وماشاء الله نظام جميل جدا واختبار الفصل الاول اتحدد انه هيكون في خلال شهر ان شاء الله