سجدة55 18 أرسلي تقرير عن المشاركة قامت بالمشاركة 11 يناير, 2010 السلام عليكــم ورحمـة الله وبركاتــة ،، مشكلتي تؤرقني جدا و اكاد اجن و اشعر اني فشلت في كل شئ طبعا انا اعيش في بيت عائلة و من 3 سنين حماتي كانت معي في البيت هي و ضرتها بنتي عندها دلوقت 3 سنين و نص البنت مش بتحبني خالص و ما بتحبش تقعد معايا في البيت طول الوقت عاوزة تقعد عند ستها هي دلوقت في البيت اللي قصاددنا و كل يوم بتجيلها و لما بتتكلم معاها بتقعد تحببها في باباها و بتكرها فيا وتخوفها مني لدرجة ان لما البنت بتعمل حاجة تقولها ستها هاقول لماما تقعد تصوت انا باشد عليها مرات لكن زي اي ام باحب بنتي اوي و باهتم بيها في كل حاجة و ما بابخلش عليها بمشاعري و ما باحسسهاش ان اخوها اهم منها و باشركها معايا في حاجات كتير في البيت جربت معاها الاسلوب الكويس و الوحش و ما فيش نتيجة امبارح راحت عند ستها من العصر لحد الساعه 11.30 و مش عاوزة تيجي كمان انا لما جت هزاتها و حبستها في اوضدتها من امبارح لا تكلمني ولا تكلم اخوها و لا ابوها مش عارفه انا كده صح و لا غلط و لا عارفه اتصرف ازاي بس انا حابة احسسها ان اللي ما تحبش امها ذنبها كبير و مش عارفه اعمل كده ازاي ارجوكم ساعدوني عشان انا منهارة بسبب الموضوع ده اخوها مش زيها خالص بالعكس دايما لازق فيا و عكسها تماما شارك هذه المشاركه رابط المشاركه شارك
أم يوسف حبيبي 0 أرسلي تقرير عن المشاركة قامت بالمشاركة 11 يناير, 2010 حبيبتي في الله احب اقولك نصيحة لايمكن ان تكون الشدة والحبس هي الحل وخصوصا ان جدتها تغدق عليها بحنانها لازم تواجهي حب جدتها بحب اكبر من جوا قلبك انتي لما تشدي عليها اكيد هتحس ان جدتها حنونه اكتر حاولي تكسبي ودها خرجيها هاتيلها لعب عارفه ليه انا حاسة ببنتك لاني وانا صغيره كنت بحب جدتي اكتر من امي لان امي كانت جامده عليا اوي وجدتي كانت بتحن عليا انا لما كبرت والتزمت عرفت فضل أمي لكن لازالت جدتي تسكن في سويداء قلبي. شارك هذه المشاركه رابط المشاركه شارك
**نحو غدٍ أفضل** 15 أرسلي تقرير عن المشاركة قامت بالمشاركة 11 يناير, 2010 حبيبتى متزعليش منى إنت غلطانة مهما تتصورى إن حماتك بتسوء صورتك عند بنتك دا مش هيأثر إلا بمعملتك لبنتك البنات بطبيعتها حساسة و مش عشان هى طفلة مش هتحس بالعكس بتكون أكثر حساسية خليكى حنينة عليها شوية و عامليها بحب و انصحيها ربنا يهديها لك شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 11 يناير, 2010 ابتسام حبيبتى موضوع زعلنى والله بس عاوزة اقولك رحمة يعتبر صغننة جدا يا حبيبتى بتتكلمى عليها على انها كبيرة لا ياغالية أسلوب الضرب لا يجدي نفع إطلاقا بل بالعكس العناد هو نتيجة الضرب بصي يا غالية اولا لازم تحددى وقت تروح لجدتها فيه ثانيا لما تلاقي جدتها بتقولى هاقول لماما قللها انا بعملك ايه يا رحمة يا حبيبتى الهدوء والرزينة فى المواضيع دى هى الحل الامثل يا حبيبتى اقعدى مع رحمة فى وجود عبد الرحمن واعملى اكنك بتكلميه قوليله بتحب ماما اد ايه ولو مكنش بيتكلم افضلى عيدى السؤال الى ان تجاوب رحمة ولو قالتلك انا كمان بحبك ابدا اساليها امال بتخافى متى ليه ومش بتحبينى ليه وهكذا خصصى جائزة ولو بسيطة للى هيسمع كلام ماما ويقولها انا بحبك ويقعد مهاها وإياكِ ان تكرهيها فى جدتها ان احسنتى تربية ابنتك على حب جدتها ستجدى نتيجة ذلك حب حماتك لك ان شاء الله قوللها تيتا بتحبك وانا كمان بحبك انتى بتحبي تيتا؟ خلاص شوية عند تيتا وشوية عند ماما وربنا يعينك اسفة على الاطالة يا حبيبتى شارك هذه المشاركه رابط المشاركه شارك
همتى صلاح امتى 13 أرسلي تقرير عن المشاركة قامت بالمشاركة 11 يناير, 2010 السلام عليكــم ورحمـة الله وبركاتــة ،، لا حول ولا قوة الا بالله العلى العظيم حبيبتى ربنا يوفقك فى اعادة ابنتك لكِ والله حزنت لحزنك وكان بودى ان اساعدك ولكنى ليست عندى خبرة فى هذا الموضوع كل ما استطيع فعلة هو الدعاء لكِ الله معكِ شارك هذه المشاركه رابط المشاركه شارك
{ الــهـــا م } 81 أرسلي تقرير عن المشاركة قامت بالمشاركة 11 يناير, 2010 وعليكم السلام ورحمة الله وبركاته،، سجدة 55 بنتك ما زالت صغيرة وفي يدك الحل بإذن الله نبدأ صفحة جديدة كل المعاملة في الفترة السابقة انسيها (المعاملة بينكم ) * تخصيص وقت للعب مع ابنتك وحاولي لمسها واحتضانها وقربيها منكِ وابداي في قص القصص وخاصة عند النوم ومرري يدك على شعرها يعني حسسيها بالحنان والحب ... وكلميها عن حُب ابيها لجدتها لانها امه وطاعته لها لانه سبب لدخول الجنة البنت حتربط الكلام وتقارن بين حالها وحال باباها مع امه .. الاطفال اذكياء .... ما شاء الله شاركيها في اعمال المنزل معاكِ هي واخيها اذكري دايما انكِ بتحبي حماتك وتحسني معاملتها لانها ام زوجك واذكري انه ربنا يحبنا كل ما حبنا بعض وكل واحد يساعد الاخر من غير مقابل لانه ربنا عنده الثواب الكبييير وقليلها فيه مفاجأه لها شاركيها معاكِ على الكمبيوتر وخليها تشارك في ملتقى الصغار هي واخيها : )) وبانتظار الاخبار !! اعانك الله شارك هذه المشاركه رابط المشاركه شارك
سهام100 19 أرسلي تقرير عن المشاركة قامت بالمشاركة 11 يناير, 2010 السلام عليكم ورحمة الله وبركاته اولا انا من راي ان تناقشي الامر مع حماتك وان تتوصلي لاتفاق معهافي طريقة المعاملة مع الطفلة من الواضح ان الجدة لاترفض اي شئ تطلبه الصغيرة وهذاماتريده بالطبع لذلك تواجهي معهاصعوبات عند توجيهيها لذا منالاحسن ان تكون قراراتك وقرارات الجدة متطابقةلكي لايكون تصرف الطفلةمذبذب وبتالتي تلجا دائما للاسهل ارجوا ان تستفيدي من راي شارك هذه المشاركه رابط المشاركه شارك
راضية وحامدة الله 2 أرسلي تقرير عن المشاركة قامت بالمشاركة 12 يناير, 2010 وعليكم السلام ورحمة الله وبركاته،، سجدة 55 بنتك ما زالت صغيرة وفي يدك الحل بإذن الله نبدأ صفحة جديدة كل المعاملة في الفترة السابقة انسيها (المعاملة بينكم ) * تخصيص وقت للعب مع ابنتك وحاولي لمسها واحتضانها وقربيها منكِ وابداي في قص القصص وخاصة عند النوم ومرري يدك على شعرها يعني حسسيها بالحنان والحب ... وكلميها عن حُب ابيها لجدتها لانها امه وطاعته لها لانه سبب لدخول الجنة البنت حتربط الكلام وتقارن بين حالها وحال باباها مع امه .. الاطفال اذكياء .... ما شاء الله شاركيها في اعمال المنزل معاكِ هي واخيها اذكري دايما انكِ بتحبي حماتك وتحسني معاملتها لانها ام زوجك واذكري انه ربنا يحبنا كل ما حبنا بعض وكل واحد يساعد الاخر من غير مقابل لانه ربنا عنده الثواب الكبييير وقليلها فيه مفاجأه لها شاركيها معاكِ على الكمبيوتر وخليها تشارك في ملتقى الصغار هي واخيها : )) وبانتظار الاخبار !! اعانك الله كلام جميل اختى الهام بارك الله فيكى حبيبتى ابتسام انا شايفه ان فعلاٌ بنتك صغيره اوى على الكلام ده هى فى سن ابنى وربما اصغر بس هو لما بيزعل من حاجه او منى مثلاٌ باخده فى حضنى واحسسه بالامان واقوله مالك يا حبيبى وايه اللى مزعلك ولأنه طبعاٌ صغير فبقدر اغير كل المفاهيم اللى فى دماغه انتى حاولى تقربيها منك اكتر انتى عارفه انا النهارده والله صعب عليه ابنى مش لاقى حد يلعب معاه فضلت العب معاه بالكوره على السلم ههههه احنا طبعاٌ بيت عيله يعنى بيت بابا ههههههههه ولما كنت فى المطبخ لعبت معاه لعبه انى امه ومحتاجاه يساعدنى ففعلاٌ كان بيروح يناولنى الاشياء وهو فرحان جداٌ على فكره انا ابنى برضو متعلق بجده جداٌ اللى هو بابايه لكن لما احب يفضل وماينزلش لأى سبب بعرف اضحك على عقله بأى حاجه ترفهيه وبيفضل وهو فرحان انا مش بقول كده عشان عاوزه امنعه عن جده او نمنعها عن جدتها لا لكن اوقات ربما يكونو تعبانين او عندهم اى ظروف لا تسمح لوجود اطفال المهم بنتك صغير وانتى لازم تروديها ذى مانتى عايزه لكن بالحب فاهمه بالحب شارك هذه المشاركه رابط المشاركه شارك
سجدة55 18 أرسلي تقرير عن المشاركة قامت بالمشاركة 12 يناير, 2010 بارك الله فيكن اخواتي الغاليات و جزاكن الله كل خير لكن انا فعلا بالعب معاها و باحن عليها كتير و باحسسها باهتمامي دايما لكن لازم اشد احيانا لاني باربيها و لازم تتعلم لكن حماتي بتعاندني فيها زي ما بتعاندني في كل حاجة و مستحيل اتكلم معاها في النموضوع حتى بالهدوء بتاخد الكلام بمحمل تاني خالص و ممكن اتطلق فيها و بعدين بتفضل تقول للبنت انا ماما و عاوزاها تقولها يا ماما ربنا يفك حيرتي يا رب و يفرجها عليا شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 12 يناير, 2010 السلام عليكم ورحمة الله وبركاته،، الله يعينك أختي الحبيبة يبدو من كلامك أنه توجد خلافات بينك وبين حماتك صراحة لن أزيد عن ما قالته الأخوات بارك الله فيهن ولكن الأمر المهم الآن حبيبتي أن تغيري معاملتك مع طفلتك فكما فهمت من كلام الأخوات هي مازالت صغيرة وأسلوب الشدة لا ينفع مع الصغار أبدا .....ولا تقولي أربيها فالتربية قد تكون بالحب أيضا يا غالية عامليها بلطف والعبي معها وحددي وقت معين للذهاب إلى جدتها وإذا تعصبت أو جادلتك أخبريها أن هذا بيتنا وأنك لن تحرميها من جدتها ولكن فقط سنجعل مواعيد محددة للزيارة وإياك أن تتكلمي عن جدتها بسوء أمامها أبدا ..فلا تظني أن الطفل لا يفهم ذلك حبيبتي بل يفهم ويعقل كل شيء نصيحة أخيرة حبيبتي ........لا تعطي الموضوع أكبر من حجمه كل أولادنا يعشقون جداتهم والسبب أن الجدة تدلل والأم تربي فحب ابنتك لحماتك طبيعي جدا ولكن أحذري أن تكرهك أبنتك يا غالية ولذلك قلت لك كما قالت الأخوات عامليها بحنان وقربيها منك كثيرا وابدأي معها في نشاطات في البيت ولا تنسي مع هذا كله الإلتجاء إلى الله عزوجل بالدعاء أعانك الله وسدد خطاك شارك هذه المشاركه رابط المشاركه شارك
ام روتى 4 أرسلي تقرير عن المشاركة قامت بالمشاركة 13 يناير, 2010 السلام عليكم ورحمة الله وبركاته،، ابتسام حبيبتى الله يعينك يا غالية شوفى حبيبتى بنتك لو بتحب حمات فدة طبيعى جداً بس انتى متهيألك انها بتحبها اكتر منك بس الطفل بيكون حسب التعود وهى اتعودت تروح كتير عن ستها اشغلى وقتها انتى يا حبيبتى وخليها تحب الوقت اللى حتقعدوا معاكى انا عارفة انك بتحبيها وبتحنى عليها بس اديها وقت زيادة لحد ما تتعود تقعد فى البيت وقت طويل وتحب تقعد معاكى وادخلى المواضيع دية حتفيدك إن شاء الله https://akhawat.islamway.net/forum/index.php?showtopic=235679 https://akhawat.islamway.net/forum/index.php?showtopic=236142 https://akhawat.islamway.net/forum/index.php?showtopic=235043 شارك هذه المشاركه رابط المشاركه شارك
