برقيات لمجلس الشعب بخصوص النقاب(عاجل)

[قلبى لربى 0]

السلام عليكم و رحمة الله و بركاته

تم إخبار السيد فتحى سرور رئيس مجلس الشعب بخبر امتناع رؤساء الجامعات عن تنفيذ حكم المحكمة الإدارية العليا الصادر لصالح الطالبات المنتقبات بدخول الامتحان بالنقاب ، فأبدى استياءه من هذا الأمر و قرر طرح الموضوع فى لجنة التعليم يوم السبت القادم بإذن الله.

نريد إرسال أكبر عدد ممكن من البرقيات (مليون برقية) اليوم إن أمكن أو غدا باسم:

1-السيد فتحى سرور رئيس مجلس الشعب

2- رئيس لجنة التعليم بمجلس الشعب

كنوع من الضغط

نص البرقية كالتالى:

رؤساء الجامعات يمتنعون عن تنفيذ حكم المحكمة الإدارية العليا الصادر بوقف تنفيذ قرار منع دخول المنتقبات للامتحان بالنقاب و يطالبون كل طالبة بالحصول على حكم بإسمها ليسمحوا لها بدخول الامتحان.

الطالبات المنتقبات تعرضن للطرد من الامتحان و الإهانة و العدوان و تهديد مستقبلهن و حقهن فى التعليم و المشاركة فى المجتمع و قد تم تحرير محاضر لهذه الوقائع بقسم شرطة الوايلى و قسم شرطة الجيزة.

نلتمس تدخلكم شخصيا حماية لأحكام القضاء و للطالبات.

---------------------------------------------------------------------------

رجاء نشر الموضوع فى المنتديات و بين الأصدقاء بأقصى سرعة

و ينفع أى بنت تبعت البرقية مش شرط تكون منتقبة

جزاكم الله خيرا

السلام عليكم و رحمة الله و بركاته

تم تعديل 4 فبراير, 2010 بواسطة أختكم سمية

[بريق الهدى 5]

اعذريني سمية

 

كيف يعني نبعت برقية

 

دليني على الطريقة

[malloka 1]

السلام عليكم ورحمة الله وبركاته

اختي سمية كيف نبعت برقية ارجوكي افيدينا

وربنا ييسر ونحاول المساعدة طبعا

وجزاكي الله خيرا

[تائبة ارجـــ المغفرة ــــــــو 0]

معلش يا سمسمة اصل انا ذكية شويتين

 

ممكن تقوليلى اعمل ايه بالظبط

 

الله يكرمك يعنى مثلا نكتبها ونبعتها .. طب نبعتها فين وايه العنوان ؟

 

ولا من على النت .. طب على اى موقع او ايه الايميل وكده ؟

 

تفصيل ممل الله يكرمك معلش بنتقل عليكى

 

وجزاكِ الله خير الجزاء

[قلبى لربى 0]

السلام عليكم و رحمة الله و بركاته

لإرسال البرقية نتوجه لأقرب سنترال رئيسى(بس مش عارفة إذا كانت باقى السنترالات الجديدة فيها و لا لأ)

و نقوله إننا عايزين نبعت برقيتين واحدة بإسم السيد فتحى سرور رئيس مجلس الشعب و التانية بإسم السيد رئيس لجنة التعليم بمجلس الشعب

و نعطيه نص البرقية

و العنوان الذى ستصل عليه البرقية هو مجلس الشعب و أعتقد عنوانه معروف عندهم

بس عموما لو الموظف سأل على عنوان مجلس الشعب فهو : شارع مجلس الشعب متفرع من شارع القصر العينى - التحرير

و بإذن الله هما شغالين على طول

السلام عليكم و رحمة الله و بركاته

[قلبى لربى 0]

السلام عليكن و رحمة الله و بركاته

أختى بريق الهدى و

malloka

و تائبة

جزاكن الله خيرا

و مفيش تتقيل و لا تعب و لا حاجة

أنا بردو لما أستاذ نزار قاللى ما كنتش عارفة بالظبط هابعتها ازاى بس ماما فهمتنى :biggrin:

ربنا يكرمكن و يرضى عنكن و عن جميع أخواتى

السلام عليكن و رحمة الله و بركاته

[بريق الهدى 5]

ربنا يجزيكي خير سمية الحبيبة

 

احبك في الله

[اشتقت اليك ربي 0]

جزاك الله خيرا

 

أختي سميه

 

على مجهودك الرائع

 

ربنا يجازيكي كل خير

[تائبة ارجـــ المغفرة ــــــــو 0]

جزاك الله خير يا سمسمة كفيتى ووفيتى

ربنا يجعله فى ميزان حسناتك

ويا ريت الى تروح تيجى تقول عملت ايه بالتفصيل علشان نشجع بعض

بس سؤال معلش صوغنن علشان ماما نايمة ومش عرفة اسالها

مش السنترال الرئيسى ده الى بندفع فيه فاتورة التلفون ؟ صح كده ولا حاجة تانية ؟

معلش بقى مش قلتلك ذكية شويتين

[قلبى لربى 0]

السلام عليكن و رحمة الله و بركاته

أحبكن الله الذى أحببتمونى فيه

و أنا أيضا أحبكن فى الله

و أسأل الله أن يتقبل منكن صالح دعائكن

أختى تائبة

آه السنترال الرئيسى هو اللى بندفع فيه الفاتورة :closedeyes:

و بعدين يا بنتى الموضوع مافيهوش ذكاء و لا حاجة

ماتاخديش الأمور بالحساسية دى :mrgreen:

السلام عليكم و رحمة الله و بركاته

[ابنة الاسلام1 0]

السلام عليكم ورحمة الله وبركاته،،

أيوة صحيح يا سمسمة

هو ده اللى بندفع فيه الفاتورة

وقوليلنا عملتى ايه بالضبط

[قلبى لربى 0]

أنا لسة ماروحتش

هاروح بكرة إن شاء الله :mrgreen:

[daughterofislam89 10]

هو اللى اعرفه ان البرقيات كمان ممكت تتبعت بالتليفون بس ساعات بينفضوا

هم هيدوكى رقم وكله فى التليفون بس ساعات بينفضوا

واعتقد الرقم اللى بتتصلوا بيه 124

[دانة الاسلام 38]

جزاك الله خيرا

[ابنة الاسلام1 0]

بقولك يا سمسمة

لما تيجى ان شاء الله

ايقى قوليلنا عملتى ايه

وايه اللى حصل

[قلبى لربى 0]

السلام عليكم و رحمة الله و بركاته

يا جماعة ياريت اللى لسة ما بعتتش تبعت دلوقتى لإنى لسة باعتة حالا و قالولى هتوصل بكرة الصبح.

و على فكرة ممكن تبعتوها من البيت بالتليفون

تتصلوا ب 124 و و تملوهم النص و اسم المرسل و اسم المرسل إليه

و قيمة التلغراف بإذن الله هتضاف على فاتورة التليفون.

السلام عليكم و رحمة الله و بركاته

[تائبة ارجـــ المغفرة ــــــــو 0]

السلام عليكــم ورحمـة الله وبركاتــه

انا يا جماعة لسة باعته البرقية من شوية صغيرة والموضوع سهل جدا ان شاء الله

انا اتصلت بـ 124 رد علية بنى ادم قلتلو عيزة ابعت برقية

سالنى اسمك ايه قلتلو قالى رقم تليفونكم وقلتلو والمرسل اليه قلتلو ومليتو نص البرقية

والشهادة لله الراجل طلع محترم واعد يقولى مدخلكوش الامتحان هو احنا فى فرنسا والبنات الى لبسة ديق دخلو وكان مدايق واعد يدعيلنا

وخد رقم البطاقة (ربنا يسامحك يا سمسمة مقولتليش على موضوع البطاقة ده اعدت ادور عليها اد كده قلت زمان الراجل افل بس الحمد لله لقيتو لسة موجود)

وبس شوفتو سهل ازاى يا ريت كل البنات تبعت البرقية حتى لو مش منتقبات

جزاكى الله خير يا سمسمة

اه الراجل قالى اسمه احمد فتحى سرور مش فتحى سرور

قلت شكلو عايز يضللنى بس بعد كده قلت بلاش استخدم ذكائى علشان الموضوع يعدى ومشيتها احمد فتحى سرور

الموضوع ده صح مش كده اسمه احمد فتحى هههههههه

[قلبى لربى 0]

السلام عليكم و رحمة الله و بركاته

هو فعلا اسمه أحمد فتحى سرور

بس الناس كلها بتقول فتحى سرور بس

عموما أنا ماجاش فى بالى إن ممكن حد يتلخبط فيه.

سامحينى بقى يا تائبة :icon15:

فعلا أنا كمان واحدة ردت عليا و ماكانتش تعرف حاجة عن الموضوع

و بردو سألتنى فى الآخر إيه اللى حاصل و دعتلنا

ربنا معاكم و ياريت اللى لسة ما بعتتش تبعت و تبلغ كل اللى تعرفهم

جزاكن الله خيرا

السلام عليكم و رحمة الله و بركاته

[ابنة الاسلام1 0]

السلام عليكم ورحمة الله وبركاته،،

بقولكم ايه

هو لازم موضوع رقم البطاقة ده

اصلى مش معايا بطاقة

ومحدش يتتريق

أنا بقولكم اهو

بس هى جاهزة وختماها من الكلية

بس الكسل

بس ان شاء الله ناوية أعملها فى الأجازة دى

ان شاء الله

لأنى محتجاها

وبعدين لو جيت اعمل قضية للنقاب مثلا

وربنا يحلها ان شاء الله

لازم هحتاجها

حد يقولى لازم رقمها

ولا عادى

[قلبى لربى 0]

أيوة يا هنودة لازم رقم البطاقة

و بعدين انتى فى سنة كام فى الكلية؟

أو بمعنى أصح الكسل دة استمر كام سنة؟ :rolleyes:

بس عموما ممكن مثلا تعمليها باسم مامتك بس هتقوليلهم اسمها هى مش اسمك انتى

[نور الاسلام 2 8]

سمية عاوزة أقولك حاجة حساها

 

حاسة إن الموضوع نام خالص

 

وان مفيش جديد وإن قرار المحكمة تهدئة للموقف

 

لانه متنفذش

وبعدين مش المفروض

أن الاستاذ نزار قال انه رفع قضية جنح بعد اسبوع من الحكم

لمعاقبه رؤساء الجامعات

 

محصلش شىء

لازم نجتهد فى الدعاء أكتر

دى كلها أسباب والله ناصرنا

 

حبيت اوصفلك احساسى

بحبك فى الله

تم تعديل 5 فبراير, 2010 بواسطة نور الاسلام 2

[&صفاالقمر& 0]

السلام عليكــم ورحمـة الله وبركاتــه ،،

ربنا ييسر لكم الخير بنات

ويجعل كيدهم في نحورهم

[omjana 6]

طب انا معنديش تيليفون

[قلبى لربى 0]

السلام عليكم و رحمة الله و بركاته

أحبك الله الذى أحببتنى فيه يا نور

ولكن يا حبيبتى أختلف معكِ

فالموضوع مانامش و لا حاجة

هو يمكن بس أخباره اختفت لإن معظم الناس خلصت امتحاناتها و خلاص

إنما بالنسبة للمحامى مش ساكت و بيسعى بكل جهده إن الموضوع دة ينتهى على امتحانات التيرم الثانى

و يوم السبت اللى فات قدم طلب تفسير الحكم من المحكمة و دة هيوضح إذا كان الحكم عام و لا خاص

و إن شاء الله يطلع عام و بالتالى يبقى ملزم لرؤساء الجامعات إنهم ينفذوه لكل الطالبات

أما بخصوص الجنح

فرؤساء الجامعات نفذوا الأحكام للبنات الحاصلات على حكم باسمائهن و بالتالى مفيش داعى من رفع دعاوى ضدهم دلوقتى لحد ما تفسير الحكم يظهر

و غير كدة كمان خطوة مجلس الشعب دى كويسة و بإذن الله تبقى فى صالحنا

جزاهم الله خيرا المحامين شغالين فى كذا اتجاه

تفسير الحكم

و مجلس الشعب

و الإعلام

ربنا يكرمهم و يستخدمهم لنصرة دينه

ففعلا زى ما قلتى الله هو ناصرنا و لكن علينا الأخذ بالأسباب

اطمنى يا حبيبتى و استمرى فى الدعاء و "تفائلوا بالخير تجدوه" :smile:

هم بفضل الله بيتراجعوا بس بخطوات بطيئة نسبيا

لكن بما إن الامتحانات خلصت فاحنا فضينالهم خلاص و بإذن الله حقنا هيرجعلنا

لإنه مش حقنا احنا دة حق ربنا و حق النقاب

أحبك فى الله يا نور و لا تنسينى من صالح دعائك

السلام عليكم و رحمة الله و بركاته

[قلبى لربى 0]

السلام عليكــم ورحمـة الله وبركاتــه ،،

ربنا ييسر لكم الخير بنات

ويجعل كيدهم في نحورهم

 

و عليكم السلام و رحمة الله و بركاته

جزاكِ الله خيرا و أسأل الله أن يتقبل منك