لقاء خاص مع أم لتوأم ضيفتنا الخامسة*om elkawareer*

[أم عائشة المصرية 242]

 

السلام عليكــم ورحمـة الله وبركاتــة ،،

 

بعد توقفنا فترة قصيرة عن اللقاءات عدت لكم بإذن الله بضيفة جديدة وبإذن الله نستفيد منها فالتوأم هذه المرة كبار اللهم بارك..فانتظرونا مع الخالة: om elkawareer

 

[ام روتى 4]

السلام عليكم ورحمة الله وبركاته،،

 

جزاكى الله كل خير مشرفتنا الحبيبة ام عائشة

 

وفى انتظار حبيبتى وحبيبة قلبى ماما نونا

[أم عائشة المصرية 242]

تفضلى خالتنا..هذا لكِ:

 

[أم عائشة المصرية 242]

تفضلى خالتى

هذه هى الأسئلة وبانتظار أسئلة الأخوات

...

 

 

 

س1: ما اسم أبنائك وكم عمرهم؟

س2: هل توأمك هم أول رزقك أم سبقت لك ولادة قبلهم؟

س3: كيف تلقيتي خبر حملك بالـ"تــوأم"؟

س4: صفى لنا أول رؤية لهم بعد الولادة..كيف كانت وكيف حملتيهم وقبلتيهم...إلخ.

س5: هل قام أحد من العائلة بمساعدتك فى تربيهم وكيف كان ذلك؟هل مثلا أقام معكِ أحد مثل أمك أو حماتك أم قاموا هم بأخذ طفل وأنتِ اهتممت بالآخر؟

ولو كانت الأولى كيف عشتِ حياتك مع الضيوف الجدد :) ؟ألم يقلل ذلك من خصوصيتك؟

س6: بخصوص الرضاعة:كيف كانت رضاعتهم؟هل لجأتى لللبن الصناعى مع الطبيعي أم اكتفيتي بأحدهما؟ماذا كنتِ تفعلين لما يبكيان سويا أو يريدان الرضاعة معا؟وهل كان ذلك يتكرر كثيرا؟

 

س7: كيف اهتممتِ بنظافة أطفالك وبيتك -بما إن المجهود مضاعف-وخاصة لما كبروا قليلا وبدأوا فى الحركة والتخريب؟

س8: فى أى سن ذهبتِ بهم للحضانة؟ وهل شعرت براحة بعدها من حيث التفرغ؟

س9: هل تلبسينهم ملابس مشابهة بحيث لا يفرق بينهم أم تفردين كل واحد منهم بملبسه لتتميز شخصيته؟

س10: بعد كم من الوقت استعدتِ حياتك الطبيعية من حيث الاهتمام بنفسك ومظهرك وزوجك وبقية مسئولياتك؟

س12: نريد نصيحة منكِ للأمهات الجدد أو لكن من ترزق بتوأم.

 

[{ الــهـــا م } 81]

وعليكم السلام ورحمة الله وبركاته،،

 

بانتظار ضيفتنا

om elkawareer

 

بارك الله فيها وفيكِ

 

غاليتي ام عائشة : )

[om elkawareer 0]

السلام عليكــم ورحمـة الله وبركاته

 

والله وحشتووووووووووووووووونى جداااااااا منذ فتره لم ادخل المنتدى فجزاكن الله خيرا لسؤالكن على

 

وخاصة حبيبتى أم روتى حادثتنى تيلفونيا واسعدتنى بسماع صوتها فجزاها الله وإياكن الفردوس الاعلى وجمعنى بكن على خير اللهم آمين

 

بالنسبه لتؤامى فهما بنتين بفضل الله ........نهله ورانيا ستكملان عامهما العشرون بإذن الله فى شهر مايو القادم وفى السنه قبل النهائيه فى الكليه

 

وقد رزقنى الله قبلهما بعام ونصف بإبنتى الكبرى عبير فهما ثانى ولاده لى ولله الحمد فقد من الله بهن على وهن اجمل نعمه فى حياتى

 

وقد كنت اتوقع فى هذا الحمل بالذات انه اكثر من طفل إذ أن الحركه داخلى كانت غير عاديه فقد كنت اشعر بها فى أكثر من مكان فى وقت واحد وقتها فقط فكرت فى المتابعه

 

مع طبيبى اولا بأول وليس كمتابعة الحمل العاديه وعندما تم التاكد من وجودهما سعدت كثييييييييييييييييييرا بس فى نفس الوقت قلقت جداااااااااااااا

 

لإن عبير كان صغييييييييييييره ايضا فهى بيبى لوحدها ......... لكنها إرادة الله ولم تكن مقصوده منى وقد اعاننى الله عليهن بفضله وكرمه

 

طبعا مهما وصفت لحظه رؤيتى لهما اول مره فلن أستطيع ان اصفها لكن ........... اولا لم يرد الطبيب ان يعلمنى بنوع البيبى من خلال الآشعه........ فقط سالنى

 

إن كنت أحب البنات ام البنين فاجبته طبعا بحبى للبنات ولهذا كانت سعادتى بهما لا توصف ولم أشعر بنفسى إلا وأنا أقول الحمد لله بكامل جوارحى بعد رؤيتى لهما

 

وظللت أنظر إليهما كثييييييييييرا فهما تؤام متاثل تشبهان بعضهما جدااااااااااا وقد حملت واحده وحملت امى الأخرى أما تسميتهما فقد كانت لحد ما وليدة اللحظه

 

وللحديث بقيه إن شاء الله تباعا

 

أشكر لكن جميعا مجهودكن الرائع فى إختيار المواضيع والترحيب بالضيوف وشكرا على النسكافيه الجميييييييييل يا ام عائشه يا جميله

 

أحبكن كثييييييرا فى الله

[{ الــهـــا م } 81]

وعليكم السلام ورحمة الله وبركاته،،

 

ووصلت ضيفتنا لتمتعنا بحديثها

 

بارك الله فيكِ غاليتي

 

وفي بناتك ورزقك برهما

[أم عائشة المصرية 242]

اللهم بارك ردك ممتع جدا..

وعلى فكرة حضرتك أول أم توأمها متشابه ^_^

منتظرة جدااااااااا وبشوق شديد حضورك وردك علينا..

حفظهما الرحمن لى...

 

أحضرت لهما هدايا كثيرة والمنتدى للاشف غير قابل لرفع الصور..

[ديوان فؤاد 0]

ماشاء الله ربنا يبارك لحضرتك فيهم وتفرحي بيهم قريب زوجي دايما يتمنى تؤام احنا لسه متجوزين من 4 شهور

اد ماهي شئ جميل لكن اكيد مشقة

وكله بيد الله

مستنين حضرتك تقوليلنا عن التربيه ومشاقها

[ام روتى 4]

السلام عليكم ورحمة الله وبركاته،،

 

 

ماما نونا حبيبة قلبى حمدا الله على السلامة

 

ربنا يباركلك فى بناتك يارب ويسعد قلبك بيهم

 

[om elkawareer 0]

السلام عليكــم ورحمـة الله وبركاتــة ،،

 

إستكمالا لحديتنا أقولكم بعد ولادتى القيصريه لهما جلست معى امى حوالى 8 ايام حتى إستطعت ان أقوم لوحدى لشئونهما لإنها كانت موظفه آن ذاك

 

اما حماتى فكانت تاتينى كثيرا للعنايه بشئون المنزل فقط ولهذا كانت البنات الثلاث بالكامل معى وحدى وكنت لا اجد وقتا كافيا حتى لتناول طعامى مما اثر على قدرتى على إرضاعهما

 

وقد رزقنى الله بطبيب اطفال نصحنى نصيحتين ذهبيتين اولهما بالنسبه للإرضاع فيجب ان يكون تبادليا لبن طبيعى مع صناعى بالتبادل بينهما

 

وثانيا انه على من ياتى لزيارتى ان يداعبهما دون شيل حتى لا يتعودن عليه ويسببوا لى مشكله

 

وطبعا فضلوا البنات معى كلهن بكل صغيره وكبيره ومتابعه مع الطبيب ومشاوير التطعيم والعنايه الليليه ووقت المرض أى حياه كامله بكل تفاصيلها

 

ونصحتنى والدتى بعدم طلب المساعده من زوجى وتركه ليتفرغ لبناء مستقبله المهنى والذى فى يوم ما سيعود هذا بكل الفائده على مستقبلنا جميعا

 

وسمعت نصيحتها مما اعطانى كثيرا من الإستقلاليه فى التعامل معهن دون تدخل وهذه ميزه فى الحقيقه كبيرة فلم تتدخل أمى ولا حماتى ولا زوجى فى تربيتهن صغارا إطلاقا

 

أما الآن فقد صرن صاحبات أبيهن والحوار ولله الحمد دائما مفتوح بينهن وبين والدهن

 

بالنسبه بقى للخصوصيه دى بقى راحت خالص تخيلوا كده ام معاها 3بنات 2 منهن حديثى الولاده والكبرى عمرها عام ونصف ;-)

 

طبعا مفيش حتى وقت لتناول طعامى لدرجة إن اللبن الطبيعى راح خاااااااااالص بعد شهرين من ولادتهما فقط مما إضطرنى للتعامل مع اللبن الصناعى علطول

 

وكمان تعبهم كان مع بعض ومهما حاولت ابعد عبير عنهما كانت برضه بتتعدى منهما .......يعنى والله انا كل ما بفتكر الايام دى أستغرب مرت على إزاى ؟

 

واخذت اجازه من شغلى سنتين لعبير وكمان سنتين لنهله ورانيا وكنت متفرغه لهن تماما وفى ظل المعمعه دى لم يكن لدى وقت للتفكير فى اى خصوصيه

 

و لكنى كنت احاول التوفيق بين زوجى وبين متطلبات البيت والاكل وبين طبعا اطفالى لإنى بعد شهر من ولادتى كنت وحدى تماما

 

بالنسبه للنظافه دى مهمه جداااااااااا لأن الطفل لو تعرض لأى حاجه يصعب على الأم جدااااا وشهدت لى حماتى شهادة أعتز بيها كانت تقول لعائلتها وجيرانها

 

( عمرى ما شيلت لمرات إبنى عيله ريحتها وحشه أو مش نظيفه )

 

هم طبيعى كانوا مريحين البنات هاديه عموما فمافتكرش لهم أى تخريب ولله الحمد

 

وللحديث بقيه إن شاء الله

 

ربنا يرزق كل إللى عايز تؤام ياااااااااااارب

 

ويفرح بنات المسلمين اللهم آمين

[ام روتى 4]

السلام عليكم ورحمة الله وبركاته،،

 

ما شاء الله تبارك الرحمن

 

ربنا يقويكى ويبارك فى عمرك يارب

 

وتشوفيهم عرايس قريباً

 

[ام الاشبال 3]

السلام عليكــم ورحمـة الله وبركاتــة ،،

 

ايه المفاجاة الحلوة دى

ماما نونا بحالها هنا

 

ماشاء الله ربنا يبارك لك فيهم يارب وتشوفيهم فى احسن حال فى دنيهم ودنيتهم يااااارب

 

:rolleyes: :rolleyes:

[أم عائشة المصرية 242]

اللهم بارك ما شاء الله لا قوة إلا بالله..

حفظك الله دائما خالتى..وجعل ذلك فى ميزان حسناتك..

بانتظارك ونحن مستمعين بلقاءك ومعلوماتك القيمة.

[موده واخاء 417]

مااما نونا اهلا وسهلا وحشتينا اوى

 

 

 

 

 

 

 

 

 

 

امهات بارط الله فيهم والله بجد مسؤلية جمدة والله ومع ذلك صامدين

[ام مريم وهاجر 16]

ههههههههههههههههههههه

 

بسم الله ما شاء الله ربنا يحفظهملك يارب والله سعيدة جدا بقراة كلامك

 

انا ام لتوام بس بنت وولد ربنا يبارك وانتى بتقولى ان البنات طيبة انتى اللى طيبة

 

الواد عندى ساعات بينام البنت يا اختى مش بتام خالص وعليها حته صوت .... هههه

 

انا حسه انى فقدت الذاكرة خالص من قلة النوم الحمد لله على كل حال

 

ربنا ينبتهم نبات حسن يارب ويحفظهملك

[{ الــهـــا م } 81]

السلام عليكم ورحمة الله وبركاته،،

 

وهذه هدايا للبنوتات الحلوين : ))

 

 

 

 

وهديه لكم مع بعض بالهنا والشفا : )

 

[أم عائشة المصرية 242]

جزيتي خيرا إلهام..قمتى بالواجب..كنت محتارة فى الهدايا..

[om elkawareer 0]

السلام عليكــم ورحمـة الله وبركاتــة ،،

 

اهلا اهلا بالبنات والامهات الحلوين إللى ظهروا معانا والله نورتونى انا اشكر جدا ام عائشه وام روتى للفرصه الحلوه دى

 

حبيبة قلبى إلهام هداياك جميله ووصلت والله عجبتهم جداااااا ذوق راق فعلا :icon15:

 

ام عائشه حبيبتى ليه الحيره بس ؟ ربنا يكفيك شرها ويسعدك يا جميل فى الدارين

 

إبنتى الغاليه ام مريم وهاجر مع الوقت حتحسى إن البنت أهدى كتيييييييييييييير فى كل مشوار حياتها فى تعاملها وفى مذاكرتها وربنا بيسهلها مشوارها بقدر فرحة الاهل بيها

 

ومع هذا إتبعى الطريق بحسن التربيه بالدين اولا والاخلاق ثانيا والمثل الاعلى من االوالدين امام أولادهم ثالثا بيطلعوا الاولاد والبنات قمه فى الرقى والبر والحنان

 

وماتزعليش من قله النوم الجنه تحت اقدام الامهات بس مش ببلاش بالتعب والجهد والصبر وحسن المتابعه

 

ربنا يرزقك برهما ويبارك لك فيهما ويقويكى عليهما ويفرحك ووالدهما بهما آللهم آمين

 

الغاليه ام ديوان ربنا يسعدك ويرزقك التؤام إللى تتمنيه يارب

 

أم عبد الله وحيد الإبنه الحبيبه فينك منورانا والله وحشانى ربنا يبارك لك يارب

 

ام الأشبال حبيبه قلبى وحشتييييييييييييييييييييينى جدااااااااااااااااااا والله

 

مش ناويه السنه دى بقى تيجى إسكندريه وللا إيييييييييييه ؟ نفسى اشوفك كيف حالك وأشبالك وباباهم ؟ يارب دائما جميعا بخير

 

حجاوب بقى على باقى الاسئله بس يارب ماتزهقوش منى :icon15:

[om elkawareer 0]

الحقيقه ان ذهبت بهن للحضانه عندما اكمل التؤام حوالى عامين ونصف وعبير كان عندها 4 سنوات

 

والحضانه كانت بجوار منزلى وكانت نظيفه جدا ولإنى كنت اجازه بدون مرتب من عملى بدات عمليه تواجدهن فى الحضانه على مراحل علشان ميحسوش بتغيير مفاجئ

 

وانهم بعدوا فجأة عن مامتهم خاصة إنى كنت كل حاجه فى حياتهم ( بابا بتاع الحاجه الحلوة بس ) ماما بتاعة كله :icon15:

 

فى أول يوم نزلتهم نصف ساعه وبعد كده نزلتهم ساعه ثم ساعتين وهكذا حتى تركتهن 5 ساعات على بعض وتم هذا قبل رجوعى للعمل بحوالى شهرين

 

وأفتكر فى اول يوم إشتريت لهم علبه مكعبات وأهديتها لكل اطفال الحضانه يلعبوا مع بعض علشان البنات تتعود على وجوه جديده وتعامل جديد وعلاقات جديده

 

ومشيت العمليه والحمد لله

 

وفى اول اسبوع من إستلامى للعمل بعد 4سنوات ونصف اجازه عملوا فى الصغيرين فصل سخيف جدا

 

الصراحه مكانوش بيمرضوا كتير معايا إلا بادوار البرد العاديه وبعد كده قالولى خدى عندك بقى ......... جديرى مائى من الحضانه

 

يادوب حبدأ أستقر فى شغلى جابولى الحصبه ومرت على نهله وعبير بخير اما رانيا دوختنى التطعيم بتاعها كان زى قلته بعكس عبير ونهله

 

وبعديت ختموها بالغدة النكفيه ورغم المشاكل إللى كنت بقابلها فى الشغل نتيجة طلب اجازه كل شويه حيث ان عملى لا يتحمل الاجازات ويحتاج تركيز عالى جدا والغلطه

 

بالسلامه مشكله كبيره بأقول برغم الوضع الحرج ده إلا أنى سعدت أنهم أخدوا كل حاجه علشان نبدأ الدراسه على خير وإستقرار وعلشان المناعه تبقى طبيعيه

 

ولما كملت عبير 5 سنين دخلت أولى إبتدائى .....على بختها المدرسه كانت جديده واخدت سن صغير... السنه دى نفعتها وإتخرجت من الجامعه عمرها أصغر من أقرانها ما شاء الله

 

لما جيت اقدم لنهله ورانيا دخلوا اولى إبتدائى 6 سنوات لإن المدرسه رفعت سن التقديم

 

وقتها بس بدات اشعر بالإستقرار لحد بسيط لإن كنت برجع من الشغل 4 عصرا وابدأ مشوار الغدا و المذاكره والواجبات للثلاثه ثم انتظر زوجى لتناول الغداء معه وانا بتابع واجباتهم

 

وبعدين ادخل المطبخ أشوف المواعين واكل تانى يوم والساعه 11 مساءا انام علشان اصحى فى الخامسه والنصف لتحضير الساندويتشات لى ولهم ويشربوا اللبن والبسهم واسرحهم

 

بقى ضفائر وشرائط وهيصه واجرى أقف معاهم لغايه مايركبوا باص المدرسه وبعدين اطلع انا البس والحق باص الشغل

 

حتقولولى فين باباهم ........... كلمه سر أقولها فى المرحله دى لا يفضل تدخل الآباء لإن الرجل لا يستطيع العمل تحت ضغط بتقلب معاهم عصبيه وبيوتروا الجو

 

يمكن اكون تعبت جدا لكن زرعت فيهن كل إللى أنا عايزاه حتى إطمأنيت عليهن وكل ذلك بفضل الله وحده والله ليس لى اى دخل هذا عون الله وحده

 

ومع الوقت دخلوا الإعدادى وبرضه متابعة المذاكره والبيت وفى هذه المرحلة بدأ باباهم يشاركهن كل شيئ بعيدا عن الخدمه لإنشغاله الدائم ثم مرحلة الثانوى بنفس المسئوليات

 

العمل والبيت والمذاكره والدروس والزوج .......... ولما وصلوا نهله ورانيا للثانويه العامه طلعت معاش مبكر وانا عمرى 43 سنه حتى اتفرغ لمرحلتهن الجامعيه

 

والحمد لله ....... الحمد لله أنهت عبير دراستها الجامعيه منذ عام ونهله ورانيا فاضلهم سنه بإذن الله وكانهن فى المدرسه الإبتدائيه والله ولله الحمد عدت المرحله كما تمنيت

 

بدون قلق من الفتن الموجوده فى الجامعه ..........حياتهن كلها العائله وصديقاتهن من شاكلتهن

 

انا الآن ومنذ خروجى على المعاش من 4 سنوات والحمد لله تفرغت بقى لنفسى وما أحب عمله اعمله وقتى ملكى إلى أن يشاء الله بزواجهن

 

فإن كنت موجوده وقتها حارجع انشغل تانى معاهم اما حاليا فكل وقتى لما احب عمله ولزوجى والصحه طبعا تعبت شويه ومرت على ظروف صحيه كتير

 

أثرت على الواحد طبعا لكن برضه الحمد لله فلم اعد اتمنى إلا سترهن و حسن الختام ياريت تدعولى كلكم الدعوه دى

 

 

طبعا النصيحه إللى أقولها لكل ام التفرغ التام لهذه المهمه فى الصغر وغرس الدين والاخلاق والصبر وحسن المتابعه فى كل ما يمر به الابناء

 

وإيجاد طريقه للتواصل معهن فى مرحله الشباب خاصه لام البنين فالبنات عموما مطيعين وهاديين اما الأولاد محتاجين شويه صبر وذكاء

 

كانت فرصه حلوه فتحت قلبى لكن ويارب ما تكونوا ذهقتم

 

أحبكن جميعكن فى الله

[{ الــهـــا م } 81]

وعليكم السلام ورحمة الله وبركاته،،

 

طبعا النصيحه إللى أقولها لكل ام التفرغ التام لهذه المهمه فى الصغر وغرس الدين والاخلاق والصبر وحسن المتابعه فى كل ما يمر به الابناء

 

وإيجاد طريقه للتواصل معهن فى مرحله الشباب خاصه لام البنين فالبنات عموما مطيعين وهاديين اما الأولاد محتاجين شويه صبر وذكاء

 

بارك الله فيكِ على النصيحة القيمة

 

غاليتي ام القوارير

 

أطال الله عمرك في طاعته

 

اشعر بكلامك انه خارج من القلب وصل للقلب مباشرة

 

ما شاء الله : )

 

سلامي للقوارير حفظهم الله وبارك فيهم

[أم سوفي 0]

بسم الله ما شاء الله

ربنا يبارك فيهم وعقبال ما تفرحي باولادهم يارب

[أم عائشة المصرية 242]

لا طبعا يا غالية مزهئناش ولا حاجة..بالعكس والله استفدت من كلامك..

ربنا يكرمك..

طيب معلش عندى استفسار..

وهو ليه بعد اللى شفتيه فى الاربع السنين اللى انقطعتى فيهم عن الشغل_من التعب الشديد فى التربية وخاصة إنهم 3 مش بس التوأم_..ايه اللى رجعك للشغل تانى..

سؤال تانى لو سمحتى..ممكن تحكيلنا عن بنوتاتك شوية وعن شخصياتهم وازاى قدرتى بدون ما تفرقى بينهم إنك تتعاملى مع فروقاتهم الفردية..

ممكن تذكريلنا شوية أمثلة للفروقات الفردية اللى كانت عندهم..

[om elkawareer 0]

لا طبعا يا غالية مزهئناش ولا حاجة..بالعكس والله استفدت من كلامك..

ربنا يكرمك..

طيب معلش عندى استفسار..

وهو ليه بعد اللى شفتيه فى الاربع السنين اللى انقطعتى فيهم عن الشغل_من التعب الشديد فى التربية وخاصة إنهم 3 مش بس التوأم_..ايه اللى رجعك للشغل تانى..

سؤال تانى لو سمحتى..ممكن تحكيلنا عن بنوتاتك شوية وعن شخصياتهم وازاى قدرتى بدون ما تفرقى بينهم إنك تتعاملى مع فروقاتهم الفردية..

ممكن تذكريلنا شوية أمثلة للفروقات الفردية اللى كانت عندهم..

 

ربنا يكرمك إنتى يا ام عائشه يارب حاقولك ياستى وانا تحت امرك إيه السبب ......

 

سبب رجوعى للشغل هو حبى لعملى برضه .......اناكنت بشتغل فى مكان من إللى بيقولوا عليه مرموق يعنى مرتب مجزى وضمانات وميزات كتييييييييير كويسه وده فضل من الله

 

وده كان له اثر جيد على البنات برضه لأنه خلانى عندى وعى ( يعنى ام واعيه متطلعه على تغيرات المجتمع )على فكره الشغل ده مهم جدا للمراة بيشكل شخصيتها

 

ويشعرها بالإستقلاليه شويه فبيخليها تعتمد على نفسها فى تسيير مركب الحياه ويعطى فرصه للاب ببناء مستقبله الذى هو مستقبل الاسره كلها

 

اما الفروقات الشخصيه بينهم سهل التعامل معها لأنهن فى الآخر تربيه فى وعاء واحد

 

يعنى مثلا عبير كانت تذاكر لوحدها وأعصابها هادئه فى الإمتحانات وعلشان كده انا لم استقيل من عملى وقتها وكانت لا تحتاج منى سوى الاكل والعصير والدعاء

 

لكن نهله ورانيا الإثنين من النوع القلوق وينعوا الهم كتير فى الإمتحانات وعلشان كده سبت شغلى لإتفرغ لهما وهما مرتبطييييييييييييييييين بى جدا بياخدوا رايى حتى فى لون الحجاب

 

ومواقفهم مع اصحابهم واحلامهم وطموحاتهم يعنى كل صغيره وكبيره وانا اتمنى لو يقدروا يستقلوا عنى شويه ....... عموما مفرمة الحياه بتعلم كل حاجه

 

اما عبير عندها شويه إستقلاليه حلوييييييييين وممكن تعتمد على نفسها فى حاجات كتير

[om elkawareer 0]

بسم الله ما شاء الله

ربنا يبارك فيهم وعقبال ما تفرحي باولادهم يارب

 

الله يخليكى يا ام سوفى ربنا يكرمك يارب

 

ويسعدك فى الدارين