وقفة ! ... مع الملتزمين ..

[خير أمة 6]

اييييييييييييييييه يا لؤلؤتى ده

بقى كدة من ورايا :wub:

ايييه الحاجات الجميلة ده أول مرة أشوفها :roll:

استنينى بقى هبدأ اقراها من الأول

جـــــــزاك الله خــــــــــيراً:blush::ohmy:

[سبيل الهدى 2 14]

جزى الله خيرا الناقلة والمنقول عنه

موضوع مفيد وأسلوب مشوق في العرض

[لؤلؤة الإسلام 0]

جزاني و إياكن أخواتي الغاليات خير الجزاء

و بارك الله فيكِ أختي في الله Omtaym_ALLAH على دعواتك ربنا يتقبلها منك اللهم آمـــــــــين

و رد حضرتك فعلا شعرت منه بالصدق و الألفة جزاكِ الله كل خير أختي الحبيبة و مالهم المصرين :mellow: ؟؟؟ أجدع ناس ( شجع منتج بلدك :grin:

و معلش يا أختي خير أمة و بعدين الموضوع منقول و أنتي عارفة منين :ohmy:

و جزاكِ الله خيراً على مرورك الكريم أختي سبيل الهدى :cool:

[لؤلؤة الإسلام 0]

الفصل العشرون

 

 

المشهد الوحيد

 

الزوج والزوجة في أول الشهر يتناقشون مصروف البيت

 

الزوج : بصي يا وردة انا هبقى اجيب كل يوم بالليل شوية أكل لليوم اللي بعده وانتي تعمليه الصبح بدل ما اجيب الأكل معايا من الشغل ونتأخر

 

الزوجة : طب ليه التعب ده , ما تعمل زي بقيت البيوت ما بتعمل اديني مصروف البيت وانا امشيه بمعرفتي وانت متشغلش بالك انا هتصرف في كل حاجه

 

الزوج : يا سلااااام عشان تخلصي المصروف في اسبوع وترجعي تصوتيلي عايزة فلوس , لا هو كده كويس ان هجيب كل حاجه وانتي ما عليكي إلا البيت !

 

الزوجة : مين اللي قال اني هخلص المصروف في اسبوع , طب جرب انت بس , وبعدين انا لما يبقى معايا المصروف وعارفه حدودي همشي عليها انما كل يوم لوحده ده انت كده اللي هتخلص الفلوس من غير متحس , يا إما هتأكلنا كل يوم فول

 

الزوج بعد تفكير : خلاص خلاص انا هديلك كل يوم على اد اللي تجيبي بيه حاجة اليوم ده

 

الزوجة : ارحمني , مهي هي الفرق ان انا اللي هنزل اجيب الحاجات , اسأل الناس لها هتقولك ان مصروف البيت وحاجته الست هي اللي بتهتم بيه ,وبعدين انا بقولك جربني وبعدين احكم

 

الزوج : لا , هي كلمة واحدة خلاص انتهى الموضوع !

 

بعد اسبوعين

 

الزوج : وردة يا حياتي , يا روووح قلبي فاضل اسبوعين على أول الشهر وانا خلاص اقتنعت بوجهة نظرك ان الست هي اللي تمسك مصروف البيت .

 

الزوجة : ألف نهار ابيض اخيرًا عرفت كده , متخفش يا حسني انا ادها ومش هخيب ظنك فيا

 

الزوج : هو ده ظنكي فيكي ربنا يخليكي ليا , يالا بقا خدي التلاتين جنيه دول هما اللي فاضلين معايا من مرتب الشهر مشي بيهم حالنا لحد اخر الشهر وورينا شطارتك :ohmy: :cool:

تم تعديل 11 يوليو, 2006 بواسطة لؤلؤة الإسلام

[لؤلؤة الإسلام 0]

الفائدة العشرون

 

أخي الحبيب

 

جرت العادة مع مرور الزمن على أن تتولى المرأة شئون البيت ويكون معها المصروف لتدبر هي أمرها على حسب القدرة .

 

فلا تظن أن إعطائها مصروف البيت وتركها تتولى هذه المسؤلية ينتقص من قدرك أو من رجولتك , وإلا فقل على الرجولة السلام لأن أغلب رجال العالم يفعلون هذا !

 

وسبحان الله لأن المرأة الأصل لها أن تجلس في بيتها وترعاه فستجد أنها أقدر من الرجل بلا شك على ادارة البيت والاستفادة القصوى من مصروف البيت .

 

لي صديق حدثني عن صديق له مَّن الله عليه بزوجه صالحة وفاضلة ويقول صديقي لما دخل استغربت كيف دخل ومرتبه في الشهر 150 جنيه فقط , لكن بعد فترة من الزمن قابله وسأله عن أمور بيته وتكلم معه على هذه النقطة فكان رد هذا الأخ الفاضل أنه يحتفظ لنفسه بما يكفي مواصلاته للعمل ويعطي الباقي لزوجته لتصرف على البيت وهي بتتصرف ولم تقل له في أي يوم أن المال قد نفذ أو تزمرت من قلته بل هو الذي يفاتحها في هذا الموضوع متعجبًا من كيفية تدبيرها لكل مصروف البيت من هذا المبلغ البسيط وأخر عهد صديقي بهذا الأخ انه حتى الأن لا يعرف كيف تفعلها زوجته حفظها الله له !

 

فتدبر أخي واسأل نفسك هل تستطيع أن تصرف على بيتك ب500 جنيه وليس 150 أو أقل ؟

 

لا , حسبتها ووجدت أنه شيء صعب جدًا , إذا فنترك الأمر لأهله وهناك مثل يقول : "إدي العيش لخبازه" !!

[لؤلؤة الإسلام 0]

الفصل الواحد والعشرون

 

المشهد الأول

 

الزوجة تلاطف زوجها في الصباح قبل ذهابه إلى العمل

 

الزوجة : حسني , يا حسنييييييي انا مش عارفه ليه صاحية انهارده متفائلة وحاسة ان انهاردة يوم جميل

 

الزوج : فعلاً انهاردة يوم شكله حلو واحلى حاجه فيه اني اول ما صحيت لقيت القمر قدامي

 

الزوجة : قمر , قمر ايه انا كنت في المطبخ لما انت صحيت قصدك على ميييييييييييييين

 

الزوج : يا ستي متخفيش أوي كده انا قصدي على المحفظة بتاعتي

 

الزوجة : آه المحفظة , توقعت كده برضه

 

ثم تستدرك : يا جوزي يا غالي عليا يا ساترني يا اللي مش مخلي نفسي في حاجه انا شايفة وشك منور انهارده وكنت بقول يعني لو ممكــــــــ

 

الزوج مقاطعًا إياها قائلاً لنفسه أولا (ده شكله لا يوم حلو ولا حاجه وهنبتديها خناق عالصبح) : هاتي من الآخر يا وردة عايزة لحمة على الغدا انهاردة ؟

 

 

الزوجة في خجل مصطنع : دايمًا فاهمني يا حسني لو تعرف بس اد ايه بحبك (يا رب عدي اليوم ده على خير) ها بقا وافق بقا يا حسني انا اللحمة وحشتني يا أخي

 

 

الزوج : لحمة ايه اللي وحشتك يا وردة انا مش لسه جايبلك ربع كيلو لحمة مجمدة الأسبوع اللي فات , اللي يسمعك يقول ان احنا بناكل اللحمة مرة في السنة !

 

الزوجة : يا حسني دي كانت لحمة وحشة اوي وبعدين الربع كيلو ده جبته غصب عنك لما عزمت ماما وبابا واخواتي على الغدا عندنا , نفسي بجد في اللحمة حرام عليك .

 

الزوج : يا وردة انا لما اتجوزتك كان اهم حاجه شدتني ليكي انك ملتزمة صح ؟ طيب متعرفيش ان ربنا سبحانه وتعالى بيقول في كتابه الكريم : إن المبذرين كانوا إخوان الشياطين . ومسمعتيش رسول الله صلى الله عليه وسلم لما اخبرنا ان الله يحب العبد الزاهد في الدنيا ؟

 

الزوجة بغيظ شديد : يا حسني بقا مش معقولة كده كل الكلام ده عشان طلبت لحمة ! يا أخي ده اللي انت بتعمله ده حرام وبعدين زهد ايه ده مش زهد ده تقشف محنا ربنا موسعها علينا الحمد لله وبعدين عايز تزهد انت في اللحمة انا نفسي فيها ليه لازم تزهدني معاك يا حسني .

 

 

الزوج بيأس : خلاص خلاص اوعدك اخر الأسبوع نجيب ربع كيلو لحمة مفرومة تعمليها لوحدها على الغدا , يالا عشان متقوليش ان انا حارمك من حاجه .

 

 

المشهد الثاني

 

الزوجة عند والدتها في زيارة لها وعندما ذهبت وجدت أخيها الصغير مريض فاضطرت للبقاء معه حتى تأخر الوقت فكلمت زوجها وكان الحديث

 

الزوجة : يا حسني معلش الوقت اتأخر عشان احمد اخويا كان تعبان واضطريت افضل جنبه اعمله كمادات ويا ريت لو تسمحلي افضل معاه وارجع بكرة عشان هو لسه تعبان

 

الزوج : لا تعالي دلوقتي وارجعي تاني بكره انا عايزك انهارده

 

الزوجة : بالله عليك يا حسني لو ينفع تسيبني مع اخويا سيبني عشان تعبان وانا خايفة عليه

 

الزوج : لا من غير كلام كتير يالا تعالي دلوقتي

 

 

الزوجة في يأس : طيب حاضر بس الوقت متأخر وانت عارف الليل ملوش امان تعالى خدني بالعربية عشان اخاف انزل لوحدي واخويا تعبان مش هيعرف يوصلني

 

الزوج يفكر : المشوار بعيد واذا ذهبت لإحضارها سأضطر لوضع بنزين في العربية كثير لأن التنك شبه فارغ والمشوار بعيد , لكن الوقت فعلاً متأخر وهناك خطورة في نزولها في هذا الوقت وحيدة

 

 

ثم ينتصر شيطان البخل فيقول الزوج لزوجته : لا ان شاء الله مش هيحصل حاجه انا تعبان ومش هقدر اجي انتي انزلي وتعالي

 

الزوجة في يأس : حاضر

 

وتنزل الزوجة وتبحث عن ميكروباص تركبه وبعد حوالي نصف ساعة تجد ميكروباص ليس به إلا السائق وشابين في الخلف يقف لها فتركب مسرعة وهي تحمد الله

 

وفي الطريق ينحرف السائق عن الطريق ويدخل إلى طريق مظلمة خالية من الناس فيصيب الزوجة الرعب الشديد وتصرخ في السائق : إلى أين أنت ذاهب

 

فتفاجأ بالشابين يحيطان بها وأحدهما يشهر مطواه في وجهها قائلاً لها : اصل عندنا حفلة انهاردة وملقيناش غيرك تيجي معانا :cool: .

[لؤلؤة الإسلام 0]

الفائدة الواحدة والعشرون

 

أخي الفاضل

 

البخل من اسوء الصفات التي يمكن أن يتصف بها شخص والرجل البخيل ينفر منه أهله قبل غيرهم

 

أما تأملت قول الله عز وجل :

 

" سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آَمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ * مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ * لِكَيْ لَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آَتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ * الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ وَمَنْ يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ * "

 

فيا أخي إياك إياك إياك وأن تكون بخيلاً أو تعامل أهلك بالبخل

واعلم أن ما تنفقه على أهلك أو تخرجه في سبيل الله ليس بمال ضائع ولكن لأهلك عليك حق فلو اديت حقهم فستجد الأجر عند الله والصدقة لا ينقص مال منها بل يزيد ان شاء الله

 

فقوي إيمانك بالله عز وجل واعلم أن الرزق بيده وأنه يرزقك من حيث لا تحتسب ولا تحمل هم المال فتبخل على نفسك وعلى أهلك

 

تأمل قول الله عز وجل :

 

"وَفِي السَّمَاء رِزْقُكُمْ وَمَا تُوعَدُونَ"

 

فرزقك مضمون وسيأتيك حتى لو هربت منه والله

فلا تبخل ابدًا على أهلك أو حتى على نفسك بحجة أن المال قد ينفذ وإياك أن تحب المال لذاته فتسعى لاكتنازه وحفظه لمجرد حبك له

بل أنفق مما أعطاك الله على نفسك وعلى أهلك وعلى ذي القربي وعلى اليتامي والمساكين ولا تخشى زوال المال مادام ملك الله موجود وخزائنه مملوئة لا تنفذ

 

أختي الفاضلة

 

اذا جاءك شخص يخطبك فاختبريه أو ليختبره أحد من اهلك في كرمه فإن كان بخيلاً فلا تقبلي به حتى ولو كان من المشهود لهم بالتقوى والإخلاص فهذا سيجعل حياتك جحيمًا وستعودي بعد ذلك لتندمي على قبولك له وغفلتك عن هذه النقطة وأهميتها .

[لؤلؤة الإسلام 0]

السلام عليكم و رحمة الله و بركاته

الإضافة السابقة أخر إضافة للموضوع من المنقول فبالله عليكن أخواتي الفضليات لا تنسوا الأخ الكاتب من دعاءكم و الدعاء بأن يصلح الله أحوالي بيوت المسلمين اللهم آمـــــــــــــين

و لا تنسوني من صالح دعاءكم و جزاكن الله عني خير الجزاء في الدنيا و الأخرة

و قد وعدتكم من قبل بإضافة مواقف أخرى بعد نفاذ النقل كله و لكن سامحوني إن لم يتيسر لي هذا الآن فيعلم الله إني فعلاً مشغولة جداً هذه الفترة و قد تستمر إلى أن يشاء الله :ohmy:

أحبكن في الله :cool: :mellow:

و السلام عليكن و رحمة الله و بركاته

[ايناس احمد كنجو 0]

ما شاء الله

اندماج كامل

لو سمحت مين الكاتب؟؟

تابعي لوتكرمت

[دمعة فجر 0]

السلام عليكم جزاك الله خيرا أختي الحبيبة لؤلؤة وجعله في ميزان حسناتك

أختك دمعة فجر[/size]

[لؤلؤة الإسلام 0]

ما شاء الله

اندماج كامل

لو سمحت مين الكاتب؟؟

تابعي لوتكرمت

 

الموضوع منقول أختي الفاضلة كما ذكرت مراراً و تكراراً و استأذنت الأخ الكاتب في نقله و أذن لي دون نشر الاسم

و جزاكِ الله خيراً على مروركِ الكريم :)

السلام عليكم جزاك الله خيرا أختي الحبيبة لؤلؤة وجعله في ميزان حسناتك

أختك دمعة فجر[/size]

 

و عليكم السلام و رحمة الله و بركاته

جزاكِ الله خيراً أختي الحبيبة على دعاءكِ و لكِ المثل اللهم آمين

و المواقف بكده انتهت كلها من النقل للأسف

جزاكِ الله خيراً على مروركِ و طبتِ و طاب ممشاكِ و تبوأتِ من الجنة منزلا اللهم آمين

سلام عليكم و رحمة الله و بركاته

تم تعديل 21 يوليو, 2006 بواسطة لؤلؤة الإسلام

[لؤلؤة الإسلام 0]

الفصل الثاني والعشرون

 

المشهد الأول

 

تقف الزوجة حائرة وحزينة لما يحدث لها من سقوط ولا تريد أن تخبر الزوج بذلك

 

الزوج : مالك يا وردة شكلك زعلان خير حد ضايقك في حاجة ؟؟

الزوجة : لا يا حسني مفيش L

الزوج : لا في طيب أنا ضايقتك في حاجة ؟؟ قولي مالك شكلك حزين ومهموم أوي خير قلقتني ؟!!؟

الزوجة : تفاجئه بالبكاء الشديد

الزوج : خيييييييييييير في اييييييييييييه ؟؟؟

الزوجة : حاسة بقع يا حسني وأنت مش حاسس بيا ومش عارفة أقولك من زمان :wub:

الزوج : خير بتقعي أزاي يعني وضحي ربنا يكرمك تعبتي اعصابي ؟؟

الزوجة : بقيت مقصرة في الطاعات أوي ومقصرة في صلاتي بالاضافة لعدم وجود خشوع بقا كمان مفيش سنن رواتب ولا أي حاجة ... وتظل تبكي بشدة

وتستدرك قائله : فين أيام لما كنا لسه في جوزنا وكنت ترجع من الشغل تسألني هاه يا حياتي أيه أخبارك النهاردة وصليتي ولا لسه العصر وسنن الطهر و ورد القرآن الخاص بيكي على ما نتغدى ونقرا مع بعض ؟؟

راح فيييييييييين يا حسني ؟!!!!!

الزوج : عندك حق يا وردة أنا قصرت معاكي أوي أنا أسف و أوعدك أتابعك بعد كده زي الأول

 

المشهد الثاني

 

يعود الزوج من عمله شارد الذهن تماماً وملامح الحزن سائدة على وجهه ويتذكر قبل زواجه كيف كان !!

 

الزوجة : خير يا حسني مالك ؟؟ أنت جعان ولا أيه ؟!!

الزوج : جعان ؟!! والله عندك حق في الوصف جعان فعلاً

الزوجة : طيب يا حياتي ثواني بس اخلص الاكل واجهزه لك على السفرة معلش لاني صايمة النهاردة بفضل الله وأتأخرت شوية في عمايله

الزوج : صايمة النهاردة !!!

الزوجة : ايه مش انت أول ما تزوجنا قلت لي لك مطلق الحرية في الصيام وقت ما تحبي صومي في ايه الغريب اللي حصل ؟؟

الزوج : آه قلت لك كده منكرش بس ليه مفكرتنيش بالصيام أنا كمان عشان كنت أصوم معاكي ؟

الزوجة : أنا أسفة يا حسني نسيت خالص .

وتستدرك قائلة : خلاص هعمل لك الأكل ثواني واحضره

الزوج : أنا مش جعان بطن !! أنا جعان روح

الزوجة : يعني ايه يا حسني مش فاهمة ؟؟ ايه جعان روح دي ؟؟

الزوج : مضايق من نفسي حاسس بقع وعايز حد يشدني وانتي ......!!!

الزوجة في خجل وحزن : الله المستعان يا حسني في ايه فضفض وقولي مالك خير ؟

ويبدأ الزوج في شرح تفاصيل سبب وقوعه في الإلتزام

تم تعديل 20 يناير, 2007 بواسطة لؤلؤة الإسلام

[لؤلؤة الإسلام 0]

الفائدة الثانية والعشرون

 

أخي الفاضل .. أختي الفاضلة

 

قال رسول الله صلى الله عليه وسلم: " كلكم راع فمسؤول عن رعيته ، فالأمير الذي على الناس راع وهو مسؤول عنهم ، والرجل راع على أهل بيته وهو مسؤول عنهم ، والمرأة راعية على بيت بعلها وولده ، وهي مسؤولة عنهم ، والعبد راع على مال سيده وهو مسؤول عنه ، ألا فكلكم راع وكلكم مسؤول عن رعيته "

 

الراوي: عبدالله بن عمر - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 2554

 

فأين أنت من هذا أخي الفاضل ؟؟

 

قال الشيخ يعقوب الزوج أول ما يدخل البيت أول شيء يسأل عنه زوجته وأولاده صليتوا الفرض اللي المفروض ده وقته ولا لأ ؟؟ ولو لسه مصلوش تقول لهم قوموا صلوا حالاً ويتأخر أي شيء مش مشكلة بعدها مش أول ما تدخل فين الأكل عايز أكل !! فانتبه لهذه النقطة رعاك الله

بهذه التصرفات يوثق العلاقة بينكم أكثر لما الزوجة تشعر أن زوجها خايف عليها من النار وعايزها تدخل الجنة

وأنتي يا أختي الفاضلة

زوجك بقا أمانة معاكِ ساعديه وشديه دائماً للإلتزام لو لاقتيه قصر في فرض ولا في سنة كان طبيعي ثاتبة عنده أنه بيعملها نبهيه بأسلوب طيب ولو غير مباشر وثبتيه !

 

أخي في الله .. أختي في الله

(( الملتزمين ))

 

كل منكما عند إختياره لشريك / ة حياته / ا هدفه الأول أن يكون الطرف الأخر ملتزم عشان تشدوا بعض وتعينوا بعض وتبثتوا بعض

سبحان الله وبعدما تتزوجوا لمَ تتهاونوا في ذلك ؟؟

 

وقفة سريعة معك يا أخي ومعكِ يا أختي (( مع النفس و حالاً تجديد النية في الزواج ))

 

أسعدكما الله في الدارين و بارك الله لكما في بيوتكم الملتزمة

فانتم أمل الأمة في عودتها لما كانت عليها من جديد

[أم عائشة المصرية 242]

وعليكم السلام ورحمة الله وبركاته،،

جارى قراءة الموضوع

وهو إلى الآن مش بس جميل...إنه رآآئع

 

جزاكِ الله خيرا

[رضاك يارب 7]

تابعي بارك الله فيكِ يا لؤلؤتنا العزيزة.

 

موضوع قيم، أسأل الله أن ينفع به، وأن يردنا إلى ربنا ردّا جميلا.

موضوع قيم جا ونحن بالفعل فى اشد الحاجه اليه

ماتبعه معكى باذن الله

دمتى فى تقدم

[«..ارْتِـــقَّـےـاءْ..» 639]

وعليكم السلام ورحمة الله وبركاته

وقفات جميلة ومهمة

بارك الله فيكِ وجزاكِ خيرا ()