هل تذكرون أريد احد يسمعنى بشدة ؟ قفوا الى جوارى فانا فى حاجة اليكن

[الأمل سلسبيل 0]

السلام عليكم يا اخواتى الغاليات وصديقاتى الحقيقيات وكنزى الذى عثرت عليه فى الوقت المناسب

 

أشكركم أشكركم أشكركم وإن تمكنت أن أقبل أياديكن جميعا والله لأفعل ذلك ولن يوفيكم هذا حقكم...... لا اعرف ماذا أقول لكم ولكن أشكر الله عز وجل الذى هدانى اليكم وهداكم إليا لتساعدونى لن تتخيلو ان كلماتكم كان لها مفعول السحر عليا (أشعر أن الله سبحانه وتعالى تقبل جميع دعواتكم لى)

 

أتصدقون أنى أشعر انى افضل بكثيييير من الإسبوع الماضى بل ومقبلة على الحياة ومتفائلة بشكل يدهشنى انا شخصيا. ورغم انى اعلم ان خطيبى السابق وابن خالتى هذا قريب جدا منى الىن إلا انى اشعر وكأنه غير موجود على وجه الكرة الآرضية أساسا .لقد صدقتم جميعكم وهذا والله ليس غرور ولكنه حقا لم يكن يستحقنى فى يوم.

 

وحتى إن وجدت دعوة فرحه على باب منزلى إدا فلن تهتز منى شعره واحدة بل إنى سأشفق على هذه الزوجة المستقبلية .

 

إنه النصيب وكما قلتم جميعا قال الله تعالى

 

(وعسى ان تكرهوا شيئا وهو خير لكم وعسى ان تحبوا شيئا وهو شر لكم)

 

(وعسى أن تكرهوا شيئا ويجعل الله فيه خيرا كثيرا)

 

أشكركم من صميم قلبى ولا تنسونى بالدعاء طوال رمضان أعزكم الله جميعا وأدعو لى ان يرزقنى الله سبحانه وتعالى بالزوج الصالح الذى أحيا معه حياة كريمه أحبه ويحبنى أساعده على بناء مستقبله وأكون له عون ويرزقنا الله سبحانه وتعالى بخير الذرية ونحيا حياة طيبة .

ولكن جميعا خالص دعواتى

 

الأمل سلسبيل

[سُميّــة 0]

السلام عليكم ورحمة الله وبركاته

 

حبيبتى " الأمل سلسبيل " ( :

 

ما شاء الله . الحمــد لله

 

الحمد لله الذى هدانا لهذا وما كنا لنهتدى لولا أن هدانا الله

 

بارك الله فيكِ وحفظكِ من كل سوء ورزقكِ الزوج الصالح

 

احبكِ فى الله ( :

[*ميمونة* 104]

ماشاء الله عليكى اختى الحبيبة العزيزة نحمد الله الذى هداكى واخرجكى مما كنتى فيه رندوا الله ان يرزقكى الزوج الصالح الذى يعينك على الطاعة حبيبتى تقربى الى الله وستزول كل الهموم عنكى عزيزتى باذن الله واذا احتجتى اى شى نحن تحت امرك يا محببببببببببببوبتى

[(سجى الليل) 65]

السلام عليكم ورحمة الله وبركاته

حبيبتى لقد تابعت قصتك ولم اكتب رد لان الأخوات ماشاء الله ردوا بنفس رايى

لكنى خلت الآن لأحييكى على رد فعلك وأخذك بنصيحة اخواتك

فرحت جداا عندما قلتى أنكى تغيرتى حبيبتى

وأحسست فعلا انه لا يليق بكى

صديقنى حتى لو رجع لكى وتوسل إليك لكى يتزوجك فلا توافقين

هكذا كان يتصرف وانتم فى فترة الخطبه

توقعى ماذا سيكون تصرفه اذا تزوجتم

احمدى الله حبيبتى على ان نجاكى الله منه

وادعوا الله ان يرزقكى بالزةج الصالح الذى يعرف قدرك ويصونك ويحميكى

تضرعى الى الله ا يعينك على حالك

واستعدى لرمضان شهر العباده

اتركى كل وساوس الشيطان وامسكى مصحفك

وحاولى ان تعيشى حياة قرب مع الله

واعلمى ان حال المؤمن كله خير

ان اصابه ضراء صبر فكان خير له

وغن أصابه سراء شكر فكان خير له

[الأمل سلسبيل 0]

السلام عليكم ورحمة الله وبركاته

حبيبتى لقد تابعت قصتك ولم اكتب رد لان الأخوات ماشاء الله ردوا بنفس رايى

لكنى خلت الآن لأحييكى على رد فعلك وأخذك بنصيحة اخواتك

فرحت جداا عندما قلتى أنكى تغيرتى حبيبتى

وأحسست فعلا انه لا يليق بكى

صديقنى حتى لو رجع لكى وتوسل إليك لكى يتزوجك فلا توافقين

هكذا كان يتصرف وانتم فى فترة الخطبه

توقعى ماذا سيكون تصرفه اذا تزوجتم

احمدى الله حبيبتى على ان نجاكى الله منه

وادعوا الله ان يرزقكى بالزةج الصالح الذى يعرف قدرك ويصونك ويحميكى

تضرعى الى الله ا يعينك على حالك

واستعدى لرمضان شهر العباده

اتركى كل وساوس الشيطان وامسكى مصحفك

وحاولى ان تعيشى حياة قرب مع الله

واعلمى ان حال المؤمن كله خير

ان اصابه ضراء صبر فكان خير له

وغن أصابه سراء شكر فكان خير له

 

شكرا كى اختى العزيزة لا تدرين كم أسعدتنى ردودكم .وارجو ان يتقبل الله دعائك لا تسينى بالدعاء

[الأمل سلسبيل 0]

السلام عليكم يا اخواتى

 

كيف حالك يا karemah لا أعرف لماذا أشعر أنكى قريبة جدا منى ،يمكن أسلوب كلامك وطريقتك فى الرد عليا هناك شيئا ما جعلنى أحبك حقا أرجو ان تظلى صديقتى وأختى إلى ماشاء الله .ربنا يبارك فيكى وفى كل الأخوات سمية13 وأحي سنة الله ،رحيل الغد ،أم منونة ،اللهم أغفر لنا ماللايعلمون ،أم حفص،حماس الشهادة ،روان الإسلام،زهرة الخزامى ،على إهتمامهن بى وأدعو الله ان يعزكم جميعا فى الدنيا والآخرة .

 

تقبلوا تحياتى وسلامى

[karimah 0]

وعليكم السلام ورحمة الله وبركاته،،

أختى وحبيبتى الأمل سلسبيل والله أنا كمان حاسه انك قريبة منى جداااااااا يمكن لانى حسيت بكلامك اااااوى يمكن لان كان فى كلام بينى وبينك أو شعور او تفكير مشترك مش عارفه لكنى حاسة فعلا انك قريبة منى واعتقد انى قريب هبقى عايزة اسمع رأيك فى حاجه تخصنى لانه يهمنى اسمع رأيك جداااااااا, ووالله فاكراكى بالدعاء دايما وادعيلى ربنا يهدينى للخير ومتسرعش فى حاجة.

بحبك فى الله

[karimah 0]

بالمناسبة يا جميل انا فرحت جدااااااااااا لما حسيت انك فعلا بداتى تقوى او بقت عندك الارادة انك تقومى وحسيتى ان ده مكنش نهاية العالم وان فى حاجات تانية كتير بفضل ربنا خير مستنياكى ربنا يسعدك ويريح بالك يا رب وأفرح فيكى :biggrin: أقصد بيكى قريب

[د مشمش 0]

انا فرحانة جدا انك اتغيرتي وازال الله عنكي هذه الغشاوة

 

بارك الله فيكي ورزقكي الزوج الصالح

 

وعلي فكرة خطيبك ده من كتر مشيه مع بنات عمره ما هيثق في واحدة وهيقع في شر اعماله

 

لا تفكري في هذا الموضوع مطلقا واستغفري الله علي ما مضي

 

تقبل الله منكي ورزقكي الصحبة الصالحة

[الأمل سلسبيل 0]

أشكركم جميعا يا عزيزاتى وأرجو منكن جميعا ان تدعوا معى لاختنا الغالية (سمية يحى) اللهم فرج عنك كربك وهمك وبدل حزنك فرحا وسعادة اللهم آمين

[karimah 0]

السلام عليكم ورحمة الله وبركاته،،

ايه أخبارك يا جميل طمنينى عليكى :wub:

[الأمل سلسبيل 0]

السلام عليكم ورحمة الله وبركاته،،

ايه أخبارك يا جميل طمنينى عليكى :cry:

 

وعليكم السلام

 

انا الحمد لله فى أحسن حال بفضل ربنا سبحانه وتعالى وبفضلك وبفضل روان الإسلام وجميع الأخوات اللواتى ساعدونى جميعا .

 

ممكن أسألك سؤال؟ وتوعدينى إنك تجوبينى بصراحة؟

[karimah 0]

السلام عليكم ورحمة الله وبركاته،،

الحمد لله يا حبيبتى انك بخير وربنا يثبتك اكثر واكثر، وعن السؤال انتى بتستأذنى عشان تسألينى ;-) إنتى بس تؤمرى واوعدك إنى هجوبك بمنتهى الصراحة إن شاء الله.

بحبك فى الله

[الأمل سلسبيل 0]

السلام عليكم ورحمة الله وبركاته،،

الحمد لله يا حبيبتى انك بخير وربنا يثبتك اكثر واكثر، وعن السؤال انتى بتستأذنى عشان تسألينى ;-) إنتى بس تؤمرى واوعدك إنى هجوبك بمنتهى الصراحة إن شاء الله.

بحبك فى الله

 

 

السلام عليكم ورحمة الله

 

انا عاجزة عن شكرك يا karimah ولكنى حقا من طريقة كلامك وتعبيراتك أشعر وأنى أعرفك و أنتى تعرفينى.

ولذلك فإن سؤالى الذى أرغب أن أسألك إياه.

 

هل أنتى تعرفينى او أنا أعرفك؟ أرجوكى تجاوبى على سؤالى بمنتهى الصراحة.

[karimah 0]

وعليكم السلام ورحمة الله وبركاته،،

وأنا كمان بشكرك وصدقينى انا فعلا بحبك فى الله

أما عن سؤالك فإن كنتى تقصدى إنى اعرفك شخصيا فالإجابة لا، ولو كنتى حاسيتى إن كلامى قريب منك فده لإنى فعلا حاسه بيكى جداااااااااا لأنى وزى ما قولتلك مريت بموقف مشابه أو بمعنى اوضح بشعور قريب من اللى انتى حاسه بيه ويمكن لاننا كنا حتى قريبين فى بعض الامور حتى السن والوقت اللى استمر الموضوع فيه، لكن أنا فعلا والله مش أعرفك شخصيا رغم إنى اتمنى ده

وعشان كده عايزه اخذ رأيك وطبعا رأى الاخوات فى موضوع كده و باختصار إنى لسه جوايه الشعور اللى جواكى بالظبط وحاولت بكل الطرق انى انسى والحمد لله وان كنت مش نسيت فجوايا رضا بقضاء الله وحاسه بالخير اللى ربنا مقدرهولى سبحانه وتعالى بعلمه لكنى بفكر جديا انى اوافق على شخص باختصار تصرفاته كانت عكس الشخص اللى كنت بتمناه يعنى متمسك بيه لاقصى درجة حاول لاكتر من سنتين يتقدملى وبالطبع كنت برفض أى شخص مهما كان هو شخص اعتقد انه ملتزم انا معرفهوش لكنه استعداده كويس وقالى انه مش هيرتبط الا لما يتأكد انى ارتبط ومستنينى اعتقد لحد دلوقتى لكن انا خايفه اوافق بصى انا عارفه ن كلامى ملغبط جدااااااا بس ممكن ابقى احكيلك اوضح او ممكن من ردك اوضح اكتر ولو حبيتى تعرفى تفاصيل عن الموضوع بتاعى اللى فات فانا عرضته قبل كده والاخوات جزاهن الله خيرا ساعدونى بالاجابه

https://akhawat.islamway.net/forum/index.php?showtopic=89063

وكل اللى اقدر اقولهولك انه ارتبـــــــــط " اللهم ارزقنا من ازواجنا وذرياتنا قرة اعين واجعلنا للمتقين اماما"

بصى انا بقول الكلام ده رغم انى بحس بعده بخوف وقلق لانى بقول حاجات خاصة مش عارفه المهم مستنية رايك وراى اخواتى

[الأمل سلسبيل 0]

السلام عليكم ورحمة الله

 

عزيزتى karimah والله إنك أبكيتنى حقا لا اكاد أصدق أنكى لا تعرفينى .لقد قرأت قصتك ورغم انها كتبت منذ 3 أشهر إلا انى والله لا اعلم ماذا حل بى الآن. إنها نفس المدة التى افترقت فيها عن خطيبى السابق منذ سنة ونصف عندما كنا فى شهر مايو وقت كتابتك لقصتك واما الآن فهى سنة وثمانى أشهر .كما انكى ذكرتى اقتراب موعد عودته للبلاد أى انه أيضا كان مسافر لخارج البلاد وهذه هى الفترة التى من المتوقع عودته فيها!!!!!!!! وهذا هو نفس الحال بالنسبة لى فهو الىن قد عاد منذ فترة .!!! وكان لدى نفس الهاجس من ان يرتبط بغيرى اثناء الإجازة ونفس الحال فى انى ارفض واصد كل من يحاول التقدم لى أملا فى رجوعه.!!!!!! كما انك تستخدمين نفس طريقة التعبيرات والكلمات التى كنا نستخدمها سويا (مش اعرف ،مش قدرت) وإنه لشئ مربك ومحير لأقصى درجة!!!!!! ماهذا ؟ لا أكاد اصدق نفسى بل إن الظنون بدلأت تهاجمنى بشدة.

 

ترى ؟ما هذا الذى يحدث؟

 

أما عن حكايتك فإن ماتعانيه كنت أعانى انا الأخرى منه.ولكنى فقت لنفسى وإسترجعت ذاتى وكرامتى ومسحت تاريخى بالكامل وبلا رجعه.بل غنى أصبحت نادمة على كل دقيقة مرت من عمرى معه. وعلى راى من قال" اللى باعنى فيوم هبيعه وببلاش"

إنه حقا أصبح لا يساوى فى نظرى أى شئ بإختصار "هو ولا حاجة ومستحيل إنه يكون تانى سبب حزن او دمعه فى حياتى" بإختصار انا عملتله"delete" بكل الحلو والوحش .ولو رجعلى يترجانى عمرى ماهرجعله تانى مشوارى معاه إنتهى.

أما انتى فأنا انصحك بالتروى وعدم الإندفاع نحو اى موافقة إنتقامية على اى شخص متقدم لكى .بمعنى آخر لا توافقى على أحد عشان تنسى أو عشان تعرفى الشخص اللى انتى بتتكلمى عليه إنه مبقاش فارق معاكى وإن زى ما هو خطب وإرتبط إنتى كمان هتتخطبى وتعيش حياتك .لابد اولا من ان تتأكدى إنه إنتهى من حياتك قاومى نفسك وحطى نفسك اماما أمر واقع لو كان شريكى كان رجعلك متخليهوش هو يعيش حياته وأنتى تدمرى فى نفسك أما ليه انا بنصحك مترتبطيش دلوقتىفده عشان متظلميش إنسان تانى معاكى لو إرتبطى دلوقتى وانتى لسه منهتيش اللى فقلبك ناحية التانى هتعيشى طول عمرك مع الشخص اللى هتتجوزيه وإنتى عندك شعور إنك لو كنتى اتجوزتى حبيبك كان زمان حياتك أحسن او دايما تفتكرى زمانه عايش أزاى زمانه مبسوط وانا مضايقة وهواجس زى كده كتير وفى الوقت ده تبقى ظلمتى نفسك وظلمتى الشخص اللى هتتجوزيه مع انه ممكن يكون أحسن بكتيير من حبيبك المزعوم.

 

عشان كده بنصحك إنك تستنى شوية لحد ما تحسى وتحاولى فعلا من جوه قلبك إنك تسيه خلاص امر وإنتهى دورى على حياتك محدش بيموت من الحب وذكرياتك أو إحساسك إمسحيه دوسى على قلبك لحد ما تحسى غنك نسيتى وقتها إفتحى بقى قلبك وخليه مستعد ورحب كده وإشرحى صدرك ساعتها هتشوفى بعين مختلفة خالص وهتحسى غن الحياة موقفتش وهتلاقى قدامك الإنسان المناسب وساعتها توافقى عليه من قلبك وتديله قلبك وتعيشى سعيدة وفرحانة تسعدى زوجك ويسعدك وتعيشى حياة هنية وقتها لما تفتكرى اللى انتى كنتى عملاه فى نفسك وزعلك وهمك اللى عيشتى نفسك فيه سنين هتحسى قد إييه (كنتى غبية) هتتضحكى على نفسك وهتقولى ايه الهبل اللى انا كنت فيه.ساعتها هتلاقى نفسك بتبصى لزوجك وولادك وحالك وتقولى كلمة واحدة بس( الحمد لله) وساعتها متنسيش انك تعبرى لزوجك عن حبك ليه وساعتها هتحسى بالرضا والسعادة بس ابقى افتكرينى لما ييجى اليوم ده.

 

صدقينى انا كده لوقتى انا مش بفكر غير فى مستقبلى وشيلته من دماغى خالص لانه فعلا ميستهلنيش ولا عمره استاهلنى اللى ميقدرش احساسك وانتى بتحبى كل الحب ده ووفائك والمك لا وكمان يظلمك ويحرجك ويهينك ويحاول يشوه صورتك امام الناس ويحاول يخليكى متحسيش بقيمة نفسك قدام نفسك ميستهلكيش نهااااائى .وزى ما قلتلك لو عمل فرحه قدامى مش هزعل نهائى بل بلاعكس هتصعب عليا عروسته.

متنسيش بقى "delete" ومتنسيش كمان تعملى "empty" لل"Recycle Bin" عشان تبقى نهيتيه خالص وميرجعش مرة اخرى وياريت لو تقدرى نزلى "windows" جديد أو شغلى نظام تشغيل تانى خالصlinux,apple.

 

لا بجد صدقينى ربنا عطينا قوة وقدرة عجيبة جوانا بس احنا اللى انهزاميين حالوى بجد هتقدرى .

طمنينى عليكى

[الأمل سلسبيل 0]

آه بجد معلش نسيت عايزة أقولك حاجة الولاد مش بيفكروا زينا وممكن الإنسانة اللى هيتجوزها الشخص اللى بتقولى عليه تبقى اوحش منكتيير شكلا وموضوعا ولا يمكن حتى مقارنتها بيكى ولكن الولاد مش عاطفيين(ومرة اللى كان خطيبى قالى إنه اعادى ممكن يقدر يتجوز اى واحدة هيعيش معاها اهى واحدة فى البيت وخلاص،أما حياتهم الخاصةفهيتعامل معاها من غير ملامحها وهيتخيلها براحتو بقى اللى هو عايزها يعنى مبيفرقش معاهم لحد كبير مين هى الإنسانة اللى هيكمل معاها حياته"لانهم كلهم بإختصار بيعيشوا بره البيت لكن بيناموا وياخدوا حمامهم وأحيانا بياكلو فى البيت اما معظم حياتهم فهى بره البيت .وإنتى عارفه بقى بره ده ممكن يكون إيه.

 

أما إحنا فبندور على إنسان واحد منشوفش غيره فى الدنيا واحد يبقى هو أميرك وحياتك كلها تديله عمرك ومستقبلك ونفسك وتفكيرك تحاولى تنجحيه وتخليه احسن حد فى الدنيا وتفكرى ازاى تسعديه وتربى اولادك إزاى وحياتك كلها بتكرسيها عشانه عشانه هو وبس .وقليلين اوى الولاد اللى بيقدروا ده ذى ما فى بنات بتدور على حجات معينة فى اللى هترتبط بيه(زى الفلوس او المركز أو الجمال ) لكن اصعب حد هو البنت او الولد اللى بيدوروا على شريك حياة بالمعنى الحقيقى لشريك الحياة حد تكونى انتى نصه وهو كلك (كل حاجة فيكى تبقى بيه وليه) صدقينى ممكن نقدر نعمل كده بس حاولى .

 

"وعسى أن تكرهوا شيئا وهو خير لكم وعسى أن تحبوا شيئا وهو شر لكم " "والله يعلم وأنتم لا تعلمون"

 

بكره جاى وأكيد هتعيشى فيه وانا كمان هعيش فيه أحلى من اللى راح ربنا كبيير كبير اوى ورحيم وقادر

[karimah 0]

وعليكم السلام ورحمة الله وبركاته،،

ربنا يكرمك يارب يا حبيبتى على اهتمامك بيه وبصى انا هوضحلك شوية حاجات يمكن تبين جوانب من موضوعى اكتر

أولا هو ارتبط من اكتر من شهرين وارتباطى او عدمه عمره ما هيأثر معاه لانه مش هيعرف اى شيء عنى وه لان مفيش اى معلومات ممكن توصله عنى لان الموضوع انتهى بخيره وبشره وانا فعلا ببص للموضوع دلوقتى بنظره تانيه خالص.

ثانيا : احب اوضح وللأمانه انه انسان محترم وملتزم لاقصى درجة وان السبب مكنش فيه ولا فيه ده كان لاختلاف بين الاهل وهو شاف ان العقل بيقول ان المشاكل كده عمرها ما هتنتهى واصبح ارتباطنا شىء مستحيل وصدقينى انا بدعيله والمسلمين كلهم بان يرزقهم المولى عز وجل بالازواج والزوجات الصالحات والامر اولا واخيرا نصيب فلن ياخذ احد رزق احد وصدقينى انا مش عايزة ارتبط عشان يوصله ده خالص لانه مش هيوصله حاجه عنى باى حال من الاحوال الحمد لله وكمان انا مش عايزه اعرف اى حاجه عنه

ثالثا عن الموضوع الاساسى الشخص المتقدم لى انا اللى مخوفنى بس هو مسألة القبول عندى اللى كان ليها معنى واللى بحسه لما بشوف حد مش بلقيها ، انا فعلا خايفه اتسرع وخايفه كمان استنى اكتر من كده عايزة استعين عل نفسى بنفس اخرى تعينى على طاعة ربنا ونفسى يكون الشخص ده متمسك بيه وعايز يسعدنى انا كل اللى فكرت فيه انى اوافق انى يجى تانى واشوفه واحكم عليه بعقلى لكن المشكلة الاساسية خايفة انى لما اشوفه مرتحش وارجع ارفض تانى واجرح انسان محترم ملهوش ذنب وهو ده اللى محيرنى؟؟؟

[الأمل سلسبيل 0]

السلام عليكم ورحمة الله

 

قرأت ما كتبتيه يا karimah

وهو ده اللى انا خايفة منه خايفة انك تجرحى شخص ملوش ذنب فحاجة سواء بإنك تجبيه تانى وترفضيه او إنك توافقى عليه فقط ليكون مسكن لكى وانتى لسه احساسك مع حد تانى.عشان كده بنصحك تصلى إستخارة وإقعدى مع نفسك كده وفكرى انك لو وافقتى يبقى تدى الشخص ده كل قلبك وتحاولى بجد من جواكى انك تحبيه وتعيشى معاه حياة جديدة تماما وتكونى قادرة انك بجد تنسى وتشيلى من دماغك وقلبك الشخص التانى .وقاومى احساسك التانى خالص صدقينى هتقدرى.

 

أما الشخص اللى انتى بتحبيه ده واللى اتقدملك وحصلت مشاكل بين الاهل فهو لو كان متمسك بيكى فرأيى انا كان حاول يستحمل كل شئ لحد ما تتجوزوا وبعد كده الزمن يحل المشاكل بين العيلتين ولكنه فضل الإنسحاب وده طبعا ملهوش غير معنى واحد من وجهة نظرى وان هو مكنش بيحبك بجد لكن يمكن كان شايفك عروسة هايلة.فرصة وراحت (انا آسفة اوى لو كلامى جرحك ) سامحينى.

وربنا معاكى وطمنينى وعرفينى عملتى ايه.

[karimah 0]

وعليكم السلام ورحمة الله وبركاته،،

جزاكى الله خيرا اما ما قررته هو انا اغلق على كل شىء واترك الامر كله لله فلن يكون الا خيرا وبالتأكيد فلن اتزوج ان قدر لى الارتباط يوما الا زوجى هفكر الان فى شهر رمضان وبس

 

 

 

والله المستـــــــــــــــــــــــــــــــــــــــــــعان

[karimah 0]

ومتنسنيش من الدعـــــــــــــــــــــــــــاء

[الأمل سلسبيل 0]

السلام عليكم

 

أحسن حاجة تفكرى فيها .انا فعلا كنت عايزة أقول كده!!!!

 

انا مش هنساكى وانتى كمان متنسيش تدعيلى ان ربنا يثبتنى على قرارى ويقسملى اللى فيه الخير.

[karimah 0]

السلام عليكم ورحمة الله وبركاته،،

اكيد مش هنساكى من الدعاء ان شاء الله يا حبيبتى وأسأل الله لكى ولنا الثبا الثبات الثبات........

، وايه رايك نتفق على حاجات نعملها فى رمضان مع بعض؟؟؟؟؟؟؟؟؟

[الأمل سلسبيل 0]

مش بقولك هتجنينينى !!!؟؟ دى نفس الجملة اللى كنا بنقولها لبعض قبل رمضان ايه رأيك لو نتفق على حجات نعملها مع بعض فى رمضان؟

 

بجد مش قادرة اتخيل انك حد معرفهوش .بس .......

 

المهم طبعا ياريت اشاركك حجات ونعملها زى بعض فرمضان.

[karimah 0]

ممكن أسألك سؤال وتجوبينى انتى المرة دى بصراحة وتوعدينى؟ هو احساس انى اعرفك ومش قولتلك لسه جواكى؟ ومش صدقتينى؟ ولا حاسه ان بس تفكيرنا متقارب بدرجة غريبة؟

 

المهم بقى يا ستى بصى باذن الله برتب مع نفسى جدول فى رمضان كده هقولهولك بس كان فى حاجة اقترحتها كده على الاخوات يعنى جمعية حلوة جداااااااااااا وصغيرة وارباحها متتوصفش هتلقيها هنا

https://akhawat.islamway.net/forum/index.php?showtopic=136781

ولو حوليكى بنات فى شغلك اعمليها معاهم بسرعه حتى ولو من قبض الشهر ده حتى ولو شنطة خير واحده هتحسى والله ان ليكى لازمه فى الدنيا وان فى حاجات تانية كتير ممكن تفرحك مستنية رايك وقوليلى اخر الاخبار وكمان مستنية اقتراحاتك

 

بحبك فى الله