المنقبات المتزوجات لا المنقبات الغير متزوجه اه

[نوره البنوره 0]

انا قولت كده ليه لان اغلب المنقبات ال تزوجوا لبسوا النقاب بعد الخطوبه او الجواز

 

عشان كده عاوزة اسال الغير منقبات ايه العزيمه ال خيتوا تلبسوه وانتوا لسه بنات مش ارتبطوا وتفكيركوا كان ازاى

 

لان ال لبسوه وهمه مرتبطين او بعد لما اجوزوا بيبقوا خلاص انهم ارتبطوا فخلاص لبسواو كده واطمنوا خلاص وقالوا خلاص معدناش محتاجين وشنا يكشف مش كله فى يفكر كده وفيه يفكر تفكير تانى

 

البنات بقى ال غير مرتبطات اصلا قصتهم ايه ولبسوه ازاى

بسال كده لانى بنت ونفسى البسه ومترددة واعد اقول برده لما ابقى ارتبط لما ابقى اجوز مع انى فى نفس الوقت مش عاوزه كده ياريت رددوكم بس اهم حاجه البنت تكون غير مرتبطه عاديه ومتكونش حبت ولا اى حاجه خالص احسن برده ساعات وعارفه ناس كده تكون لبست النقاب بعد ما حبت وده يخلى ال بيحبها يتمسك بيها اكتر فبتبقى عارفة انه خلاص هيرتبط بيهوكمان ياريت تكون عاديه هههههههههههههه مش جميله الجميله بيقولوا عليها جميله وبتبقى واثثقه فى نفسها وعارفه انها بجمالها ههترتبط عاوزه اجاباتتتتتتتتت لاسئله كتيررررررررررررر عندى ال فهم الموضوع يجاوب وشكرا جزيلا لكم

[غداً ألقى الأحبة 19]

جزززززززززززززززززاك ربي خير ..

اللهم ثبت قلوبنا على طاعتك ..

[محبه لسنه النبى 4]

حبيبتى نوره

ربنا يبارك فيكى يارب ويمن عليكى بالنقاب والزوج الصالح عاجلا غير اجلا ان شاء الله

غاليتى الحمد لله انا مرتديه النقاب وهذه نعمه كبيره لم نوفها شكرها لك الحمد يا ربى كما ينبغى لجلال وجهك وعظيم سلطانك

انا لسه مش مرتبطه ربنا يرزقنى واياكى وجميع بنات المسلمين عاجلا ان شاء الله بالازواج الصالحين اميييييين

 

حبيبتى مساله الزواج دى رزق ومن كان رزقه على الله فلا يحزن

وربك اقسم وهو سبحانه غنى عن القسم (وفى السماء رزقكم وما توعدون فورب السماء والارض انه لحق مثل ما انكم تنطقون)(ومن يتق الله يجعل له مخرجا ويرزقه من حيث لا يحتسب )

والجزاء من جنس العمل

سبحان الله اسال ربى ان يمن عليكى بزوج صالح وبتاج العفاف عاجلا غير اجلا باذن الله

[**المعتزة بدينها** 3]

جزيتي خيرا

 

انا ايضا لا ارتديه و ذلك ليس ترددا مني بل اني احلم به في كل لحظة و كلما ارى اخت تلبسه بتمنى لو كنت مكانها

 

بس ظروفي لا تسمح لان والداي لا يقبلان به و مع ذلك انا مصممة على ارتدائة ان شاء الله

 

ادعولي

[المغربية 1 3]

السلام عليكن حبيباتي.أنا ولله الحمد كنت أتمنى لبس النقاب في كل وقت رغم أن عائلتي لم تكن تقبل لاني غير متزوجة.ولان دلك سيؤخر زواجي .وهذا خطأ كبير.ولكن ولله الحمد حبي للنقاب والسترة.من الله عز وجل عليا بزوج صالح.ملتزم وأول يوم زواجي لبست النقاب.وكان هذا اسعد شيء عندي فلبسي للنقاب كان منى نفسي.ولله الحمد والشكر.وأدعوا الله العلي القدير أن تصل كل أخت الى ما تتمناه وذلك في ما يرضي الله والسلام عليكن.حبيباتي

[نوره البنوره 0]

جزاكن الله خيرا على ردودكم

 

بس المشكله فعلا انى نفسى البسه وعشان كده نفسى فى زوج صالح يشجعنى ويخلينى البسه حد يجبلى عريس كده الوقتى مش يهمه الشكل اوى ويبقى عاوزه تلبس النقاب

هههههههههههه اعمل ايه الوقتى مش لاقيه ولان نفسى البسه اوى بس مش مشجعه وكذا حاجه بفكر فيها قصرى واعد اقول هيبقى شكله وحش عليه

 

اقول لو اجوزت واحد متدين ونفسى طبعا مش هيحبنى زى الانسان العادى ويكلم كلام حلو هيبقى جاف تفكيرى غريب اوى صح بس بنت وبفكر فى كده

 

بعد اقول هفرح ازاى لما اجوز زى بقيه البنات وفرح وازوق كل ده مش هيحصل لما اتنقبو وفى نفس الوقت نفسى البسه برده حد يقول حل بقى ها ماليش دعوة

[marble 2]

السلام عليكم ورحمة الله وبركاته

 

:biggrin: حلو اوي عنوان الموضوع :biggrin:

العنوان يخلي اللي يقراه يفتكر إنهم بيوزعوا عرسان جواه :mrgreen:

رزقنا الله وإياكِ الأزواج الصالحة التقية....اللهم آمين :smile: .

أنا بفضل الله من العينة اللي بتدوري عليها :cool: ...بفضل الله منتقبة من عدة سنوات وانتقبت في سنة تانية جامعة..ومش مرتبطة بل واتخطبت من قبل وفسخنا.. عشان تطمأني بس المنتقبات برضو بيجي لهم رزقهم والله :rolleyes: بس احنا اللي معندناش يقين في رزق ربنا سبحانه وتعالى.

 

بالنسبة لسؤالكِ

عشان كده عاوزة اسال الغير منقبات ايه العزيمه ال خيتوا تلبسوه وانتوا لسه بنات مش ارتبطوا وتفكيركوا كان ازاى

فأنا كان لي موضوع متواضع :blush: اسمه

اختى....ايه رأيك تكونى منتقبة؟

كنت اتكلمت فيه عن النقطة دي...أنقلها لكِ للفائدة..

 

بسم الله الرحمن الرحيم

(3)

السلام عليكم ورحمة الله وبركاته

 

نستكمل معا

حاجة دايما بتخاف منها البنات :rolleyes: قبل ما تلبس النقاب ألا وهى ......

 

وكلكم طبعا عارفينها :wink: ........(الزواج)

 

طب هسألكم سؤال إنتم مش مؤمنين بالله سبحانه وتعالى ومؤمنين إنه مُقسِّم الأرزاق وعلام الغيوب؟؟

الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء...يعنى ماتخافيش هيجيلك هيجيلك :biggrin: ده مكتوب ومقدر لكِ يتقدم لكِ في اليوم الفلانى في السنة الفلانية....

 

وعايزة أطمنك إنه بفضل الله رزق المنتقبات اللى شفتهم حولى (ولا أحسدهم) ماشاء الله بيبقي أوسع أوسع بكتيـــــر

مابيجيلهمش الا الملتزمين غالبا

واحد قاصد بزواجه منها رضا الله سبحانه وتعالى وإنها تعينه على طاعته....يعنى واحد عارف ربنا

واحد عايز بدايته تبقي كده تفتكرى ده أحسن ولالا؟

 

(وكل واحدة على اد نيتها في الزواج وفي ارتداء النقاب قاصدة به وجه الله تعالى والتقرب منه بتنفيذ أحكامه ولا عشان يجيلها واحد كويس :wacko: )

 

والنبي صلى الله عليه وسلم بيقول:

"إنما الأعمال بالنيات وإنما لكل امرئ ما نوى فمن كانت هجرته إلى الله ورسوله فهجرته إلى الله ورسوله ومن كانت هجرته إلى دنيا يصيبها أو امرأة ينكحها فهجرته إلى ما هاجر إليه "

الراوي: - - خلاصة الدرجة: صحيح - المحدث: ابن تيمية - المصدر: مجموع الفتاوى - الصفحة أو الرقم: 20/223

 

يعنى لو كانت نيتها إنها تلبس النقاب عشان يجى لها واحد كويس فقط دى نية فاسدة ومردودة عليها ولبئس النية :angry: !!

 

لازم تخلص في أى عمل تعمله أنه يكون فقط>>>لله !!

 

حاجة تانية ناس بتفتكر إن النقاب عائق عن الزواج طب هرد عليها بسؤال

تضمنى منين إنه حتى يجى لكِ رزق الزواج وإنتى غير منتقبة؟

ممكن تفضلي غير منتقبة وبرضه يمر عليكِ قطار الزواج :sad: !

 

بلاش كده أنتِ وانتِ غير منتقبة واحد اهو شافك وشاف اد ايه انتى جميلة و و..واتقدم لك تضمنى منين انه لازم يجي كويس او ملتزم؟

الله أعلم....ربنا هو عالم الغيب

 

الخلاصة يعنى النقاب(قطعة القماش السوداء هذه) مش هى اللى بتفرق ولا هى اللى هتمنع الرزق..!

لكن العبرة بالتقوى

" ....وَمَنْ يَتَّقِ اللَّهَ يَجْعَلْ لَهُ مَخْرَجًا (2)وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) "من سورة الطلاق

 

وعلى فكرة دى تعتبر فايدة جميلة أحب أضيفها لفوائد التستر الكامل...إنه بيغرس فيكى وازع التوكل على الله واليقين بالله والثقة في الله

سايبة نفسك ومستسلمة لربنا سبحانه وتعالى ومتوكلة عليه :smile: وربنا عز وجل هو الكريــــــم الرزاق

 

وكمان لما ترددى بينك وبين نفسك بتسترك وعفتكِ

"من ترك شيئا لله ، عوضه الله خيرا منه "

الراوي: - - خلاصة الدرجة: إسناده صحيح - المحدث: الألباني - المصدر: حجاب المرأة - الصفحة أو الرقم: 49

 

وتقتنعى وتثقي وتجزمى بيقين وتقولى ربنا هيعوضنى!

أنا بعمل كده وواثقة إن ربنا هيدينى أكتر وأحسن مما كنت أتمنى وزيااادة!!

 

وحتى لو ربنا لم يقدر لكِ الزواج....اعلمي إن وراء هذا الحرمان حكمة عظيمة وفضل كبير منتظرك في الآخرة إن شاء الله لكن عليكِ بالصبر والرضا

وقد يأتيكِ الفضل عاجلا في الدنيا...إنكِ ترزقي لذة الأنس بالله ولذة المناجاة والإستغناء بالله عمن سواه...نعمة كثير منا محرومون منها!

وممكن الخير اللى احنا شايفينه بنظرتنا الضيقة يكون وبال علينا بعد ذلك!

فلنتق الله ونجمل في الطلب

 

وانتظرونى المرة القادمة ان شاء الله

السلام عليكم ورحمة الله وبركاته

 

وبالنسبة لـ

بس المشكله فعلا انى نفسى البسه وعشان كده نفسى فى زوج صالح يشجعنى ويخلينى البسه

العكس هو اللي صحيح!...كده كده المفروض أننا بنلبسه إرضاءا لربنا سبحانه وتعالى سواء جاء الملتزم اللي يشجعنا أو ما جاش احنا ماشيين في طريقنا...لأن دي نيتنا من الأول....وموضوع النقاب بالذات لما يكون نابع من رغبتكِ الذاتية صدقا بيكون له طعم تاااني :smile: هتحسي به إن شاء الله لما تلبسيه.

وبرضه في سبب تاني وأسأل الله أن يعافيكِ من ذلك...ماهو ممكن يجي لكِ واحد شكله محترم وابن ناس ويعجبك لكن سيادته بقى مش عايز نقاب :angry: ... فليه تحطي نفسكِ في وضع كده؟

لا...الصح إنِ تكوني من الأول رافعة رايتكِ وشعاركِ >>> إنك عايزة إنسان فعلا يعينك على طاعة الله...هو جاي لك ومتقدم لكِ عشان أنتِ على طاعة ...واللي بيشتري الدين "بصدق" وخدي بالك من "بصدق" دي لأن المزاعم كترت...مش بيفرط في الملتزمة بسهولة.

وربنا يهدي شباب المسلمين !

 

عاوزه اجاباتتتتتتتتت لاسئله كتيررررررررررررر

لو في أي سؤال تاني أنا في الخدمة :smile:

وياااااارب تفرحينا بخبر نقابكِ يااااارب

 

:wub:

[ريدا 0]

السلام عليكم

 

بصي يا أختي لازم تعرفي إنه زي ما أختنا محبة لسنة النبي

 

الزواج ده رزق وهيجي لك زي ما ربنا سبحانه وتعالي كتبه لك

 

ومش تتردي أبدا في الخطوة دي عشان صدقيني لما تلبسيه إن شاء الله هتحسي

 

حياتك اتغيرت بقي لها طعم ولون مختلفين

 

كفاية إنك هتبقي عملت طاعة لله عز وجل

[يالله الجنة 0]

وعليكم السلام ورحمة الله وبركاته،،

 

 

الله يعطيك العافية ميربل كلامك واضح

[(المشتاقة الى الله) 0]

اولا النقبات بيتجوزا والله وبسرعة يمكن اكتر من غيرهم

بس اجعلى نيتك لله والبسيه والله فى غيرك بيتمنوا يلبسوه ومش قادرين

ومين اللى قالك ان لما هتتجوزى زوجك هيعاملك بطريقة جافة لا الملتزم بيبقى عارف الرسول كان بيتعامل ازاى فبيقتدى بيه والرسوا كان حنين على زوجاته اوى

وبيحبهم وبيعاملهم احسن معاملة وفى كتير عاشوا قصص حب قبل الزاج واتجوزوا وحياتهم مملة وجحيم

 

اما الفرح بقى عاوزة اقولك ان المنقبات بقى بيبقى احلى فرح اقولك ليه

اولا بتبقى النساء فى قاعة والرجال فى قاعة ملحقة بيهم وبتلبس فستاف فرح على راحتها وبتعمل شعرها وبتلبس فوقهم حاجة كده اسمها كاب ابيض بيغطى وشها وجسمها من فوق وبتبقى فى العربية وبتوصل للقاعة وبتقلع الكاب ده وبتفضل بشعرها والفستان مع النساء وبتبقى فى فرقة نساء بالدفوف

وترقص وكل حاجة تمام بتبقى احلى اولا بتفرحى ومش بتغضبى ربنا ونفس الشئ لوشبكة و كتب كتاب فى الجامع هتعملى نفس الموضوع ويطلع يلبسك الشبكة ولو فى البيت براحتك بقى

ولو خطوبة هتلبسى براحتك بس مامته تلبسك الشبكة فى بيتك

والله انا شفت عرايس منتقبات وعجبونى اوى

 

بجد صدقينى اللى مع ربنا هو اللى بيكسب

 

ادعيلى بقى انتى وكل النساء ان البس النقاب

بحبك فى الله

تم تعديل 23 نوفمبر, 2008 بواسطة التائهة الحائرة

[نوره البنوره 0]

كلامكوا جميل اوى والله بس يظهر ان من نفسيتى التعبانه حاليا مش قادرة اقرر وخصوصا انى من الانواع المتردده خايفه البسه واقلعه تانى زى ما بشوف نماذج تانيه كده

وبعد اقول كمان انا قصيرةةةةةةةةةة هيبقى شكله وحش عليه لان بيعجبنى اوى المنقبات الطوال وشكلهم فيه بصوا انا عارفه ردكوا انا بوقلكوا ال بيوقفنى عن الموضوع الحاجات ال كل اما انوى البسه الاقيها جتلى واعد افكر فيها وبتعب بجد

 

الزواج عارفه انه قسمه ونصيب واان كنت بسال لان بحب اسال لان الكلام بيشجعنى اكترررررررررر

 

ولان كمان من النماذج ال بشوفها ان الوقتى الزواج اكتر للجمال فقطططططططططططط لا غير حتى لو منقبات بشوف كده وانا معرفش بشوف نفسى عاديه مش جميله واعد اقول يعنى مين ال هيبصلى انا مش ملفته للنظر ولا حاجه ده حتى انا قصيرة هههههههههههههههه مين ال هيبصلى اصلا ولا مين ال هيجى يرتبط بيه اصلا ومش بحس انى بنت اصلا كل ده بيجى فى بالى ردوا بقى واعتبرونى مجنونة وخلاص هههههههه لان كمان بمر بايام صعبه نفسيا من بعد التخرج

[ساره أم حمزه 1041]

السلام عليكم ورحمة الله وبركاته

حياكِ الله اختى نوره البنوره

بارك الله فيكِ

هو انتى لما تنوى تلبسيه اتلاقى الشيطان يقعد يوسوس ويقولك حجات علشان ترجعى فى كلامك فإستعيذى بالله من الشيطان الرجيم

وتوكلى على الله واستعينى بالله " عز وجل "

الزواج ده رزق من الله وهو مكتوب انتى هتتزوجى مين والرجال الملتزمين بيبحثوا عن المنتقبه الملتزمه وفى كمان بيختار اللى هى ذات خلق ودين ومش مهم الجمال بتقولى مين اللى هيبصلى وانك قصيره الحمد لله ربنا سبحانه وتعالى خلقك هكذا والحمد لله وانتى لو مكتوب ان ده يتزوجك ربنا سبحانه وتعالى هييسرلكم الامور وتتزوجوا وتبقى فى نظره اجمل واحده

وانا اعرف ان فى كثير لما انتقبوا تقدم لهم عرسان كثير والحمد لله لانهم بيبحثوا عن المنتقبه الملتزمه كده

وانتى بتفكرى ان الملتزم هيبقى جد معاكِ بالعكس ده هو إن شاء الله يبقى عارف الرسول " صلى الله عليه وسلم " كان بيعامل زوجاته ازاى ويقتدى بيه وفى شيوخ كمان عاملين دروس عن معاملة الزوجه لزوجها والعكس برضه الحمد لله

انتى خايفه لـ تلبسيه تخلعيه تانى ؟ فى برضه فكروا بكده بس انتى توكلى على الله وإلبسيه وادعى دائماً يارب ثبتنى وربنا هيثبتكِ إن شاء الله فالله سبحانه وتعالى مُجيب الدعاء وادعى وانتى على يقين بالاجابة

وتصبرى على الابتلاءات والله مع الصابرين

إن شاء الله لما تنتقبى طاعة لله ربنا يزيدك إيماناً بإذنه تعالى وتشعرى بالسعادة

وكثير من الاخوات لما نتقبوا ندموا على الايام السابقه اللى مكانوش منتقبين فيها

( ومن يتق الله يجعل له مخرجا * ويرزقه من حيث لا يحتسب )

حفظكِ الله من كل سوء

تم تعديل 23 نوفمبر, 2008 بواسطة سارة محمد المصريه

[سُميّــة 0]

السلام عليكم ورحمة الله وبركاته

 

حيــاكـِ الله " نوره البنوره " ( :

 

حفظكِ الله من كل سوء ورزقكِ الزوج الصالح

 

ايه العزيمه ال خيتوا تلبسوه وانتوا لسه بنات مش ارتبطوا وتفكيركوا كان ازاى

فى أدلة على وجوب تغطية الوجه وكمان اقتداء بأمهات المؤمنين والصحابيات ( :

 

لما ابقى ارتبط لما ابقى اجوز

الزواج رزق من الله سبحانه وتعالى

لو واحده عايزة ربنا سبحانه وتعالى يرزقها بالزوج يبقى تعصيه بانها تتبرج ؟ !!!

لو واحده كشفت وجهها علشان الرجال يشوفوها علشان يتزوجوها _ لو مكتوب انها مش هتتزوج لو كشفت وعملت وعملت يبقى مش هتتزوج بإذن الله

لو واحده انتقبت ومفيش رجال بيشوفوها لو مكتوب انها هتتزوج يبقى هتتزوج بإذن الله

 

الموت لا يعرف صغيراً ولا كبيراً _ احنا مش عارفين هنموت امتى مش عارفين احنا هنعيش لحد ما نتزوج وبعدين ننتقب ولا ايه ؟

 

هفرح ازاى لما اجوز زى بقيه البنات وفرح وازوق كل ده مش هيحصل لما اتنقبو

متاع الدنيا زائل والسعادة الحقيقية فى طاعة الله _ بجد هتحسى احساس جميييل جداً إن شاء الله لما تنتقبى وتبقى مع اخوات فى الله يعاونو بعض على طاعة الله بيبقى احساس جميل جداً

 

حبيبتى نوره ( : توكلى على الله وربنا يبارك فيكِ ويحفظكِ من كل سوء ويرزقكِ بالزوج الصالح ويثبتكِ على الطريق المستقيم

 

احبكِ فى الله ( : ربنا يبارك فيكِ

تم تعديل 24 نوفمبر, 2008 بواسطة سُميّــة

[نوره البنوره 0]

انا ننفسى ابقى زيكوا اوى مش عارفه يا بنات ابقى زيكوا صدقونى اان لوحدى مش عارفه انتوا شايفين الموضوع سهل بس مش عارفه صعب ليه مع ان برده نفسى البسه

ادعولى بالله عليكوا اختكم فى الله بسمه اسم الحقيقى ادعولىىىىىىىىىىىىىىىىىىىىىىىى البسه فى صلاتكم ويرزقنى بزوج صالح يعفنى ويعينى على طاعه الله