رسالة الفنانه التائبه " حلا شيحه " لـنـــا

["عابرة سبيل" 0]

 

 

بسم الله والحمد لله والصلاة والسلام على رسول الله وآله وصحبه أجمعين

.

.

 

صدمات البدايه ... وتوبة الفنانه ( التائبه ) : حلا شيحه

 

قرار التغيير يحتاج إلى : لحظة صدق + وقفه حاسمه

 

 

وهذه رسالة وجهتها لكم الفنانه المعتزله حلا شيحه

 

 

الشيخ / هاني حلمي : النهاردة انا عايزك توجهى رسالة لكل الناس النهاردة و انت ..يعنى انا هاخليكى النهاردة داعية و تدعى الناس عبر الشاشة و تقوليلهم كلمة من خلال التجربة دى كلها بكل ما فيها ..تقولى للناس كلهم ايه ؟

 

 

 

الفنانه التائبه / حلا شيحه : حاضر ..نمرة واحد ..متعيشوش يا بنات الدنيا كده يعنى انا نفسى اقول لهم متعيشوش الدنيا زى ما تيجى تيجى.. قفوا و فكروا .. قبل ما تعملوا اى خطوة قفوا و فكروا طب هو انا ربنا خلقنى ليه ؟ و جابنى الدنيا دى ليه

 

 

الشيخ / هاني حلمي : جميل

 

 

الفنانه التائبه / حلا شيحه : و انا عايشة عشان ايه ؟ دى رسالة انا باوجهالهم و نفسى جدا مياخدوش الدنيا كده .. لا يقفوا و يفكروا و يتدبروا...يتدبروا كلام ربنا سبحانه و تعالى ..لأن احنا سبحان الله أمور الدنيا كلها نعرفها كويس اوى نقدر ننزل و نروح نشترى اللبس اللى احنا عايزينه و عارفين الأماكن اللى بنحب نروح فيها و كل الحاجات دى متاحة جدا بالنسبة لنا ..بس ان احنا نقف شوية و نتفكر و نحاول نتدبر القرآن الكريم و نحاول نعرف ربنا سبحانه و تعالى عايز يقول لنا ايه من الكلام ده عايز يقول لنا ايه من خلال المعانى الطيبة اللى فى القرآن الكريم دى .هنلاقى نفسنا حياتنا هتتغير تماما اكيد

 

 

الشيخ / هاني حلمي : يبقى اول حاجة خلينا ندى الناس النهاردة نقط عملية : رقم 1 : كل واحد يراجع حساباته

 

 

الفنانه التائبه / حلا شيحه : يراجع حساباته و يتفكر ..حتة التفكر دى

 

 

الشيخ / هاني حلمي : يتفكر فى المصير ..النهاية فين ؟

 

 

الفنانه التائبه / حلا شيحه : نهايتى انا هتبقى فين طب لو انا بعيدة عن ربنا هاعيش كده و هاموت كده و فى الآخر مش عارفة مصيى هيبقى فين ؟ ليه ابقى بين جنة و نار ؟ ليه ان شاء الله كده اموت على يقين و احسب اننا ان شاء اله من اهل الجنة و ان شاء الله ربنا يقبلنى ليه ماموتش و ربنا ان شاء الله راضى عنى ليه اقابل ربنا و انا خايفة

 

 

الشيخ / هاني حلمي : مم جميل ..تانى معنى عايزين نقول لهم بقى المعانى اللى قلناها ضمنا و انت بتتكلمى كده..حسن الظن بالله شبحانه و تعالى

 

 

الفنانه التائبه / حلا شيحه : طبعا دى نمرة واحدة

 

 

الشيخ / هاني حلمي : ان ربنا سبحانه و تعالى لن يضيعنا..عايزين نقول للناس كلها : اى حد النهاردة خايف من الطريق ..شايف ان ممكن هتبقى فى ادامه مشاكل نقول له كلمة واحدة : آلله أمرك بهذا ؟ اذا لن يضيعنا ..لن يضيعنا

 

الفنانه التائبه / حلا شيحه : ده مظبوط .. و فى حاجة تانية احب اقولها يا شيخ هانى : نفسى الناس تحب ربنا بجد .. تحبه ..هو الحب بيعمل كل حاجة ..الحب اللى يخلى اى حد يلتزم و الحب اللى يخلى اى حد يقرب من ربنا و الحب ..بالحب كل حاجة ..نحبه نحبه نحبه و نحاول..

 

 

الشيخ / هاني حلمي : نستشعر نعمه علينا

 

 

الفنانه التائبه / حلا شيحه : نستشعر نعمه علينا و نحاول نعرفه بجد من خلال اسمائه و صفاته ..نعرفه من خلال القرآن ..نعرفه

 

 

الشيخ / هاني حلمي : الصلاة

 

 

الفنانه التائبه / حلا شيحه : الصلاة طبعا اكيد

 

 

الشيخ / هاني حلمي : ايه كمان ؟ نقول لهم الصحبة

 

 

الفنانه التائبه / حلا شيحه : الصحبة طبعا ..الأصحاب بتعين جدا فى طاعة الله سبحانه و تعالى جدا ..لما تبقى أخت فى الله و انا عندى نقص فى شىء و عندى حاجة انا غلطانة فيها مذنبة فيها هتكلمنى تقول لى و الله كذا كذا يا حلا .. طب ماتصلحى الحتة دى ؟ طب مش بتصلى طب ماتيجى مثلا نصلى مع بعض ..طب نقيم الليل مع بعض ..طب نقرأ قرآن مع بعض ..طبعا الصحبة بتعين جدا لكن لما تكون الصحبة بعيدة عن طاعة الله سبحانه و تعالى بتضل

 

 

الشيخ / هاني حلمي : يعنى جزاكى الله خيرا يا ام هنا

 

 

الفنانه التائبه / حلا شيحه : و اياكم يا رب

 

 

الشيخ / هاني حلمي : بارك الله فى هنا و خديجة..اسأل الله تعالى ان ينبتهما نباتا صالحا و يصنعهما على عينيه

.

.

.

المصدر : حلقة صعوبات البدايه / برنامج " من هنا التغيير" لفضيلة الشيخ "هاني حلمي" / قناة الناس

لسماع الحلقه

 

[real]http://co114w.col114.mail.live.com/mail/InboxLight.aspx?n=135497685[/real]

 

لمتابعة البرنامج : قناة الناس / الخميس / الساعه 1.45 ظهراً / الإعاده 4,30 فجر الجمعه

 

منقول مع بعض التعديلات

تم تعديل 9 مارس, 2009 بواسطة "عابرة سبيل"

[سلماء 140]

السلام عليكم ورحمة الله وبركاته،،

أختي الحبيبة الرابط لا يعمل ممكن تعديلو جزاك الله خيرا.

بس أنا علمت إنها منقبة صحيح؟؟

[ღبــــنــــتُ أبـــيـــهاღ 0]

السلام عليكم ورحمة الله وبركاته،،

 

جزاك الله خيرا حبيبتي ...أنا شفت الحلقة مباشرة على قناة الناس :cry:

 

بارك الله فيك يا غالية

[يقين الاسلام 3]

اللهم اهدي جميع شباب وبنات المسلمين

 

جزاك الله كل خير على نقلك يااختي

 

["عابرة سبيل" 0]

السلام عليكم ورحمة الله وبركاته،،

 

جزاكن الله خيرا أخواتي على مروركن الطيب

 

أختي oum ibrahim لقد وضعت ادراج صوتي للحلقة

 

أرجو أن يعمل معكِ ....... نعم الحمد لله هي منتقبة

 

و أسألكن أن تدعو لي أن يكون هذا نقل خالصا لوجه الله

 

فلقد استفد منه ان الله سبحانه و تعالى كريم جدا و انه سبحانه يفرح بعودة عبده اليه و ان الله اذا أراد هداية عبد يسر له كل شيء

 

فسبحان الله العظيم أسأل الله أن يثبتنا و يهدينا و يهدي جميع المسلمين

تم تعديل 9 مارس, 2009 بواسطة "عابرة سبيل"

["عابرة سبيل" 0]

مكرر

تم تعديل 8 مارس, 2009 بواسطة "عابرة سبيل"

[هاجر مصريه 3]

السلام عليكم و رحمه الله و بركاته

جزاكي الله خيرا

فعلا الحلقه كانت رائعه

[د/ جنه 0]

وعليكم السلام ورحمة الله وبركاته،،

 

 

جزاكى الله خيرا ........على نقلك..........اختى عابرة سبيل

اللهم اهدىشباب وبنات المسلمين.........اااامين

[د/ جنه 0]

وعليكم السلام ورحمة الله وبركاته،،

 

 

جزاكى الله خيرا ........على نقلك..........اختى عابرة سبيل

اللهم اهدىشباب وبنات المسلمين.........اااامين

[**المحتسبه** 233]

السلام عليكم ورحمة الله وبركاته،،

 

 

ماشاء الله بارك الله فيكِ حبيبتى

 

 

ولاحرمكِ الأجر كانت حلقه حقاُ رائعه

 

 

الحمد لله الذى هدانا وماكنا لنهتدى لولا أن هدانا الله

["عابرة سبيل" 0]

السلام عليكم ورحمة الله وبركاته،،

 

جزاكن الله خيرا أخواتي هاجر المصرية و د/جنه و المحتسبة على مروركن و دعائكن

 

و ثبتنا الله جميعا و هدانا لما يحبه و يرضاه

تم تعديل 14 مارس, 2009 بواسطة "عابرة سبيل"

[ندى القدس 0]

اللهم ثبت الايمان في قلبها وقلوبنا جميعا

["عابرة سبيل" 0]

السلام عليكم ورحمة الله وبركاته،،

 

جزاكِ الله خيرا أختي الغالية ندى القدس على مرورك الطيب

 

اللهم آمييييييييييييييييييييييييين