انا محتاجه لحد جمبى

[~ سماح ~ 1]

ما شاء الله كويس

ده انت بتتقدمي اهو ما شاء الله

ربنا يتبتك

فعلا كل اللي عمليته ده خطوات مهمة

بصي بالنسبة لخطيبك فخليه يسمع لدرس من الدروس عن حدود العلاقة بين المخطوبين و لما يخلص الدرس خدي ورقة و قلم و قوليلو لازم نتفق على الحدود اللي لازم تكون بينا عشان ربنا يبارك لنا في الزواج ده

و ان شاء الله لما نتجوز و ابقى مراتك على سنة الله و رسوله ساعتها مش حيبقى في حدود

و الرجل بطبعه مش بيحب اللي ينصحه و يحس انك بتامريه فخديه بالهداوة

مثلا عن موضوع السجائر

اساليه بيدخن ليه

و اديلو مثلا مطوية عن التدخين و خليه يقراها بس تكون مؤثرى و اصبري عشان محدش بيسمع من اول مرة

كلميه كرة و اتنين و تلاتة

 

و بصي يا حبيبتي حاولي تقربي من القرآن اووووي لانه اهم حاجة

هيزيد ايمانك و يتبيتك

و استغفري الله كثيرا اوووي

و مش تنسي اذكار الصباح و المساء عشان ربنا يحفظك و يصونك

واحدة واحدة و ان شاء الله توصلي

ربنا يبارك لك يا حبيبتي

قلبي معك

[* سمر * 2]

بســم الله الـرحمــن الرحيــم

 

﴿ إذا سألك عبادى عنى فإنى قر يب ﴾

 

أختى الحبية ربنا سبحانه وتعالى قريب جداً مننا إذا كنا نحن قريبين منه

لذلك عليكى دايما تكونى قريبة من ربنا ولا تستصغرى أعمالك سيئها وحسنها

فهى عند الله عظيمة

أختى

﴿ ومن يهده الله فهو المهتدى ومن يضلل فلن تجد له ولياً مرشداً ﴾

 

أختى الحبيبة بالنسبة لخطيبك إنصحيه بالتى هى أحسن وإذا لم يستجب فعليكِ بتركه

حتى لا يعينك هو على المعصية بدلاً من أن تعينيه أنتى على الطاعة

وإن غضب منكِ فى طاعتك لله فلا تهتمى له

فقد قال صلى الله عليه وسلم {{ من أرضى الله فى سخط الناس رضى الله عنه وأرضى عنه الناس ، ومن أسخط الله فى رضا الناس سخط الله عليه وأسخط عليه الناس }}

 

إذاً عليكى الإلتزام بطاعتك لله وقربك منه وإتركى أى شىء يبعدك عنه فمن ترك شيئاً لله أبدله الله خيراً منه

أتمنى لكى كل الخير والتوفيق

 

نصيحة أخيرة إحذرى خطيبك لأنه لا يصلى ويغضب من النصيحة

فإحذرى منه أن تختلى به خصوصاً لأنكِ غيرتى معاملتك معه وهو تضايق من هذا مع إنه المفروض يفرح

صدقينى يا أختى إذا كان بيحبك بجد لا يمكن يرضى لكى أن تكونى سهلة و ( أسفة للفظ ) ولكن إفهمى كلامى كويس جداً

أنا عارفة كويس أنا بقول إيه

 

استفسار تانى اسمحيلى إنتى ذكرتى إنك سوف تكونى فى شقة أخرى

إنتى هتكونى لوحدك ولا إيه

على العموم خدى بالك على نفسك

وإحفظى الله حتى يحفظك الله ففى الحديث الشريف قال رسول الله صلى الله عليه وسلم لمعاذ بن جبل رضى الله عنه

{{ إحفظ الله يحفظك ، إحفظ الله تجده تجاهك وإذا سألت فسأل الله ، وإذا إستعنت فإستعن بالله ،

وإعلم أن الأمة لو إجتمعت على أن يضروك بشىء لن يضروك إلا بشىء قد كتبه الله عليك ، وإن إجتمعت على أن ينفعوك بشىء

لن ينفعوك إلا بشىء قد كتبه الله لك ، رفعت الأقلام وجفت الصحف }}

 

أو كما قال صلى الله عليه وسلم

أخيراً وليس أخراً عليكى بالإستخارة كثيراً حتى لا تندمى على فعل ستقدمين عليه

وفقكى الله لما يحبه ويرضاه

تم تعديل 8 أبريل, 2009 بواسطة سمــــــــــ SUMMER ـــــــــــر

[اريد التوبه 1]

والله انا بحبكم فى الله وانتو والله العظيم الى بتحببونى فى الايمان والتوبه

واختى الحبيبه سمر انا مش هكون لوحدى هكون مع ماما واختى

ادعولى ان ربنا سبحانه وتعالى ينجحنى دى اخر سنه

هتوحشونى اوى بجد انا بحبكم فى الله

[* سمر * 2]

والله انا بحبكم فى الله وانتو والله العظيم الى بتحببونى فى الايمان والتوبه

واختى الحبيبه سمر انا مش هكون لوحدى هكون مع ماما واختى

ادعولى ان ربنا سبحانه وتعالى ينجحنى دى اخر سنه

هتوحشونى اوى بجد انا بحبكم فى الله

الحمد لله طمنتينى

ويارب تنجحى وتتفوقى فى دراستك وحياتك

على العموم ربنا يوفقك لما فيه الخير لكى فى دنياك ومعاشك وعاقبة أمرك وأخرتك

أحبك فى الله

تم تعديل 8 أبريل, 2009 بواسطة سمــــــــــ SUMMER ـــــــــــر

[(محبة القرآن الكريم) 137]

السلام عليكم ورحمة الله وبركاته،،

 

حبييييييييييييبتي اريد التوبة كيف ننساك حبيبتي لا لا لا ما ننساكي و ان شاء الله ندعي لك دنت اختنا في الله في حد ينسى اختو هههههه

 

حبيبتي نصيحتي لك هي الدعاء بالثبات فهو اهم شيءء فالقلوب بين يدي الرحمان ادعي كما كان يدعي النبي صلى الله عليه و سلم (اللهم يا مقلب القلوب ثبت قلبي على دينك)

 

حبيبتي وانت بس احفظي وواظبي على الادكار الصباح و المساء و الباقيات الصالحات فهي من بين احب الكلام الى الله وهي (سبحان الله الحمد لله لا الاه الا الله الله اكبر)

والزمي الاستغفار حبيبتي

 

حبيبتي واما بخصوص الاغاني و قول السلام عليكم في المبايل فوالله دا مش حاجة تافهة كما قلتي لاااااااااااااا والف لا هدا دليل على انك قادرة ان تلتزمي و تهزمي الشيطان و لقد هزمتيه في النقطة دي مااااااااااا شاء الله

 

حبيبتي اما بخصوص خطيبك فكما قالت لك الاخت محبة الجنة ابقي سمعيه دروس على حدود العلاقة بين الخطيبين وقولي لو ان الزواج لا يكون مباركا بالابتداء بما لا يرضي الله حبيبتي وارجوووووووكي عليك بالاستخارة فان لم ييسر لك الله فيه (يعني لم يهتدي مثلا ولم يلتزم ) فاعلمي اختي انه مش الزوج الصالح اللي يستحقك بس انت حاولي ان تنصحيه

 

حبيبتي ودائما الدعااااااااء

 

ارجو ان لا تنسييييني انا كمان

 

بحبك في الله يا حبييييييييبة

[اريد التوبه 1]

اختى الحبيبه حجابى نعمه من ربى والله انا بحبك فى الله وانتو بجد كله بقيتو غلين عليا وبحبكم والحمد لله بحاول على اد ما اقدر انى اعمل كل حاجه كويسه ................يارب اغفرلى نفسى بجد فيها

اما بلنسبه لخطيبى ربنا يهديه وكمان انا بحاول اعمل حدود وهو حاسس ده وساعات بيصعب عليا لانى معوده على حياتى القديمه (استغفر الله العظيم) بس عرفين مبسمحش بااااااااااى حاجه وبحط ادامى ربنا ادعولى اوى من قلبكم لانى محتاجه اخوات زيكم جمبى اختكم (ولاء)

[~ سماح ~ 1]

معكم دايما و على طول يا حبيبتي

و ان شاء الله نلتقي بالجنة

كل شيء في بدايته صعب لكن مع الوقت يصبح ايسر يا حبيبة

وفقك ربي

[اريد التوبه 1]

انا خيفه

عرفين حسه بخوف ان عزمتى تقل حسه بضعف

مع انى بحاول بس خيفه بس عندى اصرار انى اكمل

انا دلوقتى بلبس طويل مبحطش مكياج ومبسمعش اغانى وبصلى وليا ورد فى القران وخطيبى...........................الموضوع ده محيرنى اوى انا كل ما بحاول اكون جمده معاه بلين تانى بس والله العظيم بحاول وعندى عزيمه وملمسنيس من يوم ما قلت انى هتوب بس المعامله بتعته وبحس انه بيصعب عليا وهو اتغير كمان بقى يعمل كل حاجه نفسى فيها بس انا عيزه اتوب ونفسى كده بس الشيطان

قلولى اه تانى نقصنى عيزه اتوب وابقى بنت كويسه

نفسى اموت وانا نطقه الشهاده

نفسى يكون قبرى نور وفيه قران

نفسى ادخل الجنه

انا تعبانه ونفسى فى علاج

ساعات بسال نفسى ربنا حاسس بيا وانى بجد عيزه اتوب (استغفر الله العظيم) بس خيفه خيفه التوبه ربى ميقبلهاش وارجع تانى اضيع

الدنيا من حوليا شوك كل الناس وحشين والبنات الى اعرفهم او بلصدفه اقبلهم عادى بلنسبلهم العلاقات وعلاقات مفتوحه خالص...................................والرجاله صغيرين وكبار قله الادب وبس

محدش عارف ربنا احنا بنضيع

امه محمد هضيع

يارب يا قادر اقسم عليك باسمك الاعظم تحمينى يارب محتجالك اسمعنى

[(محبة القرآن الكريم) 137]

السلام عليكم ورحمة الله وبركاته،،

 

حبيبتي انا حاسة بيكي حبيبتي انا ايضا كنت داخله هنة عشان ابوح عن مشاكلي انا ايضا مخنوقة حبيبتي وانا ايضا اسرتي مبتساعدنيش على الالتزام

 

حبيبتي اما بخصوص امر التوبة فمش ممكن ربنا ميقبلهاش منك دا من اسماء الله الحسنى التواب دي وساوس من الشيطان عشان يحزنك و يحبطك

 

حبيبتي اما بخصوص خطيبك حبيبتي عليك بالدعاء بصي ادعي الله عز وجل ان يجمك به ان كان فيه خيرا و ان يصرف حبه عنك ان كان فيه شرا لك حبيبتي استخيري الله عز وجل ومتملليش من الاستخارة اعيديها كل ما نفسك تضيق

 

حبيبتي اما بخصوصك انت فان شاء الله احسبك قوية و حتتخطي كل صعوباتك و بامكانك تثتبتي و هدا ما برهنتي عليه لما بطلتي المكياج و الاغاني ...

 

حبيبتي انت هزمت الشيطان في الحجات دي وممكن تهزميه في حاجات ثانية بس استعيني بالصبر و الصلاة

 

وما اجمل الصبر عن المعصية و الصبر على الطاعة و الصبر عند الابتلاء فمقام الصابرين عظيم عند ربنا الرحيم

 

حبيبتي جاهدي نفسك فمن اعظم انواع الجهاد جهاد النفس جاهدي نفسك و راقبي الله فهده هي التقوى اتقي الله ما استطعتي و كل ما تخطئي لان دا عادي كلنا بنخطأ بس لما تخطئي اعملي عمل اخر يرضي الله مثلا ادكري الله اقرئي القران اعملي اي حاجة ترضي الله فالحسنات تدهب السيئات

 

حبيبتي انت بس متخلليش للشيطان فرصة وحاولي ان ترضي ربك قدر ما استطعت

 

ارجو ان اكون ساعدتك بادن ربي حبيبتي احبك في الله احبك

 

وان شاء الله لو استمرتي على السكة دي حتكوني في الجنة و قبرك منور ...

 

حبيبتي ان شاء الله تكوني في الجنة و انشاء الله تكوني اجمل الحوريات و لك امير ههههههههه

 

حبيبتي ربنا عالم باللي في قلبك انت حاولي تستقيمي و ربنا حيساعدك تدكري قول ربنا الرحيم في (والذين جاهدو فينا لنهدينهم سبلنا)

 

انا معاك حبيبتي لو احتجتي لاي شيء انا و الاخوات معاك ان شاء الله

 

بحبك في الله

[( ***ام طارق***) 0]

السلام عليكم ورحمة الله وبركاته،،

بارك الله فيكي وكثر من امثالك ممن يخافون الله ويريدون لقاءه بالخير

حبيبتي ابشري ولاتخافي انما ‏{‏‏إِنَّمَا ذَلِكُمُ الشَّيْطَانُ يُخَوِّفُ أَوْلِيَاءهُ فَلاَ تَخَافُوهُمْ وَخَافُونِ إِن كُنتُم مُّؤْمِنِينَ‏}اختي ان الشيطان اذا كان العبد يطيعه وفجاة تركه وعرف الحق واراد التوبة فيحاول ان يخوفه بشتى الطرق مثلا(ان الله لن يقبل توبتك ، ان الله لايحبك، ان تبتي فاين ستذهبين بتلك الذنوب كلها وكيف تقابلين ربكي فيها ، لا تتوبي فلن يقبل الله توبتك فقد سقطتي من عينه )

ومن ذلك الكلام الفارغ الذي يتعتبره الشيطان سلاحه ضد النفوس الضعيفة الايمان فان انتي استشعرتي رحمة ربك وحنانه ان اتيتني من بعيد لاقيتكي من قريب وان تقربتي مني شبرا تقربت منكي ذراعا

حبيبتي ان الله ليفرح بتوبة عبده

ويلاقيكي بكل رحمة وحنية بل وانه لينتظرك ويقول لكي ماكفاك يا ابن ادم بعدا عني انا احلم عليك واصبر عليك وانت تزداد عصيانا متى تتوب يا بن ادم ان الله قريب منكي حبيبتي والشيطان يحاول ان يخوفك ويبعدك ويجعلك تشعرين بالاحباط لذلك كلما شعرتي بالخوف قولي الحمدلله الذي هدانا لهذا وما كنا لنهتدي لو لا ان هدانا الله

واستعيذي بالله وتوكلي وحافظي على اذكار الصباح والمساء والخروج من المنزل والدخول اليه لان منها من يمنع الشيطان من الاقتراب منكي هو واولياءه اختي انكي على الحق وان خطيبك اعترض فاما ان يكون اختبار من الله او ان الله يريد ان يبدلك خير منه وانا قلت لكي مسبقا لا تتركيه وحاولي معه في امر الصلاة ولكن لاتتزوجي الا اذا عرفتي انه التزم بالصلاة عن قناعة واصبح لايتركها لانكي لاتعرفين ما ينتظرك لو كان لايصلي والله يدوقك الويل غير ان البركة تمحق من ماله

فعليكي ان تنصحيه بالتي هي احسن ولا ترتبطي به الا ان يحافظ على صلاته فان حافظ عليها وتركها بعد الزواج فيكون ذلك قدر الله وارادته وانتي عملتي الي عليكي وعليكي بالدعاء له اناء الليل واطراف النهار ولكي ايضا واوصيه بالدعاء لكي حتى يحن قلبه قولي له

(انا بحاجة دعاءك كلما صليت ادعيلي )

اسال الله ان يفرج همك ويهديكي انتي وخطيبك يارب

[اريد التوبه 1]

والله العظيم اتنو بتساعدونى كتير وبتقو قلبى

ربنا يجازيكو خير

وربنا يعلم انى وخداكم اخواتى وانا بحبكم فى الله

عرفين كان فى كلام بحس انه تقيل او ازاى اقوله انى اقول استغفر الله العظيم وما شاء الله وسبحان الله واول التليفون السلام عليكم وكلام من ده كتير ودلوقتى حسه انه احب الكلام وارطبه على قلبى ولسانى

الحمد لله انا محتاجه لااخوات زيكم يقونى

[(محبة القرآن الكريم) 137]

السلام عليكم ورحمة الله وبركاته،،

 

الحمد لله حبيبتي اسعدني كلامك حبيبتي

انت ماشية على الطريق الحق انت الان مع ربنا وبتحاولي ترضيه و ربنا غفور لدنوبنا شكور لطاعاتنا و ما اعظمه من الاه

الحمد لله حبيبتي

الزمي الدعااااااء وادعي لي هههههه

جزاك الله خير على محبتك احبك الدي احببتينا فيه

ابقي طمنينا عليكي دحنا اخواتك وعايزين نساعدك بادن الله

احبك في الله يا حبيبتي ولاء على فكرة انا اسمي سلمى هههههههه

[اريد التوبه 1]

والله انا كمان احبك فى الله يا سلمى

ويارب يغفر لنا زنوبنا

ويريح بالك

[( ***ام طارق***) 0]

السلام عليكم ورحمة الله وبركاته

ولو يا غالية نحن مو اخواتك نحن باذن الله حبيباتك

حبيبتي لاتشوفيني هيك قاسية بالحكي احيانا وقت النصح انا اذا شفت الامر لزم بقسى بس تابعي مشاركتي بغير هالساحة انا بحب الكل وبحبك الك ياقمر وبتمنى اني ماشوف اخت الي عم تشكي او عندها هم

حبيبتي والله العظيم انك فيكي كل الخير بس بدك شوي لحتى تتاقلمي مع وضعك الجديد وتتعودي ولا تخافي ابدا واحمدي ربك انك لحقتي نفسك واعرفتي غلطك قبل ما يفوت الوقت وما ينفع الندم والتوبة

وغيرك بالاوقات هي قاعدين بالمراقص والخمارات عم يرقصو ويسكروا مع الشباب فكل ماتذكرتي حال البنات الباقيين الغافلين احمدي ربك انك صحيتي

الحمدلله ان الله رزقنا اخت حلوة متلك ونحن جنبك ومارح نتخلى عنك باذن الله

احبك في الله واسال الله ان يهديكي انتي وخطيبك ويجمع بينكما على التقوى والصلاح والخير

والسلام عليكم ورحمة الله وبركاته،،

[ام مالك المصرية 0]

بارك الله فيك يا اختى وربنا يثبتك.. استمرى في طريقك لله عزوجل لان هو ده الطريق السليم واعلمى انك على خير عظيم جدا وهو طريق الهداية وطريق الصالحين فلا تتنازلى عن هذا الطريق مهما واجهتى من صعوبات فكلنا واجهنا صعوبات كثيرة واهلنا كانوا ضد طريق التزمنا.. اما عن خطيبك انا انصحك اذا تعلمى انه مش هيتغير لا تستمرى معه لانه هيخدك لتحت مش هيطلعك فوق وحكمى دينك وعقلك وليس عاطفتك .. وخدى بالك برضو لو هو مش عايز يلتزم من نفسه عمره ما هيسمع كلامك لان مفيش راجل بيسمع كلام واحدة.. النبى صلى الله عليه وسلم نصحك بمن ترضى دينه وخلقه.. وانت بتقول انه لا يصلى وكمان يدخن وانت يا حبيبتى لسة في بداية الطريق تريدى من يعينك على الطاعة .. اوصيكى بالاستخارة دائما مع البعد عن هذا الخاطب فترة ولتكن فترة امتحاناتك ربنا يوفقك فيها.. وفي هذه الاثناء اشتغلى في عمل استخارة ان شالله في كل صلاة السنن وان شاء الله ربنا ييسر لك الخير لو كان هذا الانسان مفيهوش خير ربنا يبعده عنك ويرزقك خير منه واوصيكى ايضا بسماع شرائط عن احكام الخاطب وربنا يعينك على نفسك وييسر لك الخير

[ام(عمير) 5]

اهلا وملاحبا بكى بيننا يا اختى ...

هنا ان شاء الله ستجدى الصحبة الصالحه ...

اسأل الله لكى يا اختى الهدايه والتوفيق وان يصلح حالك ويصلح لكى احوالك..

يا ترى انتى عامله ايه دلوقتى ؟؟؟؟

وايه اخبار قلبك دلوقتى ؟؟؟

يا ترى قربتى من ربنا وحسيتى فعلا بطعم بالايمان فى قلبك ؟؟؟

وايه اخبار خطيبك ...ربنا يقدرلك الخير فيه...وحاولى يا اخيتى ان تهديه شرائط من ان لاخر شرائط ترقق قلبه

ممكن تهديه مثلا (يا تارك الصلاه للشيخ خالد الراشد )وشريط انين المذنبين راااااااائع جدا ومؤثر ايضا)وقوافل العائدات(مؤثر جدااااااا

والشباب امل وامل والفتاه امل وامل والمحرومون (للشيخ ابراهيم الدويش)وشريط المشتاقون الى الجنه (للشيخ محمد العريفى ) والله هذه الشرائط اثرت فى جداااا فاسمعيها ارجوكى ان كنتى تريدى الخير لنفسك وخطيبك..

واسمعيهم انتى ايضا وكل ما سمعتى شريط يرقق قلبك اهديه له ...

واهديه شرائط عن تارك الصلاه

واطيعلى الله يا اخيتى فى كل امور حياتك ولا تطيعى خطيبك او اى احد اخر فى معصيه الله(فلا طاعه لمخلوق فى معصيه الخالق)

واذا اردتى اى شىء فلا تتردى فى الكتابة لنا..

وفقك الله الى كل ما يحبه ويرضاه...

تم تعديل 12 أبريل, 2009 بواسطة ام(عمير)

[ام(عمير) 5]

اهلا وملاحبا بكى بيننا يا اختى ...

هنا ان شاء الله ستجدى الصحبة الصالحه ...

اسأل الله لكى يا اختى الهدايه والتوفيق وان يصلح حالك ويصلح لكى احوالك..

يا ترى انتى عامله ايه دلوقتى ؟؟؟؟

وايه اخبار قلبك دلوقتى ؟؟؟

يا ترى قربتى من ربنا وحسيتى فعلا بطعم بالايمان فى قلبك ؟؟؟

وايه اخبار خطيبك ...ربنا يقدرلك الخير فيه...وحاولى يا اخيتى ان تهديه شرائط من ان لاخر شرائط ترقق قلبه

ممكن تهديه مثلا (يا تارك الصلاه للشيخ خالد الراشد )وشريط انين المذنبين راااااااائع جدا ومؤثر ايضا)وشريط قوافل العائدات(مؤثر جدااااا)

والشباب امل وامل والفتاه امل وامل والمحرومون (للشيخ ابراهيم الدويش)وشريط المشتاقون الى الجنه (للشيخ محمد العريفى ) والله هذه الشرائط اثرت فى جداااا فاسمعيها ارجوكى ان كنتى تريدى الخير لنفسك وخطيبك..

واسمعيهم انتى ايضا وكل ما سمعتى شريط يرقق قلبك اهديه له ...

واهديه شرائط عن تارك الصلاه

واطيعلى الله يا اخيتى فى كل امور حياتك ولا تطيعى خطيبك او اى احد اخر فى معصيه الله(فلا طاعه لمخلوق فى معصيه الخالق)

واذا اردتى اى شىء فلا تتردى فى الكتابة لنا..

وفقك الله الى كل ما يحبه ويرضاه...

[ehdinilinour 0]

انا كمان تعبانة اوي حسا اننا فقدت حيائي و خشيتي من الله بجد مليت من التوبة مش مليت بل اصبحت استحي من ان اتوب و اشعر اني اراوغ الله و اني منافقة فالكل ينظر لي نظرة الفتاة الصالحة و ربي وحده الذي يعلم ماذا افعل

فماذا افعل الان يئست من نفسي و من امكانية اصلاحها

[اريد التوبه 1]

لا يا حبيبه قلبى متياسيش احنا صح عملنا زنوب يامه اوى بس احنا صح معلش اصبرى واحنا مع بعض

انتى منين ياقمر ...........يعنى علشان لو حد فينا يعرف مكان جمبك للدروس الدينيه او اخوات يكونو قريبين ليكى يساعدوكى واصبرى معلش

وبلنسبه لااختى ام طارق والله انا بحبك فى الله وكلام الحق عمره ما يزعل

انا كنت كده زمان اما دلوقتى احسن كلام على قلبى

واشكر اختى ام مالك المصريه على تشجعها ليا

واختى ام عمير

انا دلوقتى الحمد لله كويسه وبحمد ربنا على كل نعمه ادهالى

وبلنسبه لااحساس قلبى حسه بهدوء وخوف وحسه بفرحه وانى فااااااااااااااااااااااااااااااااااضيه خالص من جوه حسه انى عيزه التزم اكتر واكتر حسه ان فعلا فى حدود بتتحط وانا فرحانه بيها اوى وعيزه ربنا يغفرلى ويتوب عليا ومعملش حاجه غلط خالص

وبلنسبه لخطيبى انا خيفه هو كويس وكل حاجه بس مش بيسمع كلام حد وانا بحاول وحده وحده معاه بس بصراحه خيفه اضعف معاه يعنى ارجع زى زمان معاه وانا رفضه ده انا مش عيزاه يلمسنى غير يوم جوزنا انا عيزه اتوب

انا دلوقتى بحاول اتهرب منه بهزار وبنهى الموضوع ومينفعش اصده بكلام دين جامد لانه هينفره زى منا كنت بنفر منه زمان اما لو عوته وحده وحده ان مفيش كده ويشوف التغير فى كل حاجه يمكن يحس وكمان انا علتى اه متدينه بس مظنش بابا لما اقله ان خطيبى مش بيصلى وعيزه اسيبه هيوافق لان مبداء فسخ الخطوبه وانى اطلق ده من المسحيلات

فاانا وخده الموضوع وحده وحده وادعولى لانى خيفه اتهز والشيطان ساعات بيزين الدنيا فى عنيا

وكمان انا مبسوطه انى مش بسمع الاغانى ومطوله لبسى ده اسعد حاجه

ادعولى ادعولى لانى نفسى التزم انا بحب ربنا ومحتاجه ادخل الجنه

اما عيزه اتوب

اتوب

[( ***ام طارق***) 0]

حبيبتي الغالية بارك الله فيكي حبيبتي اشكرك على حسن الاستماع لكلامنا فنحن والله نريدك ان تدخلي في عداد الصالحات التائبات باذن الله اما عن خطيبك اختي فحاولي ان لاياتي اليكم الكثير لانه لايجوز ان يزورك لانه اجنبي عنكي ولا يحق له ان يلمسك وبجوز يا روحي يتركك بعدفترة وبذلك بكون لمسك وانتي لاتحلي له لاتخليه يجلس معك الا مام احد اهلك الكبار ارجوكي فالرجل عندما تتهيج مشاعره يفقد عقله انا كنت رح قوللك اعقدوا يعني كتبوا كتابكن بس تذكرت انه لا يصلي لذلك يا اختي اود ان لا تقولي له كثيرا بل ارسلي له متلا اية قرانية على الجوال او حديث او قصة انا هكذا كنت افعل مع زوجي في كل الاحوال حتى لو اردت ان اوقظه لقيام الليل

حبيبتي عليكي بشيء واحد والله تحققين فيه كل ماتتمنين وانا جربته وحققلي كل ماكنت احلم به

انه الدعاء بكل وقت لا يلزم الوضوء ولا يلزم الحجاب انتي وجالسة انتي وواقفة انتي ومستلقية في كل احوالك وبكل ما تشتهي وبكل ماتتمنين والله اني لما انخطبت كانت حالة خطيبي ولا اسوء فالتزمت الدعاء اذا اردت العمل المناسب واذا اردت البيت الذي فيه الخير اذا اردت ان يمضي فرحي على خير التزمت الدعاء بكل صغيرة وكبيرة اتمناها والحمدلله رايت الاجابة بكل شي والله حتى بفستان العرس دعيت الله ان ييسر لي شراءه والله

ارجوكي اختي انا سعيدة جدا بالتزامك وتحسن حالتك النفسية اياكي والخوف الا من الله لاتخافي الا من عذابه فهذا ينهاكي عن المعصية باذن الله

احبكي في الله

[اريد التوبه 1]

شكرا اختى الحبيبه ام طارق

وربنا يهدينى ويغفرلى زنوبى

[( ***ام طارق***) 0]

ولو يا غالية الا ما عملت الا اقل من واجبي واي شي بتحبي تقوليه انا تحت امرك وبخدمتك نحن صرنا اخوات صح

[اريد التوبه 1]

اختى الحبيبه ام طارق

انا كنت من يومين فى غايه التعب وكنت كتبت موضوع بس متعرضتش وكانت نفسيتى وحشه اوى وربنا يعلم انا ازاى كنت محتاجه حد يرد على موضوعى ده ويقلى اعمل اه

با اختصار انا حسيت انى بقع .................................اه بقع

انا مشيه على حبل رفيع والكل من حوليا بيهز الحبل ده من اهلى لخطيبى لدنيتى

الاول ماما انا نفسى البس عبايات وماما رفضه وقلتلى البسى طويل ماشى عبايات لا انتى مش مخلفه عيال ................................وكلام منده عرفه ليه انا عيزه عبايه علشان احبس نفسى انا جميله

وحسه ان لبسى بيحلينى اكتر وكده انا باخد ذنوب

اما خطيبى اااااااااااااااااااااااااااااااااااااااااااااااااااااااااااااه بيعمل كل حاجه انا عيزاها وكويس بس عيزنى زى زمان معاه وانا بحاول ارفض براحه بس بيحاول بشكل مستمر ومن يومين حاول جامد مع انى مش متجاوبه معاه ( انا والله العظيم مش وحشه ومتفهمينش غلط انا عيزه اكون حلوه وبتمنى ده معاكو ومفيش غيركم هيسعدنى ) ومن بعديها وانا حياتى عياط حسه انى وقعت حسه ان كل حاجه راحت منى الايمان والتوبه انا خيفه ومحتاجه لحد جمبى

اما خطيبى انا بحاول بكل كلامى انى اقله انه مش يلمسنى غير يوم جوزنا

انا والله بنت كويسه وعيزه اتوب بس الشيطان

الشيطان ووسوته بيقلى ان ربنا عمره ما يغفرلى

تفتكروا ان ربنا فعلا مش قابل التوبه

ارجوكو انا محتجالكو انا كده بموت

اه بيموت الامل بلتوبه انا بنت كويسه بس مليش حد وعيشه فى دنيا وحشه

انا وحيده واريد التوبه

هل ليا توبه؟

هل ربنا يسمحنى ؟

واه الطريق الى امشى فيه؟

انا خيفه اعمل اه؟

اااااااااااااااااااااااااااااااااااااااااااااااااااااااااااااااااااااااه انا مشيه على نار

انا هقع

[(محبة القرآن الكريم) 137]

السلام عليكم ورحمة الله وبركاته،،

 

حبيبتي اريد التوبة هوني على نفسك

 

 

لا انت مش في ماشية في النار انت فقط في ابتلاء و ابشري فان الله يبتلي من يحب

 

حبيبتي و لكي تنجحي في هدا الابتلاء عليك ان تثبتي و لهدا استعيني بالدعاااء الدعاء الدعاء فربنا مش حيتخلى عنك انت عايزة ربنا و عايزة تكوني كويسة و ترضي ربنا مش معقول انن ربنا يتخللى عنك لاااااااااا والف لا لان دا من عمل الشيطان هو بيقوللك ربنا مش حيغفر لك لاااااااااا الف لا

دامن اسماء اله الحسنى الغفور التواب الرحيم

هو الشيطان بيعمل لك كده عشان تيأسي و تبقي وحشه

لا كل ما عليك اتقي الله ما استطعتي و كل تقعي في دنب استغفري فان اللله لا يمل من الغفران حتى نحن من الاستغفار لا حبيبتي لا تيأسي و اياك ان تقنطي من رحمة الله

وعارفة انك بمحاولتك للالتزام في وسط لا يساعد على دلك انت كدة بتاخدي ثواب كبييير ان شاء الله

لانك كده بتجاهدي نفسك و اهلك و الشيطان

اما بخصوص امك يا حبيبة فحاولي معاها باللطف و الحنان قوليلها انا محبش اللباس اللي بلبس و محسش فيه براحتي يرضيك يا امي الحنونة ان بنتك تلبس حاجة مش عاجباها و تبقى فيها مخنوقة حاولي معاها كده و اددي لها هدايا تحبها و تقربي منها و ابقي لححي عليها عشان توافق على لبس العباية

ودااااااائما ابقي استعيني بالدعاء

 

اما بخصوص موضوع التوبة فتأكدي ان الله عز و جل هو التواب الرحيم يقبل التوبة من عباده و ان وقعت في الدنب مرات و مرات ابقي استغفري و توبي و ربنا حيغفرلك لانه رحيم كريم

حبيبتي اما عن خطيبك فانا قلت لك قبل كده عليك بالاستخارة مفييييش احسن منها فانت بالاستخارة دي بتوكلي امرك لربنا عشان كده ان كان فيه خير فسيهتدي و زواجك به سيتيسر بادن الله اما ان كان فيه شرا فالله سيصرفه عنك و يصرفك عنه و يبدلك خيرا منه

بس حبيبتي انت حاولي متستسلميش لخطيبك و حاولي تلتزمي بضوابط بين الخطيبين وان قال لك شيء قوليلو دا ميرضيش ربنا انا بحاول اتعامل معاك كده عشان ربنا يبارك في زواجنا

حبيبتي انت مش وحييييدة احنا معاك يا حبووووبة يا عسل اكييييد انت بنت كويسة و لو ماكنتيش كويسة لما اردت التوبة

عارفة انا اتدكر حديث معناه انه من سرته حسنته و احزنته سيئته فدالك هو المؤمن دامش الفاظ الحديث النبوي بس معناه

 

حبيبتي كلنا بنخطأ و لكن نعلم ان لنا رب رحيم غفور لدنوبنا فنستغفر و نحاول ان نستقيم

 

حبيبتي لا تنسي الدعاء و لا تنسيني من دعائك ههههههه

 

احبك في الله يا قمر

[ام(عمير) 5]

يا حبيبتى اسأل الله لكى الهداية والصلاح...

يا اختى الغالية ما تخليش الشيطان يوسوسلك بكلام عمره ابدا ما هايكون صح ازاى ربنا مش هايقبل توبتك يا حبيبتى دا ربنا زى ما قالتلك اختنا الحبيبة غفور ورحمن ورحيم فهو ارحم بك من اى شخص يحبك ...فلا تسلمى نفسك للشيطان يا غاليه وعلى فكرة كل الى بيحصلك ده امتحان وان شاء الله كفارة للذنوب واختبار من الله ليبلوكى اصادقه فى التوبه ام عافاكى الله كاذبه فأن كنت صادقه فثبتى وسوف يثبتك الله واحتسبى كل ما يحدث لك احتسبيه لله وداومى من الاستغفار وقيام الليل واشكى كل ما يضايقك الى الله الرحمن الرحيم كما فعل سيدنا يعقوب عندما فقد ولديه يوسف(عليه السلام) واخاه اتدرين ماذا قال والى من لجأ الى الله وقال(انما اشكو بثى وحزنى الى الله وأعلم من الله ما لا تعلمون) انظرى ثقه بالله ويقين بالله فأجعلى فى قلبك هذه الثقه بأن الله سوف ينجيكى مما انتى فيه وسوف يجعل لكى من كل هم مخرجا ....هداكى الله يا حبيبه وأعانكى وثبتك وابعد عنك شياطين الجن والانس...

وبالنسبة لخطيبك فكما قالت لكى اختنا الفاضله لا تنسى الاستخارة ..ومادم لم يعقد عليكى(كتب الكتاب) يبقى ما ينفعشى تبقوا لوحدكم فى مكان وما ينفعشى يلمسك خاااالص .واذا طلب منك اى طلب قويلى ان ده ما يرضيش ربنا وربنا كده ها يغضب علينا ومش ها يباركلنا فى زواجنا وما ترفضيش بهدوء وخلاص لا عرفيه السبب علشان ربنا يهديه وقوليله برضة انى انا عاوزاك تبقى زوج صالح ليا علشان كده لازم تصلى وتطيع ربنا علشان ناخد بأيد بعضنا الى الجنة لا الى النار ولو ما عرفتيش تقوليلو كده ممكن تكتبيهالو فى رساله جميله كده وتكتبى له كل ما تريديه بأسلوب جميل فهذه ان شاء الله سيكون لها تأثير جميل ...هده الله وقدر لكى الخير فيه..

 

 

اختك وصديقتك

ام عمير