اختكم ام(عمير)ان شاء الله ها تعمل حقن مجهرى لا تنسوها من الدعاء

[ام(عمير) 5]

السلام عليكم

 

كيف حالكم يا حبيباتى الغاليات

 

اختى الغالية نور دربى انا فعلا من مصر وبالتحديد من طنطا وانا عملت العملية فى مستشفى السلام التخصصى الى هيا فى شارع البحر والى عملتهالى الحمد لله دكتورة والحمد لله لم اكشف على اى رجل لان ده كان شرطى حتى دكتور البنج بدلته بدكتورة وده كان طلبنا والحمد لله كله كان تمام ..

اما التكلفة هيا بتاخد اربعة الاف ونصف دااجرة المعمل والكل واما عن العلاج كلفنى تقريبا من خمسة لستة الاف جنية والدكتورة اسمها صفاء المرعى لو تعرفيها ..واى سؤال تانى انا فى الخدمة يسر الله لكى ولى ولجميع المسلمين كل عسير

 

بالمناسبة انتى من اين؟؟؟؟؟؟؟؟

[نور دربي 0]

ربنا يكرمك يا أم عمير و يرزقك إن شاء الله الذرية الصالحة و العمليه تنجح

أنا من اسكندرية بس حالياً في السعودية و ان شاء الله أنزل بعد رمضان و كنت بشوف أعملها فين في السعودية و لا مصر بس هنا غالي أوي... ادعيلي

و جزاكي الله خيراً على المعلومات المفيده دي

[ام الاشبال 3]

جزاكم الله خيرا يا اخواتى الغاليات على دعئكم ومتابعتكم لى ورزق كل مسلمة محرومة بالذرية الصالحة اميييييييييييييين

 

انا الان انتظر يوم السبت ان شاء الله علشان احلل دم ربى يسسر ويكرمنى بالذرية الصالحة امييييين وكل المحرومات ...

 

بالله لا تنسونى الفترة دى من دعواتكم

 

 

خير باذن الله

 

ابشرى يا غاليه

 

وعقبالك يا سهومتى

[نور دربي 0]

أم عمير بارك الله لك

 

عندي سؤال هل طلبت الطبيبة أي تحاليل قبل العملية و الموضوع يستغرق وقت أد إيه منذ بدايته ؟؟؟

[ام(عمير) 5]

اختى الغالية نور دربى كيف حالك؟؟؟؟؟؟؟؟؟ظ

 

انا اول ما كتبت الموضوع كان تقريبا يوم 13 / 5 وكان ده تانى يوم من اول مرة ذهبت للطبيبة وهيا وبعدين انا كنت اصلا لسة عاملة قبلها متابعة تبويض قدرا كده وكانت كويسة المهم هيا شافتها وكشفت عليا بالسونار وقالتلى انتى كويسة الحمد لله واحنا ها نبدأ علطول المهم اعطتنى ميعاد يوم الاثنين الى كان تقريبا يوم 18 ولما رحت اعتطنى ابر تحت الجلد على ما اتذكر اسمها ديكتابيل او حاجة زى كده لانى نسيت وقالتلى ها تبدأى من يوم 22 الى كان قبل دورتى بثمانية ايام وقالتلى لما الدورة تيجيلك تعالى لما جات روحت ثالث يوم مثل ما قالت لى وبعدين ابتدت معاى فى الابر المنشطة من يوم 6/6 ووقفتها قبل العملية بيومين الى ان عملت العملية يوم 19 يونيه والترجيع كان يوم 21 يونيه وانا الان انتظر 14 يوم لاحلل ربنا يجيبة بفايدة ..يااااااااااااااااااااااارب

 

واى سؤال تانى لا تتردى فى طرحة

احبك فى الله

[ام(عمير) 5]

وعلى فكرة سبب تفكرينا فى العملية هوا ان زوجى شفاه الله وعافاه وبارك لى فيه وفى عمره قولوا امييييييين عنده ضعف فى الحيوانات المنوية.....

[(ميرفت) 205]

السلام عليكــم ورحمـة الله وبركاتــة ،،

 

اسأل الله العظيم ان يرزقك الذرية الصالحة المعافاة

 

و يبارك فيك و في زوجك

 

يا رب تبشرينا قريبا

[نور دربي 0]

أم عمير جزاكي الله خيراً أنا كمان عندي نفس المشكلة بتاعتك

 

بس أنت فييييييييييييييين مش باينة

 

إن شاء الله تدخلي النهاردة تبشرينا بالحمل :angry:

[ام رميساء و جنى 16]

ام عمير عملتي ايه احنا بانتظار النتيجة اوعي الفرحة تنسيك تبشرينا

[ام(عمير) 5]

السلام عليكم ورحمة الله وبركاتة

 

انا فعلا حللت اليوم وكانت النتيجة قدر اللله وما شاء فعل

 

 

مفيش حمل

الدكتورة قالتلى اعيد التحليل تانى غدا فى معمل كويس هيا قاللتلى علية

بالله عليكم يا اخواتى تدعولى ان يكون الخبر ده مش صحيح واكون حامل يا رب

 

الحمد لله على كل حال

[نور دربي 0]

أختي أم عمير يا رب يكون الخبر مش صحيح

و في انتظار نتيجة التحليل غداً

الانتظار حاجة صعبه جداً ربنا يكون في عونك

[صاحبة القلب الحنون 0]

السلام عليكن ورحمة الله وبركاته ............

حبيبتى "أم عمير" قدر الله وما شاء فعل

ولكن الأمل فى الله دائماً فندعوا الله عز وجل أن تكون النتيجة غداً إيجابية بالحمل إن شاء الله

وإن لم يكن فاعتبريها من المصائب واذكرى قول نبينا *صلى الله عليه وسلم*

"إنا لله وإنا إيه راجعون اللهم أجرنى فى مصيبتى واخلف لى خيراً منها "

وأنتى على يقين بإذن الله أنه سيرزقك الخير إن شاء الله

وأدعوا الله أن يرزقك الخير حيثما كان وأن يرضيكى به

أحبك فى الله

[ام رميساء و جنى 16]

حبيبتي ام عمير يارب يبشرك بالحمل يارب العالمين

 

واعلمي ان كل الي يعملو ربنا فيه الخير ليك

 

ربنا يطمن قلبك والله انا مشغولة عليك جداااااااااااا

 

احبك في الله

[i belong to allah 0]

والله ان كل مدام هنا تنتظر الفرج من الله دخلت فى قلبى وما طلعت

انا لسة انسة

يارب ارزقنى الزوج الصالح والله راح ادعى لكم فى كل صلاة ان يرزقكم الذرية الصالحة

[العبدة الفقيرة 2]

ربنا يرزقك حبيبتىام عمير الذرية الصالحة يارب

انتى وكل محروم اللهم امين

ربنا سيرزقك عن قريب بمشيئة الله

[أم سوفي 0]

يارب يرزقكم يا بنات يارب بالذرية الصالحة اللهم امين

ان شاء الله خير يا ام عمير ربنا يرزقك بعمير يارب العالمين

خلي عندك امل فى الله عز وجل وان شاء الله تكوني حامل

[almohiba 3]

حبيبتي ام عمير يارب يبشرك بالحمل يارب العالمين

[موده واخاء 417]

يارب يرزقكم يا بنات يارب بالذرية الصالحة اللهم امين

ان شاء الله خير يا ام عمير ربنا يرزقك بعمير يارب العالمين

خلي عندك امل فى الله عز وجل وان شاء الله تكوني حامل

[( أم رحمة ) 0]

السلام عليكن ورحمة الله وبركاته ............

حبيبتى "أم عمير" قدر الله وما شاء فعل

ولكن الأمل فى الله دائماً فندعوا الله عز وجل أن تكون النتيجة غداً إيجابية بالحمل إن شاء الله

وإن لم يكن فاعتبريها من المصائب واذكرى قول نبينا *صلى الله عليه وسلم*

"إنا لله وإنا إيه راجعون اللهم أجرنى فى مصيبتى واخلف لى خيراً منها "

وأنتى على يقين بإذن الله أنه سيرزقك الخير إن شاء الله

وأدعوا الله أن يرزقك الخير حيثما كان وأن يرضيكى به

أحبك فى الله

[ام(عمير) 5]

السلام عليكم ورحمة الله وبركاتة

 

جزاكم الله خير يا اغلى اغوات فى الله والله انتم تهونون على فى كل ضيق فبارك الله فيكم ولا حومنى منكم ابدا والله انى احبكم جميعا فى الله ..

 

بالنسبة لموضوعى الدكتورة قالتلى امبارح احلل تحليل منزلى تانى وانهارده احلل دم زم ما قلتلكم والامس فعلا حللت منزلى وطلع شرطة واحدة الحمد لله على كل حال ونا اليوم ان شاء الله ها احلل دم و ربى كريم وانا اطمع فى كرمة ...لا تنسونى من الدعاء وكل محرومة

 

المشكلة الان يا اخواتى ليست فى ولا فى زوجى المشكلة فى ام زوجى فهى لديها ولد اخر غير زوجى متزوج منذ عشر سنين ولم يرزقه الله الى الان الذرية وعندما تزوجنا كانت حاطة كل املها علينا ولكن كل شىء بميعاد ولما عدى سنة ونصف من غير حمل قرر زوجى انه يعمل حقن مجهرى واخبرها بذلك ففرحت وهى الان تنتظر النتيجة على احر من الجمر ولم نخبرها بما حدث بالامس واخبرناها انا الدكتوره قالت ان احنا نحلل اليوم فقط ولا تعرف اى شىء ولا اصف لكم يا احبائى شعور زوجى الان لا يعرف ماذا سيقول لها ولا كيف وبيقولى انها ممكن تموت فيها خصوصا انها عنها سكر من الزعل على زوجها الذى مات وعلى ابها الاكبر الذى لم ينجب الى الان وكانت تتمنى عندما تزوج ابها الاكبر ان تسمى ابنه على اسم زوجها المتوفى ولكن كل شىء بميعاد................

 

والان قولوا لى ماذا افعل الان انا بحس انى مخنوقة لما شوف زوجى زعلان من اى حاجة فما بالكم عندما اراه يبكى ويقول لى ماذا اقول لها ماذا افعل والله كل ما يهمنى الان ليس نفسى انا ما يهمنى ان ارى زوجى سعيدا فماذا افعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

احترت وتشتت وتهت وليس لى بعد الله غيركم .....

 

 

انا فى انتظاركم

[نور دربي 0]

حبيبتي أم عمير و الله أنا حسه بيكي جداً و بكيت و أنا أقرأ ما كتبتيه أسأل الله أن يفك كربك

حبيبتي ان شاء الله الأمل لسه موجود و يا رب تكوني حامل

و بالنسبة لأم زوجك فأنا أقترح انكم تبدأوا تمهدوا لها الموضوع من الأن يعني تقولوا لها أن العمليات دي ممكن ما تنجحش من أول مرة و في ناس حاولوا مرتين و ثلاثة و ساعات أكتر و قولوالها ان لو العملية فشلت ممكن تجربوها مرة تانيه و ان كل شيئ بأمر الله

أظن ان ده حيكون أحسن من مفاجأتها

 

و إن شاء الله حبيبتي تكون العمليه نجحت

و الله أنا كنت لسه امبارح بتكلم مع زوجي في الموضوع ده و أد ايه بيكون الزوجين في شد عصبي خاصة لما يكونوا وسط الاهل و خصوصاً الأمهات أظن أنهم بيكونوا قلقين أكثر من الزوجين

 

علشان كده ان شاء الله لو عملتها نفسي أعملها هنا في السعودية من غير ما حد يعرف تجنباً لزيادة الشد العصبي

 

احبك في الله يا حبيبتي و ان شاء الله الأمل لسه موجود

[أم سوفي 0]

لا حول ولا قوة الا بالله

والله ابكتني كلمات يا ام عمير ربنا يرزقك ويجبر خاطرك انتي وكل محرم يارب

بالنسبة لحماتك زي ما نور قالتلك مهدلها الموضوع وان شاء الله مش تحتاجي وترجعي من التحليل وانتي مبسوطة وتكوني حامل

ربنا يسر امرك يارب

[ام(عمير) 5]

جزاكى الله خيرا يا اختى الغالية نور دربى وام سوفى

 

اختى نور دربى بالنسبة لما قولتى فاحنا مش ها نقدر نقولها ان احنا ها نعيدها تانى لا امكانيتنا الان لا تسمح ابدا ويا رب اكون فعلا حامل وما نحتاج نقولها حاجة ..يا رب

[ام(عمير) 5]

السلام عليكم يا اخواتى الحبيبات

 

انا حللت وطلعت النتيجة الحمد لله على كل حال سالبة

 

الحمد لله

 

اخواتى الحبيبات ادعوا لى ولزوجى بالصبر وخااااااااااااااصة زوجى لان احنا الى الان لا نعرف كيف نخبر امه

 

يا رب سترك

 

يارب اهدى زوجى واهدنى الى كل ما تحبه وترضاة واشف لى زوجى من كل داء ومن كل هم وغم واجرنا يا رب

 

قولوااااااااااااااااااااااااا ااااااااااااااامييييييييييييييييييييييييييين

[ام عمر ومريم 3]

السلام عليكم ورحمة الله وبركاته

 

بارك الله فيكى حبيبتى على صبرك يارب يرزقك بالذريه الصالحه يااارب ويرزقك من حيث لايحتسب

 

حبيبتى توكلى على الله لسه مافى نصيب بس اكيد ربنا جاعل ذلك لحكم وخير ليكى ولزوجك

 

وربنا يصبركوا ويعطيكوا يااارب