ارجو المساعدة من الطبيبات المصريات

[daughterofislam89 10]

السلام عليكــم ورحمـة الله وبركاتــة ،،

حبيباتى فى الله ارجو مساعدتكم لى

اريد رقم او عنوان دكتورة جراحة باى محافظة من محافظات مصر

ومحدش يقول دى بعيد

اللى يعرف يقول لان لو حد هيسافر مصر زى اسكندرية زى المنوفية زى اسوان

اهم حاجة عدم التكشف

بالله عايزة عنوان او رقم طبيبة ضرورى فى هذا الامر

فى اخت محتاجاهم بشدة وارجو مساعدتها

لكم جزيل الشكر وجزاكم الله خيرا

احبكن فى الله

[موئل النور 47]

وعليكم السلام ورحمة الله وبركاتة ،،

حياكِ الله يا حبيبة ،،

شفا الله أختنا وعافاها .

اذا كنت في القاهرة

هناك طبيبات جراحة مثل دكتورة سحر في مستشفى العزيز بالله

هذا اقتباس رأيته في أحد ردود دكتورة جهاد ( عضوة معنا في المنتدى )

ممكن تسألي عن هذه الطبيبة .

أو من الممكن أن ترسلي لجهاد

رسالة خاصة لمعرِفة رقم تليفون الطبيبة عن طريق المشرفات ، فدخول دكتورة جهاد متقطع وممكن لا تلاحظ الموضوع

هذا ملفها : ** جهاد **

تم تعديل 3 يوليو, 2009 بواسطة موئل النور

[ام_رقية 1]

اعتقد فى مستشفى العزيز بالله

فى الزيتون

القاهرة

فيها دكاترة ستات كل التخصصات

وربنا يشفيها ياارب وييسر امرها 

[daughterofislam89 10]

الله المستعان هي ممكن تسافر اى مكان

بس معلش لو حد متاكد مستشفى العزيز بالله فيها تخصص جراحة ولا لا او لو حد جزاه الله خيرا ساكن قريب منها يسال عشان متسافرش على الفاضى لان التخصص ده نادر اوى بين النساء

ملحوظة هي طالبة فى اى محافظة مش لازم القاهرة بس

جزاكن الله خيرا

وهحاول ان شاء الله ابلغ الاخت جهاد

[حيُّ على الجهاد 0]

فيه في المنوفية دكتورة عواطف

رئيسة قسم الجراحة في طب المنوفية

أسأللك على عنوانها وتليفونها وأقوللك ان شاء الله

[توتى سمسم 8]

السلام عليكم ورحمة الله وبركاته،،

ازيك حبيبتى توتى عامله ايه

ربنا يشفى اختنا يارب بصى هى اكيد فيها(مستشفى العزيز بالله) إن شاء الله بس للاسف بعيده عنى اوى

بصى انا بنت خلتى عملت عمليه البواسير هناك لانها منتقبه وهناك بالاخص لوجود دكتوره

المكان ده اصلا العزيز بالله بحدائق الزيتون مكان للمحجبات

لبس ومستشفى ماشاء الله شارع كله ناس متدينه لو هتروحى اقولك العنوان بالتفصيل

اقولك هاتى الرقم بتاع المستشفى من الدليل واسالى

الدليل 140 او من على النت

العنوان مستشفى العزيز بالله بحدائق الزيتون

طريقه انك تروحيها إن شاء الله

هتركبى مترو اتجاه المرج وتنزلى محطه حدائق الزيتون الف مين يقولك على الشارع بعد متنزلى من المترو انا هدورلك على الرقم

إن شاء الله ندفع فاتوره التليفون بكره واتصلك بالدليل واقولك الرقم والله المستعان

[daughterofislam89 10]

بجد جزاكم الله خيرا

معلش تعبتكم معايا

احبكن فى الله

جعله الله فى ميزان حسناتكن

[بنوته مسلمة 0]

بسم الله الرحمن الرحيم

 

السلام عليكم ورحمة الله وبركاته،،

 

أسأل الله العظيم رب العرش العظيم أن يشفيها

 

يا أختى بإذن الله أنا حروح العزيز بالله النهاردة وحسألك عليهم واجبلك أسماء كل الدكاترة ومواعيدهم

 

وإذا في أي حد عايز يسأل على أى حاجه هناك يقول وبإذن الله أسأل عنها وأبلغكم

 

واعتقد إن الأفضل أن الأخت تروح لدكتورة حد جربها قبل كده علشان تكون واثقة إنها شاطرة وربنا يقدم لها الخير وتستخير ربنا قبل ما تروح

[daughterofislam89 10]

بنوتة مسملة بجد جزاكى الله كل الخير

ربنا يجعلها فى ميزان حسناتك ان شاء الله

[بنوته مسلمة 0]

بسم الله الرحمن الرحيم

 

السلام عليكم ورحمة الله وبركاته،،

 

د / رشا يوم السبت الساعة 8 مساءًا

 

د/ نجلاء يوم الأحد الساعة 8 مساءًا

 

د/ سحر الفقي يوم الأثنين الساعة 8 مساءًا

 

د/ نشوي مصباح يوم الثلاثاء الساعة 8 مساءًا

 

د/ نجلاء يوم الأربعاء الساعة 8 مساءًا

 

د / سحر الفقي يوم الخميس الساعة 8 مساءًا

 

د/ رشا يوم الجمعة الساعة 8 مساءًا

 

ملحوظة :

 

الموظف بتاع شباك التذاكر قال إن الدكاترة في منهم مش منتظم على جدول الأيام ده بس في أى يوم الساعة 8 مساءًا بتلاقي دكتورة

 

باستثناء دكتورة سحر الفقي شكر فيها وقال هي منتظمة جدا وهى استشارية وكشفها ب 20 جنية

 

وعلشان تتأكدى الدكتورة موجودة ولا لأ اتصلي قبل ما تيجى وده رقم التليفون بتاع المستشفي 0224544011

[daughterofislam89 10]

جزاكى الله خيرا حبيبتى فى الله

شاكرة لكِ المساعدة

احبك فى الله

[توتى سمسم 8]

توتى ابقى طمنينا على اختك المريضه شفاها الله وعافاها

[ام(عمير) 5]

اعانكم الله ويسر لكم كل عسير

 

 

لا تنسى ان تطمئنينا اختى