marble 2 أرسلي تقرير عن المشاركة قامت بالمشاركة 20 يوليو, 2009 (معدل) السلام عليكنّ ورحمة الله وبركاته سبحان الله بتمر علينا في شريط حياتنا ومضات إيمانية ورسائل ربانية كتير من (جنس الدنيا) اللي احنا عايشينها لكن محتاجة بس قلب يقظ يلقط الرسايل دي..ويتدبرها ..ويترجمها لمعنى يتقرب به لربنا عز وجل. (طبعا الموضوع مش هشرح فيه درس كيمياء عضوية :icon15: ) لكن اعتبروه رسالة و دعوة أن كل واحدة تبحث في مجال دراستها عن الرسائل الربانية اللي ربنا يرسلها لها من (جنس الدنيا) بتاعتها...وتفيدنا بخواطرها دي.. هبدأ مع أول خاطرة (1) المهم يعني ايه Like dissolves Like ؟؟ دي قاعدة في علم الكيمياء معناها أن المثيل يذوب في مثيله أو جنس مثيله يعني المادة العضوية تذوب في المادة العضوية زي مثلا البوية بتذوب في الجاز عشان كده نلاقي لما حد هدومه بتتبقع بالبوية بيغسلها بالجاز وكذلك المادة ذات الروابط الأيونية تذوب في مركب ذي روابط أيونية زي الملح بيذوب في الماء سبحان الله! المعنى ده ممكن نسقطه على ذنوب كتير في حياتنا الذنوب هنا = (المادة اللي محتاجين نذوبها) والذنوب دي كما أخبر النبي صلى الله عليه وسلم بتعمل نكتة سوداء... (بقعة) على القلب فاحنا محتاجين نذوب البقعة دي من جنس ومثيل المادة دي مثلا عصيت ربنا بعيني فأعمل في المقابل طاعات كتير بعيني تذيب أثر بقعة المعصية في قلبي: كالنظر في المصحف عبادة التأمل في مخلوقات الله البكاء من خشية الله وكلها طاعات من نفس الجنس (العين) عصيت ربنا بلساني فأعمل في المقابل طاعات كتير بلساني تذيب أثر بقعة المعصية في قلبي: كذكر الله تلاوة القرآن قول الطيب من الكلام وإفشاء السلام عصيت ربنا بإيدي فأعمل في المقابل طاعات كتير بإيدي تذيب أثر بقعة المعصية في قلبي: كالكتابة على الكيبورد في منتدانا هنا :biggrin: عصيت ربنا بأذني فأعمل في المقابل طاعات كتير بأذني تذيب أثر بقعة المعصية في قلبي: كسماع القرآن ودروس العلم عصيت ربنا في مكان فأعمل في المقابل طاعات كتير وفي نفس المكان وكل الكلام الكتير ده اختصاره في قول الله تعالى: "وَأَقِمِ الصَّلاةَ طَرَفَيِ النَّهَارِ وَزُلَفاً مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ " [هود:114] وجزاكنّ الله خيرا تم تعديل 20 يوليو, 2009 بواسطة marble شارك هذه المشاركه رابط المشاركه شارك
¯`ღ سماح ღ´¯ 42 أرسلي تقرير عن المشاركة قامت بالمشاركة 21 يوليو, 2009 وعليكم السلام ورحمة الله وبركاته ما شاء الله تبارك الرحمن جميل اللهم بارك:) حقاً موضوع قيم يستحق التقييم بارك الله فيكِ اختي ماربل وجعله الله في موازين حسناتك ... متابعة معك باذن الرحمن شارك هذه المشاركه رابط المشاركه شارك
المعتزة باخلاقها 0 أرسلي تقرير عن المشاركة قامت بالمشاركة 21 يوليو, 2009 متابعة معك باذن الله شارك هذه المشاركه رابط المشاركه شارك
المعتزة باخلاقها 0 أرسلي تقرير عن المشاركة قامت بالمشاركة 21 يوليو, 2009 متابعة معك باذن الله شارك هذه المشاركه رابط المشاركه شارك
blue 2 eyes 3 أرسلي تقرير عن المشاركة قامت بالمشاركة 21 يوليو, 2009 ما شاء الله موضوع راآئع!,, متابعة معك بإذن الله’’ شارك هذه المشاركه رابط المشاركه شارك
أنين أمّة 19 أرسلي تقرير عن المشاركة قامت بالمشاركة 21 يوليو, 2009 وعليكم السلام ورحمة الله وبركاته،، :) جميــل جزاكِ الله خيرًا يا غالية وفي إنتظار الجديد منكِ دومًا ,, بوركتِ . شارك هذه المشاركه رابط المشاركه شارك
أنين أمّة 19 أرسلي تقرير عن المشاركة قامت بالمشاركة 21 يوليو, 2009 وعليكم السلام ورحمة الله وبركاته،، :) جميــل جزاكِ الله خيرًا يا غالية وفي إنتظار الجديد منكِ دومًا ,, بوركتِ . شارك هذه المشاركه رابط المشاركه شارك
ღ سديـــم ღ 199 أرسلي تقرير عن المشاركة قامت بالمشاركة 21 يوليو, 2009 السلام عليكم و رحمة الله و بركاته ،،، ما شاء الله موضوع في قمة الجمال و الفائدة جزاك الله خيرا يا غالية نفع الله بك الامة شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 21 يوليو, 2009 أخواتي الحبيبات `ღ سماح ღ´¯ و المعتزة باخلاقها و blue 2 eyes و أنين أمّة و سديم الفجر ربنا يبارك فيكنّ جميعا يارب وجزاكنذ الله خيرا على مروركنّ الكريم وكلماتكنّ الطيبة لاتنسوني من صالح دعائكنّ شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 21 يوليو, 2009 (معدل) (2) قاعدة شبيهة ممكن تندرج تحت نفس الموضوع لكن من وجه آخر.. قاعدة Like loves Like معناها المثيل ينجذب لمثيله أو المثيل يحب مثيله فكذلك اللي قلبها مفتون بحاجة غصبا عنه قلبها هينجذب للحاجة دي ومثيلاتها.. قلبها مفتون بشهوات هتفكر وتنجذب للشهوات ومن يثيرون شهواتها قلبها مشغول بدنيا هتفكر وتنجذب للدنيا وصحبة الدنيا وعلى العكس قلبها بيحب الطاعة هتنجذب وتحب الطاعة وأهل الطاعة قلبها مشغول بالآخرة هتفكر في الآخرة القاعدة دي تتعب فعلا لأنها بتعرف الانسان حقيقة قلبه !! قلبي .. طاهر .. ولا .. نجس؟!! وكل واحدة نعاين كده ونراجع قائمة اهتماماتها وتشوف هي بتحب ايه وتكره ايه وبتحب على أساس ايه ..وتكره على أساس ايه وبتحب مين..وتكره مين النبي صلى الله عليه وسلم قال: "المرء على دين خليله فلينظر أحدكم من يخالل" بصي في وش صاحبتكِ كده وشوفي دي الصاحبة اللي تحبي تحشري معاها يوم القيامة وتدخلي معها الجنة؟ ولا العكس... هل أحب الصاحبة التانية بهيئتها وألفاظها و حجابها دي أبقى أنا مثيلتها :icon15: ؟!! يقول الله تعالى: "الْمُنَافِقُونَ وَالْمُنَافِقَاتُ بَعْضُهُم مِّن بَعْضٍ" كأنهم عجينة واحدة وصنف واحد ! وفي مقابلها: "وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ " جاء في تفسيرها: إن المنافقين والمنافقات مع وحدة طبيعتهم لا يبلغون أن يكونوا أولياء بعضهم لبعض . فالولاية تحتاج إلى شجاعة وإلى نجدة وإلى تعاون وإلى تكاليف. وطبيعة النفاق تأبى هذا كله ولو كان بين المنافقين أنفسهم . إن المنافقين أفراد ضعاف مهازيل , وليسوا جماعة متماسكة قوية متضامنة , على ما يبدو بينهم من تشابه في الطبيعة والخلق والسلوك . والتعبير القرآني الدقيق لا يغفل هذا المعنى في وصف هؤلاء وهؤلاء . . يعني الصاحبة المؤمنة اللي بمصاحبتي لها إن شاء الله أكون مثيلتها ...هتاخدي منها مزايا وماتعديش! وخطورة Like loves Like أننا يوم القيامة...هنبقى صنف من 2 ( فريق في الجنة وفريق في السعير) ونحشر للجنة أو النار على حسب الغالب علينا كما قال تعالى: "لِيَمِيزَ اللّهُ الْخَبِيثَ مِنَ الطَّيِّبِ وَيَجْعَلَ الْخَبِيثَ بَعْضَهُ عَلَىَ بَعْضٍ فَيَرْكُمَهُ جَمِيعاً فَيَجْعَلَهُ فِي جَهَنَّمَ أُوْلَـئِكَ هُمُ الْخَاسِرُونَ" أسأل الله أن ينجينا من النار ويجعل عاقبتنا الحسنى! طيب لو بتحبي حاجة حلوة لكن لا ترى نفسكِ مثيلتها؟ أبشري !..لعلكِ تكوني مثلها يوما ما...بس انتِ قاربي وسددي يعني كوني أقرب ما تكوني منها... زي ما بيقول المثل "من جاور السعيد يسعد" ولعلكِ تدخلي في قول الشافعي رحمه الله: أحب الصالحين ولست منهم لعلي أن أنال بهم شفاعة وأكره من تجارته المعاصي ولو كنا سواء في البضاعة فالحب تابع لحقيقة المحبوب! كما قال ابن القيم رحمه الله: "كن من أبناء الآخرة و لا تكن من أبناء الدنيا ، فالإبن يتبع أمه" تم تعديل 21 يوليو, 2009 بواسطة marble شارك هذه المشاركه رابط المشاركه شارك
محبة الأبرار 1 أرسلي تقرير عن المشاركة قامت بالمشاركة 21 يوليو, 2009 وعليكم السلام ورحمة الله وبركاته،، رآآآآآآآآآآئع أسلوب مشوق وجذاب بارك الله فيك ماربل = ) شارك هذه المشاركه رابط المشاركه شارك
**نور الإيمان** 0 أرسلي تقرير عن المشاركة قامت بالمشاركة 21 يوليو, 2009 السلام عليكم ورحمة الله وبركاته،، ما شاء الله على موضوعك الذي حقا هو لمن فهمه من الأهمية بمكان حيث أن الحكمة الأولى فتحت آفاقا في تفكيري أما الثانية فهي واقع نعايشه فكم من واحد فقد طريقه في ظل رفقاء السوء و موضوعك مس الواقع ما شاء الله عليك في إنتظار مقولات جديدة شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 22 يوليو, 2009 وعليكنّ السلام ورحمة الله وبركاته أختاي الكريمتان محبة الأبرار و **نور الإيمان** جزاكما الله خيرا على مروركما الكريم وكلماتكما الطيبة أحبكما في الله شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 3 أغسطس, 2009 الخاطرة دي منقولة عن أحد إخواننا الأطباء (3) السلام عليكــم ورحمـة الله وبركاتــه ،، في حاجة في الجسم اسمها عملة الطاقة ATP دي عملة الجسم بيستخدمها لما يبذل اي مجهود زاد او قل لكن اذا زاد المجهود بزيد استهلاك وحدات الطاقة دي وكلما قل وسهل المجهود قل استهلاك العملات دي المهم مثال بنحسه كلنا : طلوع السلم والنزول منه طلوع السلم دا شيء مجهد جدا لذا يحتاج لاستهلاك ATPs كتير عكس نزول السلم فعل سهل جدا ومقدار استهلاك وحدات الطاقة دي بتكون قليلة برده كذلك بحس ان لو واحد عايز يبقي حاجة كويسة في شأن سواء دنيويا او أخرويا ويكون قدره عالي لازم يستهلك جهد "ِATPs " ;كتير لو عايز يجيب تقدير في الكلية لازم يذاكر جامد ويجتهد أما لو مش في دماغه تقدير ولا حاجة دا امر سهل جدا ومش هيستهلك منه اي ATPs هو بس يقعد يلعب وينام وخلاص كذلك لو واحد عايز ترتقي درجاته في الفردوس الأعلي ربنا يرزقنا واياكم الفردوس الأعلي بغير سابقة حساب ولا عذاب آمين لذلك لابد من الاجتهاد في الطاعة والتقرب لله تعالي أما لو مش في دماغه فده يكفيه انه ينام ويعمل اللي بداله من معصية لله وما اسهلها في وقتنا دا بس دي نقطة ــــــــــــــــــــــــــ ممكن الموضوع دا يؤخذ من جهة اخري : ان طلوع السلم بيبقي عكس اتجاه الجاذبية علشان كدا بيبقي صعب والنزول منه بيبقي مع اتجاه الجاذبية علشان كدا بيبقي سهل فبحس ان الجاذبية دي بالنسبة للأنسان بمثابة " هواه " لو واحد بيعمل حاجة وهو في اتجاه جاذبيته "-اقصد هواه ومحابه - بيعملها سهل جدا ومش بيحس انه عمل مجهود أما لو بيعمل حاجة والحاجة دي في عكس اتجاه جاذبيته فالأمر هيبقي صعب اوي وربما ميعملهاش اصلا لصعوبتها علي نفسه وكل واحد له جاذبيته واحد بيحب معالي الأمور والطاعة وواحد بيحب سفاسف الأمور والمعاصي لذلك ياريت نخلي الجاذبية بتاعتنا في اتجاه الخير والطاعة لا في الاتجاه المعاكس وقد روي : " لايؤمن أحدكم حتي يكون هواه تبعا لما جئت به " فكل واحد برده يشوف جاذبيته لأي شيء ويخلي جاذبيته دايما في اتجاه مراضي الله عز وجل أسأل الله ان يرضي عني وعنكم وأعوذ بالله ان اذكركم به وأنساه آمين والحمد لله رب العالمين شارك هذه المشاركه رابط المشاركه شارك
أنين أمّة 19 أرسلي تقرير عن المشاركة قامت بالمشاركة 4 أغسطس, 2009 رآآئــع :) جزاكِ الله خيرًا ماربل ,, لا حرمكِ الله الأجر . شارك هذه المشاركه رابط المشاركه شارك
blue 2 eyes 3 أرسلي تقرير عن المشاركة قامت بالمشاركة 4 أغسطس, 2009 ما شاء الله راآئع بارك الله فيكِ لا حرمكِ ربي الاجر شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 6 أغسطس, 2009 جزاكِ الله خيرا حبيبتي أنين أمة على المرور يظهر أنكِ كتي بتذاكري كويس :smile: وجزاكِ الله خيرا حبيبتي blue 2 eyes على المرور الكريم والمتابعة شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 6 أغسطس, 2009 (4) تخيلوا لو واحد جاء ليريح ظهره على نجيلة جنينة فنام من غير ما ياخد باله على (مستوطنة نمل) !! أكيد طبعا هيفضل يتنطط ويخبط في جسمه من أكلان النمل طيب ايه اللي حسسه بقرص النملة أو مجرد مشية النملة عليه؟ السر في الخلية العصبية Neural Transmission انتقال الاشارات بين الخلايا العصبية في جسمنا..سبحان الله .. ملايين الخلايا العصبية هي اللي بتوصل الاحساس من الجلد لحد المخ .. والمخ هو اللي بيبعت إشارة لأعضاء جسمك أنها تنتفض وتتحرك عشان تتخلص من ألم القرصة فقرصة النملة دي عاملة زي إشارة كهربية بتعدي من الخلية العصبية لجارتها ثم لجارتها لحد ما توصل للمخ وإلا ما كانتش وصلت !! وكون أن كل خلية بتوصلها لجارتها فده معناها أن في * طرف مُرسِـــل * طرف مُستقبـِـل كذلك .. ده الحال في عملية افتتان رجل بامراة أو العكس ..عملية من طرفين: طرف مرسل : الفاتن أو الفاتنة طرف مستقبل : المفتون أو المفتونة و في العملية دي ليس المرسل بالضرورة "فاتنا كان أو فاتنة" هو المسئول عن حدوث الفتنة فقد يكون الخلل في الاستقبال و ده يحصل لو لم نجد أن الطرف المرسل قد أرسل شيئا "فوق المسموح به" زي مثلا بنت محترمة لابسة حجاب طويل وساتر.. فتعرض لها واحد وقعد يعاكسها هي ماعملتش حاجة ! المشكلة فيه هو .. هو اللي عنده خلل ومفتون لكن هي لازم تفكر برضو هل أنا فيّ حاجة أو عملت حاجة سببت فتنة لغيري وأنا مش واخدة بالي ؟! وكذلك العكس صحيح.. الطرف المستقبل مش هيستقبل رسالة إلا لو كان الطرف المرسل فعلا بعت رسالة فمينفعش يجي الطرف المرسل ويقول أنا ما بعتش حاجة هو اللي عمال يستقبل رسايل من الهوا مع نفسه! فاحذر أخي الكريم أن تكون سبب فتنة لإحدى الفتيات من حيث لا تدري! سواء بكلمة .. أو بإشارة .. أو بإبتسامة...أو حتى بكلمة ثناء ممكن ما تكونش قاصد تفتنها أو توقعها في شباكك لكن أنت لا تعلم حالها ولا ضعف قلبها و برضو الشباب اللي بيروحوا صالات الجيم مخصوووص عشان يبقى شكله كوول ومفتول العضلات ويعجب البنات أينعم رسالة الفتنة بتاعتك هتوصل بس هتوصل لبنت أنت نفسك هتستحقرها لما تعرف أنها على استعداد تسيبك عشان واحد شكله أحلى منك ! فأنت من قصيرها خلي شكلك حلو عشان نفسك وعشان أنت إنسان مسلم. وكذلك أنتِ أختي الحيية الطيبة تفقدي شكل حجابكِ عند خروجكِ من البيت تفقدي نبرة صوتكِ وانتقي كلماتكِ إذا "اضطررتي" لخطاب رجال حتى لو كان رجل كبير في السن !! أنتِ مش بتشوفي راجل في سن السبعين ولازالت عنده شهوة رغبة في الزواج؟؟ وأنتِ بالذات يزيد التأكيد عليكِ أكثر لأن النبي صلى الله عليه وسلم حذّر الرجال من فتنة النساء وحديث عن أن المرأة لو خرجت من بيتها متعطرة فهي زانية و شوفي حتى التشبيه...عشان يبشع المسألة عندك لأنها هتفتن كل رجل مرت عليه.. وفي أحاديث تانية بتؤكد أن المرأة إذا خرجت من بيتها استشرفها الشيطان وزيّنها في عيون الرجال معنى الحديث ده بالذات لو فهمتيه هتتخضي !! أن الشيطان يجي عند كل جزء من جسدك ويزينه في عين رجل أكيد احساس صعب جدا لما تتخيلي أنكِ ماشية (فتنة متنقلة) فأنتِ خذي بالأسباب واقطعي الارسال عن الشيطان وعن الرجل المفتون قال الله تعالى: "إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ" وقال سبحانه وتعالى: "قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ 30 وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ 31" شارك هذه المشاركه رابط المشاركه شارك
الزهرة الـح ـزينة 0 أرسلي تقرير عن المشاركة قامت بالمشاركة 6 أغسطس, 2009 وعليكم السلام ورحمة الله وبركاته،، جزاكِ الله خيراً ماربل الحبيبة ،، موضوع رآئِع وشيق ، نَفَعَ الله بكِ يا حبيبة : ) شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 7 أغسطس, 2009 أختي الكريمة الزهرة الـح ـزينة جزاكِ الله خيرا على مروركِ الكريم ودعواتكِ الطيبة أسألكم الدعاء بظهر الغيب بالقبول والسداد وخيري الدنيا والآخرة شارك هذه المشاركه رابط المشاركه شارك
أنين أمّة 19 أرسلي تقرير عن المشاركة قامت بالمشاركة 7 أغسطس, 2009 يظهر أنكِ كتي بتذاكري كويس ^____^ مش كويس قوي ^_____^ جميــلة جدًا الأخيرة .. جزاكِ الله خيرًا غاليتي أسأل الله أن يبارك بكِ ويزرقكِ من خيري الدنيا والآخرة ما تشتهي نفسكِ .. شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 7 أغسطس, 2009 (5) الخاطرة دي متعلقة إلى حد ما بالخاطرة السابقة بس هنقرب الصورة شوية هنقرب للreceptors المستقبلات احنا قلنا عشان الطرف المستقبل توصل له إشارة لازم يكون الطرف المرسل بعت الاشارة طيب فرضنا أن في خلل من أحد الطرفين? أكيد هيترتب عليه مشكلة هيعود ضررها على الطرفين وهنتكلم المرة دي على الجزء المستقبل وحالة ال supersensitivity of the receptor وهي حساسية الطرف المستقبل الشديدة لأي إشارة بسبب خلل في الجزء المرسل أنه مش بيبعت إشارات أنا عايزة نركز على حالة الحساسية الشديدة و الsupersensitivity اللي عايشها الطرف المستقبل و شراهته لأي agonist (أي داعي من الدواعي اللي بتغذي شراهته وتملأ فراغه) من الطرف المرسل (أيا كان هذا المرسل) كما قال الشاعر: أتاني هواها قبل أن أعرف الهوى *** فصادف قلبا خاليا فتمكنا زي أي ولد أو بنت عايشين حياة خالية من أي عواطف أو عندهم توتر و فقدان للحنان والاحتواء في حياتهم الأسرية أو فتاة أو شاب لسه في بداية فترة المراهقة...لسه قلبه خالي وفاضي أو واحدة تمر بظروف نفسية شديدة ونفسها تخرج من الظروف دي بأي شكل فأي لمسة اهتمام وأي agonist صغير هيوصل للمستقبل (ولد أو بنت) من الطرف المرسل (ولد أو بنت) هيقابله الطرف المستقبل بـ exaggarate action رد فعل مضاعف حتى لو كان الagonist ده ما يستاهلش كل ده حتى لو كان الagonist مسموم و ممكن يضره بس لشراهته لم يميز بين اللي يضره واللي ينفعه حتى لو كان الagonist مش راكب في ال receptor بس هو مجرد ما شاف حاجة لها نفس ال space diametry نفس شكله الفراغي من برة...فقبله. فنصيحة لأختنا وأخينا اللي عندهم المشكلة دي: اصبروا .. واحتسبوا .. واملأوا فراغ قلوبكم بحب الله وحده وحب ما أحبه الله مما أباحه الله من صور لاستفراغ هذه الطاقة وهذه الشراهة للحب. شارك هذه المشاركه رابط المشاركه شارك
ملاذ الفرح 292 أرسلي تقرير عن المشاركة قامت بالمشاركة 7 أغسطس, 2009 اختي ماربل ما اجمل هذه الخواطر والعبارات الجميلة وان شاء الله متابعة معك انا واحاول اشارك دمتِ بحفظ الرحمن شارك هذه المشاركه رابط المشاركه شارك
ملاذ الفرح 292 أرسلي تقرير عن المشاركة قامت بالمشاركة 7 أغسطس, 2009 بس عندي سؤال يا ماربل انتي في اي صف؟ مدرسة ولا كلية؟ شكلك شطورة هههههه شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 13 أغسطس, 2009 أختي الكريمة فرح العراقية جزاكِ الله خيرا على المرور ...و ربنا يبارك فيكِ أما عن دراستي :neutral: فأنا خريجة كلية صيدلة مش شطورة ولا حاجة ده على أدي :closedeyes: أنا بس كنت بأحب التدريس :sad: فبأطلعه عليكم هنا على هيئة خواطر :mellow: شارك هذه المشاركه رابط المشاركه شارك
