*بيت العيلة *أرجو من الجميع المشاركة

[*أم رقية* 473]

 

 

 

 

انا مش عاوزة اتجوز مع مامتك :dry:

 

وانا مش هعيش فى بيتكم :tongue:

 

لالاحماتى ولا كل الحموات عسل :closedeyes:

كله كويس بس البعيد حبيب :unsure:

 

كل دية حاجات بنسمعها مرارا وتكرارا لما عريس يتقدم ويقول انا هسكن فى بيت أبى

 

الا وهو

بيت العيلة

 

 

 

حبيباتى متزوجات وآنسات بجد عايزة كل واحدة تدخل تشارك عايزين نتكلم عن بيت العيلة سواء انت متزوجة وساكنة فى بيت أهل زوجك او عايشة مع حماتك فى منزلها أو بنوتة وبيتهم بيت عيلة

 

ياريت كل واحدة تكلمنا عن بيت العيلة من وجهة نظرها ايجابيات وسلبيات ومواقف لها مع بيت العيلة محبوبة ولا منطوية ولا عاملة مشاكل

 

ولى مش عايشين برضة يقولونا وجهة نظرهم

 

بجد عايزين نفيد ونستفيد

 

[ام_رقية 1]

ممممم

انا اول واحدة ارد :!:

 

انا اولا متزوجة بس مش عايشة فى بيت عيلة

انا بعيدة عن حماتى شوية

 

وكتيييييير جداااا بقوول كان نفسى نبقى عايشين فى بيت عيلة

بحس ان اللمة كده والعيشة مع بعضنا بتبقى حلوة

 

او مش عارفة ممكن بقول كده عشان انا بعيد

 

وخصوصا ان حماتى كمان عايشة لوحدها فكتيير بتصعب على

 

وطبعا فى سلبيات كتير فى بيت العييلة

منها من وجهة نظرى

ان الواحدة مش بتبقى براحتها فى الخروج خصوصا

بتلاقى اللى يسالك رايحة فين وجاية منين

طبعا مش كله بس اعتقد ده الغااالب

 

لكن انا بحب اللمة :grin:

 

مش عارفة ده اللى ف بالى دلوقتى

لى عودة ان شاء الله

[أم عمارة91 0]

[[font="Garamond"]size=4]بســم الله الـرحمــن الرحيــم

 

وعليكم السلام ورحمة الله وبركاته

 

أما بالنسبة لبيت العيلة فأنا أشوف ان من سلبياته هو عدم الخصوصية وخاصة اذا كانت عايشة في غرفة ما تاخذ راحتها في استعمال

 

الحمام ـ أكرمكن الله ـ والمطبخ وتبقى العيون عليها ما عملت ما طبخت ناضت متأخر راحت جت وووووو

 

يعني كثرت مشاكل وتكون المسؤلية على راسها والاكثر هو الخوف من المشاكل

 

هذا رأيي[/font]

تم تعديل 16 نوفمبر, 2009 بواسطة أم عمارة91

[المغربية 1 3]

:tongue:

:tongue:

:unsure:

 

احنا ما عشنا في بيت العيلة عشنا مع بابا وماما واخواتي في بيتنا لوحدنا وبس

وبيت العيلة بنروحلوا بس لما يكون في عيد او شيء طارئ وبس.

بس اختي لما تزوجت وسكنت فشقتها لوحدها

على طول هي وابناها عندنا في البيت

وكمان زوجها

ههههههههههههههههه

احتلالالال :biggrin: :biggrin:

[ام فاطمه 22 0]

بيت العيله جميل ولمه خصوصا وان كانت الحما ه تعرف ربنا وتتقيه

وان زوجه ابنها زي بنتها ---

انا متزوجه لكن حماتي بعيد عني بس فنفس الوقت

ههههههه متجوزاها هي كل الامر والناهي فحياتي

 

اما عن بيت العيله عند اهلي كل واحد براحته

ليه شقه خاصه بيهم ولكن بينزلو يساعدوني فشغل

البيت والاكل وبس وبيطلعو براحتهم وانا ولا ماما محدش ليه

دخلفاي حاجه اخواتي وزواجاتهم احرار

المهم ميكنشفي مشاكل بس

 

موضوع جمييييييييل

[أمّ عبد الله 2371]

وعليكم السلام ورحمة الله وبركاته،،

 

حيّاكِ الله أم رقية الحبيبة :) أسأل الله أن تكوني على أفضــل حال .

فعلًا مثلما ذكرت الأخوات آنفًا فالسكن مع أهل الزوج له سلبيات وإيجابيات ، أما عني فأفضل السكن المستقل لنقاط عدّة وفي حالة ما إذا كان الزوج هو الإبن الوحيد لوالديه وليس هناك من يرعاهم غيره فهنا طبعًا السكن معهم ضروري .

[*أم رقية* 473]

ممممم

انا اول واحدة ارد :tongue:

وانا سعيدة بدة ياقمر

 

انا اولا متزوجة بس مش عايشة فى بيت عيلة

انا بعيدة عن حماتى شوية

 

وكتيييييير جداااا بقوول كان نفسى نبقى عايشين فى بيت عيلة

بحس ان اللمة كده والعيشة مع بعضنا بتبقى حلوة

 

او مش عارفة ممكن بقول كده عشان انا بعيد

اللمة جميلة حبيبتى فعلا بس فى سلبيات كتير نعرفها فيما يلى إن شاء الله

 

وخصوصا ان حماتى كمان عايشة لوحدها فكتيير بتصعب على

بصراحة ليها حق تصعب عليك انا لا أحب أن تعبش الام بفردها شئ صعب

 

وطبعا فى سلبيات كتير فى بيت العييلة

منها من وجهة نظرى

ان الواحدة مش بتبقى براحتها فى الخروج خصوصا

بتلاقى اللى يسالك رايحة فين وجاية منين

طبعا مش كله بس اعتقد ده الغااالب

ههههه انت كل اللى همك خروج والله انت عسل

 

لكن انا بحب اللمة :grin:

 

مش عارفة ده اللى ف بالى دلوقتى

لى عودة ان شاء الله

 

منتظراك

[*أم رقية* 473]

[[font="Garamond"]size=4]بســم الله الـرحمــن الرحيــم

 

وعليكم السلام ورحمة الله وبركاته

 

أما بالنسبة لبيت العيلة فأنا أشوف ان من سلبياته هو عدم الخصوصية وخاصة اذا كانت عايشة في غرفة ما تاخذ راحتها في استعمال

 

الحمام ـ أكرمكن الله ـ والمطبخ وتبقى العيون عليها ما عملت ما طبخت ناضت متأخر راحت جت وووووو

 

يعني كثرت مشاكل وتكون المسؤلية على راسها والاكثر هو الخوف من المشاكل

 

هذا رأيي[/font]

 

رأى راجح بارك الله فيك تابعينا لنستفيد سويا بأذن الرحمن

[*أم رقية* 473]

:closedeyes:

:closedeyes:

:closedeyes:

 

احنا ما عشنا في بيت العيلة عشنا مع بابا وماما واخواتي في بيتنا لوحدنا وبس

وبيت العيلة بنروحلوا بس لما يكون في عيد او شيء طارئ وبس.

بس اختي لما تزوجت وسكنت فشقتها لوحدها

على طول هي وابناها عندنا في البيت

وكمان زوجها

ههههههههههههههههه

احتلالالال :tongue: :grin:

 

 

يا عسل انا كنت فكراكى متزوجة ومعاكى محمد كمان :unsure:

 

هههههههه بس اية رأيك فى الاحتلال لما بيكون زوج أختك موجود

 

واية رأيك لما تتزوجى بأذن الله توافقى تعيشى فى بيتك عيلة سواء مع حماتك فى الشقة او معها فى نفس العمارة

[*أم رقية* 473]

بيت العيله جميل ولمه خصوصا وان كانت الحما ه تعرف ربنا وتتقيه

وان زوجه ابنها زي بنتها ---

انا متزوجه لكن حماتي بعيد عني بس فنفس الوقت

ههههههه متجوزاها هي كل الامر والناهي فحياتي

 

اما عن بيت العيله عند اهلي كل واحد براحته

ليه شقه خاصه بيهم ولكن بينزلو يساعدوني فشغل

البيت والاكل وبس وبيطلعو براحتهم وانا ولا ماما محدش ليه

دخلفاي حاجه اخواتي وزواجاتهم احرار

المهم ميكنشفي مشاكل بس

 

موضوع جمييييييييل

 

 

الله يعينك حبيتى وربنا ميجبش مشاكل خالص

تابعينا

[*أم رقية* 473]

وعليكم السلام ورحمة الله وبركاته،،

 

حيّاكِ الله أم رقية الحبيبة :) أسأل الله أن تكوني على أفضــل حال .

فعلًا مثلما ذكرت الأخوات آنفًا فالسكن مع أهل الزوج له سلبيات وإيجابيات ، أما عني فأفضل السكن المستقل لنقاط عدّة وفي حالة ما إذا كان الزوج هو الإبن الوحيد لوالديه وليس هناك من يرعاهم غيره فهنا طبعًا السكن معهم ضروري .

 

حبيبتنا ومشرفتنا الغالية شرف لي أن تردى على موضعى

 

بفضل الله انا بخير وسألت عليكى أول ما جيت بس مردتيش عليا

 

رأى راجح بي عايزين نستفيد لو معندكيش مانع وتقولى اية هى النقاط

 

اسأل الله أن يرزقك الزوج الصالح عاجلا غير آجل

[*أم رقية* 473]

كدة يا أخوات 42 واحدة تقرأالموضوع و5 ردود فقط

 

انا كان نفسى نستفيد من الموضوع دة ويكون مرجع لاى أخت جايلها عريش او هتسكن فى بيت العيلة فتعرف الايجابيات وتعملها وتأخد بالها من السلبيات

 

ودة اساس الموضوع

 

وياريت اى اخت ترد تقول بأستفاضة يعنى لو حماتها تتقى الله مع ذكر الموقف او كان للزوج أخوة كيف تتعامل وهى تعبش معهم

 

هل حماتك تتحكم فيك وازاى وردك انت وزوجك بيكون ازاى

 

هل عند زوجك أخوات بنات وكيف علاقتك بيهم

 

كدة يعنى يارب الصورة تكون وضحت أكتر

[~إيمـــــان~ 9]

السلام عليكم ورحمة الله وبركاته،،

عن نفسي انا لسا آنسة وعمري 19 سنة

لكن عمري ما فكرت اني اتزوج في بيت عائلة ابدااااااااااااااااااااااااا

لأن دائماً بيكون فيه مشاكل ولو حرصنا

وكمان ليا صديقات عايشين في بيت عائلة بيعانوا من التمييز في المعاملة ومن المشكلات بين السلايف

بصراحة من وجهه نظري

على الاقل في مصر

فكرة بيت العائلة فكرة فاشلة واتحدى حد يكون عايش في بيت عائلة

ولم يمر بمشكلة بسبب الاقارب

[احساس جميل 6]

بارك الله فيكي ام رقيه فكره صائبه علي ارائنا تنفع المقبلات عل يالزواج ان يفكرن جيدات في مثل هذه الافكار المهمه

انا عن رأي

ان هذا الموضوه يحتاج رجل حازم فان وجد هذاالرجل الحزم الذي يستطيع ان يضع زوجته في مكانتها من غير افراط او تفريط

وان يسيطر علي ترفات العائله فمن احترامهم له يحترموا زوجته وكذلك العكس

دون ان يتهاون في حق اي من الاطراف

فلتجلس في البيت العائله

فان لم يوجد مثل هذا الرجل

فلا والف لا

لان الزوج الذي يستهين بزوجته او بحقها ويكون سلبي تذوق هي اشد المرار

انا لست متزوجه ولكني اطلعت علي مثل هذه المشاكل

[((ام معاذ)) 2]

السلام عليكم ورحمة الله وبركاته،،

بارك الله لك اخيتى و جزاك خيرا

 

 

انا لسه ماتزوجتش لكن بحشووف ان اكتر الناس شايفيين ان بيت العيله ده كابووووس

بس انا بشووف انه ممكن يبقى حاجه جمييييله جدا لو عرفنا نتعامل مع الوضوع بحكمه

يعنى مثلا

هايكوون احسن كتيييير لو انا قاعده فى عماره كلها قاريبى بس طبعا اكوون فى شقه لوحدى

على الاقل لو حصلى حاجه او محتاجه حاجه دايما هالاقى جمبى حد كفايه ان يبقى معاكى ونس

 

المشكله فى بيت العيله ان الناس مش بيحطوا حدوود يعنى مش معنى انى عايشه فى بيت عيله انهم لازم يعرفوا كل حاجه عن بيتى و كماان مش لازم نبقى مع بعض على طووول

 

الموضوع كله فى ايد الزوجه وزوجها و ان كان بعض او اغلب الناس بيشوفوا ان الافضل الاسقلال التام فهو اكييد افضل لكن ان حكمت الظرووف ولازم يحصل كده مينفعش ان دى تبقى عقبه فى حياة حد

 

و زى ماقالت اختى الكرييمه الرجل الحااازم له دور كبيير فى المسأله دى

 

و فى الاخر الموضوع لازم يكون الشرع هو المقياس عشان الدنيا تمشى صح

 

وفى كل الحلات اللى بيبقى فيها مشاكل بيكوون الاصل فى الاغلب الجهل بالاحكام الشرعيه سواء من الزوجات او الازواج او الحموات

 

اسفه عشان طولت عليكو

بس الموضووع ده بيشغلنى كتييييييييييييييييير جدا و ان شاء الله استفيد منكن

 

جزاكن الله خيرا

[سجدة55 18]

جيتي على الجرح يا اختي لا انصح اي واحدة تعيش في بيت العيلة عن تجربة لازالت قائمة بتبقي مقيدة الحرية ف كل حاجة و الواحده خرجت من بيت اهلها عشان يبقالها مملكتها الخاصة هي المسؤولة عنها و تخرج بقى منمسؤولية اهلها و تبقى مسؤولة عن بيتها و عيالها طبعا تجت مشؤولية الزوج لكن في بيت العيلة تجد ان اصغر واحد في البيت مسؤول عنها و يتحكم فيها و مقيده في كل شيئ ده غير المشاكل و التدخلات و التحكمات وووووووووووووووووووووووووووووووووووووووووووووووووووووووو حاجات كتير مش قادرة اعدها اصلي اكتئبت خالص من الموضوع ده بيفكرني بماساتي معلش قلبتها غم و عموما ده رايي عن تجربة

تقبلي مروري

[**حنونة** 0]

أختى في الله أمة رقية أشكرك إنك فتحتى موضوع مهم زى ده..أنا عضوة جديدة في المنتدى وفي غاية السعادة بانضمامى لمنتدى رائع زى منتداكم وقرأت مواضيع كتيرة كلها أحلي من بعض أنا متزوجة في بيت عيلة بس في شقة مستقلة منذ 6 أشهر..و كنت خايفة في الاول من كتر ماسمعت عن المشاكل الي بتحصل بس بصراحة كل توقعاتى كانت غلط ومهما قلت مش هقدر أوصف قد إيه هم ناس كويسين وبيعاملونى زى بنتهم وأكتر ..بس صدقونى في كتير ناس عايشين في بيت عيلة ومبسوطين وأكيد لو هم ناس كويسين هيعاملوكى أحسن ما بتعامليهم ومهما كانوا صعبين البنت عليها الاستحمال عشان حياتها تمشي من غير مشاكل .. وربنا يسعد الجميع :mrgreen:

[Guest om.omar]

السلام عليكــم ورحمـة الله وبركاتــة ،،جزاك الله خيرا ام رقيه انتى اتيتى على الجرح لكثيرات منا اما عن رايى فبيت العائله هو كارثه بكل المقاييس ويا حبذا لو ابتليت بسلفه غيوره او اخرى عصبيه وربما اخرى مستفذه لدرجه تخرجك عن شعورك ويا سلا م على زوج طيب او سلبى يحاول ارضاء اطراف النزاع على حسابك ويا شىء اخر ربما توعدين بحماه متطفله على ادق تفاصيل حياتكم او فارضه لرايها او مستبده لدرجه الغضب ان فكرت فى زياره اهلك واصطحبك زوجك اليهم وربما تشتعل الحرائق ان قضيت اليوم باكمله عندهم او فكرت بالمبيت :unsure: طبعا هذا ليس حال الجميع ولكن هذا هو الامر الغالب :smile:

[وماالصبر إلا بالله 0]

بيت العيلة لااااااااااااااااااااااااااااااااااا

هو ده السبب الاساسي في طلاقي بجد وخاصة لما يكون اهل الزوج فاكرين انهم عارفين ربنا

وبيعاملو مرات ابنهم علي انها جارية وانها لازم تخدم جوزها واهله واخواته

وطول ماانتي نايمه في شقتك تلاقي الجرس بيضرب وخبط وينادوا كل شويه

ده غير ان الزوج بيطلع من عندهم غير طبيعي بالمره

[** اللؤلؤة المكنونة ** 69]

وعليكم السلام ورحمة الله وبركاتة

 

بارك الله فيكِ أم رقية الحبيبة فموضوعك مهم جدا

 

ولا تكفينى صفحات المنتدى للتعبير عن رأيى فتحملونى :)

 

فمن رأيى الشخصى أن ما يحدد العلاقة بين الزوجين وأهله هو التدين

 

فإن كانوا أهل زوج يتعاملون بما يرضى الله ويخافون الله فى جميع تصرفاتهم

 

وإن كانت الزوجة أيضا تتقى الله وتخاف الله فى جميع تصرفاتها

 

إذن ما المانع من العيش سويا فى بيت العيلة فلربما يكونوا لها بمثابة الأسرة الحنونه

 

 

أما عن تجربتى الشخصية فأنا أعيش فى بيت العيلة وأحبه جدا

 

أنا كنت الزوجه الوحيده فى بيت العيلة وفى إنتظار زوجتان لأخوة زوجى لتكتمل العيلة

 

كنت دائمة الدعاء أن يرزقنى الله بزوجتين على دين وخلق وأن يكونوا عونا لى

 

والحمد لله كان ما أريد فأهم شىء التدين ومعاملة الناس بما يرضى الله

فأجعلى الدعاء صديق لكِ لا غنى عنه أبدأ فأهم شىء الدعاااااء

 

والزوجة لها أن تحدد حياتها كما تشاء بأن تجعل لبيتها وقت خاص ولا تجعل اليوم بأكمله فى تجمعات

 

 

لن أقول أن ليس هناك بعض من المواقف التى تغضبك

 

ولكن عليك أن تكونى ذو عقل راجح ولا تتركِ للشيطان مجال ليدخل حياتك فيخربها عليكِ

 

وكونى دائما عونا لزوجك على بر أهله فأنا عن نفسى كان زوجى يأتى من العمل أحيانا

 

فأساله هل سلمت على والديك قبل المجىء حتى يعلم أن لهم الأولوية فى حياتة

 

أعلم أن منكن من ستعترض ولكن إذا أعنتى زوجك على بر والديه سيفتح الله لكِ من الخير الكثير

 

فالرجل بعد الزواج بالتأكيد يتغير إما أن يكون بار بأهله أو عاق بأهله

 

وبالتأكيد هذا يرجع للزوجة حتى إن لم تشعر بأنها السبب فى ذلك

 

أما عن سلبيات بيت العيلة فأجدها قليلة بالنسبه لما فيها من الإيجابيات

 

سامحونى إن كنت أطلت عليكن ومع ذلك لم ينتهى كلامى !

 

 

 

 

[** اللؤلؤة المكنونة ** 69]

فكرة بيت العائلة فكرة فاشلة واتحدى حد يكون عايش في بيت عائلة

ولم يمر بمشكلة بسبب الاقارب

 

حول هذه النقطة أود أن أسأل سؤال

 

هل ستنجى من المشاكل العائلية ما دمتى تعيشى بعيده عن بيت العيلة ؟

 

لا يا حبيبات أينما كنتِ فلابد من مشاكل عائلية ولو بسيطة

 

لأن أختلاف سبل الحياة بينك وبين عائلة زوجك لربما تحدث خلاف ولو بسيط

 

وأواكد أن فكرة بيت العيلة ليست بفاشله أبدا على أن يكون لكِ شقتك الخاصة

 

ولكن عليكن من البداية أنتقاء زوج وأهل زوج على قدر كبير من التدين

 

بحيث يخافون الله فيكِ وفى معاملاتهم معك

 

[أمّ عبد الله 2371]

السلام عليكم ورحمة الله وبركاته،،

 

بوركتِ أم رقية الحبيبة ، وأعتذر جدًا لأنني لم أتلقى أي رسالة منكِ .

على فكرة الحمد لله تمّ عقد قراني قبل أربعة أشهر :)

 

نعود إلى الموضوع إن شاء الله .

 

سكن الزوجة في بيت أهل زوجها ... مشروع غير ناجح على المدى البعيد إلا مع الأفذاذ من النساء .

كثير من البيوت لازمتها مشاكل مزمنة بهذا السبب ، وسبّب قطع صلات الأرحام بين العائلتين

ولا نقول أنّ المشكال تنعدم لو كان للزوجة سكن مستقل ولكن تبقى أقل لو قمنا بالمقارنة والواقع يشهد بذلك .

لأن المرأة مهما كانت لا ترتاح إلا في بيتها .. لأنها في بيت أهل زوجها لا تستطيع القيام بما يحلو لها .. ولن تأخذ راحتها في الدخول والخروج من البيت مع زوجها وستكون نوعًا ما هي وزوجها تحت المراقبة .. وكذا لو كان البيت فيه إخوة الزوج فستجد بعض المشاكل في التجمل لزوجها وهذا أمر مؤكّد .

يمكن أن تصمد في البداية كم شهر .. ولكن سرعان ما ينهار هذا الصمود .

وبعض الحالات تحكمها ظروف عائلية .. مثل أن يكون الزوج وحيد الأم والأب وهم في حاجته فهنا على المرأة أن تتفهم الوضع .

[*أم رقية* 473]

لى عودة للرد بأذن الله تعالى

 

حبيبة قلبى نبوضة بارك الله لكما وبارك عليكما وجمع بينكما فى خير

 

اسعدنى هذا كثيرا

[أميمة المتفائلة 46]

وعليكم السلام ورحمة الله وبركاته،،

 

حيّاكِ الله أم رقية الحبيبة :) أسأل الله أن تكوني على أفضــل حال .

فعلًا مثلما ذكرت الأخوات آنفًا فالسكن مع أهل الزوج له سلبيات وإيجابيات ، أما عني فأفضل السكن المستقل لنقاط عدّة وفي حالة ما إذا كان الزوج هو الإبن الوحيد لوالديه وليس هناك من يرعاهم غيره فهنا طبعًا السكن معهم ضروري .

[أم يوسف حبيبي 0]

انا افضل السكن المستقل لان فيه خصوصية يعني تنامي براحتك تقومي براحتك كمان انا مع الرأى اللي بيقول البعيد حبيب