أرجوكم ساعدونى وخصوصا أم الصبر الجميل

[**حنين للجنة** 16]

حاضر ان شاء الله هاقوم دلوقتى وهاعمل كدا او حتى ممكن اخدة تحت الدوش براحة

بس اصلة والله بيصعب عليا لما بيعيط وخصوصا لما يبقى تعبان وكمان بخاف ان حرارتة تزيد من العياط الجامد

 

بس ربنا يسهلهالى وهاقوم دلوقتى اديلوة دوش\

 

وفعلا الدكتور كان كاتب اللبوس قبل ما محمد يجيلة الاسهال دة

 

طيب السيتال شراب ينفع ؟؟؟؟؟؟؟؟؟؟؟؟؟؟؟؟؟

[** أم الصبر الجميل ** 98]

السلام عليكــم ورحمـة الله وبركاتــة ،،

 

حبيبتى حطيلو الأكل وافرشى تحته ملايه كبيره قديمه وحتيه فى كرسيه على الملايه دي يبعتر عليها

 

وبعدين يا ستى فداه أي حاجه بس ياكل وربنا يشفيه ويعافيه يا رب .وخلي بالك حاولي تعطيه جزر مسلوق وبطاطس مسلوقه علشان الإسهال

 

وبلاش المقليه دلوقتى علشان فيها زيت .وبعدين شربه لسان عصفور من غير سمن .

[ام عمر ومريم 3]

معلش حبيبتى ام حسان يبقى ده اكيد دور برد هو اللى عمل فيه كده اسهال وسخونيه معلش حبيبتى اصبرى عليه وبعدين انتى بتقولى لازم يتعود على الاكل لوحده من دلوقتى هو لسه صغير حبيبتى انا عمر 3 سنين وباكله انا لان لما بياكل لوحده بياكل اى كلام مش بيشبع لكن لما بقعد معاه بياكل وبيشبع حتى بيبان عليه

معلش اعطيه دواء لاسهال عشان الاسهال يقف اعطيه دوا شراب احنا هنا مبيحبذوش التحميلات لان ممكن مع الوقت لقدر الله بيعمل حاجات مش كويسه فى المكان هو بياخد التحميبله عند اللزوم لانها سريعه وبعدين هو عنده اسهال فمن الصعب انك تعطيه تحميله اعطيه شراب احسن ومتقلقيش ان شاء الله مع العلاج الحراره هتنزل وهيبقى كويس ان شاء الله بس متضغطيش عليه فى الاكل براحه خالص لان هو يعنى مش مستحمل انتى غصب عنك هتبقى متعصبه لانك تعبانه انتى كمان وعايزاه ياكل بس معلش استحملى لان الدور ده انا مجرباه كتير وربنا يسهل وياكل

[ام الاشبال 3]

بصى افرشى مفرش كبيير او ملاية قديمة فى اوضته وخليه يعك براحته

 

واخر اليوم نضفيها

[ام عمر ومريم 3]

السيتال حبيبتى للحرارة مش لللاسهال لو عرفتى تعطيه تحميله اعطيه وان شاء الله الاسهال هيقطع ويبقى كويس باذن الله

[** أم الصبر الجميل ** 98]

السلام عليكــم ورحمـة الله وبركاتــة ،،

 

أيوة السيتال الشراب ينفع إعطهوله أربع مرات برده .

 

وحاولي تعطى مضاد حيوى كشىء وقائى علشان ميدخلش منك لقدر الله فى إلتهاب صدره .

 

وهو علشان ضعيف بس فشوية بكتيريا مش قادر يتحملهم .لكن إن شاء الله هيبقى زي الفل بإذن الله .

 

ودايما طمنينا عليه حبيبتى وعلى الجديد علشان نقدر نفيدك .

[**حنين للجنة** 16]

جزاكم الله خيرا على اهتمامكم وردكم عليا أم عمر ومريم وام الصبر الجميل وام الاشبال وام عبد الله وحيد ربنا يجعلها فى ميزان حسناتكم

 

انا كلمت الدكتور بتاع محمد وقالى زى ما الدكتورة ام الصبر الجميل قالتلى بلاش اللبوس وخليها شراب واديلوة محلول جفاف

 

وانا مابضغطش عليه فى الاكل خااااااااااااااااالص دة عموما لانى موش من النوع اللى يحب ان الطفل ياكل بالضرب والعياط

 

ربنا يحفظ اولادنا ويفتح نفسهم

انا والله موش عارفة اقولكم اية على اهتمامكم الزائد بيا وبمحمد ربنا يجزيكم خير الجزاء ويجعلة فى ميزان حسناتكم

[**حنين للجنة** 16]

اية تحميلة دى معلش ما اعرفهاش؟؟؟؟؟؟؟؟؟؟؟؟؟

[** أم الصبر الجميل ** 98]

السلام عليكــم ورحمـة الله وبركاتــة ،،

 

ربنا يعافيه يا رب ويقر عينك بشفائه إن شاء الله

 

وحاولي محلول الجفاف بيتاخد بمقدار معين

 

بدوبي كيس فى كوب شاي فارغ كوبايا فاضيه بس اللي بتشربي فيها شاي

 

وحاولي تعطيه بمعلقه علشان ميشربش كتير مره واحده فتزودي نسبة الأملاح بشكل مفاجىء يعنى كل 5 دقايق معلقه

 

وده مش كويس ولما يحس بالعطش حاولي تسقيه المحلول بالطريقه اللي قلتلك عليها .

 

والسوائل التانيه مهمه جدا عصير الليمون شوربه من غير دهون ينسون دافى ومايه كتير مع المحلول .

 

وتحميلة قصدها اللبوس

[موده واخاء 417]

صدقينى انا ابنى بيسخن كتير جدا والسيتا ولا بيعمل حاجه البروفين بيهدي ولادى اوى جربى جميل

 

وانا احبك ايضا

[**حنين للجنة** 16]

جزاكى الله خيرا انا عارفة المحلول بيتاخد ازاى لان محمد بطبعتة عندة اسهال حتى الحديد اللى بياخدة بيعملة اسهال ودة طبعا غريب

بس اول مرة اعرف سبب انة لازم يتاخد معلقة كل شوية علشان موضوع الاملاح دة

 

ربنا يجازيكى خيرا تعبتك اووووووووووووى معايا

[** اللؤلؤة المكنونة ** 69]

السلام عليكــم ورحمـة الله وبركاتــة ،،

 

شفى الله أبنكِ يا غالية وحفظه من كل شر

 

بالنسبه لتأخره فى التسنين فأعتقد يحتاج لكالسيوم ليساعده ويقوى جسمه

 

والسيتال ممتاز بس المشكله أننا محتاجين علاج بجانب السيتال لازم نعالج الإلتهاب

 

أتصلى بالدكتور ليحدد لكِ أى نوع من المضادات الحيوية تصلح مع طفلك

[**حنين للجنة** 16]

انا عندى بروفين وسيتال انا عندى صيدلية فى البيت الحمد لله

بس زى ما بقولك البروفين قالوا انة غلط لو لا قدر الله طلع الموضوع فيه انفلونزا خنازير لكن اصلا انا عموما بستعملة

 

جزاكى الله خيرا لاهتمامك

[**حنين للجنة** 16]

جزاكى الله خيرا حبيبتى اللؤلؤة المكنونة على ردك

 

الدكتور قالى بلاش مضاد دلوقتى استنى لبكرة

وبالنسبة للتسنين هو غالبا نقص كالسيوم لانة مابيشربش لبن خااااااااالص

ربنا يهدية ويفتح نفسة على الاكل ويشفية ويشفى جميع مرضى المسلمين

[طالبه رضا الله 8]

ربنا يشفيلك ابنك يارب ويحفظه من كل سوء

 

كان نفسى افيدك فى اى شىء لكن اختك للاسف ما تعرف شىء

 

والاخوات ما قصروا الله يبارك فيهم

 

ولاتقلقى حبيبتى ان شاء الله يكون باحسن حال

[**حنين للجنة** 16]

جزاكى الله خيرا حبيبتى طالبة رضا الله

 

وفعلا الاخوات جزاهم الله خيرا ما قصروا

 

بس المشكلة اللى عندى دلوقتى محمد نام الساعة واحدة ونص بعد الظهر يعنى هو اصلا مانمش من امبارح ولسة لحد دلوقتى ماصحيش خايفة اصحية علشان ياكل او يشرب اى حاجة بس يفضل يعيط ويقريف وموش العارفة النوم احسن ليه ولا انى اصحية وموش عارفة كدا هايصحى امتى وينام تانى امتى ؟؟

 

الله المستعان

 

ياريت لو حد عنده رد دلوقتى يقولى اعمل اية اقوم اصحية ولا اسيبة نايم؟؟؟

[ام عمر ومريم 3]

السلام عليكم ورحمةالله وبركاته

 

ام محمد محمد عامل ايه حبيبتى دلوقتى طمنينى عليه

[**حنين للجنة** 16]

نايم وموش عارفة اصحية علشان ياكل ولا اسيبة نايم وموش عارفة لو سبتة نايم هايفضل نايم لامتى؟؟؟؟ هو نايم من الصبح

 

ممكن تقوليلى يا حبيبتى اعمل اية؟؟؟؟؟؟؟؟

[ام عمر ومريم 3]

انتى اعطيتيه ايه حبيبتى قبل ماينام يعنى العلاج اللى اعطيتهوله ايه

 

وبعدين صحيه حبيبتى وفوقيه اغسلى وشه بميه وصحيه ياكل ويشرب ليكون هبطان من الاسهال ياحبيبتى حاولى تصحيه حرام كتير النوم ده حتى لو منمش من امبارح صحيه ياكل ويشرب حاجه تفوقه لان زى ماانتى بتقولى عنده انيميا

وربنا يشفيه ياااارب

[**حنين للجنة** 16]

جزاكى الله خيرا يا حبيبتى هو صحى الحمد لله وهاحاول أأكلة ربنا يهدية ويفتح نفسة انا ادتلة قبل ما ينام سيتال شراب

[ام عمر ومريم 3]

جزاكى الله خيرا يا حبيبتى هو صحى الحمد لله وهاحاول أأكلة ربنا يهدية ويفتح نفسة انا ادتلة قبل ما ينام سيتال شراب

 

 

الحمد لله حبيبتى ربنا يشفيه يااارب وتفرحى بيه ان شاء الله ابقى طمنينا عليه حبيبتى

ربنا يحفظه يااارب من كل سوء

[**حنين للجنة** 16]

الحمد لله يا حبيبتى الحرارة خفت شوية بس هو مقريف جامد جداااااااااااااااا جايز ان شاء الله يكون بيسنن ولا حاجة دعوتكم معايا يا غاليات

[نوفا* 10]

السلام عليكــم ورحمـة الله وبركاتــة ،،

 

ازيك يا ام محمد وازاى محمد دلوقتى يا رب يكون بخير

[ام عمر ومريم 3]

حبيبتى ام محمد هيه ممكن تكون فعلا الاسنان هيه اللى عامله فيه كده هاتى من الصيدليه مرهم قرنفل وادهنى بيه اللثه بتاعت محمد وان شاء الله هيسكن اللثه ومش هيحس بطلوعهم ابدا انا كنت بستعمله مع عمر ومريم وهو جميل جدا بيسكن الم الاسنان وان شاء الله هتعدى كل الاطفال كده وربنا يخليه

[موده واخاء 417]

طمنينى ياغاليه على ابنك؟