انا تعبانه اووووى عايزه اعرف انا صح ولا لا

[**المحتسبه** 233]

لا مبيحبنيش همهم الشغال تنازلي عن حقي

 

 

السلام عليكــم ورحمـة الله وبركاتــة ،،

 

أم فاطمه محاوله أخيره معه تحدثى إليه هو وقولى له إنكِ تودين سكن وموده ورحمه وننسى مامضى وهذا كله من الشيطان

 

وتودين أن بيتك يكون هادئ ويكون هو المسؤول عن بيته وإبنته وأسراربيتكم بينكم فقط ولاأحد يتدخل بينكم وذكريه بإبنته التى بحاجه أن تتربى بين أمها وأبيها وبهذا تكونى فعلتيِ ماعليكِ ولم تُقصرى فى حق إبنتك وعلى أساس رده إتصرفى أسأل الله أن يصلح لكِ جميع أحوالك ويهديكِ إلى الصواب إستخيرى ولاتملى الدعاء

[ام فاطمه 22 0]

جزاكم الله خيرا لنصائحكم الغاليه بل والمسانده

ومشاركتكم كلها بتدور فعقلي وربنا عالم بكده

 

انا يااخت منال منتقبه من سنتين وده مش امر

من زوجي لا انا حباه والحمد لله انعم الله عليا بلبسه

وثانيا انا فتقرب لله والحمد لله واتمنا المزيد

 

انا فعلا يجماعه نيتي الرجوع وتوكلت عالله

وفوضت امري الي الله وهو سيتولي امري

 

هقولكم حاجه حصلت وانا فانتظار رد زوجي عليا

 

واحكمم انتم

 

انا لاقيت تليفون البيت ببضرب المتصل زوج صديقتي

وهو معروف عندنا المهم اتصل باخويا وقاله هل

اختك ام فاطمه اتصلت بحماتها وشتمت فشخصين ( رجاله)

ربنا عالم ان محصلش ولا بحب اشتم ولا جبت سيره حد

كل همي هل ترضاها علبنتها فقط لاغير

وجوزي بكل هدوء اللي يدوس عليا ادوس عليه

طب بنتك فين اخرجيها من حسباتنا اوديها فين بالله عليكم

 

المهم اخوياكلمني وسئلني وسمع الشخصين دول بودنهم

انا اتصلت وقولت وعرفو ان صادقه

 

ايه طب لي يكدبو ويوقعو لي هما عاوزززين اي

مش عوزين فاطمه مش عوزيني اعملهم ايه

انا خلاص سلمت امري لله

وبسسس

لان عملت كل شيء تتوقعوة

مفيش امل همه الشاغل

اتنازل ورافض انه يديني اي امان لي انه مش هيغدر

ولاحول ولاقوة الا بالله

اخته واصحابها بيلمو فحاجاتي وهيسلموها يوم السبت

وحسبنا الله ونعم الوكيل

جزاكم الله خير علمشاركتكم ودعائكم

وربنا يبارك فيكم

[ام فاطمه 22 0]

يجماعه خلاص ربنا اراد وقدر الله ومشاء فعل

لان دعيت اللهم تولي امري

 

عمه راح للمحامي انهارده

وطلب معادوساعه

يوم السبت الساعه9

هيسلمونا العفش

وحسبنا الله ونعم الوكيل

ادعولي ربنا يهون عليااا وعلي امي

[ام عمر ومريم 3]

لا حول والا قوة الا بالله حبيبتى ام فاطمة الله معكى حيببتى يااارب

ويصبرك ويصلح لكى الاحوال يااارب

وياعالم لسه يااام فاطمة قدامك ليوم السبت ولا يعلم الغيب الا الله يمكن من يوم وليله تتعدل الامور

كل يوم هو فى شان يمكن ربنا يهديه يااارب وترجعى تانى

بس هى الامور صعبة فعلا بالنسبة ليكى وللبنت الواحد بيستحمل عشان خاطر الاولاد والله والبيوت كلها مشاكل

بس الواحدة بتصبر وتحتسب ماهيه دى الحياة الدنيا فمعلش اصبرى واحتسبى وان شاء الله ربنا يقدر ليكى الخير قلبى معكى غاليتى وسلامى لطماطم

تم تعديل 13 يناير, 2010 بواسطة ام عمر ومريم

[رحيق العفه 2]

حسبنا الله ونعم الوكيل

 

يارب يكتبلك الخير ياام فاطمه اللهم امين ويفرح قلبك

 

متزعليش على ناس ميستاهلوش

 

اللهم فك كربك وهمك وقويكى يارب وعديهالك على خير اللهم امييييييييييين

[د مشمش 0]

اسال الله ان يعوضك خير

 

كلامك موصلي احساسك الاحساس بالظلم والقهر فظيع منهم لله

 

انت شكلك بنت حلال وطيبة وربنا يعوضك خير

[أم طفطف 1]

سلام عليكم ورحمة الله وبركاته

 

إختي في الله أم فاطمه،،أسأل الله العظيم أن يبدلك خـــيـــرا منه

واعلمي أن هذا هو الخير لكي لأن الله سبحانه وتعالى يعلم أنكي لن تقدري

أن تصبري على هذه الحيــاة الصعبه وكوني على يقين أن الله معكــ وسيعوضك خيـــر

لكن حبيبتي استعيني بالله وهو حسبك ونعم الوكيل والزمي الإستغفار

لعل الله يرزقك بزوج أفضل منه ويقدرك .

وسيعوضك الله خيـــــر وكوني على يقين من ذلك ،،والله سيكون عند ظنك بإذن الله

 

اللهم فرج كربك ويبدلك ماهو خيــــــرا منه...

[ام(عمير) 5]

أسأل الله أن يصلح حالك واحوالكى ويقدر لكى الخير حيث كان

 

حبيبتى أكثرى من قول لا اله الا انت سبحانك انى كنت من الظالمين فان قلتيها بصدق سيفرج الله عنكى كربتك

 

وانصحك بسماع شريط للشيخ ابراهيم الدويش اسمه يا سامعا لكل شكوى شريط رائع جدا ولا امل ابدا من سماعة اسمعية وسترتاحى ان شاء الله

 

وان كان قدرك هو الطلاق فلا تحزنى وتشعرى ان حياتك قد انتهت لا اجعلى همك اكبر من ذلك وتذكرى لماذا خلقنا الله لعبادتة والانشغال به فقط وان نتخذ كل السبل للتقرب منه فتوكلى على الله فى كل امورك واجعلى همك هو رضى الرحمن عليكى واشغلى نفسك بحفظ الكتاب وتعلم امور دينك لكى تفلحى ان شاء الله فى دنياكى واخرتك..

 

وان شاء الله ادعو لكى

[ام فاطمه 22 0]

جزاكم الله خيرا ولدعواتكم

الحمد لله قدر الله ومشاءفعل

وربنا يرزقكم بالمثل من صلاح الحال

الحمد لله برغم ده مبسوطه لان حفظت 26ايه من

سوره البقره وده ااول حفظ لي

وتسميع بكره ان شاء الله في تحفيظ الزهراوين

 

هعمل اي مش باايدي حاجه

صليت الاستخاره ودعواتي انه يتولي امري

اللهم تولي امري وراضيه بما تقسمه

مش هيكون شر ابداا

بس اللي بيحصلي صعب وغصب عني بفكر

وغصب عني بقول لي

الحمد لله نفسي بس اكون قويه فاليوم ده

ونبهت لاامي تتماسك نفسها ومتعيطش

وحسبنا الله ونعم الوكيل

[ام مريم ويحيى 136]

الخت الحبيبة ام فاطمة

ربنا يصبرك وان شاء الله ربنا يعوضك الاحسن فقط قولى

اللهم اجرنى فى مصيبتى واخلفنى خيرا منها

وان شاء الله ربنا هيعوضك خيرا

اصبرى واحتسبى

طمنينا عليكى دايما وعلى طمطم

بارك الله فيك

[أمة الله أم حمزة 2]

يا حبيبة قلبي ربنا يعينك ويعوض عليكِ خيراً بإذن الرحمن

 

إصبري واحتسبي وربنا يجعل ما تلاقينه في ميزان حسناتكِ يا غالية

 

سبحان الله وأنا أقرأ قصتك كأني أقرأ قصة صديقة لي ربنا يصبرها

 

وهاقولك حصلها إيه علشان تقولي الحمدلله نحن في فضل ونعمة

 

نفس اللي حصلك يا حبيبة قلبي حصلها لكن هيه لما راحت تشوف حاجتها والعفش لقيتهم مكسرين كل حاجتها وما طلعتش حتى بهدمة من هدومها اللي كانت جايباها

 

وهيه لا حول ولا قوة إلا بالله فقيرة جداً يا عيني والله يعني الهدوم اللي بتلبسها في بيت أبوها كانت منتظرة تروح بيتها وترمي الهدوم القديمة في الزبالة والله أنا أقول لكِ الصدق

وعارفة ما قاعدتش في بيتها لما اتجوزت 20 يوم على بعض يعني طلعت من بيتها وهيه لسة عروسة

وكان ليها نفس مشكلتك بالظبط وسبحان ربي عظيم رزقت بولد وطلقت والحمد لله لكنها طلعت من غير أي حاجة

 

أسأل الله أن يرزقها وإياكي الصبر والاحتساب ويرزقكما الخير حيث كان

اللهم آمين

 

بوسيلي بطوط القمر دي من خدودها ... ما شاء الله عليها

[ام فاطمه 22 0]

جزاكم الله خيراا

الحمد لله انا اهلي بيصرفو علينا وزعلانين

جداا لان عندنا بنات ناس برضه بس ربنا عالم

بنعاملهم ازاي

 

الحمد لله

بنتي احلي معامله والله احلي مكان ابوها بيعاملها

كل اللي تعبني ان حسيت ان في ناس بترمي لحمها كده

حسبناا لله ونعم الوكيل

[انوار القلوب 1]

السلام عليكــم ورحمـة الله وبركاتــة ،،

ام فاطمة حبيبتى

معلشى اصبرى ياقلبى ربنا يصلح لكى الحال يارب العالمين

وانا معاكى ربنا يقدر لكى الخير حيثما كان وربنا يحفظ طمطم يارب العالمين

ويقر عينك بيها وتبقى احسن مما تتوقعى يارب العالمين

تم تعديل 13 يناير, 2010 بواسطة انوار القلوب

[حبيبة الراضية 1]

السلام عليكــم ورحمـة الله وبركاتــة ،،

أترت في كتيرا يا أم فاطمة و أدمعتي عيناي

لا أعرف ما أقوله لك سوى

أن تقولي حسبي الله و نعم الوكيل

الله أجرني في مصيبتي و اخلفلي خيرا منها

[همتى صلاح امتى 13]

ربنا يفك كربك

ويبدل همك وحزنك

فرح وسرور

حبيبتى طبعا شيخونا الاعزاء مشغولين

ولما التلفون بتفتح الف واح وواحدة

اقولك استخيرى الله

والجاى الية

او اتصلى ببرنامج الفتاوى

بس افضل ان تتجهى الى الله فهو على

كل شيئ قدير

[توتى سمسم 8]

حبيبتى ام فاطمة

ربنا يصبرك واعلمى انه اكيد خير ربنا دايما بيعمل الخير لينا واحان بنعرف بعدين ونقول ياه فعلا

لو علتم الغيب لاخترتم الواقع اختى كانت كتب كتابها بعد اسبوع وخطيبها فشكل بدون اى سبب والحمدلله النهاردة لما تزوجت وابى توفى عرفنا قد ايه كان خير انه سابها الحمدلله زوجها اخ لثلاث بنات اخواتها الحمدلله وحاجات كتيرة اوى فى حياتنا بنزعل عليها اوى لكن بعد فترة بنعرف قد ايه ربنا كريم ووقف معانا وكرمنا ان محصلش اللى كنا عايزينة لانه لو كان حصل مكنش حالنا بقى للافضل باختيار ربنا لينا

انتى ماشاء الله عليكى تعبتى واتنازلتى كتير اوى حقيقى انا مقدرش اعمل زيك ربنا يكرمك يارب بأفضل ما فى الدنيا

المهم يوم السبت لازم تدخلى وتطنينى عليكى ياحبيبتى الله معك

حسبى الله ونعم الوكيل

[ام فاطمه 22 0]

الله يخليكم ااه مند يوم امي من دلوقت عنيها وارمه من العياط

ونا بقطع في العياط شويه كده وشويه كده

 

هتقوللو عليا اي انا بتناساه وبفكروبضحك عادي

هعمل ايي ربنا يقويني

 

اه ان شاء الله ان اراد لي دخول هدخل

واطمنكم

بس والله محتريين انا وامي هنحط مراتبي وحجاتي

فين ربنا يسهل

ربنا يفرج همي وهم كل مهمومه زيي

وربنا يخليكم لي انا بتفائل بدعواتكم والله

[منال المصرى 6]

والله يا ام فاطمة ما شاء الله عليكِ

ربنا يفرج كربك ..ويرزقك الصبر

وانا للان مش فاقدة الامل

ولعل ربنا أراد ان لا تتنازلي وانهم يروا انكم جادين وبايعين فيخافوا (لعل وعسى)

 

لان يا ام فاطمة هم عرفوا انكم شاريين فبيضغطوا(نفس اللى حصل في القصة اللى حكيتهالك )

لان الام دى مشترية جدا واهلها ناس طيبين جدا جدا )

 

وللان هي تتنازل لكن والله ربنا بيكرمها غصب عنهم ولسة اكيد فى الايام المقبلة كل خير

 

انتى ايضا يا ام فاطمة ايامك القادمة بها كل خير

اسأل الله ان يربط على فؤادك ويقويكِ

[*أم رقية* 473]

السلام عليكــم ورحمـة الله وبركاتــة ،،

يا حبيبتى يا ام فاطمةاسأل الله ان يجعل لك الخير فى كل شئ

 

ولعلة خير حبيبتى

 

حق3يق

[*أم رقية* 473]

السلام عليكم ورحمة الله وبركاته،،

 

حبيبتى يا ام فاطمة اسأل الله ان يجعل امرك كله خير وان يهدى زوجك واهلة

 

لا استطيع ان اكتب لك الا ان تمسكى واحتسبى ولعلة خير فمن توكل على الله فهو حسبة

[أمة الله أم حمزة 2]

اللهم آمين

 

أسأل الله ان يرزقك كل خير إن شاء الله

 

واسألي الله الثبات حين ذلك الموقف يا حبيبتي وربنا يصبرك ويصبر والدتكِ يا رب

انتو باين عليكو ناس طيبين فعلاً وإن شاء الله ربنا سيعوض عليكم خيراً سواء في هذا الموضوع أو في غيره

ربنا يعينك حبيبتي

ابقي طمنينا عليكي بعد ذلك اليوم يا حبيبة قلبي

وبوسيلي طماطم

[ام فاطمه 22 0]

ان شاء الله يااخوتي

وجزاكم الله بالمثل ان شاء الله

روحو فصفحه تسميعي فحفظ الزهراوين

عاوزة احلي تشجييع

[أمة الله أم حمزة 2]

عاملة إيه يا أم فاطمة

عملتي إيه امبارح

ربنا يعوضك خيراً يا حبيبة قلبي

[توتى سمسم 8]

حببتى ام فاطمة اين انتى طمنينى عليكى

[ام فاطمه 22 0]

شكراليكم يجماعه والله يوم الجمعه اللي

كان السبت فيه التسليم لاقينا رجاله بتحل المشاكل تدخلو(شسوفو ازاي لسه فكريين) قبل

الجلسه بساعات المهم جم وجه خاله معاهم وعاوزيني ارجع طب كنتو فين 9شهور دول

المهم سئلوني ترجعي قلت اهه ارجع بشروط لان اتهنت واضربت واتبهدلت من جوزي

وامه واخواته

 

قالولي هو كمان عاوز يرجع

المهم اهل جوزي طبعا يجماعه جوزي ورقه بيضاااء يتكتب فيها

ملوش مخ يقول اه ولا لالالا امه صاحبه القرار

 

عاوزني امضي وصل امانه طبعا الرجاله اعترضوو علكده

وجم عاوزني ارجع بدون اي شروط ولا ضمنات

طب ازاي انا خيفه يفضحني فراجل او يمضيني علورق

وسبحان الله بقه اللي كان بيشتمني من اسبوع وهدوسعليكي

وطلعي فاطمه من حسبتنا فرحان ومظبط نفسه وبيرتب البيت

واتسوق وجاب حاجه حلوة لينا يسلالالام كل ده كان فين؟.

 

المهم لم لاقيت الرجاله طلبو رجوعي كده قلت لالا

اضمنوة لي اولالالا ومعلش مشبالكلام لازم جوزي يتقرص

فشيء عشان يعرف يتعامل معايا ازاي تاني

 

جوزي رافض يدفع نفقه ولا يدفع صلح مع محامي

ورافض قيمه جديده رافض كل حاجه

 

اهلي حزنم والله كفايه تقليل بقه واهانه لينا

ترجعي ازاي انا يجماعه صليت وقلبي اتقبض

وعرفت الرجاله ان مشهرجع معاهم

وال حماتي هتيجي تخدني واخواته بما فيهم المحامييه اللي مبهدلاني

(مبنحبش خراب البيوت يعموو)

سبحان الله شيء يدعو للشك والله

 

رفضت الرجوع نهائي لان زوجي مش متمسك بينا

امه قالتله هترجع فرح وظقطط

امه قالتله زينب مش هترجع قال فداهيه؟

 

عادي متفرقش معاه همه ان خشبه هيروح عليه وهيدفع مليم

ده بجد اللي حارقهم دلوقت مش خراب البيوت

وطلب التصالح واتاجلت القضيه ومعاد التسليم ليوم 7/2 الجاي

باذن الله ياااااااه

يوم الجمعه اللي فاتت امي منهاره من العياط وخالاتي حزناننين جداا

وبيعيطو ونا عماله ابصلهم في ايييي والله ؟ زعلانين علي وبنتي ونصيبنا

اللي مشفناش بجد زييه فالدنيا

 

واهو لم بيقرب ربنا يستر بقه ويعديه علخييييييير

 

ادعولي والله كنت عاوزة ارجع

لكن احس انه حابب بجد يرجعنا ويعيش

ويشترينا لكن مجرد ان امه تقله رجع

ومتدفعش وهو ولالا هو هنا امه واخته رائيهم يمشي

ده ينفع ده؟