تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[daughterofislam89 10]

السلام عليكــم ورحمـة الله وبركاتــة ،،

 

حياكن الله اخواتى

كما ابلغتكن من قبل ان كلية التجارة ببورسعيد فى اول امتحان لها لسنة اولى يوم الاربعاء الماضى رفضت جلوس الطالبات بالنقاب ولكنها سمحت بالكمامات

ولم يكن هناك امتحانات بعدها الا اليوم

لم اعلم احد فى اللجنة الصباحية من الساعة 10 الى 12 لسنة اولى

لكن فى اللجنة المسائية من الساعة1 الى 3 لسنة تالتة

تم طرد صديقتى الانتيم بعد مرور ساعة من الوقت طلب منها العميد ارتداء كمامة او طردها ورفضت الكمامة وتم طردها وباقى المنتقبات فضلن الجلوس بالكمامة وطبعا ورقتها هتروح القمامة ويعتبرها غايبة

وتم طرد المراقبة الخاصة بلجنتها لانها منتقبة ومراقبة فى لجنة اخرى مجاورة

واخبرت العميد بالقرار قالها انا ماليش دعوة بالصحافة والتليفزيون انا مجاليش حاجة رسمى

حسبى الله ونعم الوكيل يحرقوا دمها وهيا حامل وتعبانة

ربنا يثبتها يارب ويثبت حملها الدكتور محذرها من النرفزة والعصبية

زوجها اخدها دلوقتى وهتروح النيابة العامة عشان تثبت حالة بس للاسف هيا الصبح ممضتش المراقبين علموا صح بايدهم هم لكن فى واحدة شافتها قلتلها تثبت ده فى المحضر واسماء الدكاترة الاخرين اللى حاولوا يخلوها تلبس كمامة وتشهد ان فى مراقبتين اطردوا لان فى كشوفات تكليف طبعا للمراقبين بيمضوا فيها فدول ممكن يشهدوا معاها انها حضرت لما النيابة تحقق

ربنا ييسرلها الحال

 

فى كلية هندسة طلبوا منهم يرفعوا من اول اللجنة خالص واللى مرضيوش مشوهم نفس الحال

حسبى الله ونعم الوكيل

 

انا لسة امتحانى بكرة

بس طبعا هيحصل نفس الشيء الا ان يحدث الله امرا

فارجو من كل الاخوات اللى كانوا على علاقة بالاستاذ نزار يوقولا نعمل ايه بالظبط

انا بقول هصمم انى امضى بايدى ان شاء الله

ولو حصل سواء اخدت ورقة الاجابة اولا هقولهم مش همشى هتقولى البوليس يخرجنى عشان اثبت حالة واعمل محضر جوة الجامعة واقولهم البوليس مش الحرس

وفى اخوات ان شاء الله هيبقوا معايا

ادعولنا ربنا ييسرلنا

حسبى الله ونعم الوكيل

امى هيجرالها حاجة ادعولها بالله عليكم ربنا يثبتها ويربط على قلبها

وانا من ساعة مكلمتنى من ساعة ونص مش عارفة اتلم على اعصابى واذاكر

حسبى الله ونعم الوكيل

لنا الله

بس ارجو من الاخوات مساعدتى

[~*أم جويرية*~ 71]

السلام عليكــم ورحمـة الله وبركاتــة ،،

 

 

حسبي الله ونعم الوكيل

 

ما هذا؟ ما الذي يحدث؟ مازالوا على تعنتهم؟ لا يريدون ان يستسلمى لأمر الله بعد؟ ولا حتى أمر المحكمة؟

 

يعني ماذا يريدون؟ طبعا يشعرون أنهم إنهزموا ولا يريدوا ان يسلموا من أول جولة!

 

حبيباتي ولماذا لم يكن معكن صورة من حكم المحكمة كما طلب منكن؟!!!!!!!!!!! :(

 

أظن أن هذا قد يحرك الموضوع لصالحكن!

 

أوصيكن بالثبات ونعم لا تستسلمي وإذا حدث معك هذا أظهري حكم المحكمة واطلبي النيابة ولا تخرجي! فهذا حقق

 

ةلا تستسلمن فانتن على الحق ومدعمون من الله ثم من حكم المحكمة

["عابرة سبيل" 0]

حبيبتي فطومة الغالية أسأل الله أن ييسر لكِ أموركِ و يكفيكِ شرهم و يربط على قلب أمكِ

 

والله لن يضيعكِ الله أبدا يا فاطمة ثقِ في الله و كوني على يقين ان الله سيرزقكِ الخير

[ابنة الاسلام1 0]

السلام عليكم ورحمة الله وبركاته،،

لا حول ولا قوة إلا بالله

يابنات

نستمر فى الدعاء يا بنات

ربنا هو اللى هينصرنا مش القرار

أسأل الله أن يسرلك أمر الامتحان يارب

[أمة الله أم حمزة 2]

أسأل الله لكن العون والثبات

ولكل مبتلى في دينه

اللهم آمين

[النسائم الندية 0]

أسأل الله أن يطبقوا عندكم الحكم من الغد

علفكرة أختى امتحنت يوم الخميس فى أداب اسماعيلية بالنقاب بلطجة

كل ما حد يقولها حاجة تنفضله

بس هما المراقبين كانوا طيبين معاهم

اهم حاجة عليكى بالدعاء بجد اليوم لو تقدرى تقومى اليل تدعى قومى

وانتى رايحة الامتحان قولى اللهم أكفيينهم بما شئت وبجد ثقى بنصر الله

وأسأل الله أن يثبت أمك وأن يربط على قلبها وأن يقر عينها بدخولك الامتحان بالنقاب

 

اطبعى الحكم وخديه معاكى وقوللهم إنه يتم تطبيق الحكم بدون اعلان

 

حسبنا الله ونعم الوكيل

تم تعديل 23 يناير, 2010 بواسطة النسائم الندية

[يقظة فكري amtelazez 6]

ا

لسلام عليكم ورحمه الله

 

أختي فاطمه أنا أيضا من بورسعيد وانهارده كان عندي امتحان وفي اول اللجنه المعديين مقدروش يتكلموا بعدلما قالوا القرار

 

لكن العميده بتاعت الكليه كانت بتلف علي اللجانوقالت لواحده انتي منزله النقاب ليه قالتلها علشان احنا كسبنا النقض والموضوع انتهي

 

قالتها لأ القرار ده في القاهره بس وارفعي النقاب

 

وحسبي الله ونعم الوكيل اسال الله ان يقضي علي كل من يحارب النقاب وان يحاربهم كما يحاربون شرعه

 

أمييييييييين ماعدت ادعو لهم بالهدايه ليس قنوطا بل غيظا منهم

 

اللهم اشفي غيظ قلوبنا فيهم أميييييييييين

 

أختي حسبك الله اثبتي

تم تعديل 23 يناير, 2010 بواسطة ღأم معـ ومعوذ ـاذღ

[دعاء بنت مصر 8]

ربنا ييسرلك الامور انتي وكل المنتقبات

 

والله زعلتيني :(

 

انا كمان بكره عندي امتحان

 

بصي انتي ممكن تعملي حاجه علشان لو لا قدر الله منعوا انك تدخلي بالنقاب ومشيتي تثبتي انك حضرتي

 

ممكن تسجلي الكلام بالموبايل :closedeyes:

 

علشان ده ممكن اثبات تقدري تقدميه للقسم

 

هي طبعا فكره بتاعت المخابرات والكلام من ده وتاثر بالافلام الاجنبي :wacko:

 

بس والله بتكلم بجد

 

انا كنت ناويه لو حاجه كده حصلت معايا كنت هعمل كده

 

وطبعا معاكي القرار بتاع المحكمه

 

ولو حد قالك ان مفيش قرار رسمي جالنا بكده

 

قوللهم ان اصلا مكنش في قرار رسمي جه انكم تمنعوا المنتقبات من الامتحان

 

وطبعا كلنا عرفنا الموضوع ده قريب

 

وياريت صاحبتك فعلا تحاول تثبت الواقعه علشان العميد ده وامثاله ياخدوا عقابهم :icon15:

 

وربنا ييسرلك ان شاء الله

 

وانتي معاكي الحق

 

وان شاء الله ندعي لبعض كلنا

ونسائم كمان عندها امتحان معايا بكره ان شاء الله

[daughterofislam89 10]

ادعو يا حبيبات لاخواتنا فى الله عندهم لجنة الساعة 10 سنة تانية تجارة

وكلية تربية 4 عندهم لجنة الساعة 10

وانا اللساعة 1

ادعولنا بجد الواحد اعصابه بايظة ومتوتر من امبارح جدا

ربنا ييسر لنا الخير باذن الله الفرج قادم

 

حبيبتى ام معاذ ومعوذ اهلا بيكى حبيبتى البورسعيدية زادوا واحدة بقينا تقريبا 8 فى المنتدى :)

بهزر ع الصبح ولا كأن عندى امتحان معلش

تقريبا انتى كلية تربية طالما قلتى العميدة تبقى امال العرباوى صح

لسة كنت بكلم اخت فى 4 من عندكوا امبارح وقالتلى ان فى بنت فى 4 اسمها اية واختها مش عارفة فى سنة كام رفعوا القضية على فكرة دول البنتين الوحيديت فى بورسعيد اللى رفعوا قضية لو كنت اعرفهم كنت رفعت معاهم

المهم هي الوحيدة اللى كانت بتمتحن بالنقاب بلطجة وتقولهم معايا حكم

بس اخر لجنة يوم الخميس تقريبا مرضتش تخليها تنزل والبنت تنحت وبلطجت وقالتلها هعملك محضر فى النيابة وكدة سابتها تمتحن بس قالتلها البسى كمامة فوق النقاب

انتى قسم ايه وسنة كام

 

دعاء اوعى تعملى كدة وتسجلى هتجيبى لنفسك مصيبة لان التسجيل ده ممكن يبقى قضية تانية عشان لو عايزة تسجلى لحد لازم يبقى معاكى اذن نيابة

والله فكرت فى كدة بس افتكرت ان مرة بابا زمان قالى مينفعش تسجلى من غير اذن نيابة مهما كان حتى لو رايحة تدفعى رشوة والراجل هياخدها منك مثلا لازم اذن نيابة

[يقظة فكري amtelazez 6]

السلام عليكــم ورحمـة الله وبركاتــة ،،

 

كيف الحال يافاطمه ؟

 

إستعيني بالله ان شاء الله خير ...

 

لأ أنا في تربيه توعيه العميد بتعنا واحده ست

 

حسبي الله ونعم الوكيل ربنا ينتقم منهم والله

 

بس علي فكره انا واحده صحبتي في حاسب الي اول لما دخلوا المعهد وكان اول يوم وزعوا

 

القرار علي اصحابهم كلهم ودخلوا للعميد وكلموه قالهم مليش دعوه وانا مش مقتنع باللي انتو

 

ا جيبينوا قالولوه ازاي وكلام كتييير

 

المهم لما دخلوا الللجنه مرفعوش النقاب ومر عليهم ومقلهومش حاجه وبعدين في واحده

 

ست مرت بعده قالتلهم يعني انتوا قاعدين في وش الحيطه وبرده مش عايززين ترفعوا النقاب

 

قالولها مش هينفع ام المشرف قالها سبيهم دول علي ضمنتي

 

ويبحان الله كملوا الإمتحان كده

 

لكن في لجنه تانيه واحده صحبتي كانت معاهم الصبح عند العميد بس المشرف

 

هو اللي كلمها قالتله مش هرفع وروحت

 

حسبي الله ونعم الوكييييييييل

 

إصبري يافاطمه وان شاء الله لنا مخرج

 

 

 

 

[نور الاسلام 2 8]

ربنا يوفقك

منذ أمس وانا ادعو لك ِ

[حبيبه الحارث 0]

السلام عليكم اختى الفضيله مايسعنى الا ان اقول حسبى الله ونعم الوكيل

["عابرة سبيل" 0]

طمنينا يا فاطمة عملتي ايه ؟

[daughterofislam89 10]

:(

إنا لله وإنا إليه راجعون

لقد تم طردى من الامتحان بعد 10 دقايق لرفضى رفع النقاب

وعملت مشكلة كبيرة ومرضتش اسلم ورقة الاجاةب

لانى كلمت امبارح استاذ نزار عشان يرفعلى قضية وكلمته النهاردة فى عز المشكلة بردو راجل محترم اوى ربنا يجزيه عنى خير

وفى الاخر عملولى محضر شغب لامتناعى عن تسليم الورقة وكتبوا انى سلمت الورقة بعدما صممت على التوقيع بايدى فى ورقة الحضور والانصراف 3/4 ساعة والله بتخانق علشان يفهموا انى مش هرفع ومش هلبس كمامة ومش هسلم ورقة الاجابة الا لما امضى

وطلعت مع 3 اصحابى اللى اطردت امبارح و2 النهاردة بس دول مقدروش يثبتوا انهم حاضرين لانهم مزعقوش واعتبروهم غياب وطلعنا على النيابة العامة مع والدى وازواجهم جاءوا لنا ورجعنا على قسم الشرطة لان اخدنا تاشيرة من رئيس النيابة العامة بفتح المحضر عشان ميستهبلوش

المهم بكرة الصبح نروح عشان نشوف ايه اللى حصل هنتعرض على النيابة بكرة ولا امتى

وفى صورة اتبعتت النهاردة من المحضر للكلية عشان يحققوا هم كمان

نائب المأمور فى القسم بيستهبل فاكرنا هبل بعد نص المحضر بيقولنا وقفوا المحضر ده مش اختصاصنا لان دى حصلت جوة حرس الجامعة المفروض حرس الجامعة اللى يحقق

بابا قالوا ازاى يعنى ده خصم ليا بياخد اوامره من عميد الكلية والموضوع اتطور وقالوا هنكلم مدير الامن نشوف مين اللى يكمل المحضر والموضوع كبر اوى ومدير الامن قال نكمل المحضر وفضلنا فى الفيلم ده من الساعة 2 الى الساعة 6

ونزلت الساعة 8 تانى عشان اشوف هنتعرض النهاردة ولا بكرة على النيابة

فهنروح الصبح نسال فى القسم

وعميد الكلية بقى تحدى شبه شخصى بينى وبينه والكلية اتقلبت جامد لان دى حاجة اول مرة تحصل هنا

وهما كانوا فاكرين انى بهدد بس وفى الاخر هقلع النقاب لقوا الموضوع بجد معايا

وبكلم محامى والموضوع كبير

واحنا عميدنا شخصية زبالة اصلا

حسبى الله ونعم الوكيل

وخرجنا انا والبنات وبقية الدفعة بيعيطوا بالدموع وحاسين بالقهر بس مجبرين من قبل اهاليهم بالجلوس فى الامتحان

واتعاملوا معاملة زى الزفت

انا قبل اللجنة قلتلهم محدش منكوا يحتك معاه خالص سيبونى منه ليه عشان لو خرجت ميقرفكوش مفيش واحدة منكوا تتدخل طالما الكلام موجه ليا انا واسماء على اساس اننا لجنة واحدة وهنمشى سوا

بس النهاردة عملوا كمان حاجة زيادة مكانتش امبار فى الكلية وفرقونا عشان منبقاش مع بعض لان الاقسام القليلة العدد كنا كلنا فى مكان مع بعض حوالى 20 منتقبة فى لجنتين تلاتة كلنا جنب بعض

فرقونا توزيعة غريبة فى خيمة غريبة مكانتش موجودة امبارح

حسبى الله ونعم الوكيل

وطول مانا بزعق معاه جوة اللجنة النبات عمالين يدعوا عليه ربنا ينصرنى عليه ويحصله حاجة يبقى ايه لغير

والله فرج ربنا قريب

بس مش هسكت عن حقى بواخد بالاسباب

وحصل كلام كتير فى وسط الزعيق مش لازم اعرضه دلوقتى لانى بجد بيتحرق دمى

اسال الله ان يجعل هذا فى ميزان حسناتنا

 

ام معاذ انتى قسم ايه وسنة كام؟

[بريق الهدى 5]

السلام عليكم ورحمة الله وبركاته،،

 

فاطمة حبيبتي

 

اسال الله ان يخلفكِ في مصيبتكِ خيرا

 

ومن ترك شيئا لله عوضه الله خيرا منها

 

اعلمي بتركك للامتحان عشان رضى ربنا

 

مش هيتركك ابداااااااااااا ولا هيضيعك

 

ربنا ييسرلك الحال يا حبيبتي

[daughterofislam89 10]

الحمدلله على كل شيء حبيبتى بريق الهدى

["عابرة سبيل" 0]

السلام عليكم ورحمة الله وبركاته،،

 

فاطمة حبيبتي

 

اسال الله ان يخلفكِ في مصيبتكِ خيرا

 

ومن ترك شيئا لله عوضه الله خيرا منها

 

اعلمي بتركك للامتحان عشان رضى ربنا

 

مش هيتركك ابداااااااااااا ولا هيضيعك

 

ربنا ييسرلك الحال يا حبيبتي

 

ان شاء الله خيرا يا فاطمة

 

حسبي الله و نعم الوكيل أسأل الله أن يعوضك خيرا و أسأله سبحانه أن ينصر الاسلام و يعز المسلمين انه ولي ذلك و القادر عليه

[دعاء بنت مصر 8]

حبيبتي فاطمه

 

ربنا هيخلفك خيرا من الامتحان ان شاء الله عاجلا غير اجل

 

واستاذ نزار قال اننا هنستنا 8 ايام ونرفع عليهم قضيه جنح

 

بس للاسف هنكون خلصنا الامتحانات

 

اهم حاجه بس نثبت اننا حضرنا الامتحان وانهم مشونا زي ماانتي عملتي

 

لعل المحضر اللي عملوه ده خير ليكي علشان تثبتي انك حضرتي وهما رفضوا يقعدوكي بالنقاب

 

ان شاء الله خييييييييييييييير

 

وفرج ربنا قريب اوووووووووووي

 

"احسب الناس ان يقولوا ءامنا وهم لا يفتون *ولقد فتنا الذين من قبلهم فليعلمن الله الذين صدقوا وليعلمن الكاذبين *

 

اللهم اجعلنا من الذين صدقوا ماعاهدوا الله عليه

 

ربنا يثبتكم ويثبتنا على الحق ويردنا اليه غير مفتونين

[daughterofislam89 10]

عبورة ودود ربنا يكرمك يارب ويعوضكم خير باذن الهل ويثبتكم

اللى عند ربنا مبيضيعش ان شاء الله

[يقظة فكري amtelazez 6]

السلام عليكــم ورحمـة الله وبركاتــة ،،

 

لاحول ولاقوه الا بالله العلي العظييم

 

حسبي الله ونعم الوكيل ربنا ينتقم منهم كلهم ومن كل اللي يمنع النقاب والمنتقبات وياخدهم ربي

 

اخذ عزيز مقتدر من اول واحد افتي ان النقاب عاده وليس عباده الي اقل عميد كليه يمنع

 

المنتقبات والوزيز معاهم

 

اميييييييييييييين اللهم ارنا فيهم يوما اسودا اللهم اشفي غيظ قلوبنا فيهم يارب

 

الحمد لله يافاطمه علي كل حال واحمدي ربنا ان ابيك معاكي لأن في اخوات تانيه البيت من جنب والكليه من جنب تاني فاحمدي ربنا وان شاء الله لن يضيعكي ربي

 

انتي كليه ايه يافاطمه؟

 

انا 3حاسب الي

 

 

 

[daughterofislam89 10]

انا كلية تجارة سنة 4

انتى كلية حاسب الى ولا تربية نوعية قسم حاسب الى؟

[daughterofislam89 10]

لو تحبى ترفعى القضية معنا بلغينى

لان استاذ نزار قالى النقطة اللى معجبتوش فى القاهرة ان البنات مش عارفين بعض

قالى المفروض كلكم اخوات فى الله تبقوا على علاقة مع بعض وتقدروا توصلوا لبعض بسهولة

عموما شوفى لو تحبى تبقى معانا فى القضية

عشان لو كدة يرفع للكل مع بعض ومفيش حد يبقى حكمه متاخر عن الباقيين

او لو حد من اصحابك كمان

[يقظة فكري amtelazez 6]

تربية نوعية قسم حاسب الى

[daughterofislam89 10]

اها اعرف ناس عندكوا خلصوا السنة اللى فاتت واعرف ناس فى دفعتك 4 السنة دى

وعندكو معيدة سمر سمير صاحبتى وجارتى

[يقظة فكري amtelazez 6]

اه سمر بنت دكتور سمير اه اعرفها

 

انا في3 مش 4

 

فاطمه انتي تعرفي اسماء شعير ويمنه