زوجى يخيرنى يااتعلم من سلفتى اللى بيحبه يا اروح اعد عند امى.اعمل ايه ؟؟؟؟

[الزهره الجميله 0]

اختى امه الله ام حمزه

 

اشكر لكى مؤزاتك لى ياغاليه جداااااااااااا

 

وعندى ليكى سؤال انتى بكده متجوزه من اد ايه وياترا انصلح الحال بعد كل تلك الخناقات ؟؟؟؟؟؟؟؟؟

 

والله اشكركم جزيلالالالالالالالالالالالالالالالالالا

[ام حلا 6]

بصراحة انا ما بلاقي فيها و لاشي انا وزوجي عندنا مشكلة في الشاي المهم تعلمته من اخواته

و بعد سنين عدنا في اجازة للبلد و لاقيته بيقول ايه من زمان ما شربت شاي مثلها روحي اتعلمي

فجاوبته بكل برودة عادي اتعلم بس لو ما عجبك اعملها ببنفسك و خلاص

و هو مش مشكلة معه الشاي بس بالنسبة للفكرة مع اهله روحي و اقعدي و ريحي راسك من المشاكل مع زوجك

و الستات مهما تكلموا عادي و لا يهمك

هيك هيك بدهم يحكوا

[ام الاشبال 3]

السلام عليكــم ورحمـة الله وبركاتــة ،،

هاه

 

ايه الاخبار يا زهورة

 

بصى انا عاوزاكى تطاوعى زوجك لانه طلبه لا فيه شئ عيب ولا حرام

بسسسس

 

وحطى تحتها ميت خط

 

متجيش على نفسك لان ده بيبقا ضغط عليكى من غير ما تحسى وهتلاقى نفسك مرة انفجرتى من اقل حوار بينكم

 

 

يعنى ماشاء الله ربنا يبارك فى اخواتنا الحبيبات ونصيحه الوضوء والصلاة والدعاء بان ربنا ينصرك من غير ماتذلى نفسك

 

 

فاهمانى يا زهورة

 

يعنى طاعة الزوج فى غير معصية دى هتاخدى ثوابها باذن الله و يكون برضاااااكى وبنفس راضية

 

طمنينى عليكى

[ام الاشبال 3]

زهورة شايفاكى منورة

 

 

اخبارك ايه

 

وبنوتك اسمها ايه مقولتليش

[أمة الله أم حمزة 2]

حبيبتي الزهرة الجميلة

 

بالنسبة لسؤالك

الحمد لله الأحوال دلوقتي أحسن بكتيييييييييييير ولله الفضل والمنة

أنا بقالي متزوجة ثلاث سنوات تقريباً

بس طبعاً كل المشاكل دي كانت في أول سنتين والسنة الثالثة اللي لسة ما كملتش دي المشاكل قلت شوية

لأني كنت في الأول زي كده حاسة إني أنا صح واللي باعمله حلو بس هوه اللي مش عاوز يقتنع

لكن بعد كده بدأت أكبر دماغي واعمل اللي هوه عاوزه حتى لو مش عاجبني باعمل لنفسي أكل على الطريقة اللي أنا متعودة بيها ساعات قليلة زي ما ذكرت الأخت توتي سمسم

وقعد كده أخدت على طريقة الأكل اللي هوه بيحبها

بصي يا زهورة

لو بتحبي زوجك

وعندك صدق في إنك عاوزة ترضيه

حاجات كتييييييييير هاتتغير في حياتك

بس انتي ماتنسيش .... الدعاء ... الدعاء ... .الدعاء ...........وكثرة الاستغفار

خصوصاً لما يكون فيه مشكلة بينكم ماتسيبيش الاستغفار من لسانك بنية إن ربنا يصلح الحال

وفي وقت صفا بينكم اتفقي معاه إنكم لما يحدث بينكم مشكلة ما نتركش الاستغفار من لسانا هانلاقي المشاكل اتحلت بأمر الله وانتو الاثنين مرضيين... وكله بعون الله والصدق والإخلاص.

ربنا يوفقكِ لما يحب ويرضى يا حبيبتي.

وماتنسيش أهم حاجة إنه يحس إنك دائماً عاوزة تريحيه ومش عاوزاه يكون زعلان ولو حصلت أي حاجة زعلته فهميه إنك ما كنتيش تقصدي تزعليه ولو اللي حصل زعلك يا حبيبي حقك عليا وانا ليا مين غيرك أحبه يكون راضي ..... والكلام اللي انتي عارفاه ده يا زهورة.

وتذكري

قوة المرأة

في ضعفها

[أم طفطف 1]

سلام عليكم ورحمة الله وبركاته

 

كيف حالك يا أختي

 

ماتزعليش نفسك اوى كده،، خدي الأمور ببساطه عشان صحتك ما تتعبش

 

بجد كتر الزعل يجيبلك الضغط،،

 

بصى حاولى تضحكي على زوجك طبعا يعنى ضحك بالكلام

 

يعنى مثلا هو بيقوللك روحى عند أهلى واتعلمي،، وهو بيقوللك كده عشان يشوفك اصلا عايزه تروحى تقعدى عند

اهله ولا لا؟ وهل هتستحملى القعده هناك ولا لا

 

انتى بقى خليكى زكيه

يعنى يقوللك عايزك تروحى عند أهلي، قوليله بس كده؟ حاضر من عنيا ياسلاااااام انا نفسى اروح فعلا اشوف طنط(والدته يعنى) وفعلا نفسى اقعد معاها

 

وكده وروحى واقعدى شويه وبعدين تقوليله مثلا فى التليفون ياه أد ايه نفسى اقعد معاك وكلام كده يعنى

وطبعا تقوليله انا مبسوطه اوى من القعده هنا وحتى لو ماكنتيش مبسوطه خالص قوليله كده

 

وقوليله بس نفسى كده اقعد معاك عشان وحشتنى وكده

 

وادعي ربنا كتيـــــر وبإذن الله ربنا يفرج همك ويجعل لكى مخرج

[توتى سمسم 8]

عاملة ايه دلوقتى حبيبتى واخبار زوجك ايه وروحتى لحماتك ولا لسه ؟

[وأشرقت السماء 1565]

معلش يا حبيبة قلبى تحملى واصبرى وحاولى معه مرارا وتكرارا وإن ساء الله يتحسن معك ولابد أن يحدث مثل هذا بين كل الأزواج فى البداية ولكن بمرور الوقت يزداد الحب بينهم صدقينى لأنكم لسة بتتعرفوا على طباع بعض ومش عيب أبدا إنك تسألى زوجة أخوه ولو بطريق غير مباشر وشوفيها مثلا وهى بتطبخ وقوليلها عايزة أشوف أنا بعملة زيك ولا لأ وحاولى تصاحبيها يمكن تفيدك بنصائح تسعدك فى حياتك متعمليش بينك وبينها أى حساسيات وخدى كل الأمور ببساطة وضحك وحاولى تتعلمى كل حاجة حلوة منها ويكون هدفك الأساسى هو إسعاد زوجك ولما يشوفك بتتنازلى عشان ترضيه هتكبرى فى نظرة أكتر وحاولى تجذبيه لكى بكل الطرق حتى يتمنى هو أن تجلسى معه طوال الوقت ولا تغيبى عن نظره أبدا وحاولى الإقتراب أكثر من أهله ودايما اذكريهم بالخير أمامه. حتى لو حصل مشكلة بينكم لا قدر الله هما أول من هيدافع عنك صدقينى

وأسأل الله العظيم رب العرش العظيم أن يهديه لكى ويهديكى له ويجمع بينكما دائما فى خير وأن يبارك لكما ويرزقكما الذريه الصالحة

 

[أمة الله أم حمزة 2]

عاملة إيه يا زهرة

طمنينا عليكي يا جميلة

أسأل الله أن يصلح حالك ويهدي سرك ويهدي زوجك وأزواج المسلمين أجمعين ... اللهم آمين

[**نحو غدٍ أفضل** 15]

السلام عليكم ورحمة الله وبركاته،،

 

 

حبيبتى أنا شايفة إنك مكبره الموضوع شويه

 

إيه المشكة لما تروحى عند أمه و تسمعى كلامه

 

كل الرجالة كدا مبيحبوش غير أكل أمهم

 

أنا شخصياً لسة متجوزتش بس خطيبى اتفق معايا أول ما نتجوز اتعلم الأكل من مامته

 

مع إنى بعرف أطبخ الحمدلله و أكل عندنا كتير و الحمدلله عجبه الأكل

 

بس أنا قولتله أنا موافقة اتعلم أى حاجة مش مشكله خالص

 

و أنا شايفة إن دا ممكن يقوى علاقتك بأمه و سلفتك و تكونو أخوات

 

جربى أهى بردوا طاعة للزوج و أبوه محرم ليكى

 

و تذكرى قول السيدة عائشة رضى الله عنها فيما معناه

 

(( لو استطعتى أن تخرجى مقلتك تزيناً لزوجك افعلى ))

 

بالتوفيق إن شاء الله

[**المحتسبه** 233]

السلام عليكــم ورحمـة الله وبركاتــة ،،

 

حبيبتى الزهره الجميله جملك ربي بالطاعه كلما هممت أن أدخل لموضوعك لا أجد ما أضيفه لأقوال الأخوات بارك الله فى الجميع أصبري حبيبتى على زوجك وعلى طبائعه لعلك تفوزي بأجر الصابرين ويمكن أن تذهبي إلى بيت والدته لأني أشعر من كلامك أن وضعك معها طبيعي ولايوجد مايمنعك من أن تحددي يوماً في الأسبوع أو يومين وتذهبي لها ومن الممكن أن تحتكي بهم وتتعلمي مايود منكِ أن تتعلميه دون المصارحه بهذا

 

والله أعلم أنه من الممكن أن يكون طعامك أفضل ولكن هناك من الأزواج من يبحث عن سبب ليقول أن أمه لا يُعلى عليها في كل شئ

 

والله قد رأيت بعيني من ينهر زوجته لأنها تقوم بتنيسق الطعام بطريقه رآئعه لأن أمه لم تفعل هذا ويقول لها أنتِ تفعلي هذا علشان تبيني أن أمي أكلها مش حلو لاأعلم مادخل هذا في ذاك ..هدا الله زوجك حبيبتي وعليكِ بالدعاء والإستغفار ليلاً ونهار أسال الله لكِ وبنات المسلمين السعاده وراحة البال ..

تم تعديل 31 يناير, 2010 بواسطة **المحتســـــبه**

[ام مريم ويحيى 136]

اختى الحبيبه

والله هذه مشكلة الكثير من الازواج وفى نصائح الاخوات خير الكلام

انا اول ما اتجوزت كنت لما اعمل اكل كان جوزى يقول ماما بتعمل الاكل ده بطريقه ايه

على طول اتصل بمامته واقول لها الاكله الفلانيه انتى بتعمليها ازاى اصل زوجى بيقول ان طريقتك ما لهاش زى

ومثل هذا الكلام ارضى زوجى وفى نفس الوقت احسس حماتى انها مالهاش زى

الحمد لله دلوقتى زوجى بيمدح فى اكلى امام الجميع حتى اكل امه بيقول لا مراتى بتعمل الاكله دى بطعم تانى

واحنا بقالنا سنتين متجوزين

فنصيحتى لك يا حبيبة انك تروحى لاهل زوجك ارضاء له وزى ما قالت لك الاخوات مش لازم تقولى لسلفتك انتى بتعملى الاكل ازاى شوفى ايه الاكلات اللى زوجك مش عاجباه ودردشى مع سلفتك من غير ما تحس انك عايزه تعرفى وخليكى زكيه

بارك الله فيك اختى الحبيبه وهدالك زوجك

امين

[ام الاشبال 3]

فينك زهورة

 

 

شكلك كده مش فى البيت ورحتى عند اهل زوجك

 

ربنا ييسر لك الخير ويرزقك المودة والرحمة بينك وبين زوجك

[أمة الله أم حمزة 2]

ربنا ييسر لك الخير ويرزقك المودة والرحمة بينك وبين زوجك

 

اللهم آمين

 

حبيبتي زهرة

أرجو أن تطمنينا على أحوالك يا غالية

[omjana 6]

اولا يا اختى عليكى بالدعاء

 

 

ثانيا عايزاكى تاخدى بالاسباب وتعملى اللى قالك عليه تروحى حتى عشان تبقى محاولة لارضائه ابتغاء مرضاة الله

 

 

المهم انا عايزة اقولك انى اجوزت مكنتش بعرف اعمل حاجة واتعلمت من حماتى لان زوجى بيحب اكلها

[ام مصعب ان شاء الله 0]

السلام عليكــم ورحمـة الله وبركاتــة ،،انتى فين يازهره ردى علينا فينك وعملتى ايه

[الزهره الجميله 0]

السلام عليكــم ورحمـة الله وبركاتــة ،،

 

اخوات المنتدى الراقى

 

دمتن بود

 

حبيبت اطمنكم عليا .اسفه تأخرت عليكن فى الرد وهذا مش بسبب انى روحت لحماتى او كده ولكن بسبب انقطاع النت الفتره الماضيه

 

المهم حبيباتى كان موضوعى الخميس وبالفعل كنت على قمه غضبى واستشكركن فاقتنعت بكلامكن ان ليس فيها شئ ان اذهب وكانت تلك نيتى

 

وعندما جاء زوجى بالفعل طبقت كلام الاخوات قابلته بابتسامه حزنيه وكنت متزينه جدااا وعندما فاتحنى فى الامر قلت له انا لا مانع لدى انا بحب والدتك جدا وانا اكلها بيعجبنى اكتر منك كمان وانت كنت عاوزنى اروح انا موافقه بس عشان ارضيك

 

فرح ساعتها جدا بالجمله ديه وكأنه كان منتظرها وكان هذا هو هدفه من الموضوع كله وشكر فى اكلى واعد يقولى اكلك جميل وكل حاجه حلوه هى حاجات صغيره انا كنت متعود عليها عندنا عايزك تعرفيها وبالفعل روحت لحماتى بعدها بيومين فى موعدى للزياره كل اسبوع عادى وقعدت شويه وسألت سلفتى بزكاء عن بعض طرق الطبخ ودخلت معاها المطبخ

 

والحمد لله انتهى الامر فزوجى كان عنده بعض المشاكل ايضا فى عمله تلك جعلته يفعل هذا .ربنا يهدينا جميعا

 

وفعلا انا بشكر كل اخت هنا ردت عليا بالفعل انتن راااااااائعات .الله يديم المحبه

 

احبكن فى الله حبا جما

[ام فاطمه 22 0]

الحمد لله ربنا يهديه ليكي

ويبارك فيكم احمدي الله

[بسمة الرضى 182]

أدمعت عيني يا زهرة

سبحان الله

التخلي عن قليل من عنادنا يخلي المركب يمشي أحسن من الأول

 

يا رب يسعدكم دايما و يشكر دايما ف اكلم لحد ما تزهقي منه ^_^

امزح معك ربنا يشرح صدركم و يثبتكم على الدين

 

تابعت الموضوع من بدايته و ربنا يبعد عمكم كل المشاكل و عن كل الأزواج يا رب

[< الصبر مفتاح الفرج> 6]

السلام عليكــم ورحمـة الله وبركاتــة ،،

اللهم لك الحمد يارب, شفت اختي الغالية

ليس عيبا ان نتنازل شئ ما عن كرامتنا

في بعض الاحيان ان كانت هناك مصلحة وخاصة

مع الزوج انا فرحت كثير لما قرات الخبر,

ربنا يسعدك دائما,ونكون استفدنا من هذه

التجربة,وتقبلي تحياتي

[**المحتسبه** 233]

السلام عليكــم ورحمـة الله وبركاتــة ،،

 

 

الحمد لله الذي تتم بنعمته الصالحات والله أسعدتني كلماتك جداً اللهم بارك لكِ في زوجك وإبنتك وجعلك قرة عينٍ له ،،

 

خلاص أعتقد كده إنتِ عرفتي مفتاح شخصية زوجك إستمري على هذا في كل شئ الله يسعدك يارب ،،

 

كنا في قلق شديد عليكِ حبيبتي ،،

 

همسه مش عارفه حاسه إنكِ قريبه مني

[ام مصعب ان شاء الله 0]

السلام عليكــم ورحمـة الله وبركاتــة ،،ايوه كده سمعينا حبر يفرحنا مش قلتلك مش موضوع فول ولاحاجه اهم كلمتين حلوين على حبة مكياج ظبطوا الدنيا ربنا يهدهوالك يارب ويهدى سرك

[الزهره الجميله 0]

ربنا يكرمكم كلكم والله انتوا اخوات لم تلدهن امى

فقد لمست خوفكن وقلقكن بالفعل وعلى بيتى

 

ربنا ييسر الخير زوجى الحمد لله طيب لكن يحتاج لنوعيه خاصه من المعامله قدرنى الله عليها

 

وربنا يهدى ازواج المسلمين جميعا

 

غاليتى المحتسبه \ ام كريم ربنا يبارك لك فى اولادك ويرزقك ما تتمنين فرحت جدا بكى

 

وكل الاخوات المتابعات ام مصعب ان شاء الله وام الاشبال وامه الله ام حمزه وبسمه الرضى والجميع مش عاوزه انسا حد

[أمة الله أم حمزة 2]

الحمد لله

كم فرحت بكلامك حبيبتي زهرة

 

الحمد لله رب العالمين أن صلح لكِ الحال

ربنا يا رب يهديلك زوجكِ ويهديكي لي ويهدينا جميعاً لأزواجنا ويهديهم لنا يا رب

ربنا يجعل بيوت المسلمين أجمعين في سعادة دائمة

والله كنت كل ما أدخل الموضوع والاقيكي ما ردتيش قلقي يزيد

لكن طمنتي قلبي عليكي يا حبيبتي والحمد لله

وفعلاً زي ما قالت الأخت المحتسبة .... احمدي الله أديكي عرفتي مفتاح شخصية زوجك

والحمد لله على ما هداكِ له الله

فكم من زوجة كل مشاكلها بسبب انها مش عارفة ترضي زوجها ازاي

والحمد لله ربنا يجعل لنا في مشكلتك عبرة لنا جميعاً. فأي منا كانت عنيدة فلتتنازل عن هذا العناد أمام الزوج...

شفتي بقى ان فعلاً...

قوة المرأة

في ضعفها

ربنا يهدي سرك يا حبيبتي انتي وانا وأخواتنا في الله كلهم يا رب

[ام مريم ويحيى 136]

الحمد لله اختى الحبيبه

وربنا يهدى زوجك كمان وكمان ويسعدك يارب

ويارب تملى بيوت المسلمين بالسعادة

امين