برقيات لمجلس الشعب بخصوص النقاب(عاجل)

[قلبى لربى 0]

طب انا معنديش تيليفون

 

ممكن تجربى تكلميهم من المحمول لو عندك

و لو مافيش فممكن تروحى بكرة أى سنترال بيبعت تلغرافات و تقوليله

بس على فكرة النهاردة رحت سنترال خاص و مارضيوش يبعتوهولى لما عرفوا إنه لرئيس مجلس الشعب

خافوا على نفسهم وقالولى أبعته من التليفون

عموما قبل ما تبعتيه اسأليهم هيوصل امتى إن شاء الله

لإن المفروض يوصله بكرة لإن الجلسة بكرة بإذن الله

و لو لا قدر الله ملحقتيش فيكفينا دعائك

جزاكِ الله خيرا

السلام عليكم و رحمة الله و بركاته

[نور الاسلام 2 8]

يارب ياسمية

 

 

الله المستعان

[daughterofislam89 10]

يارب انصرنا النصر من عندك

[ابنة الاسلام1 0]

السلام عليكم ورحمة الله وبركاته،،

الله المستعان

الموضوع ان شاء الله منمش

بس احنا اللى مش واخدين بالنا

لأن فعلا خلاص كله قعد

ومبقاش فى تطورات ولا حاجة

وكله مشغول بالاجازة

بس لازم ناخد بالنا

الدعاء فعلا

ونتابع مع بعض هنا

والأخبار تتكتب أول بأول

لأنى شايفة ان الومواضيع بتاعة النقاب

زى ماهى

ومفيش أخوات غيرنا

وعمال مواضيع تانية غيرها تسبقها

لازم نخلى الموضوع فى الأول

وميضعش فى الصفحات اللى ورا

لأن فى ناس مش هتعرف تجيبه

لسة مبتدئين

فعاوزين احنا بقى نخليه فى الأولى على طول

ونطمن على بعض منه

لحد امتحانات الترم التانى كده

ان شاء الله

بحبكن فى الله

 

توقيعك رائع يا نور الله يكرمك

ويبرد قلوبنا

ويجبرنا يارب

وينصرنا

[الداعية الصغيرة 90 0]

السلام عليكــم ورحمـة الله وبركاتــة ،،

طب يا جماعة اللي برا البلد ومش عارف يعمل ايه؟؟

يموت من الغيظ من اللي بيعملوها اخوانا المحترمين في المنتقبات بجد انا كأن حد مكتفني مش عارفة اتحرك :icon15: و زي الاطرش في الزفة سومة مافيش طريقة تانية من النت مثلا غير السنترال لإخواتك المغتربين الغلابة دول قوليلي ضروري بجد نفسي اعمل حاجة

[قلبى لربى 0]

السلام عليكم و رحمة الله و بركاته

أختى الداعية الصغيرة

ماعرفش والله طريقة من برة مصر

بس عموما عليكِ بالدعاء هو أهم حاجة و هو اللى ربنا هينصرنا بسببه

ادعوا ربنا يجرى الحق على لسان رئيس مجلس الشعب و يسخرهم جميعا لنا

[تائبة ارجـــ المغفرة ــــــــو 0]

سمسمة معلش يا قمر كنت عايزة اتاكد من حاجة بس علشان اقول للبنات

 

الايميل ده الى بعتو المحامى صح ؟ يعنى مش اجتهاد شخصى منا ولا حاجة ؟

 

وهو ينفع حد يبعت دلوقتى ولا خلاص كان الخميس والجمعة ؟وهى الجلسة دى امته ؟

 

معلش بتائل عليكى شوية بس كنت عايزة افيد ردى علية بسرعة الله يكرمك عشان لو هيلحقو

[قلبى لربى 0]

السلام عليكم و رحمة الله و بركاته

حبيبتى تائبة

معلش على التأخير لسة شايفة الرد بتاعك دلوقتى

بخصوص نص البرقية أيوة الأستاذ نزارهو اللى كاتبه

أما بخصوص ميعاد الجلسة فكان النهاردة

و كتبت أخبارها فى الموضوع دة

https://akhawat.islamway.net/forum/index.php?showtopic=239123

بيتهيألى مبقاش له لزوم ارسال برقيات دلوقتى

لإن الجلسة انعقدت خلاص

و على فكرة مش بتتقلى عليا و لا حاجة :rolleyes:

أحبك فى الله

السلام عليكم و رحمة الله و بركاته

[توتى سمسم 8]

جزاكى الله خيرا حبيبتى بس ممكن تعذرينى وتقوليلى اللى حصل يعنى المحكمة حكمت بايه

اصلى للاسف الشغل واخد كل وقتى ومش عارفة اتابع الاخبار بس الموضوع ده مهم اوى وعايزة عرف اخبارة وللاسف معرفش حد غيركم مهتم اصلى بجد مضاية اوى علشان ربنا لمل يكرمنا ببنوتة واكيد ربنا يكرمها هتلبس النقاب زى امها اقولها ايه لا لما تخلصى دراسة ولا المنتقبات محرومين من التعليم ياريت تقوليلى جزاكى الله خيرا

[قلبى لربى 0]

و جزاكِ يا حبيبتى

الحمد لله المحكمة حكمت لصالحنا بس الجامعات تعنتوا فى تنفيذ الحكم و قالوا اللى معاها حكم بس هى اللى تدخل

بس النهاردة الحمد لله فى مجلس الشعب الوزير قال إنه هيلتزم بتنفيذ الحكم

فلسة هنتأكد بقى إن شاء الله فى الترم التانى

ادعى و ما تقلقيش من الموضوع دة

بإذن الله بنوتك هتلبس النقاب و تدخل أحلى كلية و تتفوق فيها

[أختكم آيات 1]

السلام عليكم ورحمة الله وبركاته،،

ماشاء الله أخبار حلوة يا سمية فرحتينا ويارب الجامعات يلتزمو بالقرار

[توتى سمسم 8]

الله يكرمك ياسمية انا لحمدلله خلصت دراسة السنة اللى فاتت 2009 قبل القرار لكن فعلا اللى شاغلنى أولادنا واخواتنا هيعملوا ايه طمنتينى الله يطمنك يارب