بداخلى بركااااااااان اريده ان ينطفئ "زوجى ظالم ام لا "؟؟؟؟

[الزهره الجميله 0]

السلام عليكــم ورحمـة الله وبركاتــة ،،

 

الاخوات الفاضلات اخوات طريق الاسلام سامحننى فليس الا انتن بعد الله عز وجل لو تزكرتنى فانا من عرضت مشكلتى السابقه وهى ان زوجى كان يريدنى ان اتعلم من سلفتى ما يحبه من الطعام وانتهت المشكله على سلام والحمد لله ولكن لا تخلو الدنيا من المشكلات فللاسف حدث ما هو اسوأ

 

ساقص عليكن وبالله عليكن لا تتركونى بلا الا وقد حللتم مشكلتى ولكن ليس على حسابى ولا على حساب كرامتى

 

اخواتى الغاليات ؛؛؛؛؛؛؛؛؛

 

سأقص عيكن مواقفى

 

الايام الماضيه كان مولد النبى "ص" كما نعلم كل عام وانتن بخير فجرى العرف ان يكون هناك مواسم والكلام اللى انتوا عارفينه ده المهم زوجى احضر لنا حلاوه المولد علبه ثم الاخرى يعنى يوجد حلاوه بالبيت واتى لى ابى بعدها بعلبه حلاوه كبيره فقلت فى نفسى ان احنا عندنا حلاوه كتيره ما شاء الله ما المشكله ان ابعث لامى واخى جزء بسيط مما بعث ابى لانهم منفصلين كما تعلمون عادى يعنى تصرف طبيعى المهم جاء زوجى وعرف ان ابى بعت لنا حلاوه ووجدته من بعدها يومين مقلوب ومش بيكلمنى وكل لما اسأله فى ايه يقولى عادى مفيش حاجه قلت خلاص هو حر لحد ما بعدها تعبت بنتى شويه " دور برد كده " وبكلمه على النت لاقيته بيقولى ان اقولك السبب اللى مزعلنى

قال لى ما اضحكنى " فين علبه الحلاوه اللى احضرها ليكى ابوكى " بصراحه صدمت ومعرفتش ارد هو بيدور على ايه اصلا لا وكمان مش عاجبه ان يجيلى علبه حلاوه ده بيطلب موسم كامل ده احنا جبنا لاختى موسم مش عارف بكام وبكام .طيب وانا مالى بالكلام ده كله

المهم طلعنا وحشين ومبنفهمش فى الاصول والواجب مع العلم انه رفض يعمل لينتى سبوع كما جرت العاده "اليست تلك اصول وعرف "

 

جينا تانى يوم وغصب عنى بغسل وقع كلور على الجاكيت بتاعه وطبعا كانت الطامه الكبرى عرف اتصل على وقالى

انا معدتش قادر استحمل خدى بنتك وروحى عند امك اجى بليل مش الاقيكى

وبالفعل كان الكيل طفح اخدت بنتى وروحت لانى اصلا مش طايقه الاعده معاه اكتر من كده

وفكرت مرارا وتكرار ووجدت ان ده احسن واعدت يومين بعد طول تفكير من غير اتصال بينى وبينه

افكر انى اعطى ولا انتظر ان اخد .انى اجى على نفسى ولا اجد مقابل ...انى حينما يحدث مشكله اجرى واصالحه وهو لاء جواه كبر وغرور وعند لا نهايه لهم

 

المهم اتصلت بكبير عليتهم وقلت له ينفع اللى بيحصل ده وحكيت له كل شئ "طبعا فى حاجات كتير انا مش قلتها ليكوا "

المهم قالى لاء طبعا انتى انسانه محترمه وكلنا عارفنياك وبنحترمك وانتى لا تستحقى الا ان يضعك فوق راسه

 

وبعدها بساعات وجدته بيتصل على وقالى انا معاه وعايزين نحل المشكله فى بيتكوا قلت له اتفضل انت وهو عندنا بالبيت قالى لاء هو مش هايجى لانه خايف من اى احتكاك بينه وبين امك انا بصفتى كبيره اجى اخدك وبالفعل قلت له تشرف ياحج كزا وجه وروحنا وكان كل الكلام على امى اكتشفت ان زوجى لا يحب امى نهائى ويشعر انه تأتى تحرضنى عليه او انها تيجى تاكل من عندى ولا حاجه وقالى امك متدخلش البيت تانى "انا رافضها " للعلم كان عندى الشعور ده من زى قبل لزا كنت احاول قدر المستطاع ان اقلل احتكاكهم وامى شعرت لكنى كنت اخبى المهم بالطبع قلت له ان رفضت امى ستنهى كل هلاقه بينى وبينك فسكت على مضض

وفى نفس الوقت كانت امى عند اهله تشتكيه لهم وقالت عليه كلام كتير وبالتأكيد مش حلو وبالغت فى شويه منه وبالطبع وصل الكلام له من اهله وامممممممه بالزات فاتصل على وقالى امك قلات كزا كزا ده بليل بعد ما انتهى امرنا الصبح مع الحج فلان وقالى تبقى طلاق منى لو امك دخلت بيتى تانى

وهنا صعقت ومعرفتش اعمل ارد اقول ايه وشعر هو بانتصار لان امى كان تأتنى كل يوم او يومين لانها تشغل جنب بيتى يعنى قريبه منى تشيل بنتى على اما اخلص شغل البيت تساعدنى فى شرا حاجه كده يعنى تعد معايا شويه لانه بيخرج من الصبح لبليل وانا طول اليوم لوحدى يلا حسبى الله ونعمه الوكيل

 

وعارفين قلت مسأله وقت وهتعدى المهم كان ميعاد عمليه لابى هى بسيطه يعنى تانى يوم فخرجت وجيت لقيته مغير كالون الشقه من يوم الجاكيت وطبعا نسى يغيره وقدر الله ان اعرف والله العظيم رجلى وقفت وانا بفتح والمفتاح مش بيفتح وهو جوه قام فتح وقالى اصل ان غيرته عشان كنت يومها مضايق مننك ومكنتش عايز اشوفك قالت له اخس الف اخس عليك المهم اعد يحايل ويصالحنى كتير لحد ما قالى انه تصرف وليد اللحظه مش المقصود منه اى حاجه

 

المهم اخواتى بعد كل ده انا تعبانه جدا نفسيا مع البنى ادم ده اتحملت كتير وتعبت كتير ومفيش تقدير وبعد كل ده لسه عصبيه على اتفه الاسباب وكفايه انه حرمنى ان امى تيجنى وانا قرررت ان اقطع علاقتى باهله لانهم هم السبب ومحدش يقولى خليكى انتى الاحسن لانى كنت الاحسن واعتبروه ضعف منى او انعدام شخصيه

محدش عرفه حقوق مراته دلعوه دلع بايخ وديه النتيجه فاكر نفسه لوحده بالدنيا ومش عامل حساب لحد

 

صدقونى انا مخنقوووقه وجوايا بركان لكن مع كل ده بقول فى حاجات كتير كويسه ولازم احافظ عليه وعلى بيتى وبنتى مع العلم انى جميله جدااا ومع مؤهل يجعلنى اعمل طبيبه ان شاءت الظروف ولكن لا تقديييييييييييييير نهائى

 

اعمل ايه ساعدونى بس كفايه دلع لانه بالدلع زاد وفاض واصبح ظالم ولا انتوا رأيكو ايه ؟؟؟؟؟؟؟؟؟؟؟

 

انتظركن لانى خلالالالالالاص

[المغربية 1 3]

السلام عليكــم ورحمـة الله وبركاتــة ،،

اختي في الله الزهرة الجميلة. والحلوة والطيبة اكييد.

انا لاسف ما دخلتش لموضوعك الاول. لهذا لا اعرف القصة كما يجب.

لكن رغم كل الكلام اللي انتي قلتيه.

انتي جاوبتي نفسك في الاخير.

صدقونى انا مخنقوووقه وجوايا بركان لكن مع كل ده بقول فى حاجات كتير كويسه ولازم احافظ عليه وعلى بيتى وبنتى مع العلم انى جميله جدااا ومع مؤهل يجعلنى اعمل طبيبه ان شاءت الظروف ولكن لا تقديييييييييييييير نهائى

 

حبيبتي انتي ذكرتي ان هناك اشياء جميلة في زوجك.

ولكن اكثر شخص تفكري فيه هو ابنتكي. فكري فبنتك قبل اتخاذ اي خطوة.

حاولي تناقشيه . حاولي تضهري له اخطائه بطرق يفهمها. المهم قومي بمجهودك لتجعلي هذا الزوج شخصا غير مستهتر كما تقولين.

والله المستعان.

اعرف حبيبتي ان الامر صعب لكن لابد من المحاولة والمحاولة. ولا تملي ابدا.

[ساجدة للرحمن 2050]

السلام عليكم ورحمة الله وبركاته،،

أعانك الله يا غالية ويسر لك الخير حيث كان

الرجاء كتابة الموضوع مرة أخرى في ساحة الإستشارات يا غالية لترد عليك المشرفات بالرد الصائب إن شاء الله