جدول انجازاتك لعام 2010 ((هاااااااااااام))

[**أم مختار** 10]

حبيبتى باب الاشتراك مغلق

ولكن يمكن الاشتراك هنا

https://akhawat.islamway.net/forum/index.php?showtopic=242832

[**أم مختار** 10]

أرجو من الاخوات تصميم ثلاث أوسمة

الاول عضوة متميزة فى فريق الهمم العالية

الثاني عضوة جيدة في فريق الهمم العالية

الثالث عضوة ضعيفة في فريق الهمم العالية

[ام روتى 4]

السلام عليكم ورحمة الله وبركاته،،

 

اخبارك اية ام مختار يارب تكونى بخير

 

عندى اقتراح اية رأيكم اننا نساعد بعض فى الاهداف

 

يعنى إذا واحدة عايزة تدرس تجويد مثلا واخت عندها فكرة عن مواضيع داخل المنتدى تضع الرابط

 

وهكذا مع كل الاهداف

 

وبالنسبة للسيرة النبوية اللى كانت عايزها ام الاشبال فى هنا السيرة النبويةللأطفال

 

ومنها حتستفادى وتفيدى ابنائك

 

https://akhawat.islamway.net/forum/index.php?showtopic=232599

 

وهنا كمان موضوع جميل أيضاً للصغار بس عايز منك متابعة

 

https://akhawat.islamway.net/forum/index.php?showtopic=242379

 

واتفضلى هنا حلقات السيرة النبوية كامله

 

http://www.way2allah.com/modules.php?name=...roup&id=180

 

ارجو اكون افدتك مريومتى ويارب ينفع اولادك

 

[dark angel 3]

حبيبتي ام مختار

السلام عليكم و رحمة الله و بركاته

اولا حبيبتي

جزاك الله خيرا على الفكرة و جعل ذلك في ميزان حسناتك

أختي لي عتاب بسيط عليك اتمنى ان تتقبليه و لا تغضبي مني

لم عشرين اختا فقط من لديها حق الاشتراك؟ الفكرة رائعة و اكيد كل اخت ستقرأ الموضوع ستتمنى ان تكون من المشتركات

و اولهن انا

ارجو اختي ان تعيدي النظر و تقبلينا معك

[الاء القدوس 18]

اختي dark angel الحبيبة ام مختار فتحت صفحة جديدة لهذا الغرض اسمتها فريق المهام الصعبة لان ماشاء اشتراك الاخوات كثيف

 

و سيكون فريق المهام الصعبة منافس لفريق الهمم العالية اذ آحببت تشاركي سجلي اسمك و اهدافك في هذه الصفحة

 

https://akhawat.islamway.net/forum/index.php?showtopic=242832

 

ممكن تطلعي على المشاركات في فريق الهمم العالية لتعرفي منافساتك

منافسة شريفة طبعا ::grin

 

https://akhawat.islamway.net/forum/index.php?showtopic=242686

 

معلش ام مختار اجبت بدلك احببت ان افيد الاخت

[**أم مختار** 10]

بارك الله فيكي يا الاء

 

الاء رايت أن من أهدافك لهذا الشهر لبس النقاب فهل سترتديه بالفعل هذا الشهر ؟

[الاء القدوس 18]

لا يا حبيبة انا كتبت هدفي اغير لباسي الى ان يلطف ربي و يرزقبني النقاب

يا ريت يكون الشهر ده ادعيلي

[**أم مختار** 10]

وليه مايكونش الشهر ده يا الاء ايه المانع

 

عارفه يا الاء اللى غير حياتي للاحسن هو النقاب وربنا باركلي اوي

 

بصى قصتي اهيه

 

https://akhawat.islamway.net/forum/index.php?showtopic=223500

 

اقرأيها لعلك تستفادي منها

تم تعديل 20 مارس, 2010 بواسطة أم مختار

[**أم مختار** 10]

بنات العضوات الى كتبوا اهدافهم هم 15 واحنا 25

معلش من لا تتفاعل معنا هذا الشهر ستخرج من الفريق لانه لذوى الهمم العالية فقط

[انوار القلوب 1]

السلام عليكــم ورحمـة الله وبركاتــة ،،

اختى الحبيبة أم مختار كيف حالك

معلش اعذرينى على التاخير

[**أم مختار** 10]

السلام عليكم حبيباتي عاملين ايه فى الاهداف؟ شدوا حيلكم

[ام مريم ويحيى 136]

السلام عليكم ورحمة الله وبركاته

 

اختى الحبيبه ام روتى

 

بصراحة اقتراحك مفيد جدا

 

وكنت عاوزه استعين بيكى فى انى عاوزه اتعلم التجويد بطريقة بسيطه

 

ياريت لو عاندك رابط ممكن تساعدينى

[**أم مختار** 10]

https://akhawat.islamway.net/forum/index.php?showtopic=237000

السلام عليكم ورحمة الله وبركاتة

الرابط ده هو رابط تحفة الاطفال دورة التجويد بتاعة ام روتي

[**أم مختار** 10]

تسلم ايديكي يا أم روتي أنت دئما متميزه

 

 

أرجو من الاخوات تصميم ثلاث أوسمة

الاول عضوة متميزة فى فريق الهمم العالية

الثاني عضوة جيدة في فريق الهمم العالية

الثالث عضوة ضعيفة في فريق الهمم العالية

 

 

ورينا شطارتك يا أم عبد الله أو الاء القدوس

بس عاوزه الاوسمة لذيذة يعني مثلا يكون فى أيقونة فى الاوسمة مثلا العضوة الضيفة يكون وش خايب مثلا أو كسول حتى يكون الوسام وصمة عار لصاحبتة وتحرم ماتحققش الاهداف هههههههههه

[**نحو غدٍ أفضل** 15]

السلام عليكم و رحمة الله و بركاته

 

كيف حالكن أحبتى فى الله ؟

 

إن شاء الله بخير

 

حبيت أقولكم على فكرة بعملها بتساعدنى كتير و بتشجعنى أوى

 

طبعاً إحنا محددين أهدافنا و منظمنها

 

الفكرة عبارة عن هنعمل مع نفسنا فى ورقه جدول أسبوعى

 

الجدول دا هنقسمه 8 عماويد أول عمود بتاع الأهداف و العماويد السبعة التانية أيام الأسبوع

 

هنكتب فى الجدول دا كل حاجة كل أهدافنا مش بس دينية لأ دنيوية كمان و كل أعمالنا

 

و لما نعمل عمل نعمل قصاده علامة صح فى عمود اليوم

 

و فى أخر اليوم قبل النوم هنقيم نفسنا

 

يعنى لو إحنا محددين مثلاً 10 أهداف فى اليوم أنا عملتهم كلهم أخد 100%

 

عملت 9 بس أعمل إيه أقسم ال9 على 10 = 0.9 و أضربها فى 100 = 90%

 

يا رب أكون قدرت أوصل الفكرة

 

و هذا نموذج للجدول

 

____________.doc

 

طبعاً كل واحدة تكتب الأهداف إللى تريحها

 

و طبعاً بأكد إن شاء الله الجدول دا هيكون بينا و بين نفسنا

 

و متنسوش مسألة التقييم دى لأنها بتشجعك تكونى أحسن اليوم إللى بعده

 

و متنسوش إخلاص النية لله تعالى و ابتغاء مرضات الله

 

أسأل الله العظيم أن يهدينا لما يحب و يرضى

 

و عليكم السلام و رحمة الله و بركاته

[الاء القدوس 18]

لا يا ام مختار بلاش وسام ضعيفة لعدم الاحراج نكتب متوسطة احسن

اذا ممكن تجيبي امثلة لاوسمة لنصمم على منواله

 

فكرة هائلة نحو غد افضل لكن كما قلت ده بينا و بينا انفسنا

[ام مريم ويحيى 136]

ام مختار

 

جزاك الله خيرا على رابط التجويد ربنا ما يحرمنى منكم يارب

 

نحو غد افضل فكرة الجدول دى فكرة رااااائعة بارك الله فيك يا غالية

 

اخواتى الحبيبات فيه حاجه كمان

 

مش عارفه احافظ على قيام الليل كل يوم انام ومش بصحى اصلى قيام ليل

 

اعمل ايه :icon15: :biggrin: :cry:

 

ياريت تساعدونى

[~*أم جويرية*~ 71]

السلام عليكم ورحمة الله وبركاته؛

 

بارك الله فيكن يا حبيباتي

كان نفسي أشارك في موضوع الأوسمة هذا لكن لم أعمل على برامج التصميم من فترة

بلاش كسفة أحسن هههههههه

 

أختي الحبيبة سندسة

بالنسبة لقيام الليل

لو أنك ترين أنكِ ستنامين ولا تستطيعي القيام آخر الليل، لما تصليه بعد صلاتك للعشاء يا حبيبة؟

فقيام الليل وقته مفتوح من بعد صلاة العشاء حتى قبل صلاة الفجر

فيمكنك أن تعملي ذلك في الأيام التي تكوني مرهقة فيها مثلا ولن تستطيعي القيام، حتى لا تتركية بالمرة؟ ما رأيك؟

 

أتعلمين أن ذلك كان موقف أبو بكر رضي الله عنه

فاذكر حادثة عن عمر وأبو بكر رضي الله عنهما، أنهما كانا يتحدثان عن قيام الليل أمام الرسول صلى الله عليه وسلم

فكان عمر ينام ثم يجبر نفسه على القيام، وكان أبو بكر يصلي قبل أن ينام

فلم ينكر الرسول صلى الله عليه وسلم ذلك بالقال لأبي بكر "أخذت بالحزم" ولعمر "أخذت بالقوة"

 

فجربي ذلك حتى أن تري من نفسك قوة على الموظبة

ووفقكِ الله

[دانة الاسلام 38]

السلام عليكم معذرة ام مختار انا مع رأى الاء القدس فى ان توقيع عضوة ضعيفة سيكون محرج للغاية وليس منه ضرورة،المهم هو مساعدة بعضنا البعض وشد الهمم بيننا وجزاكى الله خيرا على هذا الموضوع الهام والجميل

[دانة الاسلام 38]

جدول جمييل نحو غدا افضل

 

بالنسبة لقيام الليل عندى فكرة صغنونة وحلوة اوىىىى

 

يا رب تعجبكو

 

احنا كده كده الواحد لازم يقوم يصلى الفجر ....صح

 

بنظبط المنبه او الموبيل علشان نقوم نصلى الفجر ...صح

 

فيها أيه لما نقوم قبليها بساعة وحانرجع تانى ننام ماتخفوش..صح

 

الساعة دى لاننا مبتدئين حنقسمها اربع تربع

 

أول ربع ساعة نخليه لقرءة القرآن

 

ثانى ربع ساعة لصلاة قيام الليل ركعتين او اربعة

 

ثالث ربع ساعة فهى لدعاء نجلس ندعى لينا وللأخوات فى المنتدى وللمسلمين جميعا لان ده الوقت مستجاب فيه الدعاءوالله يكون قريب من العبد

 

رابع ربع ساعة نخليه للإستغفارعشان نكون ان شاء الله من المستغفرين بالأسحار، وكمان نخلى منه جزء للصلاة على سيدنا محمد صلى الله عليه وسلم

 

نصلى الفجر ونرجع ننام تانى ساعةاو ساعتين للى عندها شغل او اطفال بتوديهم المدرسة واللى وبكده حبيباتى نكون لمينا فى فترة قليلة عبادات كتير وده طبعا للمبتدئين اللى زى اما بقى فى اخوات ماشاء الله عليهم بيقوموا اكتر من كده ربنا يجعلنا منهن قيام الليل لما الواحد ينام وبعدين يقوم عشان يصليه تشعرى بلذته اكثر لان الذهن بيبقى صافى ومبتفكريش فى اى حاجة تانية ولا اكل بقه ولا مذكرة للعيال ولا حانضف ايه دلوقتى لانك بتخصصى الوقت ده لله ويتبقى لسه قايمة من النوم فالذهن بيكون صافى جدا

 

[ام روتى 4]

السلام عليكم ورحمة الله وبركاته

 

اختى الحبيبه ام روتى

 

بصراحة اقتراحك مفيد جدا

 

وكنت عاوزه استعين بيكى فى انى عاوزه اتعلم التجويد بطريقة بسيطه

 

ياريت لو عاندك رابط ممكن تساعدينى

 

وعليكم السلام

 

الله يكرمك يارب ويرزقك الذرية الصالحة

 

دة رابط جميل جداً ومفيد بيشرح التجويد بطريقة مبسطة

 

مع ذكر تحفة الاطفال فى أخر الشرح

 

وانا استفدت منه كتيرررررررر

 

التجويد خطوة خطوة بالصوت والصورة

 

وهنا موقع للشبخ أيمن السويد

 

https://akhawat.islamway.net/forum/index.php?showtopic=240894

 

وانصحك لو عايزة تحفظى التحفة لازم تسمعيها الاول

 

عشان انا حفظت نصفها تقريباً خطأ :icon_eek:

 

وربنا يوفقك واذا فى اى استفسار او مساعدة

 

انا فى الخدمة

[ام روتى 4]

تسلم ايديكي يا أم روتي أنت دئما متميزه

 

 

أرجو من الاخوات تصميم ثلاث أوسمة

الاول عضوة متميزة فى فريق الهمم العالية

الثاني عضوة جيدة في فريق الهمم العالية

الثالث عضوة ضعيفة في فريق الهمم العالية

 

 

ورينا شطارتك يا أم عبد الله أو الاء القدوس

بس عاوزه الاوسمة لذيذة يعني مثلا يكون فى أيقونة فى الاوسمة مثلا العضوة الضيفة يكون وش خايب مثلا أو كسول حتى يكون الوسام وصمة عار لصاحبتة وتحرم ماتحققش الاهداف هههههههههه

 

الله يسلمك يا بسومة يارب

 

بس بالنسبة للأوسمة دى انا مش موافقة عليها خااااااااااااالص

 

الصراحة ملهاش لازمة احنا نتسبق على تحقيق الاهداف

 

بس ما تنسيش ان كل واحدة ليها اهداف غير التانية

 

واكيد دة حيبقى ظلم يعنى انتى عايزة تقرنى واحدة مثلا حتحفظ ربع

 

بواحدة حتفظ جزء كامل او او لا خلينا نتسابق ونعين بعض ونساعد بعض

 

بس من غير اوسمة ودة رأى وفى رأى باقى الفريق

[**نحو غدٍ أفضل** 15]

السلام عليكم و رحمة الله و بركاته

 

دانة الإسلام ما شاء الله ربنا يبارك فيكى فكرة رائعة

 

سندسة أنا كمان زيك كدا بس بحاول أجاهد نفسى حتى أصلى أى حاجة

 

حتى لو ركعتين و ركعة

 

و إن شاء الله ربنا يعينا ( إياك نعبد و إياك نستعين )

 

أم روتى الله يبارك لك

 

أنا مقصرة شوية فى التجويد بس الحمدلله أنا بدرسه فى المعهد و خلصنا جزء كبير منه و بنراجع على التحفة

 

فدا إللى مريحنى شوية و كدا كاد همتحن فإن شاء الله هراجع عليه كله

 

بس المشكلة فيا إن فى درس أخدناه من فتره و أنا بكسلى لسة مذاكرتوش لغاية دلوقتى و المعلمة بتراجع و سيباه

 

و انا عشان كدا نايمة فى العسل بس إن شاء الله أحاول أذاكره الأسبوع دا

 

صراحة يا أم مختار بس متزعليش منى أنا رأيى من رأى أم روتى مفيش داعى للأوسمة

 

 

ربنا يبارك فيكن يا بنات

 

وياريت أى واحدة عندها أفكار بتعملها تقولهالنا

 

يعنى بتنظمو وقتكوا إزاى و كدا يعنى

 

خصوصاً المتزوجات لأنى عايزة أعرف لما هتجوز أعمل إيه

[ام روتى 4]

أم روتى الله يبارك لك

 

أنا مقصرة شوية فى التجويد بس الحمدلله أنا بدرسه فى المعهد و خلصنا جزء كبير منه و بنراجع على التحفة

 

فدا إللى مريحنى شوية و كدا كاد همتحن فإن شاء الله هراجع عليه كله

 

بس المشكلة فيا إن فى درس أخدناه من فتره و أنا بكسلى لسة مذاكرتوش لغاية دلوقتى و المعلمة بتراجع و سيباه

 

و انا عشان كدا نايمة فى العسل بس إن شاء الله أحاول أذاكره الأسبوع دا

 

السلام عليكم ورحمة الله وبركاته،،

 

ربنا يكرمك يارب يا حبيبتى

 

ما شاء الله عليكى ربنا يوفقك يارب

 

انتى ممكن تراجعى الدروس مع الرابط اللى فى لأمانى وإن شاء الله تحصلى

 

الدروس اللى مكسلة فيها وتبقى كمان مراجعة

 

وإن شاء الله تستفيدى والله دة موضوع جميل والشرح فيه مبسط عشان للأطفال ههههههههه

 

وإن شاء الله ربنا يسرلنا جميعاً حفظ كتابه

 

ويفقهنا فى الدين

[ام روتى 4]

السلام عليكم ورحمة الله وبركاته،،

 

يا بنات بالنسبة للسن المهجورة هنا رابط جميل

 

سنة الاسبوع

 

أللهم صلى على سيدنا وحبيبنا محمد صلى الله عليه وسلم