حمل الضعيف ؟؟؟؟؟؟؟؟؟؟؟ أم حمل خارج الرحم ؟؟؟؟؟؟

[نور عيوني 0]

السلام عليكــم ورحمـة الله وبركاتــه

انا اكتب اليكم و انا في غاية الحيرة من امري انا اخر دورة لي كانت يوم 10-2-2010 عملت تحليل الدم يوم 15-3-2010 كانت ايجابية بس ضعيف و يعاد بعد اسبوع و بعدها بيوم نزل مني دم كان بني ثم اصبح احمر غامق و الان الدم اختفى و الحمد لله بقدار اربع او خمس نقاط في اليوم اخذت المثبت لمده اسبوع و بعدين لما رحت للدكتورة عملنا تحليل الدم الرقمي كان الأول يوم 18-3 و كانت النتيجة 48 و بعدها يوم 20-3 عملت اعادة للتحليل طلع 70 و وقفت المثبت وفقا لطلب الدكتورة و بعدها عملت سونار مهبلي ظهر كيس الحمل صغير جدا و بعدها بثلاث ايام عمات التحليل تاني كانت 138 و بعدها بأربع ايام كانت 460 الدكترة قالت ده حمل ضعيف و ممكن يكون خارج الرحم و طلبت مني اشتري حقنة هي اللي حتديهالي علشان تنزل الجنين قبل ما يكبر لان الهرمون مش بيزيد الزياده الطبيعية بس هي حولتني لقسم التراساوند مرتين و الكترة المتخصصة في الأشعة عملت على البطن و مهبلي قالت مفيش حمل خارج الرحم هي الدكتورة بتقول لو استمر الحمل في خطر على حياتك بس انا مقدرش انزل البيبي رحت لدكتورة تانية برده عملت سونار مهبلي و شفت انا و هي كيس الحمل و قالت اصبري ما تنزلي حاجة و نشوف بعد اسبوع و انا مش عارفة اعمل ايه بيقولي الحمل خارج الرحم ليس له اعراض محدده و انه لما يكبر الجنين ممكن يفجر النبوبة او المبيض و انا خايفة مع العلم ان الدم وقف و الحمد لله و بشعر بأعراض الحمل لكن رغم اني شفت كيس الحمل الا اني خايفة ليكون في حمل داخل و خارج الرحم انا محتارة مع العلم اني متزوجة من اربع سنين و حدث حمل و اجهضت منذ ست شهور تقريبا و ده تاني حمل لي و بدعو الله يكملي حملي على خير