شجرة التوت 1 أرسلي تقرير عن المشاركة قامت بالمشاركة 23 أبريل, 2010 السلام عليكم ورحمة الله وبركاته إليكم تلك الأبيات التي أبكتني حبيتك لإلتزامــــــــــك . . . . . . . حبيتك لاحترامــــــــك حبيت فيكي التواضع . . . . . . . والعزة اللي ف كلامك مبسوط منك لأنــــــك . . . . . . . إسلامك كل همـــــــك أنا أصلي قابلت بابا . . . . . . . واداني فكرة عنـــــك وسألته عن طباعك . . . . . . . إن كانت يعني هادية فحكالي عن سماعك . . . . . . . لكلامه وانت راضية وازاي بتسلي نفسك . . . . . . . بذكرك وانت فاضية وحلاوة صوت تلاوتك . . . . . . . وازاي بتكوني شادية * * * وسألته إن كنتي فاهمة . . . . . . . معنى كلمة زوجين قالي هتكونوا ورقــــة . . . . . . . . مطبوعة نسختين غني كنت أو فقيـــــــر . . . . . . . . ليك عند بنتي دين سرك هيكون في بيـــر . . . . . . . معرفش مكانه فين تفضل دايماً كبيـــــــــر . . . . . . . في نظرها حبتين لو جيت بفلوس كتــــير . . . . . . . تطمن جت منين * * * هتكون دايماً معاهــــــا . . . . . سيرتك هتكون هواهــا والشوق اللي ف خيالك . . . . . . تلقاه لحظة لقاهـــــا لو جيت زعلان ف مرة . . . . . . إرمي همومك وراهــا ومهما شوفت بــــــره . . . . . . مش هتشوف مستواها واطمن يابني خالــص . . . . . عقلها مافيهوش تفاهـة وزي ما هي بنتــــــي . . . . . . . بنت حماتها وحماهـا * * * وسألتـــــه عن ولادي . . . . . . منك هيكونوا إيـــــه؟ قاللي هيكونوا عادي . . . . . . . فسألته يعني إيـــــه؟! قاللي العادي إللي كان . . . . . . عند الناس من زمـان العادي بتاع سراقة . . . . . . . وحذيفة بن اليمــــــــان العادي بتاع أسامة . . . . . . . وابن الحكيم لقمــــــان * * * ده العادي بتاعنا إحنا . . . . . . . بنربي عليه عشان لو جينا ولا رحــــــــنا . . . . . . . هنقابل الرحمـــــن عمرك ما تخاف عليهم . . . . . . . ولادك في الأمــان أنا بنتي هتربيهـــــــــم . . . . . . ع السنة والقـــرآن هتشوف ابنك بيصحى . . . . . . مادام سمــــع الأذان ينزل في الفجر يقــرا . . . . . . بالسجدة والانســــان هتشوف في حجاب بناتك . . . . العفة والإحســـــان هتشوف إزاي مراتك . . . . . . هتعينك إنت كمـــــان * * * وسألته عن حياتــــك . . . . . من قبل الالتـــــــزام قال أتذكر في ليلـــــة . . . . . مش فاكر أنهي عـام أذان الفجــــــــر أذن . . . . . وقالتلي سيبني أنـام فدخلت الأوضه جـوه . . . . . أجيب منها الحـــزام وعبال ما رجعت تاني . . . . كات رجعت ف الكلام الله يجازي الشيطان . . . . . خلاها تقول أنــــــام بس اطمن خــــلاص . . . . . دلوقتي بقت تمــام! * * * قلتله طيب ياعمـــــي . . . . يسعدني أقولك إنــي بطلب بنتك ونفســــي . . . . تناسبني وترضى عني راح شادد فجأه لبسي . . . . وقلب وشه وسألــني * * * حافظ كم جزء يابنــي . . . . . وقاري كم كتــــاب احكيلي كده عن مؤت . . . . . أوغزوة الأحـــزاب وسمع كم حديـــــــــث . . . . . في الأخذ بالأسباب وكمان سمعلي آيــــه . . . . . . ذكرت فيها الدواب ولو شايفها صعـــبة . . . . . . قللي بتاعة الذباب واحكيلي حلم يوسف . . . . . . . وبراءة الذــــئاب واخواته لما جولوه . . . . . .دخلوا من أنهي باب واديني فكرة برضه . . . . . بتقبض كم ثـــــــواب وناوي ازاي تحسن أنا شايفك لسه شاب * * * وسأل نفسه وسألني . . . . . . هيعوز إيه يعني مني؟ لو عندي كل حاجــه . . . . . . وديني مش شاغلنـــي أحسن لك تنسى بنتي . . . . . ومهرك مش لازمنـي قلتله صبرك ياعمــي . . . . . . وبراحتك امتحــــــني يبقى اما أسأل تجاوب . . . . . . . خليك دايماً فاهمني سألتك وانت ساكـــت . . . . . . . خليتني أظن ظــــني وفضل يسأل واجاوب . . . . وعشان خاطرك عصرني وظهرت النتيـــــــجة . .. . . . وبفضل الله قبلــــــني * * * قاللي مقبول في نظري . . . . . مبروك عليك ياسيدي لكن في نظرها هــــــي . . . . . . نجاحك مش بإيـــدي وهي زمانها راجــــعة . . . . . من تمرين السويـدي خليك قاعد شويـــــــة . . . . . . استنا لما تيجــــــي هعملك من إيديــــــــــا . . . . . . كباية شاي صعيـدي * * * سابني وقعدت أفـــكر . . . . . هل ممكن ترفضيني طاب قولي حتى أفكر. . . . . مش يمكن تفهمينـي وفضل مخي يلاعبني . . . . . يجيبني ويودينــــي وخايف م المقابلة . . . . . . مرعوب بينك وبيـني ودق الباب في ثانية . . . . . . وشوفتك مرة تانيــة مش قادر أنسى يومها . . . . . وفاكر كل ثانيــــــة * * * ونده والدك عليكـــــي . . . . . عشان أول لقـــــــــاء دخلتي وشوفت وشك . . . . . . عليه نور الحيـــــــاء نور والله فعــــــــــلاً . . . . . مش نور بودرة وزواء كان أول مرة أخــاف . . . . . . من فتنة النســـــــــاء أخلاقك مش عاديـــة . . . . . وجمالك كان شفـــــاء * * * قعدتي جنب والـــدك . . . . . . . . وسألتيني وجاوبتك وفكل مرة أجــــاوب . . . . . . .كنت باشوف ابتسامتك ف أقول من جوه نفسي . . . . يــــارب أكون عجبتك وبعد شوية قمتــــــي . . . . . . . ندهت عليكي مامــتك ورحتي دخلتي جـوه . . . . . . وراح وراكي والـــدك وانا قلت مش مروح . . . . . . غير لما أكون خطــبتك * * * وابوكي جاني تانــي . . . . . . . وقرب من ودانـــــي لابس كرفته ســــوده . . . . . . وبدله لون فرانـــــــي المنظر يعني كلــــــه . . . . . . ميدلش ع التهانــــــي قلتله مالك ياعمــــي . . . . . . من فضلك قول عشاني عرقي غرقلي كـــمي . . . . . . . سايبني ليه أعانـــي قاللي مستني إيـــــه . . . . . . . فين إيدك إديهانــــي البنت مش موافقـــة .. . . . . . تتجوز حد تانـــــــــي * * * كان أول مرة أعرف . . . . . . . إزاي الناس بتــــفرح سعادتي كات غريبة . . . . . . . مش ممكن هقدر أشرح من كتر حبي ليكـــي . . . . . . . نويت أضحي وادبــــح رحت اشتريت خروف . . . . . . . وكان خروف بينطــح ده أخيراً هبقى جوزك . . . . . . وشجرة صبري تطرح * * * خطوبتنا كات بسيطـــة . . . . . مكانش فيها زيطــــة وفرحنا كان في جامــع . . . . . يعني مش خلطبيطة ومامتك جت في يومها . . . . . . ورقعت كام سويطـة هاتولي بنتي مــــــــنه . . . . دي مش فاهمة العبيطـة إنه هيخطفها منـــــــي . . . . . . وهتوحشني الغتيتـة * * * صعبت عليا مامتـــــــــك . . . . . . . الموقف كان شديــــد لكن فعلاً خطفـــــــــــــتك . . . . . . . ورحنا مكان بعــــــيد فاكرة ولا انتي ناسيـــــة . . . . . . أكيد فاكرة أكيــــــــــــد من يوم ما بقيتي زوجتي . . . . . . وانا متهني وسعيـــــد معايا ف كل يـــــــــــــوم . . . . . . . ويوم لؤاكي عــــــيد عمرك ما دقتي نــــــــوم . . . . . . وانا تعبان أو مريـــض فلوسي كات بتكــــــــــتر . . . . . . . والخير عندك يزيـــد وعامله ليه دفــــــــــــتر . . . .. . . . ومرتبه المواعيــــد وبفضل الله قدرتـــــــــي . . . . . . . وجبتيلي الوليــــــد وبعديها بشويــــــــــــــة . . . . . . . جبتيلنا عليه يزيـــــد وبعديه جت سمـــــــــية . . . . . . وآخرهم كان حمـــــيد * * * بدعيلك كل يــــــــــــوم . . . . . . وأفضل أعيد وازيـد ربيتي عيالــــــــي دول . . .. . . . ع القرآن المجيـــد طول عمرك وانتي صافية . . . . . قلبك لون الجلـــيد أخلاقهم مش عـــــادية . . . . . . طلعنلك مش بعيـــــد وليد دلوقتي ضـــــابط . . . . . ومعاه رتبة عقــــــــيد ودعوة قلبي صابــــت . . . . . ويزيد أهو مات شهيد وبنتك صيدليــــــــــــة . . . . . . وحميد أصبح معـــيد الله برحم أبوكـــــــــي . . . . . راجل من نوع فريــــد كل اللي قاله فيــــــكي . . . . . . أنا عشته بالتحديــد * * * عشت معاكي ف حكاية . . . . . أحلى وأجمل روايــة حكايتي كات معاـــــــك . . . . . . وحكايتك كات معايا اديتك كل عمــــــــــري . . . . . وهمك كان رضايــا وعمرك خدته منـــــــك. . . . . . وقربك كان دوايــا وخلاص العمــــر راح . . . . . . راحت أيام صبايــــا ومسافر رحله صعبــة . . . . . . وزادي مش كفايـــه مش عاوز أشوف دموعك . . . . بالذات ف يوم عزايا أنا عارف إنتي عارفـة . . . . . . إن الموت مش نهاية دي لسة الرحلة طالعة . . . . . . والموت خط البدايـة إدعيلي يمكن أوصـــل . . . . . . وأشوف هناك حمايا أنا عارف إنه فيهـــــا . . . . . . محجوزله هناك سرير * * * وسلامي في النهاية . . . . . . أنا خلصت الحكاية لو يوم فكرتي فيــه . . . . . . إقري شعري وغنايـا وأمانه ف كل مـــرة . . . . . . تدعي لي بالهدايـــة عسى ربي بدعائـــك . . . . . . يغفر ليا الخطايـــــا دمعت عيناى و أنا أقرأها فأحببت أن تشاركوننى اللهم ارزقنى و أختى وبنات المسلمين أزواجا صالحين شارك هذه المشاركه رابط المشاركه شارك
(:بسمة تفاؤل:) 4 أرسلي تقرير عن المشاركة قامت بالمشاركة 24 أبريل, 2010 السلام عليكم ورحمة الله وبركاته،، جزاكِ الله خيراً أختي الحبيبة [ شجرة التوت ] على الأبيات الرائعة رزقكِ الله وجميع بنات المسلمين أزواجاً صالحة وتقبلي اعتذاري لان الموضوع مكرر https://akhawat.islamway.net/forum/index.php?showtopic=223375 شارك هذه المشاركه رابط المشاركه شارك
