اى واحدة منقبة تدخل

[رحيل القمر 1]

ياااه فرحتينى وكلامك مؤثر للغايه

ياحببتى انا حسه اسمك جميل قوى قوى

اثر فيا مووووت

ربنا يرزقهولك \

وبقولك ربنا يخليكى

[المشتاقة لجنان الرحمن 0]

الدعاء الدعاء يا اختاه

يسر الله لكى

[املى فى ربي كبير 0]

ربنا يخليكو ليا ولكن اريد فتوى هل البسه غصب عنهم ولا اعمل ايه مع انهم مستحيل يقتنعوا

[طيف الكاميليا 0]

اولا حبيبتي ما شاء الله عليك ثبتك الرحمن

 

ثانيا اهم شئ اهم حاجه الدعاااااااااااء والاستغفاااار حتي لو ما اقتنع اهلك هتلبسيه

 

 

انا متابعه معاكي باذن الله لكن اريد ان اعرف منك بعض التفاصيل اكتر الان انتي كبرتي فما موقفهم؟؟ هل فاتحتهيم ؟؟

 

وليكن نقاشك معهم نقاش انسانه كبيره بهدوء ورزانه حتي لايقولوا انك طفله فهمتيني

 

 

انا خلاص ضفت موضوعك في المفضله ومتابعه معاك لحد ما تلبسيه وتستقر كل الامور باذن الله

[املى فى ربي كبير 0]

انا والله العظيم بحاول اخد الموضوع بهدوء و بحكمة لكن بابا قالى البسيه بس انا مش موافق و سبب الرفض غير واضح اما ماما بتقولى انها مبتحبش المنقبين انا صراحة حاولت ان اخلى اخويا يكلمها بس ان شاء الله هيسأل الاول الشيخ بتاعه علشان يقنعها وادعيلى وانا هصمم حتى لو وصل بيا الامر ان منزلش من البيت المهم ادعيلى بظهر الغيب وانا قريبا باذن الله هبشرك

[طيف الكاميليا 0]

اولا حبيبتي انا بدعي لك ما تخافي وانتي عليكي بالدعاء

 

اما ان اخوكي يساندك فهذه اكبر نعمه احمدي الله ان وجدتي من يقف بجوارك

 

وكلام والدك يسعدك مش يزعلك معني ده انه موافق اصلا بس ده المعتاد من رد الاباء انا مجربه

 

 

توكلي علي الله والبسيه لانه فرض وطالما اقتنعتي بذلك لايجوز ان تخضعي لكلام البشر اذ لاطاعه لمخلوق في معصيه الخالق

يعني ينفع اهلك يعترضوا علي الصلاه بنفس الرد وتطيعيهم .....اذا ارتديه

 

والله حبيبتي كلامهم معناه الموافقه لكن هم عاده الاهل كده مش يبقوا اهل الا اذا قالوا لا واسال مجرب

 

وانا معاكي لهايه الطريق باذن الله ياتي يوم تبشريني واشاركك فرحتك

[املى فى ربي كبير 0]

حبيبتى طيف الكاميليا انا مش عارفة افتح الموضوع معاهم تانى علشان بابا و ماما عيانين و اخويا هيعمل عملية يعنى الدنيا مشبكة فى بعض اما عن اخويا الاكبر فانا عمالة ازن عليه بس هو و لا معبرنى وانا مش هينفع اتكلم تقدري تقوليلي حل للمشكلة دى

[أم حذيفة السامرائية 0]

الله المستعان

تبثك الله اخيتي

[marwaelameer 4]

انا مش هقدر انصحك علشان انا مش منقبة

وعمري ما فكرت في النقاب مش عارفة ليه

على العموم ربنا يوفقك ونسمع قريب ان انتي لبستي النقاب

[الفراشه المؤمنه 0]

السلام عليكــم ورحمـة الله وبركاتــة ،،

ابنتي الحبيبة كم انا سعيدة لاصرارك ف هذا السن عل لبس النقاب ولكن ارجو الا تغضبي امك فلا شك انا خائفة عليك من وجهة نظرها

ولكن حاولي مرات ولا تيأسي حتي يشرح الله صدرها وتدعو لك وخلال ذلك عليك بلاستمرار في طلب العلم واجتهدي أن يكون سلوكك

دعوة يشعر من حولك بصدقك ف ارضاء الله وليس في مخالفتهم واتمني ان تحقق ما تتمنيه . ثبتك الله ولا تنسيني في دعائك بأن أري

بنتاي مثلك باذن الله ورزقنا الله جميعا حسن الخاتمة

 

والسلام عليكــم ورحمـة الله وبركاتــة ،،

[املى فى ربي كبير 0]

ربنا يخليكى ليا و ان شاء لله هدعيلك اما عن موضوعى فاشبه بانه مستحيل الموضوع انتهى و مفيش امل لان اتكلمت مع ماما و الموضوع باظ اكتر و اتالب الموضوع عليا بدل ماهو معايا فخلاص مفيش حل لان انا مش هينفع افتح الموضوع اما عليا انا فانا بكتبلك كلامى وكلى دموع و اسى لان خلاص مفيش امل غير لو جات ماما و هى اللى قالتلى البسيه غير كدة مش هينفع الموضوع يتفتح اعمل ايه باة الموضوع اتقلب ضدى بدل ما كان معايا عندك حل انا ياست خلاص و اعصابى تعبانة و كل ماقول هينفع انا انا اكلمهم الدنيا تتعقد اكتر و انا محطوطة فى موقف لا احسدعليه ما بين ان انا هموت والبسه وبين ان هما رفضين رفض تام ولما سالت عن سبب الرفض ماما قالتلى مش هعرف اتعامل معاكى اما بابا رافض و هى قالتلى انه هو قالها انا ناقص دنوب علشان بنتك توقولى اتنقب و انا اقول لها لا انا بجد فى حيرة شديدة ومش عارفة اعمل ايه خصوصا انهم فاكرين ان انا بعند معاهم و ماما قالتلى لما تكونى كاملة من كل حاجة ابئ البسيه وطبعا مافيش حد كامل من كله فده اسلوب تعجيز . هل حضرتك تقدرى تساعدينى فى المشكلة دى وكمان انا عايزة ادلة على انه هو فرض علشان هما مش مقتنعين انه فرض وبسألونى يعنى اللى تلبس زيك عبايات و طرح طويلة يباة هتخش النار انا بصراحة مش عارفة اتصرف . هل من حل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سحر العابدين 0]

حبيبتي في الله عليك بالدعاء و لا تستهيني به فانه سلاح المؤمن

دعاء في الثلث الاخير من الليل و في السجود

[طيف الكاميليا 0]

حبيبتي اسفه علي التاخير النت فصل

اما حكايتك لم افهم وضحي اكتر ومش ينفع تفقدي الامل وربنا موجود انا فضلت سنتين انتظر وفي النهايه لبسته غصب عنهمومازالت الحرب مستمره لا تياسي ارجوووووووووووووووكي لا تفقدي الامل

[املى فى ربي كبير 0]

للاسف انا خلاص مشهينفع البسه دلوقتى خالص لان الرفض تام اما انا فسألت ميس القران و قالت لى طالما انت لابسة الزى الشرعى ولبسك محترم بلاش تدخولى فى خناقات علشان المهم اهلك بس و الموضوع اتقفل من ساعتها وانا ان شاء الله لما ادخل الجامعة كمان 3 سنين هلبسه ان شاء الله بس هى دى اخر الاخبار وانا مستنية ردك سلام يا قمر

[زهراء الإسلام 0]

بســم الله الـرحمــن الرحيــم

السلام عليكــم ورحمـة الله وبركاتــة ،،

 

أختى في الله إنتي نسيتي شىء مهم جدااااااااااااااا ، وهو أن قلوب أبيكي وأمك في يد الرحمن يقلبها كيف يشاء وليس الأمر بيدك أنتي !

فإن أراد الله لكي النقاب لن يقف أي مخلوق ضد إرادة الله .......... ولكن أختى انتبهي لشىء مهم وهو أن الله يختبر عباده فمن الممكن أن يكون ذلك اختبار وابتلاء من الله عز وجل ليرى منك هل تثبتين أم لا ؟

 

وبعدين معلش بلاش الفتوى بتاعة الميس بتاعتك لأنها لم تنقل الرأيين بأمانه وأنه دائر بين الفرض والإستحباب ! وستجدى الأخوات في المنتدى ما شاء الله يسردون الأمر بقال الله وقال الرسول وليست مجرد إنك لابسه لبس حشمه :( !!!!!!!!!!!!!!!!!!!!!!!!!!

 

سأقول لكي شىء ... أنا كنت أبكي لما كنت أشوف واحدة منتقبة في الشارع ! هل تصدقين ذلك ؟

 

وعندما حكيت ذلك لأخت قالت لي : مش كفاية ! قلت لها مش كفاية إزاي ده أنا بعيط لما أشوف أخت منتقبة ... إني مش قدرة ألبسه ... !قالت لي : اصدقي الله يصدقك وها أنا أقول لكي نفس الكلام ... أري الله من نفسك خيرا... وفيه أخت في المنتدى ممكن تساعدك هي في سنك تقريبا اسمها حفيدة الصحابة ولها موضوع ما شاء الله عن النقاب شوفيه وده الرابط بتاعه

 

موضوع حفيدة الصحابة عن النقاب

 

 

ودي قصتي عن النقاب لعلها تفيدك :)

 

 

 

 

قبل النقاب بفتره كنت وصلت لمرحلة اني مش قادرة أخرج من البيت كده --يعني بوجهي-- وكل حد يبص شويتين على حسب مزاج سيادته :ohmy: المهم جيت بقى بالليل قعدت أعيييييييييييييط كتيييييييييير لربنا وأقوله يارب استرني..يارب --يارب محدش يشوف وشي تااني غير محارمي ونمت وأنا مهيأه نفسي لأصعب الإحتمالات :mrgreen: :mrgreen: وصحيت الصبح --الجمعة-- ساكته ومش بتكلم وانفجرت من العياط مع ماما وأختاي بصراحة وقفوا جنبي --ربنا يفك كربهم -- ولما بابا جه من صلاة الجمعة ماما فاتحته تاني في الموضوع قال : خلاص اللي هي عايزة تعمله .. تعمله

قمت بعد كده أحضن فيه وأبوس إيده وأعيط وهو يعيط وكلنا نعيييييييييط :mrgreen: ويقولي طيب ليه بس العياط ده دلوقتي .. فقلت له من فرحتي يا بابا والحمد لله نزلت بيه عالطول (كنت شاريه واحد قبل كده) من فرحتي خفت يرجعوا في كلامهم ورحت بيه مع أختي فرح اسلامي :biggrin: :biggrin:

معلش أعتذر عن اإطالة لكن قلت لازم أفرحك وأقولك اللي حصل بالتفصيل الممل :mrgreen: :mrgreen:

[طيف الكاميليا 0]

زهراء كلماتك جميله جزاك الله كل خير

 

 

اما الغاليه املي في ربي كبير اعتب عليك حبيبتي اجل اعتب عليك كثيرا ماهذا !!!!!!!

 

اتعلنين الاستسلام ؟!!

 

لا حبيبتي ابدا والله لا يصح

 

وايه بقي المس دي؟!!

 

سيبك من كلامها وركزي معايا

 

 

عاوزه النقاب ليه؟ انتي نفسك تلبسيه ليه؟ رغبه في تجربه شئ جديد ؟

 

لا طبعا لانه فرض ويرضي ربنا ولانك غاليه جوهره لا يحق لكل من يساوي ولا يساوي شيئا ان ينظر علي حسب مزاج سيادته زي ما زهراء قالت

 

 

طبعا عارفه من اول لحظه انك لازم تجاهدي علشان توصلي له يبقي تجاهدي حق الجهاد

 

ده عزتك والعزه غاليه جدا جدا وكل ما هو غالي لا يطلب بالقليل من الجهد

 

 

ليس معني كلامي ان تعلني الحرب مع اهلك ابدا لا اقصد هذا

 

لكن اتصلي بربك مش تكلمي اهلك حاليا انتظري الوقت المناسب لكن انتهزي الفرص ودايما فكريهم لا تتركي الموضوع تماما حتي ينسوا ولما ترجعي تتكلمي تاني هيفتكروا انها فكره بتطلع في دماغك وخلاص انا جربت فخليكي دايما فاكره الموضوع واشيري له بكلمات حتي يعلموا انك مازلت متمسكه به لاتغلقي الموضوع تماما وليس بالضروره ان تفتحيه معهم

 

وعليك بالدعاء والاستغفااااااااااااااااااار ولا تقولي سانتظر الجامعه فماذا لو سبقها الموت كيف نقابل الله ؟

 

وانا متابعه معك للنهايه باذن الله

[املى فى ربي كبير 0]

شكرا لك على ردك الجميل بس الفكرة ان انا فى يوم كنت فى النادى مع ماما و بعدين فاتحتنى فى الموضوع و فضلت تتكلم معايا و طلعتنى فى الاخر غلطانة و اعدت تقولى لا انا و لا باباكى مقتنعين و لا موافقين و اعدت تقولى ارجوكى احنا مش ناقصين ذنوب علشان تيجي تطلبى منى طلب زى ده و احنا نرفضة (اصل بابا تعبان و انا حاسة ان من ساعة مافتحت الموضوع بأة عيان اكتر هو ده اللى مسكتنى) و قالتلى لما تبقى فى الجامعةالبسيه بس هى دى الفكرة و بعد ماخلصت كلام معايا انا منطأتش بنص كلمة و من ساعتها الموضوع متفتحش رغم ان انا فعلا كان نفسي البسه ،اعمل ايه و انا عارفة و متأكدة ان انا لو فتحت الموضوع ده تانى الدنيا هتطربأ فوق نافوخى وكمان حاجة كانت بتقولى احنا وافقنا ان احنا نلبسك عبايات و كدة اول لما طلبتى لكن الطلب ده صعب و حنا مش موافقين وانا الحمد لله مش بعرف ارد بنص كلمة و دايما بتسألنى و تقولى هو يعنى اللى بيلبس زيك عبايات يخش النار واللى يلبس النقاب يخش الجنة ،الموضوع مش باللبس الموضوع بالاخلاق لما تكونى كاملة من كل حاجة ابقى البسيه .يعنى الكلام ده كلة اسلوب تعجيز بس و المشكلة ان انا مش بيكون عندى جواب حاضر فبسكت و ارجع اندم ، وبعدين سؤال كمان هى بتقول انه مش فرض و مش راضية تقتنع اعملها ايه ؟تقدرى تلاقى الحل فى التشابكات دى و بعدين يعنى انا بلبسى ده هخش النار يعنى الاولى ان اسمع كلامهم ولا اعمل ايه انا تعبت بجد

[غزالة 0]

أولاالسلام عليكم يا املى :

بصى يا ستى انا هقولك من الاخر مفيش حاجة بتبقى عايزة تعمليها لربنا الا وبيوفقك ليها دى حقيقة مش كلام نظرى والله وانا جربت كتيييييييييييييييير اوى وتيقنت والحمد لله يعنى انتى كده كده هتتنقبى بس الفكرة فيكى انتى واصرارك ولجؤك لربنا ودعائك له والتذلل له هو ده الا ربنا يريده من اى عبد عند اى ابتلاء فهمانى ياعسولة ولا ايه ؟يعنى الفكرة مش فى ماما خالص الفكرة انتى وبس تمام دى حاجة

الحاجة التانية ياقمر انك انتى اصلا تقرى كتير وتعرفى عن النقاب عشان مش اى كلام يهزك وهقولك مثالين عكس بعض

المثال الاول واحدة صاحبتنا كانت نفسها تتنقب اوى وبتبكى كتير جدا عشان اهلها مش موافقين خالص وبيزعقولهاويقولولها هتبقى شبه العفاريت ومتجبيش السيرة دى خالص بس هى كانت بتبرهم وتحسن معاملتهم وبتدعى كتييروبتزيد فى عمل الطاعات وكانت لابسة خمار وبتنزله خالص وتغطى جبهتها وعلطول فى اى حتة نكون فيها بلاقيها كأنها بتغطى وجهها بالخمار من كتر ماهى نفسها تتنقب ......بعد كده بكام شهر شفتها منتقبة بموافقة اهلها؟؟؟؟؟؟؟؟

المثال الثانى واحدة صاحبتى برضه طيبة اوى ونفسها تلبس النقاب باباها موافق بس ماماتها لأ بتقولها لما تتجوزى ماشى؟كنت بقعد اقولها ادعى ربنا وان شاء الله خيرا ومتعنديش مع مامتك ومعها واحدة واحدة وهى تقولى انا عايزة البسه دلوقتى وهى مش موافقة....المهم مامتها بعد كده وافقت وقالتلها البسيه لو عايزه هى اتحمست فى الاول وبعد كده صاحبتى قعدت تقولى بلاش دلوقتى وعشان الشغل شفتى الفرق يا جميلة

يعنى الفكر انتى عايزاه بجد ولا يعنى عشان ماما وبابا معارضين انا مصرة على رأيي اوقفى كده مع نفسك وفكرى بس فى نفسك وربنا ومتقلقيش ربنا هيجازيكى احسن مما تتوقعى ها يا قمر فهمتى قصدى ....اه حاجة كمان بلاش تلبسيه من ورا مامتك عشان متعقديش المواضيع اكتر وصدقينى شكل مامتك طيبة اوى ولما تلاقيكى مقتنعةاوى بيه ومصرة عليه وقد المسؤلية مش هترفض ابدا بس الرفق الرفق يا املى

[غزالة 0]

أولاالسلام عليكم يا املى :

بصى يا ستى انا هقولك من الاخر مفيش حاجة بتبقى عايزة تعمليها لربنا الا وبيوفقك ليها دى حقيقة مش كلام نظرى والله وانا جربت كتيييييييييييييييير اوى وتيقنت والحمد لله يعنى انتى كده كده هتتنقبى بس الفكرة فيكى انتى واصرارك ولجؤك لربنا ودعائك له والتذلل له هو ده الا ربنا يريده من اى عبد عند اى ابتلاء فهمانى ياعسولة ولا ايه ؟يعنى الفكرة مش فى ماما خالص الفكرة انتى وبس تمام دى حاجة

الحاجة التانية ياقمر انك انتى اصلا تقرى كتير وتعرفى عن النقاب عشان مش اى كلام يهزك وهقولك مثالين عكس بعض

المثال الاول واحدة صاحبتنا كانت نفسها تتنقب اوى وبتبكى كتير جدا عشان اهلها مش موافقين خالص وبيزعقولهاويقولولها هتبقى شبه العفاريت ومتجبيش السيرة دى خالص بس هى كانت بتبرهم وتحسن معاملتهم وبتدعى كتييروبتزيد فى عمل الطاعات وكانت لابسة خمار وبتنزله خالص وتغطى جبهتها وعلطول فى اى حتة نكون فيها بلاقيها كأنها بتغطى وجهها بالخمار من كتر ماهى نفسها تتنقب ......بعد كده بكام شهر شفتها منتقبة بموافقة اهلها؟؟؟؟؟؟؟؟

المثال الثانى واحدة صاحبتى برضه طيبة اوى ونفسها تلبس النقاب باباها موافق بس ماماتها لأ بتقولها لما تتجوزى ماشى؟كنت بقعد اقولها ادعى ربنا وان شاء الله خيرا ومتعنديش مع مامتك ومعها واحدة واحدة وهى تقولى انا عايزة البسه دلوقتى وهى مش موافقة....المهم مامتها بعد كده وافقت وقالتلها البسيه لو عايزه هى اتحمست فى الاول وبعد كده صاحبتى قعدت تقولى بلاش دلوقتى وعشان الشغل شفتى الفرق يا جميلة

يعنى الفكر انتى عايزاه بجد ولا يعنى عشان ماما وبابا معارضين انا مصرة على رأيي اوقفى كده مع نفسك وفكرى بس فى نفسك وربنا ومتقلقيش ربنا هيجازيكى احسن مما تتوقعى ها يا قمر فهمتى قصدى ....اه حاجة كمان بلاش تلبسيه من ورا مامتك عشان متعقديش المواضيع اكتر وصدقينى شكل مامتك طيبة اوى ولما تلاقيكى مقتنعةاوى بيه ومصرة عليه وقد المسؤلية مش هترفض ابدا بس الرفق الرفق يا املى

[املى فى ربي كبير 0]

شكرا اوى ليكي على الرد يا غزالة و ان شاء الله هراجع نفسى تانى و فكر فى الموضوع و هدعى ربنا بس انا بطلب منك طلب انك تدعيلي لانى بجد محتاجة دعائكم كلكم لانى تعبانة اويييييييييييييييييييييييييييييييييييي و شكرا مرة تانية

[فاطمة الزهراء24 0]

السلام علكم ورحمة الله وبركاته......بنيتي املي في ربي كبير ان كانت مشكلتك مازالت قائمة ومازلت تبحثين عن حل ارجو ان تعلميني حتى اتواصل معك لنصل باذن الله الى مايرضي الله فلا تعجلي والامور لاتسير دائما كما نشتهي ولاجل ذلك توجب علينا الحلم مع الحكمة وتوظيفها بما يوافق الشرع................واول مااريدك ان تعلميه هو انك الان وقعت بين فكي الشيطان فكه العلوي اسمه الاحباط والوهن وهذا يقودك الى الانسحاب والفك الثاني هو طول الامل...وهو راس كل خطيئة........وهو الان يمرح وفرح لانه تمكن من ايقافك ولو مؤقتا....قبلا كانت المشكلة في والديك والخطر كله منك باصرارك على النقاب..فذهب الى والدتك اين مكنها من الضغط على الوتر الذي اوصلك الى ما انت فيه ......بنيتي اسال الله ان يمكنني من التواصل معك عسى ان يوفقك الله لما يحبه ويرضاه

[وردشام 0]

السلام عليكم ورحمة الله وبركاته

أختى الغالية

لقد واجهت ما واجهتيه حينما أردت وأصريت على ارتداء النقاب

ولكنى كنت حينئذ أدرس فى الجامعة

ولكنى والحمد لله أخلصت النية لله أولا ( وهذا أول شىء يطلب منك )

ثانيا : دعوت الله بأن ييسر لى هذا الأمر

ثالثا : كانت والدتى ووالدى وأخى الأكبر منى فى سفر الى المملكة العربية السعودية

فانتهزت الفرصة وقمت بشراء النقاب

ثم اتصلت عليهم عبر النت وتحدثت الى أمى وقلت لها

لقد اشتريت النقاب وأحب أن أرتديه يوم السبت القادم ( وكنا يوم جمعة على ما أفتكر )

فان ارتديته فهل هذا يزعلك منى

قالت لى : لا حبيبتى بل يفرحنى ( وقد لبسته أمى قبلى فى السعوديه )

فحمدت الله على ذلك وأسرعت فى ارتدائه

عزيزتى : ممكن انك تجلسى مع أهلك وتحكى لهم عن أحداث واقعيه حدثت لمن لم ترتدى الحجاب الشرعى ( من مضايقات واختلاطات ونحوذلك )

وتحسسيهم انك بارتدائك النقاب ستسعدين فى الدنيا والآخرة وتكونين مصونة باذن الله من الكلاب البشريه

وأن ذلك سيكون فى ميزان حسناتهم

وأهم من ذلك أنك تتقربين اليهم ببرهم وطاعاتهم وسماع كلامهم وودهم لكى يحبونك ويرون فيك الصدق والحب والصلاح .

واصبرى عزيزتى الغاليه وستؤجرين على صبرك باذن الله

فقد صبرت حوالى سنتين تقريبا الى أن من الله على

وها أنا والحمد والفضل لله وحده أرتدى النقاب منذ أخر سنة لى فى الجامعة ( يعنى منذ ستة سنوات )

أسأل الله أن يمن عليك بفضله وأن يهدى أهلك لما فيه الصلاح والتقوى

وسلام الله عليك ورحمته وبركاته

[mai_mayada 0]

السلام عليكم

اسأل الله ان يسهل نقابك ويهدي اهلك ابدأ بالنقاب واتحدثي مع اهلك بالحسنى هناك صديقة لي امي كانت رافضة لكنت دعت الله كثيرا وارتدت النقاب وامها لم تقل لها شيئا نسأل الله الثبات فلازم المشقة والرفض خصوصا موضوع الزواج ربنا يسهل عليك لاتتوقفي والحي في الدعا ومع اهلك وابدأ بعد ذلك يكون الامر عادي

[املى فى ربي كبير 0]

السلام علكم ورحمة الله وبركاته......بنيتي املي في ربي كبير ان كانت مشكلتك مازالت قائمة ومازلت تبحثين عن حل ارجو ان تعلميني حتى اتواصل معك لنصل باذن الله الى مايرضي الله فلا تعجلي والامور لاتسير دائما كما نشتهي ولاجل ذلك توجب علينا الحلم مع الحكمة وتوظيفها بما يوافق الشرع................واول مااريدك ان تعلميه هو انك الان وقعت بين فكي الشيطان فكه العلوي اسمه الاحباط والوهن وهذا يقودك الى الانسحاب والفك الثاني هو طول الامل...وهو راس كل خطيئة........وهو الان يمرح وفرح لانه تمكن من ايقافك ولو مؤقتا....قبلا كانت المشكلة في والديك والخطر كله منك باصرارك على النقاب..فذهب الى والدتك اين مكنها من الضغط على الوتر الذي اوصلك الى ما انت فيه ......بنيتي اسال الله ان يمكنني من التواصل معك عسى ان يوفقك الله لما يحبه ويرضاه

 

 

شكرا لكى اختى و انا بقولك ان المشكلة مازالت قائمة و انا خليت اخويا الكبير يسال الشيخ بتاعة بس هو مردش عليا ولكن ان شاء الله لما الشيخ يرد عليه هو هيكلم ماما و بابا تانى بس الشيخ مردش علينا لسه وانا فى انتظار الرد

[املى فى ربي كبير 0]

السلام عليكم ورحمة الله وبركاته

أختى الغالية

لقد واجهت ما واجهتيه حينما أردت وأصريت على ارتداء النقاب

ولكنى كنت حينئذ أدرس فى الجامعة

ولكنى والحمد لله أخلصت النية لله أولا ( وهذا أول شىء يطلب منك )

ثانيا : دعوت الله بأن ييسر لى هذا الأمر

ثالثا : كانت والدتى ووالدى وأخى الأكبر منى فى سفر الى المملكة العربية السعودية

فانتهزت الفرصة وقمت بشراء النقاب

ثم اتصلت عليهم عبر النت وتحدثت الى أمى وقلت لها

لقد اشتريت النقاب وأحب أن أرتديه يوم السبت القادم ( وكنا يوم جمعة على ما أفتكر )

فان ارتديته فهل هذا يزعلك منى

قالت لى : لا حبيبتى بل يفرحنى ( وقد لبسته أمى قبلى فى السعوديه )

فحمدت الله على ذلك وأسرعت فى ارتدائه

عزيزتى : ممكن انك تجلسى مع أهلك وتحكى لهم عن أحداث واقعيه حدثت لمن لم ترتدى الحجاب الشرعى ( من مضايقات واختلاطات ونحوذلك )

وتحسسيهم انك بارتدائك النقاب ستسعدين فى الدنيا والآخرة وتكونين مصونة باذن الله من الكلاب البشريه

وأن ذلك سيكون فى ميزان حسناتهم

وأهم من ذلك أنك تتقربين اليهم ببرهم وطاعاتهم وسماع كلامهم وودهم لكى يحبونك ويرون فيك الصدق والحب والصلاح .

واصبرى عزيزتى الغاليه وستؤجرين على صبرك باذن الله

فقد صبرت حوالى سنتين تقريبا الى أن من الله على

وها أنا والحمد والفضل لله وحده أرتدى النقاب منذ أخر سنة لى فى الجامعة ( يعنى منذ ستة سنوات )

أسأل الله أن يمن عليك بفضله وأن يهدى أهلك لما فيه الصلاح والتقوى

وسلام الله عليك ورحمته وبركاته

انا ان شاء الله هحاول تانى بس لما الشيخ يرد علينا علشان اخويا لما يجي يتكلم يكون عنده علم كافى علشان يقدر يرد على اى سؤال و جزاكى الله خيرا على الاهتماام