ابتسم زى العبيط.....وكله هيتظبط تظبيط

[ملكة بأخلاقى 1]

السلام عليكم ورحمة الله وبركاته

 

 

عمرك رحت للدكتور و كنت تعبان و بعد ما خلص كشف

راح ( حاطط إيده على كتفك ) و قال لك :

يابني انت سليم , ما عندكش حاجة عضوية ,

الألم اللي عندك ده ( نفسي ) !!

تا تا تا تااااااااااااا

 

عموما لو ما حصلكش , فيه ناس تانية حصل لهم

 

المهم يعني , عمرك سمعت عن مرض عضوي كان أصله نفسي ؟؟ (*)

أكيد سمعت ..

 

طيب عمرك سمعت عن العكس ؟؟

 

إن وضعك العضوي ,المادي , الملموس ممكن يأثر على حالتك النفسية ؟؟

 

طبعا هتقول لي : إزاي ؟؟

 

 

هقول لك يا سيدي :

 

ارجع بالكرسي اللي انت عليه لورا شوية ..

اثني ظهرك ..

ضع كوعك على رجلك ..

ضع خدك على إيدك ..

انظر للأرض ..

 

هاه .. حاسس بإيه دلوقتي ؟؟

 

أكيد افتكرت موقف وحش ,

أو مشكلة قديمة ( هفّت عليك ) ,

أو جالك إحساس وحش أو .... إلخ,

 

صح ؟؟

 

 

طيب دلوقتي نجرب حاجة تانية ,

 

رجع ظهرك لورا ,

افرد ظهرك ,

انظر لأعلى بزاوية 45 - و ما تسألش ليه - ,

ارسم ابتسامة عريضة بشفايفك ... ياعم ارسمها و خلاص ,

 

هاه , جاهز ؟؟

 

دلوقتي افتكر أي موقف وحش في حياة جنابك الكئيبة ...

 

لا لا , سيب الوضع و الابتسامة و كل حاجة زي ما هي,

 

.

.

.

 

العملية مش نافعة , صح ؟؟

 

لييييييييييييييه ؟؟

 

 

لأن جسمك في وضع ( إيجابي ) ,

يعني في الوضع اللي عادة بيكون فيه بيفكر فيه تفكير إيجابي ,

فمش قادر يفكر تفكير سلبي ,

 

 

 

علشان كده هيئتك و وضعك المادي المحسوس ده ممكن جدا يأثر في حالتك النفسية ,

 

و فيه مقوله عاجباني جدا للإمام الشافعي بيقول فيها :

( من نظف ثوبه قلَّ همّه , و من طاب ريحه زاد عقله ) (**) ,

 

تخيل نفسك كده ( واخد دُش ) و لابس (الحتة اللي على الحبل) و الهدوم مكوية و نظيفة و آخر تمام , و حاطط ريحة - للصبيان بس - و آخر جمال ,

 

 

تخيل نفسك في الوضع ده و شوف تفكيرك و تعاملك و حياتك هتكون إزاي ؟؟

 

و تخيل نفسك العكس برضه ,

 

أكيد أكيد وضع جسمك و هدومك و جلستك و مشيتك و ..... إلخ ,

كل الحاجات دي بتأثر على حالتك النفسية و على ( دماغ جنابك العالي ) ,

 

 

علشان كد لما تلاقي نفسك داخل على نوبة اكتئاب و لا حاجة ,

لازم ( تلبي نداء الطشت ) و تقوم تستحمى ,

و تلبس نظيف و تسرح شعرك و تحط ريحة و تظبط نفسك كده ,

 

أو على الأقل تعدل من طريقة جلوسك و تبص للسقف و تبتسم زي العبيط كده , و كله هيتظبط تظبيط ,

 

 

بس خلاص , رجّع ظهرك لورا و إلزق ابتسامه على وشك ,

و شوف إن كنت هتعلّق و لا هتقفل , و لا شوف انت رايح فين بالظبط .

 

سلام

 

 

 

منقوووووووووووووووووووووول

 

نسأل الله ان يتوب على كاتب الموضوع و ناقله

["أم عبدـالرحمن" 7]

بارك الله فيك و في كاتب الموضوع

 

اكيد حالتنا الخارجية تؤثر بشكل كبير على النفسية

اللهم احفظنا من جميع الامراض النفسية و البدنية

 

جزاك الله خيرا

[هبة نور 2043]

هههههههههههههههههه

 

ادينى بضحك زى العبيطة اهو

 

اما اشوف اخرتها يا ملوكة

 

موضوع تحفة بجد

 

الله يسعد قلبك حبيبتى

[فراشة الكون 1]

جميل الموضوع ده ياملوكه   تسلمي يا جميل

 

نسأل الله ان يتوب على كاتب الموضوع و ناقله

[صفاء قلب مسلم 0]

السلام عليكم ورحمه الله وبركاته

موضوع جميل جدا باس للاسف انا مبعرفش اكون عبيطه لاما بتطلب كئابه

ببقى كئيبه جدا ومحبش اكلم حد ولا اشوف حد ولا اكل ولا اشرب كئابه على حق

ولاما بكون سعيده بحس انى عايزه اكلم كل الناس وعايزه اسعدهم معايا وممكن اعمل اى حاجه

تخلى كل ما حولى سعيد معى مش عارفه هل انا كدا مجنونه

[محبة لربها، ادعوا لي بالثبات 72]

بصراحة.....زالعنوان ما عجبنيش بس لما دخلت الموضوع لقيته جميل

 

تسلم مجايبك يا ملوكة

[دانة الاسلام 38]

ههههههه اضحك الله سنك كلام جميل واسلوب بسيط ولكنه رائع تسلم ايدك على النقل الطيب

[elhour elain 1]

جزاك الله خيرا طريقة جيدة لمعالجة الاكتئاب كنت قد جربتها من قبل.

[ملكة بأخلاقى 1]

ههههههههههههه

تسلموا حبايبى على الرد

واكيد ياصفاء

انتى مش مجنونه كلنا كده برده ههههه

[أحلام وردية 7]

جميل الموضوع ده ياملوكه   تسلمي يا جميل

 

نسأل الله ان يتوب على كاتب الموضوع و ناقله

[ملكة بأخلاقى 1]

تسلمى ياجميل على الرد

[زوجة مصطفي منجه 0]

السلام عليكم ورحمة الله وبركاته

جزاكي الله خيرا

[أم لبابة بنت أحمد محمد 172]

هههههههههههههه

اضحك الله سنك

بجد رائعة

وجامدة جدا

وعلي فكرة يا ملكة انا بحبك في الله

ونفسي اعرفك

بس لو لم نلتقي في الدنيا في جنات عدن للاحبة مجمع

[هبة نور 2043]

بصراحة.....زالعنوان ما عجبنيش بس لما دخلت الموضوع لقيته جميل

 

تسلم مجايبك يا ملوكة

 

 

هى داخلة عليكى بكيس جوافة يا سمسم

 

هههههههههههههههههه

[ملكة بأخلاقى 1]

هههههههههههههههههه

ماشى ياهبه3

تعالى هدى النفوس هههههههه

وحبيبتى ام لبابه احبك الله الذى احببتنى فيه

وانا والله نفسى اتعرف عليكى ياجميل

[أم لبابة بنت أحمد محمد 172]

ده انت اللي جميل يا جميل

تسلميلي يا قمري

ربنا يكرمك

ويرزقك زوج صالح مصلح

تقي نقي مجاهد في سبيله لطلب العلم الشرعي

[ملكة بأخلاقى 1]

اللهم اااااااامين

انى احبك فى الله

[أم لبابة بنت أحمد محمد 172]

احبك الله الي احببتي فيه

باين عليك من امين بتعتك انك................

ربنا يارب يرزقهولا عاجلا لا اجلا

وانا معاك

امين

[ساره ابو اسنينه 37]

ربنا يجزيكى كل خير يا اختى الحبيبه

هههههه

ربنا يبسطك :cool:

[فدوى المسلمي 531]

ههههههههههههه

الصراحة اسلوب الموضوع يفطس من الضحك

الله يرضى عنك ملوكة

تسلمي يا قمر

[نهى المصريه 3]

ههههههههههههههههههههههههههههههههههههههه

 

بصراحة يا بت يا ملووكة مش عارفة اقولك اييييييييييه

 

همووووووووووووت من الضحك

 

بس الموووووضوع تحححححفة اخر حاااااااااااجة ههههههههههههه

 

ههههههههههههههههههههههههههههههههههههه

 

عبط بئة معلش

[ام روتى 4]

ههههههههههههه

الصراحة اسلوب الموضوع يفطس من الضحك

الله يرضى عنك ملوكة

تسلمي يا قمر