معقود زواجي واريد الانفصال

[السعاده في طريق الالتزام 1]

السلام عليكــم ورحمـة الله وبركاتــة ،،

 

اخواتي في الله

 

اولا ارجو من المشرفات عدم نقل موضوعي للاستشارات

 

لاني بجد محتاجه جداااااا جدااااا رأي العضوات لان نفسيتي تعبانه فوق ما اي حد يتخيل

 

 

انا للاسف مريت بتجربه صعبه جداااا جدااا جدااا في فتره عقد زواجي دا لم تكن الفتره اللي عيشاها اي واحده ابدااا

 

 

بل علي العكس تماما كلها مشااااكل بزياده اووووووي عن الحد

 

 

انا تقدم لي شاب كويس زي مكنت كاتبه عنه في قسم الاستشارات كدا

 

وبعد ما وفقت علي ظروفه بالرغم انها صعبه وقولت هشتري الدين واهم حاجه انه متدين زي ماكنت وصفه في موضوع قبل كدا

 

وللاسف مش مراعي تنازلي مثلا عن الاشياء دي بالعكس في الحاجات اللي يقدر يجبها يحصل نفس الاسلوب من حوارات ولف ودوران فهل هكذا اصبح الشكل فقط بالاضافه كمان انه بينشف دماغه جدااااا علي الكبيره والصغيره ومش سلس ولا مرن في المعامله

 

ولما بيحب يعمل حاجه يعملها بدون مراعاه لظروفي وظروف اهلي

 

اهم حاجه عنده هو عايز ايه مش مشكله الطرف اللي قدامه عايز ايه

 

فهمني طبعااااا

 

انا بصراحه اتخنقت اووووووووووووووووووووووووووووووووووي من تصرفاته

 

بس اللي صدمني اكتر انه ظاهره الالتزام وبيصلي كل صلواته في المسجد

 

واخر مره صحيت من النوو علي صوت زعاق امي في الموبيل

لانها بتكلم اختي

 

وبتحكلها علي اللي خطيبي بيعمله

 

وامي مصممه جدا جدا علي الانفصال منه

وتقولي سيبه يعني سيبه مفيش مناقشات

 

انا والله عارفه فعلا هو بني ادم جامد وشخصيته صعبه جدا جدا ومش مرن وتقولي انتوا لسه علي البر

 

انما بعد الزواج المشاكل هتكون كبيره

 

انا هحكي اخر موقف وانا بصراحه مدمره نفسيااااا جدااا لان قرار الطلاق بالنسبه لي صعب اوووووووي بس لابد منه فعلا

 

وممكن يريح كل الاطراف

 

المشكله بدأت في اختيار سيراميك الشقه طلب مني اختاره وفعلا جابلي الكتالوج وانا عند اختي واخترت وهو متدخلش في الاختيار بس قالي اختاري المطبخ بس والحمام مش دلوقتي بقوله طيب ليه كله مع بعضه افضل قالي لا يعني ملوش لازمه دلوقتي

 

قولتله طيب خلاص واخترت المطبخ بس فعلا لقيته في نفس اليوم ولما روح البيت قالي انه لازم يعمل الحمام معاهم ويجيبه مع المطبخ بقوله طيب مقولتليش ليه اختار الاتنين مع بعض المهم زعل اني مسبتلوش مساحه للاختيار يعني مقولتش اختاره انت

 

انا والله كل اللي اقصده اننا نختار سوا ولا انت ولا انا نتفق ومحدش يعمل حاجه مش عجبه التاني

 

المهم حصلت مشكله كبيره علشان رفض انه يشتريه من غير ما اشوفه وعلشان هي مسئله عند بالنسبه له قالي بصي مش عملتي كدا في سيراميك الحمام انا بقى لون الشقه علي مزاجي انا وبنفس الاسلوب كدا والله العظيم قولتله بصراحه اني اتحملت كتير وافضل الانفصال عارفه اني غلطانه في الكلمه دي بس من تعبي والله وعنده ودماغه الناشفه في امور كتيره تعبت اوووووووووووووووي

 

المهم وبعد المشكله دي عديت واتصالحنا وخلاص

 

مشكلته انه لما بيقولي حاجه عايزني اعملها لاما يزعل ويضايق طيب مهي ظروفي بتكون متسمحش لا معندوش اي مراعاه لظروفي انا

 

المهم في الاخر يا اخواتي عديت حته الحمام والمطبخ اتصل بيا قالي بصي لازم تيجي دلوقتي تختاري المطبخ بقوله منا اخترت في الكتالوج قالي مش موجود وتعالي اختاري غيره لازم بقوله ازاي لازم هوأ مر يعني دلوقتي امي مكنتش في البيت واخوايا معايا الصغير لازم ازي مش هينفع لازم تراعي ظروفي ومينفعش دايما اللي انت عايزه تعمله ولا العكس المهم وبعد مناقشات طويله قالي خلاص بس بكره لازم تيجي قولتله ماشي بكره كويس

 

جينا تاني يوم اخترت المطبخ والحمام كانت اشكاله كتيره اوي فحترت فبقوله انا مش قادره احدد وفضلنا كتير اوي فبقوله طيب بص نأجل الحمام لما ماما تيجي معايا يكون ليها نظره برض

 

فتاني يوم رحت فعلا انا وهو اخترت المطبخ والحمام ودفه العربون بس وحنا ماشيين بقوله انا مش مقتنعه بالحمام اوي حاسه انه مش حلو اوي

 

 

انا فعلا غلطانه في دي لاني مش عارفه احدد وهو اضايق اوي وقالي طيب ليه كدا ومكنتش جبتي مامتك من الاول مدام عيزاها معاكي واختي عامله عمليه في عنيها ومينفعش ماما تيجي المهم فعلا انا اللي كنت غلطانه وقالي تعالي انتي ومامتك بالليل قولتله طيب

 

فتصل بيا في وسط النهار قالي بصي مش هجيب الحمام خالص دلوقتي فهمني يعني عقاب ليا بمعني اصح قولتله طيب ليه منا هاجي انا وماما قالي لا مش دلوقتي قولتله طيب براحتك وقفلنا

المهم جينا بعد دا كله قولت لماما خلاص ياماما ملوش لازمه مشوار بالليل دا علشان هو بيقول مش هيعمل الحمام دلوقتي

 

فتصل بيا المغرب وقالي بصي ايه رايك بلاش المطبخ اللي اخترتيه ونجيب اللي في الكتالوج افضل

 

 

يعني سبحان الله اشمعنا اتوجد دلوقتي مش هو كان مش موجود!!!!!

 

اللي فهمته منه انه كان هيجيب من محل وبعدين وداني محل تاني غير بتاع الكتالوج وبعدين عايز دلوقتي يجيب اللي في الكتالوج فهمني!!!!

 

قولتله طيب اقولك انت روح اي واحد بتاع سيراميك وهات سيراميك باركيه بسسسسسسسسسس خلاص اي نوع بس يكون نفس الدرجه اللي اخترتها علشان اريح دماغي بجد من حواراته دي

 

المهم اتصل عليا قالي ان فيه سيراميك باركيه بلاطه وبلاطه حلو اوي هجيبه وهيعجبك قولتله طيب مش المفروض اشوفه الاول قالي تعالي بكره شوفيه علشان هركبه بكره قولتله بكره ازاي مينفعش مش كنا متفقين اني اجي انا وماما بعد بكره يعني كدا كل يوم هروح واجي

 

المهم زعل طبعا كالعاده وقالي بصي انا مش هعمل حاجه خالص ومفيش حاجه هتركب دلوقتي يعني فهم اني عايزه امشي رأيي والله ابداااااااااااااااا انا بقوله قبل ما تجيبه اشوفه

 

المهم ماما اتصلت عليه قالتله هي اختارت المطبخ دا مرتين مره من الكتالوج ومره واحد تاني انت ولا جبت دا ولا دا وعايز تجبرها علي واحد تالت خالص وليه التنقل بين المحلات ومش راسي علي محل كدا

 

المهم وحتي معملش احترام لماما ويقولها لا خلاص انا مش هعمل حاجه دلوقتي وكل ما تكلمه في حاجه يقولها لا خلاص خلاص فماما اضيقت من اسلوبه هو دا الالتزام يا اخوات وهي دي صفات الزوج اللي بيراعي ربنا انا والله العظيم نفسيتي تعبانه اوووووووووووووووووووووووووووووووووووووووووووووي وعدم احترامه لماما خنقني اووووووووووووووووووووووووووووووووووووووووووووووووووووووووووووووي

 

 

فماما طبعا بعدها وهي كل شويه تصبرني قالتي لا سيبك منه خالص هو مفيش غيره واسلوبه وحش وهيتعبك بعد الزواج جدااااااااااااااااا لانه لما بيحب يعمل حاجه بيعمله ولما مش بيحب مش بيعملها ودا غلط لازم يعرف ان فيه ظروف عند غيره ويقدرها انما الحياه مش كدا

 

 

المهم دلوقتي تدعولي اوي لاني حقيقي تعبانه اوي اوي اوي اوي

 

وانا فعلا بفكر في الانفصال بس حاسه انها خطوه صعبه اووووووووووووي بس اريح من الانفصال بعد الزواج

 

والله انا بحترم قوانين المنتدي واسفه اني كتبت المشكله هنا بس قلبي مخنوق اوووووي وانا حتي بكتبلكم ومش قادره امسك نفسي من البكاء

 

ادعوووووووولي

 

ومنتظاركم بفارغ الصبر قولولي اعمل ايه

[أحزنتنى ذنوبى 2]

السلام عليكم

كيف حالك حبيبتي

حاسة انك تعبانة وافكارك متلخبطة انصحك تفكري بالموضوع وانتي اهدى من كدة ومتتسرعيش اسوأايام في الخطوبة ايام تجهيز الشقة لأن الأعصاب بتبقى مشدودة من الارهاق والتعب وكمان المصاريف الكتير

استخيري واهدي ومتتعبيش اعصابك واعلمي انة لو من نصيبك هيكون يعني هيكون معلش انا مستعجلة دلوقتي وهابقى ارجعلك تاني ويارب اسمع عنك كل خير

ربنا يوفقك للي فية الخير

[ام مريم وهاجر 16]

لا حول ولا قوة الا بالله يا حبيبتى يا صفاء بيكى ايه يا حبيبتى قلقتينى عليكى جداااااااااااااا

 

حبيبتى أستعينى بالله سبحانه وتعالى واستخيرى الله فى أمرك وهو المدبر فى كل أمر

 

أوعى تتصرفى أى تصرف تندمى عليه الا لما ترجعى لله سبحانه وتعالى

 

وبعدين معلش ده بيحصلح كتير جدا فى فترة الخطوبة والعقد المواقف دى كتير جداااااااااااااا

 

والله أنا تعرضت للمواقف أكثر من ذلك مع زوجى والله مواقف لها العجب والحمد تزوجنا من عشر سنوات ومعانا اطفال والحمد لله سعداء فى حياتنا

 

احكيلك موقف انا اتخطبت لزوجى فى ظروف مدية صعبه جداااا

 

وكان عليه المطبخ الخشب والانترية

 

وقلت هشتريهم جاهزين علشان التكلفه أقل على أمى لان والدى كان متوفى

 

رفض وقال لو اشتريتى جاهز هرميهم على السطح الشمس تكلهم وعوضك على الله

 

وصمم فعلا انى اعمل عموله وكمل بقيت الفلوس وعمل على مزاجة

 

ولون الشقة هو اللى اختاره لوحده وحاجات تانية كتير وبعد الخطوبة بفترة حصلت مشكلة وقررنا اننا نفسخ الخطوبة وتدخلت واحدة ربنا يبارك فيها والحمد لله الموضوع عده كانت ساعة عصبية

 

وأقسم بالله بعد الزواج لقيته أحن قلب فى الدنيا وأحن أب كمان الله أكبر عليه

 

وندمت انى يوم من الايام انى كنت هسيبه بس الحمد لله ليه نصيب فيه

 

صدقينى يا صفاء دى شده وتوتر التجهيز واللخمة ولو ليكى نصيب فيه لو عملتى ايه ربنا هيكرمك ان شاء الله

 

ما تبكيش وأمسحى دموعك وربنا سبحانه وتعالى عالم بيكى وان شاء الله مش هيختار ليكى حاجة شر ابدا

 

انا حسه بيكى اوووووووى لانى مجربة والله بس كلمه مطلقة دى صعبه جدااااا ربنا ما يحكم عليكى بيها يارب

[محبة لربها، ادعوا لي بالثبات 72]

اعملى استخارة يا صفاء

 

 

وادعيله فى جوف الليل ربنا يسخرهولك يا رب

[محبة لربها، ادعوا لي بالثبات 72]

عاوزة اقولك انا ما اخترتش اى حاجة حتى اسامى اولادى بس الحياة ماشية..لما يبقى معاكى وف بيت واحد يمكن تقدرى تكسبيه ماتنسيش الدعاء

 

وافتكريله الحاجات الحلوة

تم تعديل 8 يوليو, 2010 بواسطة محبة لربها.ادعولى بالثبات

[وأشرقت السماء 1565]

حبيبتى لا ترهقى نفسك أكثر من ذلك

حبيبتى لا تتوهمى أن الدنيا كلها بمبى ووردى

لابد فى البداية أن تستخيرى ربك وتتذللى إليه فى وقت السحر ولن يخذلكى أبدا واستغفرى كثيرا ييسر لكى الله كل صعب

كلنا مرينا بهذه الظروف وأنتى أدرى بطباعه أكثر من أى أحد حتى أكثر من أمك حفظها الله لكم

إذا كنت تستطيعين العيش معه بطباعه وتستطيعى أن تمتصى غضبه وقت الغضب وتستطيعى أن تتنازلى أكثر من أجل مرور الحياة

إذا كانت به مميزات إبحثى عنها ولا تنظرى لعيوبه فقط فمن منا من لا يوجد به عيوب؟

هونى على نفسك حبيبتى حتى تستطيعى التفكير

إذا كنتى تشعرين منه بالضيق وعدم تقبله أو تقبل أى تصرف منه فاتركيه حتى لا تحدث الكثير من المشاكل بعد ذلك

وإن كانت هناك مميزات تغفر له عيوبه فتمسكى به وناقشيه بهدوء واستشيروا بعض فى أموركم ولا داعى للتحكم والعناد فأحيانا عندما يشعر الرجل أن زوجته تريد أن تمشى رأيها على رأيه يشعره هذا بالغضب وبالتالى يتملكه العند وأيضا أحيانا لا يريد أن تتدخل الأم فى أى إختيار وهذه أحيانا طبيعة فى الرجل

إبحثى عن مميزاته فى هدوءه إن كان يحبك ويخاف عليكى فتمسكى به

تصدقينى لو قلتلك إنى لم أختار أى حاجة أبدا فى شقتى لا سيراميك ولا عفش ولا أى حاجة خالص رجعت من الكلية فى يوم لقيتهم بيقولوا الشقة خلصت والعجب كمان إن زوجى أيضا لم يختار شيئا لأنه كان فى الخدمة العسكرية وأبوه هو من عمل كل حاجة وجهز الشقة كلها وإختار العفش وحدد ميعاد الفرح بدون الرجوع لأى شخص وتخيلى كمان أن زوجى تفاجأ بميعاد الفرح

صدقينى كل واحد لازم يمر بمشاكل وخصوصا فى هذا التوقيت لأن الأعصاب بتكون مشدودة

وإدعى ربنا كتير حبيبتى ونحن معك وبندعيلك بظهر الغيب وربنا يقدر لكى الخير حيث كان ثم يرضيكى به

طمنينا عنك حبيبتى

[السعاده في طريق الالتزام 1]

بارك الله فيكم

 

والله ردودكم هونت عليا كثيراااا

 

 

وان كنت لا اتوقف عن البكاء وقلبي شايل منه اووووووووووي

 

حقيقي تعبانه اوي

 

الله المستعان

[ريحانه عبد الرحمن 102]

السلام عليكم ورحمة الله و وبركاته

 

طبعا أولا استخيرى الله

ثانيا كما قالوا لكى فكرى فى الموضوع وإنتى أهدى من كده لأن ممكن يكون موضوع توضيب الشقه موترك

ثالثا فكرى لوحدك فى الموضوع مش قصدى متخديش بكلام والدتك لأ طبعا كلام والدتك مهم لكن فى المشاكل إنتى أكتر واحده لازم تعقليها لواحدك ممكن تفكير إلى حواليكى يأثر عليكى

رابعا أكيد ذوقه مش هيبقى وحش لو سبتيه يختار كل حاجه فى الشقه على مزاجه مش هيحصل حاجه

أنا فعلا يمكن صغيره لكن نصيحه من أخت ليكى بجد لا الشقه بتنفع ولا توضيب الشقه بينفع ولا أى كلمه من حد بتنفع بعد الطلاق

خامسا تناقشى معه فى موضوع إن بعد الزواج بإذن الله لازم يكون أمرنا شورى بيننا ولازم نراعى ظروف بعض مش لأنه لازم وخلاص لأ لأن الإسلام بيقول كده

سادسا ويمكن هوا متعصب علشان المصاريف كتيره عليه يعنى فتره وتمر بإذن الله

 

 

أهم حاجه تجلسى مع نفسك وتفكرى كويس لوحدك وتستخيرى الله

 

وكلا الأخوات رد كافى

 

أسأل الله أن يفرج كربك وأن يوفقك لما فيه رضاه إنه ولى ذلك والقادر عليه

[ريحانه عبد الرحمن 102]

بارك الله فيكم

 

والله ردودكم هونت عليا كثيراااا

 

 

وان كنت لا اتوقف عن البكاء وقلبي شايل منه اووووووووووي

 

حقيقي تعبانه اوي

 

الله المستعان

 

حاولى التناقش معه فى إلى قلبك شايله منه والفضفضه معاه فى الوقت المناسب

[موده واخاء 417]

السلام عليكم ورحمة الله وبركاته،،

 

 

صفاء يا حبيبتى فترة الخطوبة كلللللللللللللللها مشاكل ومصاعب والله اوعى تفكرى ان مفيش مشاكل لالالا

 

اصعب وافظع فترة ه فترة التهي انتى عارفة

 

انا اشتريت جهازى اجمل واغلى واحدث جهاز وكنت جايبة مطبخى لف وستايرى غالية جداااا وهو اللى اختار

كللللحاجه فى جهازى كان بييجى معانا ينقى ستايرى وصمم مطبخى بايده بالقلم وراح صممه عند النجار

 

وده لانى كنت بقول وايهيعنى هعمل مشاكل ليه انا امرى لله انا احبه وهو يحبنى ويخاف عليه هاعوز ايه تانى

 

سيراميك بقى روحت شوفته بعد ما اتركب مع انى شقتى ارضيتها كلها سيراميك والمطبخ والحمام

نزلنا لفين على محلات السيراميك اللى عجبنى ووجابو على ذوقى هو بتاع الحمام وكلللللللللللل الشقة بلون الدهان

على ذوقه هو وانبهرت بعد ما اتفرجت على اللشقة لانى توكلت على الله

يابنتى مفيش احلى من التوكل على الله والله اجمل شىء وبالنسبه لاحترتمه لامك

بعد الجواز هيحترمها غصب عنه لانه الان مشدود ومتعصب ده عليه هم كبير اوى

انتى اعدا فى بيتك وامك بتجهزك هو اللى شايل كل حاجه

 

والله انا كان جهازى احلى جهاز ومع ذلك

 

كان مش عاجبه برضه كان بيقولى يوم الحنه بتاعتى والله بيقولى لو ما جبتوش مفتاح الامبوبة مش هتجوز هههههههههههه

 

شوفتى كده ههههههههههههههههههه والله ماما طلعت له فلوس وقالت له خد اشتريه وروح حطو فى الدرج ههههههههههه

والشقة كانت اتفرشت واتكسف ومخدش الفلوس وكنت بعيط يوم حنتى ويوم دخلتى مكنتش فى وعيي ومش مصدقة

انى خلاص خلصت من شدة الجهاز والمشاكل

كلللللللللللللللللللللللللل الناس كده مش انتى بس واظن انما حكيالك قصتى عرفتو ازاى واتجوزتو ازاى كنا بنموت فى بعض ومع ذلك

مفتاح الامبوبة ههههههههههههههه كان هيوقفلى الجوازة ههههههههههههههههههههههههه ولكن الان لما بنفتكر بنضضضضضضضضحك على الايام دى

 

لالالا ماتفكريش فى الانفصال نهائى طالما بيصلى هيتق الله فيكى

ربنا يوفقك

[صدى الوحدة 0]

السلام عليكــم ورحمـة الله وبركاتــة ،،

 

أنا بس عايزة أسألك سؤال واحد قبل كل حاجة

 

أنت أثناء فترة الخطوبة وقبل فرش الشقة وكل المسؤوليات دى كنت شايفاه زي مابتقولي كده

 

لو مكنش كده وهو بس في الفترة دي بقي كده فالتمسيله العذر دا وقت ببقي فيه ضغط كبير عليه وعلي الأهل

 

وبس هي فترة عصيبة بتمروا فيها سوا ولازم تتحملوا بعض شوية وحتي لو هو مايبشوفش غير اللي هو عايزه وبس يمكن المصاريف فرضت عليه كده

 

بس لااااااااااااااااااااااااااااااااازم تتكلمي معاه بمنتهي الهدووووووووووووووووووووووووووء وميكنش فى دماغك في اللحظة دي ان هو اللي غلطااااااااااااااااااااااااااااااااان عشان تقدري تفهميه وعشان تتكلمي بدون انفعال

 

ويعني لوكان لقدر الله هو كده طبيعته فمفيش انسان كامل وان كرهتي منه خلقا فارضى بآخرونصيحة من أختك متفكريش في كلمة الانفصال دي أبدا الا بعد ماتستخيري ربنا وان شاء الله مش هيحصل الا كل خير بس اهدي يا حبيبتي وروووووووووووووووووووووووووووووووووووووووووووووووووووووووووووووووووووووووووووقي مفيش حاجة تستاهل صدقيني

 

بحبببببببببببببببببببببببببببببببببببببببببببببببببك فى الله وهو (زوجك)كمان بيحبك :wub:

[* دعاء الغسق * 63]

السلام عليكــم ورحمـة الله وبركاتــة ،،

 

أهم شيء الأخلاق الأخلاق الأخلاق..

والدين معاملة ..

راجعي نفسك أولا قبل البدء باظهار عيوبه ، فكلنا عيوب والكمال لله وحده ..

اهدأي وصلي الاستخارة مجددا وعندما تكون أعصابك هادئة ورزينة حاوريه بأسلوب راقي وهادي ومحترم..

إن أخطأت في طريقتك بالكلام فاعتذري عمّا بدر منك .. وإن ضايقته بمعاملتك فاعتذري سيشعر هو بالندم أيضًا ويصافحك.. حاولي ان يكون الجو بينكما هادئ ومحب .. فانا ارى من كلامك أن الجو مشحونًا.. والماديات انما هي أمور ثانوية تزول ..وكلها شكليات سواء كان نوع البلاط ام لون الدهان ام العفش... ولا يهم من اختار البلاط ومن سيختار وما هو السّعر ؟....

الأهم أن ننشأ أسرة مسلمة صالحة ؟

أليس هذا هو الهدف الأسمى ؟

أن نربي جيلا على الدين الحنيف والمبادئ القيّمة ؟

أن نصلي الفجر معا ونتعاون على البر والتقوى ..

أليس هذا هو الهدف من وراء زواجك ؟؟

أن تصوني نفسك وتعفي نفسك وتعفيه ؟

أن ترزقي بولد صالح يدعو لك بعد الممات ؟

 

إن كان جوابك نعم .. فحاسبي نفسك وستختلف وجهة الأمور أمامك..

 

 

استعيني اختي الغالية بالصلاة والصبر والدعاء وطمنينا ..

 

(( يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ )) البقرة 153

 

تم تعديل 8 يوليو, 2010 بواسطة *أم علي ومريم*

[**راضية** 1996]

سبحان الله اعرافكم تختلف عن اعرافنا

عندنا العريس هو من يتكلف بكل شيء و اذا حبت الزوجة مساعدته و اذا لا فلا شيء يلزمها

و اعتقد ان هذا هو الشرع

لكن ايضا الاعراف يؤخذ بها في مثل هذه الامور

وفقك الله و انار دربك

اسالي الله خير الامرين.

[امة الله ش 9]

السلام عليكــم ورحمـة الله وبركاتــة ،،

بصى حبيبة قلبى

أنا مش بحب أكون كانى أريد أن تكون الأمور ماشية تمام وخلاص لا

لازم ننظر للموضوع بموضوعية أكثر ونخلى أنفسنا من العواطف

فماما طبعا بعدها وهي كل شويه تصبرني قالتي لا سيبك منه خالص هو مفيش غيره واسلوبه وحش وهيتعبك بعد الزواج جدااااااااااااااااا لانه لما بيحب يعمل حاجه بيعمله ولما مش بيحب مش بيعملها ودا غلط لازم يعرف ان فيه ظروف عند غيره ويقدرها انما الحياه مش كدا

من كلامك فعلا والدتك معها حق

أولا إذا كان لا يحترم أمك فتاكدى انه لن يحترمها بعد ذلك أبدا

هذا يكون طبع وخلق فيه وصعب التغيير إلا بإذن الله

ثانيا هو متعصب لرأيه جدا وهذا امر متعب جدا

عذرا هذا رأيى

من خلال تجارب أصحابى أرى مشكلتك فيها شبه كبير لكثير منهم

وللأسف تم الزواج

والىن يقولون (( إيه المشكلة يعنى لو كنت فسخت العقد قبل البناء ؟؟ ))

وقبل كل شئ إستخيرى الله أولا قد يكون رأيى مجانب للصواب

[العبدة الفقيرة 2]

السلام عليكم ورحمة الله وبركاته

حبيبتى صفصف اولا اسال الله ان ييسر لكى الامور ع خير يارب

اكتر حاجة اقولها لكى صلى ياقمر صلاة الاستخارة كتير اوى و ادعى ربنا ف التلت الاخير م الليل و استغفرى كتير و ان شاء الله الامور هتحل ع خير

و المشاكل دى ياما بتحصل بين اى اتنين مخطوبين وخاصة زى ماقلتى مقبلين ع الزواج يعنى قلق و تعب و لف بسبب الجهاز و كده اما لو اذا كانت معاملته كده طول فترة الخطوبة يبقى ف الحالة دى ماعليكى سوى الاستخارة دايما و تفائلى بالخير تجديه بمشيئتك يارب

[أنين السَّحر 35]

السلام عليكن و رحمة الله و بركاته،

أختي الحبيبة في الله،

السعادة في طريق الإلتزام

 

يسر الله لكِ و عليكِ أمركِ و شرح صدركِ و أزاح همّكِ و غمّكِ و أبدلكِ فرحاً و سروراً و خيّر لكِ الخير و اختاره لكِ حيثما كان ثمّ رضاكِ به ،، اللهم آمين آمين آمين

 

عليكِ بإستخارة الله عزّ و جل و لا تتعجلي قراركِ فرُبما زوجكِ في هذه الفترة متضايق بسبب كثرة المسؤوليات التي تقع على عاتقه من بين شغله و تجهيز بيتكم و الإستعداد للحياة الزوجيّة ، فعليكِ أن تُقدري لهُ جهوده و بذله و إن كانت فترة عصيبة عليكما .

غاليتي ، الحياة الزوجيّة أكبر و أعظم و أهم من إختلافات حول تجهيزات بيت فليس على تجهيزات بيت ستبنين حياتكِ معه فيما بعد و إنّما على حُب و مودة و رحمة ، يقول الله جلّ و علا : { و من آياته أن خلقَ لكم من أنفسكم أزواجاً لتسكنوا إليّها و جعل بينكم مودةً و رحمة إنّ في ذلك لآياتٍ لقومٍ يتفكرون } فالزواج أساسه و مبني و قائم على المودة و الرحمة فلا تحزنين لأجل إختياره أو إختياركِ فالبيت لكلاكما . لا تتضايقين إن إختار غير ما اخترتيه أنتِ أو إن اختلفتما في الخيار فلا تنسين أن البيت بيته أيضاً و لهُ الحقّ كلّ الحقّ في إبداء رأيه .

 

ثمّ أنصحكِ إلّا تجعلي بينكِ و بينه أحد أقصد الإختيار ليس لوالدتكِ بل لكما أنتما ، من حقّكِ أن تسألي والدتكِ عن رأيّها و ما تراه جميل و مُناسب و لكن لا تجعليها في المُقدمة كأن تقولي لزوجكِ والدتي رأيّها هكذا أو والدتي إتفقت معيّ على هذا الإختيار ، تحدثي مع والدتكِ بينكِ و بينها و من ثمّ إختاري مع زوجكِ بينكِ و بينه فكما أنكِ ستتضايقين إن قال لكِ سأسأل والدتي عن رأيّها و سأستشير والدتي في ذوقها هو رُبما يتضايق إن قلتِ لهُ عن سؤالكِ والدتكِ لأنه يعتبر أن هذه الإختيارات و القرارات أمر خاص بينكِ و بينه .

 

غاليتي ، لا أرى أن مثل هذه الإختلافات سبباً كافياً للإنفصال فالحياة الزوجيّة مبينة على أمور أجمل و أكثر من خيارات أثاث البيت و لا تنسي أن هذه فترة حرجة عليكما أنتما الإثنين فما بين مسؤوليات الحياة المُعتادة و بين هذه الأمور الإضافية لإنشاء بيت الزوجيّة كلاكما يشعر بتعب و ضغوط مختلفة و الله المستعان .

 

وفقكِ الله لكلّ ما يحبّ و يرضى و أراكِ الحقّ حقاً و رزقكِ إتباعه و أراكِ الباطل باطلاً و رزقكِ إجتنابه إنّه بكِ رحيم و على كلّ شيء قدير ،، اللهم آمين آمين آمين

 

 

و إني و الله أحبكِ في الله الذي أحببت :icon15:

[العبدة الفقيرة 2]

السلام عليكن و رحمة الله و بركاته،

أختي الحبيبة في الله،

السعادة في طريق الإلتزام

 

يسر الله لكِ و عليكِ أمركِ و شرح صدركِ و أزاح همّكِ و غمّكِ و أبدلكِ فرحاً و سروراً و خيّر لكِ الخير و اختاره لكِ حيثما كان ثمّ رضاكِ به ،، اللهم آمين آمين آمين

 

عليكِ بإستخارة الله عزّ و جل و لا تتعجلي قراركِ فرُبما زوجكِ في هذه الفترة متضايق بسبب كثرة المسؤوليات التي تقع على عاتقه من بين شغله و تجهيز بيتكم و الإستعداد للحياة الزوجيّة ، فعليكِ أن تُقدري لهُ جهوده و بذله و إن كانت فترة عصيبة عليكما .

غاليتي ، الحياة الزوجيّة أكبر و أعظم و أهم من إختلافات حول تجهيزات بيت فليس على تجهيزات بيت ستبنين حياتكِ معه فيما بعد و إنّما على حُب و مودة و رحمة ، يقول الله جلّ و علا : { و من آياته أن خلقَ لكم من أنفسكم أزواجاً لتسكنوا إليّها و جعل بينكم مودةً و رحمة إنّ في ذلك لآياتٍ لقومٍ يتفكرون } فالزواج أساسه و مبني و قائم على المودة و الرحمة فلا تحزنين لأجل إختياره أو إختياركِ فالبيت لكلاكما . لا تتضايقين إن إختار غير ما اخترتيه أنتِ أو إن اختلفتما في الخيار فلا تنسين أن البيت بيته أيضاً و لهُ الحقّ كلّ الحقّ في إبداء رأيه .

 

ثمّ أنصحكِ إلّا تجعلي بينكِ و بينه أحد أقصد الإختيار ليس لوالدتكِ بل لكما أنتما ، من حقّكِ أن تسألي والدتكِ عن رأيّها و ما تراه جميل و مُناسب و لكن لا تجعليها في المُقدمة كأن تقولي لزوجكِ والدتي رأيّها هكذا أو والدتي إتفقت معيّ على هذا الإختيار ، تحدثي مع والدتكِ بينكِ و بينها و من ثمّ إختاري مع زوجكِ بينكِ و بينه فكما أنكِ ستتضايقين إن قال لكِ سأسأل والدتي عن رأيّها و سأستشير والدتي في ذوقها هو رُبما يتضايق إن قلتِ لهُ عن سؤالكِ والدتكِ لأنه يعتبر أن هذه الإختيارات و القرارات أمر خاص بينكِ و بينه .

 

غاليتي ، لا أرى أن مثل هذه الإختلافات سبباً كافياً للإنفصال فالحياة الزوجيّة مبينة على أمور أجمل و أكثر من خيارات أثاث البيت و لا تنسي أن هذه فترة حرجة عليكما أنتما الإثنين فما بين مسؤوليات الحياة المُعتادة و بين هذه الأمور الإضافية لإنشاء بيت الزوجيّة كلاكما يشعر بتعب و ضغوط مختلفة و الله المستعان .

 

وفقكِ الله لكلّ ما يحبّ و يرضى و أراكِ الحقّ حقاً و رزقكِ إتباعه و أراكِ الباطل باطلاً و رزقكِ إجتنابه إنّه بكِ رحيم و على كلّ شيء قدير ،، اللهم آمين آمين آمين

 

 

و إني و الله أحبكِ في الله الذي أحببت :laugh:

 

وانا والله بحبك جدا ف الله م اول يوم اتعرفت عليكى فيه :icon15: :unsure:

عن جد و جد الجد كمان مافيش جمال كده ماشاء الله ع كلامك

ربنا لا يحرمنا منك ابدا و جعلك سبب ف نصرة الاسلام والمسلمين

[السعاده في طريق الالتزام 1]

جزاكم الله خيرا ولي عودا للرد علي استفسارتكم

 

 

وماتنسوش تدعووووووووووووووووووووووووولي بالله عليكم

[الاء القدوس 18]

سبحان الله اعرافكم تختلف عن اعرافنا

عندنا العريس هو من يتكلف بكل شيء و اذا حبت الزوجة مساعدته و اذا لا فلا شيء يلزمها

و اعتقد ان هذا هو الشرع

لكن ايضا الاعراف يؤخذ بها في مثل هذه الامور

وفقك الله و انار دربك

اسالي الله خير الامري

ن

 

و اسمحيلي اقولك كلم' و تقبليها بصدر رحب

الشققة و الجهاز و الحاجات دي لو جتيتي تقارنيه بامر الطلاق حكلاقي انها مسالفة

تافهة

يا بنتي انا اعيش على حصير المهم يكون يتقي الله ويخف عليا و ىحبني

نحن هنا في دار فانية و عابرة حنروح حنروح عاجلا ام آجلا يعني بالش خلافات في مثل هذه المسائل

و كلميه بهدوئء لاني زي ما فهمت اني من نوع الشخصيات الي ما يحبش ان امراة تمشي كلامها عليه

يعني خديه على قد عقلو و تاكدي انك حتلاقيه بقى واحد ثانين

انا فعلا لست متزوجة لكن و الله هذا هو المنطق

اسعدك الله و يسر اموركما؛؛

تم تعديل 10 يوليو, 2010 بواسطة الاء القدوس

[السعاده في طريق الالتزام 1]

جزاكي الله خيرا حبيبتي الاء القدوس

 

كم اعجبتني مشاركتك

 

 

ولكن حبيبتي ما يضايقني هو عدم اقتناعه بسهوله

 

نعم هو يقتنع في النهايه وبيعملي اللي انا عيزاه بس بعد ايه

 

بعد مايكون فيه مشكله وتصمم من عندي فهماني حبيبتي

 

دا بلاضافه اني مضغوطه اصلا في شويه حاجات ومش ناقصه مشاكل من كل ناحيه

[الاء القدوس 18]

نعم افهم حبيبتي ان زوجك من نوع الشخصيات العنيدة

لكن كوني ذكية و تصرفي بحكمة و شوية دبلوماسية

قولي له ما تودينه بهدوء و قولي له لك الاختيار متظاهرة انك ترضين باختياراته

تجدينه يستسلم بسهولة و يختار ما قلتيه

لان الشخصيات العنيدة لا تحب ان تتعامل مع اشخص عنيدة اكثر منها بل تحب الانسان المسالم ، الهادئ و خصوصا إن كانت انثى

يعني ما تتعصبيش لما يتعصب

و كملي من عندك بقى هههههه :

يا رب ييسر امورك و تبشريني بتوافقكما عاجلا غير آجل

)

[همتى صلاح امتى 13]

بصى يا صفاء

انا مش هكتر كلام حبيبتى

الاخوات افادوكى بما يكفى

ولكن لى نظرة اخرى بعد اذنك

 

 

انا اختى انخطبت لابن عمتى

واتزوجت وكنا عارفين ان فية

صفات صعبة شوية بس كلهم

قالولها انها تقدر تصلحة بعد الزواج

 

 

ولكن للاسف لم يتغير ربما زاد

وهى معها طفلة انعدم كل الاحترام

لة من قلبها ربنا يهديهم لبعض

 

انا مش بقولك كدة عشان احيرك

بالعكس لازم تشوفى جميع الحلول

لانك معاة طول عمرك وشوفى سلبياتة

 

واجابياتة وقررى وقبل كل دة استعينى بالله فهوخير معين

[وأشرقت السماء 1565]

حبيبتى السعادة فى طريق الإلتزام

رزقكى الله السعادة فى كل حياتك

بصى حبيبتى موضوع العند ده موجود غالبا فى معظم الرجال بس الذكية الحكيمة تقدر تتصرف معاه

وعلى فكرة الرجل العنيد لو دورتى جواه هتلاقى قلب أبيض وطيب كل إللى عليكى تعمليه إنك متعنديش أمامه

وزى ما قلتلك دورى على مميزاته واستغلى كل الثغرات إللى تدخلى بيها ليه ولقلبه

صدقينى بعد الزواج هيكون حاجة تانية

ربى يسعدك ويقدر لكى الخير حيث كان ثم يرضيكى به

[وأشرقت السماء 1565]

حبيبتى السعادة فى طريق الإلتزام

رزقكى الله السعادة فى كل حياتك

بصى حبيبتى موضوع العند ده موجود غالبا فى معظم الرجال بس الذكية الحكيمة تقدر تتصرف معاه

وعلى فكرة الرجل العنيد لو دورتى جواه هتلاقى قلب أبيض وطيب كل إللى عليكى تعمليه إنك متعنديش أمامه

وزى ما قلتلك دورى على مميزاته واستغلى كل الثغرات إللى تدخلى بيها ليه ولقلبه

صدقينى بعد الزواج هيكون حاجة تانية

ربى يسعدك ويقدر لكى الخير حيث كان ثم يرضيكى به

[السعاده في طريق الالتزام 1]

جزاكي الله خيرا حبيبتي اشرقت

 

 

وانا فعلا والله العظيم بحسه احيانا طيب اووووي

هو والله العظيم طيب وغلبان بس شده الاعصاب دي تعباني وتعباه

 

ونفسي كل واحد مننا يصفى من ناحيه التاني يااااااااااااااااااااارب