معنى اسمك ايه؟؟؟؟؟

[*أم أروى وهشام* 0]

 

انا حقول الاول على سبب الفكره

انا لما كنت حامل فى بنتى كنت مش عارفة اسميها ايه لانى كنت عايزة اسم سهل ومعناه حلو

لدرجة انى بعد ما ولدتها باسبوع كنت بناديها نونه مش لاقيه اسم يعجبنى

والموضوع اتكرر تانى مع اختى حامل فى الشهر التاسع وربنا حيرزقها ببنت ومش عارفه تسميها ايه

وبما ان فى منتدانا بنات صغيرين ومخطوبين وعرايس وحوامل

ففكرت ان احنا نعملوا زى

موسوعة لمعانى الاسماء

كل واحدة تقول معنى اسمها ايه

بس مش اللقب لان سبق ان احنا شرحناه

الاسم الحقيقى او ابنائها او حتى اى اسم بتحبه

وانا حبدأ

انا اسمى منى والمنى هو جمع امنيه والامنيه هى الاشياء التى تحب ان تحصل عليها

اما معنى اسم بنتى اروى (انثى الوعل) بمعنى حسنة المظهراو احسن وابهى وهو اسم عربى قديم سميت به كثير من الصحابيات

مثلا اروى بنت عبد المطلب عمة الرسول صلى الله عليه وسلم و اروى بنت عثمان بن عفان واروى بنت ربيعة بن الحارث رضى الله عنهم جميعا

يالا متشوقه اعرف معانى اسماء تانيه

[(محبة القرآن الكريم) 137]

السلام عليكم ورحمة الله وبركاته،،

 

 

انا اسمي سلمى

 

حسب ما قرأت تعين سالمة معافاة

 

و من أمثلة اسم سلمى من الصاحبيات

سلمى أم الخير (أم ابي بكر رضي الله عنه )

و سلمى مولاة رسول الله صلى الله عليه و سلم وهي التي كانت تقبل خديجة رضي الله عنها في ولادتها

و سلمى بنت عميس رضي الله عنها التي لقبت هي و ثلاث صحابيات اخريات الاخوات المؤمنات

 

 

و كذلك أحب كثيرا اسم آسية

وكلنا نعرف من هي ااسية

انها آسية بنت مزاحم زوج فرعون التي آمنت وسط جبروة و طغيان زوجها حتى استحقت ان تكون مثالا للمؤمنين و ذكرها الله عز و جل في القرآن و أراها بيتها في الجنة فهان عليها العذاب التي كانت تلقاه من زوجها

وهي من سيدات الجنة

[*أم أروى وهشام* 0]

ايه يا جماعه ده محدش يعرف معنى اسمه غير سلمى ولا ايه

انا حنام دلوقتى ولما اصحى عايزه اعرف معانى اسماء كتير

خلى بالكم انا دلوقتى مشتركه فى عصابه ايه

انتم الجانيين على نفسكم

[همتى صلاح امتى 13]

أنا اسمى:

إســـــــراء

ومعناة السير ليلا

 

واسم بنت اختى:

حنـــــــــــــين

ومعناة:

معنى اسم ( حنين )

الشوق وتوقان النفس والتألم ، الشديد من الطرب أو الحزن ، صوت الطرب من حزن أو فرح ، العطف والإشفاق ، صوت القوس والسهم والناقة ، الشَّبه ، وحنين اسم لشهر جُمادى الأولى ، وجمادى الآخرة : رُنَّى ، وذو القعدة : رُنة ، وذو الحجَّة : بُرَك ، وشِيبان : كانون الأوَّل ، ومِلْحان : كانون الثاني .

 

[املى فى ربي كبير 0]

و انا اسمى اسراء برده :smile: :tongue:

[*أم أروى وهشام* 0]

السلام عليكــم ورحمـة الله وبركاتــة ،،

اسمك جميل يا اسراء كفايه انه مذكور فى القرآن

وانا برده بنت اختى اسمها حنين

[معا لنصرة الرسول 0]

انا اسمي الهام ومعناه مصدر الالهام لأبويابماا تلقاه فى قلبهما من معان وأفكار وفى رحابي

يحيا الشعراء والادباء والفنانون والمخترعون والمفكرون فما قيمة الحياة بلا الهام

 

وانا احب اسم هنادي والذي معناه هناد: صياح كصياح البومة هند: اسم لجماعة من الابل عددها من مائة الى مائتين هنيدة تصغير هند والهنيدة ايضا مائة سنة هندية: منسوبة الى الهند شبه قارة تقع جنوبى آسيا والهنديات فيهن جمال الشعر والعيون وفيهن سمرة محببة ومن هندت المرأة بقلبه فقد ذهبت به

[رحيل القمر 1]

انا اسمى فاطمه وهى بنت الرسول عليه السلام وااء وااء لا اعرف معنى اسمى

بحب اسم وسن معناه العين الناعسه

واسيل ومعناه الارض المستويه

واسم ريحانه يعنى تفوح فى كل مكان طيبتها

[شمس الطفولة 1]

وعليكم السلام ورحمة الله وبركاته،،

انا روان ومعناها: الوردة البرية الحمراء

واختي ريان ومعناها : الضبي الصغير الابيض

[شمس الطفولة 1]

واسم لوجين معناة:الفضة

[المحققة الذكية 0]

انا اسمى سماء ومعناه العلو والرفعة هي وعلياء بردوة ارجوا ان اسمى يكون عجبكوم :blush:

[ام السندس 0]

اسمى جيهان وهو اسم فارسى معناة الدنيا وبنتى اسمها سندس ومعناة حرير الجنة الرقيق اللهم ارزقنا الجنة وحريرها

[*أم أروى وهشام* 0]

 

ما شاء الله اساميكوا جميله جدا بس انا اتفاجأت لان الاسماء بعيده عن الالقاب

يارحيل انا كنت مفكره ده اسمك بجد

بس اسمك طلع اجمل

واسم فاطمه معناه

فلفظ فاطمة مشتق من مادة فَطَمَ ومعناها: قَطَعَ، والفطم: القطع. قال أهل اللغة: فطم الصبي: قطعه عن الرضاعة من ثدي أمه، وفاطمة من أعلام النساء، وتسمى المرأة: فاطمة، وفاطم، وفطاما، وفطيمة.

ولعل التسمية - والله أعلم - من باب التفاؤل لها بأن تكبر وتتزوج وتلد وتفطم.

والجمع فواطم، وفي صحيح مسلم أن النبي صلى الله عليه وسلم أهدي له ثوب من حرير فأعطاه عليّاً رضي الله عنه فقال: شقّقه خمراً بين الفواطم.

قال النووي: وأما الفواطم فهن ثلاث: بنت رسول الله صلى الله عليه وسلم، وبنت أسد أم علي، وبنت حمزة.

 

طبقاً للحديث الى روي عن النبي (صلى الله علية وآل له وسلام ) أنه قال لعلي أمير المؤمنين (علية السلام)

 

أتدري لم سميت أبنتي بأسم فاطمة؟

فقال علي (ع) لم سميت فاطمة يا رسول الله ؟

قال رسول الله(ص)

((أن الله عز وجل فطم أبنتي فاطمة وولدها ومن أحبهم من النار فلذلك سميت فاطمة))

 

شفتى طلع معناه اجمل واجمل

 

 

 

[nemo 0]

انا كمان اسمي منى على اسمك :mrgreen:

وبنت اخويا اسمها جومانه ومعناها اللؤلؤ الابيض

[*أم أروى وهشام* 0]

 

ده اسمك احلى اسم يا nemo

بس ده اسمع الدلع بتاعك

اصل انا بيقولولى منمن او منمونة

 

 

 

[شعاع أمل 1]

السلام عليكم ورحمة الله وبركاته،،

 

و أنا اسمي وسـام

 

و الوسـام: هو رمز يعطى لصاحب الشرف و الناجح...وووو الخ

 

و أيضا الوسـام: هو اسم من اسماء السيف..

 

و أضيف إلى ذلك، أن وسام هو اسم ذكر و اسم فتاة.

 

و أحب الأسماء إلي هي: (( وسام، نهال، أميمة، لينة، إشراق))....

تم تعديل 18 يوليو, 2010 بواسطة شعاع أمل

[عبير المشاعر 0]

السلام عليكــم ورحمـة الله وبركاتــة

 

انا اسمي عبير,,,,,,,,,,,,اسم على مسمى

 

العبير هو مخلوط الطيب ذو الرائحة العطره الطيبه (رائحه الورد )

 

واختي اسمها هند ومعنى هند 100من الابل

 

وهند يعني من التهنيد وهو الكلام الخفى وهند من الاسماء المشتركة

 

واحب الاسماء لي هي{هند , عبير , شهد, ريم}

 

[ام يوسف06 0]

السلام عليكم

موضوع جميل ماشاء الله

انا اسمي زينب و معناه و الله اعلم الشجرة ذات الرائحة الطيبة

و بنتي اسمها اسية

الله يبارك فيك على الموضوع

[شيماء ام حسن 5]

انا اسمى شيماء

 

وشيماء من الشيم الشىء الحسن او الصفه الحسنه

[*أم أروى وهشام* 0]

[فراشة الكون 1]

انا بنفسي دخلت اهوه يا ام روري

:sad: :mrgreen:

انا بقه اسمي آيه

اسمي جميل صح :tongue:

بتهيقلي معناه آيه من آيات الله

وانا كمان بحب اسم

(جوداء-- وجوديان-ورغداء وحسناء)

تسلمي يا جميل علي الموضوع الرائع :wacko: :sad: :sad:

[*أم أروى وهشام* 0]

يا هلا يا هلا بيكى يا ايه عندنا

انا بموت فى اسمك لانه رقيق جدا

وانا لما كنت حامل فى اروى وعرفت انها بنت

ده كان اول اسم فكرت فيه

 

ومعنى اسم ايه

"المعجزة ، العلامة ، البرهان ، العِبرة ، والذات الشخصية ، وفي القرآن الكريم : الكلام المنفصل منه بفصل لفظي"

[فراشة الكون 1]

ربنا يخليكي يا جميل تسلمي علي الموضوع الرائع

 

 

 

[أماني المجد 1]

وأنا اسمي أماني مش بعيد طبعا عن منى لكني مبحبش معناه كتير لانه غالباذكر بما لا يوحي بخير حتى ابليس قال ان واحد منسبله لغواية بني ادم ان يمنيهم وغير موضع. في البيت يقولون لي منى لكني افضل اماني عن منى مع حبي لك.

واحب من اسماء البنات

رقية .جود .ليان. اروى وسلمى ذكرتا

[*أم أروى وهشام* 0]

ليه يا امانى بتقولى ان اسمك معناه مش حلو

وكمان مش عجبك اسم منى هههههههههههه

لعلمك الاسمين يعتبروا بمعنى واحد

ومعنى اسم امانى

أماني لأبويك تحققت مع ولادتك فكنت أمانى والأمنية البغية وجمعها أمانى وفى حياة كل منا أمنية والأمنية غالية والأمنية محبوبة، والأماني تكون دائما موضع اهتمام والناس جميعا يبتغونها ويحبون ان يصيروا اليها

 

شفتى اسمك حلو ازاى