افتراضي كل واحد يخش ويقول ايه اكتر جملة بيسمعها من دووووول ؟؟؟

[ملكة بأخلاقى 1]

اوعى خيالك المريض يهيالك انك ممكن تاخد منى فلوس تانى.

 

انتا مالك من ساعة ما دخلت البيت و انتا فرحان انتا جاي من انهي غرزة.

 

ذاكر ياموكوس مش فالح غير فى الهيافه والكلام الفاضى.

 

خلصي اكلك وناميلك شويه عشان تقومي تزكريلك كلمتين.

 

ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

 

مذاكرة ايه دي اللى على السرير.

 

يا ابني تعالي اقعد معانا ولا انت ماجر اوضه جوه البيت ......

 

ابقي نشف الحمام بعد ما تخرج منه.

 

يا خويا ياريتك حافظ الدروس اللى عندك زى ما انت حافظ الاغانى كده .

 

اعملى حسابك اول م الدراسه تيجى الرسيفر هيتشال هو والتليفزيون.

 

قبل الفجر: ارجع بات في المكان اللي انت جاي منه.

 

لو كانت اللي علي التليفون طنط سلوي قوليلها ماما نايمة .

 

ابقى قابليني بكرة تاخدي بالجزمة وتاكلي كل حاجة غصب عنك.

 

امشى جاتك مشش فى ركبك .

 

جتها نيلة الى عايزة خلف تيجى تشوف .

 

متحطيش الموبايل جنبك و انت نايمه هيجبلك تخلف عقلي .

 

متتأخرش وهات عيش وانت جاى .

 

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

 

كل يوم هات هات لمة ربيتلى الهتهات (بابا طبعا) مع انى مش عارف اية الهتهات ده بس ماشية مع الجملة.

 

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا بابا).

 

أوعا حد يضحك عليك ويقولك جرب السيجارة دي.

 

ابقى ورينى مين حينفعك فى الاخر من شوية الصيع الى انت مشيلى معاهم .

 

وطي المدعوق ده شويه .

 

مش ملاحقه علي التليفون ولا الموبايل عملالي فيها الست المهمه.

 

برة البيت بتضحك وجوة البيت لاوى بوزك ............ اما اشوف صحابك الصيع حينفعوك في ايه.

 

كريم دا عيل بايظ وماتمشيش معاه تاني .

 

مين منى دي انتى كل يوم تصاحبي واحدة جديدة ؟.

 

هياا الوزيرة معندهاش وزاره النهارده قومى يا حبيبتى الساعه10 .

 

انت مبتكلش جزر ليه .. اجيبلك برتقانه. طب كل سلطه .

 

قومي ساعدي امك ده اللي هيتجوزك أمه داعية عليه.

 

يا ابني حرام عليك الى بتعمله فينا ده.

 

لمى هدومك انتى مش عايشة فى زريبة بكرة اشوف بيتك هيبقى عامل ازاي.

 

ابقي قابليني لو فلحتي ...بس دايما مش بيقولوا نقابلهم فينّ!!! غربيه .

 

كفايه رغي في التليفونات .

 

اطفي التلفزيون وقوم ذاكر ولا و خش اوضتك .

 

بلاش تمشى حافى البس شبشب وانته داخل الحمام .

 

فلوسك بتروح فين يا هبله انتي بتصرفي عالشلة ؟

 

مع ان الواحد كل سنة بينجح و رغم كدة يقولولك ابقى تف على وشى لو نجحت .. كل سنة الكلام دة .

 

ماتتأخرش علشان عندك كلية بكرة بدرى.

 

انا عارفة ازاى ألمك .

 

انا : يوووووووو يا ماما بقى؟؟؟

ماما:مووو لمـا يــــــخدك .

 

ادلعى ياهبة فى ايامك المهببه .

 

ده منظر اودة بني آدم ، انت عايش فيها ازاي؟.

 

هو انا الخدامه الى ابوكم جابهلكم .

 

الى يطلع من الاوضه يطفى النور وراه .

 

أبوك عندك أهو اتصرف معاه .

 

اللي بيشيل قربه مخرومة بتخر عليه لوحده ..

 

لو مش فاهم حاجه ارفع ايدك و قول للأستاذ مش فاهم .. متتكسفش .

 

يأبنى المذاكره مابتخلصش .... نفسى اشوفك مره ماسك كتاب.

 

اعمل حسابك مش حندخلك جامعه خاصه.

 

قالب ليلك نهارك طول الليل صاحى وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت .

 

مالكش دعوة بالسياسة .. وماتمشيش في مظاهرات .و امشي جنب الحيط .

 

احمد ربنا الاكل الى مش عجبك ده فى ناس مش لاقينه .

 

والله لو منضفتي المطبخ ومسحتيه ما فيش نزول النهرده .

 

قومي سخني الأكل لأخوكي.

 

ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

 

ومن اشهر الجمل الى بتتقال كل يوم بعد الاكل :

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

 

( حضرتك راجع البيت متأخر و عاوز تتوه الموضوع وانت بتكلم مامتك )

انت : ماما عاملة ايه مش عارف ليه حاسس انك وحشتيني يا ست الحبايب

مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟

 

 

يارب يعجبكم الموضوع

تم تعديل 24 يوليو, 2010 بواسطة *زهرة الخزامى*
حذف الرابط

[المغربية 1 3]

يا ابني تعالي اقعد معانا ولا انت ماجر اوضه جوه البيت ......

هياا الوزيرة معندهاش وزاره النهارده قومى يا حبيبتى الساعه10 .

 

في حجات كثير من دي ماما كانت تقلوهالي

بس كفاية احط دول

بلاش فضايح

هههههههههه

[بنوته مسلمه مصريه 458]

ايه يابت ياملوكه العسل ده

انتى حفظاهم ولا أيه ^ـــــــــ^

يعنى فيه بعض الجمل بتتقال ليه ولاخواتى

وبالذات قومى سخنى لاخوك الاكل دى بس طبعا معها علشان خاطرى

شخصيه قويه بقى انت عارفه :mrgreen: :biggrin:

[nemo 0]

 

ههههههههههههههههههه

جميل اوي الموضوع ياقمر

انا مقدرتش اكتب الكلام :mrgreen:

بس كلاااااااااااااااااااام كتير سمعته

من الكلام ده

تسلمي

 

[*أم أروى وهشام* 0]

طبعا زى العسل وكلام مصرى مصرى

وكل الكلام كنا بنسمعه

بس انتى عرفتى تجمعيه ازاى

بس برافو عليكى الواحد يحفظه كويس

عشان ينتقم من عياله

كاس لازم يمشى على الكل

[همتى صلاح امتى 13]

ههههههههه

اية ياسارة

العسل دة

انتى عندك القاموس دة

ههههههههههه

طبعا اغلبيتهم بتتقالى

تسلمى يا قمراية

[*العائدة الى الله * 0]

ههههههههههههه

بارك الله فيك غاليتي عى الجمل

يعني ما كفانا اننا نسمعها في البيت جبيتها هنا

الله يسامحك

هههههههه مشكورة اختي الكريمة

السلام عليكم

[أحلام وردية 7]

السلام عليكــم ورحمـة الله وبركاتــة ،،

 

هههههههههههه أضحك الله سنك يا سارة والله حاجات كتير منهم

 

 

 

خلصي اكلك وناميلك شويه عشان تقومي تزكريلك كلمتين.

ابقى قابليني بكرة تاخدي بالجزمة وتاكلي كل حاجة غصب عنك. ههههههههههههههههه

متحطيش الموبايل جنبك و انت نايمه هيجبلك تخلف عقلي .

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

مش ملاحقه علي التليفون ولا الموبايل عملالي فيها الست المهمه.هههههههههههههههه

مين منى دي انتى كل يوم تصاحبي واحدة جديدة ؟.ههههههههههههههه

قومي ساعدي امك ده اللي هيتجوزك أمه داعية عليه.هههههههههههه

كفايه رغي في التليفونات .

هو انا الخدامه الى ابوكم جابهلكم .ههههههههههههههه

الى يطلع من الاوضه يطفى النور وراه .

احمد ربنا الاكل الى مش عجبك ده فى ناس مش لاقينه .

 

 

.........................

ولو سمحتي يا ساره بلاش الاحراج دا تاني ههههههههههه :ninja:

[هبة نور 2043]

ادلعى يا هبة فى ايامك المهببة!!!

 

 

يعنى يا بت انتى سايبة كل الاسامى ومالقتيش غير اسمى تلزقيه فى الهباب

 

طيب يا ملوكة

 

 

على العموم كل الجمل الخاصة بالمذاكرة طبعا كنت بسمعها على طول

 

وفى كام جملة تانية بس نسيتهم بعيد عنك

 

 

يا مواضيعك يا ملوكة يا عسل

[ملكة بأخلاقى 1]

ههههههههههههههههههه

ردودكم جامده والله ههههههههه

واه ياهبه

قصداكى ياجميل هههههههههه

[Guest om.omar]

السلام عليكــم ورحمـة الله وبركاتــة ،،

طبعا اتقال اكترها لى

والان باقولها لولادى

عقد نفسيه لازم اطلعها :blush:

[رحيل القمر 1]

خلصي اكلك وناميلك شويه عشان تقومي تزكريلك كلمتين.

دى عمايل الثانويه العامه

والله في حاجات اول مره اسمعها

بس اكتر حاجه بتاعت المزاكره

والترويق والصحاب بنسمعهم

بس يضحكو لانى متخيله المنظر والام بتزعق

[ملكة بأخلاقى 1]

ههههههههههههه

تسلموا حبايبى على الرد

منوووووووورين

[*أم أروى وهشام* 0]

انا دخلت قبل كده وكتبتلك رد بس دخلت عشان اراجع المقرر

هههههههههههههههههههههههههههههههه

[فراشة الكون 1]

تسلمي يا ملوكه يا قمر علي الموضوع

 

 

 

 

 

 

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

 

 

قومي ساعدي امك ده اللي هيتجوزك أمه داعية عليه.هههههههههههه

 

 

كفايه رغي في التليفونات .

 

 

 

 

 

الى يطلع من الاوضه يطفى النور وراه

حمد ربنا الاكل الى مش عجبك ده فى ناس مش لاقينه .

 

 

ا حمد ربنا الاكل الى مش عجبك ده فى ناس مش لاقينه .

 

 

لو سمحتي يعني بلاش الاحراج ده تاني؟ :wacko: :sad: :sad:

[سُميّــة 0]

السلام عليكم ورحمة الله وبركاته

 

جزاكِ الله خيـــراً " ملكة بأخلاقى " ( :

 

الحمد لله مسمعتش الجمل دى ( : بس ممكن بس اطفى النور او اطفى الكمبيوتر او اعملى كذا لاخوكى كده يعنى ( :

 

بس كنت عايزة أقول بس بعض الجمل فيها دعاء على الابناء زى " امشى جاتك مشش فى ركبك " مع انى مش فاهمه يعنى ايه مشش ( : وزى " جتها نيلة الى عايزة خلف تيجى تشوف . " دى مش دعاء على الابناء بس دعاء على وخلاص ( :

 

لا تدعوا على أنفسكم ، ولا تدعوا على أولادكم ، ولا تدعوا على خدمكم ، ولا تدعوا على أموالكم ، لا توافقوا من الله ساعة يسأل فيها عطاء فيستجاب لكم

الراوي: جابر بن عبدالله المحدث: الألباني - المصدر: صحيح الجامع - الصفحة أو الرقم: 7267

خلاصة حكم المحدث: صحيح

 

جزاكِ الله خيراً

[ريحانة زوجي 63]

قومي ساعدي امك ده اللي هيتجوزك أمه داعية عليه

.

 

ا حمد ربنا الاكل الى مش عجبك ده فى ناس مش لاقينه .

 

ابقى قابليني بكرة تاخدي بالجزمة وتاكلي كل حاجة غصب عنك.

 

كنت بسمع الكلام دا بس بيتهيألى كدا مكنش ليا :-

شكرا ياملوكة على موضوعك الجميل

[ملكة بأخلاقى 1]

ههههههههههههههههه

منووووووووووووورين بردودكم العسل

وجزاك الله خيرا سميه على التنبيه

[أم لبابة بنت أحمد محمد 172]

ايه يابت ياملوكه العسل ده

انتى حفظاهم ولا أيه ^ـــــــــ^

يعنى فيه بعض الجمل بتتقال ليه ولاخواتى

وبالذات قومى سخنى لاخوك الاكل دى بس طبعا معها علشان خاطرى

شخصيه قويه بقى انت عارفه :icon15: :smile:

[ملكة بأخلاقى 1]

ههههههههههههههه

منووووووووره

[هجورة 4]

احم احم

ايه الاحراج ده هاهاهاهاهاها بس بجد تحفة الجمل دى بنسمعها كتيييييييييييييير يعنى من ضمن الجمل اللى باسمعها كتيير أوى

 

جتها نيلة الى عايزة خلف تيجى تشوف .

 

متحطيش الموبايل جنبك و انت نايمه هيجبلك تخلف عقلي .

 

و مش فاهم حاجه ارفع ايدك و قول للأستاذ مش فاهم .. متتكسفش .

بس الجملة دى كنت باسمعها لما كنت صغيرة طبعاً أما دلوقتى الأستاذ هو اللى بيجى يسألنا هاهاهاهاها

 

هو انا الخدامه الى ابوكم جابهلكم .

وزى ماقولتى دايماص بيبقى بعد الأكل

 

كفاية كده بقى علشان الاحراج

هاهاهاهاها بس والله انتى عسل يا ملوكة

[ملكة بأخلاقى 1]

تسلمى حبيبه قلبى على الرد

انى أحبك فى الله

[عزتي نقابي 1]

مذاكرة ايه دي اللى على السرير.

لاني دايما ع السرير نوم ومذاكره وهزار ولعب وتليفونات

[جهاد اصبح 0]

ادلعى يا هبة فى ايامك المهببة!!!

 

 

يعنى يا بت انتى سايبة كل الاسامى ومالقتيش غير اسمى تلزقيه فى الهباب

 

طيب يا ملوكة

 

 

على العموم كل الجمل الخاصة بالمذاكرة طبعا كنت بسمعها على طول

 

وفى كام جملة تانية بس نسيتهم بعيد عنك

 

 

يا مواضيعك يا ملوكة يا عسل

 

شكراً لك اختي الكريمة على الموضوع الرائع

[خُـزَامَى 1492]

وعليكم السلام ورحمة الله وبركاته،،

حياك الله اختي

هذا ثالث موضوع يكون فيه الصور والروابط موضوعة بحيث تؤدي لرابط منتدى مخالف علما ان كل الروابط تؤدي لنفس المنتدى.

هذا فقط مجرد تنبيه ولكن إذا تكرر الأمر فسيتم حذف الموضوع مباشرة بدون التعديل حتى ان كان محتوى الموضوع لا شيء فيه.

واثق ان الأمر لن يتكرر ..