عادات البلدان لاستقبال رمضان

[بنوته مسلمه مصريه 458]

السلام عليكــم ورحمـة الله وبركاتــة ،،

نحن في استقبال شهر الخيرات شهر الطاعه والعبادات

فمنا من يستعد لرمضان بكثرة صيام وطول قيام

وقرأة القرآن والذكر والتسبيح والتهليل

وحمد الله ان بلعنا هذا الشهر الكريم

وهناك من يحضر له ولكن بشكل مختلف

وهناك عادات لكل بلد لاستقبال هذا الشهر والتحضير له

وهذا الموضوع كى نتعرف على عادات كل بلد عربى للتحضير لهذا الشهر

فعندنا فى مصر من يقوم بشراء الياميش والفوانيس للأطفال

ومن يقوم بتعليق الفوانيس والزينه فى الشوارع والطرق وبين البيوت وبعضها ومن يضع على بيته

نورا كأن البيوت والشوارع هى الاخر تستقبل هذا الضيف الغالي على قلوبنا فنحاول تزين كل شيء

 

فرمضان له مذاق خاص لايعرفه الا من ذاقه

فأرجوا من كل اخت ان تكتب لنا عادات بلدها لاستقبال هذا الشهر الكريم؟

وكل عام وأنتم بخير وإلى الله اقرب

[فراشة الكون 1]

وانا زيك يا بنوته نفس اللي انتو بتعملوه عندكم في مصر احنا كمان بنعمله عندنا في مصر

 

ههههههههههه

 

بوركتي يا غاليه :wub: :wub:

[هجورة 4]

وعلى فكرة احنا كمان فى مصر بنعمل نفس اللى انتوا بتعملوه ههههههههههه

 

هو الموضوع ده للمصريات بس ولا ايه

بس فكرته حلوة أوى يا حبيبة قلبى بنوتة مسلمة مصرية

[خطوات الجنة 0]

يا اخواتنا ادونا فرصه معاكم ... احم احم

طيب نحن عندنا في السودان رمضان بنبدا نجهز ليه قبل شهر من يهل علينا بالخير والبركه

وكمان بنبدأ (نعوس الابري )

نعوس : العواسه هي انك تجيب صاج كبير وتضع فيهو العجين وتعملو رقيق ( ما عارفه اذا فهمتوني ولا لأ )

الابري : بعد العواسه بينقع الابري في الماء وبيطع منه عصير .. وفي نوعين من الابري ( ابري أحمر ويسمى حلو مر ... وابري ابيض )

وبرضو بنجهز الرقاق بنفس الطريقه والرقاق يؤكل مع اللبن في السحور

وأكيد بنشتري البهارات كلها كامله . أما العصائر فاكيد بتبدأ من الفواكه ( البرتقال والقريب فروت والمنقه والجوافه ) وايضا الكركديه والقنقليز ( التبلدي ) وقمر الدين والعرديب

أما المائده السودانيه في رمضان أهم طبق هو العصيده يا اما مع ملاح الروب أو ملاح التقليه ... ومعاه تاني طبق السلطه والطعميه والفول والسمبكسه والفطائر

أما العشاء فاغلبه بكون لحوم بكل انواعها

وعندنا عاده في السودان ما عارفه عندكم في مصر او اي دوله اخرى ؟؟ وهي ان الرجال بيشيلوا صينية فطور من البيت وبيفطروا في الشارع مع الجيران وبيتبادلوا الصواني يعني كل واحد بيفطر في صينية الاخر ..

اتمنى اني ما اكون نسيت حاجه .. اها انشاء الله اكون افدتكم

[أماني المجد 1]

اما احنا بقى فعاداتنا غييييييييييير بنختلف عن شعوب كتير

لاننا فعلا شعب تميز برمضانه لدرجة انه صدر انتاجه

مسلسلات جديدة.خيمات للسهر والتشييش.واللي عايز يكفر عن ذنوبه يعمل خيمة لافطار صائم ويعطي اللي خارج قرشين .ومش بس احنا اللي عملنا الفوانيس لا دي كمان بقت بتغني لنانسي امال يعني ملهاش نفس العيال تفرح.وكتير كتير

ممكن لو حد دخل بعدي من بلدي يكملكم حاجات كتير بس المشكلة انهم ندرة)اللي من بلدي)

يعني لو قدرا دخلت وحدة مصرية ممكن تفيدكم في الموضوع

اه نسيت ااقولكم كمان عندنا زودنا حاجات جديدة احتفالا بالشهر هيلغوا المؤذنيين في البلد هيسجلوا الاذان ووقت الاذان هيفتحوا(المذياع)وفي رواية الراديوا على أذان مسجل علشان الاصوات الكتير كانت بتعمل أزعاج

ممكن إن شاء الله على رمضان الجاي بقى يلغوا أذان الفجر لانه بيعمل ازعاج للي لسه رجعين من الخيمة الرمضانية وهما طالبو بكده بس لعند ما الاجراءات تتم

تم تعديل 27 يوليو, 2010 بواسطة أماني المجد

[أماني المجد 1]

الحبيبة خطوات الجنة بلغنا الله واياك رمضان ورزقنا حسن العمل فيه عاجبني جدا ماقلتي يعني حسيت فيه بخير زمان البساطة والتقارب(وان كنت صراحة مفهمتش قوي ايه الحاجة اللي مع الرقاق الابري ده ان كان فعلاالنعوس هو الرقاق عندنا)

يمكن عندنا شبه بكده في تبادل الزيارات بس بيكون بين الاقارب عادة يعني كل يومين عزمين حد يفطر عندنا

[خطوات الجنة 0]

امين اختي اماني المجد .. اسمك جميل جدا

بالنسبة لكلمة نعوس هي فعل يعني نخبز الابري .. والابري زي العيش بتاع الدايت بس على ارهف ..

والرقاق زي فكرة الكورن فلكس .. بس طعمه احلى (:

وزيارات الاهل بتكون كتيره في رمضان وعزومات الاصحاب بالذات اصحاب الاولاد هم يعزموا ونحن يزيد شغل المطبخ علينا (:

ونسيت الحلويات بكل انواعها ..

وعموما نحن في بيتنا بنعمل فطور بسيط لاننا بسيطين وما بنقدر ناكل ساعة الفطور لكن في العشا (بننتقم من الاكل ) (: , على العكس في اسر بتلقي فطورهم بيحوي اي حاجه بتخطر على بالك .. وعموما في رمضان أسعار كل السلع بترتفع بالذات اللحوم والسكر والفواكه .. وعملوا دراسه وجدوا انو الاستهلاك بيرتفع جدا في رمضان مقارنه بالشهور الاخرى

 

اللهم بلغنا رمضان

[خطوات الجنة 0]

وبالنسبة لرمضان في مصر أكيد مميز جدا وعلى قولك مشهورين بالفوانيس ... ونفسي يوم اصوم رمضان عندكم رايكم شنو تعزموني رمضان الجاي(:

[ساره أم حمزه 1042]

وعليكم السلام ورحمة الله وبركاته

 

بس اللى مش كويس المسلسلات فيها اختلاط واغانى وموسيقى

والفوانيس اللى فيها اغانى يبقى منجبهاش لعيالنا

نربوهم من صغرهم على القرءان وان الاغانى والموسيقى حرام ( :

 

خطوات الجنة جميل رقاق ولبن فى السحور ( :

ما شاء الله لا قوة إلا بالله ربنا يبارك

بس ايه العشاء ؟

يعنى بنفطر المغرب ونصلى التراويح وبعديها ناكل مثلا كنافه قطايف

والسحور قبل الفجر ( :

[ساره أم حمزه 1042]

تنورى يا خطوات الجنة ببقى نفسى كل الناس تبقى معانه ونبقى فى الفرحه مع بعض

( :

[أماني المجد 1]

شكرا لكي سارة انك سبقتيني في عزومة خطوات

والله انا اتمنى ويزيدني ويزيد اهلي وبلدي شرف ان اي اخت تتكرم علينا بزيارتها خاصة ان كان في رمضان

اي نعم نحن بفضل الله على قد حالنا لكن بصلة المحب خاروف كما نقول

بس اللي ناوية تيجي متقلقش مش هندبح الخروف اللي عندنا علشان بتاع العيد ان شاء الله

لكن عندنا من فضل ربي بط وحمام يمشي معاكم؟ لو ميمشيش مش مشكلة نعمل كشري

بس تنورونا

[بنوته مسلمه مصريه 458]

السلام عليكــم ورحمـة الله وبركاتــة ،،

جزاكم الله خيرا اخواتى على ردودكم

حبيبتى خطوات بجد انتوا رمضان عندكم جميل اوى ماشاء الله على راى امانى حسينا فيه بريحة زمان

وبعدين انتى تنورينا ومصر كلها تنور بيك

أجمل شيء كان بيميز رمضان عندنا قرآن المغرب وخصوصا بصوت الشيخ محمد رفعت

وياسلام على الفتره مابين العصر والعشاء بنشغل اذاعة القرآن واحنا بنجهز الفطور وتلاقى كل المساجد مشغله اذاعة القرآن

وماشاء الله المساجد مليئه بمن يقرأ كتاب الله

تشعرى فى رمضان بشيء آخر غير باقى الشهور

تشعرى أن العالم تغير من حولك الكل يهنيء بحلول الشهر الكل منشغل بالعباده والله احساس لايوصف

اللهم بارك لنا في شعبان وبلغنا رمضان

كل عام وانتم بخير اخواتى الحبيبات

تم تعديل 31 يوليو, 2010 بواسطة بنوته مسلمه مصريه

[خطوات الجنة 0]

السلام عليكم ساره محمد .. صحيح كلامك لازم نربي أولادنا على القران وحبه ...

بالنسبه للعشاء بعد مانجي راجعين من المسجد بنجي جوعانيين بنشرب عصير وزي الساعه 12 كده بنعمل عشاء (مظبط) وعموما اغلب الناس ما بتقدر تاكل في الفطور فالتركيز بيكون على العشاء ... يعني انتو بتاكلوا كنافه وحلويات نحن بناكل حاجات مالحه وبنحلي بالحلويات .. .. والسحور قبل الفجر بي ربع ساعه تقريبا ..

[خطوات الجنة 0]

شكرا كتير على العزومه ساره واماني المجد وياريت لو كنتوا قريبين كان عزمتكم وعزمتوني .. ربنا يجمعنا في جنات الفردوس الاعلى ونفطر هناك مع بعض ان شاء الله ..

[خطوات الجنة 0]

تسلمي يا بنوته مسلمه .. البلد منوره بيكم ربنا يخليها ليكم امنه دائما .. واكيد زي ما قلتي رمضان عندو سحر عجيب .. نفحاته تريح النفس والقلب .. اللهم بلغنا رمضان ومتعنا فيه بالصيام والقيام واجعلنا من عتقائه يااااارب ..

[sama15 0]

لقد كان كلامك عاقلن وقد اثر فى :wub:

[زهرة الاوركيدا 0]

الله يبلغنا رمضان بخير احس الدول الاسلامية والعربية بالذات العادات متشابهه وكمان بسبب الانفتاح صارت الاكلات تقريبا متشابهه

 

وان احيي فيكم الهمه العاليه ماشاء الله

[بنوته مسلمه مصريه 458]

الله يبلغنا رمضان بخير احس الدول الاسلامية والعربية بالذات العادات متشابهه وكمان بسبب الانفتاح صارت الاكلات تقريبا متشابهه

 

وان احيي فيكم الهمه العاليه ماشاء الله

 

أولا اهلا بك بيننا أوركيدا الحبيبه

أنرتى المنتدى ولكم اسعدنى ان أول مشاركاتك كانت فى موضوع لى

جزاك الله خيرا

عندك حق فعلا البلاد العربيه والاسلاميه اصبحت متشابه فى عاداتها وطعامها

أسأل الله أن يوحدنا جميعا على كلمة الحق

[بنوته مسلمه مصريه 458]

لقد كان كلامك عاقلن وقد اثر فى :mrgreen:

أهلا بك سما بيننا

والله اسعدتونى انت واركيدا بردكم فى موضوع

جزاك الله خيرا حبيبتى

[بنوته مسلمه مصريه 458]

السلام عليكــم ورحمـة الله وبركاتــة ،،

ما يحدث فى الشارع قبل المغرب

يبدء الشباب الرجال طبعا فى الانتشار فى الطرقات لتوزيع التمر على المسافرين والراجعين من أعمالهم الى بيوتهم

كى يفطروا على هذه التمرات إلى أن يصلوا بيوتهم

فالاصحاب يتفقون مع بعضهم ويعملوا هذا العمل العظيم ان شاء الله

وهناك من يوزع العصائر

وبعد السيارات تمر على المساجد قبل المغرب بلحظات بأكواب من اللبن لمن فيها حتى يفطروا عليها

فماشاء الله الخير فى أمة الحبيب كثير وعظيم

اللهم بلغنا رمضان

[ريحانة زوجي 63]

 

 

أهلا بيكي ياأخت خطوات الجنه

أنا بأه قضيت أول عشر أيام في رمضان الماضي فى السودان

وشربت هناك التبالدى والحلو مر والعراديب

أما باقي الحاجات اللى قولتى عليها معرفهاش لأنى

أقمت في السودان ثلاث شهور ونصف فقط

ممكن زوجى يبقى عارف الحاجات دي لأنه سافر السودان لمدة خمس سنوات

بس صلاة الترويح فيها جميله جدا متفرقش عن الصلاه في مصر