اذهبي الى المحتوى
dreams77

كيف أنزعه (قصة حب متجدد)

المشاركات التي تم ترشيحها

أعرف أنكِ قد تكونين قرأتِ هذا الموضوع في منتدى من المنتديات او سمعتِ به ولكنِ أحببت ان انقله اليكِ انت نعم أنتِ أختي في الله ...وسوف تسألينني لماذا أفعل هذا ..سأجيبك ....لاني أحبك في الله

وأما بعد:

السلام عليكِ ورحمة الله وبركاته

عليكِ أنتِ حبيبتي في الله

أنت أختي وحبيبتي التي تقرأ الموضوع الان

أنا حابة اليوم أحكيلك حكايتي وأدخل معاكي في حوار طويــــــــــل

أنا مثلك بالضبط حبيبتي زي أي بنت بتحلم بالسعادة

اكتئبت كتير وبكيت كتير ودورت علي السعادة في كل حاجة

في النزهات والأغاني والموضة

وهذا كله كان بيزيد حزني..

لحد ماعرفت الطريق الصح وعرفت معنى السعادة الحقيقية

عرفتها يوم ما عرفت ربي حبيبي و أطعت كلام أكتر حد حبني على وجه الأرض حبيبي صلى الله عليه و سلم

faswel4.gif

أنا باكلمك أنتِ حبيبتي اللي رافضة النقاب وشايفاه مش من الإسلام أو عادة جاهلية

وشايفاكي وأنتِ عايزة تغلقي الصفحة

على فكرة أنا كنت في يوم من الأيام زيك بس ربنا من عليه وفهمت من أجل هذا لا استطيع أن أترككِ من غير ما افهمك وتحسي بالسعادة اللي أنا عايشاها

faswel4.gif]

وأكلمكِ أنتِ أيضا حبيبتي اللي لسه مترددة ومحتارة في النص

تريدين النقاب ونفسك فيه ، لكن برضه بتفكري في أهلك وصحابك ودراستك وشغلك... و .. و.. و..

أنا مريت بمرحلتك أيضا كتيــــــــر وندمت علي كل لحظة ضيعتها

وعارفة إحساس التوهان والحيرة اللي أنت فيه وسوف أمد لك يدي حتى أساعدك

هل ستقبلينها ؟؟

faswel4.gif

وأكلم أيضا أختي الملكة اللي ربنا اصطفاها بنعمة النقاب

والان... مشتاقة لشكلها من غير نقاب...

نسيتي أول يوم نقاب ؟؟

نسيتي إحساسك.. نسيتي فرحتك.. نسيتي إحساسك برضي ربنا عنك وفرحته بيكي...

طيب تعالي معايا نزيل أثر الشبهات اللتي أوصلتك لهذا

faswel4.gif

تابعيني بالله عليكي

وأرجوكِ لا تغلقي الصفحة )

القضية مش موضوع سوف تقرأيه أو لن تكمليه ولا حملة وسوف تنتهي

الموضوع قضية حياة قضية روح سوف تكون نهايتها رضا خالقها أو سخطه أو حسرتها علي ما ضيعت من إرتقاء درجات في الجنان

فلا تستهوني حبيبتي وتابعيني

ولحد ما أرجعلك تاني سوف اتركك تشاهدين هذا الفيديو

بس بشرط ... تشاهدينه بقلبك

شارك هذه المشاركه


رابط المشاركه
شارك

السلام عليكم

متابعه بإزن الله

امل

شارك هذه المشاركه


رابط المشاركه
شارك

و عليكم الـسلام ورحمـة اللـَّـه و بركـاتـه,,

 

جزاكـِ اللـَّـه خير أختـى الحبيبة

إن شاء اللـَّــه سأتابع

الموضــوع يبدو جميل جداااااً و رائع

 

باااااركـ اللـَّـه فيـكـِ وجعله اللـَّـه في ميزان حسـناتكـ

شارك هذه المشاركه


رابط المشاركه
شارك

حبيبتي في الله

رجعت لك تاني

وعارفة إنك أكيد مستنياني

 

أختي وحبيبتي الغير منتقبة

 

 

كثير الأخت لما تنتقب تسمع سؤال :

 

" ليه لبستي النقاب؟ "والان

 

أنا أريد أسألك حبيبتي :

 

 

"لماذا لا تريدين النقاب؟"

 

faswel2.gif

 

مممم سوف تقولين هذه مسالة خلافية وفي فقهاء أجازوا كشف الوجه

 

طيب سوف أسألك سؤال أنتِ تحبين ربنا ؟؟

 

طيب تريدين أن ترضي حبيبك ؟؟

 

تريدين ان تتقربي منه سبحانه وتعالي ؟؟

 

طيب لماذا لا تخرجين من هذا الخلاف ؟؟

 

فإن كان فرض تكوني قد قمتِ بيه وأطعتِ أمر ربك

 

وإن كان سنة أو فضل مثل ما بيقول البعض تكوني فزتي بالأجر أيضا

 

فهو على كل حال طاعة لله جل وعلا

 

 

faswel2.gif

 

ستقولين : أنا لازلت صغيرة وبعد الزواج سوف ألبسه

 

 

 

أنتي فاكرة إنك لما تطيعي ربنا هيحجب عنك رزقه ؟!

 

 

لا والله

 

طاعتك لله عز وجل تجلب لك الخير والبركة في كل شيء في حياتك

 

وزوجك الذي سوف يتزوجك لدينك هو اذيسوف يحبك ويحافظ عليكي ويحسن إليكي لأنه سوف يتقى الله فيكي

 

faswel2.gif

 

ممم سوف تقولين أهلى رافضين ولن يقبلوا

 

 

أقول لك

جاهدتي قبل هذا كم مرة من أجل معاصي ؟؟

 

طيب جاهدي الان من أجل ربنا

 

 

ألا تجاهدين لطاعة الله ؟؟

 

حاولى وجاهدى بالرفق واللين

 

بالإحسان والبر

 

واصدقى الله يصدقك

 

faswel2.gif

 

حبيبتي

 

نقاب الفتاة المؤمنة هو تاجها

 

فيه عزها وعفتها وشرفها ورفعتها فى الدنيا و الآخرة

 

 

ولكنك حبيبتي محرومة..متزعليش مني بس هذه هي الحقيقة..

 

أنتى فعلا محرومة

 

محرومة من شيء يقربك إلى الله عز وجل

 

وأي حرمان أشد من هذا ؟؟؟

 

ليس ممكن انك تبقي هكذا محرومة

 

هيا حبيبتي

 

هيا إلى مرضاة ربك

 

عجلي وسارعي

 

العمر أنفاس معدودة

 

والموت يأتي دون استئذان

 

وليس هناك بعد الموت غير الندم على ما فات

 

فهيا كي لا تندمي يوما

 

إنتي لن تندمي أبدا على أنك لبستي النقاب

 

لكن أكيد سوف تندمين لو لم تلبسيه لما تشوفي اللي سبقوك إلى الرحمن في درجات في الجنة أعلى منك

 

faswel2.gif

 

لا تريدين صحبة الحبيب صلى الله عليه وسلم ؟

 

ألا تتمني أن تجد نفسك يوما في حضن أمك خديجة رضي الله عنها ؟

 

الا تتمني الحديث مع أمك عائشة رضي الله عنها ؟

 

يلا

 

إمشيمثل ما مشيوا

 

توصلي للي وصلوا ليه

 

أسرعي إلى ربك

 

ولا تخافين أي شيء أبدا مهما كان

 

فربك بيده أمر كل شئ

 

وإليه يرد كل شئ

 

 

 

 

faswel2.gif

شارك هذه المشاركه


رابط المشاركه
شارك

ها .. ايه الأخبار ؟؟

عارفة انه كلامي أثر فيكي

بس شكلك لسة مترددة

طب ركزي معايا

حبيبتي المترددة إليكِ هذا الحوار الأخير بيني وبين نفسي :

أنا ونفسي والشيطان

حوار ثلاثي الابعاد

أنا: إية يا نفس مش عايزة تلبسي النقاب ليه ؟؟

نفسي : لا عايزة البسه

أنا: بجد ؟؟

نفسي : بجد

شيطان : ما تكلميش كلام أنتي مش هتقدري علية وخليكي واقعية

أنا: اسكت أنت يا بتاع ما تكلمش النهاردة تعالي يا نفسي نتفاهم

أنا: تعالي أنت مش عايزة تلبسيه ليه

نفسي : أنتي ما بتفهميش بقولك عايزة ألبسه بس أبوكي مش موافق

أنا: طيب اصبري ما أنا عارفة بس إيه يعني

الشيطان : إيه يعني إيه إنتي عارفة أنه مش ممكن يوافق

أنا : أنا مش قلتلك اسكت انت واقعد على جنب

الشيطان : هسكت بس ابقي قابليني إن وافق

نفسي : أنا عايزة ألبسه بس حليلي مشكلة أبوكي

أنا : بصي يا نفسي أبوكي آخره هيعمل إيه ؟؟

الشيطان : هيقتلك.

أنا : يا بتاع أنت اسكت يقتلني إيه أنا فرخة وبعدين ما احنا كدا كدا ميتين

نفسي : لا هيضربك علقة جااااااااااااااامداااااااااااااا

أنا : وإيه يعني أنتي مش اضربتي قبل كدة

نفسي :كتيررررررررررر وكمان علي حاجات عبيطة وساعات ظلما

أنا: إيه يعني لو علقة لله

نفسي : حلوة علقة لله :علقة لله:علقة لله طعمها حلو

أنا: هتصبري ؟؟

نفسي : حسب نيتك وعزيمتك

أنا : بس كدة

نفسي :والإستعانة بالله أولا طبعاااااااااااا

أنا : طب ليه مش قلتيها في الأول

نفسي: جهل

أنا : يبقي إستعانة بالله وصدق نية

ne1.gif

ها وأنتي... عايزة النقاب بجد ؟؟

طيب هتفضلي مترددة لحد إمتي ؟؟

هتفضلي مذبذبة لا مع دول ولا مع دول لحد إمتي

طيب لو ملبستيهوش مش كدة في مخاطرة وإحتمال الخسارة ؟؟

طيب ولو لبستيه هتخسري إيه ؟؟

تفتكري ربك حبيبك العدل مش هيجازيكي عليه

مش عايزة عمل كبير يغسلك من كل ذنوبك

ne1.gif

أحسبيها صح حبيبتي

وبشرينا بقرارك

وأي مشكلة بتواجهك في لبسه أي استفسار لسه موقفك

لو محتاجة حتي صحبة تثبتك

مستنياكي

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×