سألت زوجها هنا أحسن ولا فى بيت مامتك؟؟

[أم عائشة المصرية 242]

عمرى مادخلت مطبخنا لاقيت فيه كوبايه فى الحوض..ماما كانت تلم الفوارغ وتغسلها اول باول

 

مش زى نااااااااااااااااااااااااس تلم الغدا ويتغسل بعد العشاااااااااااااا

 

انا اعترض على هذه الجملة

 

ماتخص الرجل بشىء

 

لا يا أختاه...كيف لا يخصه..

هو لم يعترض لكنه بالفعل أحس بالفرق..

لأنه زى ما المفروض يلاقى الأرض نظيفة ومفيهاش لا لعب ولا تراب..

كذلك المطبخ المفروض يلاقيه رايق لا مواعين ولا كركبة..

 

ممكن الواحدة فينا تحصل لها ظروف أحيانا...لكن لا ينبغى أن يكون هذا هو الأصل..

 

 

أختى فى الله..om sarah wa yousra

جزاك الله خيرا ولا حرمك الله من جميع ذريتك..

[محبة لربها، ادعوا لي بالثبات 72]

بصراحة لا أنا ولا زوجى بنشرب الشاى السادة ولما بيجيلي ضيوف ويطلبوا شاى بقول يا رب يعجبهم..

لأنه اللى بيشرب شاى ومتعود عليه بيبقى له طعم معين..مش أى شاى وخلاص...!

^_____^

يا كسفتى

 

:smile:

 

 

 

لكن صدقينى هى دى وصفة كييفة الشاى ومتجربة بعد عناء وسخرية :icon_eek:

 

والضيوف او اى ناس بيمدحوا فى براد الشاى بتاعى ويقولوا

 

شوية شاى من سومة كده :icon15:

تم تعديل 2 ديسمبر, 2010 بواسطة محبة لربها، ادعوا لي بالثبات

[يسرا عبد الرحمن 718]

ربنا ما يحرمنى منك يا محبه لربها

بس حبيبتى انا فاعلا فاشل فى الموضوع ده وحاولت كتير لكن مفيش فايده

عايزه اقوللك ان حماتى عليها كوباية شاى روعه لدرجة بحس انى عايزه اكل الكوبايه بعد الشاى وحاولت اكثر من مره انى اعمل الشاى بنفس طريقتها لكن مفيش فايده لدرجة انى استسلمت وعرفت فعلا ان الشاى الحلو مش اى حد يعمله وان ده نفس

دا حتى الشاى الفتله اللى مش حعمل فيه حاجه مش بيطلع طعمه حلو معايا لكن لما زوجى هو اللى يحضره بيكون حلو وخلاص بقى يا محبه هو كده الحلو مش بيكمل

 

عموما يا ستى حجرب طريقتك للمره الاخيره بس لو طلع وحش معايا المره دى كمان انا حتازم نفسيا ادعيلى بقى اكسب الجوله دى وربنا يسطر

[أم عائشة المصرية 242]

ادعيلى بقى اكسب الجوله دى وربنا يسطر

خلى بالك يا حبيبتى..اسمها ربنا يستر

 

من الستر يعني...

[محبة لربها، ادعوا لي بالثبات 72]

اهم حاجة كمان

 

انك تكونى داعكة الكوب الزجاجى بالسلك وكام نقطة مياه على نقطتين فيرى

 

وكذلك ادعكى البراد حتى لا يكرف طعم تانى وما يطلعش الشاى طِعِم ولذيذ

 

والملعقة تكون جافة قبل ان تغمسيها فى السكر

 

او تخصصى سكر لجميع المشروباتبعيدا عن سكر المخصص للشاى

 

والله شايى كان استغفر الله العظيم

 

والضيوف كانوا يدوقوه ويسيبوه

 

او يبصوله ويسيبوه برضه :biggrin:

 

السر فى طريقة غلى الماء

 

لازم يغلى جامد عشان الشاى يخرُط ويكون مستوى او متسبك حلو

 

واوعى تغلى الماء كتير او بمجرد غليه تطفى اوعى

 

وصبيه فور غليانه

 

يعنى يبكبك فى الكوب

 

وضعى ملعقة داخل الكوب لحسن الكوب يفرقع ربنا يستر

[أم عائشة المصرية 242]

جزاك الله خيرا حبيبتى محبة لربها على النصائح المطبخية الجميلة دى..وأنا بصراحة من محبى الشاي بلبن جدا..

ومدمناه ومش بحب أشربه من إيد حد..بحب أعمله لنفسى وبرضه هو نفس...!

لذلك لا أتضايق لما حد يؤكد إن الشاى السادة نفس..

(وعلى فكرة أنا بعمله بالغلاية الكهربية وهى طبعا باغلى كويس..(لا قليل ولا كتير جدااا...لكن وسط يعني)

[يسرا عبد الرحمن 718]

جزاكى الله خيرا يا حبوبه بتفكرينى بحماتى لما تعلمنى حاجه تفضل تاكد عليا وتعيد تانى الطريقه ودايما تقول لى فى الاعاده افاده وفعلا عندها حق لما بتعيدى الكلام تانى بتذكرى حاجات ما ذكرتيهاش فى المره الاولى

وعموما يا حبيبتى انا عندى غلايه كهربائيه زى ام عائشه لكن حجرب اعمل الشاى من غيرها بس وزوجى فى الشغل احسن فضيحتى تبقى بجلاجل ونفسى بجد اعمل ولو مره كوباية شاى حلوه

 

وجزاكى الله خيرا حبيبتى ام عائشه على التصحيح لكلمة يستر

انا اعرف والله حبيبتى انها من الستر لانها مرت عليا اثناء دراستى لكن علشان بكتب بسرعه اخطات فى الكتابه بس الافضل طبعا تصحيحها احسن احد الاخوات يعنقد انها بالطاء مش بالتاء

 

وجزاكى الله خيرا لانك سمحتى فى موضوعك من انى اعرف طريقة الشاى جعله الله فى ميزان حسناتك

[@hasby alah@ 2]

السلام عليكــم ورحمـة الله وبركاتــة ،،

بارك الله فيكي موضوع لطيف جدا اعجبني

وكما قالت اختنا الحبيبة مودة ورحمة شخصيين مختلفيين الام والزوجة لا اعتقد ان كثيرا من الرجال يقارنون الام بالزوجة ممكن يقارنوا الزوجة بنساء اخريات :icon15:

اكيد ليست الام على كل حال الزوجيين لطيفيين بالطريقة الحوارية المطروحة

جزاكي الله خيرا

[سندس محمود 42]

السلام عليكم ورحمة الله وبركاته،،

ههههههههههههه بجد موضوع جميل جدا اضحك الله سنك واسعدك بصراحة انا عروسة جديده وبحس نفسى مقصرة مع زوجى فى عمل البيت ادعو لى

[محبة لربها، ادعوا لي بالثبات 72]

اوعوا تفتكروا انى ما عنديش براد كهربا

 

لا

 

ازعل منكوا ههههههههههه

 

عندى

 

بس لسة متعوده على البوتاجاز

 

من شب على شيء

 

 

بامزح معكن

 

 

 

شكلى خرجت عن الموضوع :unsure:

 

ومشرفتى لها حق العقاب

[سندس محمود 42]

اضحك الله سنك ادعى لى فأنا مقصرة مع زوجى

[حنين مسلمة 34]

السلام عليكــم ورحمـة الله وبركاتــة ،،

 

ما شاء الله ضحكت ضحك :) والله كأن أنا وزوجى ولكن الفرق أن الجلسة دى هادية

 

لأنى عادةً بزعل من النقد إن ما عيطتش 8-)

 

وأنا لو مكان الأخت ما كنت عرضت نفسى للمقارنة دى من الأول

لأنى فعلا بضايق من جوايا لما زوجى يقارن بينى وبين أى إنسانة تانية

 

طبعا مش كل النقاط اللى فى الموضوع بينى وبين زوجى ولكن نقطة المكواة فقط لأنى بتكااااسل جدااااا فى المكواة

ولما يلفت نظرى بتظاهر إنى نشيطة وبعمل اللى أقدر عليه وبعند وبزعل :blink:

وكل مرة أقول هتمالك نفسي ومزعلش وأكبر شوية بس مفيش فايدة ...

 

بس موضوع بجد جميل قوى وظريف ..

 

ربنا يبارك فى كل الأخوات ويصلح أحوالنا

[ام مريم الغالية 0]

و أنا فعلا حسيت بالفرق ههههه

يارب نكون زوجات صالحات كأمهات أزواجنا و ما يحسوش بالفرق ههههههه

[أم عائشة المصرية 242]

نورتو الموضوع حبيباتى

 

محبة لربها...أثرية يعني...^___^

أضحك الله سنك وجزيتي خيرا على الفائدة.

 

سندس محمود..أسأل الله سبحانه وتعالى ان ييسر لكِ حالك مع زوجك وأن يصلح بينكما.

حنين مسلمة...وعليكم السلام ورحمة الله وبركاته

أهلا بكِ أختاه...أخدتى بالك أنا قلت ايه فى الأول...قلت إن الزوجة طلعت عاقلة ومقلبتش اليوم ضدها..

بالعكس يا حبيبتى طلعت ذكية وخلت زوجها يعترف بكل حاجة مضايقاه من غير لا نكد ولا خصام ولا غيره..

بالعكس عرفت عيوبها لتتداركها..أليس كذلك..؟

أنا معامِ إن الواحدة بتكن محرجة لما زوجها يصارحها بعيب فيها لكن تأكدى إنه بيقولك العيب لتصلحيه وتتحسن حياتكما لا للمعايرة ولا لاصطناع المشاكل..

يبقى أنا أخليني شاطرة وأصلح نفسى شيئا فشيئا..

وخلى بالك...لو متقبلتيش كلام زوجك ونصايحه حتفضلى بعد 20 سنة زواج بنفس العيوب....لذلك خلى باااااالك وحاولى تتقبلى الحورارت المشابهة للحوار ده..

 

[حنين مسلمة 34]

color]

حنين مسلمة...وعليكم السلام ورحمة الله وبركاته

أهلا بكِ أختاه...أخدتى بالك أنا قلت ايه فى الأول...قلت إن الزوجة طلعت عاقلة ومقلبتش اليوم ضدها..

بالعكس يا حبيبتى طلعت ذكية وخلت زوجها يعترف بكل حاجة مضايقاه من غير لا نكد ولا خصام ولا غيره..

بالعكس عرفت عيوبها لتتداركها..أليس كذلك..؟

أنا معامِ إن الواحدة بتكن محرجة لما زوجها يصارحها بعيب فيها لكن تأكدى إنه بيقولك العيب لتصلحيه وتتحسن حياتكما لا للمعايرة ولا لاصطناع المشاكل..

يبقى أنا أخليني شاطرة وأصلح نفسى شيئا فشيئا..

 

جزاكِ الله خيراً حبيبتى على النصيحة الطيبة ...

بإذن الله أحاول أهدأ وأقلل الحساسية شوية وأكون عملية أكثر

 

وعندك حق...

لو متقبلتيش كلام زوجك ونصايحه حتفضلى بعد 20 سنة زواج بنفس العيوب

 

وفعلا حاليا زوجى بيقلل الانتقاد جدا ولو انتقد شيء بيكون بعده علطول جملة إنتِ بتزعلى من النقد وخلاص مبقتش هقول حاجة تانية ..

 

ربنا ييسر الخير ويصلح الأحوال ... بإذن الله هقدر أغير نفسى للأفضل :)

 

جوزيتِ خيرا على اهتمامك

[دِفءُ الأُنـْــــــــس 21]

السلام عليكم ورحمة الله وبركاته،،

 

 

موضوع لطيف جدااً ^_^

وتعليقات الأخوات توووحفه : ) )

بارك الله فيكِ أم عيوش

[أم أسامة الجزائرية 2]

حبيبتي الغالية شكرا جزيلا على هذه القصة الجميلة

 

ولكنني للأسف أنهي شغل البيت كله ولا يعود زوجي إلا في منتصف الليل حتى أنه لايلتقي بإبنته إلا في الصباح حين يأخذها للمدرسة

 

وأنا أحاول أن اوقض نفسي حين يعود بالعافية

 

والله اشتهي أن يكون في البيت في وقت مبكر ويتناول العشاء معنا ويرى البيت في وضح النهار

[ام مريم الغالية 0]

صلح موقفه وقالى بس لما بقعد مع نفسى وافتكر العزوبيه وايام الوحده بحس بالفرق

الحمد لله انو وجد جاجة حلوة ههههههه

[وأشرقت السماء 1565]

موضوع جميل حبيبتى أم عائشة

جزاكى الله خيرا

فعلا لما الزوج بيقارن بيكون الموضوع صعب

زوجى قبل الزواج كان ماشاء الله عليه متعاون ويساعد أمه فى شغل البيت لما يكون فاضى وكان بيكوى لنفسه

فرحت وقلت يا سعدى يا هنايا هيساعدنى فى شغل البيت

وفعلا الحمد لله حتى كوب الماء يكون بجانبه ولازم أعطيه له فى يده

وأقوله إيه غيرك يقولى من يوم ما تزوجتك وإنتى عودتينى على كدة

إزاى أنا معرفش

ربى يبارك ليا فيه ويرزقه السعادة فى الدنيا والآخرة

[أم عائشة المصرية 242]

جزاكن الله خيرا أخياتى..

وربنا يرزقنا السعادة ويرزق أختنا صاحبة الموضوع الذرية الصالحة

[رجــاء 0]

اق

 

 

اقل ما يقال انك رائعة زادك الله رصنة وروعة

ةاكثر عجبني علاقتك بحماتك

اتحسر علىة نفسي ادعيلي انه ربنا يالف مبيني وبينها

واسال الله لك ان يجعلك قرة عين لزوجك

هههههههههههههههه موضوعك جميل حبيبتى فى الله عائشه وبيلمس اللى بيحصل فعلا فى اغلب البيوت

بس الحمد لله انا بعيده تماما عن الموضوع تقدرى تقولى انى مريحه زوجى على الاخر ولا يمنع ايضا من انه زوج مريح

 

يعنى مثلا والدة زوجى لا تحب كوى الملابس لكن انا فنانه فى كوى الملابس من قبل زواجى كنت دائما اكوى لوالدى حبيبى وعندما اكوى لزوجى بخصص يوم ليس فيه شغل للبيت واكوى جميع ملابسه علشان زوجى حبيبى يختار الطقم اللى هو عايزه

 

الامر الثانى انا حماتى نفسها حلو جدا فى الاكل وانا عندما تزوجت كنت لا اعرف اطبخ فتعلمت من حماتى طريقه الاكلات وممكن اكون عدلت عليها شويه لكن صممت اتعلم منها علشان كنت اخاف اعمل الاكل بطريقه اخرى غير طريقة والدته فمتعجبهوش لكن الحمد لله تقدرى تقولى اختك اصبحت استاذه ودلوقتى حماتى هى اللى بتسالنى على طريقة بعض الاكلات اللى بعملها وكمان زوجى بيحب اكلى جدا

وغير كده فى اكلات زوجى كان بيحبها قبل الزواج لكن والدته كانت بتكسل تعملها بحكم عملها وليس هناك وقت لديها لعملها لكنى اراها دائما سهله بالنسبه لى وزوجى يقول لى سبحان الله دى ماما كانت دائما تقو دى اكلات صعبه وانتى تقولى سهله مثل البيتزا والبشاميل

 

اما موضوع تحضير الطعام انا دائما احب اعمل الاكل بدرى الااذا حصل شىء عطلنى عن الاكل مثل الامبوبه او احد اولادى مريض ويبكى علشان اكون بجواره وده افضل الانتهاءمن الاكل بدرى لان زوجى وقت عمله مختلف وممكن فى اى وقت يذهب الى عمله فجاه بدون مقدمات

اما وضع الطعام على السفره قبل اتيانه من العمل فطبعا حكم شغله لا يسمح لى بذلك لانى ممكن اضع الطعام وهو لا ياتى ولو هو ايضا موجود فبنضع الطعام مره واحده علشان لينه هانم متوقعش الاطباق وتلعب فيها وزوجى هو اللى قرر كده بسبب حوادث لينه

 

وموضوع النت احنا متعادلين فى الموضوع ده بس اغلب جلوسى وهو مش موجود

 

وبالنسبه لكوباية الشاى زوجى دمقراطى مش بتفرق مين فينا اللى يعمله والاغلب هو اللى بيعمله لان زوجى نفسه حلو فى الشاى مثل مامته وانا للاسف ده الشىء الوحيد اللى فاشله فيه

 

اما غسيل الاطباق فكنت قبل غسالة الاطباق لازم اغسل اول باول علشان بحب المطبخ رايق ونضيف لان انا اصلا عندى مشكلة النظافه احب دايما البيت يكون بيلمع ورائحته جميله

وهى دى حكايتى يا ستى يعنى مفيش مقارنه بينى وبين حماتى الحمدلله ومنكرش انى اتعلمت منها الكثير والكثير وربنا يبارك فيها لزوجى واولادى لانهم بيحبوها قوىىىىىىىىى وفى الاخر هى امه وانا زوجته ليس هناك مقارنه بيننا

[أم يوسف حبيبي 0]

موضوع مميز جدا اختي ام عائش ويارب كلنا نتعلم من اخطاءنا

[يسرا عبد الرحمن 718]

جزاكى الله خيرا يا رجاء

لكن حبيبتى يمكنك ان تصلحى العلاقه بينك وبينها

هنا فى النتدى جميع الافكار حتى تعلمك كيف تكون العلاقه بينك وبين حماتك جيده

ولكن باختصار لا تتعاملى معها على انها حماتك بل والدة زوجك الذى تحبيه وتردى له جميل معاملته الحسنه لكى ببر والديه

اووالدتك صاحبة القلب القاسى والتى لا يمكنك ان تقاطعيها لانها امك التى وصانا المولى بها مهما فعلت بك فوالله جدتى ام والدتى كانت تعاملها امها اسوء معامله وسبحان الله وانا صغيره كنت ارى بعض من هذه المعامله السيئه لجدتى من امها لدرجة ان والدتى كانت تقول لى انها كانت تظن ان امها ليست ابنه لجدتها من شدة المعامله معها فهذه هى حبيبتى معامله ام لبنتها قد تكون نادره لكنى اعتبر بيها كى اصبر على اى شىء يضايقنى من والدة زوجى واقول فى نفسى الام تعامل ابنتها هكذا فما بالك بوالدة الزوج التى ليست امك

 

او اعتبريها صديقتك التى ترى منها الحلو والسيىء ومع ذلك فانتى مستمره فى صداقتك معها فليس هناك انسان كامل

 

وتوددى اليها حببتى فى الله بالهدايا والكلمه الطيبه ومدى اعجابك بيها وبتربيتها لاولادها وانك بتستفيدى من ارائها تعاملى معها حبيبتى على انها صديقه وليست حماتك

 

صدقينى حتتغير من ناحيتك وحتتودد اليكى مثلما فعلتى معها ولكن عليكى ان تفهمى تماما ان ليس هناك انسان كامل وممكن تجدى منها بعض ما يغضبك لكن عليكى بالتطنييييييييييييييييييييييش علشان تستمر حياتك الزوجيه وكذلك تحلى بالصبروسيعوضك الله خيرا

 

لا تعتقدى اننى لا ارى من حماتى ما يغضبنى ولكنى لا اعطيها الفرصه لتزيد من ذلك بالمعامله الطيبه لها ولا اعاملها بالمثل واتذكر منها الحسن وليس السيىءكى انسى اى شىء اغضبنى منها

 

يا رب تكون رسالتى وصلت وربنا يهديكم لبعض ويؤلف بين قلوبكم

[** جنة الله ** 0]

جميله جدا

مضحكه ومفيده

بارك الله فيكى اختى

 

 

[** جنة الله ** 0]

جميله جدا

مضحكه ومفيده

بارك الله فيكى اختى