هل اولادك بيحبو بعض تعال قوللنا شعورهم ايه لبعض

[ام الخلفاء 0]

السلام عليكم اخواتي

 

ولادك ايه اخبارهم مع بعض بيحبو بعض بيكرهو بعض بيضربو بعض ايه احوالهم مع بعض ومشاكلهم النفسيه

 

وتعالي نحلها واللي عندها حل لاي مشكله تقول لنا

 

انا هبتدي بنفسي اولا انا عندي ثلاث اولادادهم عندو 11 سنه ومعاذ 8 وصهيب 6 ادهم مشكلته انه عندو لامبالاه

 

وبعدين بيميل لااخوه صهيب الصغير ومعاذ لا وبيحب اللعب جدا ومجنون كوره وانا بحاول اكسر فيه

 

حتتة لعب الكوره علشان ميتعلئش بيها اما معاذ فهو شخصيه غريبه شويه تحسي انك بتتكلمي مع واحد

 

عنده 50 سنه اسئلة غريبه وبعدين متعلق بي ابوه جدا عني بكتيييييييييير وعنيدي جدا جدا وسعات بحس

 

انه مش بيميل ليا خااااااااااااااااالص وبرضو بيميل لااخوه صهيب الصغير وكل ما اقول له علي حاجه

 

يقولي لالالالالا وبحس سعات انه بيحب ياذيني ولما بكون تعبانه مش بيسئل فيا بخلاف اخواته مع انه حنين

 

جدا جدا جدا ولكن غريب الاطوار عنيف عصبي غليظ في كلامه وافعاله اما صهيب فهو مدلع شويه

 

مننا كلنا بس مش بيحب اخواته ولما اقول له ياحبيبي حب اخواتك يرض عليا ويقول دول مش اخواتي

 

ومش بيرضا ياكل مهاهم في طبق واحدولا مطرحهم وغبي جدا في تصرفاتو معاهمومع ذلك بيحبو جدا

 

اعمل ايه اللي عندها حل لمشكلتي تقولي اعمل ايه؟

[{ الــهـــا م } 81]

السلام عليكم اخواتي

 

وعليكم السلام ورحمة الله وبركاته

 

ام الخلفاء

 

ولادك ايه اخبارهم مع بعض بيحبو بعض بيكرهو بعض بيضربو بعض ايه احوالهم مع بعض ومشاكلهم النفسيه

 

وتعالي نحلها واللي عندها حل لاي مشكله تقول لنا

بإذن تستفيد الامهات

 

انا هبتدي بنفسي اولا انا عندي ثلاث اولادادهم عندو 11 سنه ومعاذ 8 وصهيب 6

 

ما شاء الله

 

بارك الله لكِ فيهم ورزقك برهم وبلغوا اشدهم

 

ادهم مشكلته انه عندو لامبالاه

 

ممكن يكون الاشياء التي حوله لا تمثل اهمية عنده

 

وبعدين بيميل لااخوه صهيب الصغير

 

الحمد لله

 

ومعاذ لا

 

لانه كبير مثله وله طلبات بعكس اخيه الصغير يعني معاذ بينافسه في مكانته

 

وبيحب اللعب جدا ومجنون كوره وانا بحاول اكسر فيه

 

حتتة لعب الكوره علشان ميتعلئش بيها

 

اللعب جميل وكمان بيخرج طاقته فيه ليه تحرميه منها لكن تفهميه انها ليست هدف في حياته

 

انما هي رياضة لصحة جسمة وعقله

 

اما معاذ فهو شخصيه غريبه شويه تحسي انك بتتكلمي مع واحد

 

عنده 50 سنه اسئلة غريبه

 

ما شاء الله ممكن تستفيدي من ذلك باكسابه مهارة القراءة والاطلاع واكتساب معلومات مفيدة

 

وبعدين متعلق بي ابوه جدا عني بكتيييييييييير وعنيدي جدا جدا وسعات بحس

 

انه مش بيميل ليا خااااااااااااااااالص

 

الاولاد منهم من يميل للاب مثله واكيد بيحب يقلده لكن اذا ركزتِ شوية تجدي انه الولد بيحب امه ايضا لكن بطريقة مختلفة

 

وبرضو بيميل لااخوه صهيب الصغير وكل ما اقول له علي حاجه

 

يقولي لالالالالا

 

بيقول لا .. لاثبات شخصيته انه ليس مثل اخواته قللي من الاوامر التي تكون اجابتها لا

 

اعطيه فرصة لاختيار اجابه اخرى (مثلا بدل قول صلّيت قولي يلا نصلي جماعة )

 

وبحس سعات انه بيحب ياذيني ولما بكون تعبانه مش بيسئل فيا بخلاف اخواته مع انه حنين

 

جدا جدا جدا

 

ممكن يكون لا يجيد التعبير عن عواطفه والنوع ده بيكون عنده كميه حُب كبيرة لمن حوله

 

كرري معه عبارات الُحب ليتعود على تردديها

 

ولكن غريب الاطوار عنيف عصبي غليظ في كلامه وافعاله

 

لا تقارني بينه وبين اخيه فلكل واحد شخصيته وتعاملي مع كل واحد بما يناسبه

 

اما صهيب فهو مدلع شويه

 

مننا كلنا بس مش بيحب اخواته ولما اقول له ياحبيبي حب اخواتك يرض عليا ويقول دول مش اخواتي

 

ومش بيرضا ياكل مهاهم في طبق واحدولا مطرحهم وغبي جدا في تصرفاتو معاهمومع ذلك بيحبو جدا

 

لا تذكري كلمة غبي على احد ابنائك غاليتي لانك تؤذيه وممكن اخواته ينادوه بذلك وتكوني تسببت بمشكلة

 

تصرفاته مع اخواته نتيجة تقبلهم لها ان وجد صد منهم وعدم قبول وضحك لافعاله سيعدل منها

 

مسأله الاكل ممكن لانك اسجبتي له منذ البداية ووجده شيء يميزه عنهم حاولي بالتدريج معه

 

وبإذن الله ينصلح حاله

 

اعمل ايه اللي عندها حل لمشكلتي تقولي اعمل ايه؟

 

وفقك الله في تربيتهم غاليتي :icon15:

[أم عائشة المصرية 242]

وعليكم السلام ورحمة الله وبركاته،،

جزاك الله خيرا إلهام..

لقد رأيت استشارة أختنا فى الأول وقلت أكيد لن يرد عليها ردا مفصلا إلا إلهام..بارك الله فيكِ

وربنا يهديلك أبناءك يا أم الخلفاء

وأؤكد على النقطة التى ذكرتها إلهام وهو ألا تسبي أبناءك أبدا لا أمامهم ولا من ورائهم فهم فلذات أكبادك وكلامك سينعكس على تصرفاتك معهم.

[ام الخلفاء 0]

اختي وحبيبتي الهام انتي فعلا اسم علي مسما انا عاجزه عن الشكر ولقد تاهت منيي كلمات التقدير انتي فعلا ونعم الاخت جزاكي الله خير وربنا يرزقك الزوج الصالح اذا لم تكوني متزوجه وربنا يرزقك الذريه الصالحه النافعه اذا لم تكوني منجبه وربنا يهدهملك ويخليهملك ويصبحو كما تحبين اذا كنتي ام فلكي مني كل الاحترام والحب اختي ولكن في استشاره اخري اختي يخصوص معاذ برضو ممكن هو بيحب الحيوانات جدا جدا وصوته في القران حلو جدا جدا وعند ذهن حاضر علي طول وبيحب يفكر لوحده ولما اجي اذكرله بيقولي يا امي سبيني افكروعندو مواهب كتير بس بصراحه مش عارفه انميهاله تفتكري ممكن اعمله ايه

[ام الخلفاء 0]

جزاكي الله خير اختي عائشه وانا هعمل بنصيحتكم

[{ الــهـــا م } 81]

اختي وحبيبتي الهام انتي فعلا اسم علي مسما انا عاجزه عن الشكر ولقد تاهت منيي كلمات التقدير انتي فعلا ونعم الاخت جزاكي الله خير وربنا يرزقك الزوج الصالح اذا لم تكوني متزوجه وربنا يرزقك الذريه الصالحه النافعه اذا لم تكوني منجبه وربنا يهدهملك ويخليهملك ويصبحو كما تحبين اذا كنتي ام فلكي مني كل الاحترام والحب اختي

 

احبك الذي احببتني فيه غاليتي

الحمد لله متزوجة ولدي ابناء

 

بارك الله فيكِ :biggrin:

 

ولكن في استشاره اخري اختي يخصوص معاذ برضو ممكن هو بيحب الحيوانات جدا جدا وصوته في القران حلو جدا جدا وعند ذهن حاضر علي طول وبيحب يفكر لوحده ولما اجي اذكرله بيقولي يا امي سبيني افكروعندو مواهب كتير بس بصراحه مش عارفه انميهاله تفتكري ممكن اعمله ايه

 

استغلي صوته الجميل ما شاء الله في تعليمه التجويد وحفظ القرآن على يد شيخ في مسجد قريب منكم او مدرسة للتحفيظ

 

وتابعي حركته في البيت من خلال العابه وسوف تكتشفي ميوله وتوجيه اليها ان كان يحب الفك او التركيب او الرسم

 

ووفري له ما يساعده في استغلال مواهبه والمهم مشاركتك له فيها وتشجيعه

 

بارك الله لكِ فيه وفي اخوته :icon15:

[ام الخلفاء 0]

اختي جزاك الله خيرا وربنا يرزقك بر ابناءك

[يسرا عبد الرحمن 718]

ربنا يبارك لكى فى اولادك اختى فى الله ام الخلفاء

وبالنسبه حبيبتى لامر حب الاخوات لبعض فهذا بيكون من الصغر وهنا بتكون الوظيفه الاكبر للام فى هذه الفتره

انا عندى عبد الرحمن 4سنوات ونصف ولينه سنتين ونصف ومنذ ولادة لينه وانا باعمل اللى اقدر عليه علشان اقربهم من بعض وطبعا بالاستعانه بالله مكنى الحمد لله من ذلك فكنت مثلا اشترى لعبه لعبد الرحمن وانا اعرف انه بيحب هذه اللعبه مثل السيارات واقول له لينه اشتريتها ليك يا عبد الرحمن وطبعا كان عمر عبد الرحمن وقتها عامين فمش حيميز انها ازاى اشتريتها وهى صغيره وكان بيصدق كلامى واقوله قبل لينه فى خدها وقول لها جزاكى الله خيرا او شكرا وكان بيفعل

 

والاهم من ذلك انى لم افرق بينهم فى المعامله فالاثنين عندى سواء فلا اميز احد عن الاخر وانتى تعرفى حبيبتى مدى الغيره اللى بيكون فيها الاطفال فى السن ده

والان علمتهم ان كل واحد لما بيزعل الثانى يعتذر ويقول انا اسف

عايزه اقولك انى لما اعاقب احدهم بشىء ويبكى لحرمانه من الشىء ده تجدى ان الاخر يبكى علشان اخته او هى تبكى علشان اخوها

 

حتى فى الالعاب ممكن اشترى لكل واحد لعبه واقولهم اللعبه دى يلعب بيها عبد الرحمن ولينه ودى يلعب بيها عبد الرحمن ولينه يعنى اللعب كلها يلعبوا بيها الاثنين علشان يتعلموا يلعبوا مع بعض ويتعاونوا مع بعض ولا يقول احدهم هذه لعبتى انا فقط

 

اما بالنسبه عن اولادك فلا تعليق على ما قالته اختنا ومشرفتنا الهام فى ردها

 

وبالنسبه لابنك معاذ ما شااااااااااااااااااااااااااااء الله عليه ربنا يحفظه ليكى يا رب ويبارك لكى فيه

ومثلما قالت اختنا الهام نمى موهبه قرائته للقران بان يذهب الى دار قريب من البيت ويتعلم التوجويد

اما المواهب الاخرى لو عايزه تنميها فممكن تجربى تشترى لعبه حلوه قوى اسمها ميكانو وسعرها 11 جنيه تقريبا ودى عباره عن معدات معدن ومسامير معدن ايضا ممكن يصنع منها بعض الاعمال التى يريد اختراعها وان عجبته اشترى له واحده اخرى لان عددها قليل وفى العلبه حيلاقى البوم ليقلد الرسومات اللى فيه وممكن هو يخترع من خياله اشياء اخرى

 

انا كنت حشتريها لابنى عبد الرحمن لان عنده موهبة الاختراع ايضا لكن مش سنه الان لكن سن ابنك ممكن يستخدمها

وربنا يهدى كل اولاد المسلمين ويبارك لنا فيهم ويعنا على تربيتهم لكل مايحبه ويرضى

[ام الخلفاء 0]

جزاكي الله اختي يسرا وربنا يهديلك عبد الرحمن ولينا ويخليهم لك الاطفال دول الغاز وصعب ان احنا نحلها ولكن بنحاول وربنا يهديهم واولاد المسلمين

[~ أم البطلين ~ 26]

جزاكم الله خيرا

 

انا لا اعلم ان كانوا يحبو بعض ام لا .. اشعر ذلك فقط عند استيقاظ احدهما من النوم فيفرح الاخر .

 

لكن بقية اليوم الله المستعان ... معاذ عمره سنتين و3شهور دائما يضرب سلمان ويغلللللللللللس عليه ويوقعه كل شئ كل شئ يفعله معه . سلمان داخل على 7 شهور

 

نفسسسسسسسسسي بجد يبطل ضرب فيه ويتركه فى حاله .. لو بطل انا مش هزعق له ولا اضربه لانه هو مزووودها خاللص مع اخوه بصراحه .. واللى يشوفه هو يعمل كدا يستغرررب من طريقة وكثرة ضربه ليه .. الله المستعان .

لو تنصحونى ازاى اخليه يحب اخوه ويبطل ضربه .. يبقي جوزيتم عنى الخير

[**أم مختار** 10]

والله وفيتي وكفيتي اختنا الهام الحبيه

 

بارك الله فيكي علي ردك المفصل المفيد