###هو انا بعمل فى نفسى كده ليه؟؟؟؟&&&

[ربى لن يضيعنى 0]

 

 

سؤال جه في بالي وانا بفكر في حالي

 

وقلت لنفسي

 

 

 

 

ليه انا مختلف عن غيري

 

ليه بحاول اعمل حاجات عارف اني لما اعملها الناس ممكن تنقدني !!

 

 

هو انا ليه بصلي ؟

 

ليه خمس فروض في اليوم بصليهم ومش مرة واحده لأ ده كل يوم ومش بس كل يوم ده المفروض اكون ناوي اني لحد ما اموت اني مقطعش الصلاة

 

 

 

وليه لما بدي لحد ميعاد براعي فيه وقت الصلاة يعني بقوله نتقابل بعد الصلاة الفلانية او نصلي في المكان الفلاني ونتقابل ؟ مع ان غيري مش بيفكر كده ممكن يكون مش في دماغه الصلاة خالص

 

 

الانسان فطرته انه ينجذب للطرف الاخر , ليه الولاد نفسهم يتعرفوا ويصاحبوا بنات , وليه انا مش عايز بل ان لو واحده عرضت عليا شيء زي ده أنا الي أرفض !

 

 

 

ليه الناس بتسمع اغاني وانا ببعد عنها بل أني مش بحب اسمعها ولو لقيتها شغاله أبعد عنها

 

 

 

ليه الناس ممكن تجري ورا الفلوس الحلال او الحرام وأنا لو جاتني فلوس حرام أرفض وممكن اسيبها في الشارع وامشي !

 

هو في حد دلوقتي بيقول للفلوس لأ !

 

طيب اشمعنا انا بقول لأ للفلوس الحرام ؟

 

 

 

 

 

زي واحد صديق لي حكى انه كان راكب تاكسي وماشي في شارع الهرم والسواق كان مشغل في الكاسيت أغاني

 

فبيقوله لو سمحت اقفل الاغاني

 

فالسواق قاله واقفلها ليه ؟

 

قاله عشان حرام

 

والله السواق قاله : ليه التشدد ده يعني إنت الي صح وكل الكابريهات دي غلط !

 

اهو ده واحد بياخد بالكثرة يعني لو اكثر الناس على غلط هو زيهم !

 

و

 

هو انا بعمل في نفسي كده ليه...؟

 

 

 

ليه انا لو اشتريت أكل من مطعم مثلاً ولقيت ان الحساب غلط وهو ليه عندي فلوس ليه غيري ممكن يضحك بخبث ويمشي وانا ارجعله واديله فلوسه

 

هو انا بعمل في نفسي كده ليه...؟

 

 

هو انا ليه لو راكب مواصلة والسواق ما أخذتش باله اني مدفعتش الاجرة انا بنفسي الي اقوله انت ليك عندي فلوس ؟

 

ليه لما اشوف الغلط اقول ده غلط وانصح غيري انه ميعملوش

 

واقول الحق حتى ولو هيضرني في حين ان غيري بيقولك عيش جبان تموت مستور !

 

 

هو انا بعمل في نفسي كده ليه...؟

 

ليه الشباب في زمانا ممكن دمعة تنزل من عينه عشان بنت أو عشان اغنية أو عشان مشهد في فيلم !

 

وانا عيني تنزل منها الدموع والدموع عشان واحد معرفوش في فلسطين والعراق او أي دولة مسلمة

إيه الي خلاني مختلف كده ؟

 

ليه إختيار الشباب نفسه يقلد فلان وعلان عشان يكون شيك وإستايل وانا بقلد حد تاني خالص

 

بالنسبة ليه

 

نجم في السماء

 

 

 

 

حاجات كتير اوي أكتر من اني اقدر اذكرها في موضوع

 

بلاقي ان الواحد بيختلف فيها عن الواقع ومهما اتغير الواقع لازم اكون ثابت على مبادئي

 

إيه الي خلاني مختلف كده ؟

 

هو انا اتخلقت بطريقة غير باقي الناس

 

هو برمجة عقلي وقلبي مختلفة عن باقي الناس !

 

 

 

بالرغم اني عارف اني هكون محط أنظار النقد وعارف ان ناس كتير هتلومني

 

عارف اني بيتكتب عن واحد زيي في الجرايد والصحف

 

عارف ان بيتعمل برامج التوك شو عشان يدرسوا حالة واحد زيي

 

عارف اني بالرغم اني متمسك بالصح في زمن اللاصح هتوصف بأني متشدد ورجعي

 

 

في حين اني معملتش حاجة غير الصح ومقلتش حاجة غير الحق !

 

عارف ان ناس كتير هتفتكرني مجنون عشان بعمل في نفسي كده وتقولك يابني انت فاهم الدنيا غلط !

 

مش مهم اكون فاهمها غلط المهم اكون فاهم الآخرة صح !

 

 

وإجابة السؤال المتكرر

 

هو أنا بعمل في نفسي كده ليه ؟

 

الإجابة ببساطة

 

 

صحيح أصل انا عايز أدخل الجنة !

 

 

 

والسؤال الي نفسي اطرحه

 

 

 

 

قال صلى الله عليه وسلم

يؤتى بأنعم أهل الدنيا ، من أهل النار ، يوم القيامة . فيصبغ في النار صبغة . ثم يقال : يا ابن آدم ! هل رأيت خيرا قط ؟ هل مر بك نعيم قط ؟ فيقول : لا . والله ! يا رب ! ويؤتى بأشد الناس بؤسا في الدنيا ، من أهل الجنة . فيصبغ صبغة في الجنة . فيقال له : يا ابن آدم ! هل رأيت بؤسا قط ؟ هل مر بك شدة قط ؟ فيقول : لا . والله ! يا رب ! ما مر بي بؤس قط . ولا رأيت شدة قط

 

صحيح مسلم

 

قال رسول الله

 

( الدنيا سجن المؤمن وجنة الكافر )

 

صحيح مسلم

 

 

 

وقال صلى الله عليه وسلم

 

( يأتي على الناس زمان الصابر فيهم على دينه كالقابض على الجمر )

 

صححه الألباني

 

 

 

كتبه : خيال أي إنسان نفسه يلتزم !

 

 

تم تعديل 17 ديسمبر, 2010 بواسطة راماس
حذف رابط لمنتدى اخر

[ساره ابو اسنينه 37]

:icon16: السلام عليكــم ورحمـة الله وبركاتــة ،، :icon16:

 

:icon17: وبالفعل ( الدنيا سجن المؤمن وجنة الكافر ) :wub:

 

:wub: بـــــــــــــــــــــــــــــــــــــــــارك الله فيكي اختي الغاليه :smile:

 

كلمات جميله ورااااائعه حقا ................. :unsure: :icon15: :icon15: :icon15: :icon15: :icon15:

[ربى لن يضيعنى 0]

وعليكم السلام ورحمة الله وبركاته

 

وفيكى بارك الله

[ذليلة إلى اللـَّـه 417]

:icon16: السلام عليكــم ورحمـة الله وبركاتــة ،، :icon16:

 

:icon17: وبالفعل ( الدنيا سجن المؤمن وجنة الكافر ) :wub:

 

بـــــــــــــــــــــــــــــــــــــــــارك الله فيكي اختي الغاليه

 

كلمات جميله ورااااائعه حقا ................. :unsure: :icon15: :icon15: :icon15: :icon15: :icon15:

[** أم الصبر الجميل ** 98]

السلام عليكــم ورحمـة الله وبركاتــة ،،

 

بارك الله فيكِ حبيبتى ربي لن يضيعنى وفى موضوعك الرائع

 

حقا كثيرا من الناس يسئلون أنفسهم هذا السؤال ولكن لا يثبت على الحق إلا من رحم ربي .

 

فاللهم ثبتنا على كل عمل يرضيك عنا ويدخلنا الجنة برحمتك .

 

جزاكِ الله عنا خيرا حبيبتى .

[رحيل القمر 1]

جزاكي الله خيرا

فعلا انا بحبس نفسي عشان اتمتع في الاخره

وميبقاش كل الناس بيسمعوا اغاني في الجنه وانا :icon_eek:

وكلهم في درجات عاليه وانا يعيني اخدت اللي نفسي فيه هنا :neutral:

 

انا همسك نفسي شويه عاشني عايز ارضي ربنا :biggrin:

[أسيرة الشوق للجنة 0]

جزاكي الله خيرا

فعلا انا بحبس نفسي عشان اتمتع في الاخره

وميبقاش كل الناس بيسمعوا اغاني في الجنه وانا :icon_eek:

وكلهم في درجات عاليه وانا يعيني اخدت اللي نفسي فيه هنا :neutral:

 

انا همسك نفسي شويه عاشني عايز ارضي ربنا :biggrin:

[ربى لن يضيعنى 0]

جزاكم الله خيرا

 

شكرا على مروركن

[مشكاة الأنوار 0]

بجد حبيبتى"ربى لن يضيعنى" موضوع أكثر من رائع :smile: :icon15: :icon15: ,فعلا ناس كتير بيقولوا على صاحب هذه الأفكار متشدد وليه بتتشدد على نفسك كده ده الدين يسر ومنعقدش الأمور عشان نعرف نعيش وكلام كتييييييييييييييييير من النوع ده بس فعلا "أنا عااااااااااااااااايزه الجنة" :icon16: فمش هيهمنى كلام حد

[ربى لن يضيعنى 0]

جزاكى الله خيرا

[البتول. 0]

صح ..

احنا بنعمل الاعمال لاننا عبيد الله

لان الله صاحب النعم علينا

فهل اذا قال لنا تعلو قلنا لا؟

نعمل الاعمال الصالحة لأن الله جعل فيها سبب سعادتنا وراحتنا في الدنيا

ونعملها لاننا طلاب الفردوس ومرافقة النبي في الجنة

 

جزاك الله خيرا على الموضوع الراااااااائع

:icon_eek: :blush:

[مذنبة مستغفرة 7]

جميل ما شاء الله

 

جزاك الله خيرا

[ربى لن يضيعنى 0]

جزانا واياكم

[ربى لن يضيعنى 0]

سبحان الله وبحمده

[~ كفى يا نفس ~ 102]

وعليكم السلام ورحمة الله وبركاته

 

نقل طيّب

بارك الله فيكِ أختي في الله وجزاكِ الله خيرًا

[السعاده في طريق الالتزام 1]

بارك الله فيكِ حبيبتى ربي لن يضيعنى وفى موضوعك الرائع