اذهبي الى المحتوى
sagda2

مشكلة نومى

المشاركات التي تم ترشيحها

السلام عليكــم ورحمـة الله وبركاتــة ،،

من فضلكم انا عندى مشكلة فى النوم و الصحيان

نفسي اصحى بدرى وقت الفجر او حتى الساعة 6 او 7

 

مش عارفة كل مااحاول اصحى بدرى بافضل تعبانة و متضايقة و ابقى عايزة انام تانى

 

مش بافوق و اركز غير لما اصحى متأخر 10 او 11

و بكون فايقة اوى بليل يعنى اعمل حاجات كتير فى شغل البيت بليل يعنى من المغرب لحد النوم كده

 

انا بنام فترة كافية و فوق الكافية

بس حتى لو نمت كتير و بدرى

و صحيت بدرى بكون عايزة انام تانى

لو نمت 10بليل و صحيت 6 او 7 بكون كسلانة و عايزة انام تانى

 

لكن لو نمت 3 بليل مثلا و صحيت 10 عادى مفيش مشكلة

 

 

انا عايزة احل المشكلة دى

عشان كمان لما اشتغل ان شاء الله

شارك هذه المشاركه


رابط المشاركه
شارك

 

كيف حال حبيبتى اليوم

 

اشربى نسكافيه

 

او خذى قيلولة بعد صلاة الظهر

 

وطبعا واظبى على النوم مبكرااا

شارك هذه المشاركه


رابط المشاركه
شارك

حبيبتى هذا يحدث لانك مش مستعينة بالله

أستعينى بالله ودائما قومى حتى صلى الفجر ونمى تانى

وبعدين بالنسبة لشغل لما تخرجى غصب عنك هتفوقى وتصحى

بس دلوقتى مضيعيش وقتك وربنا ييسرلك الخير أن شاء الله

شارك هذه المشاركه


رابط المشاركه
شارك

وعليكم السلام ورحمة الله وبركاته

عارفه يا ساجده أنا زيك بنام بالعافيه وبصحى بالعافيه

بعنى فى النوم وبعانى فى الصحيان

كنت الاول مهما أنام متأخره بصحى لصلاة الفجر

بس دلوقتى تقريبا مش بصحى خالص للأسف

بس امبارح صممت وظبطت المنبه واتحيلت على أخويا إنه لما يصلى ويجى يصحينى

وصحيت الحمد لله

ربنا يقدرنى النهارده واصحى

صلاة الفجر لها طعم تانى خالص

حاولى توصى حد يصحيكى وتظبطى منبهك

ونامى تانى بعد الفجر واصحى براحتك

ولما يجى الشغل ان شاء الله ساعتها هتقوم يا جميل زى الساعه ان شاء الله

شارك هذه المشاركه


رابط المشاركه
شارك

هو انا مشكلتي زيك بالظبط تقريبا

 

بصي انا بقيت اغصب نفسي اني اصحى الصبح مثلا الساعه 9 وبعدين اعمل اي حاجه تلهيني عن النوم لاني برضه بكون عيزه انام في وقت الصبح حتى لو نيمه كويس بليل

 

وبجي على بعد العشا بكون جبت اخري وانام واصحي الفجر واعد برضه لتاني يوم بعد العشا والمواعيد هتتظبط لوحدها

بس اهم حاجه ان فتره النهار تعودي نفسك انك تكوني صحيه ولو حسيتي انك عيزه تنامي اعملي اي حاجه تفوقك يعني قومي روقي البيت اعملي رياضه حتى اتكلمي في التلفون لان في الغالب الاحساس بالنوم ده بيروح لما بتعملي اي عمل يشغل دماغك بحاجه تانيه غير النوم

 

وعلى فكره متحطيش في دماغك انك مبتعرفيش تنامي غير الصبح لان الجسم فيه ساعه بيولوجيه بتتظبط على اساس انتي عيزه ايه

وممكن طبعا تظبطي مواعيد نومك ان شاء الله لو انتي عيزه بالاستعانه بالله

 

وطبعا صلاه الفجر مهمه جداااااا وهي اللي هتظبطلك مواعيدك فعلا

 

وعليكي بالدعاء كمان

 

وربنا يوفقك يارب

 

واعتذر عن الاطاله

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

حياكِ الله سجدة :)

 

تفضلي إن شاء الله يفيدكِ هذا

 

غفوة الفجر...., شاركونا ضروري,,,,

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

أخواتى الكريمات

محبة لربها، ادعوا لي بالثبات

محبة الفجر

بنوته مسلمه مصريه

دعاء بنت مصر

(حفيدة الصحابة)

 

 

بارك الله فيكم و جزاكم كل خير

اشكركم شكرا جزيلا

كل رد فيه فائدة و معلومة قيمة و جميلة

و ان شاء الله هاعمل زى ماقولتولى

بس انتوا ادعولى

اه انا الحمد لله اشتريت منبه و هاظبطه جنبى عشان اصحى بدرى ان شاء الله

لأنى قريت فى المنتدى العسل ده بردو عن مخاطر الموبايل الوحش ده

مش هنيمه جنبى تانى خلاص و هاطرده برا الأوضة

 

شكرا شكرا شكرا لكل اخواتى الحبيبات

تم تعديل بواسطة sagda2

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

اخواتى الحبيبات انا فرحانة اوى

النهاردة عرفت اصحى الساعة 5:30 و الحمد لله صليت الفجر

و كنت عايزة انام بعدها بس قلت اصبر كان فى دماغى انام وقت القيلولة عشان كمان اخد ثواب

بس عايزة اعرف هيا بتكون قبل الظهر و لا بعده؟

انا بصراحة اللى انا عملته انى مقدرتش و نمت من 6 لحد 8:30

 

و ربنا يقدرنى انى اصحى كل يوم الفجر و اصلى و اقدر انى اكون صاحية و فايقة

شارك هذه المشاركه


رابط المشاركه
شارك

والله الحمد لله

انا كمان بقالي كام يوم ضايع مني لكن اليوم ولله الحمد قاومت وسهرت حتي أذن)

الحمد لله

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

أخواتي انا قمت بنحميل رنة لأذان الفجر

بس افتكرت انا المويايل مش مفروض اضعه فى الحجرة التى انام بها

 

هل فعلا هو مضر للدرجة دى

 

انا اوقات كتير احس بصداع هل بسببه

 

 

انتوا بتصحوا ازاى

يعنى مش بتستخدموا الموبايل؟

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

حبوبتى سجوده

 

مقصرة معك للغاية سامحينى حبيبتى

 

بصي المنبه رائع جداا

 

وانتقيه من المزعجين هههه

 

وبلاش المحمول فى الغرفة

 

ضعيه اما م شباك او فى طرقة هاوية

 

القيلولة حبيبتى بعد صلاة الظهر الى قبل العصر

 

ويستحسن تكون ساعة

 

ولا تزيد عن ساعة ونصف

 

هكذا السُنّة

 

سلامتك حبيبتى من الصداع الوحش

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

الله يسلمك حبيبني

كيف حالك؟

جزاك الله كل خير

يعني المفروض منستعملش الموبايل كمنبه خالص

اشكرك حبيبتي

و طمنيني عليكي

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

يا جماعة معلش أنا تعباكم معايا

بس بجد الموضوع ده تاعبني

أنا عايزة أعرف لو بتصلي قيام ليل ازاى بتقدري تصحي وقت الفجر عشان تصلي الفجر

و كمان يبقى كده بتنامي امتى و كام ساعة

 

عايزة واحدة تكون ماشية على نظام معين في النوم و عاجبها و موفرلها وقت نوم كافي و وقت لشغل البيت و لو في شغل خارج البيت او دراسة او اى مجال أو قراءة أو نت

 

و كل ده مع التزام بقيام الليل و صلاة الفجر و كل الصلوات في اوقاتها و قراءة القرآن و الأذكار

 

ياريت تساعدوني

لأني حتى لما بصحى بدري مش عارفة ايه اللي بيحصلساعات ببدا اليوم صح بس مش بكمله و مش بستفيد و بحس غني معملتش حاجة و وقتي كله ضاع في شل البيت

و طبعا ببقى حاسة إني منمتش كويس و عايزة أنام تاني

 

 

 

أنا امبارح نمت بدري على 10:30

و صحيت 2:30

على أساس أصلي ركعتين قيام

بس اللي حصل بردو إن كان في حاجات في المطبخ عملتها و الفجر أذن 3 و صليت السنة و الفرض و قعدت أقرأ الأذكار و القرآن لحد 4:30

بعدها مقدرتش و روحت نمت

 

مش باقدر أبدا أواصل من الفجر للظهر 9 ساعات

ده عايز حد يكون خلاص نام كويس فترته الكافية 6 على الأقل

 

سؤال بالنسبة للقيلولة

مش دي بتكون بس للي يكون صاحي من الفجر لحد الظهر متواصل و منمش خلال الفترة دي و بكده هيكون نفذ السنة فعلا ؟

يعني مينفعش حد يكون نام مثلا ساعتين بعد الفجر أنه ينام القيلولة؟

شارك هذه المشاركه


رابط المشاركه
شارك

نا مش عارفة ايه المشكلة انى مبتصليش الفجر حاضر ؟ ولا عايزة تصلى قيام ليل ؟ ولا تستطيعى

شارك هذه المشاركه


رابط المشاركه
شارك
نا مش عارفة ايه المشكلة انى مبتصليش الفجر حاضر ؟ ولا عايزة تصلى قيام ليل ؟ ولا تستطيعى

 

 

أنا نفسي فعلا أحافظ على صلاة الفجر حاضر و كل يوم

بس أنا طماعة و عايزة كمان قيام الليل حتى لو ركعتين نفسي بجد بس مش بأقدر

مش عارفة اجمع بينهم ازاى

بمعنى إني لو هاصلي قيام الليل بعدها بنام و بيروح علي الفجر

و لو عايزة أصلي الفجر يبقى مش بصلي قيام ليل

ممكن نصيحة في الجزئية دي

حاسة إني نومي ملغبط و مش بأقدر أحقق أى حاجة و اليوم كله بيعدي و مع كده مش بيعدي في راحة لا بيعدي بتعب و إرهاق و مجهود في شغل البيت

شارك هذه المشاركه


رابط المشاركه
شارك

استعينى بالله واكثرى الدعاء

 

 

اتركى الذنوب التى تكون سببا فى عدم صلاتك للفجر وقيامك الليل

 

 

اضبطى هاتفك او ساعتك على وقت قبيل الفجر بساعة الا ربع مثلا واتركيه بعيدا وليس بجانبك حتى لا تغليقه وتكملين النوم

 

 

وقبل ان تقومى من الفراش اذكر ك بحديثه صلى الله عليه وسلم

 

 

عن عبادة بن الصامت رضي الله عنه قال: قال رسول الله صلى الله عليه وسلم: « من تعار من الليل فقال: لا إله إلا الله وحده لاشريك له له الملك وله الحمد وهو على كل شيء قدير، الحمد لله وسبحان الله ولا إله إلا الله والله أكبر ولا حول ولا قوة إلا بالله ثم قال: اللهم اغفر لي أو دعا استجيب له فإن توضأ قبلت صلاته» رواه البخاري.

 

ان شاء الله تصلى ما قدره الله لكى من الركعات مثنى مثنى واذا اقترب موعد الاذان اوترى بركعة و اكثرى من الدعاء والاستغفار

 

فى وقت السحر

 

 

ولا تنسينى من صالح دعائك بحسن العاقبة

تم تعديل بواسطة omjana

شارك هذه المشاركه


رابط المشاركه
شارك

جزاك الله خيرا

طيب ده بالنسبة لصلاة الفجر و قيام الليل قبلها

 

معلش ممكن من الأفضل أنام قبل ده بكام ساعة

 

و بعد الصلاة أنام أم أستمر صاحية لحد الظهر ( 9 سااااااااااعاااااااات)

شارك هذه المشاركه


رابط المشاركه
شارك

يا سجدة .... ليش انت متشائمة من الاول ؟؟؟

ساقول لك كيف تعمليـــــــــــــن :

انهضي قبل الفجر بنصف ساعة صلي قيام اللـــيــل ما استطعت و بعدها بيدن الفجر صليه او بعدين نامي..

شارك هذه المشاركه


رابط المشاركه
شارك

بالنسبة لموضوع النوم ده انتى اقدر على تحديده كمه ومواعيده

 

بس على فكرة انا كنت بنام زيك فترات طويلة وللضهر وبعد الضهر بكتير كمان حتى لو نمت من عشرة باليل مثلا وكنت غالبا بنام قبل الفجر بساعتين او ثلاث وموضوع الاستيقاظ للظهيرة ده متهيالى صعب جدا الان لكن انا اذكر اذكار الصباح واذكار الصلاة التى يقسمها الله لى ثم انام اسال الله ان يرزقنى واياكى وجميع الاخوات علو الهمة لانى احيان كثيرة بحس ان همتى دون الارض والله المستعان

 

 

لا تنسونى من صالح دعائكن

تم تعديل بواسطة omjana

شارك هذه المشاركه


رابط المشاركه
شارك
بالنسبة لموضوع النوم ده انتى اقدر على تحديده كمه ومواعيده

 

بس على فكرة انا كنت بنام زيك فترات طويلة وللضهر وبعد الضهر بكتير كمان حتى لو نمت من عشرة باليل مثلا وكنت غالبا بنام قبل الفجر بساعتين او ثلاث وموضوع الاستيقاظ للظهيرة ده متهيالى صعب جدا الان لكن انا اذكر اذكار الصباح واذكار الصلاة التى يقسمها الله لى ثم انام اسال الله ان يرزقنى واياكى وجميع الاخوات علو الهمة لانى احيان كثيرة بحس ان همتى دون الارض والله المستعان

 

 

لا تنسونى من صالح دعائكن

 

 

آمين يارب

ربنا يباركلنا في وقتنا

 

طيب حد من الأخوات يقول لنا هل ممكن أنام بعد صلاة الفجر بدلا من النوم وقت القيلولة او معها أيضا

يعني انام مثلا ساعتين بعد الفجر و ساعة بعد الظهر

 

عايزة اعرف المعلومة بتاعة "يجب النوم فترة كافية من 6:8 ساعات" بتطبقوها ازاى

لأني كده حاسة إني أنام ساعتين و أقوم للفجر ثم ساعتين أو أكثر و أقوم ثم ساعة مثلا بعد الظهر

يعني نوم متقطع جدا عشان أعرف أصلي الفجر

تم تعديل بواسطة sagda2

شارك هذه المشاركه


رابط المشاركه
شارك

يا سجدة .... ليش انت متشائمة من الاول ؟؟؟

ساقول لك كيف تعمليـــــــــــــن :

انهضي قبل الفجر بنصف ساعة صلي قيام اللـــيــل ما استطعت و بعدها بيدن الفجر صليه او بعدين نامي..

 

إيمان الجميلة

مكنتش شوفت ردك

ماهوه أنا كنت بسأل عن النوم بعد الفجر ده

 

طيب هانفذ اللي قولتولي عليه بإذن الله

جزاكم الله خيرا

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×