سجدة لله 1 أرسلي تقرير عن المشاركة قامت بالمشاركة 15 مارس, 2011 السلام عليكــم ورحمـة الله وبركاتــة ،، جزاك الله خيرا سجودة ان شاء الله اتابع معاكي وعليكم السلام ورحمه الله وبركاته وانتى من اهلى الجزاء اختى يسعدنى متابعتك شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 15 مارس, 2011 وعليكم السلام ورحمة الله وبركاته جزاكِ الله خيرا سجدة لله جعله الله فى ميزان حسناتك قرأت شويه وهاكمل إن شاء الله شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 17 مارس, 2011 وعليكم السلام ورحمة الله وبركاتهجزاكِ الله خيرا سجدة لله جعله الله فى ميزان حسناتك قرأت شويه وهاكمل إن شاء الله وانتى من اهل الجزاء اختى سار امين شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 17 مارس, 2011 (معدل) السلام عليكم ورحمه الله وبركاته (تابع كتاب للبنات وبس ) طيب حكم الله ورسوله فيكى ايه ؟؟ بلبسك اللى انتى مستهترة بيه ومتهاونه فيه ومش حاطه أهميه ليه ؛ النبى (صلى الله عليه وسلم) قال انك : 1- من أهل النار ولن تقربى الجنه ولا تجدى ريحها ..! قال الرسول (صلى الله عليه وسلم) << صنفان من أهل النار لم أرهما ، قوم معهم سياط كأذناب البقر يضربون بها الناس ، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنه ولا يجدن ريحها ، وإن ريحها ليوجد فى مسيرة كذا وكذا >> عارفه كاسيات عاريات يعنى ايه ؟؟ كاسيات عاريات : يعنى لابسه وساتره نفسها ومفيش أى حاجه من جسمها ظاهرة .. بس لبسها ضيق مبين جسمها كله ، فكانها مش لابسه !! زى اللى بنشوفه دلوقتى بالظبط من لبس البنات ( جيبات وبديهات وفيستات وبناطيل جينز واسكنى واسترتشات ) 2- ملعونه مطروده من رحمه الله ...! قال (صلى الله عليه وسلم) << سيكون فى آخر أمتى رجال يركبون على سروج كأشباه الرحال ، ينزلون على أبواب المساجد ، نساؤهم كاسيات عاريات ، على رؤوسهن كأسنمة البخت العجاف ، العنوهن فانهن ملعونات >> وقال (صلى الله عليه وسلم) أيضا : <<لعن الله النامصة والمتنمصة >> ترضى بكده ؟؟ انتى عارفه اللعنه ايه ؟؟؟ اللعنه يعنى الطرد من رحمه الله !!! ده اى حد فينا يتمنى اقل جزء من رحمه ربنا ، هو احنا اصلا هندخل الجنه غير برحمه ربنا ؟؟ اديكى بلبسك ده بقيتى ملعونه وطرتى نفسك من رحمه ربنا ..!! ليه كده ؟؟ وايه اللى يستاهل ؟؟؟ 3- زانيه ولا يقبل منها صلاة ..! قال رسول الله (صلى الله عليه وسلم) << أيما امرأة استعطرت فمرت بقوم ليجدوا ريحها فهى زانيه >> << مامن امره تخرج الى المسجد تعصف ريحها فيقبل الله منها صلاة حتى ترجع الى بيتها فتغتسل >> >> زانيه !! وكمان الصلاة مش مقبوله !! ليه كده ؟؟ ليه راضيتى تبقى زانية ؟ علشان شويه برفان وروايح ! فين بنت عاقله فى الدنيا ترضى بكده ؟! >> معتقدش ان حد عنده ذرة عقل يرضى بكده ! 4- منافقه ومن شر هذه الامه ...! قال رسول الله (صلى الله عليه وسلم) : << خير نسائكم الولود الودود المواسيه المواتيه اذا تقين الله .. وشر نسائكم المتبرجات المتخيلات ، وهن المنافقات ، ولا يدخل الجنه منهن إلا مثل الغراب الأعصم >> وكمان منافقه ! ومن شر الناس فى أمة محمد النبى (صلى الله عليه وسلم) 5- من صاحبه الكبائر التى تعادل القتل ..! << جاءت أميمه بنت رقيه الى الرسول( صلى الله عليه وسلم) تبايعه على الاسلام ، فقال : أبايعك على ألا تشركي بالله شيئا ولا تسرقي ، ولا تزنى ، ولا تقتلى ولدك ،......، ولا تنوحى ، ولا تبرجي تبرج الجاهليه الاولى >> >> النبى (صلى الله عليه وسلم) حط التبرج مع بقيه الكبائر، واشترط علشان يبايعها انها ولا تتبرج ، يعنى لو النبى (صلى الله عليه وسلم) شافك دلوقتى مش هيرضى يبايعك على الاسلام !! ترضى بكده ؟؟!! 6- جند من جنود الشيطان فى الارض ..! قال (صلى الله عليه وسلم) << المرأة عورة فاذا خرجت استشرفها الشيطان >> يعنى الشيطان بيفرح اول ما تخرجى بالمنظر ده ! بتوفرى عليه كتيييييييييييير فى اضلال الشباب ..!! مستنيه ايه ؟؟ عمرك شفتى ذنب الرسول (صلى الله عليه سلم) بيعظم خطورته قد كده ؟؟؟؟؟؟ >> ايه اللى انت بتقوله ده ؟؟! انت أكيد بتهرج !! أنا عمرى ما سمعت الكلام ده قبل كده !! للدرجه دى ؟! للدرجه دى أنا ممكن ريحه الجنه حتى مشمهاش !! >> ايوه يا أختى ... التبرج جريمه وذنب خطير جدا .. مستنيه ايه بقى ؟؟ مستنيه عقوبه ربنا فى الدنيا ؟ ولا مستنيه سوء الخاتمه ؟ ولا مستنيه عذاب القبر ؟ ولا مستنيه اهوال القيامه ؟؟ ولا مستنيه عقوبه ربنا فى النار ؟؟ مستنيه ايه ؟؟؟ ده انتى هتحجبى غصب عنك حجاب شرعى كامل وانتى داخله قبرك 5 او 6 لفات كفن ملفوف فيهم ! ممكن تحجبيه فى الدنيا غصب عنك لو لا قدر الله جالك حرق ولا حاجه ؛ هتبقى عايزه اى حاجه تدارى بيها الحرق ده ..!!! السبيه حبا قبل ما تلبسيه غصبا !! جسمك اللى كنتى بتغرى بيه الشباب هيبقى فى القبر وجبه غذائيه متكاملة العناصر للدود ..! ويوم القيامه هيبقى موقفك ايه ..؟؟ الرسول بيقوك << العنوهن فانهن ملعونات >> يعنى هتطردى من رحمه الله ! ازاى ؟؟؟ يعنى فى عز الحر هتطردى من ظل عرش الرحمن .. هتطردى من انك تشربى من ايد النبى (صلى الله عليه وسلم)!! وهتقابلى ربنا ازاى ؟؟ وهتقفى بين ايديه ازاى ؟؟ وهتقوليله ايه ؟؟؟ ومصيرك هيبقى ايه ساعتها ؟؟ .... الى النار !!!!! انتى عارفه يعنى ايه النار ؟؟؟؟؟؟؟؟؟؟؟؟ >> يا اختى الواحد لما بيشوف فرن مولع بيقول الواحد لو دخل هنا هيحصله ايه ؟؟ النــــــــــار انتى مش عارفه ان شراب اهل النار نار ؟؟ انتى مش عارفه ان طعام اهل النار نار ؟؟ انتى مش عارفه ان ثياب اهل النار نار ؟؟ يا أختى كابرى فى اى حاجه الا مصيرك ؟؟ بايدك تحددى مصيرك .. متتردديش فى القرار الرسول (صلى الله عليه وسلم) بيقول صنفان من اهل النار .. يعنى ايه اهل النار ؟ لما واحد يعيش فى بيت كذا سنه بنقول ده من اهل البيت ، يعنى انتى هتبقى من اهل النار !! يعنى هتقعدى فى جهنم سنين مش يوم ولا يومين !! ايه اللى يستاهل انك تودى نفسك جهنك ؟؟! ايه اللى يستاهل يا اختى ..؟؟؟!! *انتى متخيله جمالك فى الجنه هيبقى شكله ايه لو اطعتى الله ولبستى حجاب صح ؟؟ زى ما قولتلك هتبقى اجمل من الحور العين باذن الله · والله يا جماعة المنتقبه او المختمره بتبقى ملكة ماشيه فى الشارع ، ليه تحرمى نفسك من لذة الايمان ؟ الحقى اركبى قطر التوبه قبل ما يطلع .. قال تعالى ( ولا تبرجن تبرج الجاهليه الاولى ) انتى عارفه تبرج الجاهليه الاولى يعنى ايه ..؟ كان النساء بيلبسو الطرحه فتبان حته من مقدمة راسها ورقبتها وبس .. ده ربنا قال عليه انه تبرج !! >> يعنى عمرنا ما سمعنا ان امره ابو جهل لبست (بدى ) ولا امرة ابو لهب لبست ( استرتش ) .. ولا كانوا يرضوا يلبسوه ..!! >> يا اختى ربنا اداكى الجمال .. ده نعمه منه .. وممكن ياخدها منك فى اى وقت .. خافى يا اختى ! خافى ان ربنا يسحب منك نعمه !! ♥ وعلى العكس تماما : او تكلمنا عن الحجاب الكامل .. الحجاب الصح .. عداد الحسنات مفتـــــــوح المليارات اللى احنا عديناها وانتى متبرجه هتخديها حسنات ... يا بختك من قربك من الله .. يا بختك !! (فَأَيُّ الْفَرِيقَيْنِ أَحَقُّ بِالأَمْنِ إِن كُنتُمْ تَعْلَمُونَ ) الموضوع مش محتاج تفكير .. خدى القرار حالا.. ده مصيرك .. يا جنه يا نار ؟!! ♥ طيب ده بابا وماما مش موفقين ..؟؟! يا اختى دى شطارتك بقى .. زى لمما بتبقى عايزه فلوس او حاجه معينه وبتعملى كل الطرق علشان يجيبوهالك ... تقدرى تقنعيهم باذن الله بالحجاب الشرعى السليم ♥ هيقولولى انتى كده ضيعتى شبابك ... انتى كده بتدفنى نفسك ...!!! خدى بالك .. لو صخره متينه وعمالين نحدفها بالطوب مش هيأثر فيها .. اوعى تسمعى لاى كلمه من اى حد ! انتى اللى على الحق .. ولازم تثبتى .. ♥ طيب ده زمايلى واصحابى كلهم هيسبونى ..؟؟! زمايلك واصحابك ولا ربنا ؟!!.. مفيش وجه اختيار اصلا يا اختى !! اختارى ربك وعمره ما هيضيعك ♥ طيب ده انا كده هعنس ومش هتجوز ..؟؟! مين قال كده ؟! ده المنتقبات والمختمرات اكتر ناس بيتجوزوا دلوقتى ... اغلب الشباب بيبص للبنت المتبرجه على انها تنفع للفرجه والمصاحبة وبس .. انما عند الجواز بيختار المحجبه حجاب صح.. ♥ طيب ده الناس هتتريق عليا وعلى لبسى ..؟؟! لازم تستحملى .. وتعرفى ان هيجى اليوم اللى هتتريقى انتى عليهم وانتى فى الجنة ... ♥ واى شبهة الشيطان هيجيبهالك علشان تتاخرى فى التوبه لازم تشيليها من نفسك تماما .. مفيش وقت للتسويف .. اوعى تستنى ..! >> نيجى لا هم نقطة فى الموضوع .. وهى : صفات الحجاب الشرعى السليم نكمل فى وقت اخر تم تعديل 17 مارس, 2011 بواسطة ** الفقيرة الى الله ** شارك هذه المشاركه رابط المشاركه شارك
**الفقيرة إلى الله** 991 أرسلي تقرير عن المشاركة قامت بالمشاركة 17 مارس, 2011 السلام عليكم ورحمة الله وبركاته بارك الله فيكِ سجدة الحبيبة نتابع معكِ بإذن الله. شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 18 مارس, 2011 السلام عليكم ورحمة الله وبركاته بارك الله فيكِ سجدة الحبيبة نتابع معكِ بإذن الله. وعليكم السلام ورحمه الله وبركاته جزاكى الله خيرا اختى الحبيبه يسعدنى متابعتك شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 18 مارس, 2011 السلام عليكــم ورحمـة الله وبركاتــة ،، اللهم اهدى جميع بنات المسلمين (تابع كتاب للبنات وبس ) صفات الحجاب الشرعى السليم لبس المراة يبقسم الى الحجاب والجلباب : ♥ الحجاب : بمفهومنا هو الحاجه اللى بتغطى الراس ♥ الجلباب : يعنى اللبس اللى بيبقى تحت الحجاب او اللى هو العباية بمفهومنا .. يعنى مينفعش بقى ابقى لابسه حجاب صح وجلباب مخالف والعكس .. ولازم نظبط الاتنين .. ♥ اولا : الحجاب : حجاب فضفاض .. سواء ايشارب كبير او طرحه كبيرة او خمار .. اهم شئ يكون : √ الحجم : مغطر نصف جسمك اللى فوق كله .. كله ! √ الشكل : مش مثقوب ولا شفاف ولا مطرز .. √ اللون : الوان مش ملفته ، مينفعش يبقى 50 لون فى بعض ولا الوان الطيف مع بعض ولا الكلام ده كله ! ♥ثانيا : العبايه : عارفه اسدال الصلاه اللى بتلبسيه زيه كده بالظبط ؛ اصلك واقفه بين ايدين ربنا فى الصلاة .. وفى نفس الوقت انتى برده بين ايديه فى الشارع وفى كل مكان .. يعنى ممكن عبايه او اسدال .. >> بس أهم شرط لأى حاجه تلبسيها : √ انها متعرفش اللى يشوفك حجم جسمك .. يعنى متعرفش حد انك تخينه ولا رفيعة يعنى مفيش حاجة نهائيا اسمها وسط العباية او اى لبس هتلبسيه ...!!! ومينفعش بنطلون اطلاقا حتى لو كان اوسع بنطلون فى الدنيا √ وتكون طويلة بحيث انك لو قعدتى او ركبتى مواصلات مفيش حاجة من جسمك تنكشف .. √ وقماشتها طبعا سمكية مش شفافة √ والالوان ..؟؟ البسى اى لون يعجبك ، بس اياكى من الالوان المتدخلة فى بعضها والفاقعة والملفتة اللى تخطف عين اللى يبصلك .. مفسدات الحجاب مفسدات الحجاب اللى يجيبو الحجاب بتاعك الارض : (×) البرفان والروايح بأنواعها (×) المكياج بكل أنواعه (×) الكعب العالى اياكى والــ 3 حاجات دول !! اياكى !! درجات الحجاب (1) حجاب المراة الصالحة : عبايه بنفس المواصفات السابقه وحجاب سواء ايشارب او خمار بنفس مواصفات الحجاب اللى ذكرناها .. (2) حجاب المراة المصلحة : النقــــــــاب بنفس المواصفات السابقة .. النقاب الحقيقى .... اللى فيه تقوى لله عز وجل .. الفقهاء اختلفوا قالوا النقاب فرض ولا مش فرض .. والراجح انه فرض .. وحتى اللى قال انه مش فرض ، قال بشرط الامن من الفتن وانتى فى زمن الفتن واختارى ..؟؟ (3) حجاب المراة السابقة : حجاب الجسم كما ذكرنا بالاضافه الى الاحتجاب عن الرجال والبعد عن الاختلاط قدر الامكان " ♥ بنت طيبة هتقول : طيب انا دلوقتى كنت بلبس بناطيل وبديهات ومكنتش اعرف الكلام ده كله .. هل لو تبت ورجعت لربنا وغيرت لبسى ، ممكن ربنا يقبلنى ويغفرلى ؟؟؟ طبعا يا اختى .. بل سيئاتك كلها هتتبدل لحسنات باذن الله .. ربنا بيقول : ( الا من تاب وامن وعمل عملا صالحا فاولئك يبدل الله سيئاتهم حسنات وكان الله غفورا رحيما ) الفرقان :70 )، بس انتى خدى القرار .. مفيش وقت يا اختى .. بلاش تسويف .. محدش عارف هيموت امتى ...؟! وموت الفجأة شايفين قد ايه انتشر فى الزمن ده ...!!! لو قابلتى ربنا وانتى بالبس ده هتقوليله ايه ؟؟؟؟ >هتقوليله كنت مستنيه لما اتخطب وبعدين ابقى اغير لبسى ؟؟ >ولا هتقوليله الناس كانت هتقول عليا مش شيك لو كنت التزمت بالزى الشرعى ؟؟ > ولا هتقوليله اصلى مكنتش مقتنعة .. ما هو كله لبس وخلاص !! ♥ مش عايزين نندم !! فى يوم مش هينفع فيه الندم !! مش عايزين خطوات يا مؤمنة يا غالية ياللى الاسلام عايز يحفظك ويصونك ويخليكى درة ميوصلهاش الا اللى يستحقها .. يعنى مش عايزين حد يقول هلبس الاول بنطلون واسع .. وبعدين جيبه وبعدين ممكن ابقى البس اسدال.. عايزين حجاب شرعى كامل مرة واحدة !! >> بس فيه ناس بتقول : انا لو غيرت لبسى مرة واحدة هيبقى صعب ومش هقدر ! لو تضمنى انك تعيشى يوم واحد كمان .. هقولك خدى خطوات برحتك ..! انما محدش فينا ضامن عمره ؟؟؟ لو جالك ملك الموت هتقوليه ايه ؟؟ استنى شوية على ما اتوب واغير لبسى ؟؟! كفاية ان ربنا اداكى الفرصة لحد دلوقتى علشان تصححى حجابك ..! عايزين نفوق بقى ونعمل حساب اخرتنا ووقوفنا للحساب امام الله سبحانه وتعالى ..! عايزين تبقى : ♥ الخطوة الاولى ... خمار مع جونتى .. ♥ الخطوة التانية ... نقاب .. ♥ الخطوة التالتة ... عريس صالح .. ♥ الخطوة الرابعه ... الجنة باذن الله .. >خليكى حاسمة .. خدى القرار فورا : مش عايزين استعباد لشواتنا اكتر من كده .. > وخلى الكلمتين دول على طول فى بالك .. ومن فقد الله فماذا وجد ....؟؟ من وجد الله فماذا فقد ؟؟ يلا يا اختى نصحح حجابنا ونصلى فروضنا ونرجع لقراننا ونبدا حياة جديدة .. حياة هدفنا الوحيد فيها هو رضا ربنا اللى خلقنا وانعم علينا بنعم ملهاش عدد ولا حصر حياة كلها راحة وطمانينه وسعادة ... شعارنا فيها .. احلى حياة فى طاعة الله الحمد لله الى هنا قد انتهينا من جزيه الحجاب اما الجزيه القادمه عن ( معانى الاثوثه ) شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 20 مارس, 2011 السلام عليكم ورحمه الله وبركاته ( تابع كتاب للبنات وبس ) معانى الانوثة الأنوثة نعمه غاليــــــــــة لابنا اللى اداها ليكى وبايديكى تحفظيها .. أو تضيع من بين ايديكى احمدى ربك تملـــى .... واشكر نعمه عليكى اوعى تفتخرى بجمالك ، كله زايل من عنيكى الأنوثــــة مش مجرد .. حبة أحمـــر ع الشفايف الأنوثة مش فى انك ... تهوسى عقل اللى شايف ابعدى عن كل شبهة ، دول بناتنا كتير عفايف الأنوثة مش بانـــك .... تهوسى عقل الشبــــاب الأنوثـــة هى انـــك .... تحمى نفسك م العذاب الأنوثة شئ وكامن .... جوه منك وانتى بــــاب اوعى تتميعى بكلامك أو تقولى دول صحــــاب تبقى تستهلى اللى يحصل ةالؤال ملهوش جواب ! اقرى فى القران وسيبك م الاغانى مع الصحـــاب اعرفى سنة رسولك ... والبسى فرضك حجاب اوعى تلفتى لكلامهم ، مش ده أرحم ه العذاب ؟؟ لو تقيسى الدنيا ديه ، ايه هتاخدى غير تراب ؟؟ الزهور بتكون جميلة طول ما لسه الشوك حاميها بس لو يوم شوكها سابها ، الـــف ايد تتمد ليها ! خلى نورك جوه قلبك .. ولايمان هيكون ماليها خلى مكياجك ايمانــــك ، مش بأحمر ع الخدود طهرى دايما قلبـــــــك ، بكرة نصبح أكل دود مش تعدى أى كلمــــة .. قفلـــــى كل السدود عطرى روحك بذكرك ، وارضى وامشى راضية لو فى مرة حد عاكسك مش تردى بكلمة فاضية اوعى تدى فرصة ليهم ، وادى ليهم ضربة قاضية هو أحسن ترضى ربك ولا ترضى الناس بحالها ؟ هو ايه للبنت يشفع ؟ شكلها ولا عملــــــــها ؟ دا الجمال فى الجسم زايل ، انتى شفتيه دام لمين ؟؟ والجمال فى الروح بيفضل مهما بتعدى السنين كونى بنت بألف راجل .. اخرسى فى الطماعين سيرة البنت العفيفة هى أحســـن شئ يـــــــــدوم حيرها مكتــــوب بدينها ؛ مش بمكياج او هدوم اوعى صوتك يعلى مرة ؛ ده الرسول علم علوم انتى بايديكى تكونى زى نــــور وسط الغيوم انسى مكياجك وسيبى .. نور ايمانك يملى وشك بدلى مرايتك بقبـــــك .. مستحيل قلبك يغشك كل شئ فى الدنيا لــــما .. بيـــــــداروه بيزيد جمال والعفاف للبنت يغلب أى شــــــكل وأى مــــال انتى أجمل ألــــف مـــرة .. لو جمالك جوه قلبــــك مش مهم الخلــــق ترضى .. المهم هتلاضى ربـــــك هو ايه فى الكون دا يغلب ، لو اله الكون دا حبك ؟ هو ايه فى الكون دا يغلب ، لو اله الكون دا حبك ؟ الى هنا ننتهى من هذه الجزئيه ان شاء الله الجزئيه القادمه عن ( قسمة .. ونصيب ) شارك هذه المشاركه رابط المشاركه شارك
هبه المسلمه 1 أرسلي تقرير عن المشاركة قامت بالمشاركة 22 مارس, 2011 جمييييييييل اوووووووووووووى بجد والكلام اسلوبه بسييط شارك هذه المشاركه رابط المشاركه شارك
فجــــــــــر 8 أرسلي تقرير عن المشاركة قامت بالمشاركة 14 أبريل, 2011 السلام عليكم ورحمة الله وبركاته،، جزاكِ الله خيرا سجدة لله جعله الله فى ميزان حسناتك شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 18 أبريل, 2011 السلام عليكم ورحمة الله وبركاته،،جزاكِ الله خيرا سجدة لله جعله الله فى ميزان حسناتك وعليكم السلام ورحمه الله وبركاته وانتى من اهل الجزاء اختى امين شارك هذه المشاركه رابط المشاركه شارك
سجدة لله 1 أرسلي تقرير عن المشاركة قامت بالمشاركة 18 أبريل, 2011 السلام عليكم ورحمه الله بركاته (تابع كتاب للبنات وبس ) قسمة .. ونصيب لولولولولولولولولولولولولولى ( أم محمد ) : عقبال عندك يا أم فاروق ، ابتسام بنتى جالها عريس انما ايه .. والخطوبة الخميس اللى بعد الجاى ان شاء الله .. ام فاروق : ألف ألف مبروك يا أمحمد .. ربنا بتمملها بخير يارب .. ( ام محمد ) : الله يباركلك .. وعقبال بناتك كده ان شاء الله >> دخلت الست أم فاروق بيتها وهى هتنفجر م الغيظ وعمالة تكلم فى نفسها ، يعنى انتى يا أم محمد بتغيظنى يعنى علشان جوزتى بناتك وأنا بناتى لسه قاعدين ! ( الست أم فاروق عندها خمس بنات ما شاء الله ) رانيا 30 سنة كلية طب ... رضوى 28 سنة كلية تربية روعة 24 سنة كلية اداب ... راجية 22 سنة كلية تجارة رحمة 20 سنة كلية صيدلة >> نادت أم فاروق على بناتها .. واجتمع البنات بعد ما كانوا سمعوا الحوار بين أمهم وأم محمد وهما عارفين الكلمتين اللى هيسمعوهم ! >> أم فاروق : بصوا بقى يا بنات .. أنا جالى الضغط والسكر والقلب منكم .. وخلاص مرارتى هتفرقع ... ده ان مكنتش فرقعت ! بنات المنطقة كلهم اتجوزوا وانتو لسه قاعدين .. أعمل ايه بس يا ربى ؟! ♦ قالوا ذوقى البنات : جبتلكوا أغلى ميك اب وأحسن لبس .. ودولاب كل واحدة فيكوا يشهد .. وانتو أصلا قمرات من غير حاجة .. وبرده مفيش فايدة ! ♦ قالوا ورى الناس بضاعتك : سيبتكوا تلفوا وتخرجوا وتروحوا والافراح والحفلات .. وبرده مفيش فايدة ! ♦ قالوا مكاتب الجواز : قدمنالكم فى 1000 مكتب ومكتب وبرده مفيش فايدة ! ♦ قالوا يبقى التلفزيون هو الحل : اتصلنا ببرنامج ( بدل العريس الف ) فى قناة ( عريك عندنا ).. وبرده مفيش فايدة ! ♦ قالوا يبقى مفيش غير النت : وصلنا نت واشتركنا فى كل مواقع الجواز .. وبرده مفيش فايدة ! قولولى اعمل ايه بس يا ناس ؟؟!! يلا انتى وهيا امشوا من قدامى .. كل واحدة تنزل دلوقتى ومترجعش البيت الا بعريس فى ايديها والا مش هتدخل البيت !! صبرنى يارب ! ... صبرنى يارب ! >> نسيت الست أم فاروق على ما تهدى شوية .. وتعالوا بينا نتكلم فى مشكلة مهمة جدا واكيد طبعا عرفتوا هتكلم معاكم فى ايه .. مشكلة العنوسة ..!! أو مشكلة البنات اللى اتاخر زواجهم شوية ... >> الزواج يا بنات سنة ربنا فى الارض .. يعنى مش عيب ولا حرام انى اتمنى الزوج الصالح .. بالعكس ؛ دا من وصايا النبى ( صلى الله عليه وسلم ) << تزوجوا فانى مكاثر بكم الأمم ، ولا تكونوا كرهبانية النصارى >> ومشكلة العنوسة موجو من زمان ؛ بس مش كانت اصبحت ظاهرة بشكل واضح لاسباب كتير جدا مش موضوعنا اننا نتكلم فيها .. والاحصائيات الاخيرة بتوضح مدى سوء المشكلة يوم بعد يوم ..!! المشكلة الكبرى اللى بتقابل اى بنت فى موضوع العنوسة هى مشكلة الضغوط من عدة اتجاهات اهمها > ضغوط من البنت نفسها .. > ضغوط من الاهل .. > ضغوط من الناس .. اولا : ضغوط من نفس البنت : وده غصب عنها مش بمزجها.. زى ما قولنا ان الزواج سنه ربنا فى الارض ، وربنا سبحانه وتعالى خلق المراة ضعيفة وميالة للعاطفة ، محتاجة زوج يكون جنبها .. يعطف عليها ويحسسها بالحنان والامان ، وده غير فطرة الامومة اللى ربنا اوجدها فيها ؛ فالبنت جواها زيها زى اى بنت ، نفسها تتجوز وتبقى ربة بيت وتبقى ام وتعيش الحب الحلال .. ثانيا : ضغوط من الاهل : و دى من الضغوط الكبيرة على الاهل قبل ما تكون على البنت ، خاصة فى الزمن ده ، وفى ظل الظروف الصعبة اللى بيعشها الاهل .. بتلاقى الاهل وخصوصا الامهات نفسها تشوف بنتها عروسة وتفرح بيها ونفسها تشيل ولادها وتلاعبهم .. دى مشاعر معظم الامهات ؛ بجوار ان فيه بعض الناس نفسها بناتها تتجوز علشان تخفف عنهم المصاريف والاعباء شويه وناس تانيه بحكم العادات والتقاليد مش راضية تجوز الصغيرة قبل الكبيرة ، فنفسها الكبيرة تتجوز علشان توسع الطرية لاخوتها .. وهكذا .. كل ده بيخلى الاهل مضغوطين وكمان بيضغطوا على البنت ، وزى ما شفتوا فى اول الموضوع الست ام فاروق..! ثالثا : طغوط من الناس : الناس مش بتسيب حد فى حاله ابدا ، وخصوصا بين الستات وبالذات موضوع الجواز ده .. مش عارفه فلانه لسه متجوزتش لحد دلوقتى ياترى ايه السبب ؟ يكون مش عارف ايه ؟؟ وفلانه خطيبها سابها ! وفلانة عريسها عمل مش عارف ايه ؟؟ وفلانه وفلانه .. وكلام الناس بيجرح مش بيخلص ! الضغوط دى مع الشيطان مع النفس الامارة بالسوء بيدفعوا البنت انها توصل لدرجة انها عايزة تعمل اى حاجة مقابل انها تتجوز .. او تشيل الضغوط دى عنها باى طريقة حتى ولو كانت الانتحار !!!! > يعنى بعض البنات زى ما بنشوف وبنسمع كتير تكون ملتزمة وصاينة نفسها ومش عايزة تغضب ربنا ومع ذلك برده مجالهاش عريس لحد دلوقتى ؛ مع ان زميلاتها اللى مش ملتزمين....او على الاقل لبسهم مش كويس بيجلهم عريس واتنين وعشرة وهى مفيش حد عبرها ولا فكر يدق الباب..! فيبدا الشيطان يشكك البنت فى نفسها.. هو انا صح ولا غلط ..؟؟؟ طيب لو صح ، امال ليه انا كده وهما كده ؟؟ ◘ ويبدا الشيطان يشوف شغله ويخليها تتنازل واحدة واحدة .. مثلا من نقاب لخمار .. ومن خمار لعباية وطرحة قصيرة .. وبعدين جيبة وبلوزه وميك اب خفيف .. وبعدين بنطلون ... وهكذا ... وبرده مفيش عريس ..! > تبدا تخرج وتلف وتروح هنا وهناك على امل ان حد يشوفها ويتقدم لها .. وبرده مفيش فايدة ! > تبدا ترخص نفسها لو كانت فى كلية مثلا او فى شغل وتروح هى اللى تكلم الولاد وتتصاحب عليهم وده طبعا بنشوفه كتير .. وبرده مفيش فايدة ! > تدخل النت .. وتكلم ده وتشيت مع ده .. وتدى ده رقم موبايلها .. وبرده مفيش فايدة ! > ولو البنت مكنتش جميلة مثلا او مش واثقة فى نفسها ممكن تتنازل وتعمل اكتر من كده عياذا بالله وانتو شايفين اكتر منى ! طيب ليه كده مفيش جواز برده ؟؟ >>اصل المشكلة ان البنت مش عارفة ان كل اللى بتعمله ده اسمه اخذ بالاسباب .. حتى ولو كانت الاسباب دى صح او غلط .. هى فاكرة ان الاسباب دى ؛ الجمال واللبس والخروجات والشات هى اللى هتجيب العريس .. ونسيت البنت ان رب الاسباب سبحانه وتعالى هو اللى لازم ياذن علشان الاسباب تشتغل ومن غير ده .. يبقى حتى لو اخذت باسباب الارض كلها مش هيجلها عريس برده ..! طيب ايه الحل دلوقتى ؟؟؟؟ قبل ما نتكلم فى الحل .. لازم الفت نظر البنات لعدة نقط .. اولا : انا كشاب زى اى شاب ( والناس بتقول عليا محترم وكويس ) لما اجى ادور على زوجة ليا عمرى ما هختار زوجتى من الشات ، او بمكالمة موبايل .. وعمرى ما هفكر فى يوم فى واحدة لبسها مش زى ما ربنا ورسوله (صلى الله عليه وسلم) امر ، ولو كانت حتى اجمل واحدة فى الكون ! انا اهم حاجة عندى الدين .. اولا واخير .. ♥ الدين والحياء اللى هيخلوكى اجمل واحدة فى نظر اى شاب ملتزم .. > بنت هترد وتقول : طيب ده كلامك انت ..! انما اللى بنشوفه على ارض الواقع ان اغلب الناس بقت تختار بالجمال واللبس والشياكة ..!! واكبر دليل ان اصحابى اللى مش ملتزمين اتجوزا وانا الحمد لله بطيع ربنا فى لبسى وفى حياتى .. ولسه قاعدة ومتجوزتش ؟! ♦ حتى لو افرضنا ان كلامك صح وان الناس بتختار بناءا على الجمال واللبس والشياكة .. هسالك يا اختى شويه اسئله وعايزك تفكرى فيها كويس جدا .. > تفتكرى الشاب اللى اختار بنت علشان جمالها .. لو حصلها اى حاجة ، مثلا طلعلها شوية حبوب فى وشها او لا قدر الله حصلها حرق او اى حاجة .. هيطيق يعيش معاها بعد كده ؟؟! >تفتكرى اللى اختار بنت علشان عجبته فى فرح او حفلة مش هيبص لغيرها .. ده واحد ملتزم علشان يختار بالشكل ده ؟ > تفتكرى ان البنت اللى راحلها شاب عنده عربية وعمارة وفلوس ولكنه مش بيصلى ، ووافقت عليه ! تفتكرى ده هيعاملها بما يرضى الله ، وهيتقى الله فيها وهتكون عيشتهم سعيدة ؟؟ > وتفتكرى ان العريس اللى اختار الجمال .. وقلع عروسته الحجاب فى ليله الفرح وخلاها ترقص قدام الناس .. تفتكرى ده راجل اصلا عنده نخوة هيحافظ على زوجته ويصونها ويخاف عليها ؟؟ اه بنات كتير بيتجوزوا .... وبس ايه اللى بيحصل بعد الجواز ؟؟ مصايب وبلاوى .. وعيشة سيئة جدا .. وده اللى بنشوفه وبنسمعه .. وما خلف ابواب البيوت كان اعظم !! *كام حالة طلاق فى المحاكم وكام مشكلة ! لان البيت اتبنى غلط من الاول ! واثار المعصية بدات تظهر ! الناس فرحت علشان اتجوزت !!! سنة او سنتين اوكام شهر حتى وتلاقيها اتطلقت !! * والمشكلة تبقى اكبر من الاول لو معاها اولاد ..! * والادهى انها ممكن تكون عايشة عيشة لا تطاق نكد وهم وغم وضرب وخناقات .. ومجبرة على كده علشان خاطر الاهل او مش عارفة تتطلق او لاى سبب كان ..! يا ترى تحبى تتجوزى وتبقى دى عيشتك ؟؟ >> تاملى حديث النبى (صلى الله عليه وسلم) علشان تعرفى ربنا بيرزق المتبرجات واللى بيعصوه بعرسان ليه وانتى لا ..! قال النبى (صلى الله عليه وسلم) << اذا رايت الله يعطى العبد من الدنيا على معصيه ما يحب فانما هو استدراج ، ثم تلا قول الله تعالى (فلما نسوا ما ذكروا به فتحنا عليهم ابواب كل شء حتى اذا فرحوا بما اوتوا اخذناهم بغتة فاذا هم مبلسون ) الانعام : 44 >> > يعنى ربنا بيستدرجهم وهما مش حاسيين .. ربنا يتوب علينا وعليهم قبل فوات الاوان .. > ثانيا : اوعى علشان كبرتى فى السن او زواجك اتاخر ، اول ما عريس يجيلك ترضى بيه لو كان غير ملتزم .. انتى ممكن تتنازلى عن اى شى .. فلوس ، دهب ، فرح .. انما الدين لا ..كله الا الدين !! احنا عايزين عريس صالح ياخد بايدك للطاعة ويعيش معاكى بالمعروف ويعاملك زى ما النبى (صلى الله عليه وسلم) كان بيعامل زوجاته .. وتربوا ذرية صالحة تكون صدقة جارية ليكم بعد وفاتكم ... عايزين حياة هادية ومستقرة وكلها تسامح ورحمة ومودة ، وكل دا مش هيتحقق الا مع واحد فاهم دينه صح وفاهم ازى كان حبيبنا صلى الله عليه سلم بيعامل فى حياته كلها .. > ثالثا : اوعى تفتكرى ان كل واحد قالك بحبك وبموت فيكى يبقى صادق ومش بيكدب عليكى ؟؟!!! من كام يوم كنت قاعد مع جماعة زمايلى فلقيت واحد فيهم بيقول للتانى .. البنت ( فلانه) انا زهقت منها خلاص .. وهديلك رقمها تعيشلك معاها يومين .. التانى قاله ليه بس ؟ ده انت بقالك معاها كام سنة ووعدتها بالجواز والبنت متعلقة بيك .. قاله انت هتعيش انت كمان !!! اوعى تكون فاكر انى بحبها بجد ؟؟ ولا ممكن اتجوزها اصلا ؟! يومين بنقضيهم وغيرنا يستلم ! وللاسف .. بنات كتير مضحوك عليهم !! طيب ايه الحل ؟؟؟ انا زهقت من نفسى ومش عارفه اتصرف ازاى مع بابا وماما والناس ؟؟! اولا : مع نفسك لازم قبل كل شئ تجديد التوبه لربنا سبحانه وتعالى عايزين يبقى عندنا شوية يقين .. هندخل بقى فى كلام الشيوخ يقين وبتاع ..! ده مش كلام شيوخ يا اختى ! ده كلام ربنا اللى خلقنا وعارف مصلحتنا .. وكلام النبى (صلى الله عليه وسلم) الذى لا ينطق عن الهوى ، اللى ربنا ارسله رحمة لينا وللعالمين .. ده الدين بتاعنا ، اللى هدفه اننا نعيش احلى حياة .. وانتى اكيد عارفة ان من شروط الايمان ؛ الايمان بالقضاء وبالقدر خيره وشره .. يعنى ايه ؟ يعنى كل اللى يجيبه ربنا خير ... يعنى اتجوزت ، الحمد لله .. خير .. الجواز اتاخر ، الحمد لله خير .. متجوزتش ( لا قدر الله ) .. برده الحمد لله خير .. لو ربنا كاتبلى عريس يبقى هيجيلى هيجيلى النهارده .. بكره .. بعد شهر .. بعد سنة ؛ المهم انه هيجى وقت ما ربنا يشاء .. احد السلف كان بيقول كلام جميل اوى : ( علمت ان رزقى لن ياخذه غيرى فاطمان قلبى ) يعنى رزقى مكتوب من يوم ما اتولدت .. محدش هياخده غيرى .. يبقى اشيل الهم ليه ؟؟ >> بل فيه حديث من اعجب الاحاديث واول ما حد يعرفه ، المفروض يغير من تفكيره تجاه الرزق تماما .. ويبطل يشيل الهم بقى .... يقول النبى ( صلى الله عليه وسلم ) << ان الرزق ليطلب العبد كما يطلبه اجله >> يعنى الرزق هو اللى بيجرى وراكى علشان يوصلك زى ما الموت بيجرى وراكى ..! سبحان الله ! >> يعنى انتى عماله تلفى ورا العريس وهو بيلف وراكى !! خليكى واثقة فى ربنا انه هيرزقك .. ربنا سبحانه وتعالى اعظم واحلى واكرم من كل ما يتصوره العباد .. ولو حد قالك مثلا انتى ازاى هتتخطبى او تتجوزى من غير ما حد يشوفك ؟؟ لازم تخرجى وتروحى هنا وهناك وتفرجى الناس ! >قوليله : انا عندى يقين ان عريسى مقسوملى ومكتوب لى من يوم ما اتولت .. يجى ازاى دى مش بتاعتى ! دى ربنا سبحانه وتعالى اللى بيسبب الاسباب علشانها .. زى الاكل ما بيجيلى كل يوم وانا قاعدة فى بيتى لحد عندى .. بابا بيجيبه .. اى حد يجيبه .. المهم انه بيجى !... كذلك موضوع العريس .. >> واوعى تفتكرى انك مهما لبستى او اتشيكتى او كنتى جميلة او كلمتى ولاد كل ده هيسرع جوازك .. بالعكس ؛ انتى كدا بتضيعى منك دنيا واخرة !!! >> تاملى الحديث ده قال رسول الله ( صلى الله عليه وسلم ) << ان روح القدس نفث فى روعى ، ان نفسا لن تموت حتى تستكمل اجلها ، وتستوعب رزقها ، فاتقوا الله ، واجملوا فى الطلب ، ولا يحملن احدكم استبطاء الرزق ان يطلبه بمعصية الله ، فان الله تعالى لا ينال ما عنده الا بطاعته >> • يعنى اوعى علشان الرزق اتخر شويه تعصى ربنا علشان تطلبيه ..! خليكى فاكرة كويس .. ( ما عند الله لا ينال الا بطاعته ) >> طيب انا ملتزمة اوكنت مش ملتزمه وبفضل الله التزمت وغيرت لبسى وحياتى وبقيت بطيع ربنا .. وصبرت كتير وجوازى متاخر برده ؟؟؟! يبقى لازم تعرفى ان ده هو الخير ليكى .. >> ايوه .. ان جوازك يتاخر او ( لا قدر الله ) انك متتجوزيش هو ده الخير .. زى ما قولتلك قبل كده ترضى انك تتجوزى وتعيشى فى هم وغم وجحيم ، وهتتمنى ساعتها انك تقعدى طول عمرك عانس ولا انك تكون اتجوزتى ! خلى الاية دى فى قلبك دايما : ( وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون ) >> ربنا بس هو اللى عالم الخير فين .. وهو ارحم بيكى من اى حد تانى ... لو عالم ان الجواز خير كان قدمه ليكى .. ولكنه يعلم ان تاخيره هو اللى خير ؛ علشان كده اخره .. يبقى خليكى فاكرة ..( والله يعلم وانتم لا تعلمون ) ثانيا : مع الاهل : الام والاب .. فكرهم غير فكرك ..! بس ممكن تقنعيهم بالكلام اللى فات ده .. > بس فيه اباء وامهات كتير ايمانهم ضعيف وبرده مش بيقتنعوا .. اعمل ايه معاهم ؟ >> اصبرى عليهم واوعى تزعقى معاهم او تزعليهم .. واتعاملى معاهم بكل ادب واحترام ورحمة .. ومتجادليش كتير علشان متتعبيش .. وادعى ربنا انه يهديهم ويرزقك الصبر عليهم والبر بيهم .. ثالثا : مع الناس : اوعى تلتفتى لكلام اى حد .. الناس عمرهم ما هيبطلوا كلام ، سواء اتجوزتى او متجوزتيش ! سيبى الناس يقولوا زى ما يقولوا ..!!! ولا يهز شعره فيكى .. انتى مؤمنة وعندك يقين .. واخيرا .. ولكنه ليس باخير .. بل قبل كل شئ .. عليكى بـــ الدعــــــــــاء .. ربنا قال ( وقال ربكم ادعونى استجب لكم ) ♥ يعنى الدعاء مستجاب ..خاصه بقى لو فى قيام الليل او بين الاذان والاقامة او الدعاء بظهر الغيب او دعاء الصائم والمسافر او عاء الاو لبنتها .. قولى يا رب ، واطلبى الزوج الصالح من الله .. خزائن ربنا مليانة عرسان ... بس انتى قولى يا رب .. قولى يارب ارزقنى الهدى والتقى العفاف والغنى .. قولى يارب اكفنى بحلالك عن حرامك واغننى بفضلك عمن سواك .. > طيب ... انا بدعى بقالى كام سنة وحاسه انه مس بيستجاب ليا ؟؟! ♦ مين قال كده ؟؟ لو انتى فعلا بتدعى بعد تجديد التوبة وباخلاص وبتاكلى من حلال يبقى ان شاء الله دعاءك مستجاب مستجاب مستجاب >> بس الاستجابه دى ازاى؟؟ شوفى حديث النبى ( صلى الله عليه وسلم ) << ما من مسلم يدعو ليس باثم ولا بقطيعة رحم الا اعطاه احدى ثلاث : 1- اما ان يعجل له دعوته ( يعنى ربنا يستجييبها له فى الدنيا ) 2- واما ان يدخرها له فى الاخرة 3- واما ان يدفع عنه من السوء مثلها قالوا اذا نكثر ، قال الله اكثر >> ♥ يعنى الدعاء مستجاب مستجاب .. بس انتى ادعى ربنا وانتى على يقين بالاجابة .. اوعى تياسى !! واوعى تعصى ربنا علشان الزواج !! ♥ ولازم تعرفى ان الزوج دا وسيله .. وعمره ما كان غايه !! يعنى الزوج وسيلة لرضا ربنا سبحانه وتعالى ودخول الجنة وكسب الحسنات والاجر .. الزوج مش غاية .. يعنى مش هتكون نهاية المطاف انك تتجوزى .. لا ، دى البداية لحياة ابدية ؛ اسعد حياة فى الجنة ان شاء الله ♥ وتاكدى ان ربنا اعز واعظم واكرم من انه يضيعك .. وانتى نفذتى اللى امرك بيه وبعدتى عن اللى نهاكى عنه .... انتى عايزه تتجوزى علشان تعيشى احلى حياة .. واحلى حياة فى طاعة الله نهايه الكتاب شارك هذه المشاركه رابط المشاركه شارك
الملتزمة المتفائلة 292 أرسلي تقرير عن المشاركة قامت بالمشاركة 22 أبريل, 2015 وعليكم السلام ورحمة الله وبركاته. -- جزاك الله خيرا أختي سجدة، وجعل ما نقلتيه في ميزان حسناتك بإذن الله. حقا موضوع رائع ومتميز. بوركت. شارك هذه المشاركه رابط المشاركه شارك
