هل تقضين الليالى عند حماتك أو والدتك

[توتى سمسم 8]

السلام عليكــم ورحمـة الله وبركاتــة ،،

حبيباتى وأخواتى

هل منكم من تذهب وتقضى بالأيام عند حماتها أو أمها فى كل زيارة لها

[أم عائشة المصرية 242]

وعليكم السلام ورحمة الله وبركاته

لم أفهم المطلوب من سؤال حبيبتى

لكن إجابتى أنى لم أقض زيارة تقتضى المبيت عدة ليالى لا عند أمى ولا حماتى رحمها الله

لكنى كنت أبيت عند أمى وعند حماتى مرة كل ثلاثة أسابيع تقريبا بحكم عمل زوجى (فى بداية زواجى)

واستمر الأمر حتى كبرت ابنتى عائشى قليلا وأصبحت تتعبنى فلم أبت عند أحد ثانية..

 

 

..أظنكِ ستسألين سؤالا معينا...أنتظره :)

[توتى سمسم 8]

أصل حماتى بتزعل وأمى كمان لما أرفض البيات وأنا زهقت بصراحة بيطلبوا منى اقعد بالاسبوع مش بأخد راحتى فى اللبس ولا الأكل كمان ابنى بدأ يتربى مش عارفة اربيه زى ما أنا عايزة

نفسى أحس بالاستقلال وإنى أتجوزت وليا بيتى

فقولت أشوف الأخوات هو ده الطبيعى إنك تباتى عند حماتك أو عند أمك بالليالى أو أسبوع

[الاء القدوس 18]

السلام عليكم ورحمة الله وبركاته،،

صراحة لم اذهب لبيتي بعد يعني لم اوضع في هذا الموقف لكن على كل حال ساجيبك اني سارفض المبيت عند الاثنتين لاني احب ان اكون على راحتي فيي بيتي و اتمتع باستقلاليتي ، لي بيت و اسرة إذا لم المبيت في بيوت ثانية

و حتى لو اقتضى الامر بحكم عمل الزوج ساستدعي احد من عائلتي ارتاح له و يبيت عندي

و ليس هناك اي مجال هنا لكي يتضايق منك احد فانت امراة متزوجة و يجب ان تظلي في بيتك و لا مانع من زيارات خفيفة

و قد اشرت الى الى مسالة تربية الاطفال فحقا الام يجب ان تظل في بيتها لان ابنها قد يتاثر بعادات و سلوكيات اخرى لم يعتد عليها في البيت

و اقول ان هذه المسالة تعود إلى شخصية المراة وزجها فلو فرضا الامر من البداية لما تضايق احد

هذا و الله اعلم كل واحدة و ظروفها

[في جنة الله أحيا 103]

أنا حماتي الله يرحمها وينور قبرها

بيتي وبيت أهلي جنب بعض في نفس الشارع

ومش بحس براحه الا في بيت زوجي

 

بس بتسالي السؤال ده ليه يا توتو

[صاحبه القلب الطيب 12]

لا ياسمسمة مش ده الطبيعى اكيد

 

بصى على حسب ظروفك وشكل كده جوزك مش موجود ..فعايزينك تيقى عند حد فيهم حتى يطمنئوا عليكى ولا عاوزنيك انتى وزوجك ؟؟؟؟

 

على العموم تكلمى بلطف وقولى انك لا تريدى ازعاجهم لان طفلك لسه صغير وبكاء وصراخ

وانك لا تريدى ان تكبتى حريتهم ..يعنى باسلوب رقيق وشيك لا تزعلى منكى احد والطرفين يعذروكى

 

ومن حين لاخر بادرى بالزيارات

[** أم يحيى ** 104]

حبيبتي الأفضل ما تعوديهم عالمبيت لازم تكون عندك حياتك الخاصة إذا عودتيهم فرح يفضلو يستنو مبيتك عندهم وحتى إن رفضت المبيت بأعذار رح يزعلو وأفضل حل تبيتي في بيتك يزعلو شويه وبعدين يتعودو

[أم عائشة المصرية 242]

طيب حبيبتى حاولى تعملى يوم لأمك ويوم لحماتك فقط لا غير (بدون بيات)

يوم واحد وترجعى لبيتك ولو أصروا على الأمر اثبتى وأخبريهم أن وراكِ حاجات مهمة فى بيتك..

وسواء يا حبيبتى كان زوجك مسافر أو مقيم فلا تقبلي هذا الوضع

لأن لو زوجك مقيم معكِ يبقى يا إما حتروحوا سوا...ودى مشكلة إنكم حتفضلوا مقيدين أسبوع أو حتى ترجعوا لبيتكم..

ولو مسافر أنتِ ستتعودى على هذا الوضع وصعب يتغير..

لما تكونى فى بيتك ستهتمى بنفسك أكثر وبلبسك وزينتك..ستحسنى علاقتك بربك...ستكونى فى مملكتك تفعلى فيها ما تشاءين لكن خارجها ستكونى مقيدة حتى لو كنتِ عند والدتك.!

واعلمى حبيبتى أنه طالما لديكِ طفل يبقى لازم تستقلى في بيتك لأنه لن يتربي تربية جيدة وهو حوله أكثر من مربي رئيسي..أنتِ ووالدتك وحماتك..ولو زوجك موجود يبقى ضيفيه..

يبقى لازم تكونى فى بيتك ويكون هذا الأصل وتزورى والدتك وحماتك أسبوعيا..

وليكن اتصالك يوم ويوم مثلا حتى يطمئنوا عليكِ ولا يطالبوا بالزيارات..

واستخيري فى هذا الأمر قبل التطبيق..

[توتى سمسم 8]

الاء القدوس وعليكم السلام ورحمة الله وبركاته

معك حق لو فرض الأمر من البداية ما تضايق أحد للأسف مش فرضناه فبيزعلوا أنا مش طبقت بس ناوية أطبق فعلا إن شاء الله

 

أم محمد بسأل لأنى بقالى سنتين متجوزة ومش حاسة إنى متجوزة بروح شقتى أسبوع مسح وتنظيف لأنها كبيرة وبقسمها طبعا مع وجود ياسين صعب اخلصها بسرعه

وأقعد أسبوع كمان أحس فيه إنى ليا بيتى وبراحتى وأنزل تانى أسبوع لأمى واسبوع لحماتى

أنا زوجى معايا مش مسافر فلك أن تتخيلى أشيل هدومى وابنى وزوجى وياسين كمان ببقا شكلى بشع ومواصلات وكمان هو بيرجع متأخر من شغله مش معقول هقوله نستناك علشان نروح عند أى طرف

ويوم الأجازة بيرفض حتى يشوف الشارع من البلكونه بيقولى أجازتى نفسى أريح من الشارع أنا بقا بروح لوحدى وهو يجى على هناك بعد الشغل

 

صاحبة القلب الطيب لا ياسمسمة مش ده الطبيعى اكيد فعلا مش طبيعى خالص

لكوا أن تتخيلوا حتى الاستحمام بتكسف أعمله عند حماتى طبعا وبتخنق جدااااا وأمى كمان بضايق من القاعده هناك مش بأخد راحتى زى بيتى طبعا

 

سالى عفوك ربى معك حق هيزعلوا شوية وخلاص وأنا ارتاح بقا

 

أم عائشة المصرية رأيك حلو هنفذه إن شاء الله

 

عايزة أقولكم إن فى مشكلة مع حماتى وأنا حسيت إن سببها البيات الزياده بيولد عشم زياده ومن هنا المشكلة

كمان حاسة إن حياتى قصه عامة للكل مش خاصة خالص

طبقت التجربة الشهر ده بقالى 3 أسابيع فى البيت أخيرا وبعد سنتين جواز أول مرة احس إنى أتجوزت

[في جنة الله أحيا 103]

الاء القدوس وعليكم السلام ورحمة الله وبركاته

معك حق لو فرض الأمر من البداية ما تضايق أحد للأسف مش فرضناه فبيزعلوا أنا مش طبقت بس ناوية أطبق فعلا إن شاء الله

 

أم محمد بسأل لأنى بقالى سنتين متجوزة ومش حاسة إنى متجوزة بروح شقتى أسبوع مسح وتنظيف لأنها كبيرة وبقسمها طبعا مع وجود ياسين صعب اخلصها بسرعه

وأقعد أسبوع كمان أحس فيه إنى ليا بيتى وبراحتى وأنزل تانى أسبوع لأمى واسبوع لحماتى

أنا زوجى معايا مش مسافر فلك أن تتخيلى أشيل هدومى وابنى وزوجى وياسين كمان ببقا شكلى بشع ومواصلات وكمان هو بيرجع متأخر من شغله مش معقول هقوله نستناك علشان نروح عند أى طرف

ويوم الأجازة بيرفض حتى يشوف الشارع من البلكونه بيقولى أجازتى نفسى أريح من الشارع أنا بقا بروح لوحدى وهو يجى على هناك بعد الشغل

 

صاحبة القلب الطيب لا ياسمسمة مش ده الطبيعى اكيد فعلا مش طبيعى خالص

لكوا أن تتخيلوا حتى الاستحمام بتكسف أعمله عند حماتى طبعا وبتخنق جدااااا وأمى كمان بضايق من القاعده هناك مش بأخد راحتى زى بيتى طبعا

 

سالى عفوك ربى معك حق هيزعلوا شوية وخلاص وأنا ارتاح بقا

 

أم عائشة المصرية رأيك حلو هنفذه إن شاء الله

 

عايزة أقولكم إن فى مشكلة مع حماتى وأنا حسيت إن سببها البيات الزياده بيولد عشم زياده ومن هنا المشكلة

كمان حاسة إن حياتى قصه عامة للكل مش خاصة خالص

طبقت التجربة الشهر ده بقالى 3 أسابيع فى البيت أخيرا وبعد سنتين جواز أول مرة احس إنى أتجوزت

سبحان الله

 

معليش يا حبيبة الله يقويك

 

ربنا يجعله في ميزان حسناتك

[ام مريم ويحيى 136]

السلام عليكم ورحمة الله وبركاته

 

توتى الحبيبة عامله ايه وحشاااانى كتيير

 

انا الحمد لله بالنسبه لى فانا وزوجى فى غربه ولما بنرجع اجازه بننزل على شقتنا بس طبعا لما بروح عند امى

 

ببات عندها بالاسبوع واكتر وفى بعض الاحيان لما اكون نازله لوحدى طبعا بقضى الاجازه كلها فى بيت امى

 

وعمرى ما بيت فى منزل حمااتى ابدا وبصراحه من اول جوازنا وزوجى هو اللى بيرفض ان احنا نبات عند والدته

 

لان عنده اخوة كبار فى البيت وحتى لما نكون فى زيارة لحماتى ونتأخر وحماتى تتحايل علينا ان احنا نبات زوجى هو اللى بيرفض بشده

 

وزى ما انتى قولتى الواحده مش بتاخد راحتها الا فى بيتها

 

ربنا يعينك يا جميل ويحعله فى ميزان حسانتك ولكن لابد من الخصوصيه فى الحياة الزوجية

 

حتى تشعرى انك مستقله ببيتك وزوجك وابنك

[توتى سمسم 8]

ربنا يرجعك بالسلامة لبلادك يا سندسة اه طبعا لو لوحدى وهو مشافر اقضى الاجازة كلها عند ماما كلنا بنعمل كده

طيب أنا روحتلها النهارده وقضينا معاهم اليوم

ومش عاجبها وقالت لجوزى الرجالة ماتت فى الحرب

[سندس محمود 42]

كيفكم اخواتى بصراحة توتى

انا متزوجة مع حماتى لى شقة وهى شقتها بجوارى على نفس الحائط وسلفتى كذلك

كان نفسى استقر بعيدآ ولكن الظروف ابات بداخل شقتى ولكن الصراحة احب البيات عند امى اكثر من وجودى بشقتى معهم لأنى اشعر بأنى احيانآلا احب الخروج من المنزل ولكن اشعر بأنى مجبرة وزوجى مسافر عندما يأتى اذهب لشقتى

وعندما يسافر امشى بس اعتقد عندما يصير لدى اولاد افضل الانتقال الى اهلى كثيرآ لانم ملتزمين اكثر

[توتى سمسم 8]

ايه ده يا سندس أنتى زوجك مسافر وشقتك جنب حماتك وبتباتى عندها ليه ؟

ما تباتى فى شقتك وأهو أنتى جنبهم برضوا