بنت ام عبد 151 أرسلي تقرير عن المشاركة قامت بالمشاركة 3 أبريل, 2012 جزاك ربي خير يا هبة علي هذة الحلقات المتميزة حقاً سعدنا معك صدقاً لم تفتني حلقة في ميعادها حتي وإن قصرت معك في الرد لكن رأي لم يتغير أنك مبدعة (اللهم بارك ). والأن حزينة لأنك أنتهيت منها :((( لا تحرمينا من تواجدك المميز في الساحة عندي طلب لسجودة نفسي تفرد الحلقات بدون ردود .... اعرف الردود هامة لكن رغبت في الحلقات لأقوم بنسخها لا تخافي يا هبهوب حقوقك محفوظة :)))) شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 3 أبريل, 2012 وتعلم لغة الكفرة فى غير ضرورة من مظاهر الموالاة للكفار [/color]] لا يا حبيبة تعلمها مهم لنا جدا ... لكن الخطأ أن نستخدمها بغير ضرورة وتعتبر هنا صورة من صور موالاة الكفرة حتي نأمن مكر هؤلاء ... ونتمكن من دعوتهم الي الاسلام والرد علي افترائتهم وغيرها من الفوائد لكن الاستخدام يكون بحدود المطلوب وعلوم الطب والهندسة وغيرها لاتدرس إلا بهذةاللغات فلذا علينا أن نتعلمها لنزيل الحرج عن الأمة من نقص الكفاءات في هذة المجالات أما مسألة مدارس اللغات فمعك حق لأني أشعر أنها تطمس هوية الطفل المسلم ... فنجعل التعلم من خلال مادة مستقلة وليست دراسة كاملة . شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 3 أبريل, 2012 السلام عليكم ورحمة الله وبركاته تسلم ايديكى يا هبه يا جميله والله انا اول مره اخد بالى امبارح من اليوميات ومن كتر جمالها وخفة دمك قرات منها معظمها مع الضحك المتواصل معلش يا هوبه انا باجى متاخره زى البوليس المصرى فى الافلام القديمه ههههههه بس فعلا انتى مبدعه وموهوبه يا هوبه ويا جماعه لما يكون فى حاجات حلوه كده وممكن الواحد يستفيد ابقو قولولى وانا اتابعكم ان شاء الله بارك الله فيكى ياغاليه وتسلم اديكى مره تانيه شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 3 أبريل, 2012 معلش يا هبة حبيبة قلبى لى عودة اصلالنت ملخبط معايا الحمد لله..عله خيرااااا بنت ام عبد الغالية هو ينفع اننا ننسخ اسم منتدانا عليها..أهو من باب دعاية لمنتدى خيّر شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 يا اهلا يا اهلا يا كتاكيتو يا قطاقيطو عاملين ايه يا حلوين درة بنقابى ماتخافيش يختى على العربى دا فى الحفظ والصون اسئلينى انا النصر قادم متشكرين يا ابلة على حكم البراءة مايرمكيش فى ضيقة يا قلب اختك حواء هتوحشى ذكية اوى يا حواء يا قمراء .ادينى كلمتك بالنحوى اهو اوعى تزعلى سندس محمود والله يختى ماعارفة اشكرك ازاى على خطوتك العزيزة اتمنى رضاه ياضنايا العلام حلو برضو ولو الواد عبد الرحمن دخل كلية الطب وشرفنا ورفع راسنا لازم يبقى مية مية فى الانجليزى عشان كمان يمكن يسافر عند الخواجات ويرفع راسنا كمان وكمان لحد ماتخبط فى السقف بنت ام عبد والله يا عين اختك انا كمان زعلانة انى خلصت كتابة الحلقات وكلمة فى سرك جوزى فرح اوى اوى انى خلصتها عشان طبعا كانت بتاخد منى مجهود ووقت كتير وسرحان ويجى يكلمنى مااردش عشان مش معاه هدت حيلى فى التفكير واعداد الحلقات والله .بس الحمدلله ماقصرتش مع بيتى وجوزى فى حاجة والله وربى خير شاهد هو بس السرحان بعيد عنك يختى سماء الفردوس والله يختى عندك حق انتى اجدع من البوليس كمان . البوليس بيوصل قبل ماالحرامى ياخد الدهب ويجرى وانت وصلتى بعد ماذكية خدت اعدام يلا كله بأوانه يا قلب اختك شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 أبريل, 2012 لو سمحت يا فندم عندي سؤال من العائلة الكريمة بما أن الجميع كان متابع حلقاتك: لماذا أنهيتِ الموضوع رغم وجود العديد والعديد من الأفكار في المجتمع حولنا تساعد في استمرارية الموضوع وما شاء الله لديك إسلوب جميل في الكتابة وإيصال الفكرة؟؟ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 طبعا حبيبتى وامورتى ام عبد مشكورة على فكرة نسخ الحلقات وعلى فكرة بنت عمى اشتركت فى المنتدى بس مش لاقية وقت تخش يا كبد امها وهى هتنسخ الحلقات وتنشرها على الفيس بوك بس لإن جوزى مش موافق انى انزلها بإسمى لأن اسمى هبة نور فعلا والراجل مش عايز اسم مراته يظهر على الفيس لحسن يطير فيها رقاب لسة بفكر فى اسم عشان تنزل بيه ويمكن اقنع جوزى انزلها باسم هبة نور ادعولى يارب يوافق بالنسبة لسمسمة حبيبتى هو ممكن يبقى هبة نور وبرضو نحط اسم المنتدى صدقينى والله ياسمسمة لما تتعبى فى حاجة اوى وتاخد من دمك واعصابك صعب اوى انك تضحى بيها وتقولى خلاص تتنقل تحت اسم المنتدى لكن كاتبة الموضوع لأ والله صدقينى احساس صعب مش هينفع ودا رجائى لأى اخت عايزة تنسخ الحلقات حتى لا تنسب لغيرى بالله عليكم شكرا حبيباتى شارك هذه المشاركه رابط المشاركه شارك
أمة الله إكرام 28 أرسلي تقرير عن المشاركة قامت بالمشاركة 3 أبريل, 2012 السلام عليكم ورحمة الله وبركاته لماذا يا هبة ستحرمينا من الست الذكية !!!!!!!!!! جزاك الله خيرا وجعل هذا العمل في ميزان حسناتك إن شاء الله شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 لو سمحت يا فندم عندي سؤال من العائلة الكريمة بما أن الجميع كان متابع حلقاتك: لماذا أنهيتِ الموضوع رغم وجود العديد والعديد من الأفكار في المجتمع حولنا تساعد في استمرارية الموضوع وما شاء الله لديك إسلوب جميل في الكتابة وإيصال الفكرة؟؟ والله ياام عبد الرحمن خايفة الموضوع بعد كدة يبقى تقيل على قلبكو وتملو منه لكن طبعا كان عندى افكار تانية كتير عايزة اناقشها لكن على رأى حماة ذكية يابخت من زار وخفف ههههههههههههههه سلميلى اوى على عبد الرحمن حبيب قلبى وعلى عبد الله كمان عشان مايزعلش ههههههههه شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 3 أبريل, 2012 بس يا هوبة وضع اسمك هايتنافى مع اخلاص النية خليك مع انكار الذات المهم الثواب الأخروى مش الدنيوى وانت ما شاء الله اعلم مدى اخلاصك اللهم بارك زادك الله منه يا حبيبتى شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 امة الله اكرام اهلا حبيبتى هتوحشينى وتوحشى ذكية يا عين اختك معلش حبيبتى كل ماتشتاقى لذكية ادعيلى بظهر الغيب بالذرية الصالحة جزاك الله خيرا حبيبتى شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 بس يا هوبة وضع اسمك هايتنافى مع اخلاص النية خليك مع انكار الذات المهم الثواب الأخروى مش الدنيوى وانت ما شاء الله اعلم مدى اخلاصك اللهم بارك زادك الله منه يا حبيبتى بس يا هوبة وضع اسمك هايتنافى مع اخلاص النية خليك مع انكار الذات المهم الثواب الأخروى مش الدنيوى وانت ما شاء الله اعلم مدى اخلاصك اللهم بارك زادك الله منه يا حبيبتى معلش يا سمسمة ده مالوش دعوة حبيبتى بإخلاص النية والله ماهتحسى بيا الا اذا كنتى مكانى حبيبتى اصعب حاجة كتابة الافكار الكوميدية وان تصيغيها ايضا على شكل نصائح فهذا الامر قد ارهقنى ايما ارهاق معلش حبيبتى دعينى ونيتى وربى شكرا سمسمتى على النصيحة ربنا مايحرمنى منك اختى الحبيبة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 رجاء خاص للأخوات الحبيبات احسبكن حبيباتى على خير فليس بيننا اقوام يحبوا ان يحمدوا بما لم يفعلوا والحمد لله كل من ارادت نسخ الحلقات لها ذلك ولكن بإسم هبة نور والله شاهد علينا وهو خير الشاهدين دمتم فى امان الله شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 أبريل, 2012 أتفهم موقفك تماما يا هبة خصوصا أني جربت موضوع الكتابة وأعلم كم هي مرهقة جدا وتشغل التفكير بشكل رهيب لكن حاولي على الأقل كل فترة تكتبي حلقة ولو مرة كل اسبوعين ثم ترتاحي اسبوعين من السرحان وترجعي تسرحي يومين اثناء كتابة حلقة جديدة (ابتسامة) . محبة ذكر الاسم ليس له علاقة بالنية ولكنه حفظا للحقوق فيحدث كثيرا أن تتعب الأخت في كتابة الموضوع ثم يأتي شخص وينقله وينسبه لنفسه أيضا هناك نقطة أخرى مهمة جدا وهي لو فكرت في يوم ان تقوم بطباعة الحلقات ونشرها في كتاب، لو لم تنسب لها الآن قد تقع في مسألة قانونية فيما بعد إذا اتهمها أحد بأنها سرقتها من أخت أخرى على النت ووقتها ربما يصعب عليها إثبات أنها هي كاتبة الحلقات شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 أتفهم موقفك تماما يا هبة خصوصا أني جربت موضوع الكتابة وأعلم كم هي مرهقة جدا وتشغل التفكير بشكل رهيب لكن حاولي على الأقل كل فترة تكتبي حلقة ولو مرة كل اسبوعين ثم ترتاحي اسبوعين من السرحان وترجعي تسرحي يومين اثناء كتابة حلقة جديدة (ابتسامة) . محبة ذكر الاسم ليس له علاقة بالنية ولكنه حفظا للحقوق فيحدث كثيرا أن تتعب الأخت في كتابة الموضوع ثم يأتي شخص وينقله وينسبه لنفسه أيضا هناك نقطة أخرى مهمة جدا وهي لو فكرت في يوم ان تقوم بطباعة الحلقات ونشرها في كتاب، لو لم تنسب لها الآن قد تقع في مسألة قانونية فيما بعد إذا اتهمها أحد بأنها سرقتها من أخت أخرى على النت ووقتها ربما يصعب عليها إثبات أنها هي كاتبة الحلقات لا فوض فوكى يا خالتى ام عبد الرحمن تسلميلى يا عين اختك طيب انا عندى رأى بس بعد ماارتاح كام يوم كدة قولى اسبوع لو عندك افكار لحلقات جديدة تحبى نناقشها قوليلى زى مثلا نصورة لما طلبت منى اعمل حلقة عن الافراح ومابها من موبقات لان ده بصراحة بيوفر علية جهد فى التفكير فى فكرة حلقة جديدة او اى اخت عندها فكرة جديدة تقولى بس هتبقى الحلقات اسبوعية مش يوم ويوم زى دلوقتى عشان الراجل مايطردنيش من الشقة وانا ماصدقت اتجوز شارك هذه المشاركه رابط المشاركه شارك
إيماني عنواني 259 أرسلي تقرير عن المشاركة قامت بالمشاركة 3 أبريل, 2012 أسعدتني حلقاتك كلها غاليتي هبة كانت بحق رآآآآئعة كروعتكِ وخفيفة كخفة ظلكِ جزاكِ الله خير الجزاء على ما قدمتيه وجعلها في ميزان حسناتك سننتظر تكملة الحلقات بإذن الله لا حرمكِ الله جزيل الأجر شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 3 أبريل, 2012 معك حق تماماً هبة الغالية ولذا اشرت أن حقوقك محفوظة لكن لم تكن نيتي نشرها علي النت إطلاقاً ولكن الإحتفاظ بها وهي تحمل أسمك يا غالية عادة أتبادل مع أخوات لي مثل هذة الاشياء (فهمتيني ) فرغبت أن أستئذنك في الرد السابق يا هبهوب وعندك حق ومعك تماماً أن من أرادت نشرها تحافظ علي كتابة اسمك في البداية حفظاً لحقوقك عندي إقتراح لكِ أستخدمي كنية لك واكتبيها علي الحلقات وبذلك تستطعين إقناع زوجك بنشرها وهي تحمل أسمك وممكن تغيير اسمك في المنتدي ليكون اسمك علي جميع الحلقات وبالتالي لا تجدي رفض في نشر كتاباتك أنت اللهم بارك لديك موهبة ...أسأل الله لك التوفيق دائماً حبيبتي شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 أبريل, 2012 اهلا يا ايمانى عنوانى يللى دايما منورانى نورتى يا عسل لو عندك فكرة حلقة اكتبيها انا كنت ناوية اعمل حلقات عن الحنانة والمنانة وعن فتش اسرار الزوج يلا افكار اكتر مين يزود الا اونة الادوى الا ترى فتحنا باب المزاد يلا كل واحدة تخش بالعطا بتاعها بنت ام عبد حبيبة قلبى انا عارفة والله انك انسانة صالحة ماشاء الله احسبك على خير ويعلم الله كم احبك حبيبتى ويكفى انك استأذنتى قبل الاحتفاظ بالحلقات وفكرة تغير الاسم دى ان شاء الله هعملها بس افكر فى اسم وهروح اغيره عندك الف حق فكرة تغير الاسم فكرة صائبة واراحتنى نفسيا جزاك الله خيرا حبيبتى شارك هذه المشاركه رابط المشاركه شارك
هو يراني هو حسبي 0 أرسلي تقرير عن المشاركة قامت بالمشاركة 3 أبريل, 2012 حياااتي و الله كنت افكر ارسل كل يوميات الست ذكيه لصديقاتي بالايميل و والله كنت بحطها باسمك .. بس قلت الاول اكلمك بالموضوع .. فجزاك الله خير و بارك فيك .. حبي ليه ما يكون لو مره وحده ذكيه على حق و عبد الصمد غلطان هههههههههههه .. من جد عليك اسلوب ماشاء الله رووووووووووعه و تصوير احس اني شيفاهم .. كمان خلي شخصيه ثانيه عارفه كيف تتعامل مع زوجها و حياتها يعني زوجه مثاليه .. ايه رايك .. عشان بعض الناس يستفيدوا ههههههههههههههههه ما شاء الله يا النصر قااادم الله يحفظهم لك و يخليك لهم... شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 5 أبريل, 2012 أنا أرفض رفضا باتا يا هوبة أنك تنهي المسلسل بعدما اتعودت عليه واستفدت منه كثيرا فهو الوحيد الذي يفرج عن المنتدى بأسلوبك الرائع والسلس وعايزة أقولك على حاجة انت ما وفيتيش على وعدك أفكرك؟ مش قلت ستكتبين حلقة خاصة بي وأكون البطلة فيها يلا وفي بوعدك يا ختي ماليش دعوة هههههههههههه الله يزيدك إبداع يا حبيبة ويوفقك لكل خير وإن شاء الله الأخوات يعطوك أفكار لكي يسهلن عليك ^ــ^ وتأكدي أنك لن تثقلي علينا ولو الحلقات فيها مائة فلن نمل أبدا أحبك في الله يا هوبة شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 5 أبريل, 2012 السلام عليكم ورحمة الله وبركاته كيف الحال يا مبدعتنا الغالية؟ أنا عاتبة عليك؛ كيف تقطعين الوصل بيننا و بين ذكية؟ كانت مشاكلها فاكهة المنتدى فيها الإفادة والمرح فأرجوك لا تقطعي الوصل بيننا و أتحفينا بما بقي لديك من أفكار بعد أن ترتاحي طبعا وتستعيدي نشاطك. دمت بود^ــ^ شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 8 أبريل, 2012 السلام عليك ورحمة الله وبركاته ^____^ ربي يبارك فيك هبة الحبيبة ويبارك في هذا القلم ويجعله سببا لك في دخول الجنة .. موضوعك كان رائعا وأتمنى أن تعيدي النظر في انهائه ..فكما قالت الأخوات هناك الكثير والكثير من المواضيع التي تستطيعين مناقشتها بأسلوبك اللطيف أستعيني بالله .. واحتسبي جهدك لله عزوجل ... وفي انتظار حلقات جديدة من الست ذكية :)) 1 شارك هذه المشاركه رابط المشاركه شارك
سندس محمود 42 أرسلي تقرير عن المشاركة قامت بالمشاركة 8 أبريل, 2012 السلام عليك ورحمة الله وبركاته ^____^ ربي يبارك فيك هبة الحبيبة ويبارك في هذا القلم ويجعله سببا لك في دخول الجنة .. موضوعك كان رائعا وأتمنى أن تعيدي النظر في انهائه ..فكما قالت الأخوات هناك الكثير والكثير من المواضيع التي تستطيعين مناقشتها بأسلوبك اللطيف أستعيني بالله .. واحتسبي جهدك لله عزوجل ... وفي انتظار حلقات جديدة من الست ذكية :)) وانا اضم صوتى لصوت مشرفتنا الحبيبة حقآ انها حلقات رائعة فهناك الكثير الكثير يحصل فى البيوت ومع الست ذكية نحاول نصلحها وكله فى ميزان حسناتنا ههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 أبريل, 2012 يامرحب يا مرحب بالقمرات حبايب ذكية هو يرانى هو حسبى ربنا يرجعك بالسلامة يانضرى وتقعدى فى المنتدى من غير تنطيط وكل شوية تلمى هدومك وتمشى . ماشى ياضنايا لو عايزة تبعتى الحلقات لصحباتك وماله ياضنايا بس عليها الختم بتاعى حواء انتى يختى مايتعملش عنك حلقة انتى يتعمل عنك مسلسل مية وستين حلقة زى التراكوة هو انتى اقل من سيلا يا ام عنين كحيلة متلهفة منورة يا كوكى وواحشة ذكية يا عينها الجوانية سجودة بناء على طلب الجماهير ياابلة هكبس على نفسك تانى معلش مع انى عارفة انك بتحبى ذكية من قلبك سندس اهلا ياسندوسة قلبى ادينى جيت وهنزل حلقة جديدة ياكشى تعجبك عشان يبقا صوتك ماجاش ع الفاضى شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 أبريل, 2012 *~* يوميــ الست ذكية ـــــــات *~* (26) بقــ هبةنور ــلم ذكية النهاردة قاعدة فى البلاكونة فى الطراوة هى وجارتها فتحية وعمالين يتسامروا ويتجاذبو اطراف الحديث لحد ماقربت تتقطع منهم بعيد عنكو تعالوا نشوف بيقولوا ايه الله يا ذكية .اما بلاكونتك طراوة بشكل ليه يختى هو انتى محرومة من البلكونات .دانتى بلكونتك فوق بلاكونتى لزم اصل ياذكية يختى مكومة فيها البصل والتوم بتوع الخزين ومش بعرف اخشها اخص عليكى يعنى مخزنة بصل وتوم ومش هاين عليكى تدينى منهم كيلو ولا اتنين ياحلاوة يختى .ماتشترى انتى يا ذكية .هو انتى كدة على طول عايزة ابو بلاش كدة برضو يا فتحية .طيب يختى مش عايزة منك حاجة احسن برضو بصى كدة يا فتحية شوفى مين البت اللى داخلة العمارة دى سلامة نظرك دى البت شاكيرا بنت ماجدة ومالها نضفت اوى كدة اسكتى مش ابوها جه من السفر امبارح وجايبلهم شئ وشويات عقبال امالتك اتارى ماجدة مش باينة النهاردة بطوله .عشان جوزها جه بقا .طيب خليكى لما اقوم اصطاد البت ع السلم واستفهم منها بت يا شاكيرا نعم يا خالتى ذكية تعالى لما اقولك كلمة يا عين خالتك ادخلى حاضر يحضرلك الخير يختى اقعدى يا شاكيرا طيب حضرتك عايزة ايه يا خالتى ذكية عشان كدة هتأخر على ماما طب خدى قشرتلك يوستفندياية كلى شكرا يا خالتى ذكية الله فستانك حلو اوى يا شاكيرا جايباه منين عشان اجيب لدودو واحد لا يا خالتى مش هتلاقى زيه هنا .اصل بابا جابهولى وهو جاى من السفر هو بابا جه يا حبيبتى .ماكنتش اعرف .حمدلله على سلامته الله يسلمك وتلاقى امك بقا كانت عملاله المحمر والمشمر مااعرفش ياخالتى ذكية وياترى جاب لامك ايه بقا مااعرفش ياخالتى ذكية يابت ماتبقيش سوسة كدة زى اللى خلفتك .ماتقولى ابوكى جاب ايه لامك مااعرفش ياخالتى ذكية هو هيسافر تانى ولا هيقعد معاكو على طول مااعرفش يا خالتى ذكية يابت عيب عليكى انطقى ماتبقيش رزلة زى امك ماما قالتلى لما حد يسألك عن حاجة تخص البيت قولى مااعرفش جاتك مصيبة طالعة لامك الواحد مايعرفش ياخد منها معلومة مفيدة .هاتى يابت اليوستفندياية خسارة فيكى اهيه مش عايزاها قولى لامك هطلع ازورها كمان شوية حاضر اهلا ياذكية يختى منورة ايه الحلاوة دى كلها يا ماجدة يادلعو يادلعو .ايه العباية الملوكى اللى انتى لبساها دى محمود جابهالى معاه يختى حلوة اوى اوى يختى اتفضليها ياحبيبتى ماتغلاش عليكى صحيح يختى طب هاتيها وماترجعيش فى كلامك اشربى الشاى ياذكية هو انتى جايبة شاى من ابو فتلة .داانا بحبه اوى وماله ياحبيبتى اديكى علبة بحالها من عينى .هاتى علبة شاى لخالتك ذكية ياشاكيرا حاضر ياماما يابختك يا ماجدة .جوزك بيسافر ويجيبلك الحلو كله .مش زى حالاتى يختى يابختى على ايه .انتى اللى يابختك ياذكية جوزك قاعد جنبك داخل خارج عليكى ولو عوزتيه فى اى وقت تلاقيه جنبك الله اكبر فى عينك يا ماجدة .ماانا عارفاكى طول عمرك تحسدى الاقرع على شعر حواجبه مش برد على كلامك ياذكية .صونى النعمة اللى انتى فيها يختى .والله ياذكية انا عندى اكلها بدقة بس جوزى يبقا جنبى وجنب العيال طيب يختى انا نازلة اشوف حالى بالسلامة يا ذكية السلام عليكم عليكم السلام يا عبد الصمد خدى يا حبيبتى جبتلك حلاوة طحينية يا دى الوكسة اللى انتى فيها ياذكية عبد الصمد اتشملل وجابلك حلاوة طحينية ياما جاب الغراب لامه ياخويا انا غراب يا ام قردان .وبعدين فى لسانك اللى عايز قصه ده ياخويا انتى مابتشوفش الرجالة بيجيبو ايه لستاتهم .انا طلعت عند ماجدة اتفرست ونزلت التفاح الامريكانى من كتره معلاقاه فى النجف غير الجبنة الجنزوريلا والجبنة الفاكفورت وحاجات عمرى ماسمعت عنها وده يديكى الحق تقلى ادبك على جوزك يعنى الحق عليه جايبلك الحلاوة الطحينية اللى بتحبيها كرهتها يا عبد الصمد كرهتها سم ومش عايزاها تعتب بيتى تانى ياذكية الست لما جوزها يجيبلها حاجة حتى لو بسيطة لازم تشكره وكفاية انه افتكرها ومش ناسيها ياذكية انا كنت دايما اشوف امى حتى لو ابويا داخل بحزمة فجل تقوله ربنا يخليك وتعيش وتجيب وعمره ماغلطت وقالت ياما جاب الغراب لامه سيبنى فى حالى ياعبد الصمد طيب قوليلى نفسك تاكلى ايه واجيبه حالا بجد ياعبد الصمد طبعا هو انا عندى اعز منك نفسى اكل كباب وكفتة وطرب حاضر .هتصل اجيب حالا من الحاتى يا حياتى الكباب وصل ياولاد يلا بسرعة يلا ياذكية ايه رأيك فى ريحة الكباب والكفتة حلوة حلوة حلوة اوى يا عبد الصمد طيب ادينى شممتك ريحته ادعيلى بقا ربنا يخليك ياخويا . ناولنى رغيف لا يا روح قلبى انسى انتى مش هتدوقيه اصلا ايه ايه ايه يعنى ايه يا عبد الصمد .انا نفسى فى الكباب حرام عليك لازم تتعلمى الادب وتقدرى جوزك وماتغلطيش فيه طيب وانا هاكل ايه دلوقتى روحى اسألى الغراب وامه منتديات أخوات طريق الإسلام 1 شارك هذه المشاركه رابط المشاركه شارك
