يلا نساعد بعض على صلاة الفجر(شاركونا)

[الجزائرية أسماء 0]

ازيكم يابنات والله ماشاء الله همتكم عالية وتفرح اوى

ازيك سنبولة انا الحمد لله بخير وكتاكيتى بخير

ام الزهراء زعائدة عاملين ايه وحشتونى فعلا

الاخت العسولة زينب شكرا لسؤالك

وكمان اريد رحمة الله همتك عالية ومشجعة جدا ربنا يدمها عليكم

 

واهلا بعبير الفردوس ان شاء الله مداومة معانا وكمان الجزائرية اسماء

 

اما الاخت الحبيبة نورة الجزائرية فانا مستغربة ومش فاهمة انتى نورة الجزائرية اللى نعرفها من فترة فى الصيام كمان اكثر ولا تشابه ولو انتى امال ليه اسمك اتغير ومشاركتك اختلفت

عموما فى جميع الاحوال لو مش انتى اهلا معانا شرفتينى ولو انتى يبقى الف اهلين بعودتك فرحانة بسلامتك ويارب تكونى نورة اللى اعرفها فعلا

عزيزتي شهد الحسن أنا أسماء الجزائرية ولست بنورة الجزائرية ان شاء الله ربي يجعلنا الكل اخوة و صحبة خير ربي يجازيك شكرا

[أم رحمة السلفيه 0]

السلام عليكم ورحمة الله وبركاته،،

 

أريد رحمة الله تعالى

كيفك يا عسل ان شاء الله بخير

ان شاء الله اجي بس هادا الاسبوع مش فاضيه كثير

احبك في الله :)

 

حبيبتى سنبوله

انا بخير ولله الحمد والله يعينك حبيبتى ويبارك فى وقتك

احبك الذى احببتنى فيه

 

أنا أخيراً رجعتلكم والحمد لله

وإن شاء الله مش هسيبكم تانى بأذن الله

أحبكم فى الله

 

اخيتى الصفاء

عودا حميدا غاليتى

واحنا اللى مش هنسيبك

احبك الذى احببتنا فيه

 

غاليتى

بسمه الحياه

 

الحبيبة اريد رحمةالله تعالى باركك الرحمان و جزاك خيرا

 

ولك بالمثل حبيبتى

 

 

العسل

الجزائريه اسماء

 

وكمان اريد رحمة الله همتك عالية ومشجعة جدا ربنا يدمها عليكم

 

 

بارك الله فيك حبيبتى وهذه الهمه من وجودنا معا الله يديم علينا هذه الصحبه الصالحه

لله الحمد والمنه صليت الفجر

[شهد الحسن 0]

السلام عليكم ورحمة الله وبركاته

ازيكم يا احلى بنات عاملين ايه؟ يارب تكونوا بخير

حمد الله على السلامة يا احلى بسومة وحشانى جدا وصفاء حبيبتى فينك يابنتى كده برضوا بس الحمد لله انك رجعت

اما اسماء الجزائرية فطبعا ان شاء الله نكون صحبة خير وانا عارفة انك مش نورة الجزائرية جايز بس انى اتلخبطت فى الاسم

سنبولة انتى كمان وحشانى

ام الزهراء عاملة ايه ؟دايما نشيطة يارب

حاملة شعار الاسلام واريد رحمة الله منورين والله وعاملين احلى شغل فى احلى صحبة ربنا يزيد همتكم يارب

 

ايه المجاهدة بارك الله فيكى وثبتك

عاوزة منكم دعوة جامدة اوى يابنات احسن بدأت الخبط فى الالتزام بصلاة الفجر بشكل مش حلو ربنا يستر ويقوينى ويثبتنى وده مدايقنىة ومبوظ حياتى يارب اعرف اظبط نفسى تانى على الوقت بالظبط يوميا

 

ادعولى

[أم رحمة السلفيه 0]

السلام عليكم ورحمة الله وبركاته،،

اهلا بالغاليات

لله الحمد والمنه صليت الفجر

شهوده

تسلمى حبيبتى ويسلم تمك اللى عم بينقط شهد مكرر

اللهم اعنا على ذكرك وشكرك وحسن عبادتك

[أم رحمة السلفيه 0]

اهلا بالغاليات

انتوا هتسبونى لوحدى كده كتير

ايه الكسل ده اخبار صلاه الفجر اييييييييييييييييييييييييييييييييييه

الحمد لله صليت الفجر

[شهد الحسن 0]

السلام عليكم ورحمة الله وبركاته

 

ازيكم يابنات عاملين ايه؟

فى غياب كثير اوى فعلا ربنا يثبتنا ويقدرنا يارب على الطاعات

[حامله شعار الاسلام 0]

السلام عليكم ورحمة الله وبركاته،،

أهلا بالحبايب

أنا صليت امبارح الفجر لكن يا خساره نمت متأخر أوي فمصحتش

انتوا شو أخباركوا؟

الاخت

شهد الحسن

انت ازيك احنا ولله الحمد كويسين ومحتاجين لدعائكم .

الاخت

سموره

انت شو اخبارك لا يا حبيبي مو نسيبك لوحدك وابقي طمنيني عليكي .

[أم الزهراء المصرية 11]

السلام عليكم ورحمة الله وبركاته،،

 

حبيباتي في أحلى صحبة صحبة الفجر

 

ّالصفاءّ

أنا أخيراً رجعتلكم والحمد لله وكان عندى شوية ظروف كده

وإن شاء الله مش هسيبكم تانى بأذن الله

أحبكم فى الله

ألف حمدا لله على سلامتك ، أحبكِ الذي أحببتنا فيه

 

بسمة الحياة

ام الزهراء ربنا يخليك و يجمعني بيك في الجنة يا رب وحشتيني او بالمغربي توحشتك بزاااف

اللهم آمين وأنا توحشتك بزاااف بزاااف :wub:

 

الجزائرية أسماء

ام الزهراء وعائدة عاملين ايه وحشتونى فعلا

بخير حبيبتي والحمد لله أعتقد مرمورة لسة مسافرة إن شاء الله ترجع بألف سلامة

 

شهد الحسن

ام الزهراء عاملة ايه ؟دايما نشيطة يارب

الله يبارك فيكِ حبيبتي أنا بخير ولله الحمد

 

أريد رحمة الله تعالى

 

ما شاء الله نشيطة لكن اليوم ما ظهرتِ في المسابقة لعله خير إن شاء الله

 

حامله شعار الاسلام

 

منورة حبيبتي دايما ربنا يبارك فيكِ

 

بفضل الله صليت الفجر في وقته... أسأل الله أن يتقبل مني ومنكم صالح الأعمال

[أم رحمة السلفيه 0]

السلام عليكم ورحمة الله وبركاته،،

حبيبتى ام الزهراء

 

 

ما شاء الله نشيطة لكن اليوم ما ظهرتِ في المسابقة لعله خير إن شاء الله

 

 

 

والله انا مكسوفه منك جدا لكن والله مالى ذنب النت كان مقطوع ولسه واصل دلوقت

ان شاء الله اتابع غدا

 

 

اخيتى حامله الشعارانا بخير يا غاليه وعايزه الصفحه منوره بك على طول

 

 

شهوده يا قمر منوره

 

اللهم انا نسألك التثبيت

 

انا عندى عذر شرعى

ولكنى لا اتخيل عدم المرور على حبيبات قلبى للاطمئنان

[أم رحمة السلفيه 0]

اين انتن يا فراشات الفجر

[حامله شعار الاسلام 0]

السلام عليكم ورحمة الله وبركاته،،

انا و الحمد لله صليت الفجر .

ّالصفاءّ

أنا أخيراً رجعتلكم والحمد لله وكان عندى شوية ظروف كده

وإن شاء الله مش هسيبكم تانى بأذن الله

أحبكم فى الله

ألف حمدا لله على سلامتك ، أحبكِ الذي أحببتنا فيه

 

اريد رحمة الله جزاك اله خير علي الرد

 

ام الزهراء

جزاك الله خيرعلي سؤالك

الجزائريه أسماء

جزانا الله وايك يا حبيبتي

 

 

محبتكن في الله

زوزو :arrow:

تم تعديل 21 أغسطس, 2007 بواسطة حامله شعار الاسلام

[بسمة الحياة 0]

السلام عليكم ورحمة الله وبركاته،،

 

كيف انتن يا فراشات الفجر انا في اجازة بس قلت ادخل اسلم و اطمن عليكم

 

ام الزهراء التهج المغربية مسرورة بيك ههههههههه ربنا يجمعنا و يوحدنا على طريق الهدى

 

اريد رحمة الله و نحن لا نتخيل الصفحة بدونك ادام الله الود بيننا و جمعنا على طاعته

 

حاملة شعار الاسلام همة عالية و نشاط ما شاء الله حفظك الله و ثبتك

 

شهودة هنبتدي لماضة و لا ايه مش عارفة نهاية العبط و الاستهبال ده ايه انت تغيبي و ترجعي تقولي كلمتين و تغطسي ثاني و تقولي عدولي

 

الغياب كثير يا بنات يا رب يكون المانع خير

 

احبكن في الله

[حامله شعار الاسلام 0]

السلام عليكم ورحمة الله وبركاته،،

يا هلا يا هلا

حاملة شعار الاسلام همة عالية و نشاط ما شاء الله حفظك الله و ثبتك

 

 

جزاك الله خير اللهم إستجب دعائك.

وارزقك الهمه .

 

شهودة هنبتدي لماضة و لا ايه مش عارفة نهاية العبط و الاستهبال ده ايه انت تغيبي و ترجعي تقولي كلمتين و تغطسي ثاني و تقولي عدولي

 

بقولك ايه عيب تقولي كدا وانا اعده ولا ايه مش خيفه انا هجيب العصيان والخراطيم وانا بسجل صليت الفجر ولو لقيت حاجه كدا ولاكدا هضرب في المليان هههههههههههههههههههه

أضحك الله سنك يا حبيبتي انا سمحالك انت بس تقولي اللي انت عوزاه .

سلااااااااااااااااام يا فراشاااااااااااااااات .

[بسمة الحياة 0]

بقولك ايه عيب تقولي كدا وانا اعده ولا ايه مش خيفه انا هجيب العصيان والخراطيم وانا بسجل صليت الفجر ولو لقيت حاجه كدا ولاكدا هضرب في المليان هههههههههههههههههههه

 

لا يا ختي انت ما تعرفنيش انا بحذف شباشب من الجهاز و بضرب جامد هما طفشو من شوية ههههههه

 

بس انت باين عليك جامدة هجيبك في صفي يللا ساعديني نشد شوية على البنات علشان نرجع للصفحة حيويتها و نعاقب المتغيبات رمضان على الابواب و لازم نشحذ الهمم

 

اللهم بلغنا رمضان و اجعلنا منعتقائك في هذا الشهر الكريم آميييين

[حامله شعار الاسلام 0]

لا يا ختي انت ما تعرفنيش انا بحذف شباشب من الجهاز و بضرب جامد هما طفشو من شوية ههههههه

بس انت باين عليك جامدة هجيبك في صفي يللا ساعديني نشد شوية على البنات علشان نرجع للصفحة حيويتها و نعاقب المتغيبات رمضان على الابواب و لازم نشحذ الهمم[/quotههههههههههههههههههه أنت تحفه بجد

 

 

 

اه يلا نأسس حزب اللي بيضربوا ,هههههههههههههههههههههههههههههه.

 

 

بس علي فكره مفيش كمبيوتر في رمضان لي أي حد في المنتدي علشان تتفرغوا للعبادا ولولقيت حد بيشارك في رمضان مش هيحصل طيب هجيب المشنقه .

هههههههههه

 

 

وكدا كدا أنا مش هخش المنتدي تاني من بداية شهر 9 لغايت لما أخلص امتحانات الثانويه وعقبال عندك أنا ثناويه عميه اوعيمه زي متحبي .

 

 

بس أنا عوزا أعرف حضرتك كبيره ولا لأ ؟؟؟؟؟؟؟ علشان يعني لو كبيره هلتزم في كلامي .

[أم رحمة السلفيه 0]

السلام عليكم ورحمة الله وبركاته،،

 

بسمه ياقمر جزاك الله خيرا يا غاليه تسلميلى

اريد رحمة الله و نحن لا نتخيل الصفحة بدونك ادام الله الود بيننا و جمعنا على طاعته

وان حبيبتى لا اتخيل الصفحه بدون اى واحد من القمرات

زوزو يا قمر ايه النشاط ده يا رب دايما منوره

 

 

بقولك ايه عيب تقولي كدا وانا اعده ولا ايه مش خيفه انا هجيب العصيان والخراطيم وانا بسجل صليت الفجر ولو لقيت حاجه كدا ولاكدا هضرب في المليان هههههههههههههههههههه

 

 

لا يا ختي انت ما تعرفنيش انا بحذف شباشب من الجهاز و بضرب جامد هما طفشو من شوية ههههههه

 

بس انت باين عليك جامدة هجيبك في صفي يللا ساعديني نشد شوية على البنات علشان نرجع للصفحة حيويتها و نعاقب المتغيبات رمضان على الابواب و لازم نشحذ الهمم

 

اللهم بلغنا رمضان و اجعلنا منعتقائك في هذا الشهر الكريم آميييين

بسمه و زوزو

ايه الاجرام اللى انتو فيه ده

طب زوزو معزوره داخله على ثانويه عاميه ومخها قرب يضرب ربن يعنها يارب

بسمه بقى عايزه اعرف هى فى سنه كام عشان اعرف معزوره ولا لا

على فكره انا اجازه بس هدخل كل يوم عشان اشوف اخرتها معاكو ايه

بارك الله فيكن

المهم لا تنسو الفجر

والله انا خايفه على الصفحه دى منكم

[* أم بلال * 2]

السلام عليكم ورحمة الله

ممكن حتة صغيرة اصلي فيها معاكم؟؟؟

أحبكن في الله

[أم رحمة السلفيه 0]

السلام عليكم ورحمة الله

ممكن حتة صغيرة اصلي فيها معاكم؟؟؟

أحبكن في الله

 

 

حته صغيره بس

ده انتى تنورينا وتفرحينا وتكترينا وتسعدينا والشرف لينا

ايه ده انا بقيت اقول شعر

اهلا ومرحبا يا قمر

اللهم ذد وبارك فى صحبتنا الصالحه

[أبرار الجنة 3]

السلام عليكم ورحمة الله وبركاته،،

 

ازيكم يا أحلي صحبة صحبة اهل الفجر

 

أنا عارفه ان غبتي طالت اوووووووووووووووي

 

بس عارفه انكم قلبكم كبير وهتسمحوني والله غصب عني

 

والله كان عندي ظروف صعبه جدااااااااااااااااا ودا اللي منعني منكم

 

انا مش هطول عليكم انا في اجازه بس وحشتوني وقلن اسلم عليكم

 

تقبل الله منكم صالح الاعمال

 

ادعولي يا احلي صحبه

 

تو جنـه

[ّالصفاءّ 0]

السلام عليكم ورحمة الله وبركاته

أزيكم يا عساسيل ؟ :ninja: معلش دخلت متأخر بس النت كان قاطع ولسه جاى

أزيك يا أختى حاملة شعار الأسلام وبسمة الحياة وأريد رحمة الله تعالى وبنت الأسلام وto ghnnah،أزيكم كلكم ؟ :tongue:

ما شاء الله أنا شيفه شباشب وخراطيم وعصيان :icon15: ، ربنا يستر ، هههههه

أنا على فكرة هاعمل زى أختى حاملة شعار الأسلام ومش هدخل النت فى رمضان

لأنى فى ثانوية بامية قصدى عامية وطبعاً رمضان داخل مع المدارس ، معتقدش أنى هلاقى وقت خالص أدخل فيه النت

بس لو لقيت وقت فاضى هاحاول أدخل فيه إن شاء الله

اللهم بلغنا رمضان

أمين

أحبكم فى الله

[أم رحمة السلفيه 0]

صباح الفل عليكم يا قمرات

تو جنه

فى انتظار عودتك ان شاء الله

الصفاء

ربنا يبارك فيكى يا سكر

زوزو

يا قمر انتى فين

انتوا كلكوا طلعتوا ثانويه عاميه

بعد كده يا بنت انتى وهى تقولوا يا خالتو يا عمتوا

لكن سموره لوحدها كده مش هينفع انا طلعت من زمان قوىىىىىىىىىىىىىىىىىىىىى

المهم طبعا مش عايزه اشوف وش واحده فيكم يا بتوع الثانويه العميه انتوا

وده مش فى رمضان بس

ده طول ايام الدراسه

وابقوا نقوا يوم فى الاسبوع الخميس ولا الجمعه تدخلوا فيه نطمئن عليكم وتقدموا تقرير العبادات وصلاه الفجر والمذاكره

سامعين الكلام ده قصدى شايفين الكلام ده

المهم اخبار صلاه الفجر اييييييييييييييييييييييه

انا شايفه انها اتقلبت صفحه سلامات بس ومحدش بيجيب سيره صلاه الفجر

يلا انا مستنيه تقرير الصلاه

استودعكن الله يا حبيبات قلبى

[بسمة الحياة 0]

ايه الهنا ده كله بنت الاسلام و الصفاء و توجنة كلهم كده بربطة المعلم يارب مكنش بحلم وحشتونا يا بنات الحمد لله انكم رجعتو لينا من جديد

 

توجنة حبيبتي ابقي كلميني واحكيلي لما تلاقي وقت مستنياك

 

ايه الكتاكيت اللي حتحرمنا من وجودها في رمضان دي اللي في ثانوية بامية و اللي في ثانوية عامية تلميذات آخر الزمن بس الكلام مش دلوقت كلامي معاكو هيبقى بعد الامتحانات اما نشوف النتايج و يارب ما تطلعش عامية و لا بامية هي كمان ههههه

 

 

زوزو و سمر :oops: اتلمي يا بت انت و هي و خلو عندكم شوية خشا ايه مفيش احترام لخالتو بسمة و قال ايه بيسالوني انت في سنة كام و سنك كام يا بنتي انا نسيت الهم ده من زمان انا يا ماما عندي بنتين و الكبيرة عندها 11 سنة احسبوها انتو بقى بلا احراج بلا وكسة.

 

و الست اللي عاوزة تمنعنا من النت في رمضان :huh: كان غيرك اشطر يا ماما انا اصلا ممنوعة من الجلوس على الجهاز علشان ظروف صحية بس صحبتكم لا تقاوم كل شوية بلاقي نفسي داخلة اشقر عليكم

و على فكرة انا اول رمضان قضيته مع احلى صحبة كان اجمل رمضان و كنت فيه اقرب الى الله و اشد حرصا على الطاعات و طمعانة ان رمضان اللي بيطرق ابوابنا ده يكون ان شاء الله اجمل و نقدر نعين بعض اكثر على الثبات في طريق النور بالمنافسة و شحذ الهمم.

 

اللهم اجعلنا من عتقائك في رمضان. :oops:

 

انا لسه اجازة يا سمورة يعني مفيش تقرير :oops:

 

احبكن في الله :oops:

[أم رحمة السلفيه 0]

السلام عليكم ورحمة الله وبركاته،،

 

غاليتى بســــــــــــــــــــــــــــمه

انا سموره اوعى تكونى افتكرتينى انا كمان فى ثانويه عاميه

انا احتمال اكون من سنك او اكبر شويه

احنا مش عايزين البنات دى تعطل نفسها عن المذاكره ومتدخلش طول الدراسه الا يوم واحد فى الاسبوع

واحنا بقى الى خلصنا من وجع القلب ده ان شاء الله نعين بعض على الطاعه فى رمضان

وان شاء الله يبقى احلى رمضان مع احلى صحبه

على فكره انا برده اجازه

بس بدخل اشوف اخبار فراشات الفجر ايه

ايه رايك فى كسل مش كده

احبك فى الله

[* أم بلال * 2]

السلام عليكم ورحمة الله وبركاته

الحمد لله صليت الفجر في موعده البارح لكن نسيت اسجل

اعذروني حبوباتي

"أريد رحمة الله تعالى" ، "الصفاء"، "بسمة الحياة" ،"إلى الجنة" جوزيتن خيرا على ترحيبكن بي

ادام الله هذه الصحبة في طاعته

أحبكن في الله

[أنين الاقصى 3]

السلام عليكم ورحمة الله وبركاته،،

 

كيفكن اخواتي الحبيبات جميعاًًًًااااا

 

الحمدلله صليت

 

وكل يوم بصلي والحمدلله

 

بس هذه الايام ما بقدر افوت اسجل لظروف خارجه عن ارادتي

 

ان شاء الله احول اليوم اسجل الصبح

 

تقبل الله منا ومنكم صالح الاعمال

 

محبتكن في الله:)