سلسلة " المكـــــــرونة حـــــــرام "

[.. همســة قلــب .. 620]

(( 4 ))

 

 

ودلوقتى بعد الفاصل

 

ربما حد يقول

 

الصور الكاريكاترية دى شوفناها

قبل كدا كتير

 

ومجبتش جديد انت يعنى ؟!!

 

طيب انا هتكلم فى جزئية جديدة الان

 

وركز معاى شوية

 

 

اية هى الحكمة من الحجاب والنقاب ؟؟؟؟؟؟؟؟

 

ودا هدف السلسلة

 

لو عرفنا الهدف والحكمة الربانية هنعرف اصول الحجاب

وهنصلح اخطائنا من نفسنا من غير ما حد يوجهنا

 

حكمة الحجاب والنقاب بشكل عام وتغطية المرأة

هو لمصلحة المرأة والراجل

 

 

لما البنت بتبقى جسمها عريان وبارز وشعرها بيرفرف كدا

على كتافها والهوا بيطيرة

 

- بيطير ام عقل الشباب وبيبتدوا ينظروا للبنت على انها

مجرد سلعة للمتعة فقط (يعنى بتخلى نفسك رخيصة)

 

 

- وحاجة تانية ان بيحرك الشهوات عند الراجل والست كمان

و دا بيسبب انتشار الفساد والكبت النفسى والعلاقات غير الشرعيه فى المجتمع وبتبتدى تنتشر العلاقات والعادات السيئة بين الجنسين وظاهرة التحرش وغيرها

 

 

- علميا اكتشفوا ان جسم المرأة مش مثير لشهوة الراجل بس

بل كمان مثير لشهوة البنت يعنى لو بنت شافت جسم بنت تانية دا بيثير شهوتها

 

 

-الحجاب مفيد لنشر العفة والاحترام والحشمة بين الشباب والبنات

 

 

-بيخليكي غالية فى نظر الناس وطاهرة وعفيفة ومحترمة

 

 

- حصانة للمسلمة من اى اخطار خارجية والشباب عارفين قصدى

 

- اعجاز علمى اكتشفوة حديث لفائدة الحجاب ...

 

وهو :

 

 

 

الحجاب يقلل من سرطان البلعوم

ان الله عز وجل عالم بعباده وما يصلح لهم في كل زمان ومكان ولم يأمرنا بخير إلا هو صلاح وسعادة لنا ولم ينهنا عن شر إلا هو شر وفساد علينا.. فسبحان الله الحجاب وبمشيئة من الله يمنع سرطان البلعوم...

فقد أعلن الدكتور "ملكر" البروفيسور الكندي(وهو ‏غير مسلم) رئيس قسم الأورام في مركز ‏الأميرة نورة للأورام بمدينة الملك عبد العزيز بجدة أن ‏إصابة السيدات السعوديات بمرض سرطان البلعوم الأنفي أقل بكثير منها لدى ‏الرجال.. وكذلك لدى النساء مقارنة بمختلف دول العالم.

 

مشيراً إلى أنه توصل لهذا الكشف العلمي ‏المهم بعد دراسة استمرت ثلاث سنوات عمل خلالها على تقص دقيق لجميع ‏الإحصائيات لأكثر من (112) دولة في العالم في كل من أمريكا وأوربا ‏وأفريقيا واستراليا وآسيا..

حيث وجد أن نسبة الإصابة بهذا ‏المرض بين الرجال والنساء متساوية في العديد من دول العالم، وتزيد بين ‏النساء في دول أخرى.. إلا في المملكة العربية السعودية؛ فإن نسبة إصابة ‏النساء بهذا المرض لا تكاد تذكر.. ولا تتجاوز 2% من معدل الإصابة.‏

 

 

وبعد البحث والدراسة لانخفاض نسبة الإصابة في النساء ‏السعوديات بهذا المرض أكد البروفيسور ملكر أنه لا يوجد سبب آخر لحماية ‏السيدات السعوديات من هذا النوع من السرطانات غير ارتداء الحجاب ومحافظتهن على ارتداءه , والذي يقيهن (بعد قدرة الله ) من الإصابة بفيروس هذا المرض الذي يطلق عليه (اييستاين ‏بار( وهو يحمل جينات لا تصيب إلا هذه المنطقة من الجسم.... لأن ‏بلاداً تقع بالقرب من المملكة العربية السعودية، وفيها نفس الظروف المناخية ‏والغذائية تصل نسبة الإصابة بين النساء فيها إلى 50% مقارنة بالرجال...

 

 

2. الحجاب يحافظ صحة وسلامة الشعر ويمنعه من التقصف

 

قد أثبتت البحوث أن تيارات الهواء، وأشعة الشمس المباشرة تؤدي إلى فقدان الشعر لنعومته، وشحوب لونه، فتصبح الشعرة خشنة جرباء (باهته) ، كما ثبت أن الهواء الخارجي ) الأوكسيجن الجوي)، وتهوية الشعر، ليس له أي دور في تغذية الشعر، ذلك أن الجزء الذي يظهر من الشعر على سطح الرأس وهو ما يعرف بقصبة الشعر عبارة عن خلايا قرنية (ليس بها حياة )، وهي تستطيل بانقسام برعم الشعر الموجود داخل الجلد.. وهذا الجزء النشيط والذي يؤدي انقسامه إلى استطالة الشعر بمعدل نصف ملليمتر كل يوم، يحصل على غذائه من الأوعية الدموية داخل الجلد..

 

ومن هنا نستطيع القول، بأن صحة الشعر تتبع صحة الجسم عامة.. وأن أي شيء يؤثر على صحة الجسم من مرض، أو نقص في التغذية يؤدي الى ضعف في الشعر.

 

وفي حالة ارتداء الحجاب، يكفي غسل الشعر بالصابون أو الشامبو مرتين او ثلاثاً في الأسبوع، حسب درجة تدهن البشرة..

وينبغي ألا يقل تكرار غسل الشعر عن هذا المعدل في كل الأحوال.. إذ إنه بعد مضي ثلاثة أيام تبدأ الدهون في التحلل إلى أحماض دهنية، وهذا يؤدي إلى كسر قصبة الشعر أي : تقصف الشعر

 

ولمن قرأ الحقائق السابقه له الثالثه مجانا

 

فلكم هذا الاكتشاف العلمى الحديث :

 

لقد أثبتت البحوث العلمية الحديثة أن تبرج المرأة وعريها يعد وبالا عليها حيث أشارت الإحصائيات الحالية إلى انتشار مرض السرطان الخبيث في الأجزاء العارية من أجساد النساء ولا سيما الفتيات اللآتى يلبسن الملابس القصيرة

 

 

فلقد نشر في المجلة الطبية البريطانية : أن السرطان الخبيث الميلانوما الخبيثة والذي كان من أندر أنواع السرطان أصبح الآن في تزايد وأن عدد الإصابات في الفتيات في مقتبل العمر يتضاعف حاليا حيث يصبن به في أرجلهن وأن السبب الرئيسى لشيوع هذا السرطان الخبيث هو انتشار الأزياء القصيرة التي تعرض جسد النساء لأشعة الشمس فترات طويلة على مر السنة ولا تفيد الجوارب الشفافة أو النايلون في الوقاية منه .

 

وهذا المرض ينتج عن تعرض الجسم لأشعة الشمس والأشعة فوق البنفسجية فترات طويله

[.. همســة قلــب .. 620]

وبالرغم من هذه الفوائد نقول لكل اخوتنا

اخلصى النية لله والبسى الحجاب بنية رضا الله بس

مش بنية الحماية من الامراض او غيرها

 

 

نيجي بئى نعرف اية قصة الحرب ع الحجاب

 

ما طالما الحجاب حلو اوى كدا لية بيتحارب ؟؟

 

 

بإختصار بدون رغى ولازم احكى القصة التاريخية من اولها

وعشان الموضوع ميطولش اكتر من كدا وعشان انتم

مش هتستحملوا تقروا كل دا

 

هجبلكم السر والزتونة فى الحوار

 

هدف اليهود هو احتلال الدول العربية والاستحواذ على ثرواتها

(من النيل للفرات)

 

وطبعا دا مطمع لدول العالم كلة

 

 

فالناس دى مش بتلعب وشغالين والعلم عندهم وصل

لاعلى درجاته لدرجة انهم عارفين الدين اكتر من كتير

من المسلمين

 

ولما عرفوا ان سبب قوة الشباب ودفاعهم عن البلاد الإسلامية

هو الالتزام بالدين وقوة العقل والبدن (ولانهم جبنا والقى الله فى قلوبهم الرعب من المسلمين زى ما ورد فى القران الكريم واحاديث رسولنا صلى الله عليه وسلم اكيد مش هيقدروا يواجهونا مهما تطورت الاسلحة ) ..فبحثوا لقوا ان السبب

هو العفة والالتزام والاحترام والحشمة داخل المجتمع

الإسلامى ..

 

 

 

واللى يقدر يتحكم فى موازين العفة والحشمة

اللى بيأدوا بدورهم لسلامة المجتمع وعدم فسادة وقوة العقل

والجسد للمسلمين هو المرأة المسلمة

 

 

فبدأ المخطط الخبيث لتدمير المجتمع الإسلامى

عن طريق المرأة المسلمة

 

 

وعلى مر التاريخ اتعملت حملات ومؤتمرات فى البلاد

العربية زى تونس والجزائر بحرية المرأة المتمثلة فى خلع

نقابها ثم حجابها

 

واللى كانت ليها الدور الاقوى اللى قامت بية صفية زغلول فى مصر وخلع النقاب

بحجة تحرير المرأة !!

 

 

 

ومازالت المؤتمرات والحملات والقوانين بتتعمل لمحاربة الحجاب على مر العصور لحد عامنا الحالى 2010 وستستمر ...

 

وكل دا ناتج من ثقافات التعابين اللى كانوا بيبثوا سمومهم

فى اذن الستات المسلمات فكانت الضربة بتيجي من ستات

المجتمع مش من برة

 

 

فالتمسك بالدين والعفة والاحتشام هو سبب

انتشار كل الخير فى الدنيا والاخرة

 

 

وادينا شايفين نتيجة تخلينا عن الحجاب والنقاب

الفساد ظهر فى كل مكان وبئى الشباب يجرى

ورا شهواتة سواء بنات او شباب

 

 

وخلاص محدش بقى فاضى لمحاربة اليهود

او اى عدوان يجي على بلدة

 

 

مبقاش فية دم ولا غيرة ولا حياء

 

كل اللى هامم الشباب الفورجة ع الافلام

 

وسماع الاغانى ليل ونهار والفسح والخروجات مع البوى فريند

 

والجيرل فريند والسهر والمصايف واللعب والسفر وقلة الادب

 

 

 

 

تفتكروا شباب زى دول وهم معظم شباب البلاد المسلمة

يقدروا يصدوا عدوان دخل بلدهم ؟؟

 

 

 

تفتكروا اليهود قدروا ينجحوا انهم يفككوا المسلمين

بإنهم يبعدوهم عن الدين والاخلاق عشان نبقى فريسة سهلة ليهم ؟

 

 

السؤال جوابة انتم اللى لازم تقولوه؟

[هبة عبد العظيم نور 2042]

إجابة السؤال

 

فعلا قدروا بشكل كبير ومش هنكدب ونقول لأ

 

هي اصلها خطوات محسوبة ومدروسة واحدة واحدة

 

كل حاجة يوصلولها واحدة واحدة وعلى مهلهم

 

من اول صفية زغلول لحد الحاجة اللي بتقول الحجاب حجاب القلب

 

من اول قاسم أمين لحد أبو الشنبات اللي بيقول ايه يعني لما مراتي تظهر جمالها ومفاتن جسمها

 

الشباب اللي بناطيلهم ساقطة واللي ضاربين الجيل في شعرهم

 

والبنات اللي تحرروا من وجهة نظرهم وبيخرجوا على كيفهم ويلبسوا على كيفهم ويصاحبو بوي فريندز على كيفهم

 

لحد ما وصلوا كتير للإلحاد والعياذ بالله

 

لو نلاحظ افلام السينما القديمة واللي كلها عري وفجور كانوا صناعها يهود

 

من ايام غنوة أم كلثوم هانم واللي بتفتي فيها عن عدم حرمانية القبلة اذا كانت للملهوف اللي على ورد الخد يطوف ههههههههههههه

 

كنت بتابع الافلام وانا صغيرة ومن ضمن كان فيه فيلم كوميدي وانا بشاهده على انه كوميدي ومجرد تسلية وللضحك

 

ولما كبرت انتبهت انه يدعوا الى تحرر البنت من القيود الاسرية والعائلية وان لها حرية التصرف في حياتها ولها ان تعمل بالرقص لأنه فن راقي

 

ولها ان تستقبل صديقها في البيت وعلى اهلها الا يعترضوا فهذا حقها

 

دلوقتي لو سمعت مجرد اسم الفيلم بتضايق جدا وبقول حسبي الله ونعم الوكيل

 

بجد قدروا اليهود يخترقوا المجتمع

 

عندهم امكانيات ميديا عالية جدا وعن طريقها قدروا يبثوا السموم في المجتمع

 

 

شكرا هموسة

 

اسجل استمرار المتابعة ان شاء الله

[.. همســة قلــب .. 620]

جزاكِ الله خيرا هوبة وتسعدني متابعتك عزيزتي :)

 

وربنا ينجينا ويحفظنا ويقينا شر الفتن ما ظهر منها وما بطن

 

بس أنا ممكن اقول ان لو اللى بيعملوه اليهود ممكن يأثر فينا يبقى

 

بيأثر في الشباب أكثر شئ وهى دي المصيبة الكبيرة :((

 

والله مش عارفة أقووووول ايه.........اللهم رحمتك نرجوا يا رب

[.~زينب محمد~. 100]

موضوع جميل هموسه

جزاك الله خيرا

متابعه معاكى

[.. همســة قلــب .. 620]

وجزاكِ خير الجزاء حبيبتي :)

 

تسعدني متابعتك أكييييييييييييييييييد

[.. همســة قلــب .. 620]

(( 5 ))

 

 

 

السلام عليكم

 

..................................................

هدف العالم كله وخصوصا اليهود هو احتلال واستحواذ البلاد الإسلامية ..

 

 

أظن هتقولى اية علاقة دا بالموضوع

 

هقولك العلاقة قوية جدا

 

هتقولى ازاى ؟؟

 

هقولك مش هيقدروا يهزمونا بأى شكل من الأشكال

 

لية يا عم دول عالم جامدة اوى

 

قوة المجتمع الإسلامى اقوى بكتير وهم عارفين دا

وقوة المجتمع العربى الاسلامى فى قوة تمسكة بالدين

والعفة وانتشار كـل الفضائل ودا اللى مش موجود

فى اى مجتمع تانى

 

طب وبعدين ؟

 

قالوا عشان يهزمونا لازم يقضوا على مجتمعنا

 

وعشان يقضوا ع مجتمعنا لازم يلاقوا نقطة ضعفنا

وهى المرأة

 

 

المرأة اللى تقدر تفسد المجتمع الإسلامى وتدمر الشباب

والرجال وتبعدهم عن الدين وبكدا قضوا على نقطة قوتنا

 

وابتدوا يحاولوا يلعبوا فى دماغ المرأة العربية المسلمة

ويقنعوها ان النقاب دا تخلف ورجعية وان خلعة تحرر وانفتاح وابتدوا يوروهم

البنات الغربيين ومدى تحررهم واستمتاعهم بجمالهم وبحقوقهم !!

 

فطبعا على مر العصور ابتدى النقاب بعد ما كان شئ اساسى

لكل الستات المسلمين فى المجتمع الإسلامى

ابتدى يقل وابتدت الهدوم تخف ترديجيا وتظهر موضات وطرق فى اللبس غريبة

 

وابتدى خلع حجاب الشعر

والملابس بعد ما كانت سودا وواسعة وحشمة

بقت ملونة ومجسمة .. لحد ما وصلنا لحالنا دا ..

 

فهم البنات الخاطئ للحجاب

 

شروط الحجاب الشرعى بتقضى على فكر البنات الحالى فى لبس الحجاب

( الموضة او الزينة والجمال)

 

 

- الحجاب من شروطة ان لا يكون زينة فى نفسة

(يعنى ميكونش منقبة او محجبة ولابسة واسع واللبس ملون وعليه زخارف وترتر وبتاع لان دا بيلفت نظر الشباب .. !!)

 

- ساتر لجميع البدن

(لان جسم المرأة كلة عورة ماعادا الوجه والكفين دول فيهم اختلاف)

(يعنى ولا الرجل باينة ولا شوز مفتوح ولا بتاع )

 

- انه ميكونش مجسم وباين اللى تحتية

(يعنى ميكونش راسم الجسم والا ميكونش ساتر حاجة)

(يعنى الباديهات والجيبات والبنطلونات المحزقة والمجسمة )

 

 

 

- انه ميكونش ضيق ويكون فضفاض واسع

 

 

- انه ميكونش معطر

(لان لو حطيتي عطر ومشيتى فى الشارع كل راجل بيشم ريحة عطرك بتتكتبى زانية !!)

واحدة هتقولى امال اعمل اية انزل ريحتى وحشة

(هقولك لا

عطر المرأة هو استخدام المواد اللى بتمنع الروائح الكريهة ..والعطر يبقى فى البيت للزوج )

 

 

...

 

من الأخر كل البنات بيلبسوا الحجاب وهدفهم هو الجماااال

والزينة !!

يعنى اللى تلاقى لبسها محترم وحاطة كحل وروج ومكياج

ومنكير فى الايد والرجل الى باينين !!

 

 

واللى لابسينة وهو محزق عشان يرسم الجسم عشان يبينوا المفاتن

 

واللى لابسينة عشان موضة

واللى لابسينة عشان شكلهم احلى بيه

واللى لابسينة لانة مجتمعهم فارضة عليهم

 

-----------

 

 

فى النهاية كلمة واحدة

 

بالله عليكم انتم كشباب وبنات

اية رأيكم فى منظر مجتمعنا وهو كلة بنات محترمة

 

تفتكروا مش 90 فى المية من الظواهر والمشاكل السلبية فى مجتمعنا الإسلامى مش هتنتهى ؟؟

 

متخافوش من انكم متتجوزوش

عمر التبرج وتبيين الجسم وترخيص النفس

ما بيجيب عرسان ولو جاب هيجيب واحد مش راجل

ميستاهلش ضفرك

 

 

بالعكس من ترك شيئاً لله عوضة الله خيرا منه

قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )

........

[howida_asia 0]

جزاك الله خيرا

[.. همســة قلــب .. 620]

وجزاكِ كل خير غاليتي :)

[**أم سلمى** 657]

جزاك الله خيرا همسه

[.. همســة قلــب .. 620]

وجزاكِ خير الجزاء غاليتي :)

[أم جهاد ومريم 205]

جزاكِ الله خيراً حبيبتى همسة

 

 

ونفع الله بكِ

[.. همســة قلــب .. 620]

وجزاكِ كل خير غاليتي ونفع بكِ كذلك :)