اذهبي الى المحتوى

المشاركات التي تم ترشيحها

ههههههههههههههههه والله النت كان فاصل

 

انتظروني بعد قليل يا قمرات

 

ربنا ما يحرمني من سؤالكم يا عساسيل على الابطال الحلوين

شارك هذه المشاركه


رابط المشاركه
شارك

انت عارفه انى بسيب الواجبات المتلتله ال وراياا واجى عشان اقرا الحلقات بحس بتفصلنى عن الواقع شويه هههههههه

مممممم !!طبعا ده مش صح

ربنا يهدينى :)

  • معجبة 1

شارك هذه المشاركه


رابط المشاركه
شارك

post-110778-0-81753000-1416251591.jpg

 

 

 

 

سامع خطوات بتقرب من الباب عشان تفتح هههههه ياااااااااه قلبي بيدق ,هشوف ارق انسانة في الكون دلوقتي حالاااااااااا

 

 

نعمممممم أي خدمة

 

هااااااااا , أأأأأ انت مين ؟

 

افندمممممممم ! انت اللي ميييييييييييين ؟

 

أأأأ هو انا غلطت في الشقة ولا ايه ! أأأأ هي مش أأأأ مش دي شششش شقة مدام نجلاء ؟؟؟؟؟؟

 

نعممممممم ! وحضرتك تعرف نجلاء منين وعايزها في ايييييييييييه ؟

 

أأأ يا فندم انا عايز اعرف مين حضرتك وتقرب ايه لمدام نجلاء عشان نتعرف

 

 

نتعرف ! انا جوز نجلاء

 

جوز نجلاء !!!!!!

 

ايوة , احب اتشرف بحضرتكككككككككك وجاي بتسأل على مراتي لييييييييييه ؟؟؟؟؟؟؟

 

أأأأأ انا انا حضرتك انا جاي , اصل انا يعني , حضرتك انا جاي اسألها ع الكلب

 

كلبببببببببببببببببببببببببببببببب !!!!!!!!!!

 

أأأأأ ايوة ايوة , الكلب , انا جاي عشان الكلب , حضرتك قولها انا ابو روكي اللي كان مع رامي أأأأ قصدي انا ابو رامي اللي كان مع روكي

 

ايه ده ! ايه الكلام الفاضي ده ! مين روكي ومين رااااااااامي ومين حضررررررررررتك وايه علاقة نجلاء بللي بتقوله ددددددده

 

يا فندم اصل انا ليا حكاية يعني , اصل لما مدام نجلاء كانت تايهة وابني رامي لقاها خدها عنده هي وروكي

 

ايييييييييه

 

أأأ يووووه ايه اللخبطة دي , ثانية واحدة انشف عرقي من فضلك , انا متوتر

 

اووووووووووووووووووووووووووووووووووووووووف

 

 

يا فندم حضرتك قول لمدام نجلاء فين روكي ؟

 

روكي ؟

 

ايوة , روكي الكلب , الكلبببببببببببببببببب , عايز اعرف مكان روكي عشان ده الكلب اللولو بتاع مراتي

 

مراتك ؟ ممممممم , لحظة واحدة , خليك ع الباب يا ابو روكي

 

 

انا منتظر حضرتك

 

 

 

 

 

 

 

نجلااااااااااااء

 

ايه يا حبيبي , مين جه برا ؟

 

راجل غريب كدة عمال يلخبط في الكلام ومش فاهم منه حاجة , كل اللي فهمته انه بيقول انه ابو رامي وجاي يسأل على كلب اسمه روكي

 

هههه ابو رامي ؟ طب ورامي معااااااااااااااه ؟

 

لا , ايه الحكاية يا نجلاء

 

هفهمك بعدين يا حبيبي , انا هكتبله عنوان دار رعاية الكلاب اللي سيبت فيه روكي ,ورقة وقلم من فضلك يا عماد يا حبيبي

 

 

اتفضلي يا حبيبتي

 

ممممممممم ادي العنوان , اديهوله يا حبيبي

 

اوكيه , لحظة وراجعلك

 

 

ههه مش تتأخر

 

 

 

 

 

 

 

 

 

 

اتفضل يا سيدي الفاضل , ده العنوان اللي فيه الكلب

 

أأأأ متشكر , متشكر جدا , اسف للإزعاج

 

حصل خير , مع السلامة

 

الله يسلمك , اتجوززززززززززززززت !!!! اتجوزت امتى دددددددي !!!!!!! انا اتحط في الموقف دددددددده اووووووووووووووف مش طايق الكرافت مش طاااااايق حاسس اني مخنوووووووووووق , ااااااااه بتخنق , عايز افك الكرافتتتتتتتتت اهووووووو مش طااااااااااايق , انا عايز هاني هاااااااااني عايز اتكلم بدل ما انفجررررررررررررررر

 

 

 

 

 

 

 

 

 

 

 

 

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررن

 

 

الو

 

ايوة يا مدام رشا , انا عصام اديني هاني من فضلك

 

ممم حاضر يا دكتور , , هااااااااااااني

 

ايوة ايوة يا رشا , بتكلم مع باباكِ

 

لا يا ابني روح شوف مين عايزك , احنا يا دوب نمشي

 

 

لالالالا استنى بس يا عمي ههههه انا ما بشبعش من قعدتك

 

ههههه الله يخليك يا هاني يا إبني

 

لحظة هرد ع التليفون وراجعلك

 

اتفضل يا ابني

 

مين يا رشا

 

ده عصام اخوك , بس صوته مكتئب اوووووي

 

عصام ! هاتي يا رشا , السلام عليكم يا عصام هههه عملت ايه

 

انزل قابلني

 

انزل اقابلك ! انزل اقابلك فين ؟

 

انا في العربية دلوقتي , هروح الكافيتريا اللي كنا بنقعد عليها زمان , ما تتأخرش

 

طب مش تفهمني بس في ايه ؟

 

يوووووووووووووووووووووووو , يا اخي ارحمني بقىىىىىىىىىى , بقولك انزل قابلني , انا كلها ربع ساعة واكون في الكافيتريااااااااا

 

طيب طيب , استناني هناك شوية ومش هتأخر عليك ان شاء الله , اصل حمايا وحماتي عندي ومش هينفع انزل دلوقتي , على العموم هما كانوا ماشيين , نص ساعة بالكتير واكون عندك ان شاء الله

 

ما تتأخرش

 

حاضر , السلام عليكم

 

وعليكم السلام

 

 

 

 

 

 

 

 

 

 

 

 

 

حضرتك تطلب حاجة تانية يا فندم ؟

 

ايوة , هات فنجان قهوة تاني من فضلك

 

هههه قصدك خامس يا فندم , تحت امرك , لحظات والقهوة تكون قدام حضرتك

 

شكرا

 

اووووووووووووووف بقالي ساعة وتلت قاعد وهاني لسة ماجااااااااااش , اهو , لسة داخل من باب الكافيتريا وبيدور عليا , هااااااني

 

 

هههه انا جاي يا عصام

 

 

السلام عليكم

 

وعليكم السلام , اتأخرت كدة لييييييه ! انا بقالي ساعة ونص مستني جنااابك

 

ههه معلش والله , اتعطلت شوية في الطريق , انت عارف الشوارع زحمة , ايه , مالك يا عصام ؟

 

اتجوزت

 

هي مين دي

 

نجلاء

 

نجلاء ! انت روحت عندها البيت ؟

 

ايوة

 

قابلتها

 

لا , قابلت جوزها

 

هههههههههههههههههههههههههههههههههههههههههههههه

 

بتضحك على ايه يا هاااااااااااااااااااااني

 

هههههههههههههههههههه انا مش بضحك , انا ساكت اهو , هو ايه اللي حصصصصصصصل ؟

 

روحت اشتريت خاتم دهب شيك ونقشت عليه اسمها , واشتريت بوكيه ورد شيك وروحت بكل الحب والود والشوق وكل املي انها تفتح الباب , قعدت ارن الجرس , ارن الجرررررس , وشوية الباب اتفتح , لقيت راجل بيقولي انت مين وعايز ايه

 

قولتلته عايز مدام نجلاء , انت مييييييين ؟

 

قالي انا جوزها

 

ههههههههههههههههههههههههههههههههههه والله راجل طيب , بقى انا الاقي واحد يجي يخبط عليا ويقولي انا عايز مراتك واسكتله ! هههههههههههههههههههههه انا لو منه كنت اديتك بونية دحرجتك من ع السلالممممممممممم ههههههههههههههههههههههههههههههههههههه

 

تعرف انك بني ادم ما عندكش دمممممممممم , انا غلطان اني بتكلم مع واحد زيييييييييييك

 

طب بس اهدا اهدا يا عصاااااااام , الموضوع مش مستاهل الزعل ده كله

 

انا مش زعلان انا مصدووووووووووووم

 

اتفضل القهوة يا فندم

 

شكرا , شوف البيه يشرب ايه ؟

 

تشرب ايه يا فندم ؟

 

اخد عصير برتقال فريش , انا بحب احافظ على شبابي وحيويتي هههههههه

 

ههههه تحت امرك يا فندم

 

 

ايه يا عصام , مالك بتشرب القهوة كدة زي اللي قاعد في عزا ؟ هههه

 

ده خامس فنجان قهوة

 

يا خبر ! ده كدة غلط على صحتك , انت دكتور وعارف ان الاكثار من شرب القهوة مضر بالصحة

 

سيبك من القهوة وخلينا في الصدمة اللي انا فيها

 

 

اتفضل العصير يا فندم

 

اشكرك

 

تووووووء يا عصام ما تكبرش الموضوع كدة , بتحصل كتير يعني ان واحد يحب انه يرتبط بإنسانة وبعدين ترتبط بواحد غيره , والدنيا ما بتقفش , وبعدين انت عندك زوجتين , عايز ايه تاني بقى

 

انا عندي زوجتين ! انا عندي مصيبيتييييييييييييين

 

ههههه يا سيدي ما انت كنت ناوي تزودهم مصيبة تالتة

 

لالالالالا نجلاء , نجلاء دي مختلفة , نجلاء دي ليدي بمعنى الكلمة , الحنان والانوثة والرقة والعقل والرصانة , فيها كل حاجة بتمناها , لكن للأسف خلااااااااااص كانت حلم جمييييييييل ولما قربت احققه لقيته سراااااااااااااب

 

تووووء اوووف طب خلاص , يبقى انتهينا , جوازة وما تمتش , سيبك من الاحلام وخليك على ارض الواقع بقى

 

لالالالالالا انا بكره الواااااااقع , الواقع عندي يعني نسرين واماااااااااني , نسرين ام عقل فاااااااارغ بتاعة النوادي والموضات والكلااااااااااااب , اللي عمرها ما حست بياااا , عمرها ما فكرت ازاي ترضيني , كل عقلها منصب على توافه الامور , مش شايلة أي مسؤولية , حتى اولادها رامية مسؤوليتهم على غيرها , لانها باختصار اتربت على عدم تحمل المسؤولية , واماني الانانييييييييييية , اللي ضحت بابنها عشان تحقق متعتها الشخصية وما همهاش ابنها , يبقى ازاي اصدق ان واحدة قلبها جاحد كدة ممكن تحبني , اماني ما بتحبش الانفسهااااااااا انا بالنسبة لها مجرد مركز اجتماعي مرموق , راجل بيصرف عليها بسخاء في مقابل المتعة وعلاقتهم مغلفة بورقة اسمها عقد عرفي , ياااااااااااااااااااه قد ايه واقع اليم مش قادر اعيشششششه

 

عصام اسمحلي للمرة المليون اقولك ان الواقع ده انت اللي اخترته

 

انا تعبان يا هاني , تعبان اووووووووي

 

مش عارف اقولك ايه يا عصام

 

............................ ما تقولش حاجة , انا ماشي

 

استنى , استنى يا عصاااااااااام توووء مش عايز اضغط عليه , خليه براحته , يا متررررر مترررررر الحساب من فضلك

 

 

 

 

 

 

 

 

 

 

 

 

 

 

 

 

 

 

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

 

افتحي الباب لولووووو

 

حاضر يا ست نسرين هانم

 

هههه اهلا يا دكتور

 

السلام عليكم

 

وعليكم السلام , احضر لحضرتك العشا ؟

 

لا , الولاد فين ؟

 

نامو ههههه قعدوا يلعبوا مع بعض لحد ما نامو في الصالة وشيلتهم دخلتهم اوضهم

 

طيب , عن اذنك

 

اتفضل يا دكتور

 

 

انت جيت صاصو ؟

 

قاعدة في البيت يعني !!!!!!

 

كنت هخرج انا وميريت وهايدي نحضر ديفيليه , لكن اتلغى النهاردة , فمش لقينا مكان نروحه , قولنا خلاص , نقعد في البيت ونعمل تعويضات بكرة , وعايزة انام بدري عشان بكرة في سبق خيولات كنت عايزة اتفرج عليه اهو , بحاول اتسلى لحد ما الست اللي خطفت روكي تظهر وتبان وعليها الامان

 

ربنا يقويكِ , بتتعبي اوي

 

مرسي انك حاسس بيا وبمجهوداتي صاصو

 

خدي الورقة دي

 

ايه الورقاية دي ؟

 

فيها عنوان روكي

 

روككككككككككككي ! اااااااااه ماري هاااااااااااارت , مش قادرة اقف على رجلاتي , انت جبت منين عنوان رووووووووووكي ؟ اعترف صاصووووووو , اكيدي اكيدي انت اللي كنت مخبيه عشان توجع ماري هارت اهئ اهئئئئئئئ

 

اوووووووووووف لا يا هانم , روحت لمدام نجلاء وعرفت عنوانننننننننه

 

ياااااااااااه معقول صاصو ! معقول انت عندك هارت بالرقة دي وانا مش اعرف ! انت تروح بنفسك عشان تعرف مكان روكي ! تعرف , انا دلوقتي ابتديت اتأكد انك انسان مرهرف الحس

 

مرهرف الحس !!!!!!!! ااااااااااااااخ نفسي الاقي بني ادمة بتحسسسسسسس , عن اذنك داخل اناااااااااااام

 

وانا هروح اجيب روكي ههههههه

 

 

لالالالالالالالا مافيش نزول دلوووووووووووقتي , الصبح ابقي روحي مطرح ما انتِ عااااااااااااايزة

 

اوفتي بقىىىىىىىىىىىى نو صاصو نووووووووووو ازاي يجيلي نومات وانا عرفانة مكان روكي وسبته ومش جبته !!!!!!!!!!

 

هي كلمة وااااااااااحدة مافيش نزول يعني مافيش نزول وخلي ليلتك تعدي على خيرررررررررر

 

يا مامي !!!!!! هو بقى عصبان كدة ليه !!!!!!!!

 

بتبصيلي كدة لييييييييييييييييييييييه

 

يا مامي !!!!!!! انا مش بصيت

 

 

اطفي النور ده عايز اناااااااااااااااام

 

اوكيه صاصو , اوكيه , مش تزعق عشان صوتك وحش خالص وانت بتزعق

 

اطفي النووووووووووووووووووووور

 

ماميييييييييييي اوكيه اوكيه

 

تعالي اتخمدددددددددددددي

 

اتخمدي !!!!!!! انا اتخمدي !!!!!!!! اوكيه صاصو , انا اطفي النور واتخمدي ومش تزعق تاااااني يا ماممممممممي

 

 

 

 

 

 

 

 

 

 

 

 

 

 

 

اما اتصل بعصام قبل ما ينزل المستشفى اشوفه مختفي فين بقاله كام يوم

 

ماماااا

 

ايوة يا وائل , روح اشرب كوباية اللبن اللي تيتة صبيتهالك وسيبني عشان هتكلم في التليفون

 

عايز اقعد على حجرك , شيلينيييييي

 

يوووو توووووووء , يا وائل سيبني دلوقتي مش وقتتتتتتتتتته

 

 

تعالى يا واااااائل , تعالى يا حبيبي , تعالى اسقيك كوباية اللبن , زمانها بردت شوية

 

تررررررررررررررررررررررررررررن تررررررررررررررررررررررررررررررررررررررررررررررن

 

استنى يا رامي يا حبيبي هرد ع التليفون واجي احضرلك الفطار انت وايتن

 

 

اوكيه دادة

 

ترررررررررررررررررررررررررررررررررررررررررررررررررررررررررن

 

رايحة فين مامي ؟

 

رايحة اجيب روكي اللي انت ضيعته يا نووووووووتي

 

ترررررررررررررررررررررررررررررررررررررررررررررررررن

 

مممم فين بابي

 

باباك بيلبس هدوماته ورايح المستشفى , بااااااااااااااي

 

ترررررررررررررررررررررررررررررررررررررررررررررررررررررن

 

الو

 

ايوة , مممم ممكن اكلم دكتور عصام ؟

 

مين عايزه ؟

 

انا ممرضة في المستشفى , اسمي تغريد

 

تغريد , حاضر , لحظة واحدة

 

 

 

تن تن دكتور عصام

 

ايوة يا صالحة

 

ممرضة من المستشفى اسمها تغريد طالبة حضرتك في التليفون

 

طيب , هرد عليها من عندي , روحي فطري الولاد

 

حاضر من عنيا الاتنين

 

الو , ايوة يا تغريد

 

ههههههه انا مش تغريد , انا امااااااااااااني هههههههه

 

اماني ! اهلا

 

اهلا بيكِ يا عصوووووووومة هههههه وحشتني وحشتني وحشتنيييييييي

 

مممم وانتِ كمان , خير يا اماني

 

خير انت يا دكتور , هشوفك امتى يا روح قلبي

 

معلش يا اماني انا متضايق شوية وماليش نفس لاي حاجة

 

ههههههه طب تعالى وانا افتح نفسك للدنيا كلهااااااااا

 

بعدين يا اماني بعديييين

 

اوووووووف بعدين امتى يعني ! ولا انت ناسي اني مراتك وليا حق عليك ؟

 

اوووووووووووووف بكرة , بكرة يا اماني , سيبيني بقى عشان اتأخرت ع المستشفى

 

ههههه ماشي يا عصومة , من بكرة الصبح هسبقك ع الشقة , باي باي يا قمررررررر

 

باي اووووووووووووووف , صااااااااالحة يا صااااااالحة

 

نعم يا دكتوررررر

 

المدام نزلت ؟

 

ايوة نزلت من شوية

 

اوكيه , هاتيلي شاي وحتة كيك عشان افطر

 

شاي وكيك يا دكتور ! طيب اعمل لحضرتك فطار كامل احسن

 

لالالا عشان مستعجل

 

حاضر , عن اذنك

 

اتفضلي

 

 

بابييييييييي ههههه انا هنااااااا جود مورنينججججججججج

 

هههه اهلا ايتن , جود مورنينج حبيبتي , فطرتي ؟

 

نوووووووو بابي نوووووووو لسة مش فطرنا انا ورامي

 

هو فين رامي؟

 

انا هنا يا بابي , عايز انزل عند تيتة

 

ما تزعجش تيتة يا رامي , خليك مع اختك العبوا سوا

 

طيب هروح اقول لمانو ابن عمو هاني يجي يلعب معانا هو ومنة

 

اوكيه حبيبي

 

اتفضل الشاي والكيك يا دكتور

 

شكرا يا صالحة , روحي خبطي على شقة اخويا واستأذنيهم يخلوا الولاد يجوا يلعبوا مع رامي وايتن

 

حاضر يا دكتور عن اذنك

 

 

 

 

 

 

 

 

 

 

تررررررررررررررررررررررررن تررررررررررررررررررررررررررررررررررررن

 

يووووووو مين بيخبط علينا ع الصبح , اووووووف , مش هعرف احضر الفطار انا النهاردة

 

 

 

 

ايوة نعممممممممم

 

صباح الخير يا ست رشا هانم

 

عايزة اييييييييه

 

الدكتور عصام بيستأذنكو تبعتوا الولاد يلعبوا مع رامي وايتن

 

هيييييييييييه ايوة يا ماما , انا هروح العب مع راااااااامي

 

ولد يا عبد الرحمممممممن تعالى هنااااااااا , احنا مالناش اختلاط بحددددددددد

 

لالالالالا انا بحب رامي يا ماماااااااا

 

اوووووووووف قولتلك ادخل مافيش رامي

 

انا هقول لبابااااااااااا

 

يا باباااااااااااااا

 

ايوة يا عبد الرحمممممممن

 

ماما مش عايزاني اروح العب مع راااااااااامي

 

ليه يا رشا ؟؟؟؟؟؟

 

اهو كدة وخلاص , انا مش عايزة ولادي يختلطوا بولاد نسرين

 

ليه ان شاء الله ؟

 

مش بحبهااااااااااا

 

الاطفال مالهومش دعوة بمشاعر الكراهية اللي مالية قلبك , سيبيهم يلعبوا سوااااا , روح يا عبد الرحمن

 

وانا يا باباااااااااااا عايزة اروح العب مع ايتييييين

 

روحي يا منة , صباح الخير يا صالحة

 

صباح النور يا حضرة الظابط هههه

 

خدي الولاد بس خلي بالك منهم وفطريهم عشان ما فطروش هههه

 

ههههه من عنيا يا حضرة الظابط , تعالوا يا حبايبي

 

 

 

 

 

 

 

رااااااااااامي

 

مانوووووووووو هههههه وحشتني

 

وانت كمان , ازيك يا عمووووووو

 

هههه اهلا عبد الرحمن , ازيك يا منة

 

ازيك يا عمو , فين ايتن

 

تعالي معانا ايتن جوا في اوضتها روحي العبي معاهاااااا , يلا بينااااااااااا

 

 

انا نازل يا صالحة , خلي بالك من الولاد

 

في عنيا يا دكتور , مع السلامة

 

الله يسلمك

 

 

 

 

 

 

 

 

 

هو ده يا ميريت العنوان اللي فيه روكي

 

اوكيه , اركني العربية ويلا عشان ندخل نجيبه ونروح نحتفل في النادي هههه اما الشلة محضرة لروكي حتة حفلة يا سينو , وااااااااااااااو هتعجبك موووووووووت جايبين تورتة سبع ادوار وعليها صورة روكي ومكتوب عليها اهلا روكي وسط اهلك واصحابك

 

ههههههه انا عارفة مشاعيراتكو اللي كلها رقات واحساسيات وحب لروكي , يلا يا ميريت

 

اوكيه يلا بينا

 

 

 

 

 

 

 

جود مورينج

 

اهلا مدام صباح الخير , أي خدمة

 

اهااااا , انا جيت اخد روكي

 

 

روكي !!!

 

اها , روكي , الكلب الولو بتاعيييييييي

 

ما عنديش فكرة يا مدام عن الموضوع ده

 

نووووووووووو مش تقولي كدة نوووووووووو , روكي جابته واحدة حراميايا بتاعة كلاب وسابته عندك من اسبوعات كتيرررررررر

 

مممممم شكلها ايه الست دي

 

اوفتي بقىىىىى , انا مش ليا دعوة هي شكلها ايه , انا ليا دعوة برووووووووكي

 

مممممم ايوة ايوة انا ابتديت افتكر , مش حضرتك تقصدي الكلب الولو اللي كان حوالين رقبته سلسلة دهب

 

ايوة ايوووووووة هو رووووووووكي , هو فيييين

 

انا كدة افتكرت الموضوع كله , فعلا في مدام جابت الكلب وكان معاها طفل صغير

 

هووووووووو النوووووووووووتي سبب مأساويات حياااااااااااتي

 

الكلب ؟

 

نوووووووووووو مش روكي نوووووووووو , انا اقصد رامي ماي صن , هو السبب في ضياع روكي , انا عايزة روكي حالا بيلز مدام بليزززززز , انتِ مش تعرفي انا عايشة ازاي من غير روكي , قوليلها ميريت قوليلهاااااااا

 

اوكيه هقولها , حقيقي مدام , من ساعة روكي ما اختفى ونسرين اعصابها تعبانة بشكل مش طبيعي , لا بتخرج ولا بتاكل ولا بتشرب , ده حتى الرقص ما بقتش طايقاه , تخيلي ؟؟؟؟؟؟؟؟

 

يااااااااااااه ! حقيقي حاجة مؤسفة , وانا كمان متأسفة , الكلب ده جاتله حالة اكتئاب وانطوى على نفسه ورفض الأكل والشرب لحد ما مات ومش فاضل منه غير السلسلة دي , اتفضلي

 

 

واااااااااااااااااااااااااااااااااااااااااااات اااااااااااه ااااااااااااااااه

شارك هذه المشاركه


رابط المشاركه
شارك

بالنسبة لشغل البنت فأنا ايضا اعلم بنتي هالة الشغل والطبخ ولا أريدها ان تكون مثلي فلما تزوجت كنت لا اعرف الطبخ نهائي ولولا صبر زوجي علي لرجعت لبيت أمي ههههه

وقررت أني ما أكرر مع بنتي وأتركها هكذا وطبعالا اضغط عليها بل اعطيها حاجات بسيطة على قد سنها : )

  • معجبة 2

شارك هذه المشاركه


رابط المشاركه
شارك

انت عارفه انى بسيب الواجبات المتلتله ال وراياا واجى عشان اقرا الحلقات بحس بتفصلنى عن الواقع شويه هههههههه

مممممم !!طبعا ده مش صح

ربنا يهدينى :)

انت عارفه انى بسيب الواجبات المتلتله ال وراياا واجى عشان اقرا الحلقات بحس بتفصلنى عن الواقع شويه هههههههه

مممممم !!طبعا ده مش صح

ربنا يهدينى :)

 

ليه بتسميه فصل عن الواقع !

 

اسمها بتستفيدي من تجارب غيرك في واقعهم هما , لما يغلطو تتجنبي خطأهم ولما بيعملوا حاجة كويسة بتستفيدي منهم

 

انا عن نفسي بستفيد من الابطال بتوعي كتير , وبستمتع بفصل نفسي عن الواقع وقت الكتابة هههههههه

 

انتظري الحلقة التانية يا امومة انتي والاخوات الحبيبات ان شاء الله بعد قليل

  • معجبة 1

شارك هذه المشاركه


رابط المشاركه
شارك

نسريييييييييييييييين يا خبر , نسرين وقعت ع الاررررررررض , هي ماتت هي كمان ولا اييييييييييه اهئ اهئئئئئئئئ سينووووووو قومي يا روحي , فوقي يا سينوووووووووو اهئ اهئ اهئئئئئئئئئ كوباية مية بليززززززز

 

حاضر حاضر , عن اذنك هرش عليها البرفان ده عشان تفوق , فوقي يا مدام فووووووقي ,

 

 

اااااااااه انا فيييييييين اهئ اهئئئئئئ روووووووكي روكي , روكي مات يا ميريتتتتتتت نوووووووووووووو روكي نووووووووووووووووووووو

 

اهئ اهئ معلش سينو , مش تعملي في نفسك كدة , يا خسارة الحفلة , داحنا كنا هنرقص رقصصصصصصصصصصصص اهئ اهئ يا خسارة يا روووووووووكي اهئ اهئئئئئئئئئ

 

اتفضلي السلسلة الدهب بتاعة الكلب يا مدام

 

سلسلة ! اللي فاضل من روكي , سلسسسسسلة ! اهئ اهئ ااااااااه يا رووووووووووكي

 

 

اهدي يا سينو , اهدي , يلا عشان اسندك واروحك البيت , انتِ تعبانة خالص , انا اللي هسوق بدالك , مش ينفع تسوقي في الحالة دي

 

اااااااااه مش قادرة , رووووووووكي اهئ اهئ روكي حبيبي اهئ اهئئئئئئئئئئئ

 

 

 

 

 

 

 

 

 

 

 

 

 

 

يلا يا نسرين , يلا حبيبتي وصلنا عند العمارة بتاعتك , انا هنزل واجي افتحلك الباب واسندك

 

اهااااا , يلا يا نسرين

 

اااااااه ديخانة خااااااالص , الصدمة جابتلي دوخات يا ميرييييييت ااااااااه

 

اسندي عليا , يلا نسرين هوبااااا

 

 

ايه ده ! الحق يا عواد , دي الست نسرين مرات الدكتور صاحبتها مسنداهااااااا

 

يمكن تعبانة ولا حاجة

 

يا ستير يا رب , انا هروح اشوف مالها , ايه يا ست نسرين , ماااااااااالك

 

مات يا فيفي مااااااااات اهئ اهئ خلاص مات يا فيفيييييييييي

 

لا حول ولا قوة الا بالله , هو مين ده ؟

 

يا انتِ يا انتِ هي تعبانة خالص وانتِ عمالة تسأليها سؤالات سؤلات , لما تبقى كويسة اسأليها , اسندي معايا

 

عنك يا ست هانم , انا اللي هسندها لوحدي , اشيلك يا ست نسرين ؟

 

مش تقدري فيفي اهئ اهئئئئئئئئئ

 

ما اقدرش ليه يعني ! دانتِ معصعصة ومعضمة , هو انتِ فيكِ لحم اصلا !!!!! طب اسندي عليا لحد الاسانسير

 

اوكيه ااااااااااااااااااااااه

 

افتحيلنا باب الاسانسير يا ست هانم

 

اهو , فتحته , يلا سينو

 

 

 

 

 

 

 

 

 

 

 

 

 

ترررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررن

 

 

ايوة ايوة جاية , بلاش شقاوة يا ولاد , وقعتوا المخدات ع الارررررض , هروح افتح الباب واجيلكو

 

 

ايه ده !!!!! الست نسرين , مالك يا مدااااااااااام

 

اوعي يا لولو يختي خلينا ندخلها سريرها

 

هو في ايه يا فهيمة ؟ في ايه يا ست هاااانم , انتِ صاحبة مدام نسرين؟

 

اهاااااا , يلا اسنديها انتِ كمان عشان تدخلوها اوضتهااااااا

 

هو فيه ايه يس !!!!!

 

ماميييييييي ماااااااااالك ؟؟؟؟؟؟؟؟؟

 

 

ااااااااااااه انت مش عايزة اشوووووووووفك اهئ اهئئئئئئئ انت ولد شريرررررررر شريرررررررررر اهئ اهئئئئئئئئ مش ممكن تكون ابني ابدااااااااا , روكي مااااااااات مات بسببك يا نووووووووووووتي اهئ اهئ

 

روكي مات ! هههههههههههههه احسسسسسسسسسسن

 

امشي من وشييييييييي امشي ولددددددددددددد اهئ اهئئئئئئئئئئئئئئئئئئئ

 

 

مش روكي ده الكلب بتاعك يا ست نسرين هانم ؟

 

ايوة فيفي ايوووووووووة اهئ اهئئئئئئئئئئ خلاص مااااااااات اهئ اهئئئئئئئئئ مش هيهوهوو تاااااااااااااااني اهئ اهئئئئئئئئئئ كل حاجة جميلة مشيت مع روكي يا فيفي اهئ اهئئئئئ

 

معلش يا ست هانم , ربنا يعوض عليكِ , ال كلب ال , انا نازلة اشوف طلبات السكااااااااااااان , ال مسخسخة على روحها ورجليها مش شايلاها عشان الكلب ماااااااااات ! يختي حسوا بالناس اللي بتموت من الجوع , جاتكو وجع بطنكوووو , حسوا بالناس اللي بتموت عشان مش لاقين تمن العلااج ولا مكان في المستشفيااااااااات , داهية تاخدكوووو , اروح اشوف طلبات مدام نوال النهاااااااااااردة

 

 

خلاص سينو هديتي شوية ؟

 

اهئ اهئئئئئئ انا مش ههداااااا هفضل طول عمري حزينة على رووووووكي اهئ اهئئئئئئئئئ ااااااه يا روووووووكي

 

طيب انا هسيبك واروح ابلغ الشلة عشان يجوا يعزوا , باي سينو

 

باي ميريت اهئ اهئئئئئئئئئ رووووووووووووكي اهئ اهئ

 

 

مامي

 

تعالي ايتن اهئ اهئئئئئئئئ

 

صحيح روكي مات ؟

 

اهئ اهئئئئئئئ ايوة ايتن ايوووووووووة اهئ اهئئئئئئئئئئئئئئ

 

اهئ اهئئئئئئئئئئ انا زعلانة يا مامي

 

تعالي في حضني ونعيط سوا ايتن اهئ اهئئئئئئئئئئئئئئئئئئئئئئئ

 

 

 

 

 

 

 

 

 

 

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررن

 

 

ست نوااااااااااااال

 

 

ايوة ايوة , جاية يا فهييييييييييمة

 

 

اهلا يا فهيمة

 

اهلا بيكِ , شوفتي اللي حصصصصصصصصصصل ؟

 

في ايه يا فهيمة ؟؟؟؟؟؟؟؟

 

مش الست نسرين مرات الدكتور , الكلب بتاعها مات يا عيني

 

ههههههههه وطبعا زعلانة

 

هي زعلانة وبس ! دي وشها زي اللمونة الصفرا من الزعل وجاية مفرفرة من برا وصاحبتها مسنداهااااااااا

 

هههههه عالم فايقة ورايقة , بقولك ايه خدي الفلوس وهاتيلي طماطم وكوسة للحشو وفلفل رومي وشبت وكزبرا

 

الله ! انتِ هتعملي محشي يا ست نوال , دانا نفسي فيه اووووووي , بس مش فاضية اعمله بسبب طلبات السكااااااااان , اصل المحشي عايز روقان بال

 

لما اعمله هبعتلك طبق يا فهيمة

 

ههههه ربنا يخليكِ يا ست نوال , اومال ازي الاستاذ كمال ورباب وايهاب ؟

 

ايهاب نزل عنده درس , انتِ عارفة انه رايح اولى ثانوي بقى ومحتاج تأسيس , ورباب نايمة

 

هي ما بتصحاش من النوم ؟

 

بتصحى بالعافية وبالضررررررررررب , يا دوب تاكل وتنام تاني , هي كدة في الاجازة ما بترضاش تصحى وتقعد معايا ابدااااااا

 

 

انتِ يا ستتتتتتتتتتتتت بترغي مع مين برااااااااااااااااااا احوووووأ احووووووووأ مش قايلك من ساعة اعمليلي كوباية لمون دافية عشان دور البرد اللي عندي يا باااااااااااااردة

 

 

جايا يا سي كماااااااااااال جاية ايييييييييييه الدنيا طااااااااااااااارت , ما انا الخدامة اللي اشتروهااااااااالك اوووووووووف حاجة تأرف

 

ايه ده ! هو سي الاستاذ كمال هنا؟

 

اهو متلئح جوا , عنده دور برد وما راحش الشغل , كويس فكرتيني ابقي هاتي معاكِ لمون عشان اللي عندي قرب يخلص

 

حاضر يا ست نوال , اومال لما هو عيان هتعملي محشي ليه بقى ! انتِ تسلقيله فرخة على شوية شوربة وتعصريله عليها لمون

 

ما انا عاملاله كدة فعلا , المحشي ده ليا انا والعيال , اصل ايهاب طالبه من يومين

 

بالهنا والشفا يا ست نوال

 

يا ستتتتتتتتتت انتِ يا ابرد خلق الله , فين كوباية اللموووووووووووووووون احوووووووووأ احووووووووووأ

 

طيب طييييييييييب اووووووووووف , بقى ده صوت واحد عيان دددددددده !!!!!! انزلي انتِ يا فهيمة وما تتأخريششششششششش

 

 

 

 

 

 

 

 

اتفضضضضضضضضل , كوباية اللمون اهيييييييه , الهي يتمرررررررررررر

 

الهي ياخدك يا شييييييخة ااااااااه يا عضمييييييي احووووووووأ احووووووووأ ناوليني التليفون اكلم امي اقولها اني راقد عيان في البيت احووووووا احوووووووووأ هاتشيييييييييي هاتشيييييييييييييييييي

 

تكلم امك تقولها انك عيان في البيت لييييييييه ! هو انت عامل عمليييييييييية !!!!!!

 

ان شالله انتتتتتتتتتتت احووووووووأ هاتشييييييييي احوووووووووووأ , هكلم امي عشان ما تقلقش عليا , انا متعود اكلمها كل يوم من الشغل , اااااااااااااه دماغي هتنفجر من السخوووونية اااااااااه

 

من اعمالكم سلط عليكممممممم , انت لو اتصلت بامك هتعملها حكاية ورواية وتروح تلم اخواتك وقرايبكو ويجوا عشان يزوروك و يأرفووووووووني , وانا مش نااااااقصة , كفاية عليا خدمتك انت وعيااااااااالك

 

هاتي التليفوووووووووون , وفيها ايه لما امي تجيب قرايبنا كلهم ويجوت يطمنوا عليااااااااا ! ولا انتِ عايزاني اتقطع من اهلي !!!!!!!!! هاتي التليفووووووون

 

اوووووووووووف اهو التليفون اهووووووووو , عايز يجمع اهله حواليه عشان شوية برررررررد , اومال لما تحتضر هتعمل ايييييييييييييييه

 

ربنا ما ينولك اللي في بالك يا شيييييييخة , ان شاء الله همشي في جنازتك الاول وبعدين اتجوز وافرح بشبابي مع واحدة مؤدبة ومتربيييييييييية

 

انت في حد يطيقك اصلاااااااااا , انا طول عمري مؤدبة ومتربية وعمايلك هي اللي خلت لساني خرج عن ادبه واخلاااااااااااااااقه , خد يا خويا كلم امك يمكن لما تسمع صوتها تخفففففففف , انا رايحة المطبخخخخخخخخ

 

 

هاتيلي طبق شوربة خضار وربع فرخخخخخخخخة ااااااااااه يا عضمي , اكلم امي حبيبتي , اكلم بحر الحنان اللي نفسي اغرق فيه ما اطلعشششششششش , سيبتيني اتجوز وابعد عنك ليه يا غالييييييييية

 

 

تررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

 

 

الو

 

احوووووووووووووأ احووووووووووووووووووووووووأ هاتشييييييييييييييييي احووووووووووووووووووووووووووووووووووأ

 

بسم الله الرحمن الرحيم , مين اللي متصل يكح ويعطس في وشي ده !!!!!!! مييييين

 

احوووووووووووووووووووووووأ احوووووووووووووووووووووووووووووأ احووووووووووووووووووووووووووأ هاتشيييييييييييي

 

انت مين يللي بتكح وتعطسسس ؟؟؟؟؟؟؟؟؟ شكلها النمرة غلط , مين معايااااااااااا

 

انا يا امي احووووووووووووووأ احووووووووووووووووووووأ

 

كمال ! يا حبيبي يا ابني , مالك يا نور عييييييييني

 

عندي دور برد مكسر عضمي يا امي وما روحتش الشغل وقاعد في البيت احوووووووووأ احوووووووووأ هاتشيييييييي

 

اهئ اهئئئئئئئ يا حبيبي يا كمال ! اسم الله عليك يا حبيبي , الف مرة اقولك تتقل الهدوم وما تخرجش وانت مستحمي في الهوا عشان ما تبردش لكن انت ما بتسمعش الكلاام اهئ اهئ اديك خدت برد ووجعت قلب امك عليك اهئ اهئئئئئئئئئئ

 

معلش يا امي احووووووووووأ حاجة بسيطة وهيروح على طول

 

شربت لمون ؟؟؟؟؟؟

 

ايوة , قدامي كوباية اللمون اهيه هاتشيييييييييييي

 

خلي مراتك تسلقلك فرخة وتعملك شوربة خضار وتعصر عليها لمون وتاكل الفرخة لوحدكككككك , انت عيان يا حبيبي وعايز غذاااااااا

 

عملتلي يا امي احووووووووووأ احووووووووووووووأ

 

يا حبيبي يا ابني اهئ اهئئئئئئئ قطعت قلبي ع الصبح , قلبي مش مطاوعني , انا هقوم البس واجيلك , وهجيبلك معايا كام فرخة بلدي وهخلي الفرارجي ينضهم مسافة السكة يا حبيبي , مسافة السكة يا نور عييييييني ,سلااااااااااام

 

الله يسلمك يا امي يا حبيبتي يا بحر الحناااااااااااان

 

 

امك بحر حنان !!!!!!! هو انا اتعب واعملك لمون وفراخ بشوربة الخضار وفي الآخر امك هي اللي بحر حنااااااااااان , اومال انا بحر ايه ان شاء الله ؟؟؟؟؟؟؟؟؟؟

 

انتِ بحر الابااااااااااااحة , بحر النكددددددددددد اااااااااه يا عضمي

 

تستاااااااااااااهل , طب والله لاخد كوباية اللمون من قدامك وابقى خلي امك تنفعككككككككككك هاااااااااااا

 

هههه مش مهم , امي هتيجي تغرقني لمون وكلام حلووووو احوووووووووأ احوووووووووووأ تعاليلي يا امّااااااااااااااا هاتشييييييييييي

 

 

 

 

صباح الخير يا ماما

 

اهلا يا ست رباااااااب , صح النوم يختي , ناموسيتك كحليييييييييييييييي

 

ممممممم انا سامعة صوت بابا , هو ما راحش الشغل؟

 

لا يختي ما راحش , عنده بررررررررررد

 

باباااااااااا يا حبيبي ! انا هدخل اقعد جنبه

 

تعالي هنا يا بنت ليعديكككككككِ , اووووووووووووف هو انا ناقصصصصصصة , شكله هيعديلي البيت كله احوووووووووأ احوووووووووووأ هاتشييييييييييييي ايه ده , شكلي انا كمان خدت برررررد , ادي اللي بناخده من الرجااااالة احووووووووأ احووووووووووووأ

 

 

بابا حبيبي , سلاااااااااامتك

 

ههههه بنتي حبيبي , الله يسلمك , احوووووووأ احوووووووووأ خليكي بعيد عشان ما تتعديش , هاتشييييييييي روحي على اوضتك يا حبيبتي

 

حاضر يا بابا , طيب مش عايز حاجة يا حبيبي ؟

 

عايز سلامتك يا رباب يا حبيبتي احووووووووووأ احووووووووووأ , الحمدلله البت طلعت حنينة زي امي احووووووووأ احوووووووأ هاتشيييييييي

 

 

 

 

 

 

 

 

 

اهئ اهئ اتصلي بصاصو يا لولو خليني اكلمه واقوله روكي حبيبنا راح وسابنا ومش هيهوهو تاني اهئ اهئئئئئئئئ

 

حاضر يا مدام , بس اهدي انتي بس , اصحابك زمانهم جايين ولازم تخرجي تقابليهم

 

اهئ اهئ هحاول لولو هحاول اهئ اهئئئئئئئئ

 

 

اتفضلي يا مدام , التليفون بيدي جرس

 

 

ايوة , مين ؟

 

اهئ اهئ انا نسرين يا صاصوووووو اهئ اهئ روكي مات يا صاصووووووو روكي مات

 

هههههههههههه الف مبروك أأأ قصدي معلش , كلنا لها , يعني احنا هنروح فين ! كلنا هنسيبها ومش هتدوم لحددددددد

 

اهئ اهئئئئئئئ انا حزينة صاصو , حزينة كتيرررررر , كل اصحابي هيجوا عشان يعزوني في روكي

 

ربنا يقدرهم على فعل الخير يا حبيبتي , تعيشي وترديهالهم في كلابهممممممم , عن اذنك عشان ورايا عمليييييييية سلااااااااااام

 

اهئ اهئ باي صاصو باااااي اهئ اهئ , خدي حطي التليفون مكانه لولوووووو اهئ اهئئئئئئئ

 

طيب يلا , قومي اغسلي وشك كدة وفوقي عشان تعرفي تقابلي اصحابك اللي جايين يواسوكي

 

اهئ اهئئئئئئئ هاتي ايدك لولو , مش قدرانة اقفففففف

 

لا حول ولا قوة الا بالله , مش كدة يا ست نسرين , انا بقول عليكِ شديدة وحمالة اسيّة

 

يعني ايه حمالة اسية دي ؟؟؟؟؟؟

 

حمالة اسسسسية , يعني بتستحملي مهما دقت ع الراس طبول

 

ومين ده يدق طبول على راس , وراس مين دي ؟ وبتاعة مين الطبول ! وازاي يطبلوا واحنا حزنانين على روكي !!!!! اهئ اهئ دول ناس مش عندهم احساساااااات

 

هما مين دول ؟

 

اللي يدقوا طبول على راس اهئ اههئئئئئئ

 

يا ست هانم انا اقصد انك يعني بتتحملي المصاعب مهما كانت شديدة

 

اومال الطبول راحت فين ؟

 

خدوها عشان عندهم فررررررررح , يا لهوي , دانتي تخلي الواحد يحرم يتكلم معااكِ , قومي يا حبيبتي , قومي الله يقويكِ ويساعدك

 

ااااااااه يا روكي اهئ اهئ ماي هارت انجرح بعد فراقاتاك يا روووووووكي اهئ اهئئئئئئئئ

 

 

 

 

 

 

 

 

 

 

 

 

 

 

 

الحمدلله ما نسيتش الفلافل اللي اشجان عايزاها , وكمان جبت حزمتين جرجير عشان بحبها مع الجرجير , ايه ده !!!!!!!! ايه الستات الموضة دول اللي لابسين اسود وطالعين عمارتنا يعيطو !!!!!! اعوذ بالله ! هو ايه اللي حصل مسافة ما روحت السوق ورجعت , يا حفيظ يارب , دي لسة في عربيات بتيجي وستات سايقينها ونزلوا من عربياتهم يعيطوا وطالعين العمارة ! لالالالالالا انا كدة اخضيت وقلبي وقع في رجلي , اما اروح اسألهم طالعين عند مين

 

 

يا اختي , انتِ يا اختي انتِ وهييييييي , اما اسأل اللي ماسكة كلب وطالعة دي عشان التانين منهارين ومش بيردوا عليا , اختييييييي يا اختي , انتِ يا اختي يابتاعة الكلبببببببب

 

اهئ اهئ وي مدام

 

الاول , ربنا يجعلها اخر الاحزان

 

اهئ اهئ ميرسي مدام

 

انتو طالعين عند مين ؟

 

عند مدام نسرين هاشم حرم دكتور عصام اهئ اهئ , عن اذنك مدام

 

اتفضلي اهئ اهئ اهئئئئئئئئئئئ لا حول ولا قوة الا بالله , يبقى اكيد ابوها مات اهئ اهئ اهئ يا عيني يختي اهئ اهئئئئئئئئئئ اما اطلع اخد اشجان ونطلع نعزي اهئ اهئئئئئئئئئئئئئئئئئئئئئ

 

 

 

 

اهئ اهئئئئئئئئ ازيك يا عواد باع ارضه يا ولاد , شوفه طوله وعرضه يا ولااااااااد اهئ اهئئئئئئئئئ

 

ههههه انتِ كمان بتعيطي يا ست بهيرة عشان الست نسرين ؟

 

اهئ اهئ اومال ايه يا عواد , احنا مهما كان جيران وبيتقفل علينا باب عمارة واحد ولازم نفرح لفرح بعض ونحزن لحزن بعض اهئ اهئئئئئئئئئئئئئئئئئئئئئئئئئئئئئئئئئئئئئئئئئ

 

 

هههههه عالم دماغها ضاربة

 

 

 

 

 

 

 

ترررررررررررررررن ترررررررررررررررررررررررررررن اشجاااااااااااااااان اهئ اهئئئئئئئئئئئ افتحي يا اشجااااااااااااااان اهئ اهئئئئئئئئئئئئ افتحي يختي شوفي المصيبة اللي حصلت في العمارة اهئ اهئئئئئئئئئئ

 

 

يا حفيظ ياااااااارب , ايوة يا بهيرة جاية , مصيبة ايه ع الصبح ! استر يارب استررررررر , اهلا يا بهيرررررررررررة

 

اهئ اهئ لا اهلا ولا سهلا , روحي البسي حاجة سودة وتعالي نطلع نعزي مدام نسرين

 

مدام نسرين مرات الدكتور عصام ابن الحاجة ام عصام

 

اومال الدكتور عصام ابن الحاجة ام محمد ! اهئ اهئ ايوة يا اختي هي اهئ اهئئئئئئئئئ

 

مين ماتلها

 

مش عارفة اهئ اهئ , بس اكيد ابوها

 

وليه ما تكونش امها يعني ؟

 

لا , اصل انا سمعتهم بيقولوا مسكينة سينو , هتعيشي ازاي من غيره ونازلين عياط اهئ اهئ

 

لا حول ولا قوة الا بالله , جبتي الفلافل ؟

 

شوف اقولها ايه تقولي ايييييييييه ! فلافل ايه دلوقتي يا اشجاااااااااااااان ! بقولك البسي اسود عشان نطلع نعزي

 

طب مش ناكل لقمة الاول ! ولا نطلع نعزي واحنا جعانين يا بهيرة ؟

 

يووووو , يا اشجان ليكِ نفس يا اشجااااااااااااااان ! يا شيخة اعتبري اللي مات ده ابوووووووووووكِ , كان هيجيلك نفس تاكلي

 

أي والله عندك حق يا بهيرة , اني ما عنديش دم بصراحة

 

الاعتراف بالحق فضيلة يا اشجان اهئ اهئئئئئئ يلا يا اختي

 

حاضر , طب اعمل سندوتش فلافل واحد عشان جعانة اوي والله

 

طب يمين على يمينك ما انت ضايقاها دلوقتيييييييي , لما ننزل ابقي كليييييييي

 

خلاص يا حبيبتي , اقعدي استريحي عقبال ما نلبسوا

 

لا مش هقعد , انا هدخل شقتي احط الحاجات اللي جبتها في المطبخ و اقول لياسمين اني هتأخر بتاع نص ساعة واقولها تخلي بالها من اخواتها , البسي وخبطي عليا عشان نطلع

 

حاضر يا بهيرة , ايّووووووووووووه , ريحة الطعمية ضاربة في نخاشيشي وجرت ريقي , اني هناخدوا قرص واحد نعملوه سندوتش

 

شايفاكِ يا اشجااااااااااان

 

ايّووووووووووووه , اني سيبته اهو , شايفاني ازاي من ورا الباب دي !!!!!!!

 

 

 

 

 

 

 

 

 

 

 

 

 

 

 

 

 

 

 

 

 

يلا يا اشجان اهئ اهئ تعالي نضرب الجرس , يووووووووووه , نسيت اجيب حاجة مهمة ؟

 

نسيتي ايه يا بهيرة ؟

 

نسيت اجيب اللب عشان أأزأز واعيط اهئ اهئ

 

ايّووووووووووه , يعني معقول , الناس حزانا وانتي هتقعدي تأزأزي لب ؟

 

يعني عيب يا اختي ؟

 

ايوة عيب وستين عيب , الناس يستنقصونا

 

طيب خلاص اهئ اهئ اعيط من غير لب وامري لله بقى اهئ اهئئئئئئئئئئئ

 

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررن

 

 

ايوة , اهلا وسهلا

 

اهئ اهئ , اهلا بيكِ يا اختي اهئ اهئئئئئئ انا بهيرة جارة مدام نسرين ودي اشجان جارة مدام نسرين برضو اهئ اهئئئئئئئئئ

 

اهلا وسهلا , فيكو الخير , اتفضلوا , نسرين هانم واصحابها في الصالون

 

اهئ اهئ شكرا , اهئ اهئئئئئئئ تعالي ورايا يا اشجان

 

اني وراكِ اهو , اما اشوف هتوديني لحد فييييين

 

 

اهي مدام نسرين قاعدة منهارة ع الكرسي اللي هناك اهيه وماسكة منديل وبتمسح عنيها يا عيني اهئ اهئئئئئئئ تعالي نروح نواسيها بكلمتين , بس بعد ما نسلم ع الستات الحلوين دول اهئ اهئ , السلام عليكم ورحمة الله وبركاته اهئ اهئئئئئئئ , هاااااااا , هما بيبصولي وما بيردوش السلام ليه يا اشجان ؟

 

يمكن اجانب ما بيعرفوش عربي , هالوووووووووووووووو

 

 

هالو مداااااااااااااااااااااام اهئ اهئئئئئئئئئئئئئئئئئئئئئئئئئئ

 

مش بقولك اجانب يا بهيرة ! عشان تبقي تصدقيني , قالوا هالو في نفس واحد

 

طب تعالي نواسي مدام نسرين اهئ اهئئئئئئئئئ

 

يلا يا بهيرة

 

 

 

مدام نسريييييييييييين

 

اهئ اهئ هاي مدام بهارات اهئ اهئئئئئئئئئئئئئئئئئ شوفتي الكارثة اللي انا فيها مدام بهارات ؟ اهئ اهئ

 

اهئ اهئ معلش يا حبيبتي اهئ اهئ قلبي عندك اهئ اهئ تعالي في حضني اهئ اهئئئئئئئئئئئئ

 

اهئ اهئئئئئئئئئ انتِ رقيقة كتير مدام بهيرة اهئ اهئئئئئئئئئئئئئئ فكرتيني بحضن مامي اهئ اهئ اتفضلي اقعدي

 

اهئ اهئ يزيد فضلك يا حبيبتي , تعالي يا اشجان عزي اختك نسرين اهئ اهئ

 

قلبي عندك يا مدام نسرين , ربنا يجعلها اخر الاحزان يا حبيبتي

 

مرسي مدام أأ مدام وااااااااااااات ؟؟؟؟؟؟

 

اشجان اني اشجااااااااااااااان

 

اهئ اهئ اسمك صعب كتير , انتِ مدام جوجو

 

جوجو ! جوجو جوجو زي بعضه

 

اهئ اهئ تعالي اقعدي يا اشجان اهئ اهئ قصدي يا جوجو يختي اهئ اهئئئئئئئئئ هو كان عيان يا مدام نسرين ؟

 

اهئ اهئ انا مش شوفته مدام بهيرة , لكن قالولي انه في الفترة الاخيرة كان عنده اكتئاب ورافض الاكل اهئ هئ

 

اهئ اهئ لا حول ولا قوة الا بالله , اكيد حد زعله , الزعل يعمل اكتر من كدة , اهئ اهئ جوز خالتي برضو مات بنفس الحالة اهئ اهئ حصل مشاكل بينه وبين اخواته على حتة ارض ورث من ابوهم الله يرحمه , وخناقات ومشاكل بعيد عنك لحد ماجاله اكتئاب ومات اهئ اهئئئئئئئئئئئئئئ

 

 

انتِ رقيقة كتير مدام بهيرة اهئ اهئ

 

اهئ اهئ تعيشي يا حبيبتي , هي الحاجة ام عصام ما جاتش تعزي ؟

 

نوووووووو اهئ اهئ

 

معقووووووول ! يمكن ما حدش قالها

 

نووووووو هي تعرف , صاصو قالها اهئ اهئ

 

 

طيب يا حبيبتي , اسيبك ترتاحي واقعد وانا واشجان في الكرسي اللي هناك ده , وما تعمليش في نفسك كدة , كله الا صحتك , عيالك عايزينك يا اختي اهئ اهئئئئئئئ ربنا يصبرك

 

اهئ اهئ ميرسي مدام بهارات مرسي اهئ اهئ

 

مين دي سينو ؟

 

دي جارتي , بس طيبة كتيررررر , شوفتي قد ايه حنونة وبتعيط على روكي ؟

 

حبيبتي روكي يتحب , كلنا نحب روكي اهئ اهئئئئئئئئ

 

ميرسي هايدي اهئ اهئئئئئئئئئئئئئئئئئ

 

 

 

شايفة يا اشجان ! دي بتقولك الحاجة ام عصام ماجاتش تعزي

 

يمكن زعلانين مع بعض ولا حاجة يا بهيرة

 

لا برضو يا اشجان , الزعل مالوش دعوة بالمناسبات اللي زي دي , بقى الحاجة ام عصام تقصر في واجب زي ده برضو !

 

الله اعلم بظروف الناس يا بهيرة , يمكن مستنية الزحمة تخف وتطلعلها على رواقة

 

يمكن يا اختي , دي حتى سلفتها ماجاتش , معقول كدة !

 

انا اعرف ان علاقتهم ببعض مش ولا بد يعني

 

حتى لو كان يا اشجاااااااااااان , ما ينفعش يا اختي , ده عيب كبير اوي في حقها انها ما تجيش تعزي في ابو سلفتها

 

 

 

 

 

 

تررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

اهلا يا مدام رشا

 

هههههههههههههههههههههه جيت اعمل الواجب , هي نسرين جوا؟

 

ايوة , مع اصحابها وجيرانها في الصالون

 

ههههههههههههههههههههههههههههههه طيب انا داخلالها

 

 

 

الحقي يا بهيرة , دي رشا سلفتها جت اهيه

 

ايه ده يا اشجان ! ديي لابسة فستان احمر !!!!!! حد يعزي وهو لابس احمر برضو ! اخص على كدة الف اخصصصصصصص

 

 

ههههههههههههه هاي عليكو يا جمااااااااااااااااعة

 

هاي مدام

 

نسريييييييييييييييين ههههههههههههههههههههههههههههه يا عيني ع الحزن يا عيني ههههههههههه صعبتي عليااااااااااااا , شوفتي , اهو نفس الاسبوع اللي شمتي فيا عشان رجعت العمارة وسيبت الشقة اللي ع النيل , ربنا عاقبك وخده منك للأبددددددددد هههههههههه بقى انا النيل زهق زهقانات مني وسابني ومشي ! ههههههههههه اهو البتاع بتاعك سابلك الدنيا بحالها وطفش من وشككككككككككككك هههههههههههههههههههههههههههههههههههههههه

 

 

اهئ اهئ انتِ مجرررررررررررمة , انتِ مش ممكن تكوني بني ادماية في قلباتها رحمة اهئ اهئئئئئئئئئئئئئ اطلعي برااااااااااااااااا

 

هههههههههههههههه ومين قالك اني عايزة اقعد

 

 

شايفة يا اشجان ؟ لالالالالا دي كدة زودتها اوووووووووي , انا اللي هقفلهااااااااا , جرا ايه يا رشا يا اختي

 

رشا !!!!!!! ايه رشا دددددددددي

 

هو انتِ ما اسمكيش رشا ! اسفة والله , انا فاكرة ان اسمك فيه حرف الريه وحرف الشين , مش فاكرة بقى , كان اسمك رشيدي ولا رشدي ولا رشوان , اهو كان فيه ريه وشين وخلاص

 

انتِ لما تكلميني تقوليلي مدام رشااااااااا , مش تنادي اسمي مجرد كدددددددددة

 

يا حبيبتي العظمة لله , هو انتِ شايفة نفسك احسن مننا في ايه يعني يا مدام رشدي , زايدة عننا ايد ولا رجل

 

لا , زايدة عننا مناخير يا بهيرة هههههههههه

 

بس يا اشجان احنا في عزا , لما نخرج ابقي فكريني اضحك ههههههههههه

 

انتو اساسا مش من مستوايا عشان اقف اتكلم معاكووووووووو , انا ماشيييييييييية

 

امشي يا شيخة مشش في ركبك , اني ما نحبوهاش الست دي

 

والله فعلا كبرها ده خلى الواحد يكرهها , وكله كوم واللي عملته في سلفتها كوم تاااااااااااني

 

 

 

 

اتفضلوا يا جماعة القهوة السادة

 

اتفضلي يا مدام بهيرة

 

لا يا اختي شكرا , انا مش غريبة , انا صاحبة بيت , واجب عليا انا اللي افرق القهوة , عنك يا حبيبتي الصنية

 

ما يصحش يا مدام بهيرة

 

لا والله ابدا , ده اقل واجب , هاتي يا حبيبتي

 

شكرا يا مدام بهيرة

 

عن اذنك يا اشجان , هفرق القهوة على الحزانا دول , صعبانين عليا والله , عنيهم ورمت من العياط

 

روحي يا بهيرة , طول عمرك صاحبة واجب

 

 

 

اتفضلي القهوة يا حبيبتي , ما نجلكيش في حاجة وحشة

 

اهئ اهئ مرسي مدام

 

 

اتفضلي يا اختي , ربنا يكفيكي شر الحزن والبكا

 

ثانك يو مدام اهئ اهئ

 

 

هووووووو هوووووووو هووووووووو

 

 

اتفضلي يا حبيبتي يا بتاعة الكلب

 

اهئ اهئ ثانك يو مدام , خليها بعدين عشان هقوم اخفف عن نسرين شوية انا وبابسي

 

ربنا يخليهولك , اتفضلي يا مدام يللي المنديل اتهرا من دموعك انت , يا حبيبتي الحزن ما بيرجعش اللي راح

 

اهئ اهئ صعبانة عليا نسرين خالص مدام اهئ اهئ

 

قلبك فيه الخير والله , اهي دي الصحوبية ولا بلاش , اتفضلي القهوة

 

ثانك يو مدام

 

 

 

 

تعالى بابسي اهئ اهئ تعالى عشان نواسي سينو في روكي العزيز

 

سينو حبيبتي , انا جبت بابسي عشان كان صديق شخصي لروكي وكانوا يحبوا بعض كتير

 

اهئ اهئ انا عارفة اهئ اهئ روكي كان يحب بابسي من اعماقيات قلباته اهئ اهئ , هاتيه في حضني عشان احس فيه بحنان روكي اهئ اهئ

 

هوووووووووو هووووووووووو هووووووووووووو

 

تعالى بابسي , سينو عايزة تحضنك , حسسها بحنان روكي من فضلك اهئ اهئ

 

هوووووووووو هوووووووووووو هووووووووووو

 

 

 

يا مدام نسررررررررين

 

ايوة يا لولو اهئ اهئئئئئئئئئ

 

استديو التصوير بعت الصورة بتاعة الفقيد وكبرها وحط عليها شريطة سودة

 

اهئ اهئ شيلي البرواز ده وعلقي صورة روكي مكانه اهئ اهئ

 

حاضر يا مدام

 

 

ايه ده ! الحقي يا اشجان دي الشغالة هتعلق صورة , باين كدة والله اعلم صورة ابو نسرين اللي مات , استني اما الحقها واقولها ما تعلقش صور في البيت عشان بتمنع دخول الملايكة

 

 

 

استني يا اختي ما تعلقيش الصورة استني , يا مدام نسرين , الحزن في القلب يا اختي , بلاش تعلقي صورة باباكِ

 

بابايا !!!!!!!! وانا اعلق صورة بابي ليه ؟

 

الله ! مش باباكِ مات وكبرتي صورة عشان تعلقيها؟

 

بابي انا مات !!!!!! نوووووووووووووو بابي مش مااااااااات , بابي لسة مكلمني في التليفون

 

الله ! اومال مين اللي مااااااااات

 

ده روكي الكلب الولو بتاعي مدام بهارات اهئ اهئئئئئئئئئئ اه يا روكي

 

الكلبببببببببببببب ! بقى انتو ملمومين اللمة دي كلهااااااااا وجايين بعربياتكو ولابسين اسود عشان تعزوا في الكلببببببببببببب

 

ايوة مداااااااااااااااام

 

ايوة مدام !!!!!!!! قومي يا اشجان قووووووووووووومي , مش ابوها اللي مااااااااااااات , ده الكلب بتاعهااااااااا , ال على رأي المثل , الجنازة حارّة والميت كلببببببببببب , يلا يا اشجان يلااااااااا

 

الله يسامحك يا بهيرة , ضيعتي عليا الفلافل السخنة عشان عزا الكلببببببب

 

حقك عليا يا اشجان , بكرة هعوضهالك واجيبلك معاها بتنجان مخلل كمان

 

 

 

 

 

 

 

 

 

 

 

 

تعالي يا اشجان لما نخبط على الحاجة ام عصام اللي طلعت اعقل واحدة فيناااااااااا

 

خبطي يا اختي دي وحشاني اوي

 

ترررررررررررررررررررررررررررررررن ترررررررررررررررررررررررررررررررن

 

مييييييييين

 

 

افتحي يا حاجة , انا بهيرة ومعايا اشجان

 

ههه اهلا حبايبي , اهلا وسهلا , ايه ده ! لابسين اسود في اسود كدة ليه !

 

كنا في عزا الكلب

 

ههههههههههههههههههه لا حول ولا قوة الا بالله , وايه اللي طلعكو يا بهيرة يا بنتي ؟

 

والله يا حاجة ما كنت اعرف ان اللي مات يبقى الكلب , انا كنت فاكرة ان نسيبكو هو اللي مات

 

هههههه لا يا حبيبتي , ده الكلب بتاع مرات عصام , ربنا يهدي الجميع , ازيك يا اشجان يا حبيبتي , انتي كمان طاوعتي بهيرة وطلعتي

 

هههههه ما كناش نعرفوا الحكاية ايه , بهيرة شافت ناس طالعين بيعيطو طلعنا نعيط معاهم

 

ههههه طب اتفضلوا

 

لا يا حاجة معلش , سايبة العيال لوحدهم , خليها مرة تانية , يلا يا اشجان

 

بالإذن يا حاجة

 

 

اتفضلي يا حبيبتي , مع السلامة

 

 

 

 

 

 

 

 

 

عزيززززززززززززة يا عزيززززززززززززززززة

 

ايوة يا دكتورة جيجييييييييييييي

 

خلصتي ترتيب جناح العرايس ؟ هههههه

 

ايوة يا دكتورة ههههه فرشت المفرش الروز اللي حضرتك جبتيه , خلى شكل الاوضة جميييييييييييييل , ذوقك دايما ما يعلاش عليه يا دكتورة

 

ههههه ميرسي يا عزيزة , بس تفتكري هيعجبهم

 

طبعاااااااا , ده فخم اوي , وتقيل تققققققققل , دانا ما كنتش قادرة اشيله من التطريز اللي عليه

 

هههه عجبني اوي قولت اجيبهولهم هدية , وكمان جبت لريم هدوم حلوة اوي حطيتها في دولابها , هتعجبها جداااااااا

 

المهم تعجب وليد ههههه

 

ههههه , طيب يلا قولي للطباخ يخلص الغدا بسرعة عشان وليد وريم على وصووووووول

 

ان شاء الله يا دكتورة , يجوا بالسلامة ياااااااارب

 

يارب يا عزيزة

 

 

 

 

 

 

 

 

 

 

 

 

 

 

 

 

 

 

يلا ياريم وصلنا الفيلااااااااااا ههههه هدي كلاكس عشان يفتحوا الباب

 

 

ههههه وصلنا بسرعة اوي , تخيل ما حسيتش بالطريق خااااااالص

 

ههههههه عشان كنتي نايمة يا حبيبتي هههههه كنت كل شوية انادي , ياريم يا ريم و تقولي هااااا ايوة ايوة صاحية صاحية وتسحبي في النوم تاني ههههه دانتي نمتي نوم يكفيكي اسبوووووووووع

 

هههههه خلاص يا حبيبي , عقابا ليا هفضل طول الاسبوع الجاي صاحية , يلا بقى اضرب كلاكس خليهم يفتحوا عشان تعبانة وعايزة اطلع اناااااااااااام ههههه

 

هههههههه دانتي جبارة

 

 

ههههه

 

, بييييييييييييييييييييب بيييييييييييييييييييييييييييب بيييييييييييييييييييييييييييييب

 

 

اهلالالالالا , حمدالله ع السلامة يا وليد بيييييييه ههههه

 

هههه الله يسلمك يا عبد الواحد

 

حمدالله ع السلامة يا ست هاااااااانم

 

ههه ربنا يخليك , متشكرة اوي يا عم عبد الواحد

 

 

اتفضل يا بيه وانا هقفل البوابة واجي اطلع الشنط

 

ههه ماشي

 

 

 

 

 

 

 

 

يلا يا ريم انزلي , انا عايزك اول ما تشوفي ماما تغمي عنيها وتقوليلها انا مييييييين , عشان تتأكد ان مرات ابنها هبلة ههههههههه

 

هههههههههه كدة ! طيب , عقابا ليك كل يوم هختبر ذكائك واغمي عنيك واسألك انا مييييييين

 

تختبري ذكائي ! اومال لو عايزة تخبري غبائي هتعملي ايه ! هههههه

 

ههههههه حبيبي اذكى رجل في العالم وبيعرف انا مين مجرد ما اغمي عنيه

 

هههههههه حبيبتي ما تخلنيش اتغر واصدق نفسي هههههه يلا نرن الجرس قبل ما اتعدي منك

 

هههههههههه

 

 

تررررررررررررررررررررررررررررررررن ترررررررررررررررررررررررررررررررررررن

 

افتحي يا عزيزززززززززة افتحي , وليد حبيبي وصصصصصصصصل ههههههه

 

هههههه انا رايحة جري اهووووووو

 

اهلا اهلاااااااا بالعرسان الحلووووين ازيك يا وليييييييييد وطي شوية عشان ابوووووسك ههههههه

 

هههههههه ازيك يا دادة وحشتيني , انتِ المفروض تطولي شوية مش كدة يعني ههههه امووووووه اموووووووه وحشتيني يا دادة والله

 

هههه ما تشوفش وحش يا حبيبي , اهلا اهلا بريم هاااااااانم هههههه ازيك يا حبيبتي امووووووه اموووووووه

 

ههههه ربنا يخليكِ يا دادة , وحشتيني خالص

 

انتِ اكتر يا ست العرايس

 

 

ولييييييييييييد ابني حبيبي هههههههه

 

مامااااااااااااااا ههههههه وحشتيني يا قمرررررررر اموووووووه امووووووووه

 

حمدالله ع السلامة حبيبي , ريمممممممم هههههه ازيك يا روح قلبي امووووووه امووووووه

 

ههههه ازيك يا طنط جيجي وحشتيييييييييني

 

انتِ اكتر يا روحي

 

الشنط يا ست هانم

 

طلعهم فوق يا عبد الواحد

 

حاضر يا فندم

 

تعالوا اقعدوا , اعتبروا الفيلا فيلتكو واحنا ضيوف ههههه

 

هههه العفو يا طنط

 

هاااا قوليلي يا ريم , انبسطتي في شهر العسل يا حبيبتي ؟

 

ههه الحمدلله يا طنط

 

انا والله ما كنتش موافقة خالص انكو تقضوه في مصر , تعرفي انا لما اتجوزت , يسري اخدني في شهر العسل ولفينا العاااااااااالم , كنا كل تلات ايام بنغير دولة ههههه حقيقي كانت رحلة ممتعة ما تتنسيش , لينا صور في كل البلدان دي وجمعتها في البوم عائلي

 

هههههه تبقي تفرجيني عليها يا طنط

 

ان شاء الله يا روحي

 

اومال بابا فين يا ماما ؟

 

زمانه جاي حالا , قالي استنوني ع الغدا , اوعوا تتغدوا من غيري ههههه

 

هههههه احنا ما نقدرش نتغدا من غيره , اكيد هنستناه , بعد اذنك يا ماما هنطلع نغير هدومنا

 

اتفضلوا يا حبيبي , عزيزة طلعي عصير كوكتيل في جناح العرسان

 

حاضر يا دكتورة , دانا الفرحة مش سيعاني والله بوجود وليد وعروسته هههه

 

ههه ميرسي يا عزيزة

 

 

 

 

 

 

 

 

 

 

 

 

 

 

 

 

 

السلام عليكم ازيك يا جيجي

 

هههه عليكم السلام يا يسري

 

وليد وريم جم ؟

 

ههههه هو انت ما شوفتش عربية وليد برا يا حبيبي ؟

 

شوفتها , بس انا مش شايفهم قدامي عشان كدة بسأل عليهم

 

ههههه اهم نازلين

 

 

باباااااااااا

 

 

هههههه اهلا يا وليد حمدالله ع السلامة , بالحضن يا ولدددددددد

 

الله يسلمك يا بابا هههههه وحشتني جداااااا

 

انت كمان يا حبيبي , ازيك يا ريم , حمدالله ع السلامة هههه

 

هههه الله يسلمك يا عمو , متشكرة اوي

 

 

يلا يا جيهان قولي لعزيزة تخلي السفرجي يحضر السفرة , اكيد الولاد جعانين جدا , دول جايين من سفر

 

حالا يا يسري , عزيزززززززززززززة

 

نعم يا دكتورة

 

خلي السفرجي يجهز السفرة حالاااااااااااا

 

حاضر يا دكتورررررررة ههههه منور يا وليد انت وعروستك

 

هههه متشكرين يا دادة

 

 

 

 

 

 

 

 

 

 

 

 

يلا يا ريم كلي يا حبيبتي , اكل مراتك يا وليد , باين عليها مكسوفة هههه

 

ابدا يا طنط ههه مش مكسوفة ولا حاجة ااااااه , وليد , ريحة الاكل صعبة اوي مش قادرة اشمها

 

في ايه يا ريم !!!! الاكل جميل جدااااا

 

مش قادرة اشم ريحته

 

في ايه يا ريم يا حبيبتي

 

مممم مافيش حاجة يا طنط

 

بتقول ان ريحة الاكل مش قادرة تشمها

 

ممممم اهااا هههه طيب خدي من طرف الشوكة بتاعتي حتة الاستيك دي , تجننننننن

 

لالالالالا يااااااااه , ريحتها صعبة اوي يا طنط ممممم , عن اذنكو

 

ايه ده ! هي مرات وليد مالها يا جيجي

 

هههه ممممم مش عارفة , او مش متأكدة بالظبط مالها , على العموم ما تستعجلش , اكيد هنتأكد هههه

 

نتأكد من ايه ؟

 

ههههه خد حتة الاستيك دي مني ليك افتح بقك يا يسري ههههه

 

هههه مممممم لذيذة

 

 

مالك يا ريم يا بنتي ؟ هو الاكل ما عجبكيش ؟؟؟؟؟

 

ريحته صعبة اوي يا دادة , جابتلي غثيان , عن اذنك طالعة الجناح بتاعنا

 

هههه اتفضلي

 

طب عن اذنكو هطلع اشوف ريم مالها

 

اقعد كمل اكلك يا ليدو يا حبيبي

 

معلش يا ماما , هطلع اطمن على ريم

 

طيب انا قايمة بقى يا يسري , كمل اكلك يا حبيبي

 

 

دكتورة جيهااااااان ههههه

 

ههه ايوة يا عزيزة

 

خدتي بالك من ريم واللي حصلها ع الغدا

 

هههههه عارفة انك هتتكلمي في الموضوع ده

 

هههه ده باين عليه حصل يا دكتورة

 

هههه بكرة هاخدها واروح لدكتورة إجلال قريبتي واتأكد

 

ان شاء الله تيجي تبشرينا هههه

 

ههه ان شاء الله يا عزيزة , هاتيلنا الشاي في التراس انا ويسري

 

حاضر يا دكتورة

 

 

 

 

 

 

 

 

 

 

 

 

السلام عليكم يا صالحة

 

ههههه اهلا يا دكتور وعليكم السلام

 

خلاص المعزين مشيوا ؟

 

مشيوا من بدري

 

ايه دددددده ! ايه الصورة ددددددددددي

 

دي صورة الكلب الفقيد

 

توووووووووووء اوووووووووووووووف يعني احنا ربنا يخلصنا منه ومن ازعاجه نقوم معلقين صورته بعرض الحييييييييييييطة

 

اعمل ايه بس ! دي اوامر الهانم

 

اوووووووووووووووووووووووف عيشة لاتطاااااااااااااااق , لما هي حزينة عليه كدة ما كانت تحصله وتريحناااااااااا

 

بعد الشر عليها يا دكتور , دي شابة صغيرة ما فرحتش بشابهاااااااااااا

 

اوعي من وشي انتِ كمان , انا هشيل الصورة المؤرفة دددددددددي , انا ناقص اكتئااااااااااااااب , حاطالي صورة الكلب وعليها شريطة سوووووووووودة , ايييييييييييييييه , هتحولي الشقة لمقبرة كلاااااااااااااب

 

تووووووء والله انا خايفة الست تزععععععععل

 

تزعل ولا تتفلقققققققققق , تبقى تاخد الصورة دي تعلقها في الفيلا بتاعة ابوهاااااااااا , هو انا ناقصصصصصص

 

 

طيب طيب , هات الصورة , هات يا دكتور

 

علقي البرواز اللي فيه المنظر الطبيعييييييييي

 

حاضر , حاضر بس اهدا انت وما تعملش في نفسك كدة

 

 

 

 

 

 

 

 

 

مساء الخير يا نسرين

 

انت جيت صاصو ؟ اهئ اهئئئئئئئ شوفت صاصو روكي الرقيق واللي حصله

 

ماشوفتش ومش عايز اشووووووووووووف وما تجيبيش سيرة روكي ده تاااااااااااااااااني , ويكون في علمك الصورة بتاعته شيلتهااااااااا , ابقي علقيها عند ابوووووووووووووكِ

 

اهئ اهئئئئئئئئئ متوووووووووووووووحش , مش ممكن تكون انسان عندك مشاعير واحساسياااااااااات

 

لا ما عنديشششششششش , سيبيني بقى عايز اناااااااااام , وقومي غيري اللون الاسود الكئيب ده والا هخلي اهلك بكرة الصبح يلبسوه علييييييييييييكِ

 

يا ماميييييييييييييي اهئ اهئئئئئئئئئئئئئئئئ اوكيه صاصو , انا هغير هدوماتي واسمع كلامك عشان تعرف اني زوجة صلحانة اهئ اهئئئئئئئ

 

زوجة صلحانة ! قولي زوجة نقطانااااااااااا , زوجة فارسانااااااااااا , زوجة شالناااااااااااااااااااا , يلا غيري الفستان الاسود ده بلاش اررررررررررف

 

اوكيه صاصو اهئ اهئئئئئئئئ بس انا قلبي زعلان منك

 

يزعل ولا يتفلقققققققققققق , دي ما بقتش عيششششششة

 

اهئ اهئئئئئئئئ انا مش هرد عليك عشان موت روكي هدني اهئ اهئ وبقيت ست ضعيفة اهئ اهئئئئئئئئئ اه يا

روووووووكي

 

 

 

 

 

 

 

 

 

 

 

 

على فين يا هاني

 

اوووووووووف على مكتب جلال باشا , اشوف ليه لحد دلوقتي ما اتقبضش على مجدي الزياااااااااات , انا شايف صوره منورة المجلات والجرايد وكأني بطل قووووووووومي

 

ههههه اومال هو ايه ! يا هاني خليك في حاااااااالك , انت عملت اللي عليك , مجدي الزيات بقى لحد عنده واستوووووب

 

لالالالالالالا انا بقى مش هسكتتتتتتتتتتتتت

 

يا ابني ربي عيالك يا ابني هههههه المرة اللي فاتت جاتلك رصاصة في صدرك , المرة دي هيفجرولك العربية وانتو جواهااااااااااا

 

اللي يحصل يحصصصصصصصصصل , عن اذنك يا حاااااازم

 

اتفضل يا سيدي , دماغك ناشفة صحيح ومش هتجيبها لبررررر , امين رضاااااا يا امين رضاااااااا

 

امرك يا حازم باشااااااااا

 

روح هاتلي الواد سواق الميكروباص اللي اسمه عبده ده ولا اسمه ايه

 

ايوة ايوة الواد عبده السريع

 

ايوة يا خويا هو , خليه يجي بالميكروباص بتااااااااااعه

 

حاضر يا حازم بييييييه , اوامرررررررررك

 

 

 

 

 

 

 

 

 

 

تن تن جلال باشاااا , هاني بيه عايز يقابل جنابك

 

اووووووووف ممممم طبعا هيسأل على موضوع مجدي الزيات , ممممم خليه يتفضل

 

اوامرك يا باشااااااا , اتفضل يا هاني بيه

 

شكرا

 

السلام عليكم جلال باشا

 

اهلا يا هاني , ازيك

 

الحمدلله , يا ترى مافيش جديد

 

بخصوص ؟

 

مممم , امجد الزيات

 

لسة يا هاني , لسة شوية

 

لسة لحد امتى ؟؟؟؟؟؟؟

 

بعدين يا هاني , بعدين نتكلم , اتفضل على مكتبك دلوقتي عشان انا شوية كدة وخارج , عندي اجتماع في الداخلية

 

ممممم , طيب , عن اذنك يا جلال باشا

 

اتفضل يا هاني اووووووووووف وبعدين بقى , الولد مصمم , اما اتصل بالمسؤولين اشوف اتصرف ازاي

 

 

 

ترررررررررررررررررررررررررررررررررن تررررررررررررررررررررررررررررررررررررن

 

 

ايوة

 

انا اللوا جلال يا فندم

 

خير يا جلال

 

يا فندم بخصوص امجد الزيات

 

اوووووووووووف , مش قولنا الموضوع ده يتقفل يا جلااااااااال

 

يا فندم انا فاهم , لكن هاني زاهر مش هيفهم الكلام ده , لان امجد الزيات بالنسبة له متهم ولازم يتقدم للعدالة

 

عدالة ايه وبتاع ايه يا جلاااااااااااااال , خلي الولد ده يفووووووووق , لازم يعرف ان في ناس في الدولة خط احمررررررر , ما ينفعش نقرب منهم مهما عملوا ما ينفعشششششششش

 

يا فندم انا فاهم والله , بس انا مش عارف اتصرف مع الولد , اصله متحمس جدا , وما عندوش معاملة الناس بمعيارين , عنده ان كل واحد يجرم مهما كان حجمه او منصبه لازم يتعاقب

 

بقولك ايه , ده واحد من رجالتك وانت من حقك تأدبه وتعرفه حدووووووووده وإلا والله هيكون عقابه على ايدي انااااااااااااااا وده تحذيرررررررررر

 

لالالالالالا ارجوك يا فندممممممم , هاني ده زي ابني ومش عايزه يتأذي

 

يبقى عقّله يا جلااااااااااال

 

حاضر , حاضر يا فندم , هعقله , مع السلامة , وبعدين بقى في هاني ده اللي جايب لنفسه المتاعب وجايبهالنا احنا كماااااااااااااان , لما يبقى يسأل تاني يبقى يحلها ربنا , اووووووووف , اقوم اروح اجتماع الوزارة

 

 

 

 

مممممم انا لازم اتصرف بنفسي في موضوع امجد الزيات ده وبأسرع وقت ممكن , انا بكرة هروح للمغازي السجن واتفاهم معاه واكيد هيتعاون معايااااااااا

 

 

 

 

 

يلا يا عبده , العربية بتاعتك اتشحنت بالركاب اهيه , يلا اتوكل على الله عشان الميكروباص اللي بعدك ياخد دوووووره

 

ماشي , توكلنا على الله , سلامو عليكووووو

 

وعليكم السلام يا اسطى

 

انت يا ولا يا عبدددددددده , استنىىىىىىىىىى

 

 

يا فتاح يا عليم يا رزاق يا كريممممممم , نعم يا حضرة الاميييييييين

 

نزل الناس اللي معاك دي وخدني جنبك واطلع ع القسمممممممممم

 

اييييييييييه ! يا حضرة الامين ليه يا حضرة الاميييييييييين !!!!!!!! دي ساعة صبحية وطالع على رززززززقي

 

بقولك ايه يا ولااااااا , اسمع الكلااممممممممم , حازم بيه هو اللي عايزك

 

ييييييييييييييييييي , انزلوا يا جماعة خدوا المكروباص اللي بعدددددددددي

 

ليه كدة يا اسطىىىىىىىىىى

 

معلش يا جماعة , اصل انا معزوم في القسممممممممممم , اوووووووووووف , استغفر الله العظيم ياااااااااااارب , ارفع عننا الظلم والظالمين ياااااااااااارب

 

 

 

 

 

 

 

تن تن حازم باشااااااااا

 

ادخل يا امين رضا

 

الواد سيد السريع معايا

 

خليه يدخل

 

ادخل يا ولااااااااا

 

اووووووف , حاضر , صباح الفل يا حازم باشا

 

حط مفاتيح المكروباص هنا وامشي من وشي

 

احط مفاتيح المكروباص !!!!! ازاي يا باشاااااااا ! انا ورايا اكل عيش , مش فاضي والله , ازاي اسيب المكروباص بسسسسس !!!!!!! يا بيه انا فاتح بيتين والله , امي وابويا ومراتي وعيااااااااااالي , اصرف عليهم منين بسسسسسسس , انا بخرج عشان رزق يوم بيوووووومه , يعني اليوم اللي ما اشتغلش فيه هجوع واللي في رقبتي هيجوعواااااااااا

 

سمعت اللي قولته يلاااااااااااااا ؟؟؟؟؟؟؟؟؟

 

امرك يا باشا , امرك , طيب يعني اقدر اعدي اخد المكروباص امتى ؟؟؟؟؟؟؟؟

 

اعدي كل يوم اسأل حد من الامنا

 

كل يوم !!!!!! يعني افهم من كدة ان سعادتك يعني هتاخد المكروباص كذا يوم ؟؟؟؟؟؟؟؟؟؟

 

امشي من وشيييييييي , الكلاام انتهىىىىىىىىىىىىىى

 

حاضر يا باشا , امررررررررررك , ربنا ع الظالم والمفتررررررررري , اللهم ينتقم منك يا حازم يا دييييييييييب

شارك هذه المشاركه


رابط المشاركه
شارك

ازيكو يا حلوين

 

ادي الحلقات اهيه ويارب تعجبكو

 

انتظروني بكرة ان شاء الله مع ابطال اسكندرية مخصوص عشان طنشناهم النهاردة ههههههه

 

ادهم وعصابته

 

اوسا وسامي ابو عين زايغة

 

عادل وسعاد

 

عائلة الحاج حامد وغيرهم من ابطال اسكندرية مع احداث ساخنة ان شاء الله

 

 

 

فين ام بشار وعبد

 

فين ام عبد الرحمن وجنة

 

فين فاتن

 

بنوتة مسلمة مصرية اللي بترد كل شهر مرة على نفسنا ههههههه

 

ليكو وحشة يا قمامير

 

 

منورين كلكو يا بنات , عايزة تفاعل مع الحلقات عشان هتسخن اكتر واكتر ان شاء الله ههههههههه

شارك هذه المشاركه


رابط المشاركه
شارك

أعترض وبشدة على قلة الحلقات

وعلى قصر حجمها

وعلى الفترة المتبااااعدة أيام وأيام بين الحلقات .

 

: (((

 

وكل شوية هدوء تدخل تعتذر

: (((

 

يعني بعد ما اتعلقت بالحلقات وبقيت انتظرها بشغف بقيتي حضرتك مش بتدخلي تحطي كتير : ((

 

وفي أول الموضوع اللهم بارك , كان يوميا حلقتين طُوال , : (((((

دلوقتي كشّوا كإنهم جالهم جفاف : (

 

والله غصب عني يا لولووووو

 

وبعدين اذا كانت الحلقات جالها جفاف فانتي دكتورة اكيد هتديلها محلول ههههههههه

 

كان في اعلان زمان بيقول ان جاله جفاف اديله محلول هههههههه كنتي صغيرة انتي ما شوفتيوهش ههههههه

 

 

ادي يا ستي الحلقات

 

دعواتك بالتيسير حبيبتي

شارك هذه المشاركه


رابط المشاركه
شارك

انت عارفه انى بسيب الواجبات المتلتله ال وراياا واجى عشان اقرا الحلقات بحس بتفصلنى عن الواقع شويه هههههههه

مممممم !!طبعا ده مش صح

ربنا يهدينى :)

انت عارفه انى بسيب الواجبات المتلتله ال وراياا واجى عشان اقرا الحلقات بحس بتفصلنى عن الواقع شويه هههههههه

مممممم !!طبعا ده مش صح

ربنا يهدينى :)

 

ليه بتسميه فصل عن الواقع !

 

اسمها بتستفيدي من تجارب غيرك في واقعهم هما , لما يغلطو تتجنبي خطأهم ولما بيعملوا حاجة كويسة بتستفيدي منهم

 

انا عن نفسي بستفيد من الابطال بتوعي كتير , وبستمتع بفصل نفسي عن الواقع وقت الكتابة هههههههه

 

انتظري الحلقة التانية يا امومة انتي والاخوات الحبيبات ان شاء الله بعد قليل

اقصد انى بنسى كل ال ورايا من أول ماابتدى اقرا الحلقات وكمان بتفرق فى معنوياتى شويه

شارك هذه المشاركه


رابط المشاركه
شارك

حلقات جميلة وممتعة

 

ضحكت ضحك على نسرين لما قالت

هي الطبول راحت فين؟!

هههههههههههه

 

شمتت فيها ان الكلب مات

 

 

حازم خائن للأمانة وظالم

 

نترقب الحلقات غدًا

 

خايفة على خالد وضحى

تم تعديل بواسطة ** أم المنذر **

شارك هذه المشاركه


رابط المشاركه
شارك

ياااااه اخيرا خلصت يا هبه متكتريش الحلقات

 

موقف صعب لعصام بس يستاهل

 

فررررحت ان الكلب مات الحمد لله

خدوها عشان عندهم فررررررررح , يا لهوي , دانتي تخلي الواحد يحرم يتكلم معااكِ , قومي يا حبيبتي , قومي الله يقويكِ ويساعدك

هههههههه حلوه دى

وصالحه دى عجبانى طريقتها وحنيتها لللاولاد كمان

 

منال مش حاسه بزوجها حته وهو عيان اتلاقى بنتها بتقضيها نوم عشان تهرب من الزعيق والعرايك

 

هانى برضه مصمم وشكله هيترفد او يتسجن بقى ، كمان الزيات لما يعرف ان هانى السبب فى كشفهم ممكن يعمل فيه حاجه من دلوقتى

شارك هذه المشاركه


رابط المشاركه
شارك

تسلم ايدك يا هوبة النهاردة نسرين ابدعت ههههههه فعلا زوجة صلحانه. ورد عصام عليها ضحكني اووووي نقطانا فرسانا هههههه

بس نسرين احسن من رشا بكتير وممكن ييجي منها بقت بتسمع كلام جوزها لما يتنرفز ...

بس لما كلبها مااات الصراحة اتصدمت انا كماااان ههههه انا طبعا عارفه ان مش ينفع نربي كلب للدلع غير كلب الحراسة والصيد بس مش عارفه اتخضيت اول ما قراات مااااات ههههه

 

وبالنسبة لامجد الزيات ده ربنا ينتقم من كل الي زية يعملوا كل الي هما عاوزينه ومفيش اي حد يحاسبهم علشان كده نهايتهم بتبقي سيئة ربنا يعافينا ويرزقنا جميعا حسن الخاتمة ....

وحازم برضة مفتري علي الناس ومش بيراعي ربنا خالص ربنا يخلصنا من امثالهم...

 

مستنينك بكرة

واوعي تسمعي كلام ساره وتصغري الحلقات الحلقات الصغيرة بتنرفز الواحد يدوب لسة مندمجين وفرحانين مع الاحداث فجأأه. الحلقات خلصت ...خليها كبيرة علشان خاطرنا يا هوبة

 

وانتي يا سرسرة قسميها ومش تقرأيها مرة واحدة علشان عينك يا جميلة واوعي تطالبي تاااااني بتقصير الحلقااااااات ماااااااااشي

 

وقد اعذر من انذر

 

 

ههههههه

 

 

شارك هذه المشاركه


رابط المشاركه
شارك

السلام عليكم.

حلقات رائعة وشيقة كالعادة خالتو بوركت أسعدني سؤالك عني بس انا معلقتش لان عندي مشكلة فالنت.

وفي انتظار باقي الحلقات

 

شارك هذه المشاركه


رابط المشاركه
شارك

حلقات جمييييييييله ياهوبه

تسلمى ياعسل

فرحت فى عصومة والكبسه ال أخدها,والحمد لله ان الراجل ماعطهوش بونية فى وشه

نسرين واصحابها عايشين فى عالم تانى

ضحكت على بهيرة وهى اخده اشجان وطالعة تعزى فى الكلب

ورشا متكبرة جداااا كرهت الناس كلها فيها

ربنا يستر على هانى شكله هيجيب المشاكل لنفسه

مبروك لريم مقدما عقبال هيام يارب

معلش ياهوبه ماعلقتش بقالى كام يوم ,كان عندى ظروف بس متابعة الحلقات يوميا من الموبايل

تسلمى ع السؤال يا حبيبتى.

شارك هذه المشاركه


رابط المشاركه
شارك

حلقات رائعة كالعادة

يسلم عقلك اختي الغاية هبة

 

احم احم اوضح فكرة الاخوات اللواتي لم تعجبهن بهيرة في معاملتها مع ابنتها

انا فهمت فكرة الاخوات هنا لا يعارضن فكرة تعليم الفتاة من الصغر

هن يعارضن فكرة ان تطلبي من الفتاة عمل اشياء اكبر منها وخطيرة

يعني تقربيها من البوتاجاز وخصوص وانت ليست بجوارها

وكذلك حضانة الاطفال

يعني تترك ااولاد معها وتروح عند الجارة

د بنتها نفسها طفلة بدها الي يحرسها

 

انا لا اعارض فكرة تعليم الفتاة من الصغر

بل احث عليهه ولكن ثم اقول ولكن

علموهن بالتدريج والاشياء الي ما فيها خطر

 

يعني والله اللقطة التي ذكرتها في الحلقة خوفتني

اقصد حين تركت بهيرة الاولاد الصغار مع البنت الاكبرى

ولما رجعت البنت وجدت الولد الصغير في داخل حوض الماء

الحمد لله لم يغرق

هذا شيء خطير بالنسبة لي

 

 

انا من رايي تعلم البنت الصغيرة

تبدا معها مثلا برتيت غرفتها ووضع احذيتها في المكان الصحيح وتزيد لها المسؤوايات بشوي شوي

يعني مثلا بنت بهيرة ما فيها مشكلة تطبعم اخوها

 

تكنس شوي. تجمع الاواني .تمسح الطاولة .تاخذ الملابس المطوية الى غرف النوم .تنشر الملابس مع الام .تعمل كيكة طبعا بحضور الام

 

يعني انا اعطي امثلة هههههه.

 

 

راح اعطيكم مثال حي

 

انا بنتي عمرها تقريبا 7 سنوات

 

علمتها كيف تنضف نفسها اقصد الاستنجاء وان شاء الله عما قريب ابدا معها في الوضوء

والان هي في طور تعلم كيفية غسل شعرها .

تعرف ترتب سريرها وسريها اختها

ترتب العابها هي واختها الصغرى5( ستوات)

تجمع الاواني

مرات تحب غسل الاواني بس انا اعطيها الاواني البلاستيكية والحديدية فقط.

تعرف مسح الطاولة

احيانا تلبس اخاها الملاس

واحيانا تساعد اختها الصغيرة

تحب طي الملابس يعني طيها ليس بعدفي المستوى ,ما زالت صغيرة

لكن انا اتركها تطوي لتتعلم

تضع الملابس في عرف النوم

وتحب ان ترايني وانا اعمل في المطبخ

تحب ان تعمل معي الحلويات

مرت تركتها تعمل طورطة

يعني هي قامت بالشياء التي تناسب سنها والباقي كنت اعمله انا

وكانت جد سعيدة بطورتطها

انا جبتلكن صورتها ههههه

post-17499-0-76564200-1416304632.jpg

 

post-17499-0-81988700-1416304652.jpg

 

post-17499-0-21849500-1416304677.jpg

 

post-17499-0-32511600-1416304688.jpg

 

post-17499-0-13869500-1416304798_thumb.jpg

 

 

 

 

 

 

 

 

 

انا الحمد لله في بيت امي كنت اساعدها كتير

بس الاشياء اللي في مقدوري ومناسبة لسني

ولما جيت على بيت زوجي لم تواجهني مشكلة مع عمل البيت بالعكس قل هههههه

 

 

ان شاء تكونو فهمتوا فكرة الاخوات اللواتي عارضوا فكرة بهيرة

هن عارضنها في نوع المسؤواية التي توكلها لبنتها.

 

الله يعيننا على تربية اولادنا تربية حسنة

  • معجبة 7

شارك هذه المشاركه


رابط المشاركه
شارك

في الدول الاوروبية من تترك أبناؤها في البيت وحدهم بدون شخص يكون عمره اكبر من 13 سنة، يتعرض الوالدين للمسائلة القانونية وممكن يأخذوا منهم الاولاد لانهم ليسوا كفء بهم

 

لانهم يعتبروا من هو اصغر من ذلك طفل لا يتحمل المسئولية

  • معجبة 2

شارك هذه المشاركه


رابط المشاركه
شارك

هههههه اصل انا مش بقدر اقسم قراءة الحلقات يا قرانى حياتى

ببقى طالما فى حلقات موجوده بعوز اخلصها عشان استريح وابقى ماشيه معاكم وإلآ كده هابقى متأخره عنكم

وامبارح خد بدايات زعيق شويه بسبب السهر هههه

 

صح يا ام ايه احنا مش معارضين تعليم البنات فى الصغر بس يكون حاجه على أدهم

وحتى لو قلتلها خلى بالك من اللى على النار اكون معاها فى الشقه مش فى شقه تانيه عشان لو حصل نار فجأة أو أى خطر

الله يباركلك فى ايه واخواتها ( :

شارك هذه المشاركه


رابط المشاركه
شارك

السلام عليكم

الحلقات طويلة الحمد لله سلمت يداك هبة

أم آية رأيك صحيح يا غالية ربنا يبارك لك فى أبنائك

فرحانة فى عصام إنه إتكبس يستاهل...

رشا دى مغرورة جدا ده جوزها الضابط متواضع عنها

بهيرة وأشجان خدوا مقلب تمام ههه

ريم شكلها حامل ...

نسرين أنا مش عارفة أقول فيها إيه دى ما كنش ليها جواز بس عصام يستاهل مش هو بيدور على المال والجاه ....

طارق زودها بصراحة مش للدرجة دى المفروض إن مراته ليها حق عليه..

شارك هذه المشاركه


رابط المشاركه
شارك

السلام عليكم و رحمة الله و بركاته

جزاك الله خيرا أختي هبة

أعجبتني الحلقات كثيرا

فرحينا بزواج خالد و ضحى ربنا يبعد عنهم شر أدهم

شارك هذه المشاركه


رابط المشاركه
شارك

@@~ أم العبادلة ~

معك حق اختي أم العبادلة

مرة أخبرتني ابنةعمي عن جارة لها

قالت لي أن هذه الجارة تحب الخروج وترك أطفالها الصغار بالبيت

مرة ال اطفال استيقظوا ولم يجدوا امهم فبدأوا بالبكاء وفتحوا باب البلكونه وهم يبكون

المهم أحدهم اتصل بالشرطة وحضرت

وانتظروا حتى عادت ال ام

حين عادت قالوا لها هذه آخر مرة

اذا أعدت ال امر سنأخذ منك ال اول اد.

 

ومنذ ايام أخبرتني أيضا ابنة عمي هذه

أن امرأة كان عندها طفلين

تريد عمل stage لكنها ى تجد مع من تترك أطفالها

المهم في يوم بالليل تركت ال اطفال بالبيت وخرجت لعمل stage(مدته على ما أذكر ساعة ونصف)

أثناء غيابها قامت حريةة في البناية وماتا الطفلين بسبب الدخان.

امهمأ حكم عليها بالسجن لمدة سنة بتهمة القتل الغير العمد

وابوهم حكم عليه بالسجن 5سنوات

ال اب ظهر انه بدون عمل ولم يبقى مع أطفاله.

 

 

القصة أل اولى لمسلمة

 

القصة الثانية ل امرأة غير مسلمة ل ا ادري ان كانت نصرانية أو من غير دين

  • معجبة 1

شارك هذه المشاركه


رابط المشاركه
شارك

اهئ اهئ اهئ .ربنا يسامحك يا هبة .روكي دا شخصية عزيزة جدا على قلوبنا .تموتي ليه .دا عشرة عمر .3 اجزاء من المسلسل وهو موجود معانا .

اهئ اهئ تحرمينا منه ليه .اهئ اهئ .

هههههههه مش تصدقوا .

بصراحة تصوير رائع للمشهد وكأننا موجودين معهم وتمثلين لنا مشاعرهم .لكن لا اقول الا كما قالت فهيمة مرت عواد ...كلامها مثل الواقع .

اصبح عندي قليل من الامل ان تتحسن نسرين وبمعاونة الدادة الجديدة صالحة .

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏من سورة النحل [99] ﴿ إِنَّهُ لَيْسَ لَهُ سُلْطَانٌ عَلَى الَّذِينَ آَمَنُوا وَعَلَى رَبِّهِمْ يَتَوَكَّلُونَ ﴾ لا يقوى تسلُّط الشيطان على الإنسان إلا مع ضعف الإيمان، وإذا قوي الإيمان ضعف تسلّطه. دُرَر الطَّريفِي

×