بشرى رائد 6 أرسلي تقرير عن المشاركة قامت بالمشاركة 27 مايو, 2014 قِصَّة وَعِبْرَة ... أنا و أخوي كنا أعداء في صغرنا حتى لما كبرنا ... كانت الوالدة رحمة الله عليها تقول : يا عيالي أنتم اخوان مالكم غير بعض ، ومهما وقفوا معكم الناس ، هم ناس يا عيالي . والوالد رحمة الله عليه كان دائما زعلان علينا ، ما يكلمنا و كلامه معنا رسمي جدًا . ، والسبب عداواتي أنا و أخوي . كان دائما يقول للوالدة : الله يهديهم ، ورح يجي اليوم الي يعرفون قيمة بعضهم ، ويتذكروا كلامنا أنه الأخ ما يتعوض ، ولو تألم واحد فيهم قال : أخ ، ما قال : صاحبي أو صديقي . وتزوجنا أنا وأخوي و زادت عداوتنا حتى زوجاتنا يوم يجتمعوا في بيت أبوي تصير مشاكل . و أمي و أبوي احتاروا معنا كثير ويخافون يوقفوا مع أحد يزعل الثاني . واستمرينا على هالحال ، ماتت أمي وبعدها أبوي بخمسة سنين ، وبِعْنا أملاك أبوي وكل واحد فينا أخذ حقه . وما عاد أحد فينا يدري عن الآخر، كبروا عيالنا ، ولو يتقابلون والله محد درى عن الثاني . وفي يوم من الأيام ... دخلت في الأسهم وخسرت كل الي وراي وقدامي و حالتي صارت تصعب أكثر و أكثر ... مرضت بمرض السكري و مع الضغوط صابتني جلطة أفقدتني عيني اليمين . من كثر التفكير في حالي وفي عيالي أني ضيعت كل شي في لحظة طمع ... و في يوم وأنا أصلي الفجر بكيت ودعيت ربي ، وقلت يا رب ارحم أمي و أبوي وارحم ضعفي وقلة حيلتي وعوضني خير ،،، إلا شوي و أشوف صديق لي قديم جارنا و حنا صغار ، سلم علي و عرف عني كل شي . وبعد أسبوع زارني صديقي في بيتي ، وقال : أبي منك طلب ، قلت : أبشر . قال : هذا شيك 500000 ألف ريال ، ابدأ حياتك من أول وجديد ، ويوم ربي يفرجها عليك اعتبرها دين . سويت لي منها مشروع صغير والحمد لله ربي عوضني باللي فقدته . وكل يوم أشكر ربي ألف مرة ... وفي يوم أتفاجأ بصديقي يزورني ويقول لي : أنا جيتك بأمر ضروري ما يحتمل تأجيل ، قلت : اذا على الفلوس ابشر يالغالي ترى الحمد لله ربك فرجها . قال : الأمر أكبر بكثير ، قلت : وش السالفة . ، قال : ترى الي أعطاك الفلوس أخوك ، وقال يا فلان أسألك بالله هذا سر بيني وبينك ، ما أقدر أترك أخوي محتاج ، و أنا أطالع أخوي ، خذ هالمبلغ و أعطيه لأخوي ولااا يدري أنه مني . وترى أنا اليوم جيتك عشان تزور أخوك في المستشفى تراه بين الحياة والموت ، على الأقل روح تسامح أنت و أخوك ، ترى أخوك يحبك . رحت أركض للمستشفى و دموعي تغسل كره السنين لأخوي ولد أمي و أبوي . دخلت غرفة الإنعاش ، و أشوف أخوي في كل جسمه أجهزة ، مسكت يده وحبيت راسه وقلت : سامحني .، فتح عيونه وطالعني الا دمعه نزلت من عيونه ، وضم يده ليدي وشهق أنفاسه الأخيرة ... أخوي مات كان ينتظر حضوري ، مات بين يدي . كل جمعة أمر على قبره و أبكي ، و أتذكر كلام أمي ( يا عيالي أنتم اخوان ) . من وقف معي في شدتي إلا أخوي . الأخ لا يعوض ... ( ربنا لا تؤاخذنا إن نسينا أو أخطأنا ) شارك هذه المشاركه رابط المشاركه شارك
راماس 860 أرسلي تقرير عن المشاركة قامت بالمشاركة 27 مايو, 2014 وعليكم السلام ورحمة الله وبركاته قصة محزنة والله المستعان ليسوا هم أول ولا اخر الاخوة المعادين لبعضهم توجد منهم الامثلة الكثيرة اتعجب صراحة كيف ان اخوين يصلون لهذا الحد من الكره ؟!!!! الحنان والمحبة ورقة القلب لا تباع ولا تشترى هي هبة من الله عز وجل فنسال الله ان يجعلنا ممن يتصفون بهذه الصفات الحسنة بارك الله بكِ اختنا الحبيبة على النقل شارك هذه المشاركه رابط المشاركه شارك
همسات في صمت 101 أرسلي تقرير عن المشاركة قامت بالمشاركة 27 مايو, 2014 عليكم السلام ورحمة الله وبركاته جزاكي الله خيرا اختي الغاليه قصه معبره جدا بارك الله فيكي شارك هذه المشاركه رابط المشاركه شارك
Nagwa Osman 7 أرسلي تقرير عن المشاركة قامت بالمشاركة 28 مايو, 2014 هذه القصه تتكرر كثيرا في حياتنا ويدخل اصدقاء السوء والشيطان للايقاع بين الاخوه أسال الله لنا الهدايه جميعا شارك هذه المشاركه رابط المشاركه شارك
